Skodje kommune Teknisk avdeling Vågshøgda AS(SUS) Dato Sakshandsamar Vår ref. Deres ref. 03.07.2014 Ingunn Stette 14/961-14/47974 Reguleringsplan for Britplassen - del av gnr.17 bnr.1 - søknad om oppstart Vedlagt følgjer vedtak i FPU-sak 35/14. Faktura med sakshandsamingsgebyr for privat planarbeid er sendt pr. post til Vågshøgda AS(SUS) v/braute. Med helsing Ingunn Stette planleggjar Mottakarar: Namn Postadresse Postnr. Poststad Vågshøgda AS(SUS) Vågshøgda AS(SUS) Åse Midtlid Vadset Vadset 6264 TENNFJORD
Sak 35/14 Arkivsak nr: 14/961 Arkiv: Sakshandsamar: Ingunn Stette Sak nr Utval Møtedato 35/14 Det faste planutvalet 18.06.2014 REGULERINGSPLAN FOR BRITPLASSEN - DEL AV GNR.17 BNR.1 - SØKNAD OM OPPSTART Det faste planutvalet 18.06.2014 Handsaming: Rådmannens framlegg til vedtak vart samrøystes vedteke. Innstilling/vedtak: Det faste planutvalet vedtek å gi løyve til oppstart av reguleringsplanarbeid for Britplassen, del av gnr.17 bnr.1 som omsøkt. Vilkår for vedtaket er at: 1. Reguleringsplan skal utarbeidast som privat detaljplan etter PBL 12-3. Reguleringsplanen skal utarbeidast i samsvar med dei krav som er sett i plan-og bygningslova av 27.06.08. Plikta til kunngjering og underretning, etter PBL 12-8, ligg til den som let utarbeide reguleringsplanen Berørte partar og naboar i området, skal vaslast særskilt om det pågåande reguleringsplanarbeidet. 2. Tiltakshavar må utarbeide planbeskriving i samsvar med dei krav som er sett i PBL 4-2. Ved utarbeiding av føresegner til reguleringsplanen skal PBL 12-7 leggast til grunn. 3. Tltakshavar skal utarbeide illustrasjonar, som viser korleis leikeområdet er tenkt utnytta. Profilar av tilkomstvegen skal følgje saka. Vegen skal ha ei maksimal stigning på 1:10.. 4. Det skal betalast sakshandsamingsgebyr etter gjeldande regulativ. Jmf. PBL 33.
SAKSDOKUMENT: 1. Søknad om oppstart av reguleringsplanarbeid for område på del av gnr. 17 bnr.1, datert 26.05.14. SAKSOPPLYSNINGAR: Om saka. Stavseth & Lervik arkitektar AS søkjer på vegne av Vågshøgda AS(SUS) og grunneigar, Åse Midtlid Vadset, om å starte planarbeid for del av gnr. 17 bnr. 1. Formannskapet har i sak 51/13, frå 10.09.13, vedteke at Britplassen skal vere namn på det omsøkte området. Føremålet med planarbeidet er å legge til rette for utbygging av nytt bustadområde. Den foreslåtte reguleringsendringa er i stor grad i samsvar med planlagt utbygging, slik den var vist i reguleringsplan for Skodjevåg, godkjent 06.02.1978. Skodje kommune har rådd tiltakshavar til å starte ein ny planprosess, for å får eit grunnlag for utbygging og byggesakshandsaming meir i samsvar med dagens regelverk. I praksis er det i hovdsak i reguleringsføresegnene og planomtalen, at vi ser dei største endringane. Tomtedeling og tal på bustader vert ikkje vesentelg endra i høve til godkjend reguleringsplan. Storleiken på det planlagde utbyggingsområdet er om lag 12 daa. Området ligg nord for fylkesveg 104, og i tilknyting til eksisterande bustadfelt i Skodjevågen. Tiltakshavar har utarbeidd forslag til plankart og foslag til reguleringsføresegner. Bustadområda. Området er planlagt for frittliggande småhusbebyggelse. Talet på nye bueiningar er anslått til 15. Det er planlagt 4 to-mannsbustader på arealet som ligg nærast fylkesvegen(bf2), og 7 einebustadtomter på det øvrige arealet(bf1). Krav om 2 parkeringsplassar pr. bueining, er teke inn i forslag til føresegner. Byggeline mot fylkesveg 104 er foreslått til 15m. Nærleikeplass. Det er planlagt ein leikeplass vest i området. Leikeplassen har ein storleik på om lag 400 m2. Leikearealet ligg lett tilgjengeleg, både for bebuarar i det nye området og for dei som bur i eksisterande bustadfelt. Tiltakshavar viser til at den flataste delen av området ligg godt til rette for opparbeiding av t.d. leikeapparat, ballplass og sandkasse, medan den meir hellande delen kan nyttast for til dømes sklie/akebakke. Leikeplassen skal sikrast med gjerde. Nærleikeplass vert opparbeidd samstundes med teknisk infrastruktur. Køyrevgar/tilkomst. Det er planlagt tilkomst til området frå nord, via eksisterande tilkomstveg. Vegen er planlagt med ei
breidde på 8 m inkl. skulder. Terrenget er noko bratt, og vegen er lagt midt i feltet for å sikre forsvarleg avkjørsel til alle tomtene. Terrenget medfører nokre skjeringar og fyllingar, og vegen vil ha ei stigning på 1:10, untatt i kurven der ein kjem ned i 1:8. Turvegar. Det er planlagt ein turveg i vestre del av bustadfeltet inn i det regulerte friluftsområdet. Turveg er også regulert inn i austdelen av området, som knyt det nye området saman med eksisterande bustadområder. Veg, vatn- avløp og overvatn. Området ligg godt til rette for tilknyting til offentleg vassforsyning og offentleg avløpsanlegg. Tekniske anlegg i området skal byggast ut for heile området samla. Når det gjeld overvatn, er dette vatnet planlagt ført ut i elva mot vest. Tiltakshavar vil inngå naudsynte avtalar med Statens vegvesen og grunneigarar, om å nytte eksisterande overvassleidningar mot sjøen. Rådmannen si vurdering. Den foreslåtte reguleringsendringa er i stor grad i samsvar med planlagt utbygging, slik den var vist i reguleringsplan for Skodjevåg, godkjent 06.02.1978. Tiltakshavar har skissert eit tal på bueiningar i planområdet, og kommunen er nøgd med at det er planlagt ei overvekt av einebustader i det nye bustadfeltet. Bustadområda er vist som BF1 og BF2, og tiltakshavar tenkjer seg ein utnyttingsgrad på 30 % i begge delområda. Forslag til plankart viser hus, garasjeplassering og tilkomst til bustadtomtene. Det er ei målsetjing for rådmannen at området får eit funksjonelt vegnett, og at vegane vert planlagt for kommunal overtaking. Skjering/fyllingsutslag som følgje av tilkomstvegen, er teke inn i plankartet. Det er svært viktig at vegen får ei god høgdeplassering. Høgdeplasseringa skal sikre forsvarleg stigningstilhøve, og sikre tilkomst og minst mogeleg uheldige konsekvensar for dei tilliggande bustadtomtene. Rådmannen ønskjer at vegprofilar skal følgje saka, saman med detaljerte løysingsforslag på dei mest utsette tomteparsellane. Kommunen rår til at ein del av høgdeforskjellane inne på tomtene vert teke opp ved hjelp av forstøtningsmurar. Reguleringsføresegnene bør legge føringar for materialval på bygg og anlegg i området, og sikre at nye bygg vert tilpassa omgjevnadene. Det er planlagt eit leikeareal vest i planområdet. Leikearealet har ein storleik på om lag 400 m2, og ligg i hellande terreng. Tiltakshavar foreslår at området vert tilrettelagt med t.d. leikeapparat, sandkasse, ballplass og sklie/akebakke. Universell utforming skal sikrast så langt som råd gjennom reguleringsplan. Det kan med fordel utarbeidast illustrasjoner, som syner korleis området er planlagt nytta. Turveg skal sikre tilkomst til eksisterande gang-og sykkelveg langs riksveg 661. Det er planlagt ein liten turveg-stubb austover mot eksisterande bustadområde. Denne turvegen fell saman med regulert gangvegforbindelse vidare austover, slik den ligg i gjeldande reguleringsplan for Skodjevågen. Konklusjon.
Tiltakshavar v/ Stavseth & Lervik arkitektar AS, har søkt om oppstart av planarbeid for del av gnr.17 bnr.1- Britplassen. Tiltakshavar har teke utgangspunkt i gjeldande reguleringsplan for Skodjevågen, frå 1978, men vil oppdatere plankart, omtale og reguleringsføresegner i samsvar med dagens regelverk. Rådmannen kan tilrå at det faste planutvalet gir løyve til oppstart av reguleringsplanarbeid, innenfor omsøkt planavgrensing. Tiltakshavar har lagt ved forslag til reguleringsføresegner. Rådmannen viser til at det må utarbeidast planbeskriving i samsvar med dei krav som er sett i PBL 4-2. Ved utarbeiding av føresegner til reguleringsplanen skal PBL 12-7 leggast til grunn. Rådmannen rår elles til at tiltakshavar utarbeidar illustrasjonar, som viser korleis leikeområdet er tenkt utnytta. Rådmannen ønskjer at vegprofilar skal følgje saka, saman med evt. detaljerte løysingsforslag på dei mest utsette tomteparsellane. Vegen bør ikkje ha større stigning enn maksimalt 1:10. RÅDMANNENS FRAMLEGG TIL INNSTILLING / VEDTAK: [RÅDMANNENS] FRAMLEGG TIL [VEDTAK]: Det faste planutvalet vedtek å gi løyve til oppstart av reguleringsplanarbeid for Britplassen, del av gnr.17 bnr.1 som omsøkt. Vilkår for vedtaket er at: 1. Reguleringsplan skal utarbeidast som privat detaljplan etter PBL 12-3. Reguleringsplanen skal utarbeidast i samsvar med dei krav som er sett i plan-og bygningslova av 27.06.08. Plikta til kunngjering og underretning, etter PBL 12-8, ligg til den som let utarbeide reguleringsplanen Berørte partar og naboar i området, skal vaslast særskilt om det pågåande reguleringsplanarbeidet. 2. Tiltakshavar må utarbeide planbeskriving i samsvar med dei krav som er sett i PBL 4-2. Ved utarbeiding av føresegner til reguleringsplanen skal PBL 12-7 leggast til grunn. 3. Tiltakshavar skal utarbeide illustrasjonar, som viser korleis leikeområdet er tenkt utnytta. Profilar av tilkomstvegen skal følgje saka. Vegen skal ha ei maksimal stigning på 1:10.. 4. Det skal betalast sakshandsamingsgebyr etter gjeldande regulativ. Jmf. PBL 33.