MØTEINNKALLING Utval: FORMANNSKAPET Møtestad: rådhuset Møtedato: 11.11.2010 Tid: 10.00 Varamedlemmer møter berre etter nærare innkalling SAKLISTE Sak nr. Arkivsak nr. Tittel 73/10 08/189 ENERGI- OG KLIMAPLAN FOR BALESTRAND KOMMUNE, HØYRINGSUTKAST 74/10 10/5 FRÅDELING - OMSORGSBUSTADER PÅ BALA DISPENSASJON FRÅ KOMMUNEPLAN 75/10 10/818 STRATEGI FOR UTBYGGING AV FIBERBASERT BREIBANDSTILBOD I BALESTRAND KOMMUNE 76/10 10/566 BUDSJETT 2011. ØKONOMIPLAN 2011-2014. YMSE Det blir møte med arbeidsutvalet i soknerådet kl. 12.00 Orientering/drøfting: - Vidare arbeid med busetjing av flyktningar - Balestrand bygdahus Balestrand 31.10.16 Einar Målsnes Ordfører
Sak 73/10 MØTEBOK Sak nr.: Utval Møtedato 3/08 Formannskapet 01.02.2008 11/08 Formannskapet 18.04.2008 18/10 Formannskapet 18.03.2010 73/10 Formannskapet 11.11.2010 Sakshandsamar: Jørgen Hundseth Arkiv: 143 Arkivsaknr.: 08/189 ENERGI- OG KLIMAPLAN FOR BALESTRAND KOMMUNE, HØYRINGSUTKAST Vedlegg: Utkast til Energi- og klimaplan for Balestand 2010-2015 Bakgrunn: Lovheimel: lov 27.juni 2008 nr 7 om planlegging og byggesaksbehandling (plan og bygningslova) 6-2 første ledd. SAKSOPPLYSNINGAR Balestrand formannskap gjorde den 01.02.08 vedtak om oppstart av energi- og klimaplan for Balestrand med status som kommunedelplan. Det var sgkt at kommunen gjennom eit planmessig og heilskapleg arbeid skal oppnå meir effektiv energibruk, mindre forbruk av fossilt brensel, ein reduksjon i klimautslepp i kommunen og ein tilpassing til klimaendringane. Det blei oppretta ein komite samansett politisk og fagleg. Vidare har ein innhenta fagleg hjelp frå Vestnorsk Enøk for den tekniske utføringa av planen. Komiteen har saman med Vestnorsk Enøk kome saman på ulike møte og lagt fram utkastet som ligg føre i saka. Planen har og voe ut til offentleg høyring i perioden 23/3 23/4, 2010. Det har ikkje kome inn kommentar til endring av planen. VURDERING Utgangspunktet for planen er eit ynskje om å ha ein reiskap for å sikre heilskapsomsyn i saker som vedkjem energi, klima og miljø i kommunen. Dette gjeld først og fremst innanfor kommunen sin eigen aktivitet, men og for å påverke både næring og privathushald elles. Planen vil vere vurderingsgrunnlag for prioriteringar i samband med bygge- og utbyggingssaker. Den vil og fungere som støtte ved sakshandsaming og vedtak i energiutbyggingssaker. Planen vil ta for seg både offentlege og private bygg, næringsverksemd, transport, energiforsyning, og vert integrert i kommuneplanen som kommunedelplan for energi og klima.
Sak 73/10 Planen har fått stønad frå Enova under programmet Kommunal energi og klimaplanlegging og er difor utforma med tanke på dei rammene som gjeld for dette programmet. Planen vurderer historikk og utvikling i energibruk og utslepp, både samla i kommunen og innanfor viktige sektorar. Energidelen er i stor grad basert på resultat frå den lokale energiutgreiinga for Balestrand kommune. Miljødata er henta frå SSB, SFT og nettstaden Miljøstatus i Norge. SSB har ikkje tal for oljeforbruk ved Nesseplast dei siste åra. Etter opplysningar frå verksemda, har vi korrigert statistikkane for forbruk og utslepp i høve til verkeleg bruk av olje i Balestrand. Arbeidet har resultert i følgande fokusområde for Balestrand kommune: Fokusområde 1: Energibruk. Redusere samla energibruk saman med auka energifleksibilitet og omlegging til nye fornybare energikjelder. Fokusområde 2: Klima og miljø. Møte venta klimaendringar på ein planmessig måte og arbeide for ein reduksjon av utslepp som er skadelege for klima eller lokalmiljø. Fokusområde 3: Lokal energiproduksjon. Sikre ei planmessig utvikling av tradisjonell og ny form for lokal energiproduksjon for å ivareta både klima, lokalmiljø og eigne innbyggjarar Fokusområde 4: Haldingar. Arbeide for å påverke innbyggjarane sine haldningar og motivere til val av energieffektive tiltak og miljøvennlege løysingar. Desse fokusområda dannar grunnlag for resten av planen. Rådmannen si tilråding: Balestrand kommuen vedtek Energi- og klimaplan for Balestrand 2010-2015.
Sak 74/10 MØTEBOK Sak nr.: Utval Møtedato 60/10 Formannskapet 23.09.2010 38/10 Kommunestyret 29.09.2010 74/10 Formannskapet 11.11.2010 Sakshandsamar: Arne Abrahamsen Arkiv: 142 &18 Arkivsaknr.: 10/5 FRÅDELING - OMSORGSBUSTADER PÅ BALA DISPENSASJON FRÅ KOMMUNEPLAN Vedlegg: Søknad om frådeling, 06.01.10 Uttaler og fagavklaringar: Lars Hernes og Johan Fjærestad, 20.01. 10 Fylkesmannen i Sogn og Fjordane, landbruksavdelinga 07.02. 10 Sogn og fjordane fylkeskommune, kulturavdelinga, 05.02. 10 Sogn og fjordane fylkeskommune, kulturavdelinga, 16.02.10 Sogn og fjordane fylkeskommune, kulturavdelinga, 01.07.10 Riksantikvaren, løyve etter søknad om dispensasjon, 13.09.10 Bakgrunn: Brev, Balestrand kommune - høve til uttale til dispensasjonssaka, 04.01.10 Brev, Balestrand kommune tinging av kulurminnefagleg registrering. 26.03.10 Brev, Balestrand kommune Søknad om løyve til inngrep i kulturminne, 03.08.10 Kommunestyresak 38/10 Gjennomføring av arkeologisk utgraving, 29.09.10 Brev, Balestrand kommune Tinging av arkeologisk utgraving,22.10.10 Reguleringsplan for Bala, 21.12.1995 Kommuneplan for Balestrand kommune, arealdelen,. 25.03.2010 Lovheimel: Plan og bygningsloven 19-2 SAKSOPPLYSNINGAR Balestrand kommune sette i gang arbeidet med planmessig avklaring av areal til omsorgsbustadene gjennom dispensasjonssak 04.01.2010, med utgangspunkt i frådelingssøknad frå grunneigar Steinar Bale. Saka vart sendt fagstyremakter og naboar til uttale. I denne samanhengen vart det stilt krav om kulturminnefagleg registrering frå kulturavdelinga i fylkeskommunen og seinare sett krav om utgraving og dokumentasjon av området som grunnlag for frigjeving av arealet frå riksantikvaren.
Sak 74/10 Utgravingane er no avslutta og området vil bli frigjeve som føresett. Kommunen har ikkje motteke skriftleg dokumentasjon på frigjevinga enda, men har fått munnleg tilbakemelding om at dette vert gjort som føresett i brev frå Riksantikvaren. Det har gjennom høyringsrunden heller ikkje kome andre merknader til at arealet vert frådelt til bustadføremål. Det vert vist til vedlagde uttaler og dokument i saka. Planstatus er at området ligg i Reguleringsplan for Bala som landbruksområde. Etter at dispensasjonssaka var sett i gang er kommuneplanen er vedteken med dette arealet som nytt byggeareal for bustader. Det er derimot krav til ny reguleringsplan før bygging og frådeling til byggeføremål, bustader kan finne stad. Alternativet er å handsame saka som ein dispensasjonssak, slik handsaminga av denne saka er lagt opp. VURDERING Det var sett i gang handsaming av søknaden som dispensasjonssak ut i frå at kommuneplanen ikkje var vedteken og at det var viktig å avklare arealsituasjonen for desse omsorgsbustadene innan ein rimeleg tidshorisont. Avklaringane som var knytt til sakshandsaminga med kulturminnefaglege utgravingar har gjort til at prosessen har vorte omfattande og teke tid før ein har kunne gå vidare med den planmessige avklaringa for bruken av området. Ein ser det difor no viktig å avklare frådelinga av arealet. Omsøkt bruk er då også er i samsvar med føremålet i gjeldande kommuneplan, vedteken 25.03.2010, slik at ei frådeling framstår som kurrant. Detaljerte krav til utbygging kan derimot godt handsamast som reguleringsplan. Det er i Plan og bygningslova no lagt opp til at detaljregulering og byggesak kan handsamast parallelt. Dette gjer at prosessane kring utforming av bygg og anlegg vert grundige, samstundes som byggesakshandsaminga vert gjort innan rimelig tid. Rådmannen si tilråding: Balestrand kommune gjev med heimel i Plan og bygningslova 19-2 dispensasjon frå Reguleringsplan for Bala, 21.12.1995 til frådeling av eit areal på kring 2,3 da frå eigedom gbnr 10/36 til byggeføremål, bustader. Det er framleis krav om reguleringsplan før utbygging av området i samsvar med reglane i kommuneplanen.
Sak 75/10 MØTEBOK Sak nr.: Utval Møtedato 75/10 Formannskapet 11.11.2010 Sakshandsamar: Vidar Roseth Arkivsaknr.: 10/818 Arkiv: L64 STRATEGI FOR UTBYGGING AV FIBERBASERT BREIBANDSTILBOD I BALESTRAND KOMMUNE Vedlegg: Bakgrunn: Lovheimel: SAKSOPPLYSNINGAR I Balestrand kommune sin kommuneplan for 2010 2020 er fylgjande langsiktige mål sett: Balestrand kommune skal arbeide for at det vert tilfredsstillande breibandtilbod for privatpersonar, organisasjonar og verksemder i kommunen. Balestrand kommune har i høve til eigen organisasjon god fibertilknyting for sentraladministrasjonen, Sagatun skule, administrasjonen i pleie- og omsorg, legesenteret, Sagatun barnehage, brannstasjonen, Klokkargarden, og gamle Sagatun skule (ungdomsklubben). Gjennom fiberprosjekt heilt eller delvis finansiert av kommunen har også verksemder ved Holmatunet, Balestrand næringsbygg og Sygna vidaregåqande skule tilgang på fiberbasert breiband. I tillegg er delar av kommunen sin fiberkapasitet gjort tilgjengeleg for andre i sentrum gjennom avtale med Sognenett. Balestrand kommune har arbeidd aktivt med breibanddekning i form av ADSL eller radioløysing, og tilnærma 100 % av kommunen sine verksemder og innbyggjarar har no tilgang til breiband på dette nivået. Utbygginga er dels finansiert gjennom Høykom-midlar og dels av kommunen sjølv. I samband med at Sognekraft oppruster kraftlina mellom Balestrand sentrum og Kvamsøy, er det tilrettelagt for fibertilknyting for grunneigarar langs denne strekninga. Denne utbygginga er i hovudsak finansiert gjennom fylkeskommunale midlar og eigendelar for dei som får tilbodet. Det er vidare søkt om delfinansiering frå fylkeskommunale midlar til fiberutbygging for 3 verksemder, Nesse oppvekstsenter og om lag 15 husstandar på Nessane og i tillegg om lag 30 husstandar i Balestrand sentrum.
Sak 75/10 Som eit ledd i oppfylgjing av målet i kommuneplanen og utviklinga i behovet for breiband har formannskapet teke sikte på utarbeiding av ein strategi for fiberbasert breibandutbygging i kommunen. Denen saka omhandlar ein overordna plan for eit slikt arbeid og vurdering av organisering/arbeidsform. VURDERING Utviklinga går raskt i retning av at ADSL- og radiobaserte løysingar inneber for liten kapasitet for mange. Dette vil kanskje i fyrste rekke gjelde næringsliv og offentlege verksemder, men og innbyggjarane aukar sin bruk av internett og datakommunikasjon på ein slik måte at kapasitetsbehovet aukar sterkt. Ikkje minst kan det vere viktig for ungdom at det er eit tilfredsstillande tilbod på dette området. Eit godt utbygd breibandtilbod kan ha mykje å seie for kor attraktivt det er å flytte til/bu i kommunen. Samstundes kan det vere langt fram før eit fiberbasert breibandtilbod kan realiserast for dei fleste. Private aktørar vil i åra framover naturleg prioritere å gje eit tilbod i dei mest folkerike område i fylket. Men ein ser og at dei nyttar alle høve til å førebu slike tilbod infrastrukturmessig alle stader der det passar inn saman med andre tiltak (som t.d. opprusting av kraftliner). Skal ein få til eit fiberbasert tilbod innan rimeleg tid i område som Balestrand, førset dette ei aktiv tilrettelegging og medverknad frå det offentlege, og Balestrand kommune bør planlegge dette godt, slik at det viktigaste behovet framover vert stetta i eit samarbeid med andre, som t.d. fylkeskommunen. Det realistiske og ein rett strategi vil truleg vere å tilrettelegge for fibertilbod til alle i Balestrand sentrum fyrst, og deretter i grendene. Eit reaistisk mål kan vere at alle innbyggjarar og verksemder i Balestrand sentrum har fibertilbod innan utgangen av 2015 og at innbyggjarar og verksemder i heile kommunen har eit slikt tilbod innan utgangen av 2019. Det bør truleg setjast ned ei arbeidsgruppe med politiske representantar til å arbeide ut eit framlegg til meir konkret strategi. Til støtte for ei slik gruppe vil rådmannen eventuelt ta sikte på å peike ut næringssjefen og kommunen sin IKT-ansvarlege. Rådmannen si tilråding: Balestrand kommune har som mål at alle innbyggjarar og verksemder i Balestrand sentrum har eit tilfredsstillande fiberbasert breibandtilbod innan utgangen av 2015. Innan utgangen av 2019 skal innbyggjarar og verksemder i heile kommunen ha eit slikt tilbod. Fylgjande arbeidsgruppe vert sett ned for utarbeiding av framlegg til konkret strategi for å nå desse måla:....
Rådmannen syter for tilfredsstillande støtte til arbeidet frå administrasjonen. Sak 75/10
Sak 76/10 MØTEBOK Sak nr.: Utval Møtedato 50/10 Formannskapet 25.08.2010 66/10 Formannskapet 13.10.2010 24/10 Utval for oppvekst og omsorg 02.11.2010 46/10 Utval for plan og utvikling 02.11.2010 76/10 Formannskapet 11.11.2010 Sakshandsamar: Vidar Roseth Arkiv: 151 Arkivsaknr.: 10/566 BUDSJETT 2011. ØKONOMIPLAN 2011-2014. Vedlegg: Rådmannen sitt arbeidsgrunnlag, 06.10.10 Budsjettnotat nr. 1 m/vedlegg Bakgrunn: Lovheimel: Kommunelova 44 og 45 SAKSOPPLYSNINGAR Med dette vert arbeidsgrunnlaget for budsjett for 2011 og økonomiplan for perioden 2011-2014 lagt fram. Arbeidsgrunnlaget består av desse delane: - Handlingsprogram og økonomiplan 2011-2014 - Investeringsprogram 2011-2014 - Samandrag av arbeidsgrunnlaget - Oversyn over økonomiplanperioden - Tiltaksliste 1 oversyn over mogelege tiltak for auka inntekter/reduserte utgifter - Tiltaksliste 2 oversyn over tiltak som ør vurderast inn i budsjettet ved auka ramme Det vert elles vist til oppsummering frå budsjettmøte den 30.08.10 som vert distribuert separat. Arbeidsgrunnlaget er i samsvar med fastsette rutinar utarbeidd i eit samarbeid der dei budsjettansvarlege har delteke, men dei oppsummeringane og samanfatningane som er gjort er det rådmannen som står ansvarleg for. I arbeidsgrunnlaget er hovudfokus så langt sett på neste års budsjett. Endringar er omtalt i den utstrekning ein kjenner til forhold som tilseier vesentlege endringar i høve til utgifter og inntekter i 2010.
Sak 76/10 Formannskapet har føresett at rådmannen legg fram eit arbeidsgrunnlag i balanse. Dette inneber at ein har gjort nokre val i utgangspunktet som skal vere gjenstand for politisk vurdering vidare i prosessen. Av eige samandrag og av arbeidsgrunnlaget går det fram kva føresetnader som er lagt inn i budsjettet frå administrasjonen si side. Det er vidare utarbeidd tiltakslister med oversyn over kva tiltak som eventuelt kan vurderast teke inn ved auka budsjettramme og tiltak som kan vurderast for å oppnå auka inntekter/reduserte utgifter for å oppnå balanse i budsjettet. Når det gjeld fastsetjing av konkrete og målbare mål for den kommunale verksemda, har det så langt ikkje vore arbeidd mykje med denne delen frå administrasjonen si side. Statsbudsjettet vart lagt fram den 05.10.10. Ein har såleis hatt informasjon om forventa rammeoverføring og skatteinntekter i statsbudsjettet før ferdigstilling av arbeidsgrunnlaget. Erfaringsmessig vil det likevel ta noko tid før ein får klarlagt alle konsekvensane for kommunen. Det vert elles vist til fastsett plan for det vidare arbeidet med saka. VURDERING Det er viktig å ikkje leggje meir i arbeidsgrunnlaget enn det det er, nemleg eit utgangspunkt for å arbeide vidare med budsjettet for 2011 og økonomiplanen. Administrasjonen har ikkje med dette gjort seg ferdig med sine vurderingar i høve til kva som er realistiske overslag over inntekter og utgifter for neste år og åra vidare framover eller kva tiltak som det kan vere mogeleg å gjennomføre. Ein må pårekne behov for vidare utgreiingar og at det kan kome mange nye opplysningar undervegs i budsjettprosessen. Arbeidet med grunnlag for budsjett og handlingsprogram for åra framover har vist at den stramme styringa av den kommunale verksemda må halde fram. Det er all grunn til å oppretthalde ei nøktern haldning til nye tiltak som auker utgiftene. Kommunen vil ha utfordringar framover som tilseier at det er naudsynt med eit godt og konstruktivt samarbeid i heile kommuneorganisasjonen kring vidare omstilling av verksemda. Samstundes må tilrettelegging for å oppnå auka aktivitet i Balestrand-samfunnet og auka inntekter for kommunen ha prioritet. Rådmannen si tilråding: 1. Formannskapet vedtek som eit fyrste høyringsutkast til budsjett 2011 og økonomiplan 2011-2014 arbeidsgrunnlag av 06.10.2010 frå rådmannen med fylgjande endringar:. 2. Formannskapet ber utvala vurdere mål, planar og budsjettrammer for 2011 og resten av økonomiplanperioden og prioritere tiltak innanfor sine ansvarsområde.
Sak 76/10 3. Balestrand kommune legg "høyringsutkast til budsjett 2011 og økonomiplan 2011-2014" ut på høyring i tidsrommet 14.10.10 26.10.10 på fylgjande stader: Balestrand rådhus Balestrand folkebibliotek Nessane sambrukshus Fjordtun oppvekstsenter Framlegget vert sendt fylgjande organ til uttale: Utval for oppvekst og omsorg Utval for plan og utvikling Råd for eldre og menneske med nedsett funksjonsevne Balestrand ungdomsråd Balestrand sokneråd Handsaming: Formannskapet : Formannskapet kom samla fram til slikt Vedtak 1. Formannskapet vedtek som eit fyrste høyringsutkast til budsjett 2011 og økonomiplan 2011-2014 arbeidsgrunnlag av 06.10.2010 frå rådmannen. 2. Formannskapet ber utvala vurdere mål, planar og budsjettrammer for 2011 og resten av økonomiplanperioden og prioritere tiltak innanfor sine ansvarsområde. 3. Balestrand kommune legg "høyringsutkast til budsjett 2011 og økonomiplan 2011-2014" ut på høyring i tidsrommet 14.10.10 26.10.10 på fylgjande stader: Balestrand rådhus Balestrand folkebibliotek Nessane sambrukshus Fjordtun oppvekstsenter Kommunen si heimeside Framlegget vert sendt fylgjande organ til uttale: Utval for oppvekst og omsorg Utval for plan og utvikling Råd for eldre og menneske med nedsett funksjonsevne Balestrand ungdomsråd Balestrand sokneråd Samrøystes (4 av 4)
Sak 76/10 Handsaming: Utval for oppvekst og omsorg : Utvalet kom samla fram til slikt vedtak: Vedtak Utvalet tek budsjettgrunnlaget til vitande, og har ikkje spesielle endringsframlegg. Utvalet ser det som føremålstenleg å få ei ordning med turnusfysioterapeut, og at budsjettet må gje rom for det. Ein ser det som viktig å oppretthalde dei gode tenestene som er bygd opp på ulike område i Balestrand innan både oppvekst og omsorg. For åra framover må det gjerast naudsynte utgreiingar i høve til samhandlingsreforma. Samrøystes Handsaming: Utval for plan og utvikling : Utvalet kom samla fram til følgjande tilråding Vedtak Utval for plan og utvikling har følgjande merknader: Sentrale målsetjingar Punkt 12.2.2 Asfaltering Dragsvik Gaularfjell er gjennomført kan gå ut. Endring av punkt 12.3.1 Utviding av ferjefrekvensen Dragsvik Hella, særskild helg og kveld/natt. Nytt punkt 12.2.2 Ferjefri kryssing Dragsvik Hella. Endring av punkt 15.1 Utarbeiding av strategi for eigedomsforvaltning innan 2012 Endring av punkt 15.3 Vurdere leiande reinhaldar. Endring av punkt 17.2 Vidareføre nivået på sal av tenester. Punkt 19.1 Vassverket er sett i drift og punktet kan gå ut. Punkt 19.3 Miljøstasjonen er utbygd og fungerar etter intensjonen og kan gå ut Ressursrammer Ressursrammene til Utvalet sitt ansvarsområde har over fleire år vore marginale, og stadig litt nedjustert då prisvekst på driftspostar ikkje her vore fult ut kompensert. Utvalet meiner også at mange av kostnadene er relativt faste og direkte knytt til anna tenesteproduksjon gjennom forvalting av bygg, anlegg og infrastruktur. Utvalet meiner difor generelt at ressursrammene burde vore noko høgre, jf mellom anna målsetjingar om auka ressursar til vedlikehald av kommunen sine anlegg og bygningsmasse. Prioritering av tiltak Utvalet vil prioriter følgjande område: Auka løyving til kommunale vegar Auka løyving til kommunale bygg og anlegg Utvalet finn ikkje å kunne tilrå å budsjettere inntektspostar høgre eller tilrå reduksjon i tiltak jf tiltaksliste 1.
Samrøystes. Sak 76/10