STRYN KOMMUNE Seksjon for byggesak og regulering Vår ref. Dykkar ref. Dato: 11/234-2/ L50 &58/ /KON 03.02.2011 STRATEGI FOR TILSYN i saker etter plan- og bygningslova 2011 Godkjent av Stryn bygningsråd den 15.02.11. Innhald: Side: 1. Innleiing 2 2. Saker underlagt tilsyn 2 3. Tilsynsområde 2 4. Tilsynsobjekt 2 5. Typar tilsyn 2 6. Framgangsmåte 3 7. Sanksjonar ved regelbrot 3 8. Tal på tilsyn 4 9. Organisasjonsskildring, ressursar og kompetansebygging 4 10. Finansiering 4 11. Synleggjering av tilsyn 4 12. Årleg gjennomgang av resultata 4 Postadresse/besøksadresse: Telefon 57 87 47 00 Banksamband Tonningsgata 4 Telefaks: 57 87 47 01 Nordea 6557 05 02802 6783 STRYN Sparebanken SFJ 3795 07 00239 e-postadresse: postmottak@stryn.kommune.no Nordea (SKATT) 6345 06 14493 Org.nr: 963 989 202 Heimeside: http://www.stryn.kommune.no
1. Innleiing Kommunen har plikt til å føre tilsyn med tiltak etter plan- og bygningslova av 27. juni 2008 nr. 71 (pbl) 25-1. Tilsyn har som føremål å medverke til kvalitativt gode byggverk i samsvar med krav nedfelt i plan- og bygningslovgjevinga. Målsettinga skal oppfyllast ved å samverke med, og overvake sentrale aktørar og sentrale oppgåver i dei einskilde byggesakene. Eit effektivt tilsyn er avhengig av at kommunen planlegg og organiserer tilsynet. I forskrift om byggesak av 26. mars 2010 nr. 488 (SAK10) kap.15, er det gjeve nærmare rammer for det kommunale tilsynet. Etter SAK10, 15-1, skal kommunen utarbeide ein strategi for tilsynet. Strategien skal innehalde målsettingar og rutiner for tilsynet, organisering av tilsynet, samt utveljing av fagområde, sakstypar, tema, m.v. Denne strategien inneheld Stryn kommune sin plan for gjennomføring av tilsyn oppretta i byggesaker mottteke i 2011. 2. Saker underlagt tilsyn Kommunen sitt tilsyn omfattar i utgangspunktet alle byggesaker, uansett sakstype. Sakstypane er definert i pbl kap. 20 og SAK10. 3. Tilsynsområde Utgangspunktet er at tilsyn skal avgrensast til klart definerte fagområde og arbeidsoppgåver, framføre å ta for seg heile eller større delar av eit byggeprosjekt. Dette vil vere mindre ressurs- og tidkrevjande, og enklare å gjennomføre reint kompetansemessig. Dei ulike fagområda er underlagt pbl og krav i forskrift om tekniske krav til byggverk av 26. mars 2010 nr. 489 (TEK10). Kommunen er i SAK10, 15-3, pålagt å føre tilsyn med særskilte område. Det er krav om tidsavgrensa tilsyn i ein periode på 2 år, frå 1. januar 2011 for følgjande forhold: * SAK10, kap.10: Sluttdokumentasjon for tiltak. * SAK10, 9-5 9-9: Avfallsplanar og miljøsaneringsbeskrivelse. I tillegg har kommunen som målsetting å opne tilsyn i saker som gjeld: * Ulovlege tiltak. * Oppfølgjing av gjevne pålegg. * Plassering av tiltak. * Utvalgte fagområde knytt til ulike byggesaker. 4. Tilsynsobjekt Etter pbl 25-2 kan kommunen føre tilsyn når som helst i byggesaka, og inntil 5 år etter at ferdigattest er gjeve. Kva type tilsyn som skal gjennomførast på dei ulike stadium i saker er nærmare definert i punkt 5 i denne strategien. 5. Typar tilsyn Det er fire ulike metodar for å gjennomføre tilsyn. Kommunen vel sjølv kva metode som skal nyttast. Side 2 av 2
Stryn kommune har vurdert aktuell bruk av metodane slik: * Dokumenttilsyn Innkrevjing av skriftleg dokumentasjon (teikningar, utgreiingar, rapportar, sjekklister, m.v.): - ved prosjektering og utføring. - for alle tiltakstypar og fagområde. * Inspeksjonstilsyn Synfaring på byggeplass: - ved utføring og kontroll av utføring. - for alle fagområde. * Intervju - vil ikkje bli nytta. * Revisjonstilsyn (både dokumentgjennomgang, inspeksjon og intervju) - vil ikkje bli nytta. 6. Framgangsmåte Det er opp til kommunen sjølv å velje framgangsmåte tilpassa det einskilde tilsyn. Stryn kommune vil legge opp til følgjande prosedyrar for gjennomføring av tilsyn: * Varsling om tilsyn Det er ikkje krav om førehandsvarsel, og kommunen har såleis heimel til å gjennomføre uvarsla tilsyn. Kommunen vil likevel i dei fleste tilfelle varsle tilsyn for å medverke til effektivitet ved at partane er førebudde og kan legge til rette for tilsynet. * Gjennomføring av tilsyn Blir gjennomført som dokumenttilsyn eller inspeksjonstilsyn. * Oppsummering, eventuell gjennongang saman med partane. * Rapportering Kommunen sitt tilsyn skal resultere i ein tilsynsrapport, som konkluderer og påpeikar kva som eventuelt må forbetrast. Rapporten må vere i samsvar med formelle reglar gjevne i SAK10, 15-2. Det skal gjevast ein frist for å rette påpeika tilhøve. I saker som vedkjem sentral godkjenning er kommunen pålagt å sende ein kopi av rapporten til Statens Bygningstekniske Etat. 7. Sanksjonar ved regelbrot Dersom det blir avdekka regelbrot ved gjennomføring av tilsyn, har kommunen etter pbl kap. 32 plikt til å vurdere sanksjonar. Kva type sanksjonar som skal nyttast vil bli vurdert i kvart einskilt tilfelle. Typar sanksjonar er nærmare omtala i pbl femte del og i SAK10, kap.16. Eit grunnleggande prinsipp er at sanksjonane skal stå i rimeleg høve til lovbrotet, jfr. pbl 32-10. Sanksjonane kan vere: * Sanksjonar som gjeld ansvarlege foretak sin ansvarsrett: Side 3 av 3
- Åtvaring pbl 22-4. - Tilbaketrekking av lokal godkjenning for ansvarsrett pbl 22-4, jfr. SAK10, 6-9. * Sankjsonar etter pbl kap. 32: - Pålegg om retting pbl 32-3 - Stansing av ulovleg arbeid pbl 32-3 - Opphør av ulovleg bruk pbl 32-3 - Tvangsmulkt pbl 32-5 * Overtredelsesgebyr etter pbl 32-8, jfr. SAK10, kap.16 * Omgjering av vedtak etter Lov om behandling i forvaltningssaker (forvaltningslova) av 10. februar 1967 35, 1. ledd, bokstav c. * Straff etter pbl 32-9. 8. Tal på tilsyn Det er lagt til grunn i pbl 25-1 at kommunen skal føre tilsyn i slikt omfang at regelbrot kan avdekkast. Med dei ressursar Stryn kommune har, er det ei målsetting å gjennomføre tilsyn i minimum 5% av byggesakene i 2011. 9. Organisasjonsskildring, ressursar og kompetansebygging Seksjon for byggesak og regulering har det formelle ansvaret for gjennomføringa av tilsynet. Manglar kommunen kvalifikasjonar innafor det einskilde tilsynsområdet, kan den knytte til seg personar med naudsynt fagkompetanse. Dette kan gjerast på følgjande måtar: * Samarbeid med nabokommunar. * Hente inn sakkyndig hjelp frå uavhengige foretak. 10. Finansiering Kommunen har heimel til å kreve gebyr for tilsyn. For sakkyndig hjelp skal gebyr fastsettast i samsvar med 8 i gebyrforskrifta for sakshandsaming etter pbl i Stryn kommune. 11. Synleggjering av tilsyn Stryn kommune har som målsetting å gje informasjon om tilsynsverksemda. Føremålet er å medverke til å sikre kvalitet i det bygde miljøet og motverke ulovleg byggeverksemd. Dette er planlagt gjort ved at: * Tilsynsstrategien blir gjort kjent: - ved utsending av planen til sentrale aktørar som har fleire byggesaker i kommunen. - ved utdeling til andre som planlegg å søke byggeløyve i kommunen. - ved å gjere planen elektronisk tilgjengeleg på kommunen si heimeside. 12. Årleg gjennomgang av resultata Stryn kommune vil gjennomføre ein årleg gjennomgang av resultata på tilsynsområda med evaluering av måloppnåing og om det ligg føre høve for forbetringar. Gjennomgangen vil resultere i ein rapport som blir framlagt for bygningsrådet som orientering, jfr. SAK10, 15-1. Side 4 av 4
Etter utløp av 2-årsperioden (2011og 2012) skal kommunen sende ei oversikt med vurdering av tilsynet til Statens Bygningstekniske Etat, med fokus på sluttdokumentasjon og avfallsplanar, jfr. SAK10, 15-3. Side 5 av 5