Møteinnkalling for Formannskapet

Hjartdal kommune 3692 Sauland Møteinnkalling for Formannskapet Møtedato: 13.03.2013 Møtestad: Kommunehuset Møtetid: Kl. 17:00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Stad Sauland, 06.03.13 Sven Tore Løkslid ordførar Sakliste Sak nr. Saktittel 017/13 GODKJENNING AV MØTEBOK 018/13 FRAMLEGG TIL NY AREALDEL AV KOMMUNEPLANEN. AVKLARING AV MOTSEGN 019/13 TILBUDSSTRUKTUR I VIDEREGÅENDE OPPLÆRING - SKOLETILBUD 2020 - HØRING

Hjartdal kommune Styre, råd, utval Møtedato Saknummer Sakshandsamar Formannskapet 13.03.2013 017/13 IL Saksansvarleg: Ingebjørg Landsverk Arkiv: K1-, K2- Arkivnr.: 13/391 GODKJENNING AV MØTEBOK RÅDMANNEN TILRÅR Møteboka blir godkjent slik ho ligg føre.

Hjartdal kommune Styre, råd, utval Møtedato Saknummer Sakshandsamar Formannskapet 13.03.2013 018/13 AEB Saksansvarleg: Anne E. Bamle Arkiv: K1-140 Arkivnr.: 11/576 FRAMLEGG TIL NY AREALDEL AV KOMMUNEPLANEN. AVKLARING AV MOTSEGN Dokument i saka: Nr T Dok.dato Avsendar/Mottakar Tittel 22 S 23.11.2012 FRAMLEGG TIL KOMMUNEPLANEN SIN AREALDEL - HØYRING OG OFFENTLEG ETTERSYN 35 I 04.02.2013 Geir Hagen SØKNAD OM REGULERING AV EIGEDOMEN HAGEN GNR. 72/2 51 I 14.02.2013 Tom Brendemo INNSPEL TIL KOMMUNEPLAN - NÆRINGSTOMAREAL ØRVELLA GNR 79/6,12 52 I 15.02.2013 Fylkesmannen i KOMMUNEPLAN FOR HJARTDAL 2012-2020, Telemark 67 I 22.02.2013 region sør Statens vegvesen AREALDELEN - OFFENTLEG ETTERSYN UTTALE TIL FRAMLEGG TIL KOMMUNEPLANEN SIN AREALDEL 2012-2010 Vedlagde dokument: Dokument nr. 52, 67, 35 og 51 Kartutsnitt Sauland sentrum m/ørvella Kartutsnitt Tuddal Aktuelle lover, forskrifter, avtaler m.m.: LOV 2008-06-27 nr. 71: Lov om planlegging og byggesaksbehandling (pbl) Rundskriv /-5/95, Miljøverndepartementet Saksgang: Formannskapet avgjer saka Bakgrunn for saka: Ny arealdel av kommuneplanen har vore ute på høyring og offentleg ettersyn. Fylkesmannen i Telemark v/landbruksdirektøren har fremma 2 motsegn:

Område BN1 Sauland sentrum Framtidig ny veg utanom Ruegrenda I tillegg kjem Fylkesmannen med fagleg råd om å trekke M1 Masseuttak Ålamoen ut av planen. Fylkesmannen i Telemark v/miljøverndirektøren har fremma 5 motsegn: LNF-område med spreidd hyttebygging SH12 Sveigen Bustadområde B3 Staurhaugen Bustadområde B2 Haugen Område for massedeponi M3 Flatland LNF-område med spreidd bustadbygging SB2 Øverbøgrenda Fylkesmannen i Telemark v/fylkesberedskapssjefen har fremma motsegn til planen fordi risiko og sårbarheit ikkje er tilstrekkeleg følgt opp i føresegnene, punkt 1.1. C, punkt 3.2 og punkt 5.1 P. Rådmannen legg fram sak for formannskapet for avklaring av Område BN Sauland sentrum. I tillegg ynskjer Rådmannen ei avklaring rundt Ørvella med framlegg til nytt næringsområde som Statens vegvesen ber om at arealet vert trekt ut av planen. To uttalar i Tuddal vert og lagt fram for formannskapet til vurdering. I tillegg til høyringsuttalar frå overordna myndigheiter har det kome inn 23 uttalar frå grunneigarar som ber om at det opphavlege innspelet vert vurdert ein gong til. Vidare har det kome inn totalt 4 nye innspel. Desse uttalane og innspela vil bli lagt fram for handsaming samen med alle plandokumenta så snart motsegn er løyst frå kommunen si side, eventuelt trekt frå Fylkesmannen si side. Vurdering: Motsegn frå Fylkesmannen v/miljøverndirektøren Eigar har trekt innspelet sitt om massedeponi på Flatland. Rådmannen meiner at dei 4 andre motsegnene kan løysast ved at det vert lagt inn omsynssone i kartet med krav til undersøking av området i forkant av reguleringsplanarbeidet. Motsegn frå Fylkesmannen v/fylkesberedskapssjefen Rådmannen meiner at motsegna kan løysast ved at dei nemnte punkta i føresegene vert endra i tråd med motsegna. Rådmannen vil tilrå at desse endringane i kart og føresegner vert gjort. Kommunen bør deretter gå i dialog med Fylkesmannen med formål om at desse motsegna vert trekt. Motsegn frå Fylkesmannen v/landbruksdirektøren Rådmannen er ikkje samd i dei argumenta Fylkesmannen legg til grunn for motsegna når det gjeld BN1 i Sauland sentrum og vil tilrå at kommunen gjeng til mekling når det gjeld dette området. Sjå eiget punkt seinare i saka. Rådmannen er heller ikkje samd i dei argumenta Fylkesmannen legg til grunn for motsegna når det gjeld ny vegtrase utanom Ruegrenda. Tilrådinga er at kommunen gjeng til mekling når det gjeld denne framtidige vegen. Sauland sentrum

Nesten all vidare utbygging i Sauland sentrum vil råke matjord. Det vere seg nye sentrumsfunksjonar, nye bustader, nye omsorgsbustadar og nye g/s-vegar. Det er derfor viktig etter rådmannen sitt skjønn å take ein drøfting om kva for handlingsrom overordna myndigheitar vil gje kommunen når det gjeld utvikling av Sauland som kommunesenter. Det har kome inn eit nytt innspel om å legge ut området mellom burettslaget sitt nye leilegheitsbygg, garden Hagen og legekontoret/sjukeheimen ut til bustad. Det er tale om eit areal på om lag 3 da. Rådmannen rår til at dette innspelet vert tatt med i meklinga med Fylkesmannen. Ørvella Statens vegvesen rår kommunen frå å legge ut areal på sørsida av dagens E134 til nytt næringsområde. Det har i tillegg kome inn innspel på ytterligare nytt næringsareal på Ørvella. Det skal i gong planarbeid for ny Ørvella bru. Tanken bak planarbeidet er å planlegge brua for framtidig nye trase E134. Fylkesmannen kjem med fagleg råd om å trekke M1 Masseuttak Ålamoen ut av planen. Rådmannen ser at Ørvella bør bli gjenstand for eigen diskusjon med overordna myndigheiter. Tuddal Hovdemarken og Flugonfjell I høyringsperioden har det kome fram at når nedre del av FT3, nytt skitrekk, vart lagt inn plankartet, blei det ikkje teke omsyn til at øvre del av skitrekket heller ikkje var med i rådmannen sitt framlegg. Rådmannen vil derfor foreslå at ei utviding av FT3 vert gjenstand for drøfting med Fylkesmannen. Spørsmålet vil vere om det er mogleg å unngå full ny høyringsrunde viss formannskapet vil ta arealet inn i arealplanen. Vidare blei det uteglømt frå rådmannen si side eit ynskje om utviding av hytteområdet Flugonfjell Vest. Rådmannen vil derfor foreslå at også dette området vert gjenstand for drøfting med Fylkesmannen. Spørsmålet vil vere det same - om det er mogleg å unngå full ny høyringsrunde viss formannskapet vil ta arealet inn i arealplanen. RÅDMANNEN TILRÅR: 1. Formannskapet ber om mekling med Fylkesmannen i Telemark når det gjeld motsegn til BN1 i Sauland sentrum. Nytt innspel om nytt areal for bustadbygging vert og gjenstand for drøfting med Fylkesmannen. 2. Formannskapet ber om mekling med Fylkesmannen i Telemark når det gjeld motseg til ny trase for veg utanom Ruegrenda. 3. Formannskapet ber om drøftingsmøte med Fylkesmannen når det gjeld mellom anna nytt næringsareal på Ørvella. 4. Formannskapet ber om drøftingsmøte med Fylkesmannen når det gjeld utviding av FT3 i Hovdemarken og eit nytt areal på Flugonfjell. 5. Rådmannen vert beden om å legge til rette for at mekling og drøftingsmøte kan skje til same tid.

6. Formannskapet vel.. til å delta på meklingsmøtet. Rådmannen peiker ut administrativ deltaking på meklingsmøtet.

Hjartdal kommune Styre, råd, utval Møtedato Saknummer Sakshandsamar Formannskapet 13.03.2013 019/13 BR Saksansvarleg: Bjørn Rugaas Arkiv: K2-A40 Arkivnr.: 13/205 TILBUDSSTRUKTUR I VIDEREGÅENDE OPPLÆRING - SKOLETILBUD 2020 - HØRING Dokument i saka: Nr T Dok.dato Avsendar/Mottakar Tittel 4 I 06.02.2013 Telemark Fylkeskommune SKOLETILBUDET 2020 - GJENNOMGANG AV SKOLETILBUDET I VG. OPPL. FRAM MOT 2020 1 I 07.02.2013 Telemark TILBUDSSTRUKTUR I VIDEREGÅENDE Fylkeskommune 3 I 04.03.2013 Telemark Fylkeskommune OPPLÆRING - SKOLETILBUD 2020 - HØRING SKOLETILBUDET 2020 - SAMMENDRAG AV HØRINGSDOKUMENT 25.01.2013 Vedlagde dokument: Kortversjon av høyringsdokumentet Aktuelle lover, forskrifter, avtaler m.m.: Opplæringslova 3, 13-3,3a-3b og forskrifter Saksgang: Formannskapet vedtek Bakgrunn for saka: Telemark Fylkeskommune har utarbeidd høyringsdokumentet "Skoletilbud 2020" om framtidig vidaregåande opplæringstilbod (VO) i Telemark. Eit viktig utgangspunkt for prosessen er at elevtalsprognoser syner nedgang i elevtalet i vidaregåande opplæring med 1.100 fram mot 2020. Rammeoverføringane til fylkeskommunen er i stor grad påverka av folketalet i denne aldersgruppa, og Telemarksforskning har estimert ein nedgang i rammetilskotet til fylkeskommunen i perioden 2013-2016 på 75 mill, og ein ytterlegare reduksjon på 60 mill i perioden 2016-2020. Driftsutgiftene innan VO er knytt til faste driftskostnader - bygg, skyss og finanskostnader - og den pedagogiske verksemda. Utan strukturelle endringar vil desse utgiftene auke linjært, medan inntektene altså reduserast dramatisk. Konsekvensen ut frå dagens VO-struktur vil måtte bli eit mindre robust og kvalitativt dårlegare VO-tilbod.

Ut frå dette er det nødvendig for Telemark fylkeskommune å vurdere ein meir kostnadseffektiv tilbodsstruktur innan vidaregåande opplæring. I høyringsdokumentet er det utarbeidd 5 alternative strukturmodellar: Modell A: Kallast referansemodellen, og er dagens tilbodsstruktur med 14 lokaliseringar totalt. Modell B: Nedlegging av Bø vg. avdeling Seljord Nedlegging av Croftholmen Justere tilbodsstrukturen i inntaksområda A (nedre Telemark) og B (midt- aust- og vest) for auka fagleg robustheit. Lokalt tyder dette samling av elektrofag på Notodden og styrke teknikk- og industriell produksjon i Lunde. Samle påbygging til generell studiekompetanse på to skular i kvarft inntaksområde. Modell C: Modell B + nedlegging av Lunde vg. Flytte bygg- og anlegg til Søve vg., design- og handverk til Bø vg. Samle teknikk- og industrifag samt elektro- og helse/oppvekstfag på Notodden. Modell D: I tillegg til modell C samanslåing av Skien vg og Hjalmar Johansen. Modell E: I tillegg til modell D samanslåing til ein stor vidaregåande skole i Skien. Den fylkeskommunale oppnemnde arbeidsgruppa som står bak utgreiinga tilrår Modell D, basert på ei samla vurdering der fagleg og økonomisk robustheit er lagt til grunn, herunder brukartilbodet når det gjeld skyssordning, reiseavstand og tilgang på internat/hybel. Vurdering: Hjartdal kommune vel å vurdere høyringsdokumentet ut frå konsekvensar for ungdom busett i Hjartdal, samt tilbodsstrukturen i inntaksområde B. Ungdom i VO frå vår kommune nyttar i hovudsak opplæringstilbodet ved Notodden vg. Det er også årleg opptak av 2-4 elevar til bygg- og anleggsfag vedrjukan vg. Til dei øvrige vidaregåande skulane i fylket er inntaket marginalt, der det år om anna er elevar som nyttar tilbod i Seljord, Lunde eller Skien vg. I tillegg har kommunen årleg ungdom som takast inn som elevar ved Kvitsund. Prosentvis er inntaket til Notodden vg. i gjennomsnitt 80 %. Arbeidsgruppa si tilråding om Modell D vil vere i samsvar med Hjartdal kommune sine lokale behov. Omstruktureringa vil føre til ei styrking av utdanningstilbodet det store fleirtalet av Hjartdalsungdom nyttar, samstundes med at utdanningstilbodet på Rjukan ikkje vil bli endra når det gjeld bygg- og anleggsfaget. Ein finn gruppa elevar med særskilde behov lite omtala i dokumentet, noko ein ser som uheldig. Frå Hjartdal kommune si side er det ønskjeleg at dagens tilbod til denne gruppa ved Bø vg avdeling Seljord vidareførast i inntaksområde B. RÅDMANNEN TILRÅR:

Hjartdal kommune sluttar seg til arbeidsgruppa si tilråding av modell D. Hjartdal kommune ønskjer å peike på at vidaregåande opplæring for elevar med særskilde behov vidareførast i inntaksområde B.