Møteinnkalling for Formannskapet

Hjartdal kommune 3692 Sauland Møteinnkalling for Formannskapet Møtedato: 09.11.2015 Møtestad: Kommunehuset Møtetid: Kl.09.00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Sauland, 03.11.2015 Bengt Halvard Odden ordførar Sakliste Sak nr. Saktittel 068/15 GODKJENNING AV MØTEBOK 069/15 REFERATSAKER 070/15 FORSLAG TIL ADMINISTRASJONSSTAD I DEI NYE POLITIDISTRIKTA - HØRING 071/15 HANDLINGSPLAN/ØKONOMIPLAN 2016-2019 MED ÅRSBUDSJETT 2016

Hjartdal kommune Styre, råd, utval Møtedato Saknummer Sakshandsamar Formannskapet 09.11.2015 068/15 ISO Saksansvarleg: Ingrid Sletta Olsen Arkiv: K1-, K2- Arkivnr.: 15/1556 GODKJENNING AV MØTEBOK RÅDMANNEN TILRÅR Møteboka F-møte 02.11.2015 blir godkjent slik ho ligg føre.

Hjartdal kommune Styre, råd, utval Møtedato Saknummer Sakshandsamar Formannskapet 09.11.2015 069/15 ISO Saksansvarleg: Ingrid Sletta Olsen Arkiv: K1-, K2- Arkivnr.: 15/1555 REFERATSAKER Nr Dok.ID T Dok.dato Avs./Mott. Tittel 1 15/5768 I 28.10.2015 Kommuneal- og moderniseringsdep. VIDARE ARBIED MED KOMMUNEREFORMEN RÅDMANNEN TILRÅR: Referatsakene blir teke til orientering slik dei ligg føre.

Hjartdal kommune Styre, råd, utval Møtedato Saknummer Sakshandsamar Formannskapet 02.11.2015 065/15 BR Formannskapet 09.11.2015 070/15 BR Saksansvarleg: Bjørn Rugaas Arkiv: K2-X31 Arkivnr.: 15/1418 FORSLAG TIL ADMINISTRASJONSSTAD I DEI NYE POLITIDISTRIKTA - HØRING Dokument i saka: Nr T Dok.dato Avsendar/Mottakar Tittel 1 I 05.10.2015 Politidirektoratet FORSLAG TIL ADMINISTRASJONSSTED I DE NYE POLITIDISTRIKTENE - HØRING Vedlagde dokument: Dokument nr. 1 Aktuelle lover, forskrifter, avtaler m.m.: Innstilling 306 S (2014-2015) Prop 61 LS (2014-2015) og oppdragsbrev fra Justis- og beredskapsdepartementet av 23.06.2015 Saksgang: Formannskapet vedtek Bakgrunn for saka: Politidirektoratet (POD) har 05.10.15 sendt til høyring notat om administrasjonsstader i nye politidistrikt med høyringsfrist 17.11.2015. Høyringsnotatet omfattar eit nasjonalt perspektiv, men saka vil for Hjartdal kommune ha fokus på framlegget kapittel 4.9., som omhandlar det nye politidistriktet Sør-Øst Politidistrikt med kommunane Buskerud, Vestfold og Telemark som dekningsområde. POD har blant dei alternative administrasjonsstadene Skien, Tønsberg, Drammen og Hønefoss valt Drammen i sin foreløpige konklusjon. POD har konkludert ut frå vurdering av følgjande kriteriegrunnlag:

Kriterium Vektlegging Rekrutteringsgrunnlag 20 % Krav til kompetanse Gjennomføringskostnader for etablering av operativ leiing frå ny administrasjonsstad Kostnadseffektiv praktisk lokalisering (Kommunikasjonsmessig beliggenheit) Vurdert egnaheit ved nye operasjonssentralar Vurdert egnaheit for samlokalisering mellom politi, brann og helse Infrastruktur, nærleik til andre typer fagmiljø, offentlege myndigheiter mv. Omsyn til føremålet til loakliseringspolitikken Henvisning til kriterier i retningsliner frå KMD 28.11.2014 15 % Kostnadseffektivitet og effektiv oppgåveløysing 25 % Kostnadseffektivitet og effektiv oppgåveløysing. Krav til kompetanse. Nærleik til tenesta 10 % Kostnadseffektivitet og effektiv oppgåveløysing 10 % Kostnadseffektivitet og effektiv oppgåveløysing 10 % Infrastruktur, nærleik til andre typer fagmiljø, offentlege myndigheiter mv. 10 % Omsyn til føremålet til loakliseringspolitikken Justis- og beredskapsdepartementet har gjeve slike rammer som grunnlag for lokalisering: Politidirektoratet uttaler også følgjande i innleiinga til høyringsnotatet: Vurdering: For Hjartdal kommune vil lokalisering av administrasjonsstad i Sør-Øst Politidistrikt lokalt sett ha liten direkte konsekvens. Ser ein Hjartdal som del av ein større regional heilskap vil det ha større interesse kva konklusjonen blir. Som del av Telemark fylke vil det vere naturleg å vurdere kva hindringar ligg i vegen for å velje Skien som administrasjonsstad. POD sin argumentasjon jfr kriteriegrunnlaget er å finne i høyringsnotatet ss 21-23.

All erfaring frå strukturelle organisasjonsendringar seier at ei samla kvalitativ verdifastsetjing først kan gjerast når det har gått eit stykke tid. POD sine kriterier kan tolkast å ha ulik verdi, sett over tid. Til dømes kan nokre kriterier vere kortsiktige, medan andre har verdi som aukar over tid. POD har vektlagt gjennomføringskostnader og kommunikasjonsmessig lokalisering høgast - til saman 40 % - samtidig med at dette bør vurderast som kortsiktige lokaliseringseffektar. Sett i eit samfunnsutviklingsmessig perspektiv er den nasjonale lokaliseringspolitikken det klart viktigaste verktøyet for å stimulere til å nå dei ønskte nasjonale målsettingane. Sett frå Hjartdal sin ståstad burde dette vore tillagt større vurderingsvekt. POD sin konklusjon der Drammen veljast bygger i hovudsak på omsynet til at lokala i Drammen er best egna for samlokalisering med brann- og redningsvesenet sine nødmeldingssentralar og tilrettelegging for samlokalisering med helsevesenet sine AMK-sentralar. Høringsnotatet sitt innhald har ikkje faktainformasjon som gjer det mogleg å etterprøve POD si vurdering, men det går likevel fram at både i Drammen, Tønsberg og Skien kan politi og brann- og redningsvesenet samlokaliserast i felles nødmeldingssentralar. Det er altså punktet vedrørande tilrettelegging for samlokalisering med AMK-sentralen som er det avgjerande for POD. I dette perspektivet ligg det dermed at den samfunnsmessige effekten av lokalisering er langt større enn det reint politimessige, eit moment som underbyggjer Hjartdal kommune sitt synspunkt om at lokaliseringspolitiske synspunkt må tilleggjast større vekt. Rådmannen vil etter ei samla vurdering tilrå at Hjartdal kommune går inn for val av Skien som lokalisering av ny administrasjonsstad for Sør-Øst Poltitidistrikt. Rådmannen bygger vurderinga på følgjande: Skien vurderast som godt egna ut frå lokaliseringspolitiske retningsliner, og har i perioden 2006-2010 hatt negativ utvikling iht statlege arbeidsplassar. Skien er vurdert som tilfredsstillande lokalisering ut frå dei fleste kriteriene i POD sitt eige høyringsnotat. Samlokalisering av alle nødetatane er eit omfattande prosjekt og eit saksfelt som går ut over politimessige vurderingar. Det er kommunane som er eigarar av 110-sentralane. Når det gjeld samlokalisering av desse har Stortinget understreka at forankring av prosessen i eigarskapet er viktig. At dette no blir ein del av politiadministrativ lokalisering er ikkje i samsvar med dette. RÅDMANNEN TILRÅR: Hjartdal kommune går inn for val av Skien som administrasjonsstad for Sør-Øst Politidistrikt. 02.11.2015 Formannskapet HANDSAMING: Bengt Halvard Odden fremma følgjande forslag: Saka utsetjast. VOTERING: Utsettingsforslaget blei samrøystes vedteke.

FOR-065/15 VEDTAK: Saka utsetjast til neste møte RÅDMANNEN TILRÅR: Hjartdal kommune går inn for val av Skien som administrasjonsstad for Sør-Øst Politidistrikt.

Hjartdal kommune Styre, råd, utval Møtedato Saknummer Sakshandsamar Formannskapet 02.11.2015 066/15 RE Formannskapet 09.11.2015 071/15 RE Saksansvarleg: Rune Engehult Arkiv: K1-151 Arkivnr.: 15/737 HANDLINGSPLAN/ØKONOMIPLAN 2016-2019 MED ÅRSBUDSJETT 2016 Dokument i saka: Nr T Dok.dato Avsendar/Mottakar Tittel 3 I 22.08.2015 Hjartdal frivillighetssentral SØKNAD OM MIDLAR TIL FORTSATT Å DRIVE FRIVILLIGHETSSENTRALEN. 9 I 18.09.2015 Kongsbergregionen FORSLAG TIL HANDLNGSPLAN FOR KONGSBERGREGIONEN 2016 10 I 18.09.2015 Kongsbergregionen FORSLAG TIL BUDSJETT 2016 KONGSBERGREGIONEN 8 I 13.10.2015 Konsesjonskraftstyret ESTIMATER FOR KONSESJONSKRAFTSTYRET 2016-20120 6 I 19.10.2015 Hjartdal Elverk AS HJARTDAL ELVERK - UTBYTTEEVNE 2015-2018 7 I 21.10.2015 Agder og Teleamrk kontrollutvalgssekret ariat IKS MELDING OM VEDTAK - BUDSJETT FOR KONTROLL, TILSYN OG REVISJON 2016 11 I 25.10.2015 Hjartdal I.L. SØKNAD OM TILSKOT TIL BERGTUN KUNSTGRESSBANE 12 I 25.10.2015 Hjartdal I.L. TILLEGGSSØKNAD GRUNNARBEID BERGTUN 7-KUNSTGRESSBANE Vedlagde dokument: Dokument nr. 3, 6, 7, 8. 9, 10, 11 og 12. Rådmannen sitt utkast til kommuneplanen sin handlingsdel/økonomiplan 2016-2019 med årsbudsjett 2016. Tiltakskatalog Rådmannen sitt utkast til gebyr og betalingssatsar 2016

Aktuelle lover, forskrifter, avtaler m.m.: Plan- og bygningslova 11-1 Kommunelova 44-45. Saksgang: Formannskapet handsamar saka i to møte før tilrådinga blir lagt ut til offentleg ettersyn. Formannskapet kjem med endeleg tilråding etter høyringa Kommunestyret gjer vedtak. Bakgrunn for saka: I medhald av plan- og bygningslova skal kommuneplanen ha ein handlingsdel som viser korleis planen vil bli fylgt opp dei komande fire åra. Handlingsdelen skal bli rullert årleg. I samband med rullering av handlingsdelen skal kommunen innhente synspunkt frå statlege og regionale organ og andre som har ansvar for gjennomføring av tiltak i handlingsdelen. Forslag til vedtak i kommunestyret skal vere offentleg kjent i minst 30 dagar før kommunestyret sin handsaming. I medhald av kommunelova skal kommunen ha ein økonomiplan. Det er opp til kommunen å avgjere om økonomiplanen skal vere ein integrert del av kommuneplanen sin handlingsdel. Økonomiplanen skal òg bli rullert kvart år. Økonomiplanen skal omfatte heile den kommunale verksemda, og gi eit realistisk oversyn over trulege inntekter, forventa utgifter og prioriterte oppgåver i planperioden. I økonomiplanen skal det for kvart enkelt år vere dekning for dei utgifter og oppgåver som er ført opp. Forslaget frå formannskapet skal vere offentleg kjent i minst 14 dagar før kommunestyret sin handsaming. Når økonomiplanen blir integrert med kommuneplanen sin handlingsdel, er det plan- og bygningslova sine reglar om at forslaget skal vere offentleg kjent i minst 30 dagar frå formannskapet si tilråding er klar før kommunestyret gjer sitt vedtak, som gjeld. Årsbudsjettet er ein bindande plan for kommunen sine midlar og bruken av desse i budsjettåret. Årsbudsjettet skal vere realistisk. Det skal fastsetjast på grunnlag av dei inntekter og utgifter som kommunen kan forvente i budsjettåret. Vurdering: Hjartdal kommune har sidan 2012 utarbeidd handlingsdel til kommuneplanen i tråd med reglane i plan- og bygningslova. Rådmannen har gode erfaringar med å integrere handlingsdelen og økonomiplanen i eitt dokument. Det førar til at dei blir god samanheng og heilskapstenking i kommunen sine strategiske styringsdokument. Det har heller ikkje kome politiske signal om noko anna i samband med evaluering av prosessane. Arbeidet med handlingsdel, økonomiplan og budsjett starta med kommunestyret sin strategikonferanse 03.06.15. Kommunestyret blei da presentert for utviklingstrekk og utfordringar som kommunen står framfor. På strategikonferansen blei dei politiske partia bedne om å kome med innspel på kva partia prioriterte og korleis dei ville finansiere det. Rådmannen håper at partia vil finne igjen sine tiltak i dette og vedlagte dokument. For å skape eit stort nok økonomisk handlingsrom har rådmannen kome med fleire forslag til tiltak enn det som partia har prioritert. Rådmannen håper at dette gjer det mogeleg for partia å finne rom for dine hjartesaker. Hjartdal kommune har i tre av dei fire siste åra hatt eit negativt netto driftsresultat. Det tyder at vi har brukt meir av oppsparte midlar enn det vi har sett av på fond. Dette har svekka kommunen sin økonomiske berekraft. Resultatet i 2014 var positivt. - og 2015 ser ut til å bli positivt.

Rådmannen meiner det er viktig at økonomiplan 2016-2019 og budsjett 2016 legg til rette for ein berekraftig kommuneøkonomi. Kommunebarometeret (utgitt av avisa Kommunal Rapport) er ei rangering av norske kommunar basert på økonomiske og kvalitative nøkkeltal. Kommunebarometeret peiker på at Hjartdal forbetrar seg på vesentleg fleire område enn motsett. Det normale er lik fordeling mellom forbetring og forverring. Hjartdal kommune blir rangert som nr 256 av 428 kommunar. Det er store skilnadar mellom dei ulike delområda. Rangeringa viser at Hjartdal har potensial til å drifte sine tenester rimelegare. Det er òg rom for kvalitetsforbetringar. I 2014 fekk Hjartdal kommune gjennomført ein analyse av kommuneøkonomien som blei utført av konsulentselskapet Agenda Kaupang AS. Analysen viser at Hjartdal kommune har potensial for å drifte sine tenester vesentleg lågare enn i dag, dersom vi "kopierar" drifta til dei billigaste kommunane innanfor alle sektorar. Kommunebarometeret og Agenda Kaupang-analysa peiker dermed begge på eit potensial for forbetring av kommuneøkonomien. Hjartdal kommune kom ut som ein "vinnar" da Statsbudsjettet for 2016 blei lagt fram 07.10.15. Hjartdal kommune sto oppført med ein vekst i dei frie inntektene på 7,4%. Det vanlege dei siste åra har vore ca 4%. Veksten på 7,4% var fjerde best i landet. I realiteten er veksten på 5,5% fordi kommunen tidlegare har fått tildelt skjønnsmidlar for å kompensere for endringar i den differensierte arbeidsgjevaravgifta. Frå 2016 er dette innarbeid i Statsbudsjettet sine tal, utan at det fører til større reelle statlege overføringar. Statsbudsjettet er dessutan eit anslag - og ingen fasit over korleis inntektene blir det neste året. Regjeringa legg i sine tal til grunn ein lik befolkningsvekst over heile landet på 1,1%. I Telemark og Hjartdal er folkeveksten lågare, og delvis negativ. Det fører til at rammeoverføringane ikkje blir like store som statsbudsjettet legg opp til. Telemarkforsking har vurdert differansen til ca 1 million kroner. Skatteanslaget i statsbudsjettet slår positivt ut for Hjartdal kommune. Det har vore ein større vekst i skatteinntektene i Hjartdal både i 2014 og 2015 enn landsgjennomsnittet. Hjartdal kommune har kraftinntekter som gjer at vi har eit inntektsnivå per innbyggjar som ligg over landsgjennomsnittet. På grunn av nedgang i kraftprisen dei siste åra har òg kommunen sine inntekter falle. Det er grunn til å merke seg at det reelle og stipulerte fallet i kraftprisen i perioden 2013-2018 har "spist opp" 80% av effekten ved å utvide eigedomsskatten. Rådmannen legg i sitt arbeid med økonomiplanen til grunn at dagens drift skal vidareførast. Nivået på dagens drift blir omtala som "basis". Ei vidareføring av dagens drift inneber likevel ei endringa av budsjettet. I basis legg rådmannen inn forventa pris- og lønsvekst, prognose for pensjonsutgifter, volumendringar (fleire/færre brukarar) og dei endringane som er nemnt ovafor knytt til statsbudsjett og kraftinntekter. I tillegg kjem dei økonomiske konsekvensane av vedtak i løpet av siste år og sist vedtekne økonomiplan. Når dette er gjort kjem det fram eit forventa utgiftsnivå og eit forventa inntektsnivå. Dersom differansen er positiv har kommunestyret eit handlingsrom for nye tiltak. Dersom differansen er negativ må kommunestyret vedta endringar som gir budsjettbalanse. Ein del av kommunen sin inntekter er avhengig av ein marknad. Dei siste åra har vi vore for optimistiske i budsjetteringa av slike inntekter. Inntekter frå brukarbetalingar som ikkje er føreseielege må derfor vurderast grundig og nøkternt. Det har kome fleire søknadar og innspel som kommunestyret må vurdere i samband med handsaminga av økonomiplan og budsjett;

Kontrollutvalet har kome med sitt forslag til budsjett. I følgje lova skal kontrollutvalet sitt budsjettforslag følgje saka til kommunestyret. Rådmannen har innarbeidd kontrollutvalet sitt budsjettforslag i det framlagte grunnlaget. Ut over lønsvekst er det lagt inn kjøp av nettbrett til kontrollutvalet sine medlemmar og litt ekstra opplæring i starten av valperioden. Frivilligsentralen har søkt om eit auka tilskot på kr 50.000,- for å kunne utvide stillinga til dagleg leiar frå 60% til 70%. Statstilskotet til frivilligsentralar er kopla opp mot tilskotet som blir gitt av vertskommunen. Statstilskotet utgjer 60% av totalkostnaden. Auke i stillinga til dagleg leiar var ikkje tema da det blei inngått partnarskapsavtale mellom Hjartdal kommune og Hjartdal Frivilligsentral i juni 2015. Søknaden frå Frivilligsentralen er lagt inn i tiltakskatalogen. Hjartdal IL søkte i fjor om kr 450.000,- som kommunalt tilskot til spillemiddelsøknad om ombygging av Bergtunbanen. Kommunestyret la kr 450.000,- inn i økonomiplanen i 2016. Dette er eit sterkt politisk signal, og økonomiplanvedtaket er brukt som dokumentasjon i spillemiddelsøknaden. Fylkeskommunen har formelt sett godkjent søknaden, men Hjartdal IL nådde ikkje opp på prioriteringslista på grunn av manglande midlar. Hjartdal IL har i år søkt om ytterlegare kr 282.000,- på grunn av auka kapitalbehov. Kostnadar som dei trudde ville bli utført på dugnad må dei nå betale for. Totalkostnaden med prosjektet er ikkje auka. Samla søknadssum kr 732.000,- er lagt inn i tiltakskatalogen. Det er ikkje kome budsjettinnspel frå Hjartdal kyrkjelege fellesråd. Rådmannen har derfor lagt til grunn at tilskotet for 2016 vidareførast på same nivå som i 2015. Dette inneber reelt sett ein liten nedgang. Rådmannen meiner der er naturleg når den kommunale forvaltninga må redusere i sitt tenestetilbod. Hjartdal kommune har motteke budsjettforslag for Kongsbergregionen. For allereie etablerte regionale prosjekt er det ei lita nedgang i kostnadane. Nærmare beskriving av dei regionale tiltaka går fram av vedlagte budsjettforslag frå Kongsbergregionen (dokument 10). Rådmannen gjer merksam på at det regionale budsjettet i mange samanhengar erstattar utgifter som tidlegare blei belasta den einskilde kommune direkte frå leverandør. Når fleire kommunar går saman blir kostnaden lågare. Hjartdal kommune har i utgangspunktet ein romsleg økonomi samanlikna med landsgjennomsnittet. Hjartdal har eit inntektsnivå på 113% (landsgjennomsnitt = 100%). Rådmannen meiner at Hjartdal kommune har gode økonomiske føresetnadar for å gi gode tenester til innbyggjarane. Kommunen sin økonomiske situasjon er likevel utfordrande. Ei vidareføring av dagens drift, med forventa inntektsutvikling, er ikkje mogeleg. Kostnadsnivået må reduserast og/eller inntektene må aukast. Kommunen har allereie eit høgt nivå på kommunale avgifter. Ei nødvendig kostnadsreduksjon får store konsekvensar for det kommunale tenestetilbodet. Nødvendige reduksjonar er ikkje mogeleg utan fjerning av heile tenesteområde eller stillingsreduksjonar. Det er viktig at slike tiltak blir lagt inn i økonomiplanen fleire år fram i tid slik at rådmannen kan gjennomføre eventuelle vedtak i tråd med lov og avtaleverk (tillitsvalde sin medverknad).

Kommunestyret skal vedta eigedomsskattesatsen kvart år. Den alminnelege skattesatsen er i dag 7 promille, med ein differensierte skattesatsen for hus og fritidshus på 3,9 promille. Eigedomsskattetaksten kan både aukast og reduserast. Ei auke kan maksimalt utgjere 2 promille per år opp til makssatsen på 7 promille. Ei auke/reduksjon på 0,1 promille utgjer kr 175.000,-. Kommunestyret skal i tillegg årleg fatte vedtak om kor mange terminar eigedomsskatten skal bli betalt. Kommunestyret skal òg ta stilling til om det skal vere fritak for nybygg og om det skal bli gitt botnfrådrag. Dersom det blir innført botnfrådrag kan promillesatsen samtidig bli auka med 3 promille. Dersom botnfrådraget blir fjerna kan ikkje promillesatsen bli auka samtidig. Kommunestyret har tidlegare hatt ei økonomisk målsetting om eit korrigert netto driftsresultat på minimum 2%. Den nasjonal tilrådinga til korrigert netto driftsresultat er nå nedjustert frå 3% til 1,75%. Rådmannen har derfor lagt ei forventning om 1,75% korrigert netto driftsresultat som ein føresetnad i talgrunnlaget. Rådmannen kjem ikkje med konkret tilråding om kva for tiltak kommunestyret skal gjennomføre for å oppnå økonomisk balanse den enkelte år i økonomiplanen. Rådmannen legg i staden fram ei liste (Tiltakskatalog) over mogelege tiltak for innsparingar og inntektsauke. Det er formannskapet som etter kommunelova har ansvar for å fremme ei tilråding til økonomiplan/budsjett overfor kommunestyret. Tilrådinga nedafor er derfor meint som ein hjelp til kva som tilrådinga må/bør innehalde. Kommunestyret vedtek som regel fleire verbalpunkt i samband med handsaming av handlingsplan/økonomiplan og budsjett. Slike verbalpunkt er ei bestilling til administrasjonen om å gjennomføre tiltak og utgreiingar. Erfaringa frå siste kommunestyreperiode viser at omfanget av verbalpunkt overstig det som administrasjonen har kapasitet til å gjennomføre. Eit nytt kommunestyre kan ha andre prioriteringar enn det førre. Rådmannen legg derfor til grunn at alle tidlegare verbalpunkt (som ikkje er gjennomført) blir nullstilt. Dersom kommunestyret ønskjer å vidareføre tidlegare verbalpunkt må dei bli fremma og vedtekne på nytt. Rådmannen ber kommunestyret vurdere omfanget av verbalpunkt opp mot tilgjengeleg kapasitet. RÅDMANNEN TILRÅR: Formannskapet vedtek med heimel i plan- og bygningslova 11-1 og 11-4, samt kommunelova 44-45 å leggje følgjande tilråding ut til offentleg ettersyn: Kommunestyret vedtek: 1. Kommuneplanen sin handlingsdel og økonomiplan 2016-2019, med årsbudsjett 2016, inklusiv budsjettskjema 1A, 1B, 2A og 2B, vedlegg 3 økonomisk oversikt drift og vedlegg 4 økonomisk oversikt investering, slik dei ligg føre i formannskapet si tilråding. 2. Skatt på inntekt og formue blir utlikna med dei maksimalsatsar Stortinget vedtek. 3. Med heimel i eigedomsskattelova 2 og 3 skal følgjande utskrivingsalternativ nyttast for skatteåret 2016: Den generelle skattesatsen som skal gjelde for skattepliktige eigedomar blir sett til 7 promille.

Med heimel i eigedomsskattelova 12 bokstav a) differensierast satsane ved at den skattesats som skal gjelde for bustader og fritidseigedomar blir sett til... promille. Det blir ikkje gjeve botnfrådrag. Det blir ikkje gjeve fritak etter eigedomsskattelova 7 bokstav c) for nyoppført bygning som blir heilt eller delvis brukt til bustad. Ved taksering og utskriving av eigedomsskatt nyttar kommunen rammer og retningsliner for forvaltning av eigedomsskattelova vedteke 30.06.14 Eigedomsskatten skal betalast i fire terminar, jf eigedomsskattelova 25, 1. ledd. 4. Låneopptak i samsvar med finansreglementet og finansieringsplan (budsjettskjema 2A). Lån blir nedbetalt over 20 år. 5. Gebyr og betalingssatsar slik det går fram av vedlagte forslag. 6. Hjartdal kyrkjelege fellesråd blir gitt eit tilskot på kr 2.100.000,- for 2016. 7. Deltaking i interkommunale tiltak slik det går fram av vedlagte budsjettforslag frå Kongsbergregionen. 8. Kommunestyret vedtek prioritert handlingsplan for idrett og fysisk aktivitet slik det går fram av pkt 3.2.3.4 9. Kommunestyret vedtek prioritert handlingsplan for trafikktryggleik slik det går fram av pkt 3.2.3.5 10. Kommunestyret viser til søknad frå Hjartdal IL om kommunalt tilskot til spillemiddelsøknad til kunstgras på Bergtunbanen. Søknaden blir (ikkje/delvis) imøtekome med eit tilskot på kr 11. Tidlegare vedtekne verbalpunkt som ikkje er gjennomført blir oppheva. 02.11.2015 Formannskapet HANDSAMING: Bengt Halvard odden fremma følgjande forslag: Saka utsetjast. VOTERING: Odden sitt utsettingsforslag blei samrøystes vedteke. FOR-066/15 VEDTAK: Saka utsetjast til neste møte.

RÅDMANNEN TILRÅR: Formannskapet vedtek med heimel i plan- og bygningslova 11-1 og 11-4, samt kommunelova 44-45 å leggje følgjande tilråding ut til offentleg ettersyn: Kommunestyret vedtek: 1. Kommuneplanen sin handlingsdel og økonomiplan 2016-2019, med årsbudsjett 2016, inklusiv budsjettskjema 1A, 1B, 2A og 2B, vedlegg 3 økonomisk oversikt drift og vedlegg 4 økonomisk oversikt investering, slik dei ligg føre i formannskapet si tilråding. 2. Skatt på inntekt og formue blir utlikna med dei maksimalsatsar Stortinget vedtek. 3. Med heimel i eigedomsskattelova 2 og 3 skal følgjande utskrivingsalternativ nyttast for skatteåret 2016: Den generelle skattesatsen som skal gjelde for skattepliktige eigedomar blir sett til 7 promille. Med heimel i eigedomsskattelova 12 bokstav a) differensierast satsane ved at den skattesats som skal gjelde for bustader og fritidseigedomar blir sett til... promille. Det blir ikkje gjeve botnfrådrag. Det blir ikkje gjeve fritak etter eigedomsskattelova 7 bokstav c) for nyoppført bygning som blir heilt eller delvis brukt til bustad. Ved taksering og utskriving av eigedomsskatt nyttar kommunen rammer og retningsliner for forvaltning av eigedomsskattelova vedteke 30.06.14 Eigedomsskatten skal betalast i fire terminar, jf eigedomsskattelova 25, 1. ledd. 4. Låneopptak i samsvar med finansreglementet og finansieringsplan (budsjettskjema 2A). Lån blir nedbetalt over 20 år. 5. Gebyr og betalingssatsar slik det går fram av vedlagte forslag. 6. Hjartdal kyrkjelege fellesråd blir gitt eit tilskot på kr 2.100.000,- for 2016. 7. Deltaking i interkommunale tiltak slik det går fram av vedlagte budsjettforslag frå Kongsbergregionen. 8. Kommunestyret vedtek prioritert handlingsplan for idrett og fysisk aktivitet slik det går fram av pkt 3.2.3.4 9. Kommunestyret vedtek prioritert handlingsplan for trafikktryggleik slik det går fram av pkt 3.2.3.5 10. Kommunestyret viser til søknad frå Hjartdal IL om kommunalt tilskot til spillemiddelsøknad til kunstgras på Bergtunbanen. Søknaden blir (ikkje/delvis) imøtekome med eit tilskot på kr 11. Tidlegare vedtekne verbalpunkt som ikkje er gjennomført blir oppheva.