SENTRALADMINISTRASJONEN Postadresse: Klepp kommune Postboks 25 4358 Kleppe SÆRUTSKRIFT AV MØTEBOK Behandla i: Møtedato: Sak nr: Hovudutval for lokal utvikling 20.06.2017 52/17 Saksbehandlar: Nina Bjørke Arkiv: L12 Arkivsak: 14/1913-13 DETALJREGULERING ORSTAD FELT B1 Saka gjeld Planforslaget legg til rette for bustader i form av rekkehus og leilegheiter i 4- og 6-mannsbustader med tilhøyrande parkering, private, felles og offentlege uteareal. Figur 1 - Plankart reguleringsplan Orstad felt B1 Krav sett i overordna planar Regionalplan for Jæren 2013-2040, vedteken av fylkestinget 22.10.2013 og langsiktig grense for jordbruk. Området ligg på utbyggingssida av langsiktig grense for jordbruk. www.klepp.kommune.no E-post: postmottak@klepp.kommune.no Sentralbord: 51 42 98 00 Organisasjonsnummer: 00864969682 Barna vår framtid
I Regionalplan for Jæren ligg området langs bussaksen. (Vist med røde prikkar.) Figur 2 - Utsnitt frå regionalplan for Jæren 2013-2040 Kommuneplanen sin arealdel for perioden 2014-2025 Området er vist som bustader i gjeldande kommuneplan. Figur 3 - Utsnitt frå kommuneplan 2014-2025 2
Gjeldande regulering Figur 4 - Områdeplan 3380, Orstad Området er regulert til bustader i områdeplan 3380, Orstad, vedteken i 2014. I områdeplanen er det sett krav til detaljregulering av område B1 før utbygging. I områdeplanen er det sett krav i 3.1.1 om tettleik og byggehøgd. Felt B1 er vist med 41 bueiningar som er tilfredsstillande. Avklaring i høve til forskrift om konsekvensutgreiing Klepp kommune har som ansvarleg planmyndigheit vurdert at planarbeidet ikkje kjem inn under FOR-2014-12-19-1726: Forskrift om konsekvensutredninger for planer etter plan- og bygningsloven. Utbyggingsavtale I samsvar med Plan- og bygningsloven 17-4 blir det forhandla fram utbyggingsavtalar parallelt med detaljplanen. Dette vil bli gjort mellom 1. og 2. gongsbehandling. Planprosess og medverknad Varsel om oppstart av planarbeid Oppstart av planarbeid er varsla i Aftenbladet 13.1.2015 og i brev til grunneigarar, naboar og høyringsinstansar datert 5.1.2015. Varsel om oppstart er og publisert på kommunen sine nettsider. Fristen for merknader vart sett til 18.2.2015. Det har kome inn fem merknader til varsel om oppstart. Merknadane er referert og kommentert av forslagsstiller i vedlagt planbeskrivelse. Omtale av planforslaget Plan- og bygningslova slår fast at eit forslag til reguleringsplan består av tre element: Plankart, bestemmelsar og planomtale. Sidan det står ein del grunnleggjande informasjon i planomtale, kan det vere ein fordel å lese gjennom vedlagte planomtale før ein les vidare i saksutgreiinga. 3
Vurdering av planforslaget Estetikk Det er sett krav i bestemmelsane til formingsrettleiar som grunnlag for byggesøknad. Formingsrettleiaren skal gi retningslinjer for form, materialbruk og fargar for bygningane samt utstyr og element i både private felles og offentlege uteområde. Det er og krav i bestemmelsane om høg kvalitet på arkitektur og materiale. Det skal være einsarta og harmonerande material- og fargebruk, med trekledning som det dominerande fasadematerialet, men med muligheit for kontrasterande fargebruk på element som for eksempel leveggar og inngangsparti. Grad av utnytting Det er planlagt 41 bustader i området, fordelt på 19 rekkehus og 22 leilegheiter. Dette svarer til kravet som er sett i områdeplanen for Orstad. Bukvalitet Kombinasjonen av rekkehus og leilegheiter, samt planlagt grønstruktur og to leikeplassar i planområdet gir alle muligheiter for å byggje eit bustadområde med høg bukvalitet. Vegtrafikkstøy Området er utsett for støy frå vegtrafikk. Trafikkstøyberekningen viser at med uskjerma situasjon vil dei nordlegaste bustadane liggje i gul sone, som er over kravet. Det er derfor anbefalt skjerming med ca. 2,5 m. høgde. Figur 5 - Støysituasjon med skjerming Med skjerming vil alle uteplassar liggje i grå støysone (50-55 db) eller lågare, som er ok. Støyrapport er vedlagt. Parkering sykkel og bil Det er planlagt 3 sykkelparkeringsplassar pr. bustad, i tråd med bestemmelsane i kommuneplanen. Det er planlagt min. 1,5 parkeringsplassar for bil pr. bustad på delfelt BK5-7 på felles parkeringsområde. For rekkehusa på delfelt BK1-4 er det planlagt 2 plassar på eigen tomt pr. bustad. 4
Parkeringsdekninga for sykkel og bil er i samsvar med bestemmelsane i kommuneplanen. Klima- og miljøpåverknad Det pågår arbeid med kartlegging av overvatn/flaumsituasjon i området i samband med planarbeid hovudplan for avløp. Kanalen i planområdet skal dimensjonerast i samsvar til resultata frå dette arbeidet. Omsynssonen for flaumfare (H320) vil kanskje kunne opphevast når resultata føreligg og kanalen er prosjektert. Energibruk Krava til energibruk til oppvarming er fastlagt i gjeldande teknisk forskrift. Berekraft Området ligg langs busstrase. Det er og gode muligheiter til å gå eller sykle til togstasjonen, skule, butikk, kyrkje og idrettsanlegg på gang- og sykkelvegar. Mjuke trafikantar Det er lagt til rette for gode gang- og sykkelforbindelsar til og i området. Det er lagt opp til gang- og sykkelveg langs grøntdraget ved BK1, 2 og 3 og ut til fv. 505. Konsekvensar for barn og unge Det er tilgang til variert leik innanfor planområdet og i tilgrensande planar. Det er ikkje avdekka negative konsekvensar for barn og unge sine oppvekstvilkår. Barn og unge vil få kort veg til skule, idrettsanlegg, kyrkja og friområde. Bu- og oppvekstmiljø Det er planlagt gode offentlege, felles og private uteopphaldsareal i planområdet. Sentralt i feltet er det planlagt ein felles leikeplass og sør i planen er ein leikeplass plassert i grønstrukturen. Sør for bustadområdet er det planlagt ein større kvartalsleikeplass, o_kl4. Fysisk aktivitet Det blir lagt til rette for eit grøntdrag langs kanalen i planområdet som med tida vil bli knytt saman med overordna grønstruktur innanfor heile planområdet til områdeplanen for Orstad. Kombinasjonen av grøntdrag og gang og sykkelvegar gir muligheit for mange ulike rundturar i området. Grønstruktur Det er lagt opp til ein grønstruktur langs kanalen i planområdet. Denne heng saman med overordna grønstruktur i områdeplanen for Orstad. Via planlagt bru over kanalen kan ein kome direkte til kvartalsleikeplass o_kl4. Sol- og skuggetilhøve Vurdering av soltilhøva i planområdet viser at det er gode soltilhøve både for private og felles uteområde. Området er planlagt med minste tal på bustader som er fastsett i områdeplanen for B1, 41 bustader, noko som ivaretar gode soltilhøve. Sol- skuggediagram er vist i planomtalen punkt 7.6. Universell utforming Alle leilegheitene på bakkeplan blir universelt utforma. I områdeplanen for Orstad er det krav om at 40 % av alle bustader skal vere universelt utforma. Innanfor heile områdeplanen for Orstad vil kravet bli oppfylt. Vurdering etter naturmangfoldloven 8-12: Vurdering etter naturmangfoldloven er gjort i planomtalen. Tiltaket vil bli liggjande på fulldyrka mark. Kommunen har gjennomført nødvendige vurderingar etter naturmangfoldloven 8 12. 5
Det er ikkje registrert prioriterte naturtypar innanfor planområdet. Kommunen vurderer det slik at tiltaket ikkje medfører risiko for vesentleg skade på naturmangfaldet. Tiltaket vil etter kommunen si vurdering ikkje auke den samla belastninga av økosystemet. Det er dermed ikkje aktuelt med avbøtande tiltak. Aktiv og trygg Planområdet saman med tilgrensande planar/områdeplan har store grøntdrag som sikrar gåande og syklande gode opphaldsareal og trafikkfrie vegar i og rundt planområdet. Romsleg og robust For å få eit stabilt bumiljø utan store utskiftingar, og for å dekke ulike bustadbehov er det viktig å ha ein blanding av bustadtypar, ikkje bare blokkleilegheiter. Den grøne aksen ved kanalen gjer og området til ein attraktiv plass å bu. Risiko- og sårbarhetsvurdering Det er gjort ei risiko- og sårbarhetsvurdering for planområdet, denne ligg ved saka. Kanalen i grøntdraget er særskilt vurdert av planforfattar. Det er vist til at ein slak skråning på 1:4 gjer det lett å komme seg opp frå vatnet. Kommunen sluttar seg til vurderingane. Konsekvensar for barnehage- og skulekapasitet Det er tatt høgde for vidare utbygging på Orstad i barnehagebruksplanen. Også skulen har god kapasitet til å ta opp den framtidige utbygginga. Konsekvensar for kommunen og utbyggingsavtale Utbyggingsavtalen vil sikre realisering av grøntdraget langs kanalen. Konklusjon Kommunalsjefen fremmer med dette detaljregulering for Orstad felt B1 med tilhøyrande bestemmelsar og planomtale, alle datert 15.5.2017. Vedlegg: Plankart, datert 15.5.2017 Bestemmelsar, datert 15.5.2017 Planbeskrivelse, datert 15.5.2017 ROS-analyse Støyrapport Situasjonsplan Innstilling: Rådmannen sitt forslag til vedtak: Hovudutval for lokal utvikling vedtek i samsvar med plan- og bygningslova 12-10 å leggja forslag til detaljregulering for Orstad felt B1, med tilhøyrande bestemmelsar og planbeskrivelse, alle datert 15.5.2017, ut til offentleg ettersyn. 6
Hovudutval for lokal utvikling den 20.06.2017 sak 52/17 Einstemmig VEDTAK: Hovudutval for lokal utvikling vedtek i samsvar med plan- og bygningslova 12-10 å leggja forslag til detaljregulering for Orstad felt B1, med tilhøyrande bestemmelsar og planbeskrivelse, alle datert 15.5.2017, ut til offentleg ettersyn. Rett utskrift, 21.06.2017 Karin Sandve Vereide møtesekr. Kopi til: Etat for lokal utvikling 7