saksframlegg Dato: Referanse: Vår saksbehandlar: 16.11.2017 131001/2017 Johan Ivar Friisvold Saksnr Utval Møtedato Fylkesutvalet 21.11.2017 Fylkestinget 12.12.2017 Spjelkavik Arena AS - kjøpe aksjar/utvide økonomisk ramme Bakgrunn Fylkestinget gjorde under sak T-43/16 Spjelkavik idrettshall Byggeprogram, følgande samrøystes vedtak: «1. Fylkestinget vedtar det framlagte byggjeprogrammet for ny storhall i Spjelkavik med 3-sals idrettshall med klatrevegg og kampsportbaner til saman brutto 7973 m2. 2. Fylkestinget gjev fylkesrådmannen mynde til å gå vidare med planlegging av hallen. 3. Fylkestinget gjev fylkesrådmannen fullmakt til å inngå naudsynte avtalar med Spjelkavik IL (SIL), Ålesund klatreklubb (ÅKK) og Ålesund Judoklubb / Ålesund Ju Jitsuklubb (ÅJK/ÅJJK) for realisering av hallen. 4. Hallen skal byggjast i høve til vedtatt reglement for bygging av fylkeskommunale prosjekt. 5. Fylkestinget føresett at ny kostnadsramme vert innarbeidd ved rullering av økonomiplan 2017-2019.» Under behandling av sak T-43/16 i fylkestinget 14. juni 2016 vart det fremma følgjande oversendingsforslag som vart vedtatt.: «Det er ei føresetnad for fylkestinget at Ålesund kommune står som garantist for dei økonomiske forpliktingane til SIL, ÅKK og ÅJJK ved bygging av Spjelkavik vgs sin nye storhall». Kjøp av aksjar i Spjelkavik Arena AS I samsvar med reglement for MRFK trengst det fylkestingsvedtak på kjøp av aksjar. Det vart i Fylkestinget 9. desember 2014 gjort samrøystes vedtak: Idrettsfag lokaliserast til Spjelkavik vgs. Fylkestinget gir fylkesrådmannen fullmakt til å etablere eit aksjeselskap saman med Spjelkavik Idreslag og andre aktuelle samarbeidspartnerar for utbygging og drift av ny storhall innafor ramma som er skissert i saka.
Fylkeskommunen har hatt dialog med idrettslaga, og dei er samde om at hallen skal byggjast, eigast, driftast og forvaltast av eit aksjeselskap Spjelkavik Arena AS. Aksjeselskapet Spjelkavik Arena AS vart oppretta den 12. oktober 2017 med MRFK som eineaksjonær og 30 000 kroner i aksjekapital. Aksjeselskap som organisasjonsmodell i prosjektet er ein føresetnad i den pågåande søknadsprosessen om statlege spelemidlar, samt mva kompensasjon, noko som i stor grad vil medverke til realiseringa av prosjektet. Det er avtalt aktørane imellom (SIL,ÅKK,ÅJK/ÅJJK), at Møre og Romsdal fylkeskommune skal ha ein aksjemajoritet i selskapet, med minimum 75 prosent eigarpart. Dette inneber at fylkeskommunen, ved å ha over 2/3 av aksjane, har eit kvalifisert fleirtal i selskapet. Per no er det lagt til grunn at det skal inn ein aksjekapital i selskapet på 10 mill. kroner. Planlagt aksjekapitalutviding på 7,5 mill. kroner for Møre og Romsdal fylkeskommune er budsjettert i økonomiplan 2018-2021, finansiert med bruk av ubundne investeringsfond. Leigeavtale med Spjelkavik Arena AS Både Møre og Romsdal fylkeskommune og idrettslaga må inngå langsiktige leigeavtalar med Spjelkavik Arena AS før det kan startast bygging. Leigeavtalene må opprettast på 30 år, same som nedbetalingstida på lånet Spjelkavik Arena AS tar opp for å bygge hallen. I leigekostnadane ligg nedbetaling av lån og FDVU-kostnadar (forvaltning, drift- og vedlikehaldskostnadar), utrekna etter areal som vedkomande leigetakar vil disponere. Ein leigeavtale med Spjelkavik Arena AS inneber at den respektive leigetakar får ein eksklusiv rett til sin avgrensa del av arenaen. Avgrensinga vil gjelde både arealog tidsmessig. Aksjeselskapet vil aktivt arbeide for å legge til rette for idrettsarrangement. Arrangement vil generere ei inntekt som kan vere ei økonomisk trygging for selskapet, og minske leigetakarane sine framtidige kostnadar. Det er også ein føresetnad at leigetakarane skal ha anledning til framleige av sitt areal i hallen, noko som vil kunne vere med på å dekkje leigetakarane sine utgifter i forbindelse med leige av hallarealet frå AS et. Idrettslaga sine økonomiske plikter Idrettslaga pliktar seg til å dekkje sine respektive innskot til aksjeselskapet sin eigenkapital, fordelt på eigardel i prosent, samt sine leigekostnadar. Årskostnad/leigekostnadane er samansett av lånekostnad (kapitalkostnad) og drifts/vedlikehaldsutgifter (FDVU-kostnad):
Alle tal er inklusive mva. MRFK SIL ÅKK AJK/AJJK Totalt Arealbehov 5 187 1 729 769 288 7 973 Kostnad pr m2 BTA 25 000 25 000 25 000 25 000 25 000 Byggekostnad 129 675 000 43 225 000 19 225 000 7 200 000 199 325 000 Utendørs/Innvt 5 000 000 5 000 000 Tippemidler 15 000 000 5 000 000 3 000 000 1 700 000 24 700 000 Midler fra forbund 4 000 000 4 000 000 Egenkapital 8 000 000 400 000 8 400 000 Finansieringsbehov 119 675 000 30 225 000 16 225 000 1 100 000 167 225 000 Serielån Avdrag 3 822 500 1 007 500 540 833 36 667 5 407 500 Rente 3%, 30 år 3 440 250 906 750 486 750 33 000 4 866 750 Kapitalkostnad 7 262 750 1 914 250 1 027 583 69 667 10 274 250 FDVU kostnad FDVU kostnad/m2 530 530 530 530 FDVU kostnad/år 2 749 110 916 370 407 570 152 640 4 225 690 Årskostnad (år 1) 10 011 860 2 830 620 1 435 153 222 307 14 499 940 Tabell som viser investerings- og årskostnadar. Fylkeskommunen sin investeringsandel er 119,675 mill. kroner inkl mva. ref tabell over. I tabell under er det trekt frå stipulert mva kompensasjon, nøkternt beregnet for vel halve investeringskostnaden på 119 675 mill. kroner inkl mva. - Finansieringsbehov (inkl. mva) 119 675 000 Mva kompensasjon 14 408 333 Finansieringsbehov etter Mva kompensasjon 105 266 667 Tabell som viser MRFK sin kostnad etter tilbakeføring av mva. Økonomi investeringskostnad I samband med sak T-43/16 vart det vedteke ei økonomisk ramme for prosjektet på kroner 159,450 mill. inkl. mva. Ved revidering av kostnadar er det no teke omsyn til: Ekstra kostnadar på grunn av lengre planleggingstid Auka kostnad til ny reguleringsplan for området. Reservar er lagt til prosjektet Generell prisauke løn- og byggekostnadar.
Det blir Spjelkavik Arena AS som tek opp lån til bygging, med MRFK som garantist. Revidert berekning viser ei brutto investering på 199 325 mill. kroner inkl. mva. for heile hallen ved å nytte kroner 25.000/m2 i byggekostnad. Til samanlikning vart «ferdig bygd» kvadratmeterpris for Ulsteinhallen, som er om lag like stor, på om lag 16.000 kr/m2. Fylkesrådmannen ser det realistisk at den nye hallen vil ha ein kostnad mellom Ulsteinhallen og nybygde vidaregåande skolar. Fylkeskommunen sin investeringsandel vert 119 675 mill. kroner inkl. mva. Ved å opprette eit aksjeselskap som står for bygging, er det berekna mva refusjon på anslagsvis 25 mill. kroner (mva-delen av 125 mill. kroner, nøkternt vurdert at det ikkje blir full mva-kompensasjon av di deler av hallen truleg ikkje oppfyller krav til mva-kompensasjon). Tippemiddeltildeling er vist i matrise, anslagsvis 25 mill. kroner. Når totalentreprenør blir kontrahert, vil det bli gjort nye berekningar i samband med utarbeiding av forprosjektet. Forprosjektet vil bli lagt fram for handsaming i fylkestinget. Idrettsfunksjonell førehandsgodkjenning tippemidlar. Kulturdepartementet førehandsgodkjente den 10. november Spjelkavik Arena AS sin søknad om tilskot på inntil 1/3 av godkjend kostnad. Fylkeskommunen må garantere for tilbakebetaling av tildelte og utbetalte tilskot om hallen ikkje blir brukt i samsvar med kriteria for tippemidlar. Garantitida er på 20 år. Programsatsingsmidlar frå Kampsportsforbundet Søknad er motteken i Kulturdepartementet og alt ligg til rette for at søknaden blir godkjend ved at Ålesund bystyre vedtek å stå som garantist for SIL, ÅKK, ÅJK/ÅJJK sine årlege forpliktelser i Spjelkavik Arena AS. Ålesund kommune og garantiansvar for driftsutgifter Føresetnaden i fylkestingsvedtak T-43/16 er at Ålesund kommune står som garantist for «dei økonomiske forpliktingane til SIL, ÅKK og ÅJJK ved bygging av Spjelkavik vgs sin nye storhall.» Formannskapet i Ålesund kommune gjorde i sak 17/4422 eit samstemt vedtak om å stå som garantist i høve til fylkestingsvedtaket. Saka skal endeleg handsamast i bystyret 30.november. Om bystyret skulle gjere eit anna vedtak, vil Fylkestinget bli informert om dette før Fylkestingsmøtet i desember.
Forslag til vedtak: 1. Møre og Romsdal fylkeskommune går inn med 30 000 kroner i aksjekapital i samband med stifting av Spjelkavik Arena AS. (100 aksjar a 300 kroner) 2. Aksjekapitalen blir finansiert ved overføring frå driftsrekneskapen ramme 01. 3. Fylkestinget vedtek å auke den økonomiske ramma for bygging av Spjelkavik Arena AS til 199,325 mill. kroner inkl. mva. 4. Møre og Romsdal fylkeskommune står som garantist i 20 år for at tildelte og utbetalte tilskot blir tilbakebetalt til Kulturdepartementet om Spjelkavik arena.as ikkje blir brukt i samsvar med kriteria for spelemidlar. Ottar Brage Guttelvik fylkesrådmann Per Olaf Brækkan bygge- og vedlikehaldssjef