Sakshandsamar: Kåre Træen Vår dato Vår referanse Telefon: 57643004 26.02.2013 2012/5220-331.1 E-post: fmsfktr@fylkesmannen.no Dykkar dato Dykkar referanse 27.12.2012 Vik kommune Postboks 134 6891 Vik i Sogn Vik kommune godkjenning av budsjett 2013 og økonomiplan 2013 2016 Vik kommunestyre har i møtet den 18.12.2012, sak nr. 78/12, handsama og vedteke budsjett for 2013 og ny økonomiplan 2013 2016. Kommunen er innmeldt i Robek (register for kommunar som er underlagt statleg betinga kontroll og godkjenning). Fylkesmannen skal derfor føre kontroll og godkjenne budsjett, økonomiplan og låneopptak. Budsjett 2013 og økonomiplan 2013 2016 er godkjent. Låneopptak på kr 16 213 000 for 2013 er godkjent. Sakshandsaming Fylkesmannen har ikkje merknader til kommunen si sakshandsaming. Vi legg til grunn at formannskapet si innstilling for budsjett og økonomiplan, med alle framlegg til vedtak, har lege ute til offentleg gjennomsyn i minimum 14 dagar, jf. kommunelova 45 nr. 3. Skatteinntekter/rammetilskot frie inntekter Kommunen har i budsjettering av inntekt på skatt og formue og rammetilskot lagt til grunn prognosar etter statsbudsjettet for 2013 med folketalet per 01.07.2012. Sum skatt og ramme er budsjettert med 156 mill. kroner. I 2014 er det teke omsyn til endringar i demografi (færre eldre) og lågare folketalsvekst enn landet, og det er budsjettert med ein reduksjon i rammetilskotet på 1 mill. kroner. I 2015 og 2016 er reduksjonen for kvart år trappa opp med 1 mill. kroner. Siste prognosemodell til Kommunenes sentralforbund (KS) tek utgangspunkt i vedteke statsbudsjett for 2013, med innbyggjartal per 01.07.2012 for utgiftsutjamninga, og 01.01.2013 for skatt og inntektsutjamninga. Ut i frå dette er prognosen at Vik kommune for 2013 får eit rammetilskot på 87,7 mill. kroner og skatt på formue og inntekt på 67,6 mill. kroner, samla 155,3 mill. kroner. Folketalet i kommunen vart i 2012 redusert med 17 personar, - 0,6 %. Landet auka med 1,3 %. Det er dette som er lagt til grunn for folketal i KS sin prognosemodell for skatteinntekter og inntektsutjamning. Skatteinntekter og rammetilskot er budsjettert i samsvar med statsbudsjettet for 2013. Siste prognosen til KS har folketal per 01.01.2013 som grunnlag for skatteberekningar, medan kommunen har som i statsbudsjettet brukt folketal per 01.01.2012. Med ein reduksjon i Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: 57 64 30 00 Postboks 14, 6801 Førde Internett: Telefaks: 57 65 33 02 Telefon: 57 64 30 00 www.fylkesmannen.no/sfj Org.nr 974 763 907 Telefaks: 57 82 17 77
2/5 folketalet for kommunen og vekst for landet, vil det bety ein netto reduksjon i prognose for skatteinntekter og inntektsutjamning i 2013 på 0,6 mill. kroner. Etter at revidert nasjonalbudsjett 2013 er framlagt, må kommunen revidere inntektene for rammetilskot og skatteinntekter. Frå 2014 har kommunen som følgje av reduksjon i utgiftsutjamninga og svakare folketalsvekst enn landet, budsjettert med lågare inntekter enn KS-prognosen etter oppdaterte folketal. Driftsresultat og balanse Etter tap på plasseringar i verdipapir (2007 og 2008), hadde kommune per 31.12.2011 eit akkumulert underskot på 69,9 mill. kroner. Førebelse tal frå rekneskapen 2012 viser at kommunen klarer å dekkje inn budsjettert inndekning på 10 mill. kroner. Kommunen har ein plan på åtte år for inndekning av akkumulert underskot. Frå 2013 er det fire år att av planen. I 2013 er det budsjettert med ei inndekning på 12,6 mill. kroner, som er 0,4 mill. kroner lågare enn det som vart vedteke i økonomiplanen 2012 2015. Utbytte frå Sognekraft AS er budsjettert til 6,8 mill. kroner i heile perioden, ein auke på kr 800 000 frå 2012. Dette fordi eit eigenkapitalinnskot i verksemda er gjort om til aksjekapital. Det er budsjettert med ei moderat auke i rentenivået, frå dagens nivå til 3 % i 2016. Avdrag på 5,4 mill. kroner i 2013, er budsjettert etter kommunelova sine reglar om minimumsavdrag. Etter gjeldande avtale om sal av konsesjonskraft er gevinsten budsjettert med 6,8 mill. kroner for kvart år i 2013 og 2014. Frå 2015 er det inngått ein ny avtale, og det er lagt til grunn ein årleg gevinst på 10 mill. kroner. Samanlikna med gjeldande økonomiplan er gevinsten redusert med 5 mill. kroner, som følgje av forventa lågare prisar på kraft. Konsesjonsavgifter er budsjettert til same nivå som i 2012, 6,4 mill. kroner. Eigedomsskatten for bustad og fritidseigedomar er for 2013 fastsett til 6 promille (o/oo) av takstgrunnlaget, og 7 o/oo frå 2014. Andre eigedomar har 7 o/oo i heile perioden. I tillegg er det lagt auka inntekter som følgje av heving av maksimalpris ved taksering av kraftverk, sum auke 2 mill. kroner. Eigedomsskatt frå nytt kraftverk i Feios er budsjettert frå 2014 med kr 225 000, aukande til 1,6 mill. kroner i 2016. Sum budsjetterte inntekter for eigedomsskatt i 2013 er 26,7 mill. kroner, aukande til 29,2 mill. kroner i 2016. Det er vedteke innsparingar i tenesteområda på til saman 5,8 mill. kroner i 2013. Dette fordelar seg på rammekutt sentrale styringsorgan 1 mill. kroner, skulane (rammetimar og administrasjon) 1 mill., brannvern 0,3 mill. og stillingar 3,5 mill. kroner. Det siste fordelar seg på reduksjon av stillingar i sentrale styringsorgan, plan og forvaltning, teneste til funksjonshemma, vaksenopplæringa, oppvekst, helse og psykiatritenesta. Heilårsverknad for innsparingane er frå 2014 på 9,4 mill. kroner. I tillegg er det gjort justeringar med tillegg og reduksjonar for andre tenesteområde, utan at dette vesentleg har påverka netto ramme til områda. Som følgje av Terra-saka har kommunen ei bokført kortsiktig gjeld per 31.12.2012 til DnB NOR på 118 mill. kroner (eksklusiv påløpt og bokførte, men ikkje betalte morarenter). Det er tvist om gjelda, og fram til ei avgjerd bokfører kommunen ei avtalt forseinkingsrente på 3 mnd. Nibor + 0,40 %, budsjettert med 2,4 % i 2013 og 3 % i 2014. Det er lagt til grunn at kommunen i 2015 betalar gjelda til DnB NOR med oppspart likviditet etter avsetjingar til inndekning av underskot. Rente på oppspart likviditet er inntektsført fram til 2014. Netto driftsresultat er i 2013 budsjettert med 18 mill. kroner, som er 7,4 % av driftsinntektene. Kommunelova 46, nr. 6 krev at budsjettet skal vere i balanse etter finanstransaksjonar
3/5 og avsetningar og etter 46 nr. 3 skal budsjettet vere realistisk. Vik kommune har oppfylt dette kravet. Tidlegare års underskot Per 31.12.2011 var underskotet 69,9 mill. kroner. Førebelse tal for inndekning i 2012 er 10 mill. kroner. Budsjettert inndekning frå 2013 over 4 år er i sum 60,6 mill. kroner, ein margin på 0,7 mill. kroner. I planen som vart vedteken i økonomiplanen 2012 2015 var marginen 18,4 mill. kroner. Plan vedteken i økonomiplanen 2013 2016: 2009 2010 2011 2012 2013 2014 2015 2016 Sum 2013 2016 Årleg inndekning 17,5 13,2 12,1 10,0 1 12,6 13,6 17,5 16,9 60,6 1 førebels 2012 : Etter kommunelova 48 nr. 4 har Vik kommune fått godkjent at underskotet kan dekkjast inn over 8 år. Samanlikna med planen som vart vedteken i økonomiplanen 2012 2015, er marginen vesentleg redusert som følgje av at usikre kraftinntekter er reduserte. For at planen skulle vere meir robust, måtte kommunen vedta fleire utgiftsreduserande tiltak eller auke sikre inntekter. Fylkesmannen godkjenner revidert plan for inndekning av akkumulert underskot. Investeringsbudsjettet 2013 Kommunen legg opp til eit investeringsbudsjett i 2013 på 31,4 mill. kroner, fordelt på anleggmidlar 28,8 mill., utlån 2 mill. og kjøp av aksjar og andelar (KLP-eigenkapitalinnskot) 0,5 mill. kroner. Investeringane er planlagt finansiert med lån 25,9 mill., tilskot 0,7 mill., bruk av kraftfondet (konsesjonsavgifter) 1,2 mill. og overføring frå drift 3,5 mill. kroner. Av overføringar frå drift utgjer momskompensasjon frå investeringar 3 mill. og eigenkapitalinnskot KLP 0,5 mill. kroner. Av lånefinansieringa er 9,7 mill. kroner bruk av unytta lånemidlar og nye lån 16,2 mill. kroner. Nye låneopptak til anlegg der renter og avdrag blir finansiert gjennom avgiftsbetaling og rentekompensasjon utgjer 7,7 mill. kroner. Som Robek-kommune er det etter kommunelova 50 nr. 9 krav om at kommunale låneopptak skal godkjennast av departementet i dei høve som gjeld 60 i kommunelova. Departementet har delegert dette myndet til Fylkesmannen. Fylkesmannen sitt generelle syn på lånegodkjenning til Robek-kommunar er: Budsjett og økonomiplan må vere i balanse og nye lån må vere innarbeidd i budsjett og økonomiplan Å berre ta opp lån som er sjølvfinansierande Å rå frå opptak av lån som aukar driftsutgiftene Kommunen har i 2013 lagt opp til følgjande låneopptak: Nr Prosjekt Kroner 2013 Kommentar 1 Skulane og 4 733 400 Oppgradering/påkosting oppvekstsenter av skular, og etter ordning for rentekomp. Totalsum 5,6 mill. kroner. 2 Vik barnehage 411 600 Oppgradering/påkostning og brannsikring Fylkesmannens godkjenning 3 Utleigebustader 1 822 800 Oppgradering/påkostning
4/5 Nr Prosjekt Kroner 2013 Kommentar etter vasslekasje 4 Andre kommunale bygg 3 099 600 Kommunehuset og Vik Bygde og Sjukeheim oppgradering, nybygg, straumaggregat og Fylkesmannens godkjenning brannteknisk utbetring 5 VA- anlegg 1 000 000 Vassforsyning og avløp 6 Veganlegg fast dekke 865 200 Opprusting og fast dekke 7 Veganlegg nyinvestering 1 024 800 Veg og bruer 8 IKT-investeringar 692 800 Pc `ar og kopimaskiner 9 Breiband 562 800 Prosjekt fiber til bygdene i Vik 10 Formidlingslån 2 000 000 Startlån i husbanken SUM lån 16 213 000 Kommunen må sikre at alle prosjekt som skal førast i investeringsrekneskapen etter forskrift vert rekna som påkosting. Langsiktig gjeld i prosent av brutto driftsinntekter ligg under gjennomsnittet til den samanliknande kommunegruppa i Kostra. Kommunen har i dei seinare år hatt låge investeringar, og derav mindre låneopptak som belastar drifta med renter og avdrag. Budsjetterte låneopptak som gjeld 2013 blir godkjende. Økonomiplan/handlingsplan 2013 2016 Inndekning av akkumulert underskot blir fullført innanfor perioden til økonomiplanen, og Terra-saka er forventa avslutta i 2015. Gevinst sal av konsesjonskraft er samanlikna med økonomiplanen 2012 2016 redusert med 5 mill. kvart år i 2015 og 2016. Som følgje av endra skattereglar, nye skatteobjekt og auka satsar for bustad og fritidseigedomar, er inntekter frå eigedomsskatt aukande utover i perioden. Innsparingar for tenesteområda på 5,8 mill. kroner i 2013, er vidareført med heilårsverknad frå 2014 med 8,3 mill. kroner. Investeringar i perioden 2014 2016 er samla lagt inn med 144 mill. kroner. Av dette er 91 mill. kroner planlagt finansiert med nye låneopptak. Dette fører til at lånegjelda vil auke mykje i periode. Det er og lagt opp til å bruke mindre av kraftfondet til investeringar og meir til utviklingstiltak i drifta. Dette blir kompensert med auka låneopptak for investeringane. Bindande løyvingar med finansiering kjem ein attende til i årsbudsjetta. Kommunelova 44, nr. 4 krev at økonomiplanen for kvart enkelt år skal vise dekning for dei utgifter og oppgåver som er ført opp, jf. 46 nr. 6. Økonomiplanen til Vik kommune oppfyller desse vilkåra. Det er lagt opp til ei sterk auke i lånegjelda frå 2014. Dette fører til at ein større del av inntektene må nyttast til å dekkje renter og avdrag. Det blir då mindre til rådvelde for tenester til innbyggjarane. Vedtak: Fylkesmannen skal føre lovlegkontroll av budsjettvedtaket til Vik kommune, jf. kommunelova 60 nr. 2. Vi har føreteke kontrollen, og Vik kommune sitt budsjettvedtak for 2013 og økonomiplan 2013 2016 er godkjent.
5/5 Etter 50 nr. 9 i kommunelova, jf. departementet si fullmakt av 27.02.2001, skal Fylkesmannen godkjenne låneopptak for kommunar som er innmeldt i Robek-registeret. Vi har godkjent låneopptak for kr 16 213 000, jf. oversyn låneopptak. Det er eit vilkår at lån blir betalt tilbake i samsvar med reglane i kommunelova 50 nr. 7 a avdragstida kan ikkje overstige den vekta levetida for kommunen sine samla anleggsmidlar ved siste årsskifte. Med helsing Anne Karin Hamre Kåre Træen seniorrådgjevar Kopi pr. e-post: post@sf-revisjon.no