Framlegg Handlingsprogram Kompetanse og Verdiskaping 2017

Transkript

1 saksframlegg Dato: Referanse: Vår saksbehandlar: /2017 Øyvind Tveten Saksnr Utval Møtedato Regional- og næringsutvalet Fylkesrådmannens tilråding Fylkesutvalet Framlegg Handlingsprogram Kompetanse og Verdiskaping 2017 Bakgrunn Fylkesplanen er ein arena for å utvikle heilskapleg, regional forankra samfunnspolitikk. Fylkesplan , regional plan for Møre og Romsdal, vart vedtatt av fylkestinget 13. desember 2016 (sak T-84/16). Fylkesplanen skal følgast opp og konkretiserast gjennom handlingsprogram for kvart innsatsområde. Desse skal rullerast årleg. Handlingsprogramma skal sikre god samanheng mellom plan, verkemiddel og gjennomføring. Det inneber at handlingsprogramma blir tett kopla med økonomiplanen og budsjett for regionalt forvalta statlege verkemidlar. Gjennomføring av planen er avhengig av eit breit samarbeid mellom mange partar. Skal planen vere eit verktøy for regional utvikling må den kople saman ulike sektorar, forvaltingsnivå, verkemiddel og aktørar. Kort om arbeidsprosessen For å kunne gi arbeidslivet i Møre og Romsdal arbeidskraft med rett kompetanse, må utdanningane i fylket tilpassast behovet i arbeidslivet. I Fylkesplan er innsatsområda Kompetanse og Verdiskaping slått saman til eitt innsatsområde med felles handlingsprogram. Dette gjer at regional- og næringsavdelinga og utdanningsavdelinga i fylkeskommunen må arbeide enda tettare saman. Dette er første handlingsprogram der ein ser desse to innsatsområda i fellesskap. Framover ønskjer fylkeskommunen at denne koplinga vert enda betre, og gjennom det medverke til at arbeidslivet i Møre og Romsdal i enda større grad får tilført kompetansen dei har bruk for. Prosessarbeid knytt til Handlingsprogrammet I samband med revideringa av fylkesplanen i 2016, og utarbeiding av handlingsprogram for 2017 har det vore arbeidd breitt i fylkeskommunen og med eksterne partar. Nokre aktiviteter som har vore gjennomført: Tverrgåande arbeid mellom utdanningsavdelinga og regional- og næringsavdelinga Gjennomført arbeidsgrupper for kvart av dei seks måla som har arbeidd fram prioriteringar og tiltak. Arbeidsgruppene har vore samansett av ressurspersonar i og utanfor fylkeskommunen

2 Gjennomført møte med styringsgruppa for Forsking og Innovasjonsstrategi for næringslivet Diskutert prioriteringar i Partnerskap for Verdiskaping Om Handlingsprogram Kompetanse og Verdiskaping 2017 Innsatsområde Kompetanse og Verdiskaping har seks hovudmål: 1. Møre og Romsdal skal ha attraktive byregionar og tettstadar 2. Møre og Romsdal skal ha eit internasjonalt konkurransedyktig næringsliv 3. Møre og Romsdal skal ha levande lokalsamfunn med lokalt forankra næringsliv og gode bu- og oppvekstmiljø 4. Møre og Romsdal skal ha eit fleksibelt utdanningssystem som møter utfordringane i arbeidslivet og fører til verdiskaping, nytenking og inkludering 5. Møre og Romsdal skal ha betre gjennomføring i vidaregåande opplæring 5. Møre og Romsdal skal ha ein berekraftig bruk av naturressursane For kvart hovudmål er det 3-4 prioriterte område med tilhøyrande tiltak. Handlingsprogrammet prioriterer dei største utviklingstiltaka for Dette synleggjer kva som er viktigast for å nå måla i fylkesplanen. Andre meir avgrensa tiltak er tatt med i fagavdelingane sine verksemdsplanar for Handlingsprogram Kompetanse og Verdiskaping 2017 er eit omfattande dokument. Det er behov for å sjå på korleis fylkeskommunen kan kommunisere innhaldet i handlingsprogrammet best muleg. Fylkeskommunen vil fram mot endeleg godkjenning i fylkesutvalet 27. februar, arbeide med korleis vi kan kommunisere innhaldet på ein oversikteleg og lett forståeleg måte. Fylkeskommunen vil ikkje gjere noko med sjølve innhaldet i handlingsprogrammet. Rammer for utviklingsarbeidet Ifølge tildelingsbrevet frå Kommunal- og moderniseringsdepartementet (KMD) er Møre og Romsdal tildelt 77,05 mill. kroner i regionale utviklingsmidlar i Dette er ein nedgang frå 2016 på om lag ein halv million kroner, men som likevel er langt betre for Møre og Romsdal enn ved førebels statsbudsjett der regjeringa hadde innstilt på 59 mill. kroner. KMD har gjort endringar for måla i distrikts- og regionalpolitikken for 2017, og har også lagt strengare føringar for bruken av midlane. Dei nye måla legg vekt på å gjere omstilling for bedrifter lettare på kort sikt og å byggje evne til omstilling i bedrifter, næringsmiljø og lokalsamfunn på lang sikt.

3 Fylkeskommunen kan ikkje omdisponere midlar mellom hovudmål ein og to, men ein kan overføre midlar mellom delmåla under same hovudmål. Overføring mellom midlar under same hovudmål krev grunngjeving til departementet. I oppdragsbrevet er KMD oppteken av fylkeskommunen sin rolle i arbeidet med å realisere måla. Fylkeskommunane har ansvaret for at forvaltninga og bruken av verkemidla skjer i tråd med forskrift og retningslinjer for postane. Fylkeskommunane skal prioritere bruken av midlane i forpliktande partnarskap med næringslivet og regionale og lokale aktørar. Departementet forventar mellom anna at fylkeskommunane tek initiativ til samarbeid med verkemiddelaktørane (SIVA, Innovasjon Norge og Forskingsrådet). Alle desse aktørane er med i Partnerskap for Verdiskaping. Fylkeskommunen vil legge fram ei sak til første møte i Partnerskap for Verdiskaping rundt organisering og arbeidsform framover. Det vil mellom anna verte drøfta om og høgskulane og NTNU bør inviterast inn i partnerskapet. Fordeling av økonomiske verkemiddel Dei regionale utviklingsmidlane for 2017 vert fordelt på tre område; Kommunale næringsfond, Innovasjon Norge og fylkeskommunen. Fordeling av midlane er drøfta mellom Innovasjon Norge og fylkeskommunen. I fordelinga av årets ramme er det teke omsyn til ubrukte rammer som vert overført.

4 Fordeling regionale utviklingsmidlar 2016 og 2017 Aktører Ramme 2016 Ramme 2017 Endring i mill.kr. Endring i prosent Innovasjon Norge ,4 % ,3 % % Møre og Romsdal fylkeskommune ,1 % ,4 % % Omstilling ,4 % ,8 % % Kommunale næringsfond ,1 % ,5 % % Totalt ,0 % ,0 % % Fordeling av løyvinga til Innovasjon Norge Innovasjon Norge Ramme 2016 Ramme 2017 Etablerertilskot ,0 % ,6 % Bedrifts- og næringsutvikling ,0 % ,4 % Totalt ,0 % ,0 % Fylkeskommunen legg opp til å overføre 34,17 mill. kroner til Innovasjon Norge, i tråd med oppdragsbrevet frå KMD. Innovasjon Norge har om lag 18 mill. kroner i ubrukte midlar frå I desse ligg både ubrukte midlar, men og inndratte tilsegn på prosjekt som ikkje har vorte gjennomført. Rammene for Innovasjon Norge for 2017 er derfor høgre enn for Innovasjon Norge Møre og Romsdal har stor pågang av midlar til etablerartilskot. Etter avtale med fylkeskommunen fekk Innovasjon Norge overføre 2,5 millionar kroner ekstra frå øvrig ramme til etablerartilskot for 2016 på grunn av stor pågang. Det er grunn til å tro at etterspurnaden etter etablerartilskot vil halde fram, og Innovasjon Norge og fylkeskommunen legg opp til 12,5 mill. kroner i etablerartilskot for Fylkeskommunen legg opp til at Innovasjon Norge kan omdisponere midlar mellom etablerartilskot og andre bedrifts- og næringsutviklingstiltak i løpet av året. Ei eventuell omdisponering skal skje i samråd med regional- og næringsavdelinga. Kommunale næringsfond har ikkje vore nemnt som eit verkemiddel i tildelingsbrevet frå departementet dei siste tre åra. Fylkeskommunen innstiller på å auke tildelinga til kommunale næringsfond frå 2016 til 2017, der heile auken skal gå til kommunar som har særskilte utfordringar knytt til sitt næringsliv. Regionalog næringsavdelinga vil kome tilbake til fordeling av kommunale næringsfond i eiga sak i løpet av første kvartal Fylkeskommunen legg opp til å halde nivået på ideavklaringspengar til hoppid.nokontora på fire mill. kroner som i 2016, midlane vert fordelt på alle kommunar som har hoppid.no kontor. Dette er ubyråkratisk og effektiv hjelp til marknadsavklaring for gründerar i ein tidleg fase. Det er viktig at Innovasjon Norge framleis nyttar ressursar for å vere tilgjengeleg for nyetablerarar og styrke førstelina ute i kommunane. Vi tilrår derfor at Innovasjon Norge som hoppid.no-partnar, får høve til å bruke inntil kroner av ramma som fylkeskommunen overfører av regionale utviklingsmidlar til oppsøkande og rådgivande verksemd i samarbeid med hoppid.no kontora. Det er

5 ein føresetnad at Innovasjon Norge som hoppid.no-partnar nyttar hoppid.no merkevaren i all sin kommunikasjon knytt til entreprenørskap. Det er framleis store utfordringar i delar av fylket knytt til arbeidsløyse og tapte arbeidsplassar. Fylkeskommunen lyste i 2016 ut midlar til leverandørbedrifter i petroleumsrelaterte næringar. Fylkeskommunen vil i løpet av 2017 legge fram ei sak om resultat av desse midlane. Forslag til vedtak: Fylkesutvalet godkjenner Handlingsprogram Kompetanse og Verdiskaping 2017 slik det er lagt fram. Ottar Brage Guttelvik fylkesrådmann Bergljot Landstad regional- og næringssjef Vedlegg 1 Handlingsprogram Kompetanse og Verdiskaping Rapportering Handlingsprogram Verdiskaping 2016