Møteinnkalling for Utval for næring og teknikk

Transkript

1 Hjartdal kommune 3692 Sauland Møteinnkalling for Utval for næring og teknikk Møtedato: Møtestad: Kommunehuset, Formannskapssalen Møtetid: Kl. 17:00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf , slik at varamedlem kan bli kalla inn. Stad Sauland, Audun Dølen utvalsleiar Sakliste Sak nr. Saktittel 040/12 GODKJENNING AV MØTEBOK 041/12 DELEGASJONSSAK 042/12 VASSFORSYNING - KOVSTULHEIA- RUSSMARKEN 043/12 SØKNAD OM KONSESJON VED OVERTAKING AV EIGEDOMEN LISLERO, GNR. 1, BNR /12 SØKNAD OM KONSESJON VED OVERTAKING AV EIGEDOMEN TRAIN, GNR. 50, BNR. 2 OG GNR. 53, BNR. 15.

2 Hjartdal kommune Styre, råd, utval Møtedato Saknummer Sakshandsamar Utval for næring og teknikk /12 IL Saksansvarleg: Ingebjørg Landsverk Arkiv: K1-033 Arkivnr.: 12/1789 GODKJENNING AV MØTEBOK RÅDMANNEN TILRÅR Møteboka frå NOT-møte blir godkjent slik ho ligg føre.

3 Hjartdal kommune Styre, råd, utval Møtedato Saknummer Sakshandsamar Utval for næring og teknikk /12 IL Saksansvarleg: Ingebjørg Landsverk Arkiv: K1-033 Arkivnr.: 12/1788 DELEGASJONSSAK FNOT-023/ : OLE IVAR SCHIA - NYDYRKING VEDTAK Med heimel om forskrift om nydyrking, gjev Hjartdal kommune, Ole Ivar Schia, 3690 Hjartdal løyve til å dyrke opp ca 7 dekar på eigedom gnr 62/bnr 10 som omsøkt. Eigar av gnr 62/bnr 10 er Arvid Schia. Det er eit vilkår om at Telemark fylkeskommune (avd Kulturminne) skal varslast dersom det kjem fram kulturminne. FNOT-024/ : SØKNAD OM DELING AV EIGEDOMEN MYLJOM SOLHEIM, GNR. 104, BNR. 2. VEDTAK Hjartdal kommune v/rådmannen gjev med heimel i jordlova 12 løyve til å dele frå ei hyttetomt med areal inntil 500 m2 av eigedomen Solheim, gnr. 104, bnr. 2. Tomta skal liggje som vist på kart i målestokk 1:500 vedlagd saka. FNOT-025/ : SØKNAD OM DELING AV EIGEDOMEN HOVDE/HAGAVIKEN, GNR. 95, BNR. 5 M. FL. VEDTAK Hjartdal kommune v/rådmannen gjev med heimel i jordlova 12 løyve til deling av eigedomen Hovde/Hagaviken, gnr. 95, bnr. 5 m.fl., slik at det frå teigen Løkjestul, gnr. 94, bnr. 19, kan delast frå to hyttetomter, ei tomt med areal ca m2 og ei tomt med areal ca. 800 m2. Tomtene skal liggje som vist på kart vedlagd saka. RÅDMANNEN TILRÅR Delegasjonssakene blir teke til etterretning slik dei ligg føre.

4 Hjartdal kommune Styre, råd, utval Møtedato Saknummer Sakshandsamar Kommunestyret RE Utval for næring og teknikk /12 RE Formannskapet /12 RE Saksansvarleg: Rune Engehult Arkiv: K2-M11 Arkivnr.: 12/1115 VASSFORSYNING - KOVSTULHEIA- RUSSMARKEN Dokument i saka: Nr T Dok.dato Avsendar/Mottakar Tittel 11 I Fylkesmannen i OVERSENDELSESBREV - ENDRING - UTSLIPP Telemark 13 I Sweco TILBOD FRA SWECO 16 I Sweco Norge AS MØTEREFERAT I Sweco OPPDRAGSBEKREFTELSE 15 U Sweco SONEINNDELING OG ANTALL HYTTER 2 I Sweco FRAMDRIFT VASSFORSYNINGSPLAN KOVSTULHEIA RUSSMARKEN 3 I Sweco KART OVER KOVSTULHEIA 4 I Sweco VANNFORSYNINGSPLAN/KART 5 I Røyslia hytteforening SPØRSMÅL OM VASSFORSYNINGSPLAN KOVSTULHEIA 6 U Røyslia hytteforening SVAR PÅ SPØRSMÅL OM VASSFORSYNINGSPLAN KOVSTULHEIA 7 I Sweco AS VANNFORSYNINGSPLAN 8 I Sweco Norge AS VANNFORSYNINGSPLAN 10 I Sweco KART 19 I Sweco VASSFORSYNING KOVSTULHEIA RUSSMARKEN - FORSLAG TIL FRAMDRIFTSPLAN 21 I Russmarken Va AS VANNFORASYNING KOVSTULHEIA- RUSSMARKEN Vedlagde dokument: Dokument nr. 8, 19 og 21. Aktuelle lover, forskrifter, avtaler m.m.: Plan- og bygningsloven Lov om kommunale vass- og avløpsanlegg

5 Saksgang: Utval for næring og teknikk tilrår. Formannskapet tilrår. Kommunestyret gjer vedtak. Bakgrunn for saka: Kommunestyret vedtok den i sak 099/11 å utarbeide ein vassforsyningsplan for Kovstulheia-Russmarken. Bakgrunnen for saka var at både Russmarken VA AS (RVA) og Hytteeierforeningenes Avløpsutvalg (HAU) hadde teke initiativ til heilskapleg vassforsyning i området. Rådmannen har etter anbodskonkurranse engasjert Sweco til å utarbeide ein slik vassforsyningsplan. Rådmannen mottok vassforsyningsplanen Oppdragsleiar hos Sweco presenterte planen for formannskapet Til dette møtet var RVA og HAU invitert. I etterkant har rådmannen bede Sweco om å leggje fram eit forslag til vidare framdrift/prosess knytt til spørsmålet om vassforsyning i Kovstulheia-Russmarken. RVA har i etterkant av at vassforsyningsplanen blei presentert sendt over ei rekkje spørsmål til kommunen om kva for konsekvensar planen vil få, både for selskapet og for den enkelte hytteeigar. Vurdering: Vasskjelde: Sweco har som ein del av arbeidet med vassforsyningsplanen kartlagt moglege vasskjelder for hyttene i Kovstulheia-Russmarken. Følgjande vasskjelder er vurdert; Kovstulvatn/Toskjær, Fikstjønn, Gjuvåa, Heddersvatn, Vommetjønn, Langetjønn, Sjåvatn, grunnvatn frå Russmarken og fjellbrønnsystem. Dei fleste av desse alternativa er vurdert som uaktuelle. Dei som i dag har innlagt vatn i området får dette frå borebrønnar i fjell. Planen seier at dette er eit mogleg alternativ, men at løysinga er kostbar og vil gje store driftsmessige utfordringar. Planen seier at grunnvatn berre bør vurderast som supplerande eller beredskapsmessig vasskjelde. Planen konkluderar med at å overlate vassforsyninga til den enkelte hytteeigar er ein kortsiktig og dårleg løysing. Med den omfattande utbygginga som er planlagt vil faren for forureining og tørrlegging av enkeltbrønnar inne i hytteområda vere stor. Brønnar som forsyner to eller fleire hytter vil ha dei same parameterkrav til drikkevatnet som godkjenningspliktige vassverk. Planen konkluderar med Sjåvatn er best eigna som felles vassforsyningskjelde. Vatnet er stort og dypt. Det er liten menneskeleg aktivitet og det er lite beiting og dyrehald i det store nedbørsfeltet. Vasskvaliteten er god, og det vil truleg berre vere nødvendig med enkel vassbehandling. Ulempa med Sjåvatn er at det ligg relativt langt frå vassforsyningsområdet. Det er òg knytt usikkerheit til kva for konsekvensar det vil ha at Sjåvatn er ein del av eit verna vassdrag. I og med at vatnet er stort, vil ikkje vassuttaket til drikkevatn påverke vassnivå og minstevassføring. Ut frå dei opplysningane som kjem fram i vassforsyningsplanen meiner rådmannen at kommunen står overfor to val;

6 bygge ut ei samla vassforsyning med Sjåvatn som vasskjelde revurdere (dvs redusere) planlagt omfang av hyttebygging i Kovstulheia-Russmarken. Dersom Hjartdal framleis skal satse på, og leggje til rette for hyttebygging, må det etter rådmannen si vurdering bli etablert ei felles vassforsyning i Kovstulheia-Russmarken. Konsekvensen av å etablere felles vassforsyning med Sjåvatn som vasskjelde vil etter rådmannen si meining vere at dagens restriksjonar rundt Sjåvatn må oppretthaldast. Det er såleis viktig å sjå denne saka i samband med kommuneplanen sin arealdel som nå er i sluttfasen av planprosessen.. Økonomi Sweco sitt kostnadsoverslag for bygging av vassverk med Sjåvatn som kjelde samt hovudleidning og nødvendige høgdebasseng og trykkaukestasjonar er berekna til 50 millionar kroner. I tillegg kjem kostnadar for grunnerverv, leidningsnett i hyttefelta og finansieringskostnadar. Det vil, etter rådmannen si vurdering, vere sjølvkostprinsippet som må leggjast til grunn for finansiering av ei felles vassforsyning. Dersom det er opp til den enkelte hytteeigar om dei vil kople seg på, er rådmannen redd for at det vil vere få abonnentar å dele kostnaden på. Dei som har høg sanitær standard på hytta i dag har allereie etablert si eiga vassforsyning. Så lange denne fungerar vil dei truleg ikkje ønskje å kople seg på eit fellesanlegg. Rådmannen ser derfor ingen annan løysing enn at kommunen krev tvungen påkopling i vassforsyningsområdet. Det følgjer ein påkoplingsplikt direkte av plan- og bygningslova når offentleg vassleidning går over eigedomen eller i veg som støyter til den, eller over nærliggjande areal. Hovudomsynet er å sikre helsemessige tilhøve. Tilknytingsplikta bidreg òg til at den offentlege vassforsyninga blir bygd ut og drive på ein effektiv måte. Plikta til tilkopling oppstår når det blir bygd ut offentleg vassleidning i eit område. Kloakkutbygginga i Kovstulheia-Russmarken er nå i gang. Det er etter rådmannen si meining viktig at det blir teke omsyn til vassforsyning når det blir greve grøftar og lagt ned leidningar. Samtidig vil det ta tid før vassverket er utbygd og tilkopling av abonnentar vil kunne skje. Kommunen må, etter rådmannen si meining, leggje ansvaret for ei utbygging til RVA. Kostnadane knytt til ei utbygging må forskotterast. Det kan løysast ved at kommunen stiller med lånegaranti overfor RVA. Forskotteringa vil bli ført som eit negativt sjølvkostfond der kostnadane blir dekt inn via tilkoplingsavgift og årsavgift over tid. Framdrift Sweco tilrår at kommunen først tek ei prinsipiell stilling til om det er aktuelt å gå vidare med planane om felles vassforsyning for Kovstulheia-Russmarken. Vedtaket i denne saka vil gje svar på den problemstillinga. Neste fase vil vere miljøundersøkingar og konsekvensvurderingar, samt innhenting av grunnlagsdata. Når dette er gjort må det utarbeidast ein konsesjonssøknad til NVE for vassuttak frå Sjåvatn. Vidare prosjektering vil vere avhengig av at konsesjon blir gjeve. RÅDMANNEN TILRÅR: 1. Kommunestyret ser på Kovstulheia-Russmarken som eit prioritert utbyggingsområde.

7 2. Kommunestyret ser at felles vassforsyning i Kovstuleheia-Russmarken er nødvendig for sikre ein trygg og stabil vassforsyning i området. 3. Kommunestyret ber rådmannen om å søke NVE om konsesjon for uttak av drikkevatn frå Sjåvatn. 4. Kommunestyret pålegg Russmarken VA AS (RVA) å leggje til rette for vassforsyning i Kovstulheia-Russmarken i samband med den pågåande kloakkutbygginga. 5. Kommunestyret stiller dei nødvendige kommunale lånegarantiar til RVA som er nødvendige for å gjennomføre utbygging. 6. Kommunestyret legg til grunn at utbygginga skal finansierast ved 100% sjølvkost og tvungen påkopling i vassforsyningsområdet.

8 Hjartdal kommune Styre, råd, utval Møtedato Saknummer Sakshandsamar Utval for næring og teknikk /12 HH Saksansvarleg: Harald Helliksen Arkiv: GBNR- 1/6 Arkivnr.: 12/1629 SØKNAD OM KONSESJON VED OVERTAKING AV EIGEDOMEN LISLERO, GNR. 1, BNR. 6. Dokument i saka: Nr T Dok.dato Avsendar/Mottakar Tittel 1 I Hans Petter Larsen KONSESJONSSØKNAD Svalheim 2 I Ellen Johanne Svalheim KONSESJONSSØKNAD Aktuelle lover, forskrifter, avtaler m.m.: LOV nr 98: Lov om konsesjon ved overtaking av fast eigedom (konsesjonslova) mv. Saksgang: Utval for næring og teknikk avgjer saka. Bakgrunn for saka: Ellen og Hans Peter Svalheim, Tvedestrand, søkjer om konsesjon på eigedomen Lislero, gnr. 1, bnr. 6. Dei er ektefellar. Kjøpesummen er kr Overdragar er Gunhild Torsdotter Dølen. Lislero har i følgje jordregisteret eit totalareal på 256 dekar der ca. 10 dekar er dyrka jord, 5,2 dekar innmarksbeite, 151,6 dekar produktiv skog og 87 dekar andre areal. Eigedomen er jamt over svært brattlendt. I følgje søknaden står desse bygningane på eigedomen: våningshus, eldhus, bur, vedskjul, uthus med fjøs/låve, stall og smie. Det blir oppgjeve at bur og stall er i middels stand, og at dei andre bygningane er i dårleg stand. Eigedomen har i seinare år vore nytta til fritidsformål. Enga nærmast E134 (ca. 7 dekar) blir slått av ein nabo. Eigedomen er elles prega av attgroing. Søkjarane skriv at dei har planar om å setja i stand bygningane slik at eigedomen kan bli ein buplass med dagens standard. Dei ønskjer å gjenopne kulturlandskapet ved bruk av beitedyr og

9 slått. Etablering av arbeidsplassar (kontorareal) og bruk av eigedomen i fagleg samanheng kan også vera aktuelt (biologi/kulturlandskapsforvaltning). Når det gjeld kvalifikasjonar, opplyser Hans Peter Svalheim at han har vakse opp på gard med husdyr og elles har ein god del praktisk erfaring med gardsdrift. Ellen Svalheim har vakse opp på gard med husdyr og har også erfaring med gardsdrift. Ho har utdanning og praksis som biolog med vekt på forvaltning av kulturlandskap. Søkjarane skriv at Lislero manglar veg, straum, innlagt vatn og avløp, og at det krevjast omfattande investeringar og arbeid for å få dette på plass. Dei skriv vidare at dette gjer at det ikkje er mogleg for dei å forplikte seg til å flytte til Lislero innan eitt år, og at dei heller ikkje kan seia sikkert når det er mogleg for dei å busetja seg på eigedomen. Planen er at dei og yngstedottera flytter Lislero når det let seg gjera. Vurdering: Søknaden blir å vurdere etter 9 i konsesjonslova som seier at det ved avgjerd av søknad om konsesjon for erverv av landbrukseigedom skal leggjast serleg vekt på: 1. om den avtalte prisen tilgodeser ei samfunnsmessig forvarleg prisutvikling, 2. om formålet til ervervar vil ivaretaka omsynet til busettinga i området, 3. om ervervar er skikka til å drive eigedomen, 4. om ervervet sikrar omsynet til heilskapleg ressursforvaltning og kulturlandskapet. Lislero har 15 dekar jordbruksareal og 152 dekar produktiv skog og er å rekne som ein landbrukseigedom sjølv om landbruksressursane er relativt små. Vurdering av prisen på ein landbrukseigedom skal bygge på den avkastning eigedomen kan gje. Dersom landbruksressursane er marginale, kan ein sjå bort frå dette. Den avtalte prisen (= marknadsverdien) derfor godkjennast. På bakgrunn av utdanning og erfaringar, er det ikkje tvil om søkjarane er skikka til å drive eigedomen. Søkjarane sine planar for bruk av eigedomen vil etter rådmannen sitt syn sikre at omsynet til heilskapleg ressursforvaltning og kulturlandskapet vil bli ivareteke på ein god måte. Lislero ligg i eit viktig kulturlandskap. I denne samanhengen er utdanninga og praksisen til Ellen Svalheim verdifull. Det er positivt at søkjarane vil busetja seg på eigedomen. Lislero har vore ein buplass sjølv om det er lenge sidan nokon har budd der. Rådmannen meiner at eigedomen bør ha fast busetjing. Vilkår om personleg buplikt vil vera i samsvar med planen til søkjarane. Då Lislero manglar veg, straum, innlagt vatn og eit tidsmessig bustadhus, bør søkjarane få noko tid på seg før flytting til eigedomen. Rådmannen foreslår derfor at det blir sett som vilkår for konsesjon at søkjarane må flytte til Lislero innan 5 år. Dette har vore praksis i liknande saker. RÅDMANNEN TILRÅR: 1. Ellen og Peter Svalheim får konsesjon på eigedomen Lislero, gnr. 1, bnr. 6, til kjøpesum kr Konsesjon blir gjeven på vilkår av at Ellen og Peter Svalheim flyttar til eigedomen innan 1. januar 2018 og deretter sjølve bur på eigedomen i minst 5-fem- år i samanhengande.

10

11 Hjartdal kommune Styre, råd, utval Møtedato Saknummer Sakshandsamar Utval for næring og teknikk /12 HH Saksansvarleg: Harald Helliksen Arkiv: GBNR- 50/2 Arkivnr.: 12/1531 SØKNAD OM KONSESJON VED OVERTAKING AV EIGEDOMEN TRAIN, GNR. 50, BNR. 2 OG GNR. 53, BNR. 15. Dokument i saka: Nr T Dok.dato Avsendar/Mottakar Tittel 1 I Torbjørn Haugen SØKNAD OM KONSESJON PÅ TRAIN GNR 50 BNR 2 Vedlagde dokument: Skriv av som er lagt ved dokument nr. 1. Aktuelle lover, forskrifter, avtaler m.m.: LOV nr 98: Lov om konsesjon ved overtaking av fast eigedom (konsesjonslova) mv. Saksgang: Utval for næring og teknikk avgjer saka. Bakgrunn for saka: Torbjørn Haugen søkjer om konsesjon på eigedomen Train, gnr. 50, bnr. 2. Seljar er Ole-Henrik Larsen som er busett i Skjeberg. Avtalt kjøpesum er kr Train har i følgje jordregisteret eit totalareal på 605,6 dekar der 35,8 dekar er dyrka jord, 310,5 dekar produktiv skog og 255,4 dekar andre areal (uproduktiv skog, myr, fjell). Bygningar på garden er bustadhus, stabbur, låve, sag og garasje. Det er oppgjeve at bustadhuset har middels standard. I følgje søknaden har han plan om å leige ut dette huset. På Grimsås (gbnr. 53/15) er det hytte og uthus. I tillegg er det fiskerettar, beiterett, jaktrett og del i sameige ved stulen Takhol. Torbjørn Haugen er eigar av Haugen, gnr. 47, bnr. 2 m.fl., som i følgje jordregisteret har eit totalareal på 747,3 dekar der ca. 24 dekar er fulldyrka jord, ca. 28 dekar innmarksbeite, ca. 246 dekar produktiv skog og ca. 445 dekar andre arealtypar. Torbjørn Haugen opplyser at han har leigd jordvegen på Train sidan 1991 og til i dag. Garden har elles vore i slekta hans sidan Han hentar mykje av grovforet sitt på Train og er svært avhengig av garden til for og spreieareal. Han har nettopp mista ein god slåtteteig og skriv at dersom Train og går tapt, trur han at det ikkje vil vera mogleg å fortsetja drifta si. Han og kona er bønder på heiltid og har 16 mjølkekyr og 25 ungdyr (ca. 1,6 årsverk). Dei leiger 5 andre eigedomar i tillegg til Train. Desse eigedomane er

12 ikkje så lettdrivne og flate som Train. Dei skriv til slutt at dei håper kommunen ser med velvilje på denne søknaden då det er svært viktig for å kunne fortsette med jordbruk. Vurdering: Ved avgjerd av søknad om konsesjon for erverv av eigedom som skal nyttast til landbruksformål skal det i følgje 9 i konsesjonslova leggjast vekt på: 1. om den avtalte prisen tilgodeser ei samfunnsmessig forsvarleg prisutvikling, 2. om formålet til kjøpar vil ivaretaka omsynet til busetjinga i området, 3. om ervervet vil vera ei driftsmessig god løysing, 4. om kjøparen er skikka til å drive eigedomen, 5. om ervervet sikrar omsynet til heilskapleg ressursforvaltning og kulturlandskapet. Den avtalte prisen er i samsvar med takst utarbeidd av firmaet Idland & Lofthus Taksering AS. Den største verdien, kr , ligg i bygningsmassen. Verdien på jordbruksarealet er sett til kr og skog/utmark til kr Rådmannen finn at taksten gjev eit greitt bilde av verdiane til eigedomen, og at den avtalte prisen dermed er forsvarleg. Avstanden mellom den opphavlege eigedomen til søkjar og konsesjonseigedomen kan vera ei ulempe med tanke på felles drift av dei to eigedomane. Då far til søkjaren og deretter søkjaren sjølv har drivi Train frå ca og fram til i dag, ser ikkje rådmannen grunn til å leggja noko særleg vekt på dette. Det er ingen tvil om at søkjaren er skikka til å drive eigedomen. Han og kona er i følgje søknaden bønder på heiltid med ca. 1,6 årsverk. Ervervet vil styrkje næringsgrunnlaget til søkjaren. Han har, som nemnt over, ca. 16 mjølkekyr og ca. 25 ungdyr. For heiltidsbønder er det verdifullt å bli mindre avhengige av leigejord. Det er positivt at den som driv jordbruksareal, også er eigar av areala. På bakgrunn av desse forholda, finn rådmannen at ervervet sikrar omsynet til heilskapleg ressursforvaltning og kulturlandskapet. For å ivaretaka omsynet til busetjinga i området, meiner rådmannen at dette må sikrast gjennom fastsetjing av vilkår for konsesjonen. I denne samanhengen kan to alternativ vera aktuelle: 1. søkjaren blir pålagd å leige ut bustadhuset på Train som heilårsbustad. Eit slikt vilkår kan gjerast gjeldande for heile eigartida til søkjaren. 2. søkjaren blir pålagd å selja bustadhuset med høveleg tomt som heilårsbustad. Bruk som heilårsbustad betyr at dei/den som bur i huset, må vera registrert som busette der i Folkeregisteret. Søkjaren har gjeve signal om at begge alternativa er akseptable for han. Rådmannen meiner at alternativ 2 er det beste med tanke på sikring av stabil fast busetjing (ein vil tru at det då vil vera mest sannsynleg at kjøpar av bustaden sjølv vil busetja seg der). Det bør og setjast som vilkår at søkjaren blir buande på sin opphavlege eigedom i minst 5 år framover. RÅDMANNEN TILRÅR: Torbjørn Haugen får konsesjon for overtaking av eigedomen Train, gnr. 50, bnr. 2, samt gnr. 53, bnr. 15 til kjøpesum kr Konsesjon blir gjeven på vilkår av at:

13 1. Tunet på Train med aktuelle bygningar og høveleg tomt må innan seljast som heilårsbustad med fast busetjing. Storleik og avgrensing av bustadtomt skal fastsetjast i samråd med Hjartdal kommune. 2. Torbjørn Haugen må bli buande på Haugen, gnr. 47, bnr. 2, samanhengande i minst 5 år framover.

14