Pedagogisk plattform
Visjon Fag og fellesskap i fokus Våre verdiar Ver modig Ver imøtekommande Ver truverdig Pedagogisk plattform Vi bygger på Læringsplakaten og konkretiserer denne på nokre sentrale område: Kunnskapssyn Elevsyn Relasjon lærar elev Kjenneteikn på god undervisning Læringsplakaten Bø vidaregåande skule skal: 1. gi alle elevar like gode føresetnader for å utvikle evner og talent individuelt og i samarbeid med andre 2. stimulere lærelyst, evne til å halde ut og nysgjerrigheit blant elevane
3. stimulere elevane til å utvikle eigne læringsstrategiar og evne til kritisk tenking 4. stimulere elevane i personleg utvikling og styrking av eigen identitet, til å utvikle etisk, sosial og kulturell kompetanse og evne til demokratiforståing og demokratisk deltaking 5. legge til rette for elevmedverknad og for at elevane kan gjere medvitne verdival og val av utdanning og framtidig arbeid 6. fremme tilpassa opplæring og varierte arbeidsmåtar 7. stimulere, bruke og vidareutvikle kompetansen til kvar einskild lærar 8. medverke til at lærarane står fram som tydelege leiarar og førebilete for elevane 9. sikre at det fysiske og psykososiale arbeids- og læringsmiljøet fremmar helse, trivsel og læring 10. legge til rette for samarbeid med heimen og sikre at foreldre/føresette får medansvar i skulen 11. legge til rette for å trekkje inn lokalsamfunnet i opplæringa på ein meiningsfylt måte Kunnskapssyn Bø vgs. bygger sin pedagogikk på at læring er ein aktiv prosess som krev målretta arbeid og jamn innsats gjennom heile skuleåret. Bø vgs. førebur elevane til høgare utdanning, eit meiningsfullt arbeidsliv og til å bli engasjerte samfunnsborgarar.
Bø vgs. vil legge til rette for bruk av varierte arbeidsformer og metodar i læringsarbeidet, fordi vi meiner dette er motiverande og stimulerer elevane si lærelyst. I dette ligg mellom anna bruk av moderne teknologi, entreprenørskap og samarbeid med næringsliv og institusjonar utanfor skulen. Elevsyn Elevane utviklar sin faglege og sosiale kompetanse best når det blir stilt tydelege forventningar og krav til dei. Elevane treng tryggleik og omsorg for å meistre skulekvardagen og livet generelt. Trivsel og godt fellesskap er ein viktig føresetnad for god læring. Elevane må stimulerast til å takle utfordringar, tenke kritisk, vere kreative og tru på seg sjølv. Elevane er i stand til å delta aktivt i planlegging, gjennomføring og evaluering av læringsarbeidet. Alle elevar har ressursar til å auke kompetansen sin og vidareutvikle seg sjølv. Kjenneteikn på god relasjon lærar elev ved Bø vgs. Lærarar og elevar anerkjenner kvarandre sine roller og viser gjensidig tillit og respekt. Lærarar og elevar legg vekt på god dialog for å auke motivasjon og læringsutbytte. Lærarar og elevar har klare forventningar til kvarandre.
Lærarar og elevar kjenner seg trygge og arbeider saman for eit godt skule- og læringsmiljø. Kjenneteikn på god undervisning ved Bø vgs. Alle kjem presis, har med seg nødvendig utstyr og er godt førebudd. Det blir raskt etablert arbeidsro og undervisninga startar opp på ein klar og tydeleg måte. Det er god struktur på undervisninga, mellom anna gjennom tydeleg fagfokus, varierte arbeidsmetodar og konstruktiv dialog. Læraren er leiar av eit læringsfellesskap der det blir stilt klare forventningar og krav. Læraren skaper engasjement og motivasjon for læring og bidrar til å styrke sjølvkjensla til eleven. Eleven blir stimulert til realistisk eigenvurdering. Eleven får tilpassa opplæring. Læraren gir god og målretta undervegsvurdering, slik at eleven kan sette realistiske faglege mål og auke kompetansen sin. Undervisningsøktene blir avslutta med oppsummering og ein gjennomgang av kva som blir forventa til neste time.