Reguleringsplan for Jotunheimen caravan camp, Postfuru Reguleringsføresegner Vågå kommune Plan-id Dato 05152014004 07.05.15 1. Avgrensing av planområdet, reguleringsføremål og omsynssoner 1.1 Avgrensing av planområdet er synt med reguleringsgrense på plankartet. 1.2 Reguleringsføremål, jfr. plan- og bygningsloven 12-5: a) Bygningar og anlegg (PBL 12-5 nr. 1) Fritids- og turistføremål, BFT Campingføremål, BC b) Samferdselsanlegg og teknisk infrastruktur (PBL 12-5 nr. 2) Offentleg veg, o_sv_1 Privat veg, f_sv_2, SV_3, SV_4 Kollektiv haldeplass, o_skh Gang- og sykkelveg, SGS c) Landbruks-, natur- og friluftslivsformål og reindrift (PBL 12-5 nr. 5) Friluftsformål, LF 1.3 Omsynsoner (PBL 12-6, JF. 11-8) a) Sikringssone frisikt, H140 b) Støysone Raud sone etter rundskriv T-1442, H210 c) Støysone Gul sone etter rundskriv T-1442, H220 d) Faresone Ras - og skredfare, H310 2. Rekkjefølgjeføresegner 2.1 Infrastruktur Før område (BC og BFT) kan godkjennast brukt til campingformål, må det liggje føre ei godkjent ordning for vatn og avlaup. Føresegner for reguleringsplan for Jotunheimen caravan camp, Postfuru 1 / 5
3. Felles føresegner 3.1 Automatisk freda kulturminne Dersom det i samband med tiltak i marka blir funne automatisk freda kulturminne som ikkje er kjende, skal arbeidet straks stansast i den grad det rører kulturminna eller sikringssona rundt dei på fem meter, jf. Lov om kulturminner 8. Melding skal snarast sendast kulturminnestyresmaktene i Oppland fylkeskommune slik at vernestyresmaktene kan gjennomføre ei synfaring og avklare om tiltaket kan gjennomførast og eventuelt vilkåra for dette. 3.2 Universell utforming Ved utforming av bygningar og uteområde skal det takast omsyn til prinsippa om universell utforming i PBL 1-1 og 29-3, samt kap. 12 i forskrift om tekniske krav til byggverk. 3.3 Estetisk utforming og materialbruk a) Området skal ha ei heilskapleg arkitektonisk utforming som passer inn i det lokale bygningsmiljøet, både med omsyn til materialbruk, utforming og fargebruk. b) Utbygging og installasjonar skal tilpassast terreng og landskap. c) Alle bygningar med unntak av spikartelt skal ha saltak med takvinkel mellom 22 og 27. Spikartelt kan ha pulttak eller saltak. Taktekkinga skal utførast med materiale som gjev ein mørk og matt fargeverknad. d) Bygningar skal settast opp i tre og beisast eller malast i matte, mørke jordfargar eller ha ubehandla/olja trekledning. Denne regelen gjeld og for vindauge, vindskier, tak og grunnmur. Lyse kontrastfarger skal ikkje godkjennast. 3.4 Byggegrenser Det skal ikkje byggjast nærare nabogrense, dvs. grense for festearealet, enn 4 m. Byggegrense mot Fylkesveg 51 er 30 m slik det går fram av plankartet. Byggegrense mot Griningsdalsvegen (f_sv_2) er 6 meter frå senterline. 3.5 Avfall og renovasjon Plassering av avfallsdunkar og containerar og ev. avfallsbygg skal synast på situasjonsplan i byggesøknad. 4. Bygningar og anlegg (pbl 12-5 nr. 1) 4.1 Mindre tekniske anlegg elektrisk fordelingsskap/trafo og liknande Innanfor alle byggeformål kan det gjevast løyve til å plassere små tekniske fellesanlegg som nettstasjonar (små trafoar/kabelskap), mindre pumpestasjonar osb. Utforming av slike anlegg skal skildrast i søknad om tiltak. Det same gjeld kablar og leidningar. Anlegga må plasserast og utformast slik at dei praktisk og estetisk er minst mogleg sjenerande. Føresegner for reguleringsplan for Jotunheimen caravan camp, Postfuru 2 / 5
4.2 Fritids og turistformål, BFT a) Området skal nyttast til sporadisk døgncamping for inntil 25 campingeiningar. b) Spikartelt i tilknyting til campingeininga er ikkje tillatt. c) Transportable campingeiningar som er sett saman av campingvogn, bubil eller telt og liknande med tilhøyrande fortelt og liknande skal ha ein minste avstand på 4,0 m. Brennbare konstruksjonar med høgde meir enn 0,5 m over terrenget vert rekna som ein del av campingeininga. d) Bil som ikkje er tilrettelagt for overnatting kan settast mellom campingeiningane. e) Campingvogner og bubilar skal stillast opp slik at dei umiddelbart kan koplast på bil og fjernast ved ein eventuell brann eller annan naudsituasjon. Drag på campingvogn må såleis ikkje byggast inn på nokon måte. f) Tilkomst til BFT skal etablerast frå SV_3. 4.3 Campingplass, BC a) Området skal nyttast til campingplass. Det kan førast opp bygningar og anlegg for sanitærbygg for drift av campingplassen i samsvar med føresegnene. Dette er søknadspliktige tiltak. Det kan byggjast vegar i området for å gjera det mogleg å drive det som ein campingplass. Dette er søknadspliktige tiltak. b) Utnyttingsgrad/tal campingeiningar 1. Området skal nyttast til campingplass for inntil 30 campingeiningar. 2. Prosent bebygd areal (BYA) skal ikkje overskride 15%. c) Sanitærbygg 1. I området kan det førast opp sanitærbygg for drift av campingplassen. Sanitætbygget kan ha maksimalt areal (BYA) på 50 m 2, maksimal mønehøgde på 5 m og gesimshøgde på 3 m. 2. Felles sanitæranlegg skal ha universell utforming og plassering i terrenget og slik vera tilgjengeleg for alle. d) Spikartelt 1. Spikartelt i tilknyting til campingeininga er tillate, og er søknadspliktig tiltak. Spikartelt skal godkjennast av campingplasseigaren i tillegg til vanleg byggesøknad. 2. Det er ikkje høve til å føre opp frittståande bod, uthus, anneks eller liknande. 3. Spikartelt/fortelt skal ikkje overstige arealet av transportabel eining og skal ikkje vera høgare enn 25 cm over transportabel eining. Spikartelt kan ha saltak som er røsta på tvers av den transportable eininga, eller pulttak som er røsta langs den transportable eininga. 4. Platting skal ikkje ha areal over 5 m 2. Det er ikkje tillate med fundamentering som føreset graving for etablering av platting/terrasse, og desse skal leggast på terrengnivå. 5. Mellom spikartelt og transportabel eining skal det jf. TEK 10 vera minimum 8 m innbyrdes avstand, med mindre det er treft tiltak for å hindre spreiing av brann Føresegner for reguleringsplan for Jotunheimen caravan camp, Postfuru 3 / 5
mellom einingane. Dette gjeld og brennbare konstruksjonar som er høgare enn 0,5 m. e) Transportable einingar 1. Transportable campingeiningar som er sett saman av campingvogn, bubil eller telt og liknande med tilhøyrande fortelt og liknande skal ha ein minste avstand på 4,0 m. Brennbare konstruksjonar med høgde meir enn 0,5 m over terrenget vert rekna som ein del av campingeininga. 2. Bil som ikkje er tilrettelagt for overnatting kan settast mellom campingeiningane. 3. Campingvogner og bubilar skal stillast opp slik at dei umiddelbart kan koplast på bil og fjernast ved ein eventuell brann eller annan naudsituasjon. Drag på campingvogn må såleis ikkje byggast inn på nokon måte. 5 Samferdselsanlegg og teknisk infrastruktur (PBL 12-5 nr. 2) 5.1 Veg, o_sv_1, f_sv_2, SV_3 og SV_4 a) Dette formålet gjeld areal for Fylkesveg 51 (Fv. 51), avkøyring frå Fv. 51 og vegar på eksisterande campingplass. b) Felt o_sv_1 er areal for Fv. 51. c) Felt f_sv_2 er areal for felles avkøyring frå Fv. 51 og felles privat veg som held fram austover, Griningdalsvegen. d) Felt SV_3 og SV_4 er eksisterande interne vegar på eksisterande campingplass. e) Eventuelle skjeringar og fyllingar ved vedlikehald og nybygging av vegar skal gjerast so små som mogleg, og skal såast til eller dekkast av torv frå området straks etter at arbeidet er avslutta. 5.2 Kollektiv haldeplass, o_skh Område for eksisterande kollektiv haldeplass langs Fv. 51. Skjeringar og fyllingar skal gjerast so små som mogleg, og skal såast til eller dekkast av torv frå området straks etter at ev. arbeid i området er avslutta. 5.3 Gang- og sykkelveg, SGS Område for gang- og sykkelveg mellom vegane på campingplassen. Skjeringar og fyllingar skal gjerast so små som mogleg, og skal såast til eller dekkast av torv frå området straks etter at ev. arbeid i området er avslutta. 6. Landbruks-, natur- og friluftslivsformål og reindrift (PBL 12-5 nr. 5) 6.1 Friluftsformål, LF Område for friluftsformål. Områda som er regulert til friluftsformål kan nyttast til allment friluftsliv. Innanfor områda gjeld bygge- og deleforbod. Føresegner for reguleringsplan for Jotunheimen caravan camp, Postfuru 4 / 5
7. Omsynssoner (PBL 12-6, JF. 11-8) 7.1 Sikringssone frisikt, H140 Frisiktsone for avkøyring frå fylkesveg 51. I frisiktsona er det ikkje tillate å plassere mellombelse eller faste installasjonar, planter eller byggverk som hindrar fri sikt i avkøyringa 0,5 m over køyrebanenivå for fv.51. Dimensjonerande avstandar er 85 m stoppsikt og 6 m avstand frå senterlina i Fv. 51. 7.2 Støysone Raud sone etter rundskriv T-1442, H210 Raud støysone i samsvar med data for støysoner frå Statens vegvesen og Miljøverndepartementet si retningsline for behandling av støy, T-1442. 7.3 Støysone Gul sone etter rundskriv T-1442, H220 Gul støysone i samsvar med data for støysoner frå Statens vegvesen og Miljøverndepartementet si retningsline for behandling av støy, T-1442. 7.4 Faresone Ras - og skredfare, H310 Faresone i utlaupsområde for snøskred. Det skal ikkje plasserast eller byggast installasjonar som vert ståande gjennom vintersesongen innanfor eller på grensa til dette området. Føresegner for reguleringsplan for Jotunheimen caravan camp, Postfuru 5 / 5