Sakshandsamar: Helle Holte Bruland Arkivsaksnr: 16/1086 Journalpostnr: 16/15474 Styre, råd, utval Sak nr Møtedato Utval for plan og miljø 084/2016 24.11.2016 Ungdomsrådet 053/2016 21.11.2016 Råd for seniorar og menneske med nedsett 060/2016 21.11.2016 funksjonsevne Kommunestyret 092/2016 15.12.2016 Reguleringsendring av Opsalmarka - kontor, industri, lagerområde - Godkjenning av plan Endeleg vedtak Rådmannen sitt framlegg til vedtak: Fusa kommune godkjenner reguleringsplan for Opsalmarka GBNR 36/4 og 34/3 m.fl. datert 31.05.2016, med plan-id 1241 201302. Vedtaket er heimla i plan- og bygningslova 12-12. Kommunestyret 15.12.2016: Tilrådinga frå utval for plan og miljø vart samrøystes vedteke. KOM- 092/2016 Vedtak: Fusa kommune godkjenner reguleringsplan for Opsalmarka GBNR 36/4 og 34/3 m.fl. datert 31.05.2016, med plan-id 1241 201302. Vedtaket er heimla i plan- og bygningslova 12-12. Utval for plan og miljø 24.11.2016: Uttaler frå senior- og funksjonsrådet og ungdomsrådet vart kunngjort i møtet. Utvalet for plan og miljø tilrådde samrøystes at rådmannen sitt framlegg vart vedteke.
UPM- 084/2016 Vedtak: Utvalet for plan og miljø tilrår at rådmannen sitt framlegg vert vedteke. Råd for seniorar og menneske med nedsett funksjonsevne 21.11.2016: Senior- og funksjonsrådet tok saka samrøystes til orientering. RAAD- 060/2016 Vedtak: Senior- og funksjonsrådet tok saka til orientering. Ungdomsrådet 21.11.2016: Fusa ungdomsråd tok saka samrøystes til etterretning. UNG- 053/2016 Vedtak: Fusa ungdomsråd tek saka til etterretning. Saksframstilling: Vedtaksmynde: Kommunestyret Saksdokument: Planomtale med ROS-analyse for reguleringsplan for Opsalmarka 31.05.2016 Føresegner for reguleringsplan for Opsalmarka 31.05.2016 Plankart for reguleringsplan for Opsalmarka 31.05.2016 Vedlegg: Illustrasjonsplan Flomsonekartlegging Opsalmarka v/cowi AS G01 - Flomsonekart dagens situasjon v/200 årsflom G02 - Flomsonekart utybygt situasjon v/200 årsflom Merknader og uttalar til oppstart - 13.03.2015 Merknader og uttalar til offentleg ettersyn - 31.05.2016 Ikkje vedlegg:
Feltdata Mailkorrespondanse Faktiske opplysningar På vegne av tiltakshavar, Magne Skåtun Eigedom AS, har plankonsulent ABO Plan og Arkitektur AS utarbeidd detaljregulering på gbnr.36/4 og 34/3, på Fusa i Fusa kommune. Planarbeidet starta i 2014. Planen har vore på høyring og til offentleg ettersyn, og er no til endeleg godkjenning. Planen skal endeleg godkjennast i kommunestyret, og etter vedtak er det 3 veker klagefrist. Det er ikkje registrert merknader frå naboar og eigarar i planområdet etter oppstart. Planens føremål Planens føremål er etablering av nærings-/lagerbygg med tilhøyrande infrastruktur. Tiltaket gjeld utviding av vedteke reguleringsplan for Opsalmarka bustadområde. Dagens føremål i reguleringsplanen er industri/lager. Planområdet er i kommuneplanens arealdel sett av til sentrumsføremål. Opsalmarka bustadområde vart første gang vedteken i 1999. Endring av denne vart vedteken i 2001, og planområdet vart då noko utvida for å gje plass til eit større industri- og lagerområde. Området er i dag grovt planert med steinmassar. Det nye planforslaget datert 13.5.2016 overlappar del av eksisterande reguleringsplan for Opsalmarka bustadfelt, plannr.19982506 og reguleringsplan for Opsalmarka bustadfelt plannr. 24.7822. Planforslaget medfører at om lag 1 750 m2 vert omdisponert frå landbruksareal til industri, kontor og lager. Tomten har ei utnyttingsgrad på 50%. Merknader og motsegn Det er registrert uttalar frå Hordaland fylkeskommune, Statens vegvesen, frå Fusa bondelag og Bjørnefjorden landbrukskontor. Alle merknader til oppstart og til offentleg ettersyn er kommentert i vedlegg, og tatt til følgje/orientering. Det er registrert motsegn frå Noregs vassdrags- og energidirektorat (NVE). Motsegna er knytt til flaumfare igjennom planområdet som følgje av Steinbruelva. Det er utarbeidd flaumsonekartlegging v/cowi AS som ligg som vedlegg. Vurdering Planen verkar å være svært godt opplyst. Rådmannen meiner uttalar, merknader og motsegn til planarbeidet er følgt opp på ein god måte ved at dei er kommentert i vedlegg, og tekne til etterretning der det har vore naudsynt. Både vurdering av tilhøva for mjuke trafikkantar, trafikk, landbruksinteresser, kulturminne og naturmangfald etter 8 meiner rådmannen er ivareteke i planen og i planprossen på ein god måte. Kommunen vel å tydeleggjere handsaminga av landbruk og flaumfare i planen her under vurderingar: Særskilt om landbruk Fusa bondelag har gitt kommentarar til oppstart i 2014, der dei mellom anna påpeikar at området er sett av til landbruk, natur og friluftsføremål (LNF). I ny kommuneplan er arealet sett av til sentrumsføremål, og bruken av arealet vurderast å vera i tråd med dette. Området er konsekvensutgreidd på kommuneplannivå. Jordbruks- og landbruksareal er gitt følgjande føresegner i planen: 2.1.2 Jordbruksareal Ved rammeløyve/igangsettingsløyve skal det gjerast greie for handtering av jordressursane. Jord frå jordbruksareal (fulldyrka jord, overflatedyrka jord og innmarksbeite) som vert utbygd skal sikrast vidare bruk, primært til jordbruksformål.
6.1 Landbruksformål 6.1.1 LL skal nyttast til jord- og skogbruksdrift. I landbruksområdet skal det ikkje førast opp bygg. Særskilt om flaumfare NVE har gitt motsegn mot planen (sjå vedlegg) i høyringsperioden. Rådmannen meiner motsegna er teke til etterettning i planen på ein god måte. Motsegna lyder, utdrag frå brev: «NVE har motsegn til planen inntil flaumutsett areal er synt i plankartet med omsynssone «fareområde flaum», og det vert knytt til føresegner som sikrar tilstrekkeleg tryggleik før utbygginga kan finne stad.» NVE er vidare oppteken av at det ikkje er naudsynt å leggja elva i rør, og at den heller bør liggja ope. Dei rår til at elva vert regulert til «natur og friluftsliv» og at det vert sett av eit vegetasjonsbelte i planen. Dei meiner vidare at det bør gjerast ei konkret vurdering av grunntilhøva i området, då planområdet ligg under marin grense. Sistnemde er gjort i COWI sin flaumrapport. Motsegna til NVE er teke til etteretning i planframlegget som no ligg føre på følgjande vis: Elva («Steinbruelva») som går igjennom området er no omfatta av omsynssona «flomfare» med følgjande føresegn: 8.2 Faresone, flomfare 8.2.1 I flomsone H320 skal flomvegar sikrast i samsvar med flomsonekartlegginga datert 13.05.16. Området er no regulert til «naturområde» under «bruk og vern av sjø og vassdrag» og «grønnstruktur». Rådmannen meiner det er svært positivt at denne i stor grad skal liggja som ope vassdrag. Flaumsonekartlegginga som er utarbeidd av Cowi AS anbefaler at det avsetjast ein flaumsone/flaumveg med breidde på seks meter mellom fylkesveg og planlagt bygningsmasse. Dette er gjort. Det er òg knytt følgjande føresegner til området rundt elva: 5.1 Grøntstruktur 5.1.1 Innanfor G1 kan det gjennomførast terrengarbeid for å tilpasse skråning mot BIKL, slik at denne vert tilpassa omkringliggjande terreng. 5.1.2 Område G2 skal ligge som eit ubygd område. Arealet skal tilplantast på tiltalande måte og opparbeidast som eit grøntområde. 5.2 Naturområde 5.2.1 Innanfor naturområde GN skal det oppretthaldast eit naturleg vegetasjonsbelte. 7.1 Naturområde (under bruk og vern av sjø og vassdrag) 7.1.1 Steinbruelva innanfor naturområde VN skal oppretthaldast som open bekk. Rådmannen meiner med dette flaumfaren er handtert på ein god måte. NVE får tilsendt planen for klagevurdering etter handsaming i kommunestyret. Klagefristen er tre veker. Utdrag frå fylkesmannen si samordna uttale (sjå vedlegg): Fylkesmannen orienterer med dette Fusa kommune om at det ligg føre statleg motsegn frå Noregs vassdrags og energidirektorat (NVE) til planframlegget. Grunnlaget for motsegna er at det ikkje er teke tilstrekkeleg omsyn til fare for flaum mot planlagde utbyggingsareal.
Direktoratet opplyser elles at dersom flaumutsett areal vert synt i plankartet med omsynssone Fareområde flaum og det vert teke inn føresegner som sikrar flaumsikker utbygging, jf. tryggleikskrava i Byggteknisk forskrift (TEK10) 7-2, fell grunnlaget for motsegna bort. Etter rådmannen si vurdering er motsegna teke til etteretning og innarbeidd i planen på ein god måte. Det er ikkje avdekt andre negative konsekvensar ved tiltaket. Tiltaket vil medføre auke i arbeidsplassar i kommunen. Særskilt om parkeringskrav I arealdelen til kommuneplanen er parkeringskravet for kontor 1 plass per 25 m2, for industri 1 plass per 100 m2 og for lager 1 plass per 300 m2. I reguleringsplanen er det for kontor, lager og industri satt av 1 plass per 100 m2. Ein liten del av området vil vera til kontor, og parkeringsdekninga vurderast derfor som god. Rådmannen sitt framlegg til vedtak vert, etter ei samla vurdering, å godkjenne reguleringsplan for Opsalmarka gbnr. 36/4 og 34/3, Fusa. Vedlegg: Planomtale med ROS-analyse for reguleringsplan for 1336465 07.10.2016 Opsalmarka 31.05.2016 Plankart for reguleringsplan for Opsalmarka 31.05.2016 1336464 07.10.2016 Føresegner for reguleringsplan for Opsalmarka 1336458 07.10.2016 31.05.2016 Illustrasjonsplan 1336461 07.10.2016 Flomsonekartlegging Opsalmarka Cowi AS 1336457 07.10.2016 G01 - Flomsonekart dagens situasjon 200 årsflom 1336459 07.10.2016 G02 - Flomsonekart utybygt situasjon 200 årsflom 1336460 07.10.2016 Merknader og uttalar til oppstart 13.03.2015 1336463 07.10.2016 Merknader og uttalar til offentleg ettersyn 31.05.2016 1336462 07.10.2016 Samordna uttale med motsegn i sak - Reguleringsendring 1338902 09.11.2016 (L)(164634) Motsegn til reguleringsplan - Brev frå NVE (L)(164635) 1338903 09.11.2016