rundskriv nr. 14 Frå: Utdanningsavdelinga Til: Dei vidaregåande skolane i Møre og Romsdal Dato: 10.07.2009 MR 26744/2009/040 Ref: Kompetanseutvikling skoleåret 2009/2010 Vi viser til rundskriv nr 5/09 der vi seier at det er viktig at flest mogleg av dei tilsette i vidaregåande opplæring får delta i kompetanseutviklande tiltak, slik at dette ikkje er avgrensa til kurs med eller utan studiepoeng. Ulike opplegg for erfaringsutveksling og refleksjon over eigen praksis på den enkelte skole og mellom skolane er viktig for å utvikle kompetansen til den enkelte og kompetansen i organisasjonen. Vi understrekar at kompetanseutvikling er viktig for både pedagogisk personale, merkantilt personale og driftspersonale på skolane. Alle tilsette spelar ei rolle i høve læringsmiljøet til elevane. Plan for arbeid med kvalitet i vidaregåande opplæring i Møre og Romsdal 2009-2013 (kvalitetsplanen) vart vedtatt av Fylkestinget i juni 2009 (sak T- 30/09). I kvalitetsplanen står følgjande: Kompetanse og kvalitet høyrer framtida til. Som aktiv medspelar satsar Møre og Romsdal fylke på framtida, for det er der vi skal vere. Mål for kompetanseutviklinga: Å utvikle skolane som lærande organisasjonar Å skape gode læringsmiljø Å følgje opp nasjonale satsingsområde Å etablere og styrke møteplassar horisontalt og vertikalt i utdanningssystemet og i fylket Program for kompetanseheving skoleåret 2009-2010 Hovudsatsingsområde Når det gjeld etterutdanning av pedagogisk personale på skolane, vil hovudsatsingsområda vere: Individuell vurdering IKT i fag Postadresse: Fylkeshuset, 6404 Molde Besøksadresse: Julsundvegen 9 Telefon: 71 25 87 60 Telefaks: 71 25 87 99 e-post: post@mrfylke.no www.mrfylke.no
Lokalt arbeid med læreplanar Alle lærarane skal delta i programmet, og opplæringa skal i all hovudsak vere skolebasert. Skolane må difor sørgje for at det vert avsett tid til denne etterutdanninga i samband med fastsetting av arbeidsplanar for dei tilsette. Individuell vurdering og IKT i fag Møre og Romsdal fylke har inngått eit samarbeid med Høgskolen i Volda om etterutdanninga innafor områda individuell vurdering og IKT i faga. Organisering og gjennomføring: Arbeid på skoleni vå (eks. 30. september Arbeid i fagnettv erk og på skoleniv å (januar) Arbeid i fagnettv erk og på skoleniv å Startsamling Midtvegssamling Sluttsamling (mai) Geirangersamli nga Samling rektor/ass.rektor (Februar) Rapportering Rapportering (des.) (april) Målgruppa for dei tre fellessamlingane er 2-4 leiarar for kvar skole og leiarane av fagnettverka. I representasjonen frå skolen skal minst eit medlem frå skolen si IKT-prosjektgruppe inngå. Deltaking er obligatorisk. Skoleåret 2009-2010 vil dei årlege samlingane for nettverksleiarane såleis bli utvida frå to samlingar til tre samlingar. Dato for første samling er onsdag den 30.09. Samlinga vil vere på hotell Alexandra i Molde. Vi vil kome attende med program for denne samlinga etter skolestart. Høgskolen i Volda vil ha det faglege ansvaret for fellessamlingane saman med utdanningsavdelinga. Tema på alle samlingane vil vere individuell vurdering og IKT i faga.
Høgskolen i Volda vil også utarbeide refleksjonsoppgåver som skolane kan arbeide med mellom samlingane. Det er ein føresetnad at skolane arbeider med vurdering og IKT i faga i løpet av heile skoleåret. Det er også viktig at fagnettverka arbeider jamnt gjennom året. Det bør vere minst ei fagnettverkssamling mellom kvar fellessamling. Lokalt arbeid med læreplanar Individuell vurdering, IKT i faga og prosjekt til fordjuping er alle knytt til kompetansemål i læreplanane. Som grunnlag for arbeidet kan ein nytte rettleiinga om lokalt arbeid med læreplanar som ein finn på skolenettet.no. Når det gjeld prosjekt til fordjuping (PTF) spesielt, er det viktig at skolane har utarbeidd lokale læreplanar og ei plan for gjennomføring av PTF lokalt. I arbeidet med læreplanar innafor dei ulike faga vil ein og måtte kartleggje behovet for fagkurs som vil måtte meldast til fagnettverket via fagkontaktane. Behovet for fagkurs vil såleis bli ein del av det arbeidet fagnettverka vil måtte vurdere å prioritere skoleåret 2009/2010. Forankring i skoleleiinga Det er særs viktig at skoleleiinga syter for at dei har god kompetanse innanfor individuell vurdering og IKT i faga, slik at dei kan legge til rette for kompetanseheving innanfor desse områda på eigen skole. Dei må også organisere personalet si arbeidstid på ein slik måte at det gjev rom for samarbeid om planlegging, gjennomføring og vurdering av opplæringa og for utvikling av eigen og kollektiv pedagogisk praksis, jf. Kvalitetsplanen. Når det gjeld IKT spesielt, er det viktig at denne etterutdanninga er forankra i skolen sin lokale handlingsplan utarbeidd gjennom IKT-abc. Fagnettverka organisering, rammer, ansvar Nettverksleiing Fylkesutdanningsdirektøren engasjerer nettverksleiarane for eitt skoleår om gongen. Det er avtalt ein frikjøpsressurs for kvar nettverksleiar. Nettverkskontaktar på utdanningsavdelinga Kvart nettverk skal ha ein nettverkskontakt på utdanningsavdelinga. Det er viktig at nettverkskontakten har god dialog med nettverksleiar gjennom året. Nettverkskontakten bør delta på minst ei nettverkssamling i løpet av året. Fagkontaktar Skolane har eit ansvar med å peike ut ein fagkontakt pr. nettverk. Fagkontakten har ansvar for å overføre informasjon frå nettverket til eigen skole. Struktur og møteplassar skal avklarast med leiinga. Skolane bes om å melde inn namn og kontaktinformasjon på fagkontaktane innan den 1.9. Denne informasjonen blir deretter formidla til nettverksleiarane. Det blir sendt ut eit eige skjema for dette som skolane skal fylle ut og returnere til utdanningsavdelinga.
Kompetansespreiing på skolane Rektor har eit særlig ansvar for å leggje til rette for kompetansespreiing på skolenivå. Skoleeigar er opptatt av at kvar skole må ha eit system for at arbeidet i nettverka når fram til alle lærarane innanfor kvart fag. Vi ønskjer derfor ei tilbakemelding frå rektor om korleis lærarane får kunnskap om nettverksarbeidet på deira skole som ein del av rapporteringa i desember/april. Nettverksmøte Det skal normalt haldast 2-4 nettverksmøte i løpet av skoleåret. Møta må leggjast til stader som gjer at reisetida blir så kort som mogleg. Utdanningsavdelinga dekker enkel servering på møta. Normalt skal ikkje serveringskostnadene overstige kr. 150,- pr. deltakar. Vikar- og reiseutgifter blir dekt over skolebudsjetta. Dette gjelder også utgifter knytt til eigne møte for arbeidsutvala. Det vil framleis vere mogleg for dei ulike nettverka å søke om midlar for å arrangere faglege kurs for større grupper lærarar. Merkantilt nettverk Det er eit eige nettverk for merkantilt personale. Det har vore samlingar for denne gruppa kvart andre år. Til hausten vil det vere samling i Ålesund den 11. og 12. november. Tema som takast opp på samlinga: offentleglova, handtering av vanskelege personar, Arbeidsgivarpolitikk for framtida../. Program er lagt ved. Leiarsamlingar Det vil som tidlegare år bli arrangert ulike leiarsamlingar i løpet av skoleåret. Vi har allereie nemnt fellessamlingane knytt til individuell vurdering og IKT i faga. Det vil i tillegg bli opplæring knytt til halvårsrapportering og utforming av IOP for alle avdelingsleiarane v/ skolane hausten 2009. Dato for dette vil kome på plass etter sommarferien. Det vil som før bli rektormøte jamnleg i løpet av året. Til hausten vil det bli tre slike møte: 17. september (kan bli flytta til den 15. eller den 16.) 4. november 10. desember
Den årlege samlinga for alle skoleleiarane i dei vidaregåande skolane, vil bli lagt til Hotell Union i Geiranger den 20.-22. oktober. Tema for samlinga vil vere skolebasert vurdering og individuell vurdering. I tillegg til denne samlinga, vil det i år bli arrangert ein Arbeidsgivarpolitikkkonferanse den 25.-26. november på Hotell Seilet i Molde. Arbeidsgivarpolitikk-konferansen vil ha fokus på leiarrolla og medarbeiderrolla for å skape motivasjon og gode vilkår for ein læringsorientert organisasjonskultur. Midlar til kompetanseheving Utdanningsavdelinga søkte om statlege kompetansemidlar innan fristen den 1. mai. Når det gjeld vidareutdanning, har vi fått tildelt 8 studieplassar der lærarane blir frikjøpt i halv stilling 40 % statleg finansiering, 40% finansiering frå skoleeigar og 20% eigeninnsats frå læraren sjølv. Når det gjeld etterutdanning, har vi fått tildelt midlar til arbeid med individuell vurdering, IKT i faga, rådgiving og prosjekt til fordjuping til saman 3.192.000,- Desse midlane vil bli fordelt mellom sentrale tiltak og øyremerka tilskott til skolane. Skolane vil få overført ekstra kompetansehevingsmidlar som skal brukast til arbeid med individuell vurdering og IKT i faga. Det vil bli overført kr. 1000,- pr. lærarårsverk til kvar skole. Med helsing Sverre Hollen ass. fylkesutdanningssjef Maria Ryan Tanem rådgivar Gjenpart: Fylkesdirektøren Fylkesordføraren Lærarorganisasjonane Utdanningsutvalet Yrkesopplæringsnemnda