STORTINGETS TRANSPORT- OG KOMMUNIKASJONSKOMITÉ Synfaring i Rogaland 12. 14. mars 2007 PROSJEKTHEFTE
Forord Dette prosjektheftet gir eit oversyn over vegprosjekt i Rogaland fylke. Det har ikkje lukkast oss å få med absolutt alle prosjekta. Eg reknar og med at det kan kome nokre endringar i høve til det som blir lagt fram her. Likevel gir denne oversikten eit godt overordna inntrykk av den samla aktiviteten som er i Rogaland når det gjeld vegutbygging både oppstarta prosjekt og prosjekt som er under planlegging. Prosjekta er sortert etter stigande Europaveg- eller riksvegnummer. Som ei innleiing, har vi for kvart prosjekt lagt inn nøkketal som viser veglengde, trafikktal og kostnadsoverlag. Dette er gjort for å illustrere omfanget av det enkelte prosjekt. Prosjekta som er omtalte i denne oversikten er på ulike stadier. Nokre prosjekt vil bli ferdige i løpet av 2007, for nokre prosjekt er bygginga nyleg starta opp, mens andre er i ulike planfaser. For dei prosjekta som er i ein planfase, er det knytt til dels stor usikkerheit til tala for trafikkmengde og for kostnader, og det vil kome endringar i desse tala etterkvart som prosjekta nærmar seg realisering og oppdaterte berekningar blir utførte. Eg håper at informasjonen i dette heftet vil tene som eit supplement til den informasjonen som blir gitt undervegs på synfaringa. Ole Chr. Torpp Regionvegsjef 3
4
E39 Tjensvollkrysset... 7 E39 Stangeland Sandved... 8 E39 Eiganestunnelen... 9 E39 Smiene Harestad... 10 E39 Gassferjeprosjektet... 11 E39 Rogfast... 12 E134 Toplanskryss Skåredalen... 13 E134 Ersland Våg... 14 E134 Solheimkrysset Skjold... 15 Rv. 13 Hundvågtunnelen... 16 Rv. 13 Solbakktunnelen... 17 Rv. 13 Solbakk Hordaland grense, strekningsvise tiltak... 18 Rv. 13 Osberg... 19 Rv. 44 Egersund Ogna, strekningsvise tiltak... 20 Rv. 44 Omkjøringsveg Klepp... 21 Rv. 44 Gandsfjord bru... 22 Rv. 44 Stangeland Skjæveland... 23 Rv. 44 Stavanger Sandnes, kollektivfelt... 24 Rv. 46 Sandsfjord bru... 25 Rv. 47 Haugesund Nord Ekrene... 26 Rv. 47 Karmøy, strekningsvise tiltak... 27 Rv. 47 T-forbindelsen...28 Rv. 509 Madlakrossen Ragbakken... 29 Rv. 510 Solasplitten... 30 Rv. 519 Hanasand Ladstein (Finnfast)... 31 Rv. 520 Sauda Etne... 32 Politirapporterte ulukker i Rogaland... 33 E39 Stamvegutgreiing Rogaland... 34 5
E39 Tjensvollkrysset Lengde: 0,5 km Trafikktal (ÅDT): 40000 kjt/døgn Kostnadsoverslag: 100 mill. kr Stavanger kommune har tidlegare vedteke reguleringsplan for Tjensvollkrysset basert på eit toplanskryss der rv. 509 blir seinka under E39. Etter drøftingar mellom Stavanger kommune og Statens vegvesen vart det i 2004 semje om å sjå nærare på ei alternativ kryssombygging, som var trafikkmessig betre og mindre kostnadskrevjande. Ei mogeleg framskunding av E39 Eiganestunnelen var også eit moment som tala for å gjennomgå vedteke løysing på nytt. Vurderingane resulterte i at partane vart samde om ei enklare utforming med ei utvida rundkjøring mellom E39 og rv. 509. Prosjektet er inndelt i to etappar. Første etappe omfattar undergang i Eiganesveien, samt ombygging av eksisterande kryss mellom E39 og Eiganesveien og mellom E39 og Adj. Hauglands gate. Denne etappen var ikkje ein del av endringsforslaget og vart difor gjennomført i 2004 og 2005. Statens vegvesen utarbeidde i 2005 eit justert forslag til reguleringsplan for andre etappe som omfattar kryssombygginga. Stavanger kommune godkjente reguleringsplan for andre etappe i juni 2006. Gjennomføring av andre etappe ligg inne i Nasjonal transportplan perioden 2006-2009. 7
E39 Stangeland Sandved Lengde: 2,3 km Trafikktal (ÅDT): 31000 kjt/døgn Kostnadsoverslag: 214 mill. kr E39 har i dag fire felt frå kryss med rv. 509 v/kiellandsmyra i Stavanger og fram til kryss med rv. 509 ved Stangeland i Sandnes. Årsdøgntrafikken på strekninga Stangeland Sandved er omlag 31000 og ligg langt over kapasitetsgrensa for ein tofeltsveg. Dette skapar store trafikkavviklingsproblem som mellom anna fører til ei uønska trafikkoverføring til lokalvegnettet i området. Det er difor nødvendig med ei utbygging til fire felt vidare sørover, i første omgang fram til Sandved. Forslag til reguleringsplan vart sendt over til Sandnes kommune hausten 2005 til handsaming. I høyringsprosessen kom det krav om kulvert på delar av strekninga. Statens vegvesen meiner at det er tilstrekkeleg med vanleg støyskjerming (støyskjermar, vollar, fasadetiltak og lokale tiltak). Planen vart vedteke i bystyret i Sandnes i oktober 2006 utan kulvertar. Det er lagt opp til å byggje ein smal firefeltsveg med midtdelar på strekninga, ved å byggja to nye felt på vestsida av eksisterande veg. Prosjektet er med i Nasjonal transportplan 2006 2015 i siste seksårsperioden. I 2004 vart det bygd fysisk midtdelar på strekninga. 8
E39 Eiganestunnelen Lengde: 3,5 4,5 km, avhengig av løysning for Ryfast/ Hundvågtunnelen Trafikktal (ÅDT): 20000 40000 kjt/døgn er førebels venta i år 2030, nordre / søre del Kostnadsoverslag: 1000 1300 mill. kr, avhengig av løysning for Ryfast /Hundvågtunnelen I dag går E39 gjennom Stavanger på eit vegnett som i tillegg til stamvegtrafikk også avviklar mykje lokal trafikk. Dette fører med seg store tryggings- og miljøproblem, i tillegg til framkomstproblem i rushtidene. Eiganestunnelen vil redusere desse problema. Prosjektet vil også føre til redusert trafikk på det lokale vegnettet mellom E39 og Byfjorden. Eiganestunnelen er forankra i Fylkesdelplan for langsiktig byutvikling på Jæren og i Transportplan for Nord-Jæren, der den utgjer eit vesentleg element i transportsystemet. Den har ei felles strekning med rv. 13 Hundvågtunnelen og ein må sjå den i sammanheng med dette prosjektet når det gjeld finansiering og tidsplan for gjennomføring. Konsekvensutgreiinga for prosjektet vart godkjent i 2003 og kommunedelplanen vart godkjent i 2005. Regulerings-planen for den søre del av prosjektet vart også godkjent i 2005. E39 Eiganestunnelen mellom Schancheholen og Smiene/ Tasta vil bli bygd i kombinasjon med del av ny rv. 13 Hundvågtunnelen. Eksisterande veg mellom Smiene/ Tasta og kryss med Eskelandsveien vil bli utvida til firefelts veg. På dagens E39 sør for kryss med rv. 509 Madlaveien, langs Mosvatnet, er det planlagt ein kulvert. Vidare er det planlagt ein kort kulvert i lenginga av tunnelen mot nord for å redusere vegens barriereverknad mellom bustadområda aust for vegen og friluftsområdet ved Stokkavatnet. Heile Eiganestunnelen er planlagt med to løp. 9
E39 Smiene Harestad Lengde:4,2 km Trafikktal (ÅDT): 7000 15000 kjt/døgn Kostnadsoverslag: 340 mill. kr E39 Kyststamvegen er hovudåra i transportkorridoren nordsør gjennom Stavanger. Den er viktig for både bil- og kollek-tivtrafikk, for nærings- og godstrafikk langs stamvegen og for intern trafikk i området. Eksisterande E39 mellom Eskelandsveien/ Smiene og Harestad har varierande standard, mange avkjørslar og er ulykkesutsett. Kryssløysingane på strekninga oppfyller ikkje standardkrav. Det ligg føre godkjend kommunedelplan for prosjektet i Randaberg og Stavanger kommunar. Statens vegvesen utarbeidde i 2005 forslag til reguleringsplan for prosjektet. Planprosessen i kommunane er førebels ikkje starta opp, mellom anna fordi ein ønskjer å sjå prosjektet i samanheng med reguleringsplanen for E39 Eiganes Nord og kommunedelplanen for E39 Rogfast. Prosjektet omfattar bygging av ny veg og delvis ombygging av eksisterande veg. Første delen av parsellen mellom Eskelandsveien og Finnestadgeilen, lengde ca. 2,0 km, er planlagd som firefeltsveg. Resten av strekninga fram til Harestad, ca. 2,2 km, er planlagt som tofeltsveg med midtdelar. Planane legg opp til omfattande omleggingar av avkjørslar og lokalvegar, ombygging av eksisterande kryss, samt bygging av fleire planskilte kryssingar for gåande og syklande. Det vil vidare bli gjennomført omfattande støyskjermingstiltak langs vegen. Prosjektet er med i NTP 2006 2015, i siste seksårsperiode. Prosjektet er sett i samanheng med gjennomføringa av E39 Eiganestunnelen mellom Schancheholen og Smiene, og er føresett bygd etter Eiganestunnelen. 10
E39 Gassferjeprosjektet Trafikktal (ÅDT): 2587 kjt/døgn på ferjestrekninga i 2006 Kostnadsoverslag: 55 mill. kr I 2004 vart dei to ferjesambanda Mortavika Arsvågen og Halhjem Sandvikvåg lyst ut på anbod. Det var ein føresetnad at ein skulle nytta naturgass til drift av ferjene. Ferjeselskapet Fjord1 Nordvestlandske AS vann anbodet med driftsstart 1. januar 2007. Mortavika Arsvågen skal trafikkerast av to ferjer som kvar tek 212 personbileiningar. Det blir halvtimesavgangar mellom kl 0700 og 2100, og deretter avgangar med varierande frekvens på ein til to timar. På yrkesdagar på dagtid vil dette vil gje ein auka timekapasitet i sambandet på ca 50%. På grunna av for sein levering av ferjene, har sambandet etter nyttår vore trafikkert med innleidde ferjer frå tidlegare operatør. Den første gassferja i sambandet, «Stavanger-fjord», vart sett i drift 15. februar 2007. Fjord1 skal etter siste oppdatering starte dei nye rutene med gassferjene «Stavangerfjord» og «Raunefjord» på plass i sambandet frå 26. februar. «Mastrafjord» blir levert i månadsskiftet februar/ mars og vil snarast råd etter dette erstatte «Raunefjord», som då går til Halhjem Sandvikvåg og blir ferje nr. 3 der. 11
E39 Rogfast Lengde: 25 km Trafikktal (ÅDT): opp mot 10000 kjt/døgn (når bompengeinnkrevjing er ferdig) Kostnadsoverslag: 4500 til 6500 mill. kr Ein mest mogleg ferjefri veg med høg standard langs Vestlandskysten er eit mål for Rogaland og eit felles mål for Vestlandsfylka. Dagens ferjesamband mellom Mortavika på Rennesøy og Arsvågen på Bokn har hatt sterk vekst sida opninga i 1992. I 2007 blir det sett inn nye gassferjer i sambandet. Rogfast er populærnemninga på eit prosjekt som omfattar ein undersjøisk tunnel mellom Harestad i Randaberg og Arsvågen på Bokn, med arm til Kvitsøy. Konsekvensutgreiing for prosjektet vart godkjent i 2003 og fylkesdelplan vart godkjent i 2004. I samband med nytt EU-direktiv for tunnelar og nye konsekvensutgreiingsreglar, utarbeidar vi no ny konsekvensut-greiing/ kommunedelplan for prosjektet. Denne vil bli ferdig i løpet av 2007, og det vil bli laga reguleringsplanar i 2008. Prosjektet vil i tillegg til å erstatte ferjesambandet Mortavika Arsvågen, også erstatte sambandet Mekjarvik Kvitsøy (dagens segling til Skudeneshavn blir avvikla når rv. 47 T-forbindelsen blir opna). Lengda på hovudtunnelen blir rundt 25 km, arm til Kvitsøy blir rundt 2 3 km. Hovudtunnelen vil bli bygd som 2-løps tunnel. Forventa ÅDT etter opningsåret er ein stad mellom 4000 5000 kjt/døgn, med ein gjennomsnittleg bompengetakst på 180 kr. ÅDT kan auka til opp mot 10000 kjt/døgn når bompengeinnkrevjinga tek slutt. Kvalitetssikring av store prosjekt i tidleg planfase er nyleg innført også i samferdselssektoren. Rogfast er eit pilotprosjekt i samband med dette, og vi har utarbeidd ei konseptvalutgreiing (KS 1) som skal kvalitetssikrast av eksterne konsulentar. 12
E134 Toplanskryss Skåredalen Lengde: 0,5 km Trafikktal (ÅDT): 14000 kjt/døgn Kostnadsoverslag: 36 mill. Prosjektet omfattar ombygging av dagens plankryss ved Ørpetveitsveien (Skåredalskrysset) til planskilt kryss. Prosjektet er forankra i Fylkesdelplan for areal og transport på Haugalandet. Skåredalen er eit viktig utbyggingsområde i Haugesund kommune. I samband med behandlinga av kommunedelplanen for Skåredalen, vart det sett rekkefølgjekrav til den planlagde utbygginga. Eitt av desse krava var at eksisterande kryss mellom E134 og Ørpetveitsveien må byggjast om til toplanskryss før heile området kan byggjast ut. Arbeidet med ombygginga pågår og er venta ferdig i 2007. Haugesund kommune forskotterar kostnadene i samband med gjennomføringa av krysset. Samferdselsdepartementet godkjende søknaden i januar 2006. Prosjektet er ikkje med i Nasjonal transportplan 2006 2015, men er med i Transportplan for Haugalandet 2005 2020 og er føresett finansiert med bompengar dersom det blir vedteke i Stortinget. Anleggsarbeida vart starta opp våren 2006 og anlegget vil stå ferdig hausten 2007. Statens vegvesen er byggherre. 13
E134 Ersland Våg Lengde: 2,5 km Trafikktal (ÅDT): 5500 kjt/døgn Kostnadsoverslag: 140 mill. kr Tiltaket utgjer andre etappe i prosjektet Liasletta Våg i Vindafjord og Tysvær kommunar. Den første etappen, utbetring Liasletta Ersland, vart fullført i 2005. Prosjektet er forankra i Transportplan for Haugalandet og omfattar utbetring og innkorting av ein 6 km lang strekning som i dag ikkje har stamvegstandard. Tiltaket vil gjere strekninga 1,5 km kortare. Prosjektet inngår i godkjente kommuneplanar. Tiltaket inneber utbetring av vegen ved Kalveland i Vindafjord og tunnel mellom Kalveland og Våg i Tysvær. Tunnelen blir om lag 1 000 meter lang. 14
E134 Solheimkrysset Skjold Lengde: 2,5 km Trafikktal (ÅDT): 4000 kjt/døgn Kostnadsoverslag: 120 mill. kr I 1993/94 vart det opna ein ny vegparsell vest for Skjold i Vindafjord kommune. Vegen gjennom tettstaden Skjoldavik har framleis låg standard med mange avkjørslar og busetnad langs vegen. Fartsgrensa på stamvegen er 40 km/t gjennom tettstaden, og ulykkesfrekvensen er høg. Prosjektet er forankra i Transportplan for Haugalandet og omfattar utbetring av eksisterande veg, samt omlegging av vegen utanfor tettstaden Skjoldavik. Tiltaket inngår i kommuneplan for Vindafjord. Det ligg føre godkjent reguleringsplan for ein del av strekninga, mens resten (Solheimkrysset Utsikten) ikkje har planavklaring. Det blir vurdert ei alternativ løysing som ser ut til å ha ein betre tryggings- og miljøprofil enn den regulerte, utan at kostnadane blir endra. Hovudgevinsten med prosjektet er dei positive verknadene det vil få for nærmiljøet og gang-/sykkeltrafikken. 15
Rv. 13 Hundvågtunnelen Lengde: 4,0 5,0 km, avhengig av alternativ Trafikktal (ÅDT): 20000 25000 kjt/døgn er førebels venta i år 2030, avhengig av alternativ Kostnadsoverslag: 1000 1400 mill. kr, avhengig av alternativ I dag har Hundvåg samband med Stavanger sentrum og fastlandet over Bybrua, som har ein ÅDT på 18000 kjt/døgn. Ytterlegare utbygging på Hundvåg og overføring av all trafikk til og frå Ryfylke (også den trafikken som har andre målpunkt enn Stavanger) gjer at brua åleine ikkje vil kunne ta unna den framtidige venta trafikkmengda. Det er difor aktuelt å byggje eit nytt vegsamband mellom Hundvåg og E39 Motorvegen. Eit slikt samband vart vedteke av fylkestinget ved handsaming av Transportplan for Ryfylke i 2001. Prosjektet må ein sjå i samband med rv. 13 Solbakktunnelen og E39 Eiganestunnelen. Konsekvensutgreiinga for prosjektet vart godkjent i 2003. Kommunedelplan for ein del av prosjektet (fellesstrekninga med E39 Eiganestunnelen) vart godkjent i 2005. Det blir arbeidd med reguleringsplan for tunnelen og veg i dagen på Hundvåg, og det gjenstår avklaring når det gjeld val av løysningar på Hundvåg. Tunnelen skal byggjast med 2 løp og 4 køyrefelt. Det er også uavklart trase for tilknyting mellom rv. 13 Hundvågtunnelen og E39 Eiganestunnelen. Val av løysning vil på-verke kostnadane, som ligger mellom 1000 og 1400 mill. kr. Usikkerheita er høg. 16
Rv. 13 Solbakktunnelen Lengde: Ca 14 km Trafikktal (ÅDT): 10 000 kjt/døgn er førebels venta i år 2030 Kostnadsoverslag: 2800 mill. kr (2 400 3 500) I dag må reisande mellom Ryfylke og Nord-Jæren enten nytta ferje eller hurtigbåt. Det er ei ulempe for dei mange som dagleg reiser mellom de to områda. Eit ferjefritt samband har difor stått på Ryfylke si ønskeliste i mange år. Det er flest reiser mellom Strand og Stavanger. Dette var ein av grunnane til at fylkestinget, ved handsaming av Transportplan for Ryfylke i 2001, vedtok å satse på ein undersjøisk tunnel mellom Solbakk i Strand og Hundvåg i Stavanger som eit framtidig samband mellom de to områda. Ein må sjå dette prosjektet i samband med rv. 13 Hundvågtunnelen. Konsekvensutgreiing for prosjektet vart godkjent i 2002. Reguleringsplanar for den undersjøiske tunnelen er under arbeid. Lengda på den undersjøiske tunnelen blir rundt 14 km. Største stigning (8%) blir på eit parti ved tunnelopninga på Solbakk. Største djupn under havoverflata blir 280 meter. Tunnelen skal byggjast i to løp. Tidligaste byggestart er i 2009/ 2010 dersom Stortinget handsamar saka i 2009. 17
Rv. 13 Solbakk Hordaland grense, strekningsvise tiltak Kostnadsoverslag: 255 mill. kr I handlingsprogrammet til Transportplan for Ryfylke er det lagt til grunn at det skal gjennomførast strekningsvise tiltak langs rv. 13, finansiert med bompengar og statlege midlar gjennom fylkesfordelt ramme. Det er ikkje teke stilling til fordeling av midlane på type tiltak. Tiltaka omfattar både omleggingar, utbetringar og rassikring, og går fram av Transportplan for Ryfylke og ein strekningsanalyse for rv. 13 Solbakk Sand. Rassikringstiltaka skal etter planen gjennomførast i perioden 2007 09, medan dei andre tiltaka er planlagt gjennomført i perioden 2010 15. Den totale investeringsramma er 255 mill. kr, fordelt med ein statleg del på 116 mill. kr og ein bompengedel på 139 mill. kr. Kommunane Strand, Hjelmeland og Suldal, har alle godkjente kommuneplanar der rv. 13 inngår som ein viktig samferdselsåre 18
Rv. 13 Osberg Lengde: 500 600 meter Trafikktal (ÅDT): 400 kjt/døgn Kostnadsoverslag: Anslag blir utført i mars 2007 Strekninga langs Osberg, sør for Hålandsosen i Suldal kommune, er eit rasutsett parti på rv. 13 Ryfylkevegen. Strekninga er prioritert i høgste kategori i rassikringsplanen for Region vest. Området er ikkje regulert. Vegen er ein del av våre framtidige turistvegar og det er difor særlege krav til utforming. Det er sett i gang arbeid med å utarbeide reguleringsplan for både rassikringa og breiddeutvidinga langs rv. 13 mellom Haalandosen og Kilane. I tillegg er det sett i gang utarbeiding av byggjeplanar for heile parsellen. Rassikringa blir planlagd gjennomført med ein tunnel som vil ha ei lengde mellom 500 600 meter. Reguleringsplan og byggeplan for tunnel er venta godkjent i juni 2007, med venta oppstart i 2008. Reguleringsplan for utvidinga av vegen er planlagt ferdig i 2007. Oppstart av byggearbeida vedkommande ut-viding av vegen er venta i 2009. 19
Rv. 44 Egersund Ogna, strekningsvise tiltak Lengde: 22 km Trafikktal (ÅDT): 4000 kjt/døgn Kostnadsoverslag: 40 mill. kr. Rv. 44 er hovudvegen mellom Egersund og Jæren, og er viktig for næringslivet sine transporter til og frå Egersund hamn. Flate Jæren møter kuperte Dalane ved Ogna. Vegstandarden er prega av dette, og mellom Egersund og Ogna er det fleire parti som ikkje held vegnormalstandard. I ein strekningsanalyse gjennomført i 2002, er det vist eit omfattande investeringsbehov på rv. 44 mellom Vest-Agder grense og Ogna. Prioritert på grunnlag av trafikktryggleik, framkomst og samfunnsøkonomisk nytte er det investeringar i tiltak på strekninga Egersund Ogna som gir størst måloppnåing. Aktuelle tiltak går fram av strekningsanalysen. Av desse kan nemnast: 1 Utvida breidde på bru over jernbanen ved Eide og Egersund jernbanestasjon 2 Omlegging ved Sirevåg 3 Utvida breidde mellom Hellvik og Vassvik 4 Utvida breidde, bruer over jernbane og bekk ved Hellvik Det er utarbeidd reguleringsplan for omlegginga ved Sirevåg i kryss rv. 44/ fv.134. Planen inneheld ny bru over jernbanen, kryssutbetring, gang- og sykkelvegar og vegutbetring. Reguleringsplanen vart handsama hausten 2006. Kommunane Eigersund og Hå har godkjende kommuneplanar der rv. 44 inngår som ei viktig samferdsleåre. Nye prosjekt/utbetringar er i varierande grad vist i planane. 20
Rv. 44 Omkjøringsveg Klepp Lengde: 4,0 km Trafikktal (ÅDT): 12000 kjt/døgn Kostnadsoverslag: 227 mill. kr Rv. 44 går gjennom tettstaden Kleppekrossen. I dei seinare åra er det gjennomført tiltak for å redusera trafikkulempene. Dette har vore tiltak på kort sikt som ikkje løyser dei trafikale problema gjennom tettstaden. Den langsiktige målsettinga er å byggje ein ny omkøyringsveg og dermed føra gjennomgangstrafikken utanom Kleppekrossen. Reguleringsplanen for ny omkøyringsveg vest for Kleppekrossen vart godkjent av Klepp kommunestyre i 1994. Som fylgje av ulike planendringar vart det nødvendig med ein ny planprosess som enda opp med eit nytt planvedtak i februar 2002. Prosjektet inngår i Transportplan for Jæren 2005 2011 og skal finansierast med bompengar (med unntak av det kommunale tilskottet på 7 mill. kr). Prosjektet er omtalt i Nasjonal transportplan 2006-2015. Prosjektet vart lyst ut på totalentreprise våren 2006. Oppdatert prognose for totalkostnadene basert på anbodet lyder på 227 mill. kr. Anleggsarbeida starta opp hausten 2006 og heile strekninga skal etter planen opnast for trafikk ved årsskiftet 2007/2008. Den nye veglinja er ca. 4 km lang og er planlagd som tofeltsveg. Den nye vegen startar ved Braut sør for Kleppekrossen, går på vestsida av sentrumsområdet fram til kryss med rv. 510 og vidare mot nordaust fram til kontakt med dagens rv. 44 ved Storhaug. I planen inngår tre større rundkøyringar og sju overgangsbruer/undergangar. Den nye vegen vil gå på austsida av Klepplunden som er eit viktig friluftsområde og grøntdrag. Opphaveleg var vegen planlagt i open skjering gjennom området, med bru for å ivareta behov for kryssing av den nye vegen. Etter forhandlingar med Klepp kommune vart det semje om å leggje vegen i ein 535 meter lang tunnel gjennom Kleppevarden. Ein føresetnad for denne løysinga var at kommunen sa seg villig til å dekkje 50% av meirkostnadene ved ei tunnelløysing. Dette har kommunen akseptert, og kommunen sin del av kostnadene utgjer ein fast sum på 7 mill. kr. Hausten 2005 vart det gjort ein ny gjennomgang av prosjektet for mellom anna å ta omsyn til oppdaterte trafikkberekningar og nye normalkrav. Vidare er det bestemt at det skal byggjast midtrekkverk langs heile den nye vegen, med unntak at strekninga gjennom Kleppevarden tunnel. Her er det planlagt rumlefelt. 21
Rv. 44 Gandsfjord bru Lengde:Alt. 1 Gandsfjord bru 4, 5 km, Alt. 2 E39 /Rv13 ca. 8 km Trafikktal (ÅDT): Om lag 30000 kjt/døgn Kostnadsoverslag: 1000 til 2000 mill.kr. Storbyområdet på Nord-Jæren har rundt 190 000 innbyggjarar. Sjølv om det er knytt stor uvisse til vekst i folketalet framover, ventar ein at veksten i kommande 40-års periode vil vera høg. I Fylkesdelplan for langsiktig byutvikling på Jæren er det lagt til grunn at ein vesentleg del av den framtidige byutviklinga i regionen vil skje i austre delar av Sandnes. Prosjektet vil knytte austre delar av Sandnes til E39. I revidert handlingsplan for Transportplan for Nord-Jæren 2005-2015, er prosjektet planlagt å vera gjennomført innan 2011. Statens vegvesen starta i 2005 kommunedelplanarbeid for Gandsfjord bru i samarbeid med Sandnes kommune, Rogaland fylkeskommune og Fylkesmannen. Som ein del av dette planarbeidet er det gjennomført ein transportanalyse som vart lagt fram i desember 2006. Basert på resultata av analysen tilrår Statens vegvesen at det i det vidare kommunedelplanarbeidet, i tillegg til Gandsfjord bru, blir teke inn eit nytt alternativ der trafikken til og frå Sandnes aust blir ført på strekninga E39 Lura Hove og rv. 13 Hove Vatnekrossen. Utfordringane i det vidare planarbeidet vil vera å avklare kva slags funksjon vegen frå Sandnes aust skal ha sett i høve til satsing på kollektivtilbod. I samband med den første fasen i kommunedelplanen for prosjektet vart det arbeida med tre alternativ, basert på ulike løysningar for vegframføring på Lura. Førebels kostnadsoverslag for alternativa med bru over Gandsfjorden (alternativ 1) er på mellom 1000 og 2000 mill. kr. Prosjektet er ein del av Nord-Jæren pakka, og skal i hovudsak finansierast med bompengar. Hove 22
Rv. 44 Stangeland Skjæveland Lengde: 6,5 km herav 5,4 km firefelts veg Trafikktal (ÅDT): 12000 til 14000 kjt/døgn i opningsåret Kostnadsoverslag: 375 mill. kr. Rv. 44 har ein viktig funksjon i transportsystemet på Jæren. Trafikkbelastninga på eksisterande rv. 44 fører til trafikale og miljømessige ulemper for dei tilstøytande områda. Det er derfor ei målsetting å få bygd rv. 44 utanom Ganddal og Sandnes sentrum, slik at gjennomgangstrafikken kan førast utanom sentrumsområda. Jernbaneverket byggjer ny godsterminal sør for Ganddal. Ny rv. 44 er ein føresetnad for denne etableringa. Arbeidet med reguleringsplanen for ny rv. 44 starta opp i siste del av 1990-åra. Vegen vart først planlagd som tofeltsveg med planskilde kryss. Ved handsaminga av reguleringsplanen vedtok Sandnes bystyre at delar av den nye riksvegen skulle leggjast i kulvert. Statens vegvesen kom med motsegn til vedtaket og saka måtte difor leggjast fram for Miljøverndepartementet til endeleg avgjerd. Miljøverndepartementet vedtok i juni 2004 at vegen skal byggjast utan kulvertar. Den nye vegen er ca. 6,5 km lang og av dette er 5,4 km planlagt som firefelts veg. Ny rv. 44 går på vestsida av busetnaden i Sandnes kommune frå Stangeland og fram til kryss med eksisterande rv. 44 ved Skjæveland. I planen inngår planskilt kryss med E 39 i nord og tre større rundkøyringar med rv. 509, fv. 241 Heigreveien og eksisterande rv. 44 ved Skjæveland i sør. Det skal byggjast 12 gangbruer/ undergangar og gangog sykkelveg langs heile den nye riksvegen. I tillegg er det planlagt nødvendig støyskjerming langs den nye veglinja. Ny rv. 44 Stangeland Skjæveland inngår i Transportplan for Jæren 2005 2011 og skal finansierast fullt ut av bompengar. Anleggsarbeida vart starta hausten 2005 og den nye vegstrekninga skal stå ferdig i desember 2007. 23
Rv. 44 Stavanger Sandnes, kollektivfelt Haugåsveien Gamleveien/Vaulen Lengde: 2,1 km Trafikktal (ÅDT):16000 kjt/døgn Kostnadsoverslag: 275 mill. kr I Transportplan for Nord-Jæren er det lagd opp til ei sterk satsing på infrastrukturtiltak for kollektivtrafikken. Det er sett av bompengemidlar til bygging av kollektivfelt langs rv. 44 mellom Stavanger og Sandnes, som er den viktigaste kollektivåra i storbyområdet. Kollektivfelta er foreslege bygd ut med eit tverrprofil der ein seinare kan erstatta kollek-tivfelta med bybanetraséar. I samarbeid med Stavanger kommune, starta Statens vegvesen i 2005 arbeidet med forslag til reguleringsplan for kollektivfelta på strekninga Haugåsveien Gamleveien/ Vaulen. Planlegginga er komplisert i og med at den nødvendige utvidinga av gateprofilet på delar av strekninga kan koma i konflikt med etablert bystruktur. Forslaget til reguleringsplan vil bli sendt til Stavanger kommune for handsaming i mars 2007. Utbygginga av kollektivfelta kan gjennomførast i etappar. I Nasjonal transportplan 2006 2015 er det, i samsvar med prioriteringane i Transportplan for Nord- Jæren, sett av bompengemidlar til fylgjande delstrekningar langs rv. 44 i perioden 2006 2009: Haugåsveien Sandvikveien Sandvikveien Breidablikkveien Breidablikkvn Gamlevn/Vaulen 24
Rv. 46 Sandsfjord bru Lengde: Ca. 5 km. Trafikktal (ÅDT): 400 kjt/døgn (med trafikantbetaling 120 kr.) Kostnadsoverslag: 407 mill. kr Suldal kommune omfattar areal på begge sider av Sandsfjorden. Kommunesenteret Sand ligg på austsida av fjorden, og dei som bur på vestsida må nytta ferjesambandet Sand Ropeid eller hurtigbåt for å komme dit. Den delen av kommunen som ligg på austsida av fjorden har ikkje fast, døgnope vegsamband med resten av fylket. I Transportplan for Ryfylke er det vedteke å erstatta ferjesambandet med bru over Sandsfjorden. Kommunedelplanen vart godkjent i 2005 og det er sett i gang arbeid med reguleringsplan i 2007. Prosjektet omfattar ein ny tofelts veg på ca fem km mellom kryss med rv. 517 på Lovra på austsida av Sandsfjorden og eksisterande rv. 46 på Øvrebø på vestsida. I parsellen inngår ny bru over Sandsfjorden med ei lengde på omlag 850 meter. Prosjektet er planlagt finansiert med statlege midlar over fylkesfordelt ramme, lokale tilskott og bompengar. 25
Rv. 47 Haugesund Nord Ekrene Lengde: ca. 6 km Trafikktal (ÅDT): 6000-12 000 kjt/døgn Kostnadsoverslag: 240 mill. kr Rv. 47 er ein viktig hovudveg på Haugalandet. Strekninga frå kryss med E39 ved Haukås i Sveio er den viktigaste innfartsåra til Haugesund frå nord. Prosjektet er forankra i Fylkesdelplan for areal og transport på Haugalandet. Vegstrekninga har i dag varierande standard, det er mange direkte avkjørslar til riksvegen og fleire kryss med manglande kanalisering. Det er difor behov for standardheving langs strekninga. Reguleringsplan for den søre delen av rv. 47 frå Kringlehaugveien til Austrheimsringen er venta godkjent i februar 2007 og anleggsarbeida er planlagt starta opp hausten 2007. For strekninga Austrheimsringen Fagerheim ligg det føre godkjent reguleringsplan, men det er naudsynt med nokre mindre vesentlege endringar av gjeldande plan. Det er utarbeidd planprogram for den siste strekninga som går frå Fagerheim i Haugesund kommune til Ekrene i Sveio kommune. Planprogrammet er ute til offentleg høyring og er venta godkjent våren 2007. Føremålet med planprogrammet er å avklare ny korridor for rv. 47 på strekninga. Deretter vil det bli gjennomført ein reguleringsplanprosess med konsekvensanalyse for den valde løysinga. I Transportplan for Haugalandet 2006 2020 er det lagt til grunn at den nødvendige utbygginga av rv. 47 kan skje ved statlege midlar og bompengar dersom vedtak i Stortinget. Utbyggingsplanen vil også omfatta bygging av gang- og sykkelvegar, tiltak for kollektivtrafikken, miljøtiltak og nødvendige omleggingar og planskilde kryssingar for det lokale vegnettet. Kostnadsoverslaget er basert på Anslag-metoden som vart utførde i 2004, og det er knytt stor uvisse til overslaget. Oppdaterte overslag vil bli utarbeidd som ein del av det pågåande planarbeidet. I Nasjonal transportplan 2006 2015 er det ført opp 30 mill. kr til rv. 47 Haugesund Hordaland grense i perioden 2006 2009. Desse midlane blir nytta til parsellen Kringlehaugen Austrheimsringen 26
Rv. 47 Karmøy, strekningsvise tiltak Rv. 47 er den viktigaste hovudvegen gjennom Karmøy kommune. Strekninga har varierande standard med mange kryss og avkjørsler. Det er behov for kryssutbetring, avkjørselssanering, gang-/sykkelveg- og miljøtiltak og nødvendig standardheving langs riksvegstrekninga. Utbygginga av riksvegen er forankra i Fylkesdelplan for areal og transport på Haugalandet. I Transportplan for Haugalandet 2005 2020 er det føresett at den nødvendige utbygginga langs vegruta kan skje ved bompengar og statlege midlar. Utbyggingsplanen omfattar også utbetring av rv. 511 sør på Karmøy og tilgrensande fylkesvegar. Karmøy kommune har gått mot bompengeinnkreving i kommunen. Utbygging av rv. 47 på Karmøy er difor ikkje ein del av «Haugalandspakken». Statens vegvesen arbeider med ein strekningsanalyse for rv. 47 på Karmøy. Analysen vil danna grunnlag for drøfting av standardval og vidare utbygging av riksvegen. Slik analysen ligg føre pr tidleg mars 2007, kan det vere aktuelt med både større og mindre tiltak. 27
Rv. 47 T-forbindelsen Lengde: Lengde: 20 km. (av dette er 8,9 km undersjøisk tunnel og 0,9 km landtunnel). Trafikktal (ÅDT): Omlag 4000 kjt/døgn Kostnadsoverslag: 1193 mill. kr eks. kollektivterminalar på Håvik og Mjåsund. T-forbindelsen består av eit aust-vest samband mellom E39 i Tysvær og Rv. 47 på Karmøy, og eit nord-sør samband mellom E134 i Haugesund og Fosen på Karmøy. Prosjektet vil knyte Karmøy og Haugesund betre til E39 og redusere reisetid og reiseavstand mellom sentrale målpunkt på Haugalandet og Nord-Jæren. Prosjektet vil også betre det interne transporttilbodet på Haugalandet. T-forbindelsen er forankra i ei rekkje overordna planar, og der er godkjente reguleringsplanar for prosjektet i Karmøy, Haugesund og Tysvær kommunar. Prosjektet omfattar undersjøisk tunnel under Karmsundet og Førresfjorden, inkludert tunnelarm til Hellevik på Fosen via ei rundkøyring i fjell. Største djupne for den undersjøiske tunnelen er på 136 og 139 m. Vidare inngår ca. 11 km ny veg i dagen inkludert to landtunnelar mellom Fosen og E134. Det er venta ein ÅDT på omlag 4000 kjt/døgn i opningsåret 2011. Ein revidert finansieringsplan vart lagd fram for fylkespolitisk handsaming i juni 2006. Av denne summen var 354 mill. kr føresett dekka av statlege løyvingar, 36 mill. kr i kommunalt tilskot og 750 mill. kr i bompengar. Bompengedelen skal finansierast ved innkrevjing av førehandsbompengar på Boknafjordsambandet og etterskottsinnkrevjing på sjølve prosjektet i 15 år. T-forbindelsen vart første gong lagt fram for Stortinget ved St prp nr 72 (1999 2000) og vart godkjent av Stortinget den 15. mai 2000. I 2005 vart det gjennomførd ny reguleringsplanhandsaming i Karmøy, Haugesund og Tysvær for å tilpassa plan-grunnlaget til nødvendige endringar av planane. Nye reguleringsplanar er nå godkjente i alle tre kommunar. Fordi prosjektet etter kvart er blitt dyrare enn opprineleg, vil T-forbindelsen på nytt bli lagt fram for Stortinget, etter at prosjektet er vurdert av eit eksternt konsulentfirma. Hovudårsaka til kostnadsauka er endringar i statlege standardkrav og lenger tunnel enn i det opprinnelege prosjektet. 28
Rv. 509 Madlakrossen Ragbakken vest Lengde: 1,4 km Trafikktal (ÅDT): 16000 18000 kjt/døgn Kostnadsoverslag: 86 mill. kr Siktemålet er anleggsstart våren 2008 og at prosjektet kan stå ferdig i 1. halvår 2011. Rv. 509 Revheimsvegen/Madlavegen er hovudinnfartsåra til Stavanger sentrum frå vest. På riksvegen går trafikken frå delar av nabokommunane Sola og Randaberg, i tillegg til ein stor del av interntrafikken i Madla bydel. Eit stort tal bustader er under bygging langs vestre del av riksvegen. I Sola kommune er det planar om stor bustadutbygging på Jåsund i nærmaste framtid. Denne utbygginga vil gi auka trafikk. Utbygginga er i tråd med kommuneplanar og Fylkesdelplanen for langsiktig utbygging på Jæren, som legg opp til ein høg kollektivdel i transportkorridoren. Reguleringsplan for strekninga Madlakrossen Ragbakken vest vart vedteken av Stavanger bystyre hausten 2006. Hovudmålet med prosjektet er å betre tilhøva for kollektivtrafikken og betre trafikktryggleiken langs strekninga. Reguleringsplanen tek utgangspunkt i arealdelen til kommuneplanen for Stavanger kommune 2002 2017 og strekningsanalysen utførd av Statens vegvesen i 1997. Prosjektet er prioritert i Transportplan for Nord-Jæren 2005 2011. Strekninga er inneheld nye kollektiv- og sykkelfelt, ei ny rundkøyring, utbetring av dei to rundkøyringane i aust, støyskjerming og omlegging av vegen med ny bru vest for Madlakrossen. Det er aktuelt å byggje ut strekninga frå Madlakrossen til Ragbakken som eit første byggjesteg. Store Stokkavann 509 Mot Tjensvollkrysset til E39 --> Rød: Utbetring av eksisterande veg Blå: Ny veg 29
Rv. 510 Solasplitten Lengde: 4,0 km Trafikktal (ÅDT): 15000 18000 kjt/døgn Kostnadsoverslag: 388 mill. kr Trafikken mellom Stavanger og Stavanger Lufthamn, går i dag langs rv. 509 og rv. 510. I Sola kommune ligg Risavika som har ein viktig funksjon i den nasjonale hamna på Nord-Jæren. Rv. 510 går gjennom område i Sola kommune med tett busetnad. Ei viktig målsetting med prosjektet er å få etablert ei ny veglenke som gir eit direkte vegsamband mellom E39 Kyststamvegen og flyplassen og vidare mot Risavika. Prosjektet vil også avlaste eksisterande rv. 510 gjennom Røyneberg. Etter lokal planhandsaming vedtok Miljøverndepartementet i juni 2004 kommunedelplan for Solasplitten. Statens vegvesen starta hausten 2004 opp arbeidet med grunnlag for reguleringsplan. Den nye veglenka er ca. 4,0 km lang og blir planlagt som smal firefeltsveg. Prosjektet startar i den austre rundkjøringa på rv. 509 i Sømmevågen. Traseen går austover langs eksisterande fv. 72 fram til kryss med rv. 510. Vegen går deretter gjennom Kristensberget og vidare mot aust-søraust gjennom Åsnuten og fram til E39 ved Forus nord. Det er planlagt kryss i vest ved Skiljaberget. Solasplitten vil bli kopla til E39 ved eksisterande kryss ved Forus Nord-Solasplittkrysset. Det er planlagt kulvert gjennom Kristensberget og tunnel gjennom Åsnuten. Arbeidet med reguleringsplanen har vist seg å vera omfattande og komplisert, og framdrifta av planarbeidet er difor noko forseinka i høve til den opphavlege framdrifts-planen. Planen vil truleg ikkje vere ferdig godkjent før sommaren 2007. Rv. 510 Solasplitten inngår i Transportplan for Nord- Jæren 2005 2011 og skal finansierast fullt ut av bompengar. Prosjektet er prioritert som nummer 3 av dei prosjekta som skal bompengefinansierast. Prosjektet er omtalt i Nasjonal transportplan 2006 2015. Det er førebels lagt opp til at anleggsarbeida kan starte opp i 2008 og det er rekna med 2 års anleggsperiode. Det er stor auke i kostnadsoverslaget i høve til transportplanen. Det vert derfor vurdert ei redusert utbygging som 1. byggetrin av prosjektet. 30
Rv. 519 Hanasand Ladstein (Finnfast) Lengde: 7,2 km Trafikktal (ÅDT): 464 kjt/døgn (i opningsåret 2009) Kostnadsoverslag: 560 mill. kr Finnøy er den største av tre øykommunar i Rogaland som ikkje har samband med fastlandet og stamvegnettet med døgnope vegsamband. Kommunen har rundt 2800 innbyggjarar og litt over halvparten bur på Finnøya med kommunesenteret Judaberg. På Talgje bur det omlag 160 personar. Dei øvrige innbyggjarane fordelar seg på 14 andre øyer. Bruer, ferjer, hurtigbåtar og lokalbåtar bind øyane saman. Prosjektet er forankra i Transportplan for Ryfylke og konsekvensutgreiing vart godkjent i 2001. Reguleringsplanar for prosjektet vart godkjent i 2004. Finnfast vart godkjent i Stortinget 28. februar 2006 ved handsaming av St.prp. nr 38 (2005 2006). Prosjektet omfattar bygging av ein 5,7 km lang undersjøisk tunnel med to køyrefelt mellom Hanasand og Ladstein. Det er skal byggjast ein 1,5 km lang arm med eit køyrefelt og møteplassar til Talgje. Hovudtunnelens samband med eksisterande vegnett i kvar ende vil vere ved eksisterande ferjeleie. Maksimum stigning i hovudtunnelen er 9,0%, og i arm til Talgje 10,2%. Største djupn er 200 meter under havets overflate. Anleggarbeidet starta hausten 2006 og prosjektet er føresett fullført hausten 2009. Finnfast er finansiert med innspara ferjetilskot, bompengar og ein mindre del ordinære statlege midlar. 31
Rv. 520 Sauda Etne Lengde: ca. 14 km Trafikktal: Ikkje berekna Kostnadsoverslag: Ikkje berekna Tettstaden Sauda ligg i botnen av Saudafjorden. Tradisjonelt var det fjorden som var hovudferdselsåra mellom industristaden og omverda. Seinare overtok vegen langs fjorden denne rolla, men avstanden til stamvegnettet har alltid vore lang. Prosjektet er forankra i Transportplan for Ryfylke. Konsekvensutgreiinga vart godkjent i 2002, og prosjektet er avklart i kommuneplanar både i Sauda og Etne kommunar. Prosjektet omfattar bygging av ein ny veg mellom Saudasjøen i Sauda kommune og Lauareid/E134 i Etne kommune. Traséen omfattar 800 meter veg i dagen i Sauda, ein omlag 11 km lang tunnel med to køyrefelt til Frette i Etne og omlag 2 km veg i dagen til Lauareid/E134. Prosjektet er aktuelt etter 2010. Ein føresetnad er at prosjektet blir finansiert frå fleire ulike kjelder, mellom anna bompengar og konsesjonsmidlar/ omstillingsmidlar. 32
Politirapporterte trafikkulukker m/ personskade Rogaland 2000 2006 År Tal ulukker Tal drepne og skadde Tal drepne 2000 587 787 32 2001 595 780 21 2002 570 810 18 2003 554 823 18 2004 567 817 20 2005 538 679 23 2006 579 827 19 Sum 3990 5523 151 900 800 Tal ulukker Tal drepne og skadde Tal drepne 700 600 500 400 300 200 100 0 2000 2001 2002 2003 2004 2005 2006 33
Våg - Fjon Utvikling til stamvegstandard langs eks. veg Aksdal - Våg Utvikling til stamvegstandard langs eks. veg. Smal firefelts veg Haugesund Tysvær Mjåsund - Aksdal Utvikling til stamvegstandard langs eks. veg. Ny veg Apeland - Haukås Karmøy Arsvågen - Mjåsund Utvikling til stamvegstandard langs eks. veg Bokn Randaberg - Bokn/Rogfast Undersjøisk fjelltunnel Mekjarvik - Arsvågen med arm til Kvitsøy Rennesøy Kvitsøy Randaberg Smiene/Eskelandsvn - Harestad Ny firefeltsveg Eskelandsvn - Finnestadgeilen Tofeltsveg Finnestadgeilen - Harestad Stavanger Sandnes Hove - Stangeland Utvidelse til firefeltsveg Schancheholen - Smiene/Eskelandsvn Ny firefelts veg/eiganestunnelen Stangeland - Hinna Alt. løsninger vil bli vurdert nærmere Ålgård nord - Hove Ny firefelts veg Gjesdal Bue - Ålgård sør Utvikling til stamvegstandard langs eks. veg Ålgård sør - Ålgård nord Ny tunnel forbi Ålgård Storshei - Bue Utvikling til stamvegstandard langs eks. veg, alt ny to felts veg gjennom Raunaskaret Vikeså sør - Storshei Ny tofeltsveg, Vikeså Forbikjøringsfelt Vikesåbakkane Bjerkreim Saglandsbakkane - Vikeså sør Utvikling til stamveg standard langs eks. veg Årrestad - Saglandsbakkane Ny tofelts veg Heskestad nord - Årrestad Utvikling til stamvegstandard langs eks. veg, omlegging enkelte strekninger Helleland Forbikjøringsfelt Skjebadalen Ny Helleland jernbanebru m.m. Eigersund Lund Drangsdalen - Heskestad nord Ny tofelts veg Lindland - Drangsdalen Utvikling til stamveg standard langs eks. veg, omlegging enkelte strekninger Tronvika - Lindland Ny tofelts veg E39 Stamvegutgreiing Rogaland Prosjekt i Gruppe 1 Prosjekt i Gruppe 2 0 5 10 20 30 40 50 Kilometers Prosjekt i Gruppe 3
0201-07 grafi sk.senter@vegvesen.no