Skodje kommune Teknisk avdeling

Transkript

1 Skodje kommune Teknisk avdeling Sak 71/15 Arkivsak nr: 14/961 Arkiv: Sakshandsamar: Ingunn Stette Sak nr Utval Møtedato 71/15 Det faste planutvalet REGULERINGSPLAN FOR BRITPLASSEN - DEL AV GNR.17 BNR.1 - OFFENTLEG ETTERSYN Det faste planutvalet Handsaming: Samrøystes vedtak i samsvar med rådmannens framlegg. Vedtak: Det faste planutvalet vedtek med heimel i plan- og bygningslova 12-10, å legge forslag til reguleringsplan for Britplassen - del av gnr.17 bnr.1 datert , ut til offentleg ettersyn med følgjande endringar: 1. Leikeplassnorm for Skodje kommune skal leggast til grunn for planlegginga. Reguleringsføresegnene skal innehalde krav om at lekeplassen skal opparbeidast med minst to leikeapparat i tillegg til sandkasse. 2. Reguleringsføresegnene skal innehalde bestemmelse om arealføremålet Bruk og vern av sjø og vassdrag, som sikrar bevaring av eksisterande elv/bekk i området. Eksisterande vegetasjon langs elven/bekken skal skjøttast på en slik måte at biologisk mangfald knytt til vegetasjon og livet langs elven/bekken vert ivareteke. Bekken skal i størst mogeleg grad haldast open. 3. Regulert turveg skal vere open for allmenn ferdsel. Kravet skal sikrast gjennom føresegnene til plan. 4. Eiga føresegn skal sikre at eksisterande vegetasjon og kvaliteter i regulert friområde vert teke tvare på og vidareutvikla. 5. Overvassnorm for Skodje kommune skal innarbeidast i plandokumenta og leggast til

2 grunn for utbygginga i området. Tiltakshavar må sikre seg tinglyste rettar til å føre overvatn over privat eigedom (og gjennom private overvassleidningar) til sjøen. 6. Planomtalen skal omtale omsynet til naturmangfaldet gjennom særskilt avklaring etter prinsippa i naturmangfaldlova SAKSDOKUMENT: 1. Forslag til reguleringsplan for Britplassen, del av gnr.17 bnr.1, med vedlegg, datert Profil for tilkomstveg, overvassberekning frå , og sjekkliste ROS 3. Saksutgreiing og vedtak i FPU-sak 35-14, frå , vedk. oppstart av planarbeid. 4. Innspel frå Noregs vassdrags og energidirektorat(nve), datert Innspel frå Statens vegvesen Region midt, datert Innspel frå Møre og Romsdal fylkeskommune, datert Innspel frå Fylkesmannen i møre og Romsdal, datert Innspel frå Tina Camilla Brunvoll, datert Innspel frå Veronica Vikestrand og Bjørnar Strømmen, datert Statens vegvesen si vurdering av mogeleg endra hovudtilkomst, datert Uttale vedr. arkeologi frå Møre og Romsdal fylkeskommune, datert SAKSOPPLYSNINGAR: Stavseth & Lervik arkitekter AS har, på vegne av Vågshøgda AS, utarbeidd forslag til reguleringsplan for Britplassen - del av gnr.17 bnr.1. Planområdet ligg på nordsida av fylkesveg 104 ved avkøyringa til Solnørdalen. Forslag til reguleringsplan ligg føre her med plankart, planomtale og føresegner, datert Det faste planutvalet gav i møte , sak 35/14, løyve til oppstart av reguleringsplanarbeid på vilkår. Som vilkår for vedtaket vart det m.a. sett krav til at tiltakshavar utarbeidde planbeskriving i samsvar med krav som er sett i lovtekst og tilhøyrande rettleiingar. Det vart vidare sett krav om illustrasjon, som viser korleis leikeområdet er tenkt utnytta og krav at profil av vegen med ei maksimal stigning på 1:10. Om forslag til reguleringsplan, datert Forslag til reguleringsplan legg til rette for utbygging av nytt bustadområde i Skodjevågen. Planforslaget som ligg føre omfattar totalt 15 nye bueiningar. Det er planlagt 7 nye einebustader i BF1 og 4 tomannsbustader i BF2. I tillegg er det regulert inn tilkomst til området via eksisterande kommunal veg (Britplassvegen), friområde og leikeareal for det nye bustadfeltet. Område for einebustader(bf1) og område for to-mannsbustader(bf2) Innanfor BF1kan det oppførast frittliggande småhusbebyggelse, med frittliggande dobbel garasje. I BF2 kan det byggast vertikaldelte tomannsbustader. I samsvar med føresegna skal terrengbearbeiding, murar, bygningar m.a. ha eit heilskapleg uttrykk. Bustadhusa kan oppførast med mønehøgd inntil 9.0 m og gesimshøgd inntil 6.5 over planert terreng sitt gjennomsnittsnivå. Maksimalt bebygd areal er sett til 30% BYA.

3 Garasjar i området kan oppførast inntil 50 m2, inntil 1m frå nabogrense, men med takfall til eigen grunn. Dersom garasje plasserast mot offentleg veg, kan den ikkje leggast nærare vegen enn 5 meter. Er garasjen plassert parallelt med vegen skal avstanden til vegen vere minst 2 meter. Planforslaget fastset krav til 2 biloppstillingsplassar pr. husvære. Nærleikeplass. Det er sett av eit areal til nærleikeplass i området, med ein storleik på om lag 500 m2. Nærleikeplassen skal ha naudsynt overflatebehandling slik at det eignar seg til leikeplass med utstyr, og vere opparbeidd samstundes med tekniske anlegg i området. Det er vidare sett krav om at det kan opparbeidast sti gjennom området, at del av området skal vere universelt utforma, og at leikeplassen skal sikrast. Planomtalen pkt. er det teke inn ein illustrasjon av det planlagde leikearealet, som viser at området er sikra med gjerde. Tilkomstveg Tilkomst til det nye bustadområdet er planlagt frå eksisterande kommunal veg. Vegføringa er planlagt midt i feltet for å sikre avkjørsle til alle tomtene. Terrenget er nokså bratt, slik at stigninga på vegen vert 1:10, utanom i kurva der stigninga vert 1:8. Terrenget gjer at det vert etter måten store skjeringar og fyllingar, særskilt i området ved kurva med radius 50 m. Grønnstruktur. Regulert turveg kan nyttast til tilkomst til omliggjande naturområde og tilkomst til gangveg langs fylkesveg 661. Turvegane skal opparbeidast samstundes med øvrige tekniske anlegg, som ein terrengtilpassa grusveg med minimum 1 meter breidde. Varsel om oppstart av reguleringsplanarbeid. Tiltakshavar har varsla oppstart av reguleringsplanarbeid, og det er kome inn merknader til saka frå berørte statleg og fylkeskommunale fagetatar, samt frå naboar i området. I planomtalen side 3, er merknadene gjort nærare greie for. Tiltakshavar sine vurderingar og kommentarar følgjer fortløpande her. Under er innhaldet i dei ulike uttalane kort oppsummert. For fullstendig oversikt over desse, viser eg til vedlagde brev frå partane. Noregs vassdrags og energidirektorat(nve) har i sin uttale, datert , vist til at det renn ei mindre elv gjennom planområdet. NVE rår til at arealbrukskategorien Bruk og vern av sjø og vassdrag, jf. PBL 12-5 nr.6, vert nytta til å merke vassstrengen og kantsoner. Elv med kantsone kan regulerast til underføremål «natur og friluftsliv». Bekken sitt skadepotensiale for flaum og erosjon må også vurderast. For å sikre bygningar mot skade frå flaum og erosjon er det tilrådd minsteavstand til bekk på minimum 20 meter. Statens vegvesen Region midt har i sin uttale, datert , peika på at fylkesvegen på strekninga frå Skodjevåg til Furlia i dag har ein standard og ei trafikkmengde som tilseier at vegen på sikt bør utbetrast til tofelts med gang-og sykkelveg. Føreståande varsla planarbeid må vurderast og tilpassast i høve til arealbehovet for ei vegutbetring med tilhøyrande løysing for gang-og sykkelveg.

4 Statens vegvesen viser til tilhøva på den aktuelle strekninga, og påpeiar at det ut frå trafikktryggleiken og trafikkavviklinga på vegen ikkje er særleg tilrådeleg med etablering av bustader innanfor varsla planområde før vegstrekninga vert utbetra. Møre og Romsdal fylkeskommune har uttala seg til varsel om oppstart av planarbeid , og viser til at omsøkt reguleringsføremål er i samsvar med kommuneplanen(2007) og tidlegare regulert til bustadføremål(1978). Fylkeskommunen ser positivt på at plangrunnlaget vert oppdatert. Tiltakshavar har alt utarbeidd mykje av dokumentasjonen som skal følgje saka, og førebels plankart viser ein fornuftig arealbruk med friområde langs bekken vest i planområdet, samt tilknytt turvegtrase og eit areal til leikeplass som synest eigna til føremålet. Fylkeskommunen har varsla at ein vil gjennomføre ei arkeologisk registrering i planområdet, og bed tiltakshavar om å ta kontakt med fagsakshandsamar for nærare informasjon om gjennomføring, kostnadsoverslag m.m. Fylkesmannen i Møre og Romsdal har i uttale, datert , vist på gjeldande bestemmelsar i plan- og bygningslova og særskilde krav til m.a. innhald i planomtalen og førehandskonferanse. Det skal gå klart fram av planomtale og sakutgreiing korleis prinsippa i Naturmangfaldlova er teke omsyn til og vektlagt i vurderinga av saka. Manglande vurdering er ein sakshandsamingsfeil. Nemner her sakspapira si skildring av overvatn og føring av vatnet ut i elv. Planområdet ligg nord for fv Når det gjeld omsynet til støy, må dette avklarast jf. Miljøverndepartementet si Retningsline for behandling av støyi arealplanlegging T-1442(2012), med tilhøyrande rettleiar M «Veileder til retningsline for behandling av støy i arealplanlegging». Planområdet ligg i.h.h.t. NGU sine kart, innanfor marin grense. Det må gjennomførast ein risiko- og sårberheitsanalyse for planområdet. Analysen skal vise alle risiko og sårbarheitsforhold som har betydning for om arealet er eigna til utbyggingsføremål, og om evt. endringar i slike forhold som følgje av planlagt utbygging. Område med fare, risiko- og sårbarheit skal merkast av i kartet som omsynssone. Når det gjeld ivaretaking av barn og unge sine interesser, føreset fylkesmannen at desse vert ivaretekne, og det visast til krav i PBL og Rundskriv T 2/08 frå Miljøverndepartementet om barn og planlegging, som inneheld liste over konsekvensar som bør vurderast og døme på føresegner som tek føre seg areal- og funksjonskrav til leikeplassar og andre friområde. Fylkesmannen er nøgd med at det er sett rekkefølgjekrav til opparbeiding av nærleikeplass, men ein bør også stille konkrete funksjonskrav og definere kor stor del av leikeplassen som skal vere universelt utforma. Tina Camilla Brunvoll har i brev, datert , vist til at ein i utgangspunktet er positiv til den planlagde utbygginga. Fylkesveg 104 er ikkje teke inn i planen. Dette er ei vegstrekning som er skuleveg for mange born er utan fortau, med tidvis stor trafikk. Utbygging av Britplassen vil medføre auke i trafikken, og det vert med bakgrunn i dette bede om at fortau langs fylkesveg 104 vert teke med i utbyggingsplanane. Veronica Vikestrand og Bjørnar Strømmen, har i brev, datert , vist til at bebuarar i Britplassvegen meiner at reguleringsplan frå 1978 bør moderniserast med omsyn til dagens auka bruk

5 av bil pr. bueining. Eksisterande tilkomst er ikkje tilrettelagt for auka biltrafikk, samt at tilkomst til det nye bustadfeltet ikkje er gunstig for eksisterande bebuarar eller nye bebuarar i det planlagde feltet på Britplassen. Vikestrand/Strømmen rår til at ny tilkomst bustadfeltet vert planlagt vest for tomt 8(frå fv 104 vest i planområdet), samt at bilveg mellom17/129 og 17/122 vert regulert som gangveg/turveg. Ved å opparbeide tilkomst til Gnr. 17 Bnr. 23, 26 og 28 i samsvar med reguleringsplan frå 1978, kan ein til to av dagens avkjørslar til fv 104 erstattast. Vikestrand/Strømmen peikar vidare på at det frå Britplassvegen 17(Gnr.17 bnr.122) er det målt 700 m ned til krysset mellom fv 104 og fv 661. Ved direkte tilkomst til det nye feltet frå fv 104, kan ein redusere kjøring til eigedomane med inntil 1 km. Pr. i dag har 2 bustadtomter direkte utkjøring i tilkomstområde, i tillegg til kryssande trafikk. Vegen i området er opparbeidd i 5 meters breidde. I forslag til reguleringsplan for Britplassen, kjem regulert veg inntil 2 meter inn på gnr. 17 bnr.122. Grunneigar på bnr. 122 godtek ikkje denne løysinga, viser til øvrige argument som er teke inn i vedlagd uttale frå partane. Skodje kommune har, m.a. med bakgrunn i innspel frå naboar i området, bede Statens vegvesen Region midt, om ei vurdering av om feltet kan få sin hovudtilkomst direkte frå fylkesveg 104. Ein tenkte då å få klarheit i om det kunne vere ei løysing at tilkomst til planområdet vart lagt i den søraustre delen av området (ved gnr.17 bnr.26). I Statens vegvesen sitt tilsvar, av , vert det konkludert med at realiseringa av arealbruken innanfor reguleringsplanen for Skodjevåg, med evt. omregulering av del av gnr.17 bnr.1, må basere seg på den vegløysinga som er nedfelt i gjeldande plan. Gjennom reguleringsplanen av 1978 er det lagt til rette for og teke høgde for etablering av eit trafikksikkert og funksjonelt vegnett for heile reguleringsplanområdet, jf. Vegnormalen sine krav til utforming og dimensjonering av vegar i bustadområde. Rådmannen si vurdering. Forslag til reguleringsplan legg til rette for oppføring av 15 nye bueiningar på Britplassen. Tilkomst til området er planlagt frå nord, via Britplassvegen. Møre og Romsdal fylkeskommune varsla ved brev, datert , at arkeologisk registrering var gjennomført utan funn av automatisk freda kulturminne. I samband med oppstartsvarslinga kom det inn merknader til saka som m.a. går på hovudtilkomst, trafikkbelastning på eksisterande veganlegg, trafikktryggleik osv. Statens vegvesen Region midt viser i sin uttale til tilhøva på fylkesvegen(fv 104), og peika på behovet for utbetring til to-feltsveg med gang- og sykkelveg på strekninga. Ut frå trafikktryggleiken og trafikkavviklinga på vegen, er det i følgje vegvesenet ikkje er særleg tilrådeleg med etablering av bustader innanfor varsla planområde før vegstrekninga vert utbetra. Naboar i området har også uttala seg til planforslaget. Det vert peika på ulemper av ei auka trafikkbelastning i eksisterande bustadområde, svært lang tilkomstveg til dei nye bustadene i feltet og behov for utbetringstiltak på eksisterande vegnett(fylkesveg og kommuneveg). Behov for etablering av

6 gang- og sykkelveg er også ein del av dette. Skodje kommune har tidlegare vore i dialog med Statens vegvesen om utbetringstiltak på fylkesveg 104, m.a. med tanke på breiddeutviding og betring av stigingstilhøva. Statens vegvesen har ikkje prioritert tiltak på denne delen av fv 104. Tiltakshavar viser i planomtalen til at i gjeldande reguleringsplan frå 1978, er fylkesvegen plassert sør for planområdet og sør for eksisterande vegbane. Planforslaget tek vidare utgangspunkt i 15 meter byggegrense. Planlagt turveg som er teke inn i forslag til reguleringsplan for Britplassen, vil lette forholda for gåande og syklande i området. Tiltakshavar meiner vidare at planforlaget ikkje hindrar for ei framtidig planlegging fylkesvegstrekning med tanke på breiddeutviding og etablering av gang- og sykkelveg, og viser til at formålet med denne detaljreguleringa primært er å oppdatere reguleringsplan i forhold til gjeldande lovverk. Rådmannen ønskjer standardheving på fylkesveg 104, med ei oppgradering til tofeltsveg og med gang- og sykkelveg på strekninga. Rådmannen legg til grunn at regulert vegline, som vist på vedlagt utsnitt i planomtalen side 2, ligg noko lenger sør for eksisterande fylkesveg på den aktuelle strekninga. Det kan sjå ut som om det med bakgrunn i eksisterande reguleringssituasjon frå 1978, vil vere plass til breiddeutviding og etablering av gang- og sykkelveg her i framtida. Det kan då tenkjast då at ein større del av fylkesvegstrekninga, frå kryss med fv.661 og forbi eksisterande industriområde i Furlia, bør inngå i ein ny reguleringsplan. Leikeplass. og andre friområde. Fylkesmannen er nøgd med at det er sett rekkefølgjekrav til opparbeiding av nærleikeplass, men ein bør også stille konkrete funksjonskrav og definere kor stor del av leikeplassen som skal vere universelt utforma. Rådmannen viser til at det er utarbeidd leikeplassnorm for Skodje kommune, og rår til at denne vert lagt til grunn for det vidare planarbeidet. Det bør vidare setjast konkrete funksjonskrav i samsvar med tilrådingane frå fylkesmannen, og då til dømes som krav om at lekeplassen skal opparbeidast med minst to leikeapparat i tillegg til sandkasse. Kravet bør innarbeidast i føresegnene til planen. Overvatn og forholdet til eksisterande elv/bekk HA-PLAN AS ved siv. ing. Hallgeir Wuttudal, har på vegne av tiltakshavar utarbeidd overvassberekning for det nye feltet. Det vert i denne vurderinga konkludert med at stikkrenne under fv.661 har kapasitet til å ta unna avrenninga både sett i høve til dagens situasjon og den marginale auken som kjem som følgje av ei utbygging på Britplassen. Vasstanden ved innløpet til stikkrenna vil kunne stige til om lag 30 cm over topp innvendig stikkrenne under dimensjonerande vassføring med 50 års returperiode både med og utan utbygging av Jensplassen og Britplassen. Ettersom stikkrenna og særskilt avløpet vidare mot sjøen er meir belasta enn ynskjeleg vert det tilrådd at stikkrenna og det vidare avløpet mot sjøen vert oppgradert før utbygging av større områder i dette nedslagsfeltet. Ei kanskje betre permanent løysing kan vere å legge ny kulvert A-C til Vågselva som vist på den vedlagde oversiktsteikninga. NVE viser i sin uttale til at det renn ei mindre elv gjennom planområdet. NVE rår til at det ikkje vert planlagt bebyggelse nærare elva enn 20 meter og at arealbrukskategorien Bruk og vern av sjø og vassdrag, jf. PBL 12-5 nr.6, vert nytta til å merke vasstrengen og kantsonar. I revidert utkast til plan,

7 datert , har tiltakshavar endra føremål for bekkefaret i vest på plankartet i samsvar med tilrådinga frå NVE. Tiltakshavar har endra arealbrukskategorien for elva til Bruk og vern av sjø og vassdrag, i samråd med tilrådinga frå NVE. Det er ikkje sett særskilde krav til dette arealet i forslag til reguleringsføresegner. Tiltakshavar viser elles til at til at busetnaden som er planlagt ligg med god avstand til bekkefaret, slik at dette ikkje vil utgjere fare i ein flaumsituasjon. Rådmannen viser til at det er utarbeidd overvassnorm for Skodje kommune, som skal visast til i plandokumenta og leggast til grunn for utbygginga i området. Når det gjeld nærare føresegner for arealføremålet Bruk og vern av sjø og vassdrag, rår rådmannen til at det gjennom føresegnene til plan vert sikra at området skal nyttast til bevaring av eksisterande elv/bekk i området, og at eksisterande vegetasjon langs elven/bekken skal skjøttast på en slik måte at biologisk mangfald knytt til vegetasjon og livet langs elven/bekken vert ivareteke. Bekken skal i størst mogeleg grad haldast open. Når det gjeld vidareføring av overvatn frå området, gjennom private overvassleidningar sørvest for området, jf. utgreiinga ovanfor, legg rådmannen til grunn at tiltakshavar sikrar seg naudsynte rettar til å nytte desse anlegga. Naturmangfaldlova Fylkesmannen peikar i sin uttale på at det skal gå klart fram av planomtale og sakutgreiing korleis prinsippa i Naturmangfaldlova er teke omsyn til og vektlagt i vurderinga av saka. Tiltakshavar har i planområdet kort konkludert med at planen ikkje kjem i konflikt med naturmangfaldet. Rådmannen legg til grunn at tiltakshavar skal vurdere omsynet til naturmangfaldet slik lovteksten krev, og gjennom særskilt avklaring etter prinsippa som er nedfelt i naturmangfaldlova Støy Planområdet ligg nord for fv Når det gjeld omsynet til støy, må dette avklarast jf. Miljøverndepartementet si Retningsline for behandling av støyi arealplanlegging T-1442(2012), med tilhøyrande rettleiar M «Veileder til retningsline for behandling av støy i arealplanlegging». Rådmannen har vurdert saka ut frå dei støykarta som er tilgjengeleg i GISLINK. Planområdet ligg utanfor gul sone for fv.661. Når det gjeld evt. vurdering av støy frå fv. 104, må dette evt vurderast ut frå ein ÅDT på 200 for Marine avsetningar Planområdet ligg i.h.h.t. NGU sine kart, innanfor marin grense. Ut frå planomtalen går det fram at området i hovudsak er markert som morenegrunn med god infiltrasjonsevne. Tiltakshavar har ikkje informasjon som tilseier at det er registrert ras eller utglidingar i området. Grønnstruktur - regulert turveg.

8 Regulert turveg kan nyttast til tilkomst il omliggjande naturområde og tilkomst til gangveg langs fylkesveg 661. Turvegane skal opparbeidast samstundes med øvrige tekniske anlegg, som ein terrengtilpassa grusveg med minimum 1 meter breidde. Rådmannen legg til grunn at turvegen skal vere open for allmenn ferdsel, og at dette vert sikra gjennom føresegnene til plan. Det skal lagast eiga føresegn som sikrar at eksisterande vegetasjon og kvaliteter i regulert friområde vert teke tvare på og vidareutvikla. Tilkomst Terrenget i planområdet er nokså bratt. Profilar som er utarbeidd av tiltakshavar viser at stigninga på vegen vert 1:10, utanom i kurva der stigninga vert 1:8. Terrenget gjer at det vert etter måten store skjeringar og fyllingar, særskilt i området ved kurva med radius 50 m. Rådmannen viser til at regulert tilkomst er i samsvar med gjeldande reguleringsplan for området frå Tiltakshavar har lagt ved profilar for tilkomstvegen. Kommunen har gjennom oppstartsvedtak i FPUsak 35/14, ikkje tilrådd større stigning enn 1:10. Kommunen set krav til veganlegget, der det er tale om kommunal overtaking. Rådmannen legg til grunn at tiltakshavar i samband med detaljplanlegginga av det nye veganlegget, ønskjer å planlegge tilkomstveg i samsvar med kommunen sine krav. Rådmannen legg til grunn at regulert vegline for fv 104, som vist på vedlagt utsnitt av plan, ligg noko lenger sør for eksisterande fylkesveg på den aktuelle strekninga. Det kan sjå ut som om det med bakgrunn i eksisterande reguleringssituasjon frå 1978, vil vere plass til breiddeutviding og etablering av gang- og sykkelveg. Konklusjon. Rådmannen viser til vurderinga ovanfor om kan rå til at reguleringsplan for Britplassen vert lagt ut til offentleg ettersyn på vilkår. RÅDMANNENS FRAMLEGG TIL VEDTAK: Det faste planutvalet vedtek med heimel i plan- og bygningslova 12-10, å legge forslag til reguleringsplan for Britplassen - del av gnr.17 bnr.1 datert , ut til offentleg ettersyn med følgjande endringar: 1. Leikeplassnorm for Skodje kommune skal leggast til grunn for planlegginga. Reguleringsføresegnene skal innehalde krav om at lekeplassen skal opparbeidast med minst to leikeapparat i tillegg til sandkasse. 2. Reguleringsføresegnene skal innehalde bestemmelse om arealføremålet Bruk og vern av sjø og vassdrag, som sikrar bevaring av eksisterande elv/bekk i området. Eksisterande vegetasjon langs elven/bekken skal skjøttast på en slik måte at biologisk mangfald knytt til vegetasjon og livet langs elven/bekken vert ivareteke. Bekken skal i størst mogeleg grad haldast open. 3. Regulert turveg skal vere open for allmenn ferdsel. Kravet skal sikrast gjennom føresegnene

9 til plan. 4. Eiga føresegn skal sikre at eksisterande vegetasjon og kvaliteter i regulert friområde vert teke tvare på og vidareutvikla. 5. Overvassnorm for Skodje kommune skal innarbeidast i plandokumenta og leggast til grunn for utbygginga i området. Tiltakshavar må sikre seg tinglyste rettar til å føre overvatn over privat eigedom (og gjennom private overvassleidningar) til sjøen. 6. Planomtalen skal omtale omsynet til naturmangfaldet gjennom særskilt avklaring etter prinsippa i naturmangfaldlova 7-10.