ULSTEIN KOMMUNE SAKSFRAMLEGG Sakshandsamar: Anne Guri Aase Arkivsak: 2011/148 Løpenr.: 8799/2014 Utvalsaksnr. Utval Møtedato 14/127 Teknisk utval 08.10.2014 Saka gjeld: DETALJREGULERING KVALNESET MASSUTTAK - 1.GONGS OFFENTLEG ETTERSYN Vedtak i Teknisk utval, 08.10.2014: Framlegg til detaljregulering for Kvalneset masseuttak, med føresegner, PlanID 20110004, vert å leggje ut til offentleg ettersyn i medhald av plan- og bygningslova, 12-10. Handsaming: Tilrådinga frå kommunalsjef teknisk vart vedteken med 7 mot 0 røyster Tilråding frå kommunalsjef teknisk: Framlegg til detaljregulering for Kvalneset masseuttak, med føresegner, PlanID 20110004, vert å leggje ut til offentleg ettersyn i medhald av plan- og bygningslova, 12-10.
Saksfakta: Vedlegg: 1. Oversiktskart 1:5000 2. Framlegg til plankart, datert 25.08.2014 3. Framlegg til føresegner, sist revidert 30.09.2014 4. Planomtale, datert 25.08.2014, sist revidert 19.09.2014 5. Driftsveg lengdeprofil, datert 25.08.2014 6. Illustrasjon av masseuttak og deponi, fase 1 og fase 2 7. Kopi av innkomne merknadar 8. Merknadsskjema, datert 25.08.2014 9. Sjekkliste ROS, datert 25.08.2014 Uprenta vedlegg: Vedtak oppstartssak for Kvalneset masseuttak, PS 11/86, den 08.06.2011 Forslag til planavgrensing, datert 20.08.2010 Vedtak oppstartssak for Kvalneset næringsområde, PS 13/144, den 04.12.2013 Samandrag av saka: For Ulstein betongindustri har Sporstøl Arkitekter AS sendt inn eit framlegg til detaljregulering for Kvalneset masseuttak, gnr. 20, bnr. 2, 6 og 69. Planområdet dekkjer ca. 120 daa, og utvidinga av masseuttaket er ca. 48 daa. Planforslaget er i samsvar med kommuneplanens arealdel. Under varsel om oppstart omfatta planområdet også gnr. 20, bnr. 1, men det har ikkje vorte noko avtale med grunneigar om kjøp av grunn, og denne parsellen er ikkje lenger ein del av planområdet. Masseuttaket på Kvalneset skjer i dag med grunnlag i gjeldande reguleringsplan frå 1999. Det vart under rullering av kommuneplanens arealdel i 2011 gjort ei relativ stor utviding av masseuttaket, noko som korkje Direktoratet for mineralforvaltning eller andre hadde merknad til. Uttak av massar frå Kvalneset er planlagt inntil 1,5 millionar m³. Ulstein betongindustri AS er eit firma i stor vekst, og som ønskjer å utvide drifta både mot vidare uttak av steinmassar, men også mot å bygge ny dokk og styrke grunnlaget for verksemda generelt. Kvalneset er ein gunstig lokalitet for denne type næringsutvikling. Kvalneset har derfor vorte delt opp i to område, næringsområdet og masseuttaket, med to ulike næringsformål. Sjølv om desse områda har same føreslagsstillar, har områda ulike utfordringar knytt til reguleringsprosessen fram mot godkjend plan. Det vart derfor konkludert i møte den 23.03.2011 at det var føremålstenleg å leggje opp til separate reguleringsplanar for kvar av områda, i staden for ein felles plan. Under oppstartssaka for Kvalneset masseuttak i 2011, vart det vedteke at avkøyrsla frå fylkesvegen må vurderast ut frå krav til tryggleik, og der forventa trafikkutvikling vert lagd til grunn. Det kan verke som om noverande avkøyrsle frå fylkesveg 61 ikkje gjev tilfredsstillande tryggleig, særlig for bilar ut frå tunellen i møte med tunge køyrety ut frå avkøyrsla. Etter oppstart av reguleringsarbeidet for Kvalneset næringsområde i 2013, vart det vedteke at vegproblematikken skulle vurderast i den planen, og ikkje i reguleringsplan for masseuttaket. Det vert derfor ikkje teke stilling til vegproblematikken i denne planen. I samsvar med vedtak i Teknisk utval 08.06.2011 vart det meldt oppstart av reguleringsarbeid for Kvalneset masseuttak med høyringsperiode frå 10.08.2011 15.01.2011. I tilknyting til Løpenr. 8799/2014 i arkivsak 2011/148 Side 2 av 5
førevarslinga kom det inn 11 innspel. Innspela er refererte og kommenterte av plankonsulent, sjå vedlagt merknadsskjema datert 25.08.2014. Møre og Romsdal fylkeskommune Peikar på at konsekvensar for utviding av masseuttaket ikkje er vurdert tilstrekkeleg på reguleringsnivå ved å nytte konsekvensutgreiinga som vart gjort i forbindelse med kommuneplanens arealdel. Har ingen merknadar knytt til automatisk freda kulturminner. I forhold til varsel om oppstart har omfanget på utvidinga av masseuttaket vorte redusert. Dette med bakgrunn i manglande avtale med grunneigar. Masseuttaket er i samsvar med kommuneplanens arealdel som vart vedteken i 2011. Fylkesmannen i Møre og Romsdal: Har ikkje merknad knytt til krav om konsekvensutgreiing og still seg bak kommunen si vurdering om at planen ikkje er omfatta av forskrift om konsekvensutgreiing. Viser til at det må settast ekstra fokus på avrenning, støy og støvflukt knytt til masseuttaket, takast omsyn til hjortetrekk og vinterbeiteområde for hjort, og at prinsippa i 8-12 er vektlagt i vurderinga av saka. Risiko- og sårbarheitsanalyse må gjennomførast. Når det gjeld naturmangfaldslova viser plankonsulent til planomtalen. I utvidingsområdet er det tatt omsyn til vilttrekk. Viser vidare til vedlagt ROS-analyse. Statens Vegvesen: Ei ulykkesoversikt som Statens Vegvesen har, viser at det har skjedd fleire ulykker på denne strekninga dei siste åra. Avkøyrsla ligg rett utanfor tunnelen der vegen går i ei kurve og sikta er dårleg. Det er naudsynt å sikra vegareal for ei framtidig utbetring av fylkesvegen og for gang- og sykkelveg. Eit breidt vegetasjonsbelte mellom utvinningsområdet og fylkesvegen må sikrast innanfor det regulerte området. Den generelle byggegrensa langs fylkesvegane er i dag 50 meter. Som følgje av redusert planområde, vert ikkje alternativ tilkomst vurdert i denne plansaka. Gang- og sykkelveg er ikkje lenger ein del av planområdet. Byggegrense er ikkje relevant i planforslaget. Vegetasjonsbelte uendra i forhold til gjeldande plan. Direktoratet for mineralforvaltning: Før utviding skal det ligg føre godkjent driftsplan. Med bakgrunn i reguleringsplanen vil ein utarbeide driftsplan som grunnlag for søknad om driftskonsesjon. Søre Sunnmøre landbrukskontor: Området er ikkje nytta til skog- eller landbruksproduksjon. Ingen merknadar. Tatt til vitande. Henning Garnes: Viser til at det bør takast omsyn til fjernverknadane av masseuttaket. Tiltaket bør illustrerast og gjerast offentleg tilgjengeleg. Viser til illustrasjon som viser dei ulike fasane med tilbakeføring av området. Planen vert Løpenr. 8799/2014 i arkivsak 2011/148 Side 3 av 5
fremja i medhald av plan- og bygningslova, og vert derfor lagt ut til offentleg ettersyn og sikrar med dette medverknad. Janne Garnes Nilsen for Iren og Ole Garnes: Viser til at det må gjerast avtale om utviding med grunneigar på gnr. 20, bnr. 6. Avtale med grunneigar er inngått. Kjell Johansen: Viser til at det må gjerast ny avtale om utviding med grunneigar av gnr. 20, bnr. 5. Avtale med grunneigar er inngått. Odd Magne Sundgot: Ber om utbetring/ tiltak som reduserer støy og støvplagar. Det har vorte gjennomført tiltak i forhold til støy og støvplagar, ved å bygge inn knuseverk og setje krav om tiltak i føresegnene. Per Tømmerstøl: Ber om utbetring/tiltak som reduserer støy og støvplagar. Tiltak som har vore gjort for å redusere støv og støyplager har vore å bygd inne knuseverka, og fått betre tilgang på vatn for å redusere støv. Det vert sett krav om tiltak retta mot støy i føresegnene. Maciej Szymanski: Går i mot utviding av masseuttaket på grunn av støv- og støyplager, samt skade på eigedom grunna risting i grunnen frå sprenging. Risting skal ikkje vere eit problem på grunn av avstand frå tiltaket. Føreslagsstillar vil under utarbeiding av ny driftsplan vurdere om det skal leggjast inn rutinar for tilsyn/fotodokumentasjon/målingar på bustadhus nær masseuttaket. Vurdering: Innanfor planområdet går det eit kjent hjortetrekk. Det vert nemnd i planomtalen at det er gjort registreringar på vilttrekk, grågåsbeite og oterhi på nordsida av Kvalneset, utan noko vidare forklaring om kva verknadar masseuttaket kan ha for desse registreringane. Det er i plankartet regulert inn sikringssone og vegetasjonsskjerm mellom masseuttaket og kringliggande naturområde, noko som kan hindre dyr og uvedkomande menneske inn på området. Etter ei vurdering av administrasjonen, vart planomtalen sendt attende med krav om betre utgreiing kring omsynet til hjortetrekk og ei konkret utsjekking av prinsippa i 8-12 i naturmangfaldslova. Planomtalen som vi så tok i mot var betre, men har likevel ingen klar beskriving av inngrepa for dei ulike prinsippa eller hjortetrekket. Det er står tydeleg i vedtaket frå oppstartssaka: «Miljømessige konsekvensar vert å vurdere og ulemper i størst mogleg grad førebyggande gjennom planutforminga, i tillegg til at krav til avbøtande tiltak vert tekne inn i føresegnene.» I planomtalen skriv plankonsulenten at det har vore gjennomført støymålingar i 2001 ved bustaden på Kvalneset (gnr. 20, bnr. 2). Denne målinga er ikkje lenger relevant då huset er i eige av føreslagsstillar, og skal ikkje nyttast til bustad. Føreslagsstillar har dei seinare åra gjennomført tiltak med å bygge inn steinknusarane, Løpenr. 8799/2014 i arkivsak 2011/148 Side 4 av 5
noko som har hatt ei forbetring kring støyproblematikken. Etter oppfordring frå administrasjonen har det vorte sett inn krav i føresegnene om nye støymålingar ved lokalitetar der det tidligare har vore rapportert om støyplager (gnr. 20, bnr. 1 og 22 på Garnes, gnr. 29, bnr. 6 på Kjerringsneset, Dimna, og gnr. 21, bnr. 2 i Botnen). Målingane skal gjerast seinast saman med oppstart av masseuttak i område R4, jf. 11.4 i føresegnene. Det er i tillegg foreteke mindre redaksjonelle endringar for å få føresegnene i samsvar med malar vi nyttar, rett ordbruk i forhold til kommuneplanen sine føresegner m.m. Konklusjon: Administrasjonen rår til å leggje detaljregulering for Kvalneset masseuttak, datert 25.08.2014, PlanID 20110006 ut til offentleg ettersyn i medhald av plan- og bygningslova 12-10. 30.09.2014 Arne Runar Vik Kommunalsjef teknisk Dokumentet er elektronisk godkjent og har ingen signatur. Løpenr. 8799/2014 i arkivsak 2011/148 Side 5 av 5