Møteinnkalling for Utval for næring og teknikk

3692 Sauland Møteinnkalling for Utval for næring og teknikk Møtedato: 01.11.2011 Møtestad: Kommunehuset Møtetid: Kl. 17:00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Stad Sauland, 25.10.11 Audun Dølen utvalsleiar Sakliste Sak nr. Saktittel 030/11 GODKJENNING AV MØTEBOK 031/11 REFERATSAKER 032/11 DELEGASJONSSAK 033/11 MARIT B. BREDSTEN - SØKNAD OM KONSESJON PÅ EIGEDOM - GNR. 97/5/1 034/11 JAN SIGURD TVEITEN - SØKNAD OM KONSESJON PÅ GNR 89 BNR 7 OG 46

Styre, råd, utval Møtedato Saknummer Sakshandsamar Utval for næring og teknikk 01.11.2011 030/11 IL Saksansvarleg: Ingebjørg Landsverk Arkiv: K1-033 Arkivnr.: 11/1546 GODKJENNING AV MØTEBOK RÅDMANNEN TILRÅR Møteboka blir godkjent slik ho ligg føre.

Styre, råd, utval Møtedato Saknummer Sakshandsamar Utval for næring og teknikk 01.11.2011 031/11 IL Saksansvarleg: Ingebjørg Landsverk Arkiv: K1-033 Arkivnr.: 11/1545 REFERATSAKER Nr Dok.ID T Dok.dato Avs./Mott. Tittel 1 11/3754 U 18.08.2011 Anne Tveiten PÅLEGG OM Å SØKJE KONSESJON PÅ EIGEDOMEN TVEITEN, GNR. 55, BNR. 1 M. FL. 2 11/5153 I 24.10.2011 Audun Dølen INFORMASJONSSKRIV TIL MEDLEMMER I NOT 3 11/5154 I 24.10.2011 Harald Helliksen UTDRAG AV GJELDANDE DELEGASONSREGLEMENT (NOT) TILRÅDING Referatsakene blir teke til etterretning slik dei ligg føre.

Styre, råd, utval Møtedato Saknummer Sakshandsamar Utval for næring og teknikk 01.11.2011 032/11 IL Saksansvarleg: Ingebjørg Landsverk Arkiv: K1-033 Arkivnr.: 11/1544 DELEGASJONSSAK FNOT-007/11 22.08.2011: HÅVARD HAUGAN - SØKNAD OM KONSESJON PÅ GBNR. 35/1/7 - FELLESSETRA VEDTAK Hjartdal kommune gjev med heimel i konsesjonslova Håvard Haugan konsesjon for overtaking av feste nr. 7 under gnr. 35, bnr. 1. FNOT-008/11 23.08.2011: KÅRE KARLBERG - REKVISISJON AV KARTFORRETNING OG DELING AV GRUNNEIGEDOM VEDTAK Med heimel i jordlova godkjenner Hjartdal kommune søknad frå Kåre Karlberg slik at det regulerte hytteområdet Måsafjell kan delast frå eigedomen gnr. 97, bnr. 7. TILRÅDING Delegasjonssakene blir teke til etterretning slik dei ligg føre.

Styre, råd, utval Møtedato Saknummer Sakshandsamar Utval for næring og teknikk 01.11.2011 033/11 HH Saksansvarleg: Harald Helliksen Arkiv: GBNR- 97/5/1 Arkivnr.: 11/1138 MARIT B. BREDSTEN - SØKNAD OM KONSESJON PÅ EIGEDOM - GNR. 97/5/1 Dokument i saka: Nr T Dok.dato Avsendar/Mottakar Tittel 1 I 01.09.2011 Marit B. Bredsten MARIT B. BREDSTEN - SØKNAD OM KONSESJON PÅ EIGEDOM - GNR. 97/5/1 2 U 07.09.2011 Marit B. Bredsten MARIT B. BREDSTEN - SØKNAD OM KONSESJON PÅ EIGEDOM - GBNR. 97/5, FESTE NR. 1 Vedlagd dokument: Kart Aktuelle lover, forskrifter, avtaler m.m.: LOV 2003-11-28 nr 98: Lov om konsesjon ved erverv av fast eigedom (konsesjonslova) mv. FOR 2010-05-07 nr 671: Forskrift om nedsett konsesjonsgrense etter konsesjonslova 7, Hjartdal kommune, Telemark. Saksgang: Utval for næring og teknikk avgjer saka. Bakgrunn for saka: Marit Inger Brødsjømoen Bredsten søkjer om konsesjon for overtaking av eigedomen gnr. 97, bnr. 5, feste nr. 1, til bruk som fritidsbustad. Festet blei etablert i 1966 som bustadeigedom. Det må søkjast om konsesjon for overtakinga då Hjartdal kommune har forskrift om nedsett konsesjonsgrense etter 7 i konsesjonslova. Dette vil seie at konsesjonsfridomen for eigedom det er bygd på, er sett ut av kraft for eigedomar under 100 dekar, der dyrka jord ikkje er meir enn 25 dekar, som er eller har vore i bruk som heilårsbustad. Konsesjonsfridomen som elles gjeld ved nært slektskap er og sett ut av kraft. Dette vil seie at reglane er dei same for nær slekt som

for andre. Konsesjonsplikta gjeld ikkje når overtakar forpliktar seg til at eigedomen skal brukast til heilårsbustad den tida vedkomande eig eigedomen, anten av vedkomande sjølv eller andre. Buplikta er med andre ord ikkje personleg. Konsesjonssøkjaren er niese av avdøde Kjetil O. Bøen, som budde på eigedomen til han døydde i 2001. Huset har ikkje vore brukt som heilårsbustad sidan den gongen. Søkjaren skriv følgjande om bustaden: Huset er lite, ca. 40 m2, og egner seg lite som bolighus. Huset hadde ikke innlagt vann. Det hadde gammelt elektrisk anlegg som ikke ville bli godkjent etter dagens krav, fuktig krypkjeller og utedo i uthuset. Eiendommen hadde også vanskelig og bratt adkomst, særlig vinterstid. Torkjel O. Bøen, bror til Kjetil, hadde huset til han døydde i 2003. Huset blei då oppgradert og har no innlagt vatn og bad med vassklosett og dusjkabinett. Tilkomstvegen er lagt om slik at han har blitt slakare. Eigedomen ligg sentralt i Tuddal. I reguleringsplan for Tuddal sentrum (vedteken 30.04.1992) ligg eigedomen i område fastsett som byggeområde for bustader. Det er kort veg til butikk, skule og barnehage. Dersom konsesjon ikkje blir gjeven, må ervervar anten busetja seg på eigedomen sjølv eller leige han bort som heilårsbustad. Alternativt må eigedomen seljast til nokon som vil forplikte seg til at eigedomen skal brukast til heilårsbustad den tida vedkomande eig eigedomen, anten av vedkomande sjølv eller av andre. Vurdering: Serlege forhold ved avgjerd av saker etter forskrift om nedsett konsesjonsgrense går fram av 10 i konsesjonslova som har denne ordlyden: Departementet (kommunen) skal gi konsesjon når det ikke er nødvendig å hindre at eiendommen blir brukt til fritidsformål. Ved denne avgjørelsen kan det blant annet legges vekt på eiendommens beliggenhet, herunder om det området der eiendommen ligger i har karakter av å være et utpreget fritidsområde, bebyggelsens art og standard, hvor lang tid det er gått siden eiendommen er brukt som helårsbolig, hvor lang tid den ble brukt som helårsbolig, og om det er påregnelig at andre vil kjøpe eiendommen for å bruke den til helårsbolig. Eigedomen ligg som nemnt i Tuddal sentrum og i eit område regulert som byggeområde for heilårsbustader. Det er med andre ord ikkje snakk om noko fritidsområde. Huset er lite, men har god standard. Det kan egne seg som bustad for 1-2 personar. Det er 10 år sidan nokon budde her. Eigedomen blei nytta som heilårsbustad frå festet blei etablert i 1966 og til i 2001. Etter rådmannen sitt syn må ein kunne seie at eigedomen er brukt som heilårsbustad i relativ lang tid, og at det er kort tid sidan han blei brukt som heilårsbustad. Det vurderast og som pårekneleg at andre vil kjøpe eigedomen for å bruke han som heilårsbustad. Det kan tale for å gje konsesjon at huset er lite. Dei andre forholda det skal leggjast vekt på, taler mot å gje konsesjon. Med bakgrunn i dette, finn rådmannen at det er nødvendig å hindre at eigedomen blir nytta til fritidsformål. Konsesjonssøknaden må i så fall avslåast. RÅDMANNEN TILRÅR:

viser til vurderingane over og avslår med heimel i konsesjonslova søknad frå Marit Inger Brødsjømoen Bredsten om konsesjon for overtaking av eigedomen gnr. 97, bnr. 5, feste nr. 1.

Styre, råd, utval Møtedato Saknummer Sakshandsamar Utval for næring og teknikk 01.11.2011 034/11 HH Saksansvarleg: Harald Helliksen Arkiv: GBNR- 89/7 og 46 Arkivnr.: 11/1118 JAN SIGURD TVEITEN - SØKNAD OM KONSESJON PÅ GNR 89 BNR 7 OG 46 Dokument i saka: Nr T Dok.dato Avsendar/Mottakar Tittel 3 I 07.06.2011 Erling Gaaserud VERDITAKST 4 I 18.08.2011 Jan Sigurd Tveiten GÅRDSKART OVER BNR 7 OG 46 1 I 28.08.2011 Jan Sigurd Tveiten SØKNAD OM KONSESJON PÅ GNR 89 BNR 7 OG 46 2 I 28.08.2011 Jan Sigurd Tveiten KJØPEKONTRAKT Aktuelle lover, forskrifter, avtaler m.m.: LOV 2003-11-28 nr 98: Lov om konsesjon ved overtaking av fast eigedom mv. Saksgang: Utval for næring og teknikk avgjer saka. Bakgrunn for saka: Jan Sigurd Tveiten søkjer om konsesjon for overtaking av eigedomen Tjønn søre (Nordistugo), gnr. 89, bnr. 7 og festet gnr. 89, bnr. 46. Overdragarar er Gunhild Tjønn og Margit Tjønn Westerhaug. Garden ligg i Tjønnegrenda i Tuddal. I følgje jordregisteret har eigedomen eit totalareal på 2.603 dekar, der 18 dekar er overflatedyrka jord og beite, 595 dekar produktiv skog og 1.992 dekar andre areal (myr, uproduktiv skog, fjellområde). Bygningar på garden er nyare bustadhus (bygd 1993), gamalt våningshus, eldhus, stabbur og reiskapshus. Det nyaste huset og reiskapshuset er i god stand. Dei andre bygningane er i dårleg stand.

Søkjaren har maskinførarutdanning og har arbeidd som anleggsmaskinførar sidan 1998. Planane hans for bruk av eigedomen er planering/overflatedyrking av jorda, oppussing av gamle bygningar og etter kvart bygging av driftsbygning. Eigedomen blir overdregen som gåve. Verdien er sett til kr. 1.076.000 etter frådrag for kår. Dette er i samsvar med verditakst. Overdragarane skal disponere det nye bustadhuset i si livstid, eller så lengje dei ynskjer det. Søkjaren skriv at han vil busetja seg på eigedomen så snart det nye bustadhuset er ledig. Han meiner dette er den einaste bu-moglegheita då istandsetjing av det gamle bustadhuset ville bli svært kostbart. Vurdering: Det går fram av 9 i konsesjonslova kva det skal leggjast serleg vekt på ved avgjerd av søknad om konsesjon for eigedom som skal nyttast til landbruksformål: 1. om avtalt pris er samfunnsmessig forsvarleg, 2. om formålet til ervervar vil ivaretaka omsynet til busetjinga i området, 3. om ervervet inneber ei driftsmessig god løysning, 4. om ervervar er skikka til å drive eigedomen, 5. om ervervet sikrar omsynet til heilskapleg ressursforvaltning og kulturlandskapet. I og med at det gamle bustadhuset er i så dårleg stand, finn rådmannen det akseptabelt at søkjaren ikkje buset seg på eigedomen før det nyaste bustadhuset blir ledig. Garden vil i alle tilfelle ha fast busetjing. For å sikre busetjinga, bør det settast vilkår om personleg buplikt på eigedomen i 5 år, rekna frå tidspunktet når det nye bustadhuset blir ledig. Rådmannen finn elles at overtakinga vil ivaretaka dei andre forholda det skal leggjast vekt på (pkt. 1, 3, 4 og 5 over). RÅDMANNEN TILRÅR: 1. Hjartdal kommune gjev med heimel i konsesjonslova Jan Sigurd Tveiten konsesjon for overtaking av eigedomen Tjønn, gnr. 89, bnr. 7 og for festet gnr. 89, bnr. 46. 2. Konsesjon blir gjeve på vilkår av at Jan Sigurd Tveiten flyttar til eigedomen når det nye bustadhuset på eigedomen blir ledig og deretter sjølv bur på eigedomen i minst fem år i samanheng.