Gulen kommune Plan, landbruk og teknisk Sakshandsamar Frank van den Ring Arkivsak - Journalpost 14/1376-15/7483 Arkivkode FA-L13, GNR-91/1 Dato 19.08.2015 Saksframlegg Gbnr. 91/1 Mjømna. Detaljregulering for Mjømna Bobil camp og Båtferie - Godkjenning Saksnummer Utval Møtedato 050/15 Hovudutval for plan og utvikling 28.08.2015 052/15 Kommunestyret 03.09.2015 Kommunestyret har endeleg avgjerdsmynde i saka. Utsende saksdokument Planomtale og ROS Mjømen Bobilcamp og båtferie 18.05.2015 Reguleringsføresegner mjømna bobil camp 19.08.15 Plankart 2014004-B mjømna bobil camp 19.08.15 Bilete av synfaring mjømna 14.08.2015 Ikkje utsende saksdokument LOV-2008-06-27-71, plan- og bygningsloven FOR-2014-12-19-1726, Forskrift om konsekvensutredninger for planer etter PBL Kommuneplanen sin samfunnsdelen 2012 2024, plannummer 2012002 Kommuneplanen sin arealdelen 2012 2024, plannummer 2012001 Startpakke for reguleringsplanar, samt rettleiarar Andre dokument i dokumentliste Bakgrunn for saka Behandling i hovudutval for plan og utvikling 12.06.15:
I kommuneplanen sin arealdel i KPA 2012 er formålet Fritid og Turisme FT12. Reguleringsforslaget sitt planområde strekk seg om lag 100m lenger aust enn FT12 avsett i KPA 2012 til spreidd utbygging. Tiltakshavar har i lengre tid arbeidd med dei aktuelle planane for området og arealbruken er teken inn i vedteken kommuneplan KPA 2012. I KPA 2012 er det krav til detaljreguleringsplan. Det vart halde planoppstartsmøte med kommunen 03.12.2014. Her vart konkludert med bl.a. at planforslaget vil samsvare med overordna plan. Forslaget utløyser ikkje krav om konsekvensutgreiing (KU) eller Planprogram. Det vart opplista ulike tema som skal vektleggast/utgreiast i vidare planarbeid Planoppstart vart kunngjort og varsla 10.12.2014 i samsvar med Plan- og Bygningslova med merknadsfrist sett til 16.01.2015. I høyringsperiode kom det inn merknader frå: - NVE - Statens vegvesen - Bergens Sjøfartsmuseum - BKK - Fylkesmannen - Fylkeskommunen, kulturavdelinga Me viser til dokument planomtalen / ROS for nærare opplysingar. Utklipp av KPA del for Mjømen: Saksvurdering og konklusjon Føremålet med planarbeidet er å regulere til fritid og turisme med tilhøyrande anlegg som camping for bobil, kort-/langtidsoppstilling av campingvogner, småbåthamn, servicebygg for camping, naust og bevaring av naust, kolonihage, friluftsområde, ei bustadtomt, tilkomstvegar med parkering. Campingformålet omfattar ikkje Husvogn.
Heile planområdet er på om lag 44 da der landareal utgjer 33 da og sjøareal 11 da. I austre del av planområdet (felt C-F) vert det lagt opp til plassering av faste installasjonar for langtidsgjestar og åremålsleigetakarar. Det er også planlagt eit servicebygg for desse. Tanken er å plassere slike installasjonar lengst unna strandsona for å unngå negative landskapsverknadar. På innmark i nordre del vil tiltakshavar plassere ein kolonihage for «grøne» aktivitetar som dyrking av grønsaker, urter m.m. Kolonihagen skal vere eit tilbod for alle interesserte. I vestre område vest for kommunal veg er tenkt plassering av korttidsgjestar for dagsutleige og slik unngå tyngre tekniske inngrep. Det er planlagt eit servicebygg for korttidsgjestar. Naustområdet består av eksisterande naust med tillegg av eit nytt. To av dei eldste nausta skal bevarast og vedlikehaldast som dei er. Desse er vist med omsynssone. I område for småbåthann kan det anleggast flytande bølgevern og flytebrygger for småbåtar med tilhøyrande anlegg på land. Det er ikkje planlagt fylling i sjø. Langs sjølinja er det vist kaiformål. Tanken med dette er å få til ei god/ordna avslutning av fyllingskantar. Strandsona i sør vert avsett til friluftsformål som badestrand og badeområde. Det kan etablerast anlegg i samsvar med formålet som badebrygger og liknande. Heilt sør i planområdet er vist ei oppmålt bustadtomt. Konklusjon: Tema om folkehelse vart vurdert i planomtalen / ROS. I planen vart teke omsyn til avstand mellom campingvogn og låge byggverk i kombinasjon med krav for brannklasse EI 30 i forhold til 4 meter mellomavstand. Etter synfaring og kartlegging av kulturminne vart omsynssone H730_ teke med i planen. Avsnitt om rekkjefølgjekrav syner at oppstillingsplan for campingplassar samt VAplan må vere på plass før det vert gjeve løyve. Administrasjonen tilrår hovudutvalet å leggje planforslaget ut på 1. gongs høyring med minst 6 veke frist. Grunna sommarferie vert fristen utvida til 07.08.15. Administrasjonen sitt framlegg til vedtak Framlegg til regulering av Gbnr. 91/1, Mjømna, Mjømen Bobilcamp og båtferie, plannummer 2014004, med føresegner, plankart og planskildring dagsett 18.05.2015 vert lagt ut til høyring og offentleg ettersyn i medhald av plan- og bygningslova 12-10. Behandling i Hovudutval for plan og utvikling 12.06.2015 Felles framlegg: Framlegg til regulering av Gbnr. 91/1, Mjømna, Mjømen Bobilcamp og båtferie, plannummer 2014004, med føresegner, plankart og planskildring dagsett 18.05.2015 vert lagt ut til høyring og offentleg ettersyn i medhald av plan- og bygningslova 12-10. Ein har kjennskap til at tiltak i området er sett i gang utan løyve. Arbeidet må stanse til godkjenningar er på plass. Røysting
Samrøystes Vedtak HPU-036/15 Framlegg til regulering av Gbnr. 91/1, Mjømna, Mjømen Bobilcamp og båtferie, plannummer 2014004, med føresegner, plankart og planskildring dagsett 18.05.2015 vert lagt ut til høyring og offentleg ettersyn i medhald av plan- og bygningslova 12-10. Ein har kjennskap til at tiltak i området er sett i gang utan løyve. Arbeidet må stanse til godkjenningar er på plass. Saksvurdering og konklusjon Gulen kommune har motteke følgjande merknader i høyringsperiode 12.06.15-07.08.15 med utvida frist til 18.08.15: Nr Dagsett Offentleg instans Merknad 1 23.06.15 Kystverket Vest JP 15/6081 omsyn til sjøvertsferdsel og hav og farvannslova 2 13.07.15 07.07.15 Statens vegvesen JP 15/6200 JP 15/6692 ingen merknader 3 03.07.15 Bergens Sjøfartsmuseum JP 15/6436 ikkje kjent med kulturminne, mulig kulturminne meldast -> ny føresegner 4 03.08.15 Fiskeridirektoratet JP 15/7137 viktige fiskeplassar i sjø derimot ingen konsekvensar 5 02.07.15 18.08.15 Fylkesmannen e-post om utsett frist JP 15/7453 kritiske merknader til utforming i strandsone 6 10.08.15 Sogn og Fjordane fylkeskommune JP 15/7352 bandlagt området kan takast ut samt føresegn 1.6.4 og 7.5 Andre - Forslagstillar har vurdert merknader og har sendt kommentar til kommune: 1. Kystverket Vest Ved planlegging i sjø må det takast omsyn til sjøvertsferdsel. tiltak må kunne motstå blant anna drag og bølgjeslag i frå pårekneleg båt trafikk. Ekstra føresegner: dersom tiltak fall inn under hamne og farvatns lovas vedtekter skal godkjennast av hamnemynde.
Tatt med til oppfølging i revidert planforslag. 2. Statens vegvesen Plan ligg langs kv, ingen merknader. (Kommunen fekk same brev to gonger.) Til etterretting 3. Bergens Sjøfartsmuseum Dei kjenner framleis ikkje til kulturminne i planlagt området. Dei minner om krav jf. lova at mulig kulturminne må meldast slik at dei kan undersøkje det nærmare. Endring av føresegner under 1 felles føresegner: 1.7 Kulturminne 1.7.1 Dersom det i samband med graving eller anna arbeid kjem fram noko som kan vere arkeologiske funn eller konstruksjonar, må arbeidet med ein gong stansast og Kulturavdelinga i fylkeskommunen må kontaktast, jf. lov om kulturminne 8. Det er forbod mot å skade eller på anna måte gjere inngrep i automatisk freda kulturminne, jf. lov om kulturminne 3. 4. Fiskeridirektoratet Fiskeridirektoratet region vest kan ikkje sjå at vi blei varsla om oppstart av reguleringsplanen, og har såleis ikkje hatt høve til å kome med innspel i saka før. Det er registrert viktige fiskeplassar for blant anna lyr, breiflabb, torsk, sei, hummar og krabbe i sjøområda utanfor Mjømna. Vi føreset at det vert sett i gong avbøtande tiltak dersom det viser seg at tiltaket kan gjere skade for det marinbiologiske mangfaldet og fiskebruksområde. Fiskeridirektoratet region vest kan ikkje sjå at planforslaget vil få vesentlege konsekvensar for dei interessene vi skal ivarta, og har såleis ingen andre merknadar til reguleringsplanen. Tatt til orientering 5. Fylkesmannen Meldte vanske å sende fråsegn før sommarferie, og fekk utsett frist til 18.08.15. Fylkesmannen hadde telefonmøter med kommunen om handsaming av planforslag for 1. gongs høyring. Da stadfestar Fylkesmannen at sannsynlegvis kan kome motsegn grunna avvik i forhold til overordna plan. Det vart avtalt at kommunen skal halde synfaring 14.08.15 med tiltakshavar. Måndag 17.08.15 sendte kommunen forslag til revisjon av plankartet og bilete av synfaringa. Basert på forslaget til revisjon sendte fylkesmannen 18.08.15 fråsegn til kommunen: I kommuneplanen sin arealdel frå 2012 er formålet Fritid og Turisme (FT12). Regulerings- forslaget sitt planområde strekk seg om lag 100m lenger aust enn FT12 i arealdelen til kommuneplanen og inn i område avsett til spreidd bygging. Natur og miljø:
- Campingplass felt A ligg føremålsgrense mot sjøen delvis ikkje i samsvar med avgrensinga i arealdelen (byggegrense samt føremål for turisme og fritid). - Det er ei alvorleg situasjon at området for felt A er allereie planert. - Småbåtanlegget grensar til friluftsområdet i sjø og badeplassen. Av omsyn til tryggleik tilrår vi at det i føresegnene vert stilt krav om utlegging av markørar for å synleggjere skiljet mellom badeplassen og småbåtanlegget. Landbruk: - Oppmoda at bygningar osv. vert plassert mest mulig vekk frå dyrka mark - Jordlova skal framleis gjelde skil at landbruket vert sikre. Etter mottak av endringsforslag 18.08.15 har Fylkesmannen konkludert følgjande: Gitt at reguleringsplanen vert endra og vedteken i samsvar med det reviderte planforslaget av 18.08.2015, og at deler av allereie utført planering/utfylling like sør for naustet og tilkomstvegen vert tilbakeført til opphavleg terreng, meiner Fylkesmannen at det er komme fram til ei akseptabel løysing. Forslagstillar sin kommentar: Stadfestar endringsforslag dagsett 18.08.15 utarbeidd ved kommunen sendt til Fylkesmannen for avklaring. På vegne av forslagstillar har kommunen endra plankart 18.08.15 i dialog med fylkesmannen for å få avklaring om avvik langs strandsone. Tilråding føresegner angåande markørar i sjøen blir tatt med. Utklipp av plankart om avvik i strandsone:
Godkjent Revidert forslag 18.08.15 Forslag 1.g. høyring 14.04.15 6. Fylkeskommunen Fråsegn frå 10.08.15 viser: Vi viser til førebels uttale til planen den 23.07.15. I uttalen vart det gjeve merknader i forhold til automatisk freda kulturminne, kulturminne frå nyare tid og i forhold til kulturminne i sjø. Etter ei samla vurdering finn vi at det ikkje blir gjennomført ytterlegare undersøking av funnstad ID. 212736. Det synest vere lågt funn- og dermed også kunnskapspotensial i dette tilfellet. Vi minner om at omsynssone med bandlegging etter lov om kulturminne for dette kulturminnet må takast bort i plankart. Det same gjeld føresegn 1.6.4 og 7.5. For kulturminne frå nyare tid viser vi til brevet vårt av 23.07.15. Forslagstillar sin kommentar: Stadfestar brev frå fylkeskommunen 10.08.15. Bandlagt området H730 vert teke ut av plankartet samt føresegn 1.6.4 og 7.5. Kommunen kan ikkje finne att brev frå 23.07.15 i saka. Kommunen skal endre plankart og føresegner. Konklusjon: Me ser ingen vesentlege merknader med store konsekvensar og jf. 7 at planforslaget har teke omsyn til prinsipp i 8-12 i naturmangfaldlova. Administrasjonen tilrår at planen kan leggast fram til andre gongs handsaming i hovudutvalet med forslag for godkjenning i kommunestyremøte 03.09.15. Til orientering: Planforslag vert annonsert på heimeside og i avis. I følgje 12-12 blir vedtak og planforslag sendt elektronisk til planleggar, som representant av tiltakshavar, og berørte myndigheiter. Naboar blir informert med brev som syner til opplysingar på heimeside og digitalt planarkiv. http://braplan.geoweb.no/braplan/planinnsyn.jsp?planid=2014005&kildeid=1411 www.gulen.kommune.no For vedtekne planar gjeld:
Vedtaket kan påklagast til fylkesmannen etter pbl. 1-9 og forvaltningslova kap. VI. Klagen må fremjast skriftleg innan 3 veker frå kunngjeringsdato, og sendast Gulen kommune, Eivindvikvegen 1119, 5966 Eivindvik. Administrasjonen sitt framlegg til vedtak Gulen kommune vedtek i medhald av plan- og bygningslova 12-12 detaljregulering for Gbnr. 91/1, Mjømna, Mjømna bobil camp og båtferie, plannummer 2014004, med plankart og føresegner dagsett 19.08.15, og planskildring dagsett 18.05.15. Behandling i Hovudutval for plan og utvikling 28.08.2015 Røysting Samrøystes Vedtak HPU-050/15 Gulen kommune vedtek i medhald av plan- og bygningslova 12-12 detaljregulering for Gbnr. 91/1, Mjømna, Mjømna bobil camp og båtferie, plannummer 2014004, med plankart og føresegner dagsett 19.08.15, og planskildring dagsett 18.05.15. Behandling i Kommunestyret 03.09.2015 Arve Mjømen ba om vurdering av ugildskap. Kommunestyret avgjorde at Mjømen som eiger delar av Mjømna bobil og camp og båtferie er ugild, jf. fvl. 6. Mjømen deltok ikkje ved handsaming av saka. Innspel frå Høgre v/anne Mette Andreassen der ho ba om at storleiken av campingsplass skal endrast til 8x10 m. Plankonsulent Frank van den Ring tar opp førespurnad med tiltakshavar og ber om små justeringar. Justeringar er ikkje del av avstemmninga. HPU sitt framlegg til vedtak vert godkjent. Røysting Samrøystes Vedtak KOM-052/15 Gulen kommune vedtek i medhald av plan- og bygningslova 12-12 detaljregulering for gbnr. 91/1, Mjømna, Mjømna bobil camp og båtferie, plannummer 2014004, med plankart og føresegner dagsett 19.08.2015, og planskildring dagsett 18.05.2015.