Vaksdal kommune SAKSPAPIR Saksnr Utval Type Dato 32/2014 Formannskap/plan- og økonomiutvalet PS 02.06.2014 40/2014 Kommunestyret PS 16.06.2014 Sakshandsamar Arkiv ArkivsakID Kåre Ulveseth FA - L12, HistSak - 09/274 14/175 EIGENGODKJENNING AV REGULERINGSPLAN FOR DALEGARDEN NORD, DEL AV GNR 22 BNR 14 Vedlegg: Føresegner Dalegarden nord DALEGARDEN NORD PLANKART Rådmannen sitt framlegg til vedtak: I medhald av 12-12-, i plan- og bygningslova, «Vedtak av reguleringsplan» gjer Vaksdal Formannskap/plan- og økonomiutvalet si innstilling: I medhald av 12-12-, i plan- og bygningslova, «Vedtak av reguleringsplan»gjer Vaksdal
Formannskap/plan- og økonomiutvalet - 32/2014 FPØ - behandling: Saksbehandlar Kåre Ulveseth orienterte. Samrøystes vedtak. FPØ - vedtak: I medhald av 12-12-, i plan- og bygningslova, «Vedtak av reguleringsplan» gjer Vaksdal Kommunestyret - 40/2014 KOM - behandling: Samrøystes vedtak. KOM - vedtak: I medhald av 12-12-, i plan- og bygningslova, «Vedtak av reguleringsplan»gjer Vaksdal
Saksopplysningar: Bakgrunn Reguleringsplanen for Dalegarden Nord vart sendt på høyring og lagt ut til offentleg ettersyn for 2. gang etter vedtak fatta av FPØ, i møte den 26.11.2012, sak FPØ-083/12. Høyringsfristen vart sett til 6 veker frå kunngjeringa vart publisert. Reguleringsplanen er ein detaljreguleringsplan har følgjande føremål: Plan- og bygningslova 12-5, nr. 1 Bygningar og anlegg. Nærings bygningar. Skytebane. Plan- og bygningslova 12-5, nr. 2 Samferdselsanlegg og teknisk infrastruktur. Køyreveg. Anna veggrunn teknisk anlegg. Plan- og bygningslova 12-5, nr. 5 Landbruks-, natur-, og friluftsområde. Naturområde i sjø og vassdrag. Plan- og bygningslova 12-6 Omsynssoner. Ras- og skredfare. Skytebane. Høgspenningsanlegg, med høgspentkablar. Elles vert det vist til plankart, med tilhøyrande dokument. I samband med offentleg ettersyn har administrasjonen motteke følgjande fråsegner: Fylkesmannen i Hordaland skriv datert 21.12.2012. «Fylkesmannen har ingen merknader til saken.» Ingen kommentar. Statens Vegvesen skriv datert 2.1.2013. «Planområdet har tilkomst via kommunal veg til E 16. Krysset ved E 16 er kanalisert og stettar dei tekniske krav. Statens vegvesen har derfor ingen merknader til planframlegget.» Ingen kommentar. BIR, skriv datert 4.2.2013. «Merknad BIR eig naboeigedomen gnr. 22, bnr. 704, kor det er etablert ein attvinningsstasjon for levering av
avfall for husstandane i Vaksdal Stasjonen blei opna i 2008. I samband med etablering av stasjonen, rusta BIR opp vegen opp og langs etter eigedomen med fast dekke. BIR kan ikkje vidare, eller utan melding, godta at vegen til stasjonen vert sperra for tilkomst eller at stasjonen må stengjast ved opparbeiding av tomten. Samstundes med opprusting av vegen vart det lagt nytt anlegg for overvatn- og drenering. BIR er kjend med at området er utsett for flom/flomskred og er usikker på i kva grad utbygginga vil påverke vassføring og fare for flomskade på vårt område som ligg nedstrøms for tiltenkte anlegg. BIR ber kommunen krevje utarbeiding av ein VA-rammeplan, som grunnlag for å sikre god drenering av området. BIR vil vidare ikkje utan grunn ta på seg ansvar for skade eller kostnad med opprusting av veg og anlegg for overvatn/drenering i samband med gjennomføring byggjeprosjektet og meiner kommunen må vektleggje utbyggjars ansvar i planprosessen. Etter at anlegget er teken i bruk, forutset BIR at eigar tek del i ansvar med drift- og vedlikehald av infrastruktur i området. BIR ber planmyndigheten legge inn rekkjefølgje krav om ferdigstilling før mellombels løyve til bruk/ferdigattest.» Når det gjeld stenging av BIR sitt anlegg, og tilkomst som følgje av opparbeiding av tomt / byggjegrunn, er etter rådmannen sin vurdering ikkje aktuelt, eller nødvendig. For det som gjeld flaum og flaumskred så vert det vist til fråsegn frå NVE, kor dette no er ivareteke. Drenering av overvatn, vil bli eitt tema i den framtidige byggjesaka, og vil bli ivareteke der. Vedlikehald av felles infrastruktur, er ikkje noko tema i ein planprosess, men vil vere ein naturleg del av privatrettslege tilhøve mellom brukarane av infrastrukturen. Mellombels bruksløyve, og ferdigattest, vil bli utferdiga av bygningsmynde når arbeida er ferdigstilt. Dette vert også regulert av plan- og bygningslova i framtidig byggjesak, jf. Pbl. 20-1. Rådmannen vurderer merknaden som ivareteke så lang dette no er mogleg. Hordaland Fylkeskommune, skriv datert 4.2.2013. «Kulturminne og kulturmiljø Vi har i dag ikkje kjennskap til automatisk freda kulturminne eller andre verneverdige kulturminne i det aktuelle planområdet. Vi har derfor ingen avgjerande merknader i saka, utover at ein under opparbeiding av feltet søkjer å unngå inngrep i/skade på eventuelle kulturlandskapstrekk som steingardar, eldre vegar/stiar, bakkemurar, tufter mm. Elles gjer vi merksam på at tiltakshavar har plikt til å vise aktsemd, og til straks å melde frå til Hordaland fylkeskommune dersom ein i samband med tiltaket skulle støyte på automatisk freda kulturminne (jfr. Kulturminnelova 8, 2. ledd. Slik gransking vil bli utført mindre enn 3 dagar etter at vi har fått melding om mogelege funn. Konklusjon Hordaland fylkeskommune har, med atterhald som er nemnt om kulturminne, ingen vesentlege merknader til saka.» Fråsegna er det teke omsyn til i planen.
Noregs vassdrags- og energidirektorat, skriv datert 6.3.2014. «NVE fremja motsegn til reguleringsplanen i brev datert 21.1.2013. Grunnlaget for motsegna var at skredfare mot planlagde byggeområde ikkje var tilstrekkeleg utgreidd. Dersom det vart gjennomført ei grundigare faresonekartlegging, og konklusjonar i denne vart innarbeid i plankart og føresegner, ville grunnlaget for motsegna falle bort. I brev datert 4.12.2013, opprettheldt vi motsegna. Vi peika på at skredfaren var tilstrekkeleg utgreidd, men at konklusjonane ikkje var innarbeidd i plankart og føresegner. Vaksdal kommune har no sendt over revidert plankart og reviderte føresegner. I plankartet (datert 24.1.2014) er skredutsett areal synt i plankartet som omsynssone. I føresegnene (datert 24.1.2014) er det sett krav om sikring mot skred før skredutsett areal i N1 kan byggjast ut. Vi finn at grunnlaget for motsegna har falle bort. Under føresetnad av kommunestyret sitt vedtak trekker NVE motsegna til reguleringsplan Dalegarden Nord.» Dette med skred og NVE har teke lang tid. Planleggjar Sweco har vore i dialog med NVE, det same har sakshandsamar i administrasjonen, og det har no endeleg lukkast å få tilhøva kring NVE si motsegn i hamn. Noko ytterlegare kommentar frå rådmannen er soleis ikkje nødvendig. Vurdering Konklusjon Rådmannen finn at grunnlaget for eigen godkjenning av reguleringsplanen for Dalegarden Nord er no tilstade. Alle fråsegner som er kome inn er vurdert og innarbeid i plankart og føresegner så langt dette er mogeleg. Motsegna frå NVE er trekt attende. Frå ein planfagleg ståstad så finn rådmannen at planprosessen er utført på ein god, men tidkrevjande måte, slik at reguleringsplanen kan eigengodkjennast av kommunestyre. Vedtak om tilråding vert heimla i plan- og bygningslova 12-12. Det vert frå rådmannen si side rådd til at Vaksdal kommunestyre eigen godkjenner reguleringsplan for Dalegarden Nord. Vedtak vert heimla i plan- og bygningslova 12-12.