Informasjon frå Bore skule skuleåret Nr 2 - November. Slik så den ut i. og slik ser den ut i dag.

Transkript

1 Bore Nytt Informasjon frå Bore skule skuleåret Nr 2 - November Skulebakken er det første me vil ta fram denne gongen. Slik så den ut i sommar og slik ser den ut i dag. Det er blitt ein svært mykje betre del av skulevegen med ein parkerings-plass for syklar på toppen av bakken. No står det berre att å få dei siste brikkene på plass for å få ein trygg og god skuleveg både her og elles til skulen. Sjå meir om skulevegen i dette nummeret. Så har me stilt klokka til «vintertid»..og det blir mørkare dag for dag. Derfor nyttar me høve til å minna om bruk av refleks og utstyr på syklar.

2 Kommentaren: Trygg skuleveg Bore Nytt s.2 Me har denne gongen litt ekstra fokus på skulevegen. Og skulevegen er for dei fleste litt lenger enn den omtalte Skulebakken. Me har før oppfordra heimane til å få borna til å gå eller sykla til skulen. No kan me og gjera dette med bakgrunn i kommunen sin handlingsplan for fysisk aktivitet. I denne er mottoet «I Klepp syklar eller går me.» Og i Verdalen ligg det godt til rette for at dei kan gå eller sykla til skulen. Det finnest mange alternative vegar i byggefelta som ikkje er så trafikkerte. Og for dei som må gå langs Verdalsvegen er det fortau å halda seg på. Langs Nordsjøvegen er det og sykkelsti slik at dei med kortast veg også der kan bruka sykkel (m/hjelm, lys og refleks). Så er det og viktig at borna viser god oppførsel langs vegen til og frå skulen. Der er det ikkje lett for skulen å ha kontroll. Derfor er me avhengige av at alle vaksne er med i arbeidet for ein trygg skuleveg. Ta gjerne ein gåtur når det passer slik. Då kan også du vera med å gje borna ein trygg skuleveg. 5-åringar Me er igjen inne i tida for registrering av dei som skal starta på skulen i 1. klasse neste år. Årskullet er denne gongen noko mindre enn det me har hatt dei siste åra, men me har ikkje heilt oversikt over dette enno. Me sender i desse dagar ut informasjon til heimane og får så inn registrerings-skjema på dei nye elevane.

3 Informasjjon frå FAU: FAU og skulen fekk endeleg løn for mange års strev med å få gjort noko med skulebakken. Skulebakken er truleg ikkje eit offisielt namn på bakken ned til skulen, men den har blitt kalt det i mange år. No er både denne og den nye bratte stien opp til Sporafjellet oppgradert med asfalt, trapper og fine rekkverk. Det tok lang tid, men så blei resultatet fint. Det som no er utfordringa er to ting: Bakken er ikkje ein sykkelsti. Det vil seia at det er farleg og til stor ulempe for dei gåande dersom nokon syklar ned den bratte bakken. På toppen er det parkering for syklar som også er blitt utvida. Denne har no plass til over 100 syklar i stativ (og kanskje nokre fleire utanom stativ). Det er då svært viktig at ikkje nokon parkerer til ulempe for naboane og deira eigedom. Dersom me samarbeider om dette, håper me på å få ein god og trygg skuleveg denne siste biten ned til skulen. Foreldremøta Bore Nytt s.3 Dette året var det eit litt spesielt foreldremøte der Stine Sofies stiftelse hadde viktig informasjon. Me håper og trur at dette var eit nyttig møte for alle føresette. Møtet var eit samarbeid mellom FAU og skulen.

4 Også dette året var ballbingen....samlingsplass ved slutten av Palsveka vår. Dette har me hatt som tradisjon i mange år, men me trur det er første året at me fekk så mykje regn som i år. Det blei likevel ei fin samling med song og framvising av BliMe-dansen som elevane hadde øvd inn. Som vanleg inneheldt Palsveka både aktivitetar og innlæring av reglane på skulen. DKS Den Kulturelle Skulesekken Dette er eit opplegg i skulen som skal gje elevane ulike kulturelle opplevinger i løpet av skuletida dei har hos oss. Dette kan vera konsert, dans, litteratur og anna. Nokre gonger er det ei framføring av kunstnarar/musikarar, mens det andre gonger er eit opplegg der elevane er meir delaktige. I haust har elevane i klasse fått delta i forholdsvis små grupper i eit opplegg om eventyr og Jørgen Moe. I desember får alle elevane delta i konsert med to gitaristar som speler på mange strenger. Konserten heiter «Lek med strenger».

5 UTVIKLINGSSAMTALAR Me er i full gang med samtalane som me av og til kallar «trekantsamtalar». Det skal vera ein samtale mellom skule og heim med eleven i sentrum. Derfor er også eleven med i samtalen og får fortelja kva han/ho meiner om sin skulegang. Dette er ein viktig samtale for alle tre partar. Me vil også i år ta foreldreundersøkinga i samband med dette. Det betyr at de må setja av noko tid etter samtalen til å ta denne. Dersom det skulle vera umogleg å ta undersøkinga på skulen, håper me at de gjer det heime. Brukerkode får du av lærar i samtalen. NYE PROGRAM Me rekner med at alle no har fått med seg at me har eit nytt program som skal brukast i kommunikasjon med skulen School Link. Med kommunikasjon meiner me: Melding om fråvær Meldinger og spørsmål til lærar Lærar vil også senda meldinger heim på dette programmet Dersom det er litt lengre meldinger og drøftinger med lærar eller andre, oppfordrer me til bruk av epost. Du finn epost til dei tilsette på heimesida (namn@klepp.kommune.no)

6 Visma Flyt Skule Eit anna program skulen bruker er Visma Flyt. Dette er den staden me arkiverer opplysningar om kvar elev (adresse, foreldre, telefon mm). Det er viktig at desse opplysningane er rette. Derfor er det opna opp for at foreldre kan gå inn og sjekka desse. Noko av informasjonen kan du retta sjølv (til dømes epost-adresse), men du kan og melda frå til skulen om feil eller rettinger. Det nye dette året er at påmelding til SFO for nye elevar skal gjerast i dette programmet. Sjå informasjon på heimesida. Ein medarbeider sluttar Vibeke Oddane har vore miljøarbeidar hos oss i mange år. Ho starta fordi me trengte ein helsefagarbeidar, men har etter det vore med i fleire klassar med ulike behov. Me vil takka henne for innsatsen i desse åra og ønskjer henne lukke til i ny jobb. Nybygget Det er i slutten av oktober kome inn anbud på nybygget frå ulike firma som vil bygga. Prosjektleiaren i kommunen går no gjennom anbuda. Når entrepenør er vald, kan planlegging av byggearbeidet starta. Det betyr nok truleg at gravearbeidet vil starta i januar.

7 BYGGETID PÅ SKULEN Når byggearbeidet starter i januar vil skulen få eit mindre uteareal og eit avsperra område. Me nemner dette alt no slik at de kan vera førebudde på og informert om kva som skjer. Skogen ned mot Verdalsvegen vil bli avsperra og den vanlege vegen opp til skulen vil og bli sperra. Dette betyr tre ting: Uteområdet elevane skal bruke i friminutta blir mindre Parkeringsplassen på skuleområdet blir stengt Trafikken til skulen må leggast om Me har allereie drøfta dette ein del og har desse tankane for løysinger: Elevane må utnytta det område skulen har (til dømes sør og aust for skulen). Det må og drøftast kva aktivitetar me kan få til på det området me har. Kommunen vil vurdera alternativ til parkering. Gangtrafikk til skulen kan ikkje gå inn til skulen ved Ebeneser. Elevane må gå inn Røsslyngvegen og gå inn til skulen den vegen. Elevar kan ikkje setjast av nedanfor skulen. Det er ikkje plass til at bilar kan stoppa/parkera her. Bussen som kjem til skulen vil stoppa ved Røsslyngvegen slik at elevane går opp den vegen. Me vil koma tilbake med meir informasjon når det nærmer seg byggestart og når me veit enno litt meir.

8 Viktige notat Elevane har fri 18. nov. Skule og SFO har då planlegginsdag Bore Nytt s.8 Siste skuledag før jul er 21. desember. Elevane slutter kl Så er det start på skulen onsdag 3. januar Fram mot jul Det nærmer seg fort jul og då er det alltid ein del ekstra aktivitetar og arrangement. Det første som står på programmet, er teikning til Aftenbladet sin teiknekonkurranse. Der er fristen allereie midt i november, så elevane er snart ferdige med dette. Det er alltid mange elevar som ønskjer å senda inn ei teikning. Så kjem etter kvart adventstida med tenning av lys og mykje kos i klassane. 4. desember skal med ha ei songsamling i gymsalen Og ei god veke før jul er det julemusikal torsdagen, og gang rundt juletreet siste skuledag som er torsdag 21.