Åmli kommune v/kjetil Nese Gata 5 4865 Åmli 30. september 2020 Igangsetting av reguleringsplan arbeid på del av gnr. 39 bnr. 24 ved Raudåna, Åmli kommune. Vurdering av om planarbeidet krev konsekvensutgreiing. Bakgrunn Ole Gunnar Olstad som grunneigar på 39/24 i Åmli kommune søkte første gong i 2017 om å ta ut ca. 8000 m³ fjell til landbruksformål. Dette vart gjentatt i 2019, og det er til nå tatt ut ca 14 000 m³ fjell i området. Olstad Entreprenør AS har stått for drifta i uttaket. Olstad Entreprenør AS ynskjer å fortsette drifta av masseuttaket då dei ser at det er eit behov for denne type masser. For å kunne fortsette drifta har Direktoratet for mineralforvaltning stilt krav om at det søkjast driftskonsesjon med driftsplan og at det utarbeidast reguleringsplan for området. Planstatus I kommuneplanens arealdel for Åmli kommune 2019-2031, vedtatt 27.02.2020, er området lagt ut til LNF område. Kommunen stiller seg likevel positiv til fortsett drift i Raudåna masseuttak. Figur 2: Utsnitt, Kommuneplan for Åmli kommune, planområde i blå ring Ole Cudrios gate 25, 3715 Skien Postboks 116 Sentrum, 3701 Skien E-post: atpost@atskog.no Fra utland: +47 35 58 82 00 Org. Nr. NO 989 086 642 Bankgiro: 8150.05.00166 Side 1 av 6
Vurdering av krav til konsekvens utgreiing Kapittel 2 i forskrift om konsekvensutgreiingar bestemmer kva tiltak som skal konsekvensutgreiast. Tiltaket er vurdert å kome under 8 Planer og tiltak som skal konsekvensutgreiast om dei kan få vesentleg verknad etter 10. a) Reguleringsplan for tiltak i vedlegg II (2a Mineraluttak). Unntatt frå dette er reguleringsplanar der det konkrete tiltaket er konsekvensutgreia i ein tidlegare plan og der reguleringsplanen er i samsvar med denne tidlegare planen. Opplysningar om tiltaket ( 9) a) Det planleggast ei utviding av eksisterande uttaksområde som er drifta etter dispensasjon. Tiltakshavar er Olstad Entreprenør AS som eigast av Ole Gunnar Olstad og Tellef Olstad. Grunneigar i området er Ole Gunnar Olstad. Området ligg like aust for R 41 langs Katteråsvegen nordaust i Åmli kommune. I aust går det to høgspent liner. Område grenser mot Katteråsvegen og Katteråsåna i sør. Den einaste busetnaden i direkte nærheit til uttaket er ein fritidsbustad på sørsida av Katteråsåna. Omlandet rundt uttaket er elles skogsareal. Det eksisterande masseuttaket har eksisterande avkøyring frå Katteråsvegen, denne vil nyttast vidare. Området består av ein større kolle i vest og ein mindre mot aust, eksisterande uttak ligg i ein rygg mellom desse. Nord for eksisterande uttak stiger terrenget små kupert vidare oppover. b) Ein gjennomgang av Naturbase, artsdatabanken og Kilden syner ingen registreringar innafor planområde. Nve-atlas syner at område mellom Katteråsvegen og Katteråsåna delvis ligg i aktsemdsområde for flaum, maksimal vannstandstigning 6 m. Under synfaring i området er det ikkje observert teikn på natur med spesielle verdiar. Ein kan på grunnlag av dette ikkje sjå at tiltaket vil påverke miljøverdiar vesentleg. Under er kartutsnitt frå dei forskjellige basane med skissert planområde. Side 2 av 6
Utsnitt frå naturbase, planområde i blått. Utsnitt frå Artsdatabanken, planområde i blå ring Side 3 av 6
Utsnitt frå Kilden,nibio, bonitetskart, MiS registrering Utsnitt frå Nve-atlas, Flom, aktsomhetsområde. Side 4 av 6
c) Det forventast ikkje vesentleg verknad som følgje av reststoff, utslepp og produksjon av avfall. Det leggast opp til sedimenteringsgroper for å hindre avrenning. Støy vil avgrensast til kortare periodar i samband med sprenging av nytt fjell og knusing av masse. Støv kan førekomme i periodar med lite nedbør. Topplag vil bli lagt i vollar for å skjerme innsyn til området. Tiltaket vil ikkje produsere store avfallsmengder og må følgje forureiningsforskrifta. d) Forventa verknad som fylgje av bruken av naturressursar. Tiltaket vil føre til ei landskapsendring som fylgje av uttak av masser. Det er ein fritidsbustad på motsett side av Katteråsana elles er neste busetting om lag 750 m vekk, desse kan bli påverka av støy. Uttaket vil gje mindre skogbruksareal, men vil gje inntekt i form av sal av knuste masser. Det er ingen naturressursar med spesiell verdi innafor eller tett på planområdet. Kriteria for vurdering av om planen eller tiltaket kan få vesentleg verknad for miljø eller samfunn ( 10) Eigenskapar ved planen/tiltaket a) Totalt er området om lag 100 daa. Området er småkupert med stigning nordover, furuskog av varierande bonitet og alder dekker området. Sørleg del av arealet nord for Katteråsvegen består av eksisterande masseuttak. Arealet sør for Katteråsvegen er nyleg hogd. I Aust grenser området mot ei myr, det er og ei mindre myr i nordvest. b) Bruken av naturressursar i planområdet vil omfatte skogsareal som omdisponerast til masseuttak. Lausmassekart frå NGU syner at det er breelvavsetning i området med noke bart fjell med tynt dekke i nord, det er registrert en grusressurs vest og sør for planområdet i ressurskart for grus og pukk. Ressursane er klassifisert som lite viktig og av liten betydning. Berggrunnen i området består av Amfibiolitt, hornblendegneis, glimmergneis, stadvis migmatittisk (båndgneis med granittiske gangar). c) Det leggast ikkje opp til avfallsproduksjon frå masseuttaket. Ein må pårekne at det under gitte forhold kan bli noko støv. I periodar med sprenging og knusing av nytt fjell vil det være støy frå området. Masseuttak må forhalda seg til forureiningsforskrifta. d) Ein ser ikkje at det er potensiale for alvorleg ulykke /katastrofe som følgje av tiltaket. Det vil gis føresegner i høve til skråningsvinklar og avstandar og sikringstiltak rundt uttaket. Tiltaket er eit middelsuttak i eit område med relativt lite trafikk og vil såleis ikkje gje stor påverknad på samfunnet. Vurdering av om lokalisering og påverknad på omgjevnadane gjer at tiltaket kan medføre eller kome i konflikt med: a) Verneområde, utvalde naturtypar, prioriterte arter, verna vassdrag, vedtak etter kulturminnelova: Sjekk i tilgjengelege databasar syner ingen registreringar som vil vere i konflikt med tiltaket.. b) Trua artar/naturtypar, verdifulle landskap, verdifulle kulturminne/-miljø, viktige mineralressursar eller områder som er særleg viktig for friluftsliv: Databasane syner ingen treff på desse punkta. c) Statlege planretningslinjer, statlege planbestemmelser eller regionale planbestemmelser gitt i medhald av PBL av 27.06.2008 nr. 71 eller RPR gitt i medhald Side 5 av 6
av PBL av 14.06.1985 nr.77: Ein ser ikkje at det er konflikt med nokre av desse statlege føringane. d) Større omdisponering av områder avsett til LNF formål eller områder som er regulert til landbruk og har stor betydning for landbruksverksemd: tiltaket vil nytte eit skogareal med bonitet frå låg til høg. Det totale arealet av tiltaket er moderat, og byggar vidare på tidlegare godkjent drift.arealet har ikkje stor betydning for landbruksverksemd. Tiltaket vil ikkje vere til hinder for skogsdrift i nærliggande områder. e) Økt belastning der fastsette miljøkvalitetsstandardar er overskriden. Ein kan ikkje sjå at tiltaket vil gje økt belastning. f) Konsekvensar for befolkningas helse, som fylgje av vatn- eller luftforureining. Det er få fastbuande nær tiltaket og tiltaket legg ikkje opp til mykje forureining. g) Vesentleg forureining eller klimagassutslepp. Tiltaket legg ikkje opp til større utslepp eller forureining, og vil måtte forhalda seg til forureiningslova. h) Risiko for alvorleg ulukke som fylgje av naturfarar som ras, skred eller flaum. Tiltaket er ikkje omfatta av aktsamheitsområde for ras, skred eller jordskred. Ein mindre del av arealet ned mot Katteråsåna er omfatta av flaumsone i aktsamheitskart for flaum, maksimal auke av vasstand er sett til 6 m. Område er tenkt nytta som fyllområde for skarpmasser. Ein ser derfor ikkje at det er potensiale for alvorleg ulukke, da arealet ikkje skal brukast til opphald av maskiner og personell. Vurderingar i høve dette vil vere ein del av planarbeidet. Samandrag Ut i frå dei funna ein har gjort i dei forskjellige databasane og tiltakets størrelse og omfang, synes ikkje planen å ville få vesentleg verknader for miljø- og samfunn ut frå kriteria i forskriftas 10. Ut i frå vurderinga av aktuelle tema synes det ikkje nødvendig med konsekvensutgreiing i denne saka. Ein vil likevel utføre ei støyvurdering for uttaket som vil følgje reguleringsplanen, denne vil kunne avdekke behov for eventuelle avbøtande tiltak. Reguleringsplanen vil og beskrive forhold og løysningar for avrenning frå uttaket samt korleis ein vil forhalda seg til myrområde i aust. Med helsing for AT skog Mona Gundersen Arealplanlegger Vedlegg: Kart med planavgrensing Side 6 av 6