SAKSFRAMLEGG. Sakshandsamar: Vidar Roseth Arkivsaksnr.: 06/482

Transkript

1 SAKSFRAMLEGG Sakshandsamar: Vidar Roseth Arkivsaksnr.: 06/482 Arkiv: F00 ARBEIDS- OG VELFERDSKONTOR I BALESTRAND KOMMUNE - MÅL, INNHALD OG FRAMDRIFTSPLAN Vedlegg: Bakgrunn: Sak 3/07 i utval for oppvekst og omsorg Prosjektplan og aktivitetskalendar. Handbok for etablering av NAV-kontor. Brev av frå Barne- og likestillingsdepartementet. Lovheimel: SAKSOPPLYSNINGAR I sak 3/07 i utval for oppvekst og omsorg tok utvalet stilling til ein førebels prosjektplan for NAVkontor i Balestrand kommune. Etter seinare justeringar er det fastsett slik organisering og framdriftsplan: Prosjektorganisering: Styringsgruppe Prosjektgruppe Rådmann Vidar Roseth Fylkesdirektør Tore Thorsnes Sosialkons. Vigdis Sæterbø, prosjektleiar Utvalsleiar Anne Margrete Kråvik Sosialleiar Ingrid S. Sunde, tillitsv. FO Britt H. Sundgot, repr. for NAV lokalt Kontaktperson NAV Lone Hovland Framdriftsplan: November 2007 Mål og innhald skal vere avklara Desember 2007 Prosessen med rekruttering av NAV-leiar startar Desember 2007 Anbodsutlysing i høve til lokale August 2008 Leiar for NAV-kontoret i Balestrand tek til i stillinga August 2008 IKT-prosjektet vert starta opp November 2008 Lokala skal vere klare Desember 2008 Samarbeidsavtale er inngått og det er utarbeidd driftsbudsjett Februar 2009 Opning av NAV-kontoret i Balestrand

2 Etter drøftingar i styringsgruppa og prosjektgruppa går det mot ein konklusjon om at alle tenestene/oppgåvene som ligg til dagens sosialteneste vert overført til NAV-kontoret (med unnatak av oppgåver knytt til sals- og skjenkeløyve). Det er så langt ikkje identifisert særlege behov i Balestrand kommune som tilseier at det vert sett opp andre særskilte mål for eit NAV-kontor i Balestrand enn dei måla som er trekt opp for NAV-reforma generelt. Det er heller ikkje grunnlag for ein konklusjon om at andre oppgåver vert lagt inn i NAV-kontoret. Men det vil vere aktuelt med samarbeidsordningar med m.a. andre kommunale einingar og tenester. Det som må avklarast innan kort tid, er den organisatoriske plasseringa av barneverntenesta. Sosial- og barneverntenesta har i dag desse stillingane: Sosialleiar 100 % Sosialkonsulent 100 % Barnevernmedarbeidar 45 % Heimekonsulent 30 % Totalt 275 % Det er sosialleiar si vurdering at i underkant av ei stilling samla vert nytta i høve til sosiale tenester, medan resten av ressursane vert nytta i høve til barnevernoppgåver. Det er avklara at NAV vil gå inn med 1,5 stilling i NAV-kontoret i Balestrand. Prosjektplan og aktivitetskalendar vil verte lagt fram i møtet. VURDERING Etter rådmannen si vurdering finst desse alternative løysingane når det gjeld plasseringa av barnevernet: 1. Barnevern vert utskilt, og vert ei eiga kommunal eining I denne modellen vert det 2-3 personar (inntil 1,75 årsverk) som arbeider med barnevern i kommunen og som då vil utgjere ei eiga barneverneining. Føremoner: Unngår å måtte tilpasse barneverntenesta til eit NAV-kontor. Ulemper: Vert eit sårbart opplegg og eit lite fagmiljø/få å samarbeide med om fagfeltet i kommunen. At kommunen berre går inn med ein person i NAV-kontoret medfører at dette kontoret får nokså få tilsette og også vert ei høvesvis lita/sårbar eining. 2. Barnevernet vert utskilt og knytt til ei anna kommunal eining Det er planar om å vurdere ei samordning av ressursinnsatsen mot barn og unge i kommunen. Barnevernet kan verte knytt til helsestasjonen eller til ei anna organisatorisk eining som samordnar tenester overfor barn og unge i kommunen. Føremoner: Kan vere ei føremon i høve til dei samla tenestene til barn og unge i kommunen. Dei tilsette som arbeider med barnevern vert del av eit større miljø. Ulemper: At kommunen berre går inn med ein person i NAV-kontoret medfører at dette kontoret får nokså få tilsette og også vert ei høvesvis lita/sårbar eining. 3. Barnevernet vert utskilt, og kommunen kjøper barnevernteneste frå vertskommune i regionen

3 Etablering av ei felles barnevernteneste for 8 kommunar i Sogn er under vurdering. Det er skissert ein modell der kommunen kan velje å sette bort barneverntenesta til ei felleseining (formelt sett til vertskommunen). Føremoner: Får ei meir robust løysing, ei barnevernteneste med samla meir kompetanse, og i mange saker unngår ein at for stor nærleik og kjennskap til personar det gjeld skapar vanskar. Ulemper: Avstandar og redusert lokalkunnskap kan og vere ei ulempe, men dette vert ikkje vurdert til å ha veldig stor betydning. Dei personalmessige og økonomiske implikasjonane er usikre. Det er uvisst når ei interkommunal løysing kan vere i funksjon, men truleg kan dette skje mot utgangen av Her vil ein og ha utfordringa med at det vert eit lite NAV-kontor. 4. Barnevern utanfor NAV-kontoret, men til ei viss grad samlokalisert Dei personane som frå kommunen si side skal gå inn i NAV-kontoret vil og ha oppgåver i høve til barnevern, som i dag, med mindre ein vel ei anna organisering. I denne modellen ser ein føre seg at desse personane har delte funksjonar. Dei arbeider dels for NAV-kontoret og dels i kommunen si barnevernteneste. Dei nyttar ein del felles fasilitetar i NAV-kontoret, men det er ein eigen atskilt barneverndel med eigen inngang og eige kontor/møterom (i tilknyting til NAV-kontoret). Dei rapporterer til sin overordna i kommunen (hos oss: rådmannen) i høve til barnevernet, og til leiaren ved NAV-kontoret når det gjeld det øvrige arbeidsfeltet. Føremoner: Ingen endringar i personalforhold, nyttiggjer seg framleis kompetanse og lokalkunnskap til dei som har arbeidd i barneverntenesta. Klarer å oppretthalde ei eiga barnevernteneste i kommunen ved at dei tilsette i barnevernet og har andre oppgåver og er tilknytt eit større miljø. Ulemper: Dei tilsette vil vere under instruksjonsmynde av to leiarar og det kan oppstå konflikt i høve til prioritering av ressursbruk på barnevern og NAV-oppgåver eller i alle høve samordningsproblem. 5. Barnevernteneste som ein del av oppgåvene i NAV-kontoret Her ser ein føre seg at barnevern vert definert som ein del av oppgåvene og innhaldet i NAV-kontoret. Oppgåvene vert utført i dei same lokala, og av dei kommunalt tilsette som før. Føremoner: Unngår truleg å måtte etablere eigne, atskilte lokale for barneverntenesta. At det ikkje er eigen inngang for dei som oppsøker barneverntenesta kan vere ei føremon, snarare enn ei ulempe. Det er då ikkje openbart at dei besøkande skal til barnevernet. Ein leiar kan vurdere ressursbruken i høve til dei samla tenestene, ein unngår konfliktar/samordningsproblem som fylgje av delt leiing i høve til dei aktuelle tilsette. I høve til nokre familiar vil barnevernet sine oppgåver kunne inngå i ei totalpakke når det gjeld tilrettelegging/løysingar. Ulemper: Kan vere stor skilnad på oppgåvene i høve til andre oppgåver i NAV-kontoret. Den strenge teieplikta knytt til barnevernssaker kan medføre ei utfordring. Leiaren av NAV-kontoret kan ha kvalifikasjonar som inneber at han/ho ikkje har kompetanse til å leie denne delen. Dei tilsette ved sosial- og barneverntenesta går sterkt i mot at barnevern vert definert som ein del av tenestene i NAVkontoret. I høve til modellane 1, 2, 4 og 5 ovanfor vil Balestrand kunne støtte seg på eit interkommunalt barnevernteam, dersom dette vert etablert. Det er semje i styringsgruppa om at stillinga som NAV-leiar i Balestrand bør lysast ut eksternt, og at denne utlysinga bør skje innan høvesvis kort tid. Men før dette bør det avklarast om barnevern skal vere ein del av innhaldet i NAV-kontoret. Det vil kunne ha betydning for kva kvalifikasjonskrav som skal setjast i høve til NAV-leiaren.

4 Vidare bør gjennomførast ei utlysing av anbodskonkurrane på NAV-lokale. Også i høve til dette hadde det vore ei føremon om innhaldet i NAV-kontoret hadde vore avklara, fordi dette får innverknad på tal stillingar og rombehov. Men det kan i ei utlysing førebels skisserast eit arealbehov i form av eit ca-areal eller eit intervall. Det er omsynet til kva som best vil tene dei borna og familiane det gjeld som bør vere styrande for korleis ein organiserer barneverntenesta. Oppgåvene i høve til barnevern er i sin art ein del ulike dei oppgåvene som primært er tenkt inn i NAV-kontor. I ein del tilfelle vil det gjelde dei same familiane, og det å sjå barnevern i samanheng med sosiale tenester, trygdetenester og arbeidsretta tiltak vil kunne inngå som ein del av eit samla opplegg for slike familiar. I slike høve kan det vere føremoner med å kunne sjå alle desse tenestene i ein samanheng. Det er elles eit tankekors at eit NAV-kontor der kommunen går inn med berre ei stilling, og ein samla vil ha 2,5 årsverk, vil verte eit NAV-kontor med eit høvesvis lite og sårbart miljø. Det er streng teieplikt knytt til barnevernet, og dette vil kunne vere eit moment som bidreg til å vanskeleggjere integrering av barnevern i eit NAV-kontor. Dette vert m.a. understreka i eit brev av frå Barne- og likestillingsdepartementet. Dette vil og kunne gjelde i høve til andre einingar/tenester som ein vurderer å knyte barneverntenesta til. Etter rådmannen si vurdering kan fokuset på teieplikt til tider vere så sterkt at det i praksis kan medføre fare for dårlegare løysingar for dei det gjeld. Nokre kommunar har vald å legge barnevernet i NAV-kontoret. Dette gjeld m.a. pilotkontoret i Selje, og leiaren for kontoret har gjeve uttrykk for at dette fungerer bra. NAV Sogn og Fjordane har uttalt at ein gjerne ser at barnevern vert ein del av innhaldet i NAVkontoret. Dei tilsette i Balestrand kommune si sosial- og barnevernteneste har som nemnt gått klart mot dette. Det er rådmannen si vurdering at dersom barnevernet vert samlokalisert med eit NAV-kontor, og det er dei same personane som skal utføre oppgåver i NAV som også skal arbeide med barnevern, så bør desse vere underlagt ein leiar. Det inneber då at barnevernet bør vere definert som ein del av innhaldet i NAV-kontoret. Å ha barnevern som ei eiga kommunal eining vil truleg ikkje vere ei fornuftig løysing. Rådmannen ser at det er grunnar som talar for å søke å samordne ressursane i høve til barn og unge, og at barnevernet då kan få ei plass i ein annen kommunal organisasjonsstruktur i samband med dette. Det kan og vere eit alternativ å overføre barnevernet fullt ut til ein vertskommune og kjøpe desse tenestene. Det står att mykje utgreiings- og planleggjingarbeid før ein ser om slike løysingar kan verte ein realitet. Det er såleis rådmannen si vurdering at ein ved planleggjing av NAV-kontor og ved tilsetjing av leiar for kontoret bør ta høgde for at barnevernoppgåvene i utgangspunktet vert ein del av NAV-kontoret. Det vil etter rådmannen si vurdering uansett løysing vere ei føremon om NAV-leiaren har sosialfagleg kompetanse. Dette fordi det vil vere verdifullt i høve til hovudtyngda av oppgåvene og arbeidsmåten i eit NAV-kontor. Rådmannen si tilråding

5 Det vert gjennomført anbodsutlysing i høve til NAV-kontor i Balestrand innan årsskiftet. I utlysinga tek ein arealmessig høgde for at barnevernet i alle høve for ein periode vert ein del av innhaldet i kontoret. Det vert gjennomført utlysing av leiar for NAV-kontoret innan årsskiftet. I utlysinga vert det m.a. stilt krav om at leiaren har sosialfagleg kompetanse. Balestrand kommune vil legge alle oppgåvene som i dag høyrer til sosialtenesta, med unnatak av saker som vedkjem sals- og skjenkeløyve, inn i NAV-kontoret. Det vert teke sikte på å fylgje framdriftsplanen skissert i saka og i fastsett prosjektplan og aktivitetskalendar.