Fogn oppvekstsenter levande og lærande

Transkript

1 Post: Liane, 4164 Fogn Faktura: Finnøy Kommune, Rådhuset, 4160 Finnøy Referat frå møte i SU (Samarbeidsutvalet) ved Møtedato og stad: Tysdag 23. februar kl på personalrommet. Desse møtte: Pål Rune Grønås (foreldrerepresentant i barnehagen) Aud Marie Bø (representant frå andre tilsette) Morten Sangedal (foreldrerepresentant i skulen) Anne Sunde (foreldrerepresentant i skulen) Frida Hole Runestad (elevrådsrepresentant) Magnus Hovda Rørheim (elevrådsrepresentant) Jakob Bø (representant frå lærarane) Dag Sæbøvåg (verneombod, møter ved behov) Jon Olav Runestad (kommunal representant) Håvard Østhus (rektor og kommunal representant) Meldt forfall: Elin Bø (representant for tilsette i barnehagen) Kristine Bø (representant for tilsette i barnehagen) Kristel Borgemyr (foreldrerepresentant i barnehagen) Sak 17 15/16: Godkjenning av innkalling og sakliste Innstilling frå rektor: SU godkjenner innkalling og sakliste. Vedtak: Som innstilling Sak 18 15/16: Godkjenning av referat frå førre møte Innstilling frå rektor: SU godkjenner referat frå førre møte. Vedtak: Som innstilling

2 Sak 19 15/16: Orienteringar frå rektor Rektor orienterte om: Personalsituasjonen o Vi har hatt behov for både assistent og lærar i skulen (deltidsstilling) fram til sommaren. Det ligg føre ei løysing knytta til begge desse stillingane, der Isabell A. Kvamsøe går inn som assistent torsdagar og fredagar, og Solfrid Torgersen er lærar på måndagar og onsdagar. Fotografering o Etter ynskje frå SU i 2014/15 vil det kvart år verta gjennomført både portrettog gruppefotografering av barnehageborn og elevar ved oppvekstsenteret. Firmaet Fovea kjem og fotograferer torsdag 21. april i år. Status på nærmiljøanlegg o Det vert arbeida på nærmiljøanlegget for tida. Arbeidet ligg foran framdriftsplanen som seier at anlegget skal vere klart til bruk 1. mai i år. Det er likevel for tidleg å seie at anlegget vert ferdig lenge før den tid, då ein framleis kan støte på uforutsette utfordringar i arbeidet. Lyse fiberlink o Det er no montert ei antenne på taket av oppvekstsenteret som tek imot signaler frå ein sendar som er plassert på ein topp mellom Tau og Jørpeland. Nettet er no oppe og går, og er stabilt, men det både Lyse og Stavanger IT jobber for å få høgare hastigheit. Gjerde o Som det vart informert om i førre møte, så fekk vi budsjettmidlar til nytt gjerde på oppvekstsenteret. Systemsikring har no vore og sett opp dette gjerdet, og det ser veldig bra ut. Vi har også gjort ei løysing ved klatrestativet som gjer at både skule og barnehage kan nytta dette. Innstilling frå rektor: SU tek orienteringa til etterretning. Vedtak: Som innstilling Sak 20 15/16: Evaluering av prøveordninga med bilfri sone

3 I desember hadde vi i to veker ei prøveordning med bilfri sone på oppvekstsenteret. I denne perioden skulle det berre vere nødvendig varetransport og sjuketransport på plassen framfor oppvekstsenteret frå klokka på kvardagar. Tilsette hadde tilbod om å parkera ved butikken og bedehuset. Tanken bak prøveordninga handla både om trafikktryggleik og utemiljøet til elevane. Prøveordninga vart i all hovudsak overholdt, både av tilsette og føresette. Alle tilsette har fått tilbod om å svara på eit evalueringsskjema i etterkant av prøveordninga. 11 tilsette har svart på dette skjemaet. Av desse er det eit solid fleirtal for å gjere dette med bilfri sone til ei permanent ordning. Det vert likevel trukke fram at ein bør ha betre alternative parkeringsplassar, både med tanke på tilsette, men ikkje minst med tanke på besøkande til oppvekstsenteret. Dette erfarte vi fleire gonger i prøveperioden. Elles var det fleire som trakk fram at borna nytta området som vanlegvis er parkeringsplass til ulike leikprega aktiviteter. Når ein tenkjer på at prøveordninga vart gjennomført i desember, kan ein gjerne sjå for seg at området ikkje ville blitt mindre brukt dersom det t.d. hadde stått april eller mai på kalenderen. Rektor ynskjer å jobba vidare for å finne ei løysing som gjer at det berre unntaksvis køyrer bilar på «borna sitt område» mellom klokka Den største utfordringa er knytta til dette med betre alternative parkeringsplassar. I forhold til dette er det fleire løysingar ein kan sjå nærare på. Ein kan gå i dialog med dei som eig tomta som ligg rett over vegen (ikkje fylkesvegen) for oppvekstsenteret, og høyre om det er høve til å lage til nokre oppstillingsplassar på denne tomta. Hovudutfordringa her, sjølv om vi få lov av grunneigar, er at det er tankar om å byggje leilighetskompleks på denne tomta i ikkje alt for fjern framtid. Ein kan gå i dialog med dei som eig tomta like på nedsida av barnehagen, der det alt er grusa opp slik at ein kan køyre inn og parkere der. Å gjere dette til alternative plassar ville krevd litt opprydding på området, i tillegg til god skilting, men likevel kan det sjå ut som om dette er den enklaste løysinga, dersom grunneigar vil gå med på dette. Eit tredje alternativ kan vere å gjerde inn skuleområdet slik at borna er på den eine sida av gjerdet, og bilane på den andre. Gjerdet kan t.d. gå i overgangen belegningssteing/asfalt. Dette vil løyse utfordringa med å ha bilar på «borna sitt område», men vil dele inn skuleplassen på ein måte som kan vere uheldig t.d. på kveldsarrangement der mange vil parkera utanfor oppvekstsenteret. Dette vil også gjere «borna sitt område» mindre.

4 Innstilling frå rektor: SU oppfordrar rektor til å jobba vidare med å finna ei betre løysing enn under prøveordninga, knytta til alternative parkeringsplassar. Dersom ein kjem i hamn med noko her, ynskjer SU at dette med bilfri sone vert gjort permanent frå og med skulestart i august Ordninga skal i så fall evaluerast av SU våren Vedtak: Som rektor si innstilling, med tillegg om at ein gjerne også kan sjå på om det kan vere mogleg å finne ei løysing på Judith Opsal sitt område ved butikken. Sak 21 15/16: Status - uteplassen Saksutgreiing: Vi har tidlegare hatt nokre «oppgraderingar» av uteplassen oppe i SU. Sidan sist møte har dette skjedd: Materialer frå uteplassen er delt opp i lekter og brukt til å snekra to «portar» ein kan ha framføre opningane til bålhuset. «Portane» er sett opp, men dei har berre fått midlertidige fester til veggene. Det er kjøpt inn grind (i metall), og stolpar til å feste denne i. Alt dette står no ved drivhuset til Rasmus. Det som må gjerast vidare er dette: Ein må få ei løysing for feste av «portane» ved bålhuset. Her er det sikkert fleire moglege løysingar, men det enklaste er gjerne å kjøpe inn nokre metallvinklar som kan nyttast til å hengje «portane» på. Metallgrinda må monterast. Dette er eit prosjekt som krev støyping, då stolpane må festas godt. Innstilling frå rektor: Ingen Vedtak: - Morten og Ståle tek ansvar for å montera grinda - Jakob finn ei løysing for dette med «portane» inn til bålhuset. - Håvard høyrer med Oskar om korleis ein går fram for å tømma utedoen på uteplassen. Sak 22 15/16: Påmelding til skulegudsteneste

5 Saksutgreiing: Utdanningsdirektoratet (UDIR) kom i november 2015 med ei oppmoding om at skular organiserer deltaking ved skulegudstenestar ved at elevar aktivt melder seg på. Dette skil seg ut frå tidlegare praksis, der det har vore dei som evt. melder fritak frå slik aktivitetar som må gjere noko aktivt. Rektor tenkjer at det på vil vere unaturleg med påmelding til denne typen aktivitetar. Det har rett nok vorte meldt fritak for enkelte elevar ved tidlegare skulegudstenestar, men ikkje i stor skala. Slik rektor ser det, ville ei aktiv påmelding fort kunne oppfattast som splittande, meir enn samlande for born og føresette. Rektor understreker at UDIR berre kjem med ei oppmoding, ikkje eit påbod i denne saka, og ynskjer ikkje å gjennomføre dette med aktiv påmelding til skulegudstenester. Føresette står sjølvsagt fritt til å nytte fritaksretten, t.d. når det skal vere påskegudsteneste for oppvekstsenteret 18. mars. Denne retten, som er heimla i Opplæringslova 2-3a, vert det gitt informasjon om på felles foreldremøte kvar haust. Innstilling frå rektor: SU støttar rektor i at det ikkje skal vere aktiv påmelding til skulegudstenestar for. Vedtak: Som rektor si innstilling med tillegg om at rektor gjerne kan høyre med dei andre skulane i kommunen om korleis dei handterer dette. Sak 23 15/16: Sakliste til SMU Sak 13-15/16: Godkjenning av innkalling og sakliste Sak 14-15/16: Godkjenning av referat frå førre møte i SMU Sak 15 15/16: Drøfting av resultat av elevundersøkinga, foreldreundersøkinga og lærarundersøkinga. Sak 16 15/16: Ymse Innstilling frå rektor: SU tek SMU si sakliste til orientering Vedtak: Som rektor si innstilling Sak 24 15/16: Ymse

6 TIDLEG SKULESTART PÅ FINNØY? - Det vart sendt ei høyring til SU og Grendalaga i kommunen knytta til om Finnøy Sentralskule skulle starta tidlegare om morgonen frå hausten av. Høyringsfristen var 15. februar, altså før vi skulle ha neste SU-møte. Difor forfatta SU-leiar Morten eit brev som han sendte ut på høyring til SU-medlemmane, og som han deretter sendte til Sentralskulen. I brevet kjem SU med eit negativt høyringssvar til Sentralskulen. Saka skal sannsynlegvis opp politisk no i mars. REDUSERT FARTSGRENSE - Vi har tidlegare vore i kontakt med Statens vegvesen, med tanke på lågare fartsgrense i 50-sona forbi oppvekstsenteret. Vegvesenet har no, etter at saka har vore på høyring, vedteke at fartsgrensa skal vere 30 kilometer i timen i det som i dag er ei 50-sone. Ordninga trer i kraft frå den dato skilta er sett opp og avdekte.