MØTEINNKALLING Tysnes kommune

Utval : FORMANNSKAPET Møtestad : Rådhuset Møtedato : 27.08.2013 Tid : 09:00 MØTEINNKALLING Tysnes kommune SAKLISTE: Utvalsaknr. Arkivsaknr. Tittel PS 62/13 13/649 ÅRBAKKA HANDELSSTAD - SØKNAD OM ØKONOMISK STØTTE - 2013 PS 63/13 13/703 MEDLEMSKAP I DIHVA PS 64/13 12/1355 OMBYGGING AV RÅDHUSET I SAMBAND MED LOKALISERING AV HELSETENESTENE OG OMORGANISERING PS 65/13 13/734 ENDRING AV KOMMUNALE RETNINGSLINER FOR STARTLÅN OG BUSTADTILSKOT PS 66/13 13/735 PLANVEDTAK - MINDRE ENDRING AV REGULERINGSPLAN FV 49 - GANGVEG UGGDAL PS 67/13 13/731 FRAMTIDIG BRUK AV KAIAR I TYSNES KOMMUNE PS 68/13 13/736 OPPMODING OM BUSETJING AV FLYKTNINGAR 2012-2014 PS 69/13 13/737 FINANSFORVALTNING - RAPPORT PS 70/13 12/1294 SØKNAD OM GODKJENNING AV PLANPROGRAM FOR DETALJREGULERING HENNINGSHAGEN. GNR.151 BNR.1 M.FL. - ONARHEIM. Postadresse: Besøksadresse: Rådhuset Telefon: 53 43 70 00 5685 UGGDAL UGGDAL Telefaks: 53 43 70 11

PS 71/13 13/769 YMSE Drøftingssaknummer: 1. BUDSJETTPROSESSEN 2014 2. PROSJEKT TYSNES SKULE ORIENTERING 3. PROSJEKT OMSORSSENTER ORIENTERING 4. NORSKOPPLÆRING FOR ARBEIDSINNVANDRARAR 5. SAL AV AREAL I VÅGSMARKA YMSE Tysnes ordførarkontor, 22. august 2013 Kjetil Hestad Postadresse: Besøksadresse: Rådhuset Telefon: 53 43 70 00 5685 UGGDAL UGGDAL Telefaks: 53 43 70 11

SAKSFRAMLEGG Tysnes kommune ÅRBAKKA HANDELSSTAD - SØKNAD OM ØKONOMISK STØTTE - 2013 Sakshandsamar: Vibeke Øxnevad Stoltz Arkivsak : Arkivkode: 13/649 105 - Vedlegg: 1. Søknad frå Gunnar Onarheim SAKSUTGREIING: Me viser til skriv frå Årbakka handelsstad v/gunnar Onarheim, datert 04.07.13, der det vert søkt om kr 15.000,- i stønad til dekking av utgifter til husleige og straum. Gunnar Onarheim søkjer på vegner av driftarane av Årbakka handelsstad for sommersesongen 2013. I skrivet heiter det m.a. «Sommersesongen 2013 er no godt i gang på Årbakka Handelsstad. Ettersom det i år er utvida aktivitet og dermed utvida bruk av bygningsmasse (Sjøhuset & Gamle Butikken ) hadde det vore ønskeleg om Tysnes Kommune støtta drifta økonomisk ettersom det er marginal inntjening for driftarane av plassen.» For sesongen 2012 vart det løyvt kr 10.000 i tilskot til Årbakka handelsstad til dekking av husleige og straum. Mellom Gunnar Onarheim og Tysnes kommune vart den forrige treårige leigeavtalen fornya i 2012 (gjeldande frå 01.01.13) for delar av Årbakka handelsstad. Kommunen har høve til å nytta Sjøhuset inntil 3 gonger pr år og disponera ute- og kaiområde m.m. Årsleige er sett til kr 12.000 pr år. Vurdering Årbakka handelsstad er ein klassisk vestlandsk landhandel og har gjennom mange år vore ein kjent og attraktiv stad å vitje på Tysnes både for fastbuande og feriegjestar. Det er også i år kunstutstillingar, sal av diverse kunst- og handverksprodukt, kaffe, vafler m.m. Det er svært positivt at eigar legg vekt på å vidareføre arbeidet med å gjera området tilgjengeleg for allmenta gjennom utvida aktivitet og bruk av bygningsmasse. Vern gjennom bruk er ein god måte å ta vare på viktige kulturmiljøer i kommunen.

Det er viktig at Tysnes kommune stør opp om aktiviteten på Årbakka handelsstad og alle dei kvalitetane som ligg der. Me legg til grunn at det vert sendt inn rekneskap for 2012 og budsjett eller eventuelt rekneskap for 2013. INNSTILLING FRÅ RÅDMANNEN: Det vert å løyve kr 10.00,- i tilskot til Årbakka handelsstad v/gunnar Onarheim for sommersesongen 2013 til dekking av husleige og straum. Me legg til grunn at rekneskap for 2012 og budsjett eller rekneskap for 2013 vert ettersendt. Utloga kap. 1.1500.3855.4700 andre kulturaktivitetar.

SAKSPROTOKOLL VEDTAK I FORMANNSKAPET 27.08.2013: Det vert å løyve kr 10.00,- i tilskot til Årbakka handelsstad v/gunnar Onarheim for sommersesongen 2013 til dekking av husleige og straum. Me legg til grunn at rekneskap for 2012 og budsjett eller rekneskap for 2013 vert ettersendt. Utloga kap. 1.1500.3855.4700 andre kulturaktivitetar.

SAKSFRAMLEGG Tysnes kommune MEDLEMSKAP I DIHVA Sakshandsamar: Helge Drange Arkivsak : Arkivkode: 13/703 014 - Vedlegg: 1. Selskapsavtalen for DIHVA IKS 2. Årsberetning 2012 SAKSUTGREIING: Tysnes kommune har tidlegare vore medlem i/eigar av DIHVA, men valte å avslutta dette for ein del år sidan p.g.a. innsparingar på landbruk- og teknisk etat. DIHVA står for Driftsassistanse i Hordaland vann og avløp IKS. På heimesida til DIHVA, www.dihva.no finn me følgjande om formål og organisasjon: «Formål Selskapets formål er å være et kompetansesenter for vann- og avløpstjenester. Selskapet skal utføre og formidle tjenester og produkter, slik som driftsassistanse eller driftsansvar, kvalitetssikring, analysevirksomhet, opplæring, erfaringsutveksling og informasjonsvirksomhet. Selskapet kan inngå samarbeidsavtaler eller delta i andre foretak i den grad dette er formålstjenlig. Organisasjon DIHVA er et interkommunalt selskap (IKS) etter Lov om interkommunale selskaper. Selskapet eies av 22 kommuner. Som IKS kan DIHVA kun ha kommuner som eiere. Grunnet omstendelige formelle prosedyrer vil DIHVA ikke ta opp flere kommuner som eiere. Andre kommuner og VA-organisasjoner er likevel velkommen til å bli tilknyttet DIHVA. De får da samme rettigheter og plikter som eierkommunene, med unntak av eieransvaret og deltakelse i representantskapet. Tilknytta medlemmer i DIHVA IKS er Austrheim kommune, Austevoll Vatn og Avløp BA, Bømlo Vatn og Avløpsselskap AS, Haugesund kommune, Odda kommune, Stord Vatn og Avlaup KF og Øygarden kommune.

Representantskapet DIHVA sitt øverste organ er representantskapet. Hver eierkommune har en representant med personlig vararepresentant, med unntak av Bergen som har to. Representantene utnevnes av det enkelte kommunestyre for en periode som følger kommunevalgperioden. Leder av representantskapet er Magnar Sekse og nestleder er Rigmor Skeie Petersen.» Tysnes kommune har fleire utfordringar i tida framover knytt til vatn og avløp. Hovudplanen for vassforsyning er frå 1996 og bør reviderast/fornyast Tysnes kommune må gjennomføra ei ROS-analyse om vassforsyninga i kommunen Tysnes kommune må gjera ei vurdering/analyse på kapasiteten på avløp i dei ulike områda av Tysnes Hjelp med eit ev. ledningskartverk for kommunen I tillegg til hjelp med desse utfordringane, kan også Tysnes kommune få tilgang til kompetanse/konsulentar gjennom felles anbodskonkurranse gjennomført av DIHVA. Alternativet for Tysnes kommune ville ha vore å gjennomføra anbodskonkurransen på eiga hand. Om Tysnes kommune då hadde fått tilbod hadde det mest sannsynleg vore eit dårlegare tilbod. Tysnes kommune ønskjer derfor å søkja om eigarskap i DIHVA. (ein kan verta oppteken som medlem sjølv om det står noko anna ovanfor under «organisasjon» på heimesida.) Nye eigarkommunar i det siste er; Stord kommune, Bømlo kommune og Øygarden kommune Kostnader For eigarkommunar vert deltakaravgifta for 2013 kr 10570,- pr. kommune pluss kr. 1,85 pr. innbyggar pr. 1. januar 2013. For medlemskommunar vert deltakaravgifta 10 % høgare. D.v.s. kr. 12181,- pr. kommune pluss kr. 2,04 pr. innbyggar INNSTILLING FRÅ RÅDMANNEN: Tysnes kommune søkjer om å få gå inn som eigar i DIHVA. Sidan summen på tilleggsløyvingar for 2013 er brukt opp, må landbruk- og teknisk etat finna dekning for kostnadane innafor eksisterande budsjett. Tysnes kommunestyre peikar ut kven som skal vera Tysnes kommune sin representant og vararepresentant i representantskapet.

SAKSPROTOKOLL FRAMLEGG TIL VEDTAK FRÅ FORMANNSKAPET 27.08.2013: Tysnes kommune søkjer om å få gå inn som eigar i DIHVA. Sidan summen på tilleggsløyvingar for 2013 er brukt opp, må landbruk- og teknisk etat finna dekning for kostnadane innafor eksisterande budsjett. Tysnes kommunestyre peikar ut kven som skal vera Tysnes kommune sin representant og vararepresentant i representantskapet.

SAKSFRAMLEGG Tysnes kommune OMBYGGING AV RÅDHUSET I SAMBAND MED LOKALISERING AV HELSETENESTENE OG OMORGANISERING Sakshandsamar: Ivar Erstad/Steinar Dalland Arkivsak : Arkivkode: 12/1355 131 - Vedlegg: 1. Planteikningar 2. Kalkyle SAKSUTGREIING: DOKUMENT I SAKA: Forstudie nytt omsorgssenter Sluttrapport for delprosjekt stabsfunksjonar og innkjøp datert 22.08.12 BAKGRUNN FOR SAKA: I samband med framlegg av budsjettet for 2011 gjorde kommunestyret følgjande vedtak, sitat: «Kommunestyret ber rådmannen føreta ein gjennomgang av organisering, rutinar og oppgåver på rådhuset. I arbeidet må ein sjå på om organiseringa er rett i forhold til dei oppgåver som skal løysast, samarbeid og samordning mellom etatar og kontor. Nytt økonomisystem må utnyttast fullt ut. Kan arbeidsoppgåver og rutinar optimaliserast? Kan kommunen samarbeida med andre kommunar om einskildoppgåver? Arbeidet må gjerast når ny rådmann er på plass, og kommunestyret ber om at det vert lagt fram sak om resultatet av arbeidet innan møtet i kommunestyret i juni. Dette vedtaket fulgte rådmann opp ved å leggja fram ein sluttrapport datert 22.08.12. Rapporten konkluderte med eit forslag frå rådmannen om å endra organisasjonen gjennom å avvikla etatsstukturen og innføra ein flat organisasjonsstruktur - ein så kalla to-nivå modell. Som ein konsekvens av denne konklusjonen vil støttefunksjonar som arkiv, post, politisk sekretærarbeid etc. samordnast i eit felles sekretæriat og arkiv. Rådmannen skreiv då følgjande i si saksutgreiing sitat: Rådmannen meiner at sentralisering av stabs og støttefunksjonane på rådhuset har eit relativt stort potensiale for kostnadsreduksjon samanlikna med dagens desentraliserte struktur. Reduksjon av personalressurs vert vurdert ved naturleg avgang. Samstundes er det ingen tvil om at informasjon, kommunikasjon, tilgjenge og service andsynes publikum vert vesentleg

betre og meir brukarvenleg med ein felles stad for fysiske og digitale møte. Ein vesentleg funksjon for fyrstelina i eit kundemottak er å skjerme sakshandsamarnivået mot støy og oppgåver som kan løysast i front. På denne måten vert grunnlaget for ei effektiv sakshandsaming optimalisert, og vilkåra for høg produktivitet betra. Rådmannen vil ikkje på noverande tidspunkt estimera potensialet for kostnadsreduksjon gjennom effektivisering av fellestenesta. Inntil investeringsbehovet utløyst av den organisatoriske endringa er klarlagt er ikkje grunnlaget for kalkulasjon av transaksjonskostnadane, herunder investerings og kapitalkostnader, godt nok. Samtidig gjorde rådmannen greie for korleis ei fellesteneste kan byggjast opp og kva resurser som krevs, og konkluderte som følgjer sitat: På noverande tidspunkt, i den første fasen av OU prosjektet, er det vanskeleg å vere konkret når det gjeld kva konsekvensar av organisatorisk og personalmessig art overgangen frå etat til flat struktur vil få for Tysnes kommune. Rådmannen vil i neste fase av prosjektet klargjere konsekvensane både på organisatorisk og individuelt nivå. Saka blei handsama i kommunestyre den 180912 og kommunestyre gjorde då følgjande vedtak: 1. Felles stabs - / støtteteneste på rådhuset. Det vert etablert ei felles stabs - / støtteteneste på rådhuset med ansvar, oppgåver og tenestemeny i samsvar med tilrådinga frå styringsgruppa for prosjektet. I samband med etablering av fellestenesta skal alle sekretariata på etatane avviklas. Rådmannen skal utarbeide forslag til bemanningsplan for fellestenesta. Rådmannen får fullmakt til å utarbeide forslag til ombygging av rådhuset for å legge til rette for omorganiseringa. Investeringa skal innarbeidast i budsjett for 2013 og økonomiplan 2013-2016, og handsamast i samband med budsjetthandsaminga hausten 2012. 2. Endring av organisasjonsstruktur frå etatsstruktur til flat struktur. Tysnes kommune skal i framtida organiserast i ein flat organisasjonsstruktur med to leiarnivå. Tidspunkt for organisasjonsendringa skal sjåast i samanheng med etablering av felles stabs -/ støtteteneste på Rådhuset. Rådmannen får fullmakt til å gjennomføre organisatoriske tilpassingar og mellombelse løysingar i tilnærminga mot ein endeleg organisasjonsstruktur. Rådmannen skal utarbeide forslag til framtidig einingsstruktur kor organisasjonsprinsippa for to-nivå modellen vert lagt til grunn. I samband med endringa skal delegeringsreglementet og målstrukturen til Tysnes kommune tilpassast mynde og ansvarsstrukturen i den nye organisasjonen.» Med bakgrunn i pkt 1. fekk rådmannen utarbeida forslag til ombygging av rådhuset for å leggja til rette for omorgansieringa. Ombygginga blei innarbeida i økonomiplanen med kr 5 mill og med utgangspunkt i å gjera turvande ombygging for å få etablert fellestenesta i første omgang.

I samband med handsaminga i kommunestyret blei dette beløpet tatt ut av økonomiplanen samtidig blei det gjort følgajnade vedtak: «Framlagt forslag til ombygging av Rådhuset vert utsett slik at administrasjonen får høve til å utarbeida konsekvens av framtidig helsestruktur i Tysnes kommune, nytt forslag som skal innehalde kundetorg, fellessekretariat og arkiv. Posten på 5 mill til ombygging av rådhuset går ut i påvente av saksbehandlinga frå administrasjonen. Kommunestyre bed om at saka kjem opp til ny førehaving første halvdel av2013.» 19. februar 2013 gjorde kommunestyre vedtak om prosjektering Tysnes sjukeheim. I saka var det lagt fram eit mandat og ein framdriftsplan. Mandatet hadde to hovudmål. Fase 1a Tilråding knytt til ein samla helsestruktur, ferdig for framlegg april 2013 Fase 1b Forstudie med vidare organisering og vedtak om igangsetjing av reguleringsplan, ferdig for framlegging juni 2013. I samband med vurderinga knytt til helstrukturen var ei lokalisering av helsetenestene på rådhuset eit av 3 lokaliseringsalternativ. Rapporten fase 1a blei lagt fram for kommunestyre den 30. april 2013. Kommunestyre gjorde då følgjande vedtak: I Kommunen si helseteneste skal framleis vera lokalisert i rådhuset i Uggdal. Som det går fram av rapporten vil og framhald av tenestene i rådhuset krevja ei grad av investeringar. Det er naudsynt for å leggja til rette for tenelege og framtidsretta helsetenester for innbyggjarane, og gode arbeidsvilkår for dei tilsette. II Med tilvising til premissane i rapporten, og kommunestyret sitt vedtak i samband med handsaming av budsjett for 2013 vert rådmannen beden om å leggja fram framlegg til ombygging av rådhuset innan juni 2013» På bakgrunn av vedtak i kommunestyre i desember 2012 og vedtak i april 2013 har rådmannen hatt ein ny gjennomgang av behovet for ombygging av rådhuset. Behovet er gjort opp mot vedtak om etablering av fellestenestene etter ein to-nivå modell - og ei samlokalisering av helsetenestene. Det har i den samanhang vore maktpåliggande å ta politikarane sine innspel i debatten om økonomiplanen til følgjer. Ombygginga er derfor nedjustert til det rådmannen vurderer som eit minimum når det gjeld påbygging og oppusssing/rehabilitering. Etter som ombygginga blir utløyst av to adskilte behov og vedtak er kalkylegrunnlaget også delt. Dette for å synleggjera kostnadene som ein konsekvens av dei ulike vedtaka. Ei ombygging for å leggja til rette for fellestenestene syner ein kalkulert kostnad på ca. 1,9 mill kroner, og for ei samordning av helsetenestene ein kostnad på ca 4,1 mill kroner. Totalt vil då ei ombygging koma på ca 6,0 mill kroner.

VURDERINGAR: Rådmannen sitt utgangspunkt i denne saka er at ei ombygging løyser ut viktige føresetnader for å koma vidare med dei to viktigaste og største prosjekta i kommunen dei seinare år. 1. Samlokalisering av helse- og omsorgstenesta og bygging av eit nytt omsorgssenter 2. Omorganisering til ein to-nivå modell som iflg OU-rapporten utløyser både betre tenester og ei meir effektiv drift. Utover dette har rådmannen lagt til grunn at ombygginga skal skje til så låg kostnad som mogeleg. Ombygging av helsedel: Ombygging av helsedelen av rådhuset vart handsama utførleg i delrapport 1 i samband med nytt omsorgssenter. Rådmannen vil ikkje nytta tid på å gå gjennom detaljar i denne saka, men viser til at det der var kalkulert at ei ombygging med sikte på vidare drift av helsetenestene på rådhuset vil koma på rundt 5 millionar nok. I rådmannen sitt saksframlegg PS 18/13 heiter det mellom anna: «Dersom kommunestyret no vel å følgja tilrådinga frå prosjektgruppa inneber det ei ombygging av rådhuset. Dersom kommunestyret ønskjer å følgja prosjektgruppa si tilråding om at helsetenestene framleis skal vera lokalisert på rådhuset utan ei tilpassing der helsetenestene vert samla bør saka sendast tilbake til prosjektgruppa for ei ny vurdering då det bryt med dei pre-missa gruppa har arbeidd ut frå. Me er kjent med at særskilt fleire av helsetenestene våre har opplevd at arbeidslokala slik dei i dag er på Rådhuset ikkje er tenelege. Det er gjennom HMT vernerundar kome innspel om ueigna arbeidstilhøve frå både psykiatri, fysioterapi, helsesta-sjon og barnevern. Tysnes kommune har i dag ikkje gode tilbod om gode arbeidstilhøve for desse gruppene og det er heller ikkje gode nok rammer for dei som nyttar tenestene deira.» Rådmannen fekk ei ny kalkyle for ombygging i byrjinga av juni, men fann at det framleis var for dyrt til at det ville la seg realisera. Framlegget me no legg fram inneber at me ikkje gjer noko utanom det som er heilt turvande. Kalkylen for prosjektet er at ei ombygging for å ivareta helsetenestene sine behov har ein kostnad på nær 4,1 million eks. mva. Dette vert samstundes ein del av prosjektet med nytt omsorgssenter. I framlegget som no ligg føre får me samla fagtenester for helse på ein måte som i større grad kan stimulera fagleg samarbeid på tvers av profesjonsgrensene, noko som var eit viktig moment i vurderinga i forstudien. Rådmannen er også trygg på at dei samla helsetenestene vil opplevast betre frå eit brukarperspektiv. Det er no lagt opp til ein eigen inngang for dei som skal vitja lege, fysioterapeut, psykiatri eller anna helsepersonell, inngangen vil kunna nyttast både på dagtid og ved vitjing på legevakt. Ikkje minst med omsyn til å vitja legevakt vil dette vera ei stor kvalitetsbetring, per i dag er dei som treng legevakt tilvist til å nytta akuttrommet som inngang. Ein slik bruk av akuttrommet kan føra til uverdige situasjonar og kan heller ikkje seiast å vera optimalt med omsyn til tenestetryggleik.

Ved etablering av ein ny styringsstruktur i Tysnes kommune er det eit ønskje å få samla dei operative helsetenestene i ei eining. Det at dei no vert samla fysisk vert vurdert som ein stor føremon for å lukkast med eit slikt grep. I etasjen over legekontoret ser me føre oss å lokalisera pleie- og omsorg, barnevern og psykisk helsearbeidar for barn og unge. Rådmannen har frå tidlegare ei føring om å vurdera ei samorganisering av barnevern og psykisk helse for barn og unge. I teikningane som no er lagt fram ligg det langt betre til rette for å organisera desse tenestene saman og samstundes dra vekslar på den faglege tilknytinga til psykiatrisk helse. For ei djupare analyse av føremonar i å samle helsetenestene på rådhuset vert det vist til forstudie nytt omsorgssenter, rapport 1. Ombygging av administrasjondel: I eit tid der innsparingar er det sentrale og der me no gjennom fleire år har lagt ned skular, kan det vera vanskeleg å forsvare å nytte pengar på å gjennomføra ei ombygging av rådhuset sin administrasjondel. I framlegget som no vert lagt fram er ombyggingane justert ned til eit absolutt minimum. Det er ikkje lenger tenkt ein ny inngang eller store publikumsareal. Det er føresett at kontor ikkje vert oppgradert i samband med endringa. Endringane som er å finna i vedlagde planar har berre som mål å realisera eit felles sekretariat, andre endringar er i hovudssak tilpassingar som må gjerast for å samla helsetenestene. Den estimerte kostnaden knytt til ombygging av den administrative delen av rådhuset er kalkulert til 1,9 millionar kr. eks. mva. Dersom me vurderer denne kostnaden isolert så tilsvarar det ein årleg gjennomsnittleg kostnad dei ti første åra på kr. 153.000 i. Spørsmålet då er om prosjektet let seg forsvara ut frå ei forretnings messig vurdering. Det er tidlegare vore lagt fram tal om årlege kutt i storleik kr. 1,6 millionar kr. som følgje av ombygging av rådhuset og realisering av fellestenestene. Dette skulle i så tilfelle gje eit årleg overskot på denne investeringa på nær 1,45 millionar kr. Til dei som nærar ein viss skepsis til den årlege innsparinga, så må det nemnast at det nok i lita grad er vist kor innsparinga faktisk skal gjennomførast. Innsparinga er føresett allereie inn i økonomiplanen for neste år ved at det er lagt inn eit kutt på alle etatar på 0,4 millionar kr. Rådmannen er skeptisk til om det er mogleg å realisera ein så stor vinst på så kort tid, men meiner klart at ei ordning med samling av arkiv og sekretariatsfunksjonen vil gje vesentlege innsparingar. Noko av innsparingane vil kunna hentast ut relativt raskt, medan andre vil ta koma som eit resultat av betre fagmiljø og etablering av nye arbeidsformer. Nokre av innsparingane vil koma direkte i fellestenesta, medan andre vil kunna hentast ut på sakshandsamar og anna administrativt nivå som følgje av betre tilrettelegging av arbeidsprosessar. Eit årsverk inklusive sosiale kostnader og andre indirekte kostnader kan minimum kostnadsreknast til 550`` kr., eit personaluttak på 30 % vil då vera tilstrekkeleg til å svara for heile kostnaden som følgjer denne investeringa. i Det er då føreset eit serielån med 25 års løpetid og 5 % rente.

Medan rådmannen meiner at eit årleg uttak på 1,6 millionar kr. neppe er realistisk frå første år, meiner han at det er mogleg å gjera vesentlege innsparingar over tid. Det bør kunne gjerast stillingsreduksjonar minimum i storleik 2 årsverk, men det er viktig å gjera merksam på at den fulle reduksjonen ikkje nødvendigvis skal hentast frå fellestenesta. 1,5 årsverk må hentast frå fellestenesta som følgje av samordningsvinstar og ikkje minst som følgje av at organisasjonen vert mindre sårbar. Endringa må vurderast i ljos av naturleg avgang, dette gjev også moglegheit til å få overført kompetanse. Det må over tid kunna hentast ytterlegare eit årsverk som følgje av at dei direkte vinstar ei slik teneste gjev for sakshandsaming. Eit effektivt kundemottak sorterer og kvalitetssikrar inngåande søknader og anna post. Sakshandsamarar bruker såleis mindre tid på oppfølging av førespurnader, søknader med vidare som ikkje har tilstrekkeleg kvalitet. Etablering av kundemottak fører også til betre skjerming av sakshandsamarar, resultatet vert betre kvalitet i sakshandsaminga og større produktivitet. Det vert og eit stort føremon at fleire tilsette skal kunna løysa dei same oppgåvene. Då vert me ikkje lamma av ei sjukmelding, ferieavvikling, eller om tilsette er vekke av andre grunnar. Det ligg i dag vesentleg potensiale i å vidareutvikla funksjoner i sak og arkivsystema, det er i hovudssak tilsette på sekretariata som i dag har denne kompetansen, utfordringa er at det ikkje er eit samla fagmiljø som har kraft til utvikling. Det må vera eit mål at flest mogleg saker skal kunna løysast nærast mogleg kunden, dette inneber at ein del oppgåver som i dag ligg til ulike sakshandsamarar kan løysast direkte i kundefront. Etablering av ei fellesteneste kan også verka til å få fortgang i arbeid med elektronisk arkiv og elektroniske brevutsendingar noko som vil kunna gje innsparingar både i personell og i andre direkte utgifter. Eit forsiktig overslag på ein reduksjon tilsvarande 1,5 stilling totalt over dei nærmaste åra vil gje ein årleg innsparing på 805.000 kr. Til samanlikning er årlege kostnader til rente og avdrag for eit lån på 6 millionar kr. 483.000, gitt same premissar som ovanfor. Innsparingar i storleik 1,6 millionar bør vera mogleg sett over ein del år, men det vil vera uklokt å oversjå pukkeleffekten som ligg i ei slik endring. Det er svært få verksemder som kan visa til store innsparingar under ei omstilling, innsparingane er vanskeleg å realisera fullt ut før organisasjonen har «satt seg» att. Her synes det stundom å vera ein skilnad mellom offentleg og privat sektor, medan dei fleste private verksemder investerer i omstilling synes offentlege verksemder å tru at du kan hoppa bukk over omstillinga og gå direkte til vinsten. Eit av dei ferskaste døma på sistnemnde er den store omstillinga i helseforetak sør-aust. Me har i denne omgang berre sett litt på dei økonomiske innsparingane som føl etablering av fellestenesta, men det ligg også forventningar om vesentlege kvalitetsforbetringar. Dei som møter på Rådhuset vil no møta ein person allereie når dei går inn, me vil kunne ha eit sentralbord som er fullt ut betjent og vil kunna arbeida med kundeservice som eit fag! Til dette kan det merkjast at innsparinga skal gjennomførast uansett, og i ljos av Tysnes kommune sin økonomiske situasjon må me vera budd på det. Ei innsparing innan dei rammene som ligg i dagens struktur på Rådhuset, vil utan tvil føra til ei dårlegare kvalitativ

utvikling av tilbodet. Det vil heller ikkje vera eigna til å skapa miljø som over tid vil vera i stand til å gripa nye moglegheiter for innsparing og kvalitetsutvikling. For meir utfyllande informasjon om etablering av ei fellesteneste vert det vist til Sluttrapport for delprosjekt stabsfunksjonar og innkjøp datert 22.08.12 Trinnvis utbygging: Utfordringa ved ei ombygging er at det eine fører med seg det andre, og at det er nesten umogleg å gjennomføra ombygginga i fleire trinn. Dette er vurdert, og rådmannen har derfor landa på ei tilråding om ei så rask gjennomføring som mogleg. Det er i den samanheng også viktig å peika på at ei rask gjennomføring vil skapa minst mogleg ulempe både for tilsette og for dei tenestene kommunen er sett til å levera. Oppsummering Det kan argumenterast mykje breiare i denne saka enn det som er gjort i dette saksframlegget, mange av argumenta for å gjennomføra denne ombygginga er likevel godt kjent. Ei ombygging av rådhuset vil etter rådmannen sitt syn ha positiv effekt innafor alle dei fire grunnperspektiv i målbilete vårt: Personal, teneste, økonomi og fornying. I dette saksframlegget er det likevel økonomi som er tillagt mest merksemd. Dei andre perspektiva er i stor grad vurdert i samband med dei underliggjande arbeida som gjev grunnlag for denne saka. INNSTILLING FRÅ RÅDMANNEN: Kommunestyret føreset at det vert sett av inntil kr. 6 millionar i økonomiplanen med sikte på å realisera ombygging av rådhuset i samsvar med planteikningar lagt føre i denne saka.

SAKSPROTOKOLL FRAMLEGG TIL VEDTAK FRÅ FORMANNSKAPET 27.08.2013: Kommunestyret føreset at det vert sett av inntil kr. 6 millionar i økonomiplanen med sikte på å realisera ombygging av rådhuset i samsvar med planteikningar lagt føre i denne saka.

SAKSFRAMLEGG Tysnes kommune ENDRING AV KOMMUNALE RETNINGSLINER FOR STARTLÅN OG BUSTADTILSKOT Sakshandsamar: Anders Teigen Arkivsak : Arkivkode: 13/734 140 - Vedlegg: 1. Gjeldande retningsliner for startlån og tilskot i Tysnes kommune 2. Framlegg til nye retningsliner for startlån og tilskot i Tysnes kommune SAKSUTGREIING: Rådmannen føreslår nokre endringar i gjeldande retningsliner for startlån og tilskot i Tysnes kommune. Under pkt. 2 er det gjort slik tilføying: Personar busette i Tysnes kommune kan søkja om førehandsgodkjenning eller lån til konkret bustad. Det vert ikkje gjeve førehandsgodkjenning for personar busett utanfor Tysnes. Under pkt. 3, 4. avsnitt er eigenkapital kr. 30.000,- endra til kr. 50.000,-. Tabellen er oppdatert med auke i inntektsgrenser. Nest siste kolonne er fjerna ut frå at alle bustader som vert bygde no skal ha universell utforming. Pkt. 5 er endra slik at ein går etter forvaltningslova sine reglar. Det er ført til eit nytt pkt. 6, der kommunen skal ta rentemargin på 0,25 prosentpoeng til dekking av kostnader med å administrera ordninga. INNSTILLING FRÅ RÅDMANNEN: Framlegg til nye retningsliner for startlån og tilskot i Tysnes kommune vert vedteke.

SAKSPROTOKOLL FRAMLEGG TIL VEDTAK FRÅ FORMANNSKAPET 27.08.2013: Framlegg til nye retningsliner for startlån og tilskot i Tysnes kommune vert vedteke.

SAKSFRAMLEGG Tysnes kommune PLANVEDTAK - MINDRE ENDRING AV REGULERINGSPLAN FV 49 - GANGVEG UGGDAL Sakshandsamar: Asle Bernt Rekve Arkivsak : Arkivkode: 13/735 561 - Vedlegg: 1. Vedtak i formannskapet sak 20/13 19.02.2013 2. Endringsbeskriving datert 8. mai 2013 3. Skildring av naturmiljø etter naturmangfaldlova 4. Skriv frå Statens vegvesen datert 05.07.2013 5. Oppdatert føresegner datert 05.07.2013 6. Plankart del 1-5 datert 19.02.2013 7. Plankart del 6-9 datert 190213 SAKSUTGREIING: Reguleringsplan for gangveg i Uggdal vart godkjent av kommunestyre 21.juni 2005. Vel det siste året har Statens vegvesen forberedt gjennomføring av gangvegen. I dette arbeidet har vegvesenet funnet det nødvendig med mindre justeringar av vegtraseen, og har bede kommunen om at det vert gjort mindre endringar av reguleringsplanen.endringar av planen går fram av vedlegg 1 og 2 og viser på plankarta. Etter den nye plan- og bygningslova skal endring av reguleringsplanar følgja same reglar som ein ny plan. I møte 19. februar 2013 vedtok formannskapet å kunngjera og å senda endringsframlegget ut på høyring. I vedtaket gjekk det også fram at dersom det ikkje kom inn vesentlege merknader til endringa, ville kommunen vurdera å leggja endring av reguleringsplanen direkte fram for planvedtak. Statens vegvesen har lagt endring av planen ut til offentleg ettersyn og sendt den på høyring. Det kom inn merknad frå NVE og Fylkesmannen. I skriv datert 05.07.13, vedlegg 4, har vegvesenet kommentert merknadane og teke dei til etterretning. På grunnlag av merknaden frå fylkesmannen er føresegnene, vedlegg 5, endra og tilført tabell i forhold til tap av dyrka mark. I same skrivet oppmoder vegvesenet kommunen om at endring av reguleringsplanen vert teke opp til godkjenning utan ny høyringsrunde. Ut frå at det ikkje er komme inn vesentlege merknader, og vegvesenet har opplyst at dei har komme fram til semje med grunneigarane, legg rådmannen endring av reguleringsplanen fram for godkjenning. INNSTILLING FRÅ RÅDMANNEN:

Med heimel i plan- og bygningslova 12-12 vedtek Tysnes kommunestyre endring av reguleringsplan for gangveg langs FV 49 i Uggdal. Godkjent reguleringplan går fram av plankart datert 19. februar 2013 og føresegner datert 5. juli 2013.

SAKSPROTOKOLL FRAMLEGG TIL VEDTAK FRÅ FORMANNSKAPET 27.08.2013: Med heimel i plan- og bygningslova 12-12 vedtek Tysnes kommunestyre endring av reguleringsplan for gangveg langs FV 49 i Uggdal. Godkjent reguleringplan går fram av plankart datert 19. februar 2013 og føresegner datert 5. juli 2013.

SAKSFRAMLEGG Tysnes kommune FRAMTIDIG BRUK AV KAIAR I TYSNES KOMMUNE Sakshandsamar: Steinar Dalland Arkivsak : Arkivkode: 13/731 521 - Vedlegg: 1. Kopi av formannskapet si møtebok PS 8/13 2. Notat frå KPMG vedk organisering av samarbeid til oppføring og drift av kaianlegg 3. Framlegg til avtale om leige av kaianlegg mellom Tysnes kommune og Tysnes næringspark AS 4. Skriv frå SLF om tilskot til tømmerkai 5. Skriv frå Onarheim grunneigarlag dagsett 31.05.13 6. Skriv frå Meidell AS om kjøp av kai dagsett 08.04.13 7. Drøftingssak kommunale kaiar i Tysnes- status og vegen vidare 2002 SAKSUTGREIING: I samband med skriv frå Tysnes næringspark dagsett 12. november f.å. vart det teke opp sak om kai ved Tysnes næringspark, det vart gjort slikt vedtak i saka: Rådmannen får fullmakt til å forhandla fram utkast til ein endeleg avtale om kai på Heningen med Tysnes Næringspark. I samband med arbeidet bør det vurderast ulike modeller for samarbeid. Avtalen vert lagt fram for endeleg politisk godkjenning. Det vert tilsvarande gjennomført drøftingar med Onarheim Shipping om alternative modellar for drift og utvikling av kaianlegget i Elsakervågen. Det vert å leggja fram ei sak knytt til kommunale kaianlegg innan juni 2013. Det skal leggjast til grunn ein føresetnad om at deler av kaianlegga me har i dag kan seljast til private. Det vert å leggja fram ei sak knytt til etablering av kairegulativ for kommunale kaiar i Tysnes innan juni 2013. Med utgangspunkt i ovannemnde vedtak har rådmannen saman med økonomisjef og næringskonsulent hatt vidare drøftingar med Tysnes næringspark med sikte på å kunna gjera ein avtale om kai på Heningen. Det er også gjennomført innleiande drøftingar om andre kaiar,

under dette kaien på Elsakervågen, Uggdal dampskipskai, kai på Flatråker og kai på Amlandsstø. Formannskapet er orientert fortløpande. I saka som vart lagt fram for formannskapet i februar vart det gjeve ei orientering opp mot andre prosjekt, då i første rekkje opp mot dei planlagde investeringane i Elsakervågen. Tysnes kommune søkte SLF om stønad til etablering av tømmerkai i Elsakervågen i 2013, men nådde då ikkje opp. Det var ikkje sett av midlar til at kommunen kunne realisera kai her i eigen regi. I saka som vart lagt fram for formannskapet var det også ei vurdering av andre kaianlegg. Det vart tilrådd at det vart gjort ei vurdering med omsyn til å avhenda anlegg både for å sikra vidare drift av kaianlegga og for å redusera framtidige vedlikehaldskostnader. Kai på Heningen Utgangspunktet for saka er eit tilbod frå Tysnes næringspark der kommunen kan inngå avtale om leige av kai ved Tysnes næringspark. Årleg leigepris var estimert til kr. 350.000, under føresetnad av at kaien vart bygd med ei lengd på 45 meter, 11 meter brei og med 9 meters djupna. Føresetnad for å byggja kaien så stor er at det skal vera høve til å nytta kaien som tømmerkai. Det er også opning for å byggja ein mindre kai med ei lengd på 23 meter. Tysnes kommune har i utgangspunktet vore open for å vurdera begge alternativa ut frå at det er behov for å få eit moderne og tenleg kaianlegg. Rådmannen gjorde i PS 8/13 ei slik prinsipiell vurdering av spørsmålet om å eiga eller leiga kai: Det er eit interessant prinsipielt spørsmål om kommunen nødvendigvis skal stå som eigar av dei viktige kaianlegga i kommunen. Det er inga tvil om at kommunen har eit ansvar for å leggja til rette for ein tenleg infrastruktur også langs sjøvegen, men det er ikkje med det sagt at kommunen også skal stå som eigar. Ved at kommunen sjølv eig kaianlegg er det klart ein føremon at me har kontroll over anlegget i eit langsiktig perspektiv, som ein refleks kan me sei det er betre å eiga enn å leiga. Historia har likevel vist at det har vore vanskeleg å følgja opp kommunale anlegg med tilstrekkeleg midlar til vedlikehald, resultatet har vorte at deler av dei kommunale anlegga har stått avstengt i påvente av rehabilitering. I samband med ein leigeavtale vert vedlikehald eit kontraktsmessig tilhøve som kanskje er lettare å følgja opp. Å sleppa driftsansvar kan vera eit vektig argument for å dekka behovet vårt gjennom leige. Det er også vektig argument som taler mot ein strategi der kommunen berre er leigetakar, i første rekkje er dette knytt til uvisse i samband med utløp av leigeavtale. Kommunen kan ved utløp av leigeavtalen vera i ein svak forhandlingsposisjon, i særskild grad om me har gjort oss avhengig av den aktuelle kaien. Me kan vidare risikera at eigar av kaien går konkurs, eller av anna grunn avsluttar si verksemd. Tysnes kommune vil i ein slik situasjon risikera at viktig infrastruktur fell vekk som følgje av tilhøve utanfor vår kontroll.

Ovannemnde vurderingar taler for at kommunen i samband med ein eventuell avtale om leige må freista å sikra seg langsiktige avtaler med føringar knytt til forkjøpsrett under gitte føresetnader dersom me vel å gå inn i eit leigeforhold. Vurderingane kan også gje grunnlag for å vurdera alternative modellar slik som direkte finansiering/innkjøp i kaianlegg. Frå kommunen si side vart det tidleg signalisert at me treng å sikra ei langsiktig avtale, og at me såleis også vil vurdera direkte deltaking til dømes gjennom oppretting av eit felles selskap. Gjennom dette ville me sikra langsiktig bruk og drift av kaien. Føresetnaden er då at selskapet står for drifta. Ei utfordring ved etablering av eit felles selskap er at kommunen ikkje får lån til aksjekapital. Eit alternativ då vert at kaien vert seksjonert og at Tysnes kommune byggjer «sin del». Løysinga vart utgreidd i ljos av avgiftsreglar, reglar for offentlege «anskaffelser» og reglar for offentleg stønad, jamfør vedlegg 2. Etablering av eit felles aksjeselskap hadde fleire ulemper, for det første er det komplisert i høve til avgiftsspørsmålet, for det andre vil ikkje eit slikt selskap kunna nytta kommunen sine gunstige låneavtaler. Med bakgrunn i dette vart det arbeidd vidare med ei løysing der kommunen står som eigar av heile kaien, i dette tilfelle må Tysnes kommune kjøpa grunn av Tysnes næringspark, sikra vegrett og ta investeringa med etablering av kaien. Føremonen med denne løysinga er at me får eit tenleg kaianlegg og kan avhenda anlegg som i dag ikkje svarer til tida sine krav. Etter at ulike alternativ er vurdert, synes følgjande alternativ å vera tilrådeleg ut frå Tysnes kommune sine interesser: 1) Tysnes kommune fører opp og leiger kaien vidare, utleige er underlagt friviljug registrering etter lov om meirverdiavgift 2-3. 2) Tysnes næringspark AS står som leigetakar til kaien og framleiger kaien til Vestskog SA og andre aktørar 3) Framleige av kaien er underlagt 2-3 registrering hjå Tysnes næringspark AS. Kaien vert då å leiga til avgiftspliktige verksemder. I realiteten inneber dette at kaien vert å rekna som ein kai for næring og industriføremål.. Det er ikkje behov for å ha privat bruk av kaien då slik aktivitet kan ivaretakast gjennom kaien ved Tysnes sjø og fritid. Leigeavtalen vert inngått med Tysnes næringspark AS som også er heimelshavar til eigedomen på Heningen. Tysnes kommune får fullt frådrag for mva. i samband med bygging av kaien. Dokumentasjonskravet til Tysnes kommune er avgrensa til å gjelde leigetilhøvet andsynes Tysnes næringspark AS. Tysnes kommune krev ei leige frå Tysnes næringspark der leigeinntektene dekker renter, avdrag og drift av kaien i leigeperioden. Det er semje om at leiga tar utgangspunkt i serielån med rentesats på 3,5 % og 20 års nedbetalingstid. Leigetakar kan framleiga kaien i samsvar med premissa i vedlagte avtale, leigeprisar for vidare utleige skal vera marknadsprisar. Der-

som det oppstår tvist mellom eigar og leigetakar skal satsane kunna vurderast opp mot gjengs marknadsleige for kaiar i regionen, dette er tilhøve som må takast med som tillegg til den føreliggjande avtalen. Det er ikkje usemje mellom partane om at det er grunnlag for eit slikt tillegg til avtalen. Alle alminnelege driftskostnader til kaien vil i leigeperioden falla på leigetakar med unnatak av snøbrøyting som vert utført av eigar. Tysnes næringspark tar den forretningsmessige risikoen dei første 10 åra, etter at leigeavtale går ut fell i realiteten risikoen attende til Tysnes kommune. Investeringskostnader for ein kai med lengde 45 m, breidde 11 meter og med 9 meters djupna ved kai front er i 2012 kalkulert til 7,9 mill. nok. Tysnes kommune må henta inn nytt anbod på kaien etter reglar om offentleg «anskaffelser». Dersom investeringskostnaden vert annleis vil det verta spegla i årsleiga dei første ti åra Når problemstillinga er at me p.t. har for mange kaiar kan ein undrast over at rådmannen rår til å byggja,og stå som eigar av ennå ein kai. Dette må sjåast i ljos av den samla vurderinga av kaiar. Fleire av kommunen sine kaiar svarar ikkje til dagens behov og er i noko grad prega av manglande vedlikehald. I gjeldande økonomiplan er det sett av 6 millionar til reinvestringar i eksisterande kaiar i perioden frå 2014-2016. Det vert føresett at desse midlane vert overført til ei ny investering på Heningen, eksisterande kaiar vert sanert eller avhenda. Tømmerkai Eit grunnleggjande spørsmål er kvar ein framtidig tømmerkai bør liggje- Elsakervågen eller Heningen. Rådmannen ser at det er føremonar og ulemper med begge alternativa. Heilt fram til det siste har det vore vurdert om det skal byggjast tømmerkai på Heningen, eller om det er meir tenleg å satsa på ein mindre industrikai. Parallelt med Tysnes kommune sine drøftingar med Tysnes næringspark AS har Vestskog SA hatt drøftingar med Næringsparken, i byrjinga av juli gav Vestskog SA tilbakemelding om at dei er interessert i ein langsiktig avtale på Heningen. I slutten av juli tok Tysnes kommune kontakt med Vestskog og fekk stadfesta dette synet. 9. juli kom det melding om at det i revidert nasjonalbudsjett for 2013 er lagt inn totalt kr. 30 millionar til tømmerkaiar. Dette reiser igjen spørsmålet om me då burde gå tilbake til skissene for utvikling av kaien i Elsakervågen som tømmerkai. Dersom kaien når opp i samband med stønad bør dette i utgangspunktet vera mogeleg å henta leigeinntekter frå skogbruksnæringa for å svara for innskoten eigenkapital. Ei utbygging i Elsakervågen treng ikkje stengja for utviklinga på Heningen. På mange måtar har dette vorte framstilt som ei sak som handlar om desse to kaiane. Rådmannen har vore tydeleg på er at det ikkje er aktuelt å byggja to tømmerkaiar i kommunen. Dersom ein framtidig tømmerkai vert bygd i Elsakervågen vil det framleis kunna vera aktuelt å gå inn i eit mindre prosjekt på Heningen, dette må sjåast i ljos av at dei fleste kaiane me ønskjer å avhenda ligg på vestsida av øya. Dersom det vert etablert ein tømmerkai på Heningen bør det etter rådmannen sitt syn gjennomførast drøftingar med sikte på at andre overtek Elsakervågen. Ein føremon ved å leggja tømmerkai til Heningen er at det vil kunna redusera talet på kommunalt eigde kaiar til eit minimum og såleis vera løysinga som kan gje best økonomiske føresetnader på lang sikt. Over tid vil færre kaiar gje reduserte kostnader til vedlikehald og

me vil vonleg unngå situasjonen med stengde kommunale kaiar kring på øya Når det er sagt så treng ikkje dette å vera stor skildnad mellom dei ulike alternativa, det er bør også kunna tenkjast at inntekter frå skognæringa på Elsakervågen fullt ut dekker dette.. Ei klar ulempe med Heningen er, som rådmannen også skildra formannskapet si sak 8/13, at det gjev mykje aktivitet i nærleik av etablerte bustadområde. I den samanheng må det også nemnast at leveringar til elementfabrikken frametter vil gå via sjøvegen. Eit godt kaianlegg på Heningen vil også bety at dampskipskaien i Våge vert gjort om til ein rein anløps kai utan høve til å føra i land masse, trelast eller anna. Dette vil vera positivt med omsyn til den vidare utviklinga av Våge sentrum. Ei slik endring bør gjennomførast også om det vert investert i eit mindre anlegg på Heningen. Den største ulempa med kaien i Elsakervågen er at det er uvisse kring finansiering av prosjektet. Ut frå investeringsprogrammet er kaien estimert til 8,6 millionar (eks mva), det er føresett ei ekstern finansiering i storleik 7,75 millionar. Dersom kaien ikkje når opp i neste runde av tildelingar til tømmerkaiar, kan me i realiteten verta tvungne til å skrinleggja prosjektet. I verste fall vil me kunna koma i ein situasjon der me anten vert ståande utan eigna tømmerkai i kommunen, eller at Tysnes kommune må gjennomføra investeringa fullt ut i eigen regi og for eigen kostnad. Dersom det vert vedteke å ikkje gå vidare med etablering av tømmerkai i Elsakervågen bør det søkast om stønad frå SLF for kai på Heningen. Tilsvarande vert kommunen si eiga finansiering slik den går fram i gjeldande investeringsprogram flytta over til finansiering av kai på Heningen. Den store skilnaden mellom dei ulike prosjekta er at Heningen vert finansiert som eit OPS prosjekt og såleis kan realiserast uansett medan Elsakervågen er heilt avhengig av offentleg stønad for å realiserast. Dersom kommunestyre ønskjer å gå vidare med skissa i Elsakervågen og satsar på denne kaien som tømmerkai, bør det verta inngått samarbeid om utbygging av ein mindre industrikai på Heningen med kai front på 23 meter. Estimerte investeringskostnad på ein slik kai i 2012 er 4,2 millionar (eks mva.). Avtalen om mot Tysnes næringspark vil gjelda med same premissar som ved investering i ein større kai, kaien vil dekka behovet industri og næringsverksemder i område frå Uggdal til Lunde. Eit prosjekt med eit mindre kaianlegg her vil føra til reduserte kostnader over tid ved at andre kaiar på vestsida kan avhendast. Kai i Elsakervågen: I formannskapet sitt vedtak i PS 8/13 vart det føresett at det skulle gjerast ei avklaring opp mot initiativet frå Onarheim Shipping. Initiativet her var eit tilbod om mellomfinansiering der kommunen då leigde kaien tilbake til ein pris tilsvarande kostnad ved springande rente og avdrag. Tysnes kommune har tilgang til finansiering med betre vilkår enn Onarheim Shipping og initiativet vart såleis vurdert som uaktuelt av partane. Meidell AS meldte si interesse for kjøpa kaien i Elsakervågen. Eit slikt initiativ er naturleg ut frå at selskapet eig verksemda LOS Fjord som er avhengig av kaianlegg i si drift. Det er gjennomført samtaler om eit eventuelt sal av kaien. Ved sal vert det føresett at det skal vera ei ålmenn tilgang til kaien, dette er også i tråd med gjeldande regulering der kaien er regulert som offentleg kai. Kaien kan omregulerast etter normal planprosess med høyring og endeleg

politisk vedtak. Korleis det vil vera å følgja opp rettsleg i ein eventuell tvist er eit anna spørsmål. For å sikra dette kan det eventuelt lagast ein eigen avtale med utgangspunkt i kaien sitt bruksområde som industri og tømmerkai. I praksis betyr dette at det skal vera høve for andre å føra i land massar og trelast på kaien ved behov, eller nytta kaien til andre næringsføremål. Premissane for ein slik avtale kan vera servituttlova sine føresegner og elles prinsippet om «først i rett best i rett». Dette betyr også at kaien og tilhøyrande anlegg ikkje kan utviklast på ein slik måte at det stenger for annan bruk. Det vert ikkje lagt fram noko framlegg til avtale om avhending av Elsakervågen i denne saka ut frå at det ikkje er gjeve føringar som tilseier at Elsakervågen skal avhendast på noverande tidspunkt. Dersom kommunestyre vel å etablera ein tømmerkai på Heningen er det naturleg at det vert utarbeidd ein slik avtale om avhending. Formelle hefter ved eigedomen må også avklarast endeleg. Eit alternativ som også kan drøftast er å avhenda deler av kaien, for å dekka industriverksemda sine behov. Uansett må ein eventuell avtale ta opp i seg grunneigarlaget sine syn i saka og ha ein karakter som gjer at ulike interesser i Onarheims samfunnet vert ivaretake. Det er vanskeleg å sjå at dagens situasjon, der kaien er delvis stengt, kan vera tenleg for nokon av partane. Dersom det vert gjort vedtak om å gå vidare med Elsakervågen som ein framtidig tømmerkai bør verksemda LOS Fjord trekkjast tettare inn i samarbeidet. Samla vurdering av kaiar Tilbake i 2002 blei det av Arne Johan Johnsen førebudd ei sak og laga ei saksutgreiing andsynes status, kostnad med utbetring og prioriteringar av kaiar i Tysnes kommune. Saka blei ikkje lagt fram for utvalet/formannskapet, men blei så vidt me kjenner til drøfta politisk. I saksførebuinga var både næringsinteresser, landbruk og skog høyrde. Konklusjonen var då som no at det er store utfordringar knytt til vedlikehald og oppgradering av kommunale kaiar og at det er grunn til å prioritera kvar kommunen skal eiga kaianlegg opp mot lokale behov for offentleg bruk. Kommunen har krav på seg til å kontrollera kaianlegg og bruer kvart år, og til dette har me fram til no nytta SafeControll. Deira tilsynsrapport er lagt til grunn for ei oppdatering av noverande status. I det følgjande har me så godt det lar seg gjere vurdert dei einskilde kaianlegga ut frå kriterie om graden av offentleg tilgang og behov og graden til resursbruk og vedlikehald. I denne samanhang er kommunale bryggjer halden utanfor. Det er i oversikta som blei utarbeida i 2002 nytta begrep som distriktskai og hovudkai. I denne samanhang har me vald å nytta begrepa offentleg kommunal kai og industrikai. Havneanlegg navn Våge Dampskipskai Lunde Dampskipskai Status kommunale kaiar Kaien er rehabilitert og utvida i 2011. Ingen større vedlikhaldsbehov Forslag til framtidig status Offentleg kai. Skal ikkje nyttast som næringskai i samband med lasting/lossing av gods Offentleg kai utan avgrensingar

Malkenes hurtigbåtkai Flatråker tømmer - og dampskipskai Uggdal dampskipskai Sunda kai Amlandstø kai Elsakervågen kai og tømmerkai Søreidsvågen kai Kai ved Uggdal sjø og fritid Kaien er bygd ny i21013. Kaien kan avhendast. Noko vedlikehald er påkrevd. Må gjerast tiltak snarast. Deler av kaifronten har sklidd ut. Kaien er i relativt god stand, noko utfordringar med tilflot. Deler av kaien er avstengd pga manglande vedlikehald Kaien er avstengd pga manglande vedlikehald Ingen større vedlikhaldsbehov, dårlege grunntilhøve. Ingen større vedlikhaldsbehov. Offentleg kai/hurtigbåtkai. Relativt grunt vatn ved kaifront. Skogeigarlaget og båtlaget har begge signalisert eit ønskje om kjøp av kaien. Ny industrikai på Henningen vil ta over for bruken av Uggdal kai. Kaien bør seljast saman med grunn til eigar av huset. Offentleg kai utan avgrensingar, kan eventuelt utviklast på sikt. Bygdalaget og private interesser har signalisert eit ønskje om kjøp. Dersom Heningen blir bygd ut som tømmerkai bør kaien seljast. Private interesser har signalisert eit ønskje om kjøp. Offentleg kai utan avgrensingar Offentleg kai. Skal ikkje nyttast som næringskai i samband med lasting/lossing av gods, ivareta private behov. Kairegulativ hamneavgift Innføring av kairegulativ og generell hamneavgift i kommunen kan føra til at kommunen får plikt til å betala attende tidlegare momskompensasjon ved at ein går frå bruk som gjev kompensasjonsrett til bruk avgiftspliktig bruk. Etter hamne og farvatnlova vil det ikkje vera høve til å innføra kairegulativ for einskilde anlegg medan andre anlegg vert utan avgift. Såleis kan det vera utfordringar knytt til etablering av ei generell hamneavgift ut frå krav om tilbakeføring av kompensasjon. I tillegg til at det har avgiftsmessige utfordringar å innføra ein hamneavgift så ligg det også noko utfordringar knytt til oppfølging og administrasjon av ei slik ordning. Det vert ikkje rådd til å gå vidare med spørsmål om å etablera eit kairegulativ for Tysnes kommune no, men det må kunna takast opp til ei ny vurdering på eit seinare tidspunkt. Konklusjonar: Ut frå ei samla vurdering ser rådmannen to alternative vedtak i denne saka: Alternativ 1: I samsvar med premissane i denne saka og framlagde avtale vert det investert i ein kai med 45 meters lengde på Heningen, kaien vert å nytta som framtidig tømmarkai i kommunen.