- perla ved Sognefjorden - Budsjett 2015 Investeringsprogram 2015 2018 Rådmann sitt arbeidsgrunnlag 27.10.2014
Del VII - Investeringsprogram
Investeringsprogram 2015-2018 A. Samla oversikt I tabellen over investeringar samla er investeringsprosjekt i Balestrand kommune som ikkje er venta avslutta i 2014 vist. For dei fleste prosjekta vil det ikkje vere ny kostnadsramme eller finansiering, men ei forskyving i tid. Desse prosjekta vil bli budsjettert på nytt med attståande kostnadsramme/finansiering i eiga sak, og då samordna med det endelege budsjettet. For 2015 og dei andre åra i økonomiplanperioden er investeringsprosjekta budsjettert som nettokostnad. Dette vert frå no likt med budsjettering i driftsbudsjettet, og er gjort då kompensert meirverdiavgift no i heilskap skal førast som inntekt direkte på det einskilde investeringsprosjekt. I investeringsprogrammet er i hovudsak berre vidareføring av påbyrja og tidlegare planlagde prosjekt. Det er eitt nytt prosjekt som er teke inn, og det er planlegging av opprusting av Sagatun barnehage. Det vert vist nærare til omtale av dei einskilde prosjekta.
B. Prosjekta i økonomiplanen IKT-investeringar Ansvar 120, Prosjektnr. 100 Drift av ein kommune i dag krev løpande oppgradering av IKT maskin- og programvare. Budsjettposten er ei rammeløyving som skal ta høgd for kostander i samsvar med IKT plan for kommunen. Det vert å komme attende til eit eige handlingsprogram til denne som viser kva tiltak som skal gjennomførast i 2015 og åra i planperioden. Investeringar i IKT har kort avskrivingstid. Ideelt burde desse investeringane vore finanisert med driftsmidlar. Kostnad inkl. mva 600 600 600 600 Kraftfond 1 Lån -600-600 -600-600 Sentrumstiltak Ansvar 300, Prosjektnr. 400 Det er gjort ei samla budsjettløyving på 6.326.000 til gjennomføring av fleire delprosjekt i Balestrand sentrum. Det er gjennomført følgjande prosjekt i samsvar med prioritering gjort av kommunestyret for gjennomføring: Tettstadsanalyse servicebygget, skulpturen «Fyrtårn for reisande» renovering av kaia (eigen finansiering) Gangvegane i og ved parken. Prosjekt som står att og er planlagt gjennomført i 2015 er tilrettelegging av p-plassar ved Gamle Essoen og gateløp ved Norsk Reiselivsmuseum. Det er ikkje føresett nye og auka kostnader ut over det som er ramme i prosjektet. Kostnad 2304 Kraftfond 2-2304 Omsorgsbustader Bala «Eplehagen» Ansvar 300, Prosjektnr. 713 Omsorgsbustadene på Bala har vore prosjektert gjennom 2014. Det er utarbeida eit endeleg skisseprosjekt med kostnadsoverslag (16.09.14). I samband med skisseprosjektet er kostnadskalylene vurdert meir detaljert enn tidlegare i prosjektet. Kostnadene er i følgje dette auka slik at kommunen sitt lånebehov er auka frå 10,5 til 16,9 mill. kr. I tillegg er sal av fast eigedom på 2 mill. føresett som tidlegare. Bakgrunn for auken i kostnader er at det vert bygd 9 bu einingar i staden for 8, samt at areal til fellesareal, tekniske areal og personalareal er ein god del større enn først lagt til grunn. Uteareal med parkering, carportar og hageanlegg var også underestimerte i tidlegare kalkyler. Prosjektgruppa har
saman med arkitekt bearbeidd skisseprosjektet og konkludert med at den løysinga som no ligg føre vil vere optimal. Den vil både gje grunnlag for rasjonell drift innan pleie og omsorg, og samstundes god bukvalitet for framtidige bebuarar. Etter drøfting og avklaring i formannskapet 18.09.14 er dette skisseprosjektet lagt til grunn for vidare budsjettarbeid og arbeid med forprosjekt og utarbeiding av anbodsgrunnlag, jf. konklusjon i frå møtet; Formannskapet drøfta saka og bad prosjektgruppa jobbe vidare med planane basert på revidert skisseprosjekt 16.09.14, og som følgje av dette revidert kostnadskalkyle 02.09.14. I dette vert det lagt opp til at naudsynt endring av kostnadsramme vert teke høgde for i kommande budsjetthandsaming. Formannskapet er vidare klar over at prosjektet sine rammer og føresetnader, i dette også kostnadsramme, kan måtte bli justert etter at abodsprosess er gjennomført og konkrete tilbod ligg føre. Byggeprosjektet skal etter framdriftsplanen vere klart til å lysast ut på anbod i starten av des. 2014. Kostnad 17700 12421 Tilskot Husbanken -5100-6584 Lån -12600-3837 Sal eigedom -2000 Bustad-/næringsareal Ansvar 300, Prosjektnr. 800 Det er sett av ein rammepott til kjøp og opparbeiding av bustad og eller næringsareal for åra 2015-2018. Det er føresett eigne politiske saker for å avklare konkrete prosjekt. Midlane i 2014 vart nytta til kulturminneregistrering og grunnundersøking på Holmamyrane og reguleringsplan for næringsområde på Nessane. Kommunen har no seld alle dei kommunale tomtene i bustadfelta i tilknyting til Balestrand sentrum. Det er difor svært aktuelt legge til rette for nye tomter eller bustadfelt i dette området. Kostnad 400 500 500 500 Lån -400-500 -500-500 Tilpassing av traktorar til uteseksjonen brøyteplater m.m. Ansvar 300. Prosjetnr xxx Balestrand kommune har to traktorar som er nytta til transport og som bæremaskinar for reiskap til brøyting, feiing, kantslått og liknande. Traktorane vart kjøpte brukt for 5 år sidan og er ca. 10 år gamle. Dei som bruker utstyret i dag er ikkje nøgd med funksjonalitet og arbeidsmiljø for alle opperasjonar, då mykje av utstyret er montert bak på traktoren. Ein har sett på ei løysing med eit frontmontert brøyteplate på eksisterande traktorar. Dette gjer at ein kan nytte frontmontert brøyteutstyr og klippeaggregat. Kostnaden med dette samt nye tilpassa brøyteskjer og klippeutstyr vil vere ca. kr 240.000. Ein vil med ei slik løysing også få eit betre arbeidsmiljø og betre funksjonalitet. Ein vil her også ha ein fordel med at vi også kan nytte alt utstyr på begge doningane om eit anna. Kostnad inkl. mva -240 Lån -240
Kommunale bilar. Ansvar 120, Prosjetnr 101 Kommunen står framføre fornying av leasingavtaler for vaktbil til teknisk avdeling. Det er i tillegg eit krav om at det er tilgjengeleg bil for legevakt på dagtid medan kommunen sjølv har legevakta. Dette i tilfelle trong for utrykking. Det er vurdert at det er mest økonomisk lønsamt å eige desse bilane sjølve. Vaktbil kan vere ein noko brukt varebil. Legevaktbil kan også vere ein varebil med nøktern standard då denne vil nyttast lite og i all hovudsak til lokal kjøring. Det er sett opp ei samla kostnadsramme for desse to bilane. Kostnad inkl. mva 250 Lån -250 Sagatun skule tilrettelegging for folkebibliotek i B-bygget Ansvar 300 Balestrand folkebibliotek er flytta til Sagatun skule og samorda med skulebiblioteket som føresett. Tiltak som har vore føresett gjennomført i samband med dette, er å tilrettelegge for betre toalettilhøve i den byggeiniga biblioteket no er i. Ein har sett på løysingar utan at prosjektet er detaljprosjektert og eksakt kostnadsrekna. Så langt vurderer ein at tiltaket kan gjennomførast innan for ei kostnadsramme på kr 220.000,- Kostnad inkl. mva 220 Lån -220 Eigenkapitaltilskot - KLP Ansvar 800, Prosjektnr. Det må setjast av midlar til eigenkapitaltilskot til KLP for kvart år i planperioden. Dette er ein kostanden skal førast i kapitalrekneskapen og som det ikkje er høve til å lånefinansiera. Kostnad 500 500 500 500 Overføring frå drift -500-500 -500-500 Kyrkjestove Ansvar 100 Balestrand Sokneråd har teke opp med Balestrand kommune finansiering av bygging av ny kyrkjestove, seinast ved brev 09.10.13. Kyrkjestova på ca. 90 m2 er planlagd bygd ved Tjugum kyrkje. Prosjektet er kalkulert til å ha ein totalkostnad på kr 2.500.000 inkl. mva. Soknerådet ber om at Balestrand kommune bidreg med lånefinansiering på 1.500.000 og i tillegg kommunal løyving på 250.000. Slik ein forstår det er det lagt opp til at avkastning frå Thorbjørnsens legat skal dekke rentekostnadene med lånet og at Balestrand kommune skal dekke dei årlege avdraga. Det er vidare føresett at bunde driftsfond som Soknerådet disponerer på kr 250.000 og mva- kompensasjon på kring 500.000 vert nytta til finansiering.
Det vert frå Balestrand kommune si side føresett større grad av eigenfinansiering gjennom gåver m.m. Frå Balestrand kommune vert det føresett å dekkje kostnadene med eit lån på kr 1.200.000. Det vert samstundes i driftsbudsjettet føresett eit tilskot til kommunen på kr 33.000 pr. år for å dekke rentekostnadene slik dette er skissert. Kostnad inkl. mva 1200 Lån -1200 Kommunedelplan for idrett, friluftsliv og fysisk aktivitet Kunstgras Kreklingen Ansvar 300 Kommunedelplan for idrett, friluftsliv og fysisk aktivitet går frå 2012-2015. Utskifting av kunstgrasdekket låg i utgangspunktet inne i 2015, men vart flytta til 2016 ved siste budsjetthandsaming, og med det til langtidsprogrammet i kommunedelplanen. Bana er i år 11 år gamal og kan etter reglane få spelemidlar til renovering, og prosjektet er teke inn i langtidsprogrammet i regional plan for fysisk aktivitet, idrett og friluftsliv. Kunstgraset er mykje slitt og bana har no ikkje den standard den hadde då den var ny. Bana vert ut i frå dette meir kompakt og får større friksjon. Dette gjev større slitasjeskadar for dei som trener mykje, og det vert også større fare for direkte skadar i trenings- og spelsituasjonar. Bana har med dette også fått forringa drenering, slik at det vert overflatevatn på bana ved mykje regn. Bana har blitt eit viktig grunnlag for aktivitet i idrettslaget og etter kvar i langt større grad også for Sygna vidaregåande skule sine tilbod innan idrett. Prosjektet er føresett gjennomført som eit samarbeidsprosjekt i første rekke med Balestrand idrettslag. Spelemidlar må ein pårekne å måtte forskottere nokre år. Kostnad 2700 Tilskot, spelemidlar -1100 Lån - ny -1100 Eigeninnsats -500 Sagatun barnehage grovgarderobar og renovering (nytt prosjekt) Ansvar 300, Prosjetnr xxx Balestrand kommune har fått eit vedtak frå Miljøretta helsevern 26.12.13. Dette pålegg kommunen å tilrettelegge for oppbevaringsplass for vogner dersom det ikkje er plass til alle på småbarnsavdelinga å sove inne, samt utvide grovgarderobane dersom ikkje det er råd å organisere barnehagen slik at ytterklede og yttersko ikkje vert tekne inn i fingarderobane slik praksis er i dag. Vurdering frå kommunalsjef for oppvekst og styrar i barnehagen er at dette er vanskeleg/uråd å få til slik barnehagen er i dag. I tillegg har generell standard i barnehagen vore drøfta ved fleire høve. Det har ut i frå dette vore gjennomført ei vurdering av barnehagen av administrasjonen v/plan og utviklingsavdelinga. Kommunalsjef for oppvekst og styrar i barnehage har vor trekt inn i vurderingane. FAU i Sagatun barnehage har også vore med på møte og synfaring 22.08.14. I eit eige notat er det vurdert 3 strategiar med ulikt omfang, samt flytting av barnehagen til området ved Sagatun skule.
Konklusjonen, teke i samråd med rådmannen, er å velje ein strategi med noko meir omfattande tilrettelegging enn det krava frå miljøretta helsevern skisserer, for då samstundes å kunne gje barnehagen ei standardheving: Samla oppgradering for å få eksisterande barnehage meir opp til dagens standardkrav. Det vert lagt opp til samla oppgradering av heile barnehagen for å imøtekomme krav frå miljøretta helsevern, samt få eksisterande barnehage meir opp til dagens standardkrav. Det vert ut i frå dette lagt opp til å vurdere følgjande moment: 1. Naudsynt påbygg og/eller ombygging for å få på plass tilstrekkeleg areal til grovgarderobar 2. Nye og utvida lager for vogner og uteleikar. 3. Generell oppussing av innvendige overflater (veggar, tak og dører) 4. Vurdering av akustikk på Ormen Lange og tilpassing av opprusting til dette. 5. Skifte utvendig taktekking. 6. Vurdere overbygd inngang frå parkeringsplass (redusere behov for snørydding) Det vert sett av ei kostnadsramme på kr 100.000 for å engasjere arkitekt/teknisk kompetanse for å lage skisseprosjekt med enkel teknisk beskriving og kalkyle Kostnadene er stipulert til å kunne vere ein stad mellom 3-5 mill for ei slik samla tilrettelegging. Dette vert nærare avklart gjennom prosjekteringsarbeida. Førebels er sett av kostnader til planmessig utgreiing. Kostnad inkl. mva 100 Lån -100 C. Finansiering av investeringar Det vert vist til samletabell under punkt av for finansiering av investeringane. Det går her fram føresett finansiering av kvart einskild prosjekt, samt samla oversyn over ulike finansieringskilder for investeringsprogrammet totalt.