Side 2 av 8 Saksutgreiing til folkevalde organ Dato: Arkivref: 12.10.2017 2015/2083 25083/2017 / 504 Saksbehandlar: Linda Djuvik 53423156 linda.djuvik@bomlo.kommune.no Sak nr i møte Utval Møtedato 127/17 Utval for areal og samferdsel 22.11.2017 121/17 Kommunestyret 04.12.2017 PRIVAT DETALJREGULERINGSPLAN NAUSTOMRÅDE LETTVIK 4/153 M.FL. HIDLE PLANID 201516 Rådmannen sitt framlegg til vedtak: 1. Kommunestyret vedtek med heimel i Plan og bygningslova 12 3 privat detaljreguleringsplan for naustområde med tilhøyrande kai, flytebryggjer og parkeringsplassar på gnr. 4, bnr. 153 m.fl. Hidle i Bømlo datert 15.05.2017 med tilhøyrande reguleringsføresegner revidert 26.10.2017. 2. Reguleringsplanen er rettsleg bindande utan stadfesting frå statleg styresmakt. Saksprotokoll i Utval for areal og samferdsel 22.11.2017 Innstilling: Utval for areal og samferdsel innstiller samrøystes overfor kommunestyret i samsvar med rådmannen sitt framlegg. Saksprotokoll i Kommunestyret 04.12.2017 Vedtak: Kommunestyret gjorde samrøystes vedtak i samsvar med rådmannen sitt framlegg. Dokument i saka: Reguleringsføresegner revidert dato 26.10.2017 Plankart dato 15.05.2017 Brev frå Fylkesmannen i Hordaland dato 22.06.2017 Brev frå Norges vassdrags og energidirektorat (NVE) dato 04.07.2017 Brev frå Statens vegvesen region vest dato 06.07.2017 Brev frå Helga F. og Gunnar T. Bondevik (gnr. 4, bnr. 18) dato 15.07.2017
Side 3 av 8 Brev frå Bergens sjøfartsmuseum dato 23.08.2017 Brev frå Hordaland fylkeskommune dato 06.10.2017 Bakgrunn for saka: Utval for areal og samferdsel har i møte 07.06.2017 sak PS 52/17 vedteke at framlegg til privat detaljreguleringsplan for naustområde Lettvik gnr. 4, bnr. 153 m.fl. vart utlagt til offentleg gjennomsyn. Denne reguleringsplanen har vore på høyring frå 21.06.2017 til 05.10.2017 med utsett høyringsfrist og er no klar for politisk handsaming. J. Tufteland AS v/øystein Tufteland har på vegne av Svein Trygve Larsen m.fl. laga framlegg til reguleringsplan. Frå planleggjar sin omtale tek me med: PLANSTATUS: Kommuneplan I gjeldande kommuneplan er området vist som naustområde og bustadområde. Sjøområdet mot vest er vist som bruk og vern av sjø og vassdrag med tilhøyrande strandsone. Sidan det er plass til meir enn 4 naust i området utløyser tiltaket krav til reguleringsplan jf. føresegner i kommuneplan 3.1.3. Reguleringsplan Området er ikkje regulert tidlegare. Planområdet grensar i aust til pågåande reguleringsplan for Fylkesveg 541 Sakseid Hestaneset. Av det er:
Side 4 av 8 Arealtabell 12-5. Nr. 1 - Bebyggelse og anlegg Areal (m²) Boligbebyggelse-frittliggende småhusbebyggelse 542,5 Boligbebyggelse-konsentrert småhusbebyggelse 411,8 Lekeplass 96,3 Småbåtanlegg i sjø og vassdrag (4) 407,2 Småbåtanlegg i sjø og vassdrag med tilhørende strandsone 29,8 Uthus/naust/badehus (5) 647,7 Sum areal denne kategori: 2135,3 12-5. Nr. 2 - Samferdselsanlegg og teknisk infrastruktur Areal (m²) Gangveg/gangareal 61,6 Kai (5) 292,3 Parkeringsplasser (10) 341,6 Veg (3) 596,0 Sum areal denne kategori: 1291,5 12-5. Nr. 5 - Landbruks-, natur- og friluftsformål samt reindrift Areal (m²) Friluftsformål (6) 805,1 Sum areal denne kategori: 805,1 12-5. Nr. 6 - Bruk og vern av sjø og vassdrag med tilhørende strandsone Areal (m²) Friluftsområde i sjø og vassdrag (4) 295,3 Sum areal denne kategori: 295,3 Totalt alle kategorier: 4527,2 Frittliggjande bustader. 1 eksisterande einebustad med garasje. Konsentrerte bustader. 1 stk. eksisterande bustadbygg med 4 husvære + 1 hybel. Leikeplass. Når regulerte bustader vart godkjent, vart det ikkje stilt krav om felles leikeplass. Det er difor i dag ikkje mogeleg å tilfredsstilla kommuneplanen sine krav til leikeområde. Leikeplassar blir difor løyst slik: Ein felles leikeplass på 96 m2 for bustadene på 4/153. Einebustaden på 4/49 har privat leikeområde mot vest. Begge leikeområda er sikra med gjerde.
Side 5 av 8 Naust. Bømlo kommune har tidlegare godkjent 13 nye naust i området. Vi har likevel foreslått 15 naust, fordi: Det er ca. 130 m strandline i planområdet. Planlagde naust utgjer til saman 66 m. Dvs. at berre vel halvparten av strandlina blir utbygt med nye bygningar. Fylkesmannen har godkjent 15 naust, sjå merknad. Planforslaget er 100 % i samsvar med kommuneplanen. Småbåtanlegg. På illustrasjonsplanen er vist eksisterande og planlagde flytebrygger. I alt vil det vera plass til ca. 25 båtplassar. Kaiar. Det er planlagt i alt 5 kaiar. Kaiane vil vera tilgjengelege for ålmenta. Parkering. For einebustader er føresett 2 parkeringsplasser pr. bustad. For konsentrerte husvære er føresett 1,5 parkeringsplass pr. bustad. For naust er føresett 1 parkeringsplass pr. naust. Parkering for bustader kan kombinerast med parkering for naust. Trafikkløysing / vegsystem. Eksisterande avkjørsle mot Fv541 vil verta nytta. Dette er i samsvar med reguleringsforslag for Fv541 frå Statens Vegvesen. Vegar og gangvegar vil vera tilgjengelege for ålmenta. Friluftsområde. I friluftsområda er det ikkje tillate med bygningar eller anlegg. Områda vil vera tilgjengelege for ålmenta. Friluftsområde i sjø. Området skal nyttast friluftsaktivitetar. Lending og oppankring av båtar er ikkje tillate. Grøntstruktur. Regulerte friluftsområde er med og bryt opp utbygginga. Elles er det større grøntområde aust for planområdet. Tekniske anlegg. Nye naust i feltet vil bli tilknytt offentleg vassforsyning. Spillvatn blir pumpa til kommunal pumpestasjon Kulleseidkanalen. Sjå vedlagt VA plan. Overvatn frå nausta blir sett ut i sjøen. Området vert tilknytt Finnås Kraftlag sitt forsyningsnett for straum og breiband, etter nærare avtale. Avfall frå nye naust blir levert til containerar for hytteavfall, etter avtale med SIM.
Side 6 av 8 Vurderingar: I samband med at reguleringsplanen har vore på høyring i tida 21.06.2017 til 05.10.2017 kom det inn desse merknadane: Fylkesmannen i Hordaland Vi viser til brev av 15.06.17 og varsel om detaljregulering av naustområde, Finnås. Området er sett av til naust i overordna plan. Etter vår vurdering, er strandsoneverdiane innanfor planområdet sterkt redusert, då området allereie er privatisert med to bustadar, veg, kai og småbåtanlegg. Fylkesmannen har ingen merknader til planforslaget. Norges vassdrags og energidirektorat (NVE) NVE har ingen merknader til planframlegget. Statens vegvesen region vest Planområdet er ca. 4,5 daa og er ikkje regulert frå før. Føremålet med planarbeidet er å legge til rette for naust, småbåtanlegg, eksisterande bustader med tilhøyrande trafikk og leikeareal og friluftsområde. Dette er i tråd med overordna plan. Planen grensar i aust til vedteken plan for fv 541, Sakseid Hestaneset, som er ein del av Bømlopakken. Arbeidet med utbetring av vegen er venta å starte mot slutten av 2018. Ein samordning av anleggsarbeid her på staden vil nok vere ein fordel, og me ber grunneigarar ta kontakt om dette når arbeidet med vegen vil starte på denne staden. Vi har elles ingen merknader til planarbeidet. Grunneigarane vert oppmoda om å ta kontakt med Statens vegvesen når arbeidet med vegen skal starte i dette området. Helga F. og Gunnar T. Bondevik (4/18) Vi har følgende merknad: I henhold til Plan og bygningsloven ber vi om at det ikke blir bygget naust nærmere enn 4 meter til nabogrense 4/18. Vennligst bekreft at dere har mottatt denne merknaden. Grunneigar av 4/153 kjem ikkje til å byggjemelda naust nærare enn 4 m frå nabogrensa til 4/18. Skal det byggjemeldast nærare enn 4 meter til nabogrense må det inngåast særskilt avtale på dette. Bergens sjøfartsmuseum Saka har vore til vurdering ved Bergens Sjøfartsmuseum. Museet har ingen nye merknader til det planlagde arealinngrepet og les at det er referert til tidligare fråsegn. Eventuelle funn av marine kulturminnefunn er ivareteke i føresegner 2.9. Hordaland fylkeskommune Arkitektur, landskap og strandsone
Side 7 av 8 Nærleik, tilkomst og utsikt til sjø er eit gode og ein attraksjon i Sunnhordaland. Dette må forvaltast nennsamt slik at verdien vert oppretthalden og kjem flest mogleg til gode. I praksis vil det sei detaljert planlegging der verdiar i strandsona vert ivareteke og der tiltak i strandsona kjem allmenta og fellesskapet til gode. Planområdet ligg innanfor det regionale friluftsområdet Kuleseidkanalen. Friluftslivområdet er registrert med svært viktige verdiar i strandsona. I fråsegn til oppstartsmeldinga bad fylkeskommunen om at planen må syne korleis strandsona, friluftslivet og ålmentas tilgjenge vert påverka av tiltaket, samt at planen måtte sikra gode løysingar som sikrar at utbygginga innordnar seg dei fysiske omgjevnadene. Fylkeskommunen vurderer at sumverknadene av bustadbyggingen i føremåla BK (inntil 5 bueiningar), BF (ikkje oppgjeve maks antal bueiningar) og naustområdet med 15 naust vert for store i landskapsrommet. Alle kaiene (Kai 1 5) skal vere tilgjengelege for ålmenta, står det skrive i føresegnene. Likevel er det berre Kai 3 som verker inviterande og offentleg i planen. Dei andre kaiene oppfattast som halv private soner framfor nausta. Planen hadde vore styrka av at meir av kaiføremåla hadde vore utan direkte tilknyting til naust. Landskapet hadde også tjent på at nokre av nausta vart strøke frå planen. Dette hadde opna opp strandlinja meir, som hadde redusert fjernverknadene i tillegg til å auka tilgjenga for ålmenta. Høgdene på bustadene er i føresegnene oppgjeve til 8,5 m i mønehøgde og 6 m i gesimshøgde i område for konsentrerte bustader BK. I område for frittliggande bustader seier føresegnene 7,5 m mønehøgde og 5 m gesimshøgde. Dette vurderer fylkeskommunen som for høgt i dette landskapet. Vi saknar ei skildring og av korleis byggehøgdene påverkar landskapsrommet. Barn og unge Det er uheldig at planen ikkje tilfredsstiller kommuneplanen sine krav til felles leikeområde. Kulturminne og kulturmiljø Ut frå våre arkiv har vi ikkje kjennskap til automatisk freda kulturminne eller andre verneverdige kulturminne i det aktuelle planområdet. Arealet blir vurdert til å ha lågt potensiale for funn av uregistrerte kulturminne i marka. Saka har også blitt vurdert av Bergens Sjøfartsmuseum. I høve brev datert 21.04.2016, har sjøfartsmuseet ingen merknader til reguleringsplanen. Fylkeskonservatoren er nøgd med at det under 2.7 og 2.8 i fellesføresegnene blir vist til meldeplikta etter kulturminnelova 8, 2. ledd, både når det gjeld automatisk freda kulturminne på land og i sjø. Vi har ingen vidare merknader til planen. Konklusjon Hordaland fylkeskommune har merknader til planforslaget når det gjeld arkitektur, landskap, strandsone, kultur og kulturminner. Vi ber om at desse merknadene vert teke omsyn til i prosessen vidare. Eventuelle funn av kulturminne er sikra gjennom føresegner 2.7 og 2.9. Bustadane innanfor planområdet er eksisterande bustadar. Kaiane er sikra allmenn tilgjenge i føresegner og det er lagt inn friluftsføremål mellom naustføremål. Planlagt utbygging er i samsvar med føremål i gjeldande kommuneplan. Møne og gesimshøgd er redusert for bustadar jf. føresegner 3.2.2 og 3.3.2.
Side 8 av 8 Minimum kotehøgd på naust i planforslag som har vore ute på høyring var 2,5 moh. Tiltakshavar har endra dette til minimum kotehøgd setjast til 2,0 moh. Grunngjeving er at naust på kote 2,5 moh vil vera svært dominerande i landskapet i høve til eksisterande bygningar og kaiar. Naust med kotehøgd 2,0 moh er vurdert i ROS analyse i høve til stormflo. Det er ingen tiltak i raudt felt, dvs. ingen tiltak er naudsynt. Å setje kotehøgd til 2,0 moh for naust stettar etter vår vurdering kravet for naustbygging i TEK 17 7 2. Det er ikkje fremja motsegn til reguleringsplanen frå nokre offentlege instansar og Bømlo kommune kan eigengodkjenne planen. Rådmannen viser til kommentarar og vurderingar som er gjort i saksframlegget og vil rå til at privat detaljreguleringsplan for naustområde Lettvik gnr. 4, bnr. 153 m.fl. Hidle vert godkjent slik han no ligg føre. Økonomiske konsekvensar: Utbyggjar skal dekka alle kostnadane med utbygginga. Miljømessige konsekvensar: Det er ikkje registrert viktige viltområder eller naturtypar i planområdet. Like aust for planområdet ligg omsynssone H530_8 omsynssone for friluftsliv, Ulvesøyane, Finnåsvika/Børøyfjorden (statleg sikra friluftsområde). Nord aust for planområde ligg omsynssone H570_21 verneverdig sjøbruksmiljø. Beredskap og samfunnstryggleik: Fagkunnig har gjennomført ROS analyse. Det er ingen tiltak i raudt felt, dvs. ingen tiltak er naudsynt. Folkehelse: Planen legg opp til nye tilbod for sjønære aktivitetar. Fiske og friluftsliv er positivt for folkehelsa. Oppsummering og konklusjon: Rådmannen viser til kommentarar og vurderingar som er gjort i saksframlegget og vil rå til at detaljreguleringsplan for naustområde på gnr. 4, bnr. 153 m.fl. Lettvik vert godkjent slik han no ligg føre. Det ligg ikkje føre motsegn frå offentlege instansar slik at vilkåra for eigengodkjenning av detaljreguleringsplanen no ligg føre.