Post: Liane, 4164 Fogn Faktura: Finnøy Kommune, Rådhuset, 4160 Finnøy Referat frå møte i SU (Samarbeidsutvalet) ved Møtedato og stad: Torsdag 16. februar 2017 kl. 18.00 på personalrommet. Desse møtte: Kristel Borgemyr (foreldrerepresentant i barnehagen) Alexander Stensnes (foreldrerepresentant i barnehagen) Paul Arne Aano (representant for tilsette i barnehagen) Anne Martha Straumstein (representant frå andre tilsette) Margunn Madsen Hovda (foreldrerepresentant i skulen) James Alexander Kvamsøe Stensnes (elevrådsrepresentant) Anna Sandanger Iversen (elevrådsrepresentant) Jakob Bø (representant frå lærarane) Jon Olav Runestad (kommunal representant) Håvard Østhus (rektor og kommunal representant) Meldt forfall: Anne Sunde (foreldrerepresentant i skulen) Dag Sæbøvåg (verneombod, møter ved behov) Elin Bø (representant for tilsette i barnehagen)
SAKLISTE Sak 17 16/17: Godkjenning av innkalling og sakliste Sak 18 16/17: Godkjenning av referat frå førre møte Sak 19 16/17: Orienteringar frå rektor Sak 20 16/17: Pilotprosjekt knytta til Chromebook Sak 21 16/17: Foreldreundersøking i barnehagen Sak 22 16/17: Sakliste for SMU (Skulemiljøutvalet) Sak 23 16/17: Ymse
Sak 17 16/17: Godkjenning av innkalling og sakliste Innstilling frå rektor: SU godkjenner innkalling og sakliste. Vedtak: Som innstilling Sak 18 16/17: Godkjenning av referat frå førre møte Innstilling frå rektor: SU godkjenner referat frå førre møte. Vedtak: Som innstilling Sak 19 16/17: Orienteringar frå rektor + evt. samtale Saksutgreiing: Rektor orienterte om Rekneskap 2016 o kom til slutt ut med eit mindreforbruk på om lag 366 000 kroner. Hovedgrunnen for dette er sjukelønnsrefusjonar som overgår vikarutgiftene, og at reguleringar knytta til pensjon slo positivt ut dette året. Særleg dette siste var umogeleg å forutsjå. Budsjett 2017 o Ser ut til at vi har truffe greitt her. Status knytta til personalsituasjonen o Vi har hatt to langtidssjukemeldingar på oppvekstsenteret. Den eine er no tilbake i den opprinnelege stillinga si, medan den andre sjukemeldinga har gått frå å vere 100% til å vere 60%. o Sjukefråvèret på var på 13,7% i 2016. 12% er knytta til sjukemeldingar over 17 dagar, medan korttidssjukefråvèret er på 1,8%, noko som må seiast å vera «innafor». Skuleruta o SU anbefalte i førre møte det skuleruteforslaget som då låg føre, knytta til kommunal skulerute. Denne har no vore politisk behandla, og vart godkjent slik ho låg. Framdrift på uteplassen o I desember bestilte og betalte vi materialer for 15 000 kroner hjå Miljøbygg. Dette kan nyttast til «Robin-Hood-skogen» på uteplassen. Vi er i dialog med Miljøbygg om å hyra inn hjelp for å koma vidare med planane våre der oppe. Rektor har òg kontakta fagpersonar for å finna ut meir om lovkrav og liknande. til slike prosjekt som vi no set i gong med.
Miljøtiltak i Finnøyskulen o Politikarane sette for 2017 av 150 000 kroner til miljøtiltak i Finnøyskulen. Planen er at 50 000 av desse pengane skal nyttast til eit turopplegg for 5.-7. klasse. Det kan godt vera at dette vert gjennomført til hausten. Rektor på Ombo og på Fogn har hovudansvar for turen. Dei resterande 100 000 kronene vil nyttast til andre miljøtiltak, men det er ikkje heilt avklart enno korleis pengane skal nyttast. Bordtennisbord o Vi har, saman med Fogn IL, gått til innkjøp av to bordtennisbord i betong som skal plasserast ute ved det nye leikeområdet. Innstilling frå rektor: SU tek rektor sine orienteringar til etterretning Vedtak: Som innstilling Sak 20 16/17: Pilotprosjekt - Chromebook Saksutgreiing: I førre SU-møte, 1. desember 2016, orienterte rektor om at vi hadde nokre planlagte kostnadar knytta til IKT. Det vart også sagt at det var aktuelt å vere med i eit prosjekt knytta til PC-ar av typen «Chromebook». Då vi, mot slutten av året, såg at det var mogleg å gjere denne investeringa, gjekk vi til innkjøp av Chromebook til utlån til alle elevane, og desse er no klargjort og delt ut til elevane i 3.-7. klasse. Elevane i 1.-2. klasse har «sine» maskinar ståande fast i klasserommet. Bakgrunnen for at vi prøver ut Chromebook, handlar om at andre kommunar har gjort gode erfaringar med desse maskinane. Særleg Randaberg har vore leiande på dette feltet. PC-ane som vart kjøpte inn då vi gjekk over til Stavanger IT i 2015 har fungert godt, men når desse etter kvart vert gamle (3+ år) og må bytast ut, kjem det ein veldig stor kostnad. Ein Chromebook kostar godt under halvparten av ein «vanleg» PC, noko som gjer at vi lettare kan fylla på med nye PC-ar når dei gamle etter kvart vert utdaterte. Tanken er at vi på Fogn oppvekstsenter denne våren har eit pilotprosjekt knytta til bruk av Chromebook i Finnøyskulen, slik at vi kan gjere erfaringar som igjen er nyttige når andre skular etter kvart fyllar på sine PC-parkar med Chromebook-maskinar. Vi har kjøpt inn maskinar av typen Acer R11, ein liten og lett maskin som fungerer som kombinert PC og nettbrett med god batterikapasitet. Det som er spesielt med Chromebook, er at så godt som all lagring føregår i «skya», noko som set store krav til internettilkoblinga
på oppvekstsenteret. I og med at vi oppgraderte til trådlaust fiber i fjor, har vi ei nettlinje som ser ut til å takla all denne skylagringa på ein god måte. Vi er spente på kva for erfaringar både vi og elevane vil gjera med dei nye maskinane, og ser fram til å læra både av og til kvarandre! Framlegg til vedtak: SU tek rektor si orientering til etteretning Vedtak: Som innstilling med denne kommentaren: - SU ynskjer at vi skal ha ein fagdag og foreldremøte med organisasjonen «Barnevakten», helst ein onsdag i mars. Rektor føl opp dette, i samarbeid med SUleiar. Sak 21 16/17: Foreldreundersøking i barnehagen Resultat frå foreldreundersøkinga var vedlagt. Saksutgreiing: For første gong tok heile kommunen i år i bruk utdanningsdirektoratet si nettbaserte foreldreundersøking. Det at det er første året, gjer at vi ikkje har tidlegare tal å samanlikna med. For å ha eit samanlikningsgrunnlag, er tala frå Finnøy kommune, Rogaland Fylke og nasjonale tal lagt ved sidan av tala frå Fogn barnehage. I nokre tilfelle vert denne samanlikninga kanskje litt «feil», då vi er ein svært liten barnehage, men det er kun desse tala vi har å samanlikne oss med. Det er 62,5% av foreldra som har svart på undersøkinga, som vart gjennomført i november 2016. Dei føresette svarar på ein skala frå 1 til 5, der 5 er maks score. Sjølv om vi ikkje har veldig høg svarprosent, og det er få barn i barnehagen, har vi lov å gleda oss over eit godt resultat på undersøkinga. Vi skårar særs godt i viktige kategoriar som barnets trivsel (5) og tilfredshet (4,8), og skårar elles stort sett over dei vi samanliknar oss med. Eit unnatak frå dette er knytta til barnehagen sitt uteareal, der vi ligg godt under t.d. kommunen elles. Utearealet vårt har kome dårleg ut, også i tidlegare brukarundersøkingar (lokale undersøkingar), og vi har gjort nokre grep det siste året for å betre på dette: - Klatrestativet som før berre høyrte til skuledelen av oppvekstsenteret, vart eit fellesområde då vi fekk nytt gjerde, våren 2016. - Barnehagen nyttar somme gonger den nye leikeplassen ved ballbingen når elevane har timar, eller etter skuleslutt.
- Vi laga til grønnsakshage i plantekassar, våren 2016. Denne har vore mykje brukt, særleg gjennom sommar og haust. - Vi laga sølekjøkken på dugnad, hausten 2016. - Vi fekk ny vippe i barnehagen, hausten 2016. Denne er montert opp der båten låg før. I tillegg arbeider vi som kjent med planar for vidareutvikling av uteplassen til barnehagen, bak drivhuset til Rasmus, men dette høyrer jo ikkje per definisjon inn under barnehagen sitt uteareal. Vi tek gjerne imot innspel på kva for grep vi kan gjere for å vidareutvikle området rett utanfor barnehagen. Og så kan vi gjerne vere flinkare til å vise foreldra at barnehageborna også får nytta den nye leikeplassen, og klatrestativet i fellesområdet i uteleiken sin. Innstilling frå rektor: SU tek foreldreundersøkinga til etterretning. Vedtak: Som innstilling med dette tillegget: - FAU ynskjer ei større «disse» av typen «fuglerede» til det eksisterande stativet vårt. Sak 22 16/17: Sakliste for SMU Sak 12-16/17: Godkjenning av innkalling og sakliste Sak 13-16/17: Godkjenning av referat frå førre møte i SMU Sak 14 16/17: Drøfting av resultatet frå elevundersøkinga, foreldreundersøkinga og lærarundersøkinga. Sak 15 16/17: Ymse Innstilling frå rektor: SU tek SMU si sakliste til orientering Vedtak: Som innstilling med dette tillegget: - FAU ynskjer at borna skal få med seg heim ein plakat om kor viktige foreldra er i borna sin skulegang, t.d. plakat frå FUG.no. Plakaten vert sendt ut frå skulen, men det vert laga ein nettsak med info om at det er eit samarbeidsprosjekt mellom FAU og skulen.
Sak 23 16/17: Ymse Ingen saker her.