Møteinnkalling for Formannskapet

Transkript

1 Hjartdal kommune 3692 Sauland Møteinnkalling for Formannskapet Møtedato: Møtestad: Kommunehuset Møtetid: Kl. 16:00 (Merk tida) Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf , slik at varamedlem kan bli kalla inn. Stad Sauland, Olav Tho ordførar Sakliste Sak nr. Saktittel 053/10 GODKJENNING AV MØTEBOK 054/10 DISPONERING AV MIDLAR TIL HJARTDAL KOMMUNE AV EKSTARAMILLIARDEN FRÅ STATEN 055/10 HØGSKULEN I TELEMARK - SØKNAD OM FINANSIELL STØTTE TIL UNIVERSITETSSATSINGA I TELEMARK

2 Hjartdal kommune Styre, råd, utval Møtedato Saknummer Sakshandsamar Formannskapet /10 IL Saksansvarleg: Ingebjørg Landsverk Arkiv: K1-033 Arkivnr.: 10/1121 GODKJENNING AV MØTEBOK RÅDMANNEN TILRÅR Møteboka blir godkjent slik ho ligg føre.

3 Hjartdal kommune Styre, råd, utval Møtedato Saknummer Sakshandsamar Formannskapet /10 HG Kommunestyret /10 HG Saksansvarleg: Helge Granlund Arkiv: K1-100 Arkivnr.: 10/1084 DISPONERING AV MIDLAR TIL HJARTDAL KOMMUNE AV EKSTARAMILLIARDEN FRÅ STATEN Dokument i saka: Nr T Dok.dato Avsendar/Mottakar Tittel 1 I Hjartdal Krf v/jørgen Lia DISPONERING AV MIDLAR TIL HJARTDAL KOMMUNE AV EKSTARAMILLIARDEN FRÅ STATEN Vedlagde dokument: Ingen Aktuelle lover, forskrifter, avtaler m.m.: Proposisjon til Stortinget nr. 29S Endringer i statsbudsjettet for 2010 under kommunal- og regionaldepartementet Saksgang: Kommunestyret avgjer Bakgrunn for saka: I proposisjon 29S til Stortinget har regjeringa foreslått å auke rammetilskotet til kommunane for 2010 med kr mill kroner. Overføringa blir gitt som frie inntekter og er fordelt etter kostnadsnøkkelen i inntektssystemet. Hjartdal sin del av overføringa er kr I samband med at denne ekstrainntekta blei gjort kjend, har det kome forslag frå gruppeleiarane i Hjartdal SP v/ Håvard Kaasa og Hjartdal Krf v/ Jørgen Lia om at kr av dette beløpet blir øyremerkt til vedlikehald/opprusting av Sauland skule. Vurdering: På Sauland skule er det eit omfattande behov for vedlikehald og investeringar. I budsjetta for 2010 og 2011 og økonomiplan blei det ikkje funne rom for dette. Skulle slikt rom bli funne, er det positivt at noko kan gjerast.

4 Ekstramidlane som kom til kommunen gjennom ekstramilliarden er frie inntekter og kan nyttast fritt. Den auka rammeoverføringa vil ikkje bli ei varig ordning. Det er derfor fornuftig å bruke slike midlar til tiltak som ikkje fører driftsutgifter med seg. Eit bindande vedtak no i november møter likevel nokre utfordringar. Sjølv om det no ser ut til at resultatet i 2010 for kommunen ser ut til å balansere, er det likevel knytt uvisse til denne prognosa. Endeleg storleik på skatteinngang og rammetilskot er uviss og kommunen kan risikere tilleggskostnader utover det vi ser i dag knytt til lovpålagte oppgåver. Det kan derfor bli naudsynt å bruke den auka ramma til å dekke driftsutgifter i Med så kort tid igjen av året tilrår rådmannen å vente til rekneskapsavslutninga før ein bind opp midlane, men at kommunestyret legg ei føring knytt til eit mogeleg overskot no. RÅDMANNEN TILRÅR: 1. Kommunestyret er prinsipielt positive til å nytte eit mogeleg overskot i rekneskapen for 2010 til investeringar/vedlikehald av Sauland skule. 2. Eit mogeleg overskot for 2010 skal sjåast i samanheng med disponering av salsinntekt frå Landsverk til investering på Sauland skule. 3. Administrasjon blir bedne om å legge fram eiga sak om investering/vedlikehald av Sauland skule i samband med rekneskapen for 2010.

5 Hjartdal kommune Styre, råd, utval Møtedato Saknummer Sakshandsamar Utval for kultur og oppvekst /10 BR Kommunestyret /10 BR Formannskapet /10 BR Saksansvarleg: Bjørn Rugaas Arkiv: K1-223 Arkivnr.: 10/871 HØGSKULEN I TELEMARK - SØKNAD OM FINANSIELL STØTTE TIL UNIVERSITETSSATSINGA I TELEMARK Dokument i saka: Nr T Dok.dato Avsendar/Mottakar Tittel 1 I Høgskulen i Telemark SØKNAD OM FINANSIELL STØTTE TIL UNIVERSITETSSATSINGA I TELEMARK M/VEDLEGG Aktuelle lover, forskrifter, avtaler m.m.: Ingen Saksgang: Utval for Kultur og Oppvekst tilrår Formannskapet tilrår Kommunestyret vedtek Bakgrunn for saka: Hjartdal kommune har motteke søknad frå Høgsklen i Telemark om finansiell støtte til universitetssatsinga i Telemark. Søknadssummen er på bakgrunn av folketal og jfr påtenkt støtte frå kommunane i finansieringsplanen rekna til Tilsvarande søknad er sendt øvrige kommunar i Telemark, Telemark Fylkeskommune og næringslivet i fylket. I søknaden syner ein til fleire argument som grunngjeving for satsinga, stikkordsmessig mellom anna: - attraksjons- og konkurransekraft i høve til andre regionar innan næringsliv, utdanning,studenttilfang m.m. - større kraft iht å auke utdanningsniået i regionen - auke regionen sin meirverdi og kvaliteten i utdanningstilboda

6 - auka kraft innan forsking og utvikling - skape auka kompetanse og evne til å løyse kjerneutfordringar i kommunane i høve til pleie/omsorgsoppgåver, fråfall i utdanning, skape arbeidsplassar, klima- og miljøutfordringar, utdanning av barn og unge og oppgåver innan kultur og identitet I planen for universitetssatsing er siktemålet at Telemark skal ha ein høgare utdannings- og forskningsinstitusjon med universitetsstatus innan Kravet til å oppnå slik status er at institusjonen har minst fem mastergrads- og fire doktorgradsstudier. Høgskulen i Telemark har i dag hhv ni mastergradsstudier og eitt på nivå doktorgrad( teknologi). I løpet av hausten 2010 vil etter alt å døme doktorgradsstudium i økologi bli godkjent, og det arbeidast med tilsvarande innan fagområda helsefremjande arbeid og formidling og læring(tidl. pedagogikk). Høgskulen i Telemark vurderar seg sjølv som for liten til å satse på universitetsstatus på eiga hand, og søkjer samarbeid med høgskulemiljø i både Agder, Buskerud, Vestfold og Østfold. Dei tre sistnemnde høgskulane har over tid samarbeidd om tilsvarande prosess, og har så langt ikkje ønskt Telemark velkomne i eit samarbeid. Agder uttrykkjer for sin del ønskje om samlokalisering om samarbeid skal vere aktuelt. Slik sett er mogelegheitane for samarbeid med andre høgskulemiljø i granneregionar problematisk, sett utanfrå. Meirkostnadene med HIT sitt universitetsprosjekt er rekna til 220 millionar fram mot full drift i Av desse midlane skal høgskulen sjølv finansiere 130, medan ein ser føre seg at 90 millionar skal kome som bidrag frå kjelder i regionen som nemnd ovanfor kommunar, fylke og næringsliv. Midlane det søkjast om tenkjer ein seg skal bidra til å byggje eit Kompetanse-, universitets- og forskningsfond i Telemark. Vurdering: Høgskulemiljøet i Telemark er av uvurderleg verdi for Telemarkskommunane generelt. For Hjartdal kommune har det å ha førskule- og lærarutdanningsavdelinga i Notodden stor praktisk nytte mellom anna når det gjeld rekruttering til undervisningsyrka. Ofte kunne ein ønskje at høgskulen var enno meir tilstades lokalt sett. Det er ei reell problemstilling at HIT ikkje vurderar eigne musklar som sterke nok til å gjennomføre prosessen åleine. Sett frå vår synsstad er det avgjerande for framtida at lokasjonen av høgskulesystemet ikkje endrast; det er viktig både for vår kommune og for kommunane generelt at avdelingane i Notodden, Bø og Rauland oppretthaldast. Slik sett ser vi til dømes ikkje samarbeid med Agder som berre positivt, om det skulle bli slik at tyngdepunktet i høgare utdanning i Telemark skulle endre seg til eit meir kystnært tilbod. Etter det ein kjenner til er som nemnd samarbeid med Buskerud/Vestfold/Østfold uaktuelt fordi prosessen der har kome så langt at toget har gått. Er universitetsstatus nødvendig? Tendensen er at høgskulesystemet nasjonalt øsnkjer seg over i ein ny divisjon over heile landet er denne prosessen i gang, og det seiast at dei som står att som høgskular om få år vil bli akterutseilt i konkurransen om studentar, forskningsmidlar m.m. Eit sentralt spørsmål er om det er ei kommunal oppgåve å bidra til at vår høgskule ikkje blir ståande att som ein tapande part. Slik samfunnet vanlegvis er organisert er arbeidsdelinga slik fordelt at kommunen har ansvaret for barnehage og grunnopplæring, fylkeskommunen for vidaregåande opplæring og staten har ansvar for høgare utdanning. Denne organiseringa bør ein også legge til grunn når spørsmålet om støtte skal vurderast, sjølv om det er andre perspektiv og omsyn som kan leggjast til grunn for eit motsett syn.

7 Slik kommunen sin økonomi er innretta både i dag og i overskueleg framtid, har Hjartdal kommune nok med å løyse sine primæroppgåver og å oppretthalde eit godt tilbod til sine innbyggjarar og andre tenestemottakarar. Ein ser difor ikkje å ha rom for å imøtekome søknaden frå Høgskulen i Telemark. RÅDMANNEN TILRÅR: Søknad om Høgskulen i Telemark om finansiell støtte til universitetssatsinga i Telemark vert ikkje imøtekomen Utval for kultur og oppvekst Handsaming: VOTERING: Rådmannen si tilråding samrøystes vedteke KOO-022/10 TILRÅDING: Søknad om Høgskulen i Telemark om finansiell støtte til universitetssatsinga i Telemark vert ikkje imøtekomen.

8