EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Formannskapet 18.06.2014 131/14 KDA Avgjerd av: Saksbehandler: Kristine Dahl Arkiv: Objekt: L12 Arkivsaknr 13/979 Privat framlegg til mindre endring i føresegner til utbyggingsplan for Harpefossen Hyttegrend FB6 og FB7 Prenta vedlegg: 1. Framlegg til endringar i føresegnene til utbyggingsplan for FB6 og FB7 på Harpefossen Harpefossen Hyttegrend. 2. Formannskapssak F-242/13 3. Gjeldande føresegner utbyggingsplan for FB6 og FB7 på Harpefossen Aktuelle lover, forskrifter, avtalar m.m.: Plan- og bygningslova. Kva saka gjeld: Harpefossen Hyttegrend har kome med framlegg til endringar i føresegnene til utbyggingsplanen for område FB6 og FB7 på Harpefossen. Bakgrunn for saka: Framlegg til endring av føresegnene til utbyggingsplanen er tidlegare lagt fram for formannskapet, som i møte den 12. desember, sak F-242/13, gjorde vedtak om å utsetje saka. Plan- og utviklingsavdelinga har i ettertid fått tilsendt eit nytt framlegg til endring av føresegnene. I oversendinga frå Harpefossen Hyttegrend vert det opplyst at alle hytte- og tomteeigarar, Hjelmelandsdalen Utmarkslag, grunneigarar med beiterett i området og Haugen og Dalen beite og sankelag har uttalt seg til framlegget og er einige i dette. Hyttegrenda har kome med framlegg om endringar i føresegna om gjerde, og dei ynskjer også å leggje til ei ny føresegn om beiting.
Eksisterande føresegn om gjerde lyd som følgjer: Det er tillate å gjerde inne hyttene i ein avstand på 3 m frå hytteveggen og i ytterkant av terrasse. Det skal nyttast plankegjerde eller tørrmur av naturstein. Maks. høgde er 1.0 m. Gjerdet skal ha utforming, materiale og fargebruk som harmonerer med den tilhøyrande hytta. Endringsframlegget frå Harpefossen Hyttegrend: Det er tillate å gjerde inne hyttene i ein avstand på inntil 6 meter frå hytteveggen og i ytterkant av terrasse. Gjerde skal ikkje vere nærare tomtegrense enn 3 meter der tomta ikkje grensar til veg eller friområde. Dersom to hytter står så tett at ein ikkje får 6 meter mellom gjerda, kan 2 hytter gjerdast i lag dersom det er god plass på dei andre sidene av tomta. Det skal nyttast plankegjerde eller tørrmur av naturstein. Maks. høgde er 1.0 m. Gjerdet skal ha utforming, materiale og fargebruk som harmonerer med den tilhøyrande hytta. Det er også tillate å gjerde inn oppstillingsplass for bil/trafikkareal og eventuelt grillplass/uteplass på inntil 100 m 2. Ny føresegn om beiting: I utmark er det beitedyr. For å hindre tap av dyr på beite er det viktig at det ikkje er opningar under trapper og terrasser der dyr kan gå seg fast. Tomteområda må også vere ryddig bådei og etter byggjeperioden slik at det ikkje er fare for at dyr kan gå seg fast. Ved bruk av elektrisk gjerde er det berre tillate å nytte trådgjerder med galvanisert streng/wire eller polyester tråd/tau, stolpar i tre og minimum 4 trådar der nedste tråd går til jord. Farge på tråd, isolatorar og anna materiell skal vere naturfarge (ikkje kvit, oransje etc.). Det skal alltid vere straum på gjerdet og det skal førast tilsyn med gjerdet kvar veke. Stolper skal stå så tett at det ikkje vert slakk på tråd og at det er mogleg for beitedyr å gå under tråden. Det skal ikkje gjerdast inn meir enn naudsynt og det skal alltid vere minst 6 meter mellom gjerda. Tråd skal takast ned kvar haust. Saksutgreiing: Som nemnt ovanfor ynskjer Harpefossen Hyttegrend å endre føresegna om gjerde, og å tilføye ei ny føresegne om beiting. Det går fram av plan- og bygningslova (pbl) 12-7 at det kan gjevast føresegner til arealføremål. Vi har i utbyggingsplanen for FB6 og FB7 ikkje eit arealføremål på plankartet som er avsett til område for beiting. Det er difor naturleg at innhaldet i framlagt føresegn om «Beiting» vert delt opp, slik at innhaldet i denne vert plassert der det juridisk høyrer heime under dei ulike arealføremåla på plankartet. Med unntak av setninga om tilsynsplikt for straumgjerde, så vert endringane i føresegnene tekne inn slik Harpefossen hyttegrend ber om. Endringsframlegget frå Harpefossen Hyttegrend er sendt på ei avgrensa høyringsrunde, mellom anna til Harpefossen Vel. Det kom ikkje inn merknader i høyrindrunda. Rådmannen sitt framlegg vert då som følgjer: Punkt 2.7 om gjerde: Det er tillate å gjerde inn hyttene i ein avstand på inntil 6 m frå hytteveggen og i
ytterkant av terrasse. Gjerde skal ikkje vere næare tomtegrense enn 3 meter der tomta ikkje grensar til veg eller friområde. Dersom to hytter står så tett at ein ikkje får 6 meter mellom gjerda, kan to hytter gjerdast i lag dersom det er god plass på dei andre sidene av tomta. Det skal nyttast plankegjerde eller tørrmur av naturstein. Maks. høgde er 1,0 m. Gjerdet skal ha utforming, materiale og fargebruk som harmonerer med den tilhøyrande hytta. Det er tillate å gjerde inn hyttene med elektrisk gjerde i beitesesongen. Ved bruk av straumgjerde, er det berre tillate å nytte stolpar i tre. Trådgjerdet skal ha minimum fire trådar der nederste tråd går til jord. Trådgjerdet skal ha galvanisert streng/wire eller polyester tråd/tau. Farge på tråd, isolatorar og anna materiell skal vere naturfarga (ikkje kvit, oransje etc.). Stolpane skal stå så tett at det ikkje vert slakk på tråd, slik at dyr ikkje kan gå under tråden, det skal ikkje gjerdast inne meir enn naudsynt og det skal alltid vere minst 6 m mellom gjerda. Det skal alltid vere straum på gjerdet. Tråd skal takast ned når beitesesongen er slutt. Grunneigar/tiltakshavar er ansvarleg for at straumgjerdet vert halde i slik stand som føresegna krev. Dette inneber at det må førast jamleg tilsyn med straumgjerdet. Det er også tillate å gjerde inn oppstillingsplass for bil/trafikkareal og eventuell grill- og uteplass på inntil 100 m2. Fjerde avsnitt i føresegna, om tilsynsplikt for straumgjerde, er utforma noko annleis enn framlegget frå Harpefossen Hyttegrend. Som ynskte å setje krav om tilsyn av straumgjerde kvar veke. Rådmannen har ikkje funne heimelsgrunnlag for å setje dette kravet inn i reguleringsføresegnene. Ved å setje krav om å føre tilsyn, så pålegg ein grunneigarane ein aktivitetsplikt. Lovgjevar har ikkje meint å regulere denne typen aktivitet i reguleringsplanar. I førearbeida til pbl. går det fram at ein reguleringsplan i utgangspunktet gjeld «regulering av fysiske ressurser og ikke aktivitet og virksomhet som sådan». Rådmannen føreslår at ein i staden minner om at den enkelte er pliktig til å halde straumgjerdet i ein slik stand som føresegna i planen krev, og at kommunen som tilsynsmynde etter pbl. kan følgje opp brot på føresegna og krevje retting. Når det gjeld krav om sikring av opningar mellom trapper og terrasser, for å hindre tap av beitedyr, så føreslår rådmannen at dette vert plassert i fellesføresegnene 2 punkt 2.8, om krav til utforming av hyttene. Kravet inneber at hyttene må prosjekterast slik føresegna set krav om, og kommunen kan ved søknadshandsaminga sjå til at kravet vert fylgd. Føresegna vil då sjå slik ut: 2.8 Terrasser Terrasser skal tilpassast bygga og ligge på terrengnivå. Terrasser, verandaer eller andre konstruksjonar over terreng utan tak i tilknyting til hytta skal ikkje byggast meir enn 2,5 m (brutto) utanfor veggliv. Bygging på pålar er ikkje tillate. Byggemateriale skal vere naturstein eller tre. Rekkverk maks. høgde 1,0m. Det skal ikkje vere opningar under trapper og terasser av ei slik utforming at dyr kan gå seg fast. Når det gjeld kravet til opningar under trapper og terrasser, så gjer vi merksam på at dette kravet berre kan gjerast gjeldande for framtidige hytter i området, eller for framtidige tiltak som omfattar terrasser og trapper på eksisterande hytter. Det vil ikkje vere heimel for å gje
pålegg om endringar på eksisterande bygg. Vi viser her til pbl. 12-4, rettsvirkninger av reguleringsplan, som seier følgjande: «En reguleringsplan fastsetter framtidig arealbruk for området og er ved kommunestyrets vedtak bindende for nye tiltak eller utvidelse av eksisterende tiltak» Kravet om at tomteområda skal vere ryddig både i og etter byggjeperioden, slik at dyr ikkje kan gå seg fast, vil kunne plasserast under 2 punkt 2.9 om ubygd areal. Føresegna vil då sjå slik ut: 2.9 Ubygd areal Ubebygd del av tomtene skal så langt som mogleg oppretthaldast i naturleg karakter og ein skal i størst mogleg grad prøve å ta vare på naturleg vegetasjon. Nødvendige forstøtningsmurer i terreng skal utførast i naturstein. Tomteområda skal vere ryddig både i og etter byggjeperioden, slik at dyr ikkje kan gå seg fast. Økonomiske konsekvensar: Planendringa er foreslått i ein privat plan i eit privat hytteområde. Rådmannen kan difor ikkje sjå at endringa kan ha økonomiske konsekvensar for kommunen. Vurdering: Som det går fram i saksutgreiinga ovanfor, så meiner rådmannen at framlegget til endring av føresegnene til utbyggingsplan for FB6 og FB7 frå Harpefossen Hyttegrend bør kunne godkjennast. Unntak er gjort for kravet om tilsynsplikt for straumgjerde, jf. vurderinga ovanfor. Harpefossen Hyttegrend og Harpefossen Vel kom ikkje med merknader til denne endringa i høyringsrunden. RÅDMANNEN SI TILRÅDING: Med heimel i pbl. 12-12 jf. 12-14 vert framlegg til mindre endring av føresegnene punkt 2.7, om gjerde, punkt 2.8, om terrasser, og punkt 2.9, om ubygd areal, til utbyggingsplan FB6 og FB7 godkjent i samsvar med rådmannen si saksutgreiing. 18.06.2014 FORMANNSKAPET Sigurd Reksnes, Sp, ba om å få vurdert gildskap. Han er styremedlem i Harpefossen hyttegrend AS. Han gjekk i frå under handsaming av gildskap. Formannskapet kjende representanten ugild. Han gjekk i frå under handsaming av saka. Rolf Lefdal møtte i Sigurd Reksnes sin stad under handsaminga av saka.
F-131/14 VEDTAK: Som tilrådinga. Samrøystes Ørjan Raknes Forthun -rådmann-