Nord-Fron kommune Politisk sak Detaljreguleringsplan for ny tilkomstveg til Sundheim Bo- og Treningssenter m.m. - 1. gongs behandling Utval Saksnr Møtedato Saksbehandlar Planutval 010/17 07.03.2017 Reidun Inger Tøfte Saksansvarleg Arkiv Arkivsaknr. 14/1670 Reidun Inger Tøfte L13 Journalpost 17/2643 Vedlegg: 1 Plankart 2 Reguleringsføresgner 3 Planforklaring 4 Sundheim Tegningshefte 5 Uttale frå Fylkesmannen i Oppland - Reguleringsplan for ny tilkomstveg til Sundheim bu- og treningssenter m.m. 6 Varsel om oppstart av arbeid med reguleringsplan - ny tilkomstveg til Sundheim Bo- og Treningssenter 7 2NVEs innspill ved varsel om oppstart - Reguleringsplan - Ny tilkomstveg for Sundheim bo- og treningssenter 8 Ny tilkomstveg til Sundheim Bo- og Treningssenter m.m - kommentarar til varsel om oppstart 9 Uttalelse til varsel om oppstart reguleringsplan for ny tilkomstvei Sundheim Bo- og treningssenter mm. 10 Kommentar fra Aud Iren Huset - Reguleringsplan ny tilkomstveg til Sundheim Bo- og trenignssenter 11 Befaringsrapport - Arkeologisk registrering i forbindelse med reguleringsplan for ny tilkomstvei til Sundheim Bo- og Treningssenter Oppsummering av saka: Det er utarbeida forslag til detaljreguleringsplan for ny tilkomstveg til Sundheim Boog Treningssenter m.m. Planforslaget omfattar også utviding av kyrkjegarden ved Sødorp kyrkje. Det tilrås at planen blir lagt ut til offentleg ettersyn. Bakgrunn for saka: I samband med utbygginga ved Sundheim Bo- og Treningssenter er det etablert ny tilkomstveg aust for (nedanfor) dagens bygningsmasse. Som følgje av dette er det behov for å få vurdert og regulert inn tilfredsstillande løysingar for mjuke trafikantar i området frå Sundbrua mot Vinstra vidaregåande skule, samt å få regulert inn den nye vegtilkomsten. Planarbeidet omfattar også Sødorp kyrkje og utviding av kyrkjegarden. Planforslaget er i tråd med gjeldande kommuneplan. Konsulentfirmaet Areal + AS har utarbeida plankart og ViaNova har laga teknisk plan i samråd med administrasjonen i kommunen. Plandokumenta elles er utarbeida av Nord-Fron kommune. Oppstart av planarbeidet var varsla 20.11.2014. Planområdet er redusert noko i storleik sidan varsel om oppstart. Dette gjeld den sørlege delen av planområdet, der ei strekning av Sundheimsvegen frå rundkøyringa
ved Dokken Bil AS og fram til kryss ved Kyrkjevegen / Vinstra vdg. skule og området mellom, med bl.a. Givra og busetnad, er teke ut av planforslaget. Det er nå starta eit arbeid for å sjå på løysingar med omsyn til flaumsituasjonen i Givra, samt at prosjekt Vinstra 2046 er i gang. Det er naturleg å sjå utviklinga av ovannemnde område i samband med desse punkta. Planområdet: Planområdet er ca. 93 daa og ligg ut mot elva på vestsida av Laugen og har tilkomst frå fv. 255 via Sundheimsvegen. Innafor planområdet ligg det fleire offentlege funksjonar; Sundheim Bo- og Treningssenter og Sødorp kyrkje, samt vegtilkomst til desse. Området grenser i nord mot dyrka mark, i vest mot etablert bustadområde i Sorperoa / dyrka mark og i aust mot elveskråning / dyrka mark / busetnad / forretningsareal og i sør mot Vinstra vdg.skule. Kryssløysing ved Kyrkjevegen / Vinstra vdg.skule er omfatta av planforslaget. Delar av dyrka marka på gnr. 245 bnr. 4 ligg innafor planområdet. Innhald i planforslaget: Planforslaget og verknader av dette kjem fram av kart, føresegner, planforklaring med ROS-analyse og teknisk teikning, jf. vedlegg 1 4. Planforslaget omfattar m.a. endring av vegsystemet som følgje av utbygginga på Sundheim Bo- og Treningssenter. Endringa inneber etablering av ny vegtrasè frå Sundbrua og til Sundheim og fører til biltrafikk forbi Sundbrua. Strekninga frå kryss ved Kyrkjevegen / Vinstra vdg.skule og til Sundbrua har tidlegare bare vore nytta til gang- og sykkeltrafikk. Noko av biltrafikken til Sundheim skal også etter utbygginga gå via Kyrkjevegen, medan noko skal gå via den nye tilkomstvegen. Kyrkja skal som tidlegare ha tilkomst frå Kyrkjevegen. Veglina for Sundheimsvegen (strekning sør for Sundbrua) er i planen justert noko i høve til korleis vegen ligg i dag. Dette er m.a. gjort for å få plass til fortau, samt å rette ut vegen og betre siktforholda. Det er planlagt fortau på innsida av Sundheimsvegen frå Sundbrua og fram til justert kryssløysing ved Kyrkjevegen / Vinstra vdg.skule. Noko av bakgrunn for forslag til plasseringa av fortau, er at det i dag ligg ein gang- og sykkelveg frå rundkøyringa ved Dokken Bil AS og fram til ei innkøyring ved Vinstra vdg.skule. Denne korte strekninga med gang- / sykkelveg langs Sundheimsvegen vart bygd i samband med etablering av rundkøyringa. Det er planlagt fortau på innsida av Sundheimsvegen fram til Sundbrua som ei fortsetjing av etablert gang-/ sykkelveg. Det er berre delar av denne strekninga som blir regulert nå. På den nye vegstrasèen frå Sundbrua og fram til Sundheim Bo- og Treningssenter er det planlagt fortau på utsida av Sundheimsvegen. Planforslaget legg opp til trafikksikringstiltak innafor planområdet. Dette gjeld m.a. tiltak som vil dempe fart for kjøretøy inn mot område der gåande / syklande kryssar over Sundheimsvegen ved Sundbrua. Her kjem det ned ein gamal geile frå Kyrkjevegen som er mykje brukt av fotgjengarar. For å betre trafikktryggleiken er det planlagt tiltak i nedre del av geilen for å hindre at m.a. syklande køyrer ut i krysset.
I planarbeidet inngår justering av kryss ved Kyrkjevegen / Vinstra vdg.skule. Krysset blir utforma som eit T-kryss for å sikre oversiktlege trafikkforhold. Dette gjer at krysset må flyttast lenger sør og blir innsnevra i forhold til dagens kryss. Fortau vil bli etablert i tilknyting til kryssområdet. Køyrande på Sundheimsvegen sørover vil ha vikeplikt etter høyreregelen i krysset. Planarbeidet har også til formål å leggje til rette for utviding av kyrkjegarden ved Sødorp kyrkje, jf. arealdelen av kommuneplan 2011-2022. Delar av dyrka marka på eigedom gnr. 245 bnr. 4 blir regulert til grav- og urnelund. Dette gjeld om lag 12 daa. Oppland fylkeskommune v / kulturarvenheten har utført sjakting av arealet, og det er ikkje gjort funn av automatisk freda kulturminne. Barnetalspersonen si vurdering: Kryssene Sundheimsvegen - Kyrkjevegen og Sundheimsvegen - Gammelbrua byr på store utfordringer ang. trygg ferdsel for myke trafikanter. Jeg mener innkjøringa fra brua mot Sundheimsvegen, og gangstigen fra kirka mot Sundheimsvegen begge bør sikres med bom, eller annen fysisk hindring, i sikksakkformasjon slik at hastigheten på syklistene bremses kraftig ned før krysning. I dag er det 2 fartsdumper i bilveg for å dempe farten på bilene, bør nedjustering til 30 km/t vurderes? Planlagt gangveg traseen VVS - brua som skal følge Sundheimsvegen bør ha en fysisk adskillelse fra bilveg. Jeg foreslår lavt autovern som rundes ned mot krysningspunkt. Dette vil trygge ferdsel for mindre barn og syklister vil bli tvunget til å velge kjøreveg ved krysningspunktene. Autovern er plassbesparende i forhold til kantstein eller annen beplantning. Det forventes trafikkøkning på området, i og med at det er planlagt utstrakt boligbygging og mer butikker Sorperoa - Lomoen. Vi må legge tilrette for at også myke trafikanter får forbedrede forhold i utviklinga av Vinstra. Planfagleg vurdering: Merknader ved planstart er samanfatta og vurdert i vedlegg 3, kap. 3. Planforslaget utløyser ikkje krav om konsekvensutgreiing. Planforslaget er i samsvar med arealdelen av kommuneplan for 2011-2022. Gjeldande kommuneplan viser både planlagt utviding av kyrkjegarden og ny tilkomstveg for Sundheim Bo- og Treningssenter. Området som gjeld Sundheim Bo- og Treningssenter er i planforslaget vist med reguleringsformål institusjon. Detaljering av området med bygg, grøntområde etc. er ikkje vist i denne planen. Hausten 2016 vart det gjennomført ei trafikkteljing på Vinstra i samarbeid med Statens vegvesen og Rambøll. Av passeringar over Gudbrandsdalslågen var det ein sykkelandel på ca. 3 % og gangandel på ca. 5 %, dvs. 77 syklande og 125 gåande i dei fire rushtidstimane registreringa vart utført. I same tidspunkt passerte det 2.300 bilar. Statens vegvesen har i regionalt planforum 24.1.2017 gjeve klare anbefalingar om at det blir laga ei løysing med gang- og sykkelveg, og ikkje fortau på strekninga frå Sundbrua og fram til krysset ved Vinstra vdg.skule. Dette ut i frå at strekninga er mykje brukt av fotgjengarar og syklistar, og at eit fortau ikkje er nokon sykkelløysing.
Fortau er fyrst og fremst for dei gåande, og syklistar er i utgangspunktet henvist til vegbana, jf. Forskrift om kjørende og gående trafikk. Ei løysing med gang- og sykkelveg på strekninga frå Sundbrua og fram til kryss ved Kyrkjevegen / Vinstra vdg. skule har utfordringar i høve til det bratte terrenget på innsida av vegen ved brua. Ut i frå m.a. plassomsyn er det føreslege ei løysing med fortau langs Sundheimsvegen. Biltrafikken på denne strekninga er avgrensa, og vegen vil i hovudsak bli nytta av besøkande til Sundheim, samt noko varelevering. Ei løysing med gang- og sykkelveg på strekninga har ikkje vore nærare utgreidd i planarbeidet. Jf. ønskje frå barnetalspersonen om sikring av gåande og syklande så legg planforslaget opp til ei forbetring av trafikktryggleiken i forhold til dagens situasjon, og med tiltak som vil vere praktisk gjennomførbare. Den nye tilkomstvegen til Sundheim gjev fleire turmoglegheiter i nærområdet, noko som vil vere positivt for bebuarar i området. Utviding av kyrkjegarden ved Sødorp kyrkje har lege inne i kommuneplanen sin arealdel slik at arealbruken er avklart tidlegare. Det er naturleg at dette nå blir følgd opp gjennom ei regulering av arealet. Planområdet overlappar med delar av gjeldande reguleringsplanar for Vinstra vest av 4.12.1970 og Vinstra vest endring Omlegging Rv. 255 av 21.10.1974. Desse delane vil bli oppheva når ny plan er vedteke. Miljøfagleg vurdering: Det blir vist til planforklaringa, kap. 5.4. Landbruksfagleg vurdering: Avklart gjennom overordna planverk. Rådmannsleiinga si vurdering: Rådmannsleiinga meiner reguleringsplanen vil gje gode trafikale løysingar for dei offentlege institusjonane i området. Rådmannsleiinga ser det som viktig at tilrettelegging for gåande og syklande i området blir gjort så trafikksikker som mogleg. Dette er ein mykje brukt strekning av både skuleelevar og andre, og er i dag einaste gang- og sykkelforbindelse over Gudbrandsdalslågen på Vinstra. Med ny E6 på vestsida av Laugen og omfattande tilrettelegging for forretning, tenesteyting og bustadbygging i området Vinstra vest, vil forbindelsen truleg bli enda meir brukt framover. Det blir elles vist til vurderingane ovanfor og ein har ikkje merknader utover dette.
Administrasjonssjefen legg saka fram for planutvalet med slik Innstilling: 1. I medhald av plan- og bygningslova 12-10 vedtek planutvalet å leggje forslag til detaljreguleringsplan for ny tilkomstveg til Sundheim Bo- og Treningssenter m.m. ut til offentleg ettersyn slik det går fram av vedlagte plandokument. 2. Administrasjonssjefen får fullmakt til å gjere evt. redaksjonelle endringar i plandokumenta. Administrasjonssjefen i Nord-Fron Arne Sandbu PU-010/17 07.03.2017 Behandling: Planleggjar Reidun Inger Tøfte orienterte om saken. PU-010/17 07.03.2017 Vedtak: Samrøystes som innstillinga.