Merknadsoversikt for varsel om planoppstart Plan 20170010 - Detaljregulering for utviding av Landro gravplass, gnr. 24 bnr. 7 m.fl., Landro, Fjell kommune Datert: 26.02.2018 Under varsling om planoppstart i perioden 16.10.2017 29.11.2017 er det kome inn 6 fråsegner frå følgjande høyringsparter: Offentlege myndigheiter og interesseorganisasjonar - Fylkesmannen i Hordaland, datert 19.10.2017 - Statens vegvesen, datert 26.10.2017 - Hordaland fylkeskommune, plan, datert 24.11.2017 - FjellVAR AS, datert 21.11.2017 Grunneigarar og andre rettighetshavere - Hans Dyrøy, datert 22.11.2017 - Åge Dyrøy, datert 28.11.2017 Offentlege myndigheiter og interesseorganisasjonar Fylkesmannen i Hordaland, datert 19.10.2017 - Fylkesmannen har ingen særskilte merknader til plansaka i denne fasen av planprosessen, men legg til grunn at varsla utviding av gravplass er i samsvar med gjeldande kommuneplan i Fjell. - Tatt til orientering. Utvidinga av areal for gravplass er i samsvar med arealdelen til gjeldande kommuneplan for Fjell. For å kunna ha fleksibilitet under planarbeidet og unngå behov for ny varsling er derimot området som er varsla større enn det som er den endelege plangrensa. Statens vegvesen, datert 26.10.2017 - Statens vegvesen har ikkje vesentlege merknader til plansaka, og ser det som positivt at det vert lagt opp til tilbod til mjuke trafikantar langs nordsida av gravplassen fram til fv 211 Landrovegen, og vil tilrå at slikt tiltak vert regulert og bygd. - Dei føreset at handbok N100 frå Vegdirektoratet vert lagt til grunn ved utarbeiding av trafikale løysingar i reguleringsplanen. - Tatt til orientering. side 1
- Delvis tatt til følgje. Standard i N100 er lagt til grunn for regulering av Fv211. Kommunal veg har ein ÅDT på 251, ei framskriving av ÅDT vil mest sannsynleg vere mindre enn 1500. Valt breidde på kommunal køyreveg sikrar at to bilar kan møtast, samtstundes som det vert regulert inn møteplassar langs vegen. Ut frå dette er det vurdert som forsvarleg å regulere ei vegbreidde på 4 m. Hordaland fylkeskommune, plan, datert 24.11.2017 - I det vidare arbeidet vil fylkeskommunen leggja særleg vekt på: Areal og transport, barn og unges interesser, arkitektur og estetikk, folkehelse, friluftsliv, klima og energi, landskap, naturmangfald, kulturminne og kulturmiljø, ROS, samferdsel og universell utforming. - Fylkeskommunen er generelt kritiske til planlegging i strid med kommuneplan. - Det må takast omsyn til viktige regionale friluftsområde Fuglavatnet Harpefjellet som planområdet er ein del av, ved å sikra grøntstruktur, allmenn ferdsel og tilgjenge. - Planlegginga må sikra at byggjetiltak og infrastruktur innordnar seg dei fysiske omgjevnadane, og det må takast omsyn til landskap og terreng i det vidare planarbeidet. Minner om at planområdet ligg innanfor det regionale landskapsområdet Landro. - I arbeidet med utviding av gravplassen er det viktig å planleggja for universell utforming. I denne saka handlar det fyrst og fremst om fysisk tilgjengelegheit. - Minner om at dokumentasjon av kulturminne og kulturmiljø skal gjerast på eit tidleg stadium i all arealplanlegging, og ber om at eventuelle kulturminneinteresser vert omtalte, verneverdiane vurderte og tekne omsyn til i det vidare planarbeidet. Fylkeskommunen har i dag ikkje kjennskap til automatisk freda kulturminne eller andre verneverdige kulturminne i planområdet. Vi ber om at ein under opparbeiding av feltet søkjer å unngå inngrep i/skade på eventuelle kulturlandskapstrekk som steingardar, eldre vegar/stiar, bakkemurar, tufter, eldre driftsbygningar m.m. - I oppsummeringa ber fylkeskommunen om at planarbeidet legg særleg vekt på arkitektur og estetikk, friluftsliv, folkehelse, kulturminne og kulturmiljø, landskap, naturmangfald og universell utforming. Forslagsstillars kommentar: - Tatt til følge. Temaene er lagt til grunn i planarbeidet, og er omtala i planskildringa i tråd med kommunen si sjekkliste. - Tatt til følge. Planlegginga i området er i samsvar med Fjell kommune sin gjeldande kommuneplan. - Tatt til følge. Omsyn til grøntstruktur og allmenn ferdsel er sikra gjennom gangforbindelsar mellom Kv Landrodalen og nærturområde Angeltveit i sør. - Tatt til følge. Omsyn til landskap og terreng er sikra ved at ein mellom anna unngår terrenginngrep i fjellskråningane. - Tatt til følge. Det er lagt til rette for universelt utforma tilkomst og gangvegar innanfor ny gravplass. - Tatt til følge. Kulturminneinteresser er omtalte og verneverdiane er vurderte og tekne omsyn til i planframlegget. Den SEFRAK-registrerte løa/skjenefloren sin status er avklart med fylkeskonservator, som er positiv til bruk av løa som reiskapsbygg. side 2
- Tatt til følge. Nemnde omsyn er lagt særleg vekt på i planframlegget. FjellVAR AS, datert 21.11.2017 - FjellVAR har planlagt vassleidning i Landrovegen, og ønskjer å leggje leidningen samstundes med etablering av gang- og sykkelveg. - Tatt til følge. Planlagt vassleidning i Kv Landrovegen er samkøyrd med reguleringsarbeidet, og det er utarbeida eigen VA-rammeplan for planområdet. Grunneigarar og andre rettighetshavere Hans Dyrøy, gnr. 24 bnr. 7, datert 22.11.2017 - Utvidinga i aust, mot bnr. 5, vil dela eigedomen 24/7 i to. Det er difor av stor viktigheit at 24/7 har eit område på minimum 6 meter mot 24/5 igjen i aust. Dette må vidareførast som ein endeleg og varig avgjersle dersom det kjem ei seinare utviding også. - 24/7 har privat kloakkleidning som ligg frå austre enden av dagens gravplass, til fv.211, saman med vassleidning. Begge går opp til Landrodalen nr. 22-36. Begge desse må ivaretakast, eventuelt skiftast til offentleg vass- og kloakkleidning, då med avstikkar opp til Landrodalen nr. 36. Då vil ein kunne knyta saman vassleidning i Landrovegen med vassleidning i Barneshaugen. - Landrodalens vegstandard må utbetrast samstundes med utvidinga av gravplassen. Det er viktig av vegen vert utbetra med eige gangfelt av omsyn til trygg skuleveg. - Privat utkøyrsel i Landrodalen frå Landrodalen nr. 22-36 må ivaretakast med frisikt, og eventuelt utvidast. Veglys aust for avkøyrsel bør vurderast flytta lenger aust, samstundes med utviding av veg og gravplass. side 3
1. Gjenståande areal 2. Kloakk- og vassleidning 3. Utbetring av veg 4. Utbetring av avkøyrsel - Tatt til følge. Eit areal på minimum 6 meter mot 24/5 i aust er sikra i planframlegget innanfor reguleringsføremål LNFR. - Tatt til følge. I høve til privat vass- og kloakkleidning er dette ivareteke og løysingane framkjem i VA-rammeplanen. - Tatt til følge. Utbetring av vegen samstundes med utvidinga av gravplassen er ein naturleg del av plan- og prosjekteringsarbeidet. Det er planlagd for eige fortau langs sørsida av vegen. - Tatt til følge. Privat utkøyrsel i Kv Landrodalen er regulert i henhold til gjeldande standard og det er teke med føresegner for oppstramming av kryss. Plassering av veglys og eventuell flytting blir klart gjennom prosjektering av veg. Åge Dyrøy, Landrodalen 32, datert 28.11.2017 - Som følgje av auke i bruken av området ved utviding av gravplassen er det også forventa auke i trafikk, herunder gjennom anleggsperioden, noko som vil medføra auke i risiko. Det vert påpeika at utbetring av denne vegen ikkje må ignorerast i planleggjing og gjennomføring av dette tiltaket. Vegstandarden i Landrodalen er særs dårleg: Smal veg med hyppig rygging av køyretøy Få og dårlege møteplasser side 4
Særs dårleg drenering Erosjon av vegskulder grunna dårleg drenering og tung trafikk Høg vegskulder som aukar risiko for både fotgjengarar og køyretøy Vegen er skuleveg til Landro skule, og det går bussruter gjennom dalen. Antal bussruter vert antakeleg auka når Misje skule vert lagd ned og elevane skal overførast til Landro. Det vert uttrykt bekymring for auka risiko for personskade på skuleelevar/fotgjengarar i anleggsperioden når det gjeld anleggsmaskinar, busstrafikk, personbiltrafikk (levering/henting skulen) m.v. Ved stenging av fv.211 vert Landrodalen nytta som omkjøyringsveg, noko som eventuelt vil auka risikoen for mjuke trafikantar. Her er ingen alternative veger som kan nyttast. - Dei siste åra har det vore ei merkbar auke i intensiteten på nedbør som kjem ned frå utmark og ned til vegen. Til tider er det eit lite elveleie som renner gjennom dalen. Ber om at tiltaket tek med i si vurdering korleis dette skal løysast. - Ved større hendingar i kyrkja eller ved større gravferder vert det parkert bilar langsmed Landrodalen, ettersom kapasiteten ved eksisterande parkeringsplass er sprengt. - Tatt til følge. Utbetring av vegen samstundes med utvidinga av gravplassen er ein naturleg del av plan- og prosjekteringsarbeidet. Det er planlagd for eige fortau langs vegen. I anleggsperioden vil det bli sikra trygg ferdsel, som ledd i prosjektet. Dette er ivareteke i føresegnene. - Tatt til følge. Omsyn til overvatn er løyst i framlegg til VA-rammeplan. - Tatt delvis til følge. I høve til parkering er det vist til mogelegheiter for utviding av eksisterande parkeringsplass ved eksisterande kyrkjegard. Ved større samlingar i kyrkja skal parkeringsplassen på skulen verta nytta. side 5