Øystre Slidre kommune Saksbehandlar: Gunnar Kværne Amundsen Saksframlegg Arkivsaksnr: 07/701 Arkiv: L12, U09 Tlf: 61 35 25 00 Behandla av: Møtedato Saksnr: Planutvalet 08.10.2009 065/09 U09 Reguleringsplan for Bjødnaholet - revisjon. Handsaming før offentleg ettersyn. Utskrift til: Bjødnaholet utvikling AS v/gunnar Thue, 2940 Heggenes Areal+ AS, Pb. 124, 2601 Lillehammer Vedlegg: Reguleringsplankart Andre saksdokument (ikkje vedlagt): Nr T Dok.dato Avsender/Mottaker Tittel 1 I 30.05.2007 Areal+ Varsel om igangsetting av planarbeid 2 I 16.12.2008 Areal+ U09 Forslag til reguleringsplan 3 U 10.02.2009 Areal+ v/olav Talle U09 Reguleringsplan for Bjødnaholet - revisjon 4 I 30.06.2009 Oppland fylkeskommune U09 Reguleringsplan for Bjødnaholet - revisjon,uttale 7 I 14.09.2009 Olav Talle VS: Reguleringsplan for Bjødnaholet 5 I 28.09.2009 Åge Windingstad U09 Reguleringsplan for Bjødnaholet,vedr.C2 og C3,kart til bruk ved off.ettersyn Bakgrunn for saka: Areal+ har på vegne av Bjødnaholet utvikling AS v/gunnar Thue fremma ei revidering av reguleringsplan for Bjødnaholet. Planforslaget skal erstatte gjeldande plan for området. Planområdet er det same som gjeldande plan med ei utviding av areal for høgdebasseng aust i planområdet.
Saksopplysningar: Om planforslaget Formålet med planarbeidet er å regulere inn areal for høgdebasseng for drikkevatn og leidningstraséar, areal for kloakkreinseanlegg, avklare miljøstasjon for avfall og justering av tomter og veger etter at kommunen har målt eigedomsgrenser innafor planområdet. Antal hyttetomter er det same som i gjeldande plan. Eksisterande vegtrace er og dei same som gjeldande plan. Reguleringsplanen ligg innafor det arealet som er avsett til byggjeområde for hytter i arealdelen til kommuneplan. Innleiande prosess Revidering av planarbeidet vart varsla i Avisa Valdres og Oppland Arbeiderblad den 02.06.2007. Private, offentlege etatar og naboar vart varsla den 30.05.2007. Innkomne merknader i samband med annonsert oppstart av planarbeidet 1. Statens vegvesen Region øst, brev dagsett 27.06.2007. Ingen merknad bortsett frå at vegvesenet lurer på korleis tilkomst til planområdet er tenkt løyst. Kommentar frå Areal+: Statens vegvesen er i brev orientert om vegtilkomst i planområdet. 2. Oppland fylkeskommune, brev dagsett 27.06.2007. Dei ber om godkjenning av budsjett for å foreta synfaring av kulturminne i området. Elles ingen merknader. Kommentar frå Areal+: Det er halde synfaring i området. I brev dagsett 30.06.2009 skriv fylkeskommunen at synfaring er gjennomført og at det ikkje vart funne automatisk freda kulturminne. Dei skriv vidare at dersom det blir funne automatisk freda kulturminne må arbeid stoppe opp og kulturminnestyresmaktene i Oppland fylkeskommune skal varslast slik at dei kan kome å synfare området. 3. Valdres Energiverk, brev dagsett 11.06.2007: Det er bygd ut straumforsyning i området. Ved eventuell flytting av installasjonar må kostnadene berast av utbyggar. 4. Statskog SF, brev dagsett 29.06.2007: Det må ikkje forureinast på grunn som framleis skal vere i OVF sitt eige. Elles ingen merknader. 5. Knut Kirkemo, eigar av gnr. 34, bnr. 22, e-post dagsett 07.06.2007: Han opplyser at eigedomen 34/37 er delt frå 34/7 og samanføyd med 34/22. 6. Peter Brandt, eigar av gnr. 34, bnr. 25 har i fleire e-postar med skisser for tillegg til hyttetomt.
7. Erik Grønningsæther, eigar av gnr. 34, bnr. 8, fnr. 4, brev dagsett 01.08.2007; Forslag til vegtilkomst til hytta. 8. Pål Grenager, eigar av gnr. 30, bnr. 34: Melding om adresseendring. Innkomne merknader er vurdert og take omsyn til. Det kan likevel vere konfliktar som planutvalet lyt ta stilling til etter offentleg ettersyn. Utbyggar legg fram dette forslaget til føresegn: REGULERINGSFORMÅL Avgrensing av området er vist på plankartet med reguleringsgrense. Innafor området er arealet regulert til disse formåla, jfr. plan- og bygningslova 12-5 og 12-6: PBL 12-5.1 Bygg og anlegg Hytter, fritidsbustader PBL 12-5.2 Samferdselsanlegg og teknisk infrastruktur Privat veg og parkering Nettstasjon, trafo Område for renovasjon, miljøstasjon Infiltrasjon/renseanlegg PBL 12-5.5 Landbruks-, natur- og friluftsområde Friluftsområde PBL 12-6 Område med hensynssoner i reguleringsplanen Faresone høgspentanlegg, høgspentline Sikringssone frisikt Bevaring av kulturminne GENERELT Dersom det ved tiltak i marka vert funne automatisk freda kulturminne, skal arbeidet straks stansast i den grad det rører ved kulturminna eller sikringssona kring dei på 5 meter, jfr. Lov om kulturminne 8. Melding skal snarast sendast til kulturminnestyresmaktene i Oppland fylkeskommune, slik at vernestyresmaktene kan komme på synfaring og ta stilling til om tiltaket kan halde fram og eventuelt vilkåra for dette. PBL 12-5.1 BYGG OG ANLEGG Byggeområde for hytter, fritidsbustader 1. Bebygd areal (% BYA) skal ikkje overstige 12% av tomtearealet, innafor ei øvre grense på 120 m 2 BYA. 2. På eigedommar der det ligg til rette for det kan det førast opp inntil 3 bygg: Hytte, anneks og uthus/garasje. Bygga skal plasserast i tunform. 3. Hyttene skal plasserast slik at dei er best mogleg tilpassa terrenget. Det er berre lov å ta bort den vegetasjonen som er nødvendig for plassering av hytta på tomta. 4. Bygg skal ha utforming, materialbruk, dimensjonar og fargebruk som passar inn i det lokale bygningsmiljøet. Bygg skal ha saltak med takvinkel mellom 20 o og 30 o, og tilnærma same takvinkel på alle bygg på same tomt. Mindre tak over inngangsparti
m.m. kan ha annan takvinkel. Det er ikkje tillate med bygg med valma tak. Til taktekking skal nyttast torv, skifer eller shingel med mørk fargeverknad og skal vera det same på alle bygg på same tomt. 5. Hovudmøneretning på hovudhytta skal liggje parallelt med terrengkotene. Gavlen på hyttene skal vera vesentleg smalare enn langveggen. 6. Hytter skal førast opp i ein etasje. Maksimal mønehøgd over gjennomsnittleg nivå av terrenget er 6,0 m. Begrensinga gjeld både i høve planert og eksisterande terreng. Oppstogo er ikkje tillate. 7. Gesimshøgda, målt frå topp grunnmur til overkant sperre/overgurt, skal vera mellom 2,5 m og 2,9 m. 8. Synleg grunnmur over planert terreng skal ikkje vera over 0,8 m. 9. Det er ikkje tillate å planere i større utstrekning enn det som er naudsynt for hensiktsmessig plassering av hytta. Høgde på fylling kan maksimalt avvike 1,0 m frå eksisterande terreng. Kommunen har høve til å dispensere ved særleg lågtliggjande tomter og ved tomter der terrenget er spesielt ujamnt. Der det blir nytta støttemurar skal desse utførast som stablesteinsmur, og skråningar skal såast til med naturblanding. 10. Ytre fasadekledning skal tilpassast kvart enkelt bygg. Vindauge skal tilpassast bygningen. Vindauge i taket er ikkje tillate, korkje langs takflate eller nedsenka. Karnapp er ikkje tillate. Materialet i interiøret skal i hovudsak vera stein og tre. Vegg- og murflater skal målast/beisast i mørk farge i jordfargespekteret. Kvitt og svært skarpe fargar, særleg lilla og blått, må heller ikkje nyttast på vindskeier og på omramming rundt vindauge. Liggjande panel der borda overlappar kvarandre er forbode. 11. Plan- og bygningslova 70 gjeld ved plassering av bygg på tomta. Situasjonsplan skal sendast saman med søknad om løyve til tiltak. Slik plan skal vera i målestokk 1:500 og skal syne situasjonen på tomta. Profil av eksisterande og planert terreng skal gå fram av snitteikninga. Garasje og uthus mindre enn 40 m 2 kan plasserast inntil 1,0 m frå nabogrense. 12. Det kan opparbeidast maksimalt to biloppstillingsplassar på kvar eigedom. 13. Flaggstenger er ikkje tillate. 14. På hytteeigedommar kan det ikkje gjerdast inn heile tomta, men det kan gjerdast inn inntil 200 m 2 av tunet rundt inngangspartiet på hytta. Skigard av kløyvde skier kan setjast opp der det syner seg naudsynt for å leie ferdsle til friluftsområde. Slike gjerde kan setjast opp som skjerm mot veg 3 og veg 2 til og med tomt D7. 15. Portar og portstolpar skal ha ei beskjeden utforming. Portstolpar skal ikkje vera høgare enn 1,6 m. 16. Avfall skal bringast til godkjend renovasjonsplass. 17. All framføring av elektrisitet skal skje ved jordkabel. 18. Tomt A1 er riggplass i anleggsperioden. PBL 12-5.2 SAMFERDSELSANLEGG OG TEKNISK INFRASTRUKTUR Privat veg og parkering 19. Planen viser stølsvegen, veg 1, som eksisterande privat veg. Vegen er regulert med minimum 10 meter breidde på vegformålet. Regulert vegbreidde skal vera 5,5 meter. Det er ikkje tillate å føre opp bygg nærare senterlina til denne vegen enn 12 meter. 20. Andre private vegar skal ha maksimal vegbreidde 4,0 meter med skulder. Regulert vegformål har breidde 8 meter samlevegar og 6 meter på tilkomstveg til mindre tomtegrupper. Vegstigninga skal ikkje overstige 1:8. Opparbeidinga i tilslutning til stølsvegen skal utførast i samsvar med gjeldande retningsliner. Alle veger er opne for allmen ferdsel og kan vinterbrøytast.
21. Det er planlagt parkeringsplassar til bruk for allmenta som vil nytte området til tur og rekreasjon i området. 22. Det skal sikrast tilstrekkelege grøfter for overflatevatn og eksisterande bekker langs vegane. Vegskråning skal ikkje ha større stigning enn 1:1,5, utan at denne er sikra med steinplastring eller anna tiltak. Evt. støttemur skal utførast som stablesteinmur. Skråningar skal tilsåast med naturblanding. Nettstasjon, trafo 23. I områda er det sett av areal til nettstasjon, trafo. Område for renovasjon, miljøstasjon 24. I områda er det sett av areal til renovasjon, miljøstasjon. Infiltrasjon/renseanlegg 25. Området er sett av til infiltrasjon / renseanlegg. Høgdebasseng/borhol for drikkevatn 26. Område er sett av til borhol og høgdebasseng for drikkevatn. Borhol og installasjonar skal sikrast mot beitedyr og for uvedkommande. PBL 12-5.5 LANDBRUKS-, NATUR- OG FRILUFTSOMRÅDE Friluftsområde 27. Friluftsområda skal i størst mogleg grad oppretthaldast slik dei er i dag. Områda er vegetasjonsskjerm og aktivitetsområde og kan nyttast til leikeområde og turstiar og skiløyper for å sikre tilkomst til omkringliggjande område. 28. Den gamle stølsvegen ligg i friluftsområde frå tomt C6 og austover. Vegen skal ikkje vinterbrøytast og skal vera stengd for motorisert ferdsel og takast vare på slik den ligg i dag. PBL 12-6 OMRÅDE MED HENSYNSSONER I REGULERINGSPLANEN Faresone høgspentanlegg, høgspentline 29. Område regulert til fareområde høgspentanlegg er sikringssone langs høgspentline i luft. Det er ikkje tillate å føre opp bygg eller andre faste innretningar nærare høgspentline enn 6 meter målt i horisontalplanet. Sikringssone, frisikt 30. Det er lagt inn frisiktsone 10x100 m i vegkryssa med stølsvegen. I frisiktsona må vegetasjon og anna haldast nede frå bakkenivå til 0,5 m over bakken. Bevaring av kulturminne 31. Spesialområde R1 er eit jernvinneanlegg frå både eldre jernalder og mellomalder. Jernvinneanlegga er automatisk freda, jfr. Lov om kulturminne 4c, 6 og 8. Alle tiltak innafor spesialområde vern skal leggjast fram for kulturminnestyresmaktene i Oppland fylkeskommune for godkjenning. 32. Spesialområde R4 og R8 er eit jernvinneanlegg frå mellomalder. Jernvinneanlegget er automatisk freda, jfr. Lov om kulturminne 4c, 6 og 8. Alle tiltak innafor spesialområde vern skal leggjast fram for kulturminnestyresmaktene i Oppland fylkeskommune for godkjenning.
Skilnader mellom eksisterande plan og framlegg til ny plan: 1. Høgdebasseng/borhol Det er avsett eit større område for å sikre vassforsyninga til hyttene innafor planområdet. Dette er vist i den austre delen av planområdet. 2. Veg fram til tomt D3 3. Veg fram til tomtene A15, A16 og A17 4. Vegbreidde smala inn fleire stader (mellom D8 og D5, C4 og C18 og C15 og C17) 5. Friluftskorridor fjerna mellom tomt C6 og C16 6. Veg 8 lagt om 7. Veg opp til høgdebasseng mellom tomtene A31 og A32 Føresegna mellom eksisterande plan og ny plan er så å seie identiske. Nye føresegn er tilpassa nytt lovverk. Den største skilnaden i føresegn er at det skal vere lov å gjerde inn 200 m² rundt hytta. Vurdering: Slik ein ser det er det eit punkt som ikkje er tilfredstillande i høve eksisterande plan, det er vegbreidda på vegen ei området. Føresegna til ny plan seier i pkt. 20: Regulert vegformål har breidde 8 meter samlevegar og 6 meter på tilkomstveg til mindre tomtegrupper. Før planen vart lagt ut på offentleg ettersyn må vegane breiddas for å tilfredstille pnk. 20 i reguleringsføresegna. På veg 3, 4, 5 og 6 er det lagt inn senterlinje. Ein ber utbyggar om å vurdere om dette bør leggast inn på veg 2. Ved breidding av vegen i framtida vil det då vere enklare å føreseie kva som blir ny vegtrase. I forskrift vedrørande grad av utnytting frå Miljøverndepartementet, Kommunal- og Regionaldepartementet og Statens Byggtekniske Etat er det bestemt føljande: 3-12 Parkering Parkeringsarealet går inn i beregningsgrunnlaget for grad av utnytting. 30 m² av BYA skal difor vere parkeringsareal. Parkeringsarealet kan nyttast til å bygge garasje. Men for å framleis kunne bygge ei hytte på 120 m² må ein då auke BYA på kvar hyttetomt til 150 m². Ein meiner difor at det vil vere rett å endre føresegna til at ein kan bygge 150 m² på kvar tomt. Dei andre endringane i nytt planforslag verkar fornuftige. Rådmannen legg saka fram med slikt forslag til vedtak: Planen, slik det går fram av plankart dagsett 09.09.2009 og føresegna i saka skal endrast på følgjande:
Vegbreidda på vegane i planområdet skal breiddast til minimum 8 m. regulert vegformål på samlevegar og minimum 6 m. vegformål på tilkomstveg til mindre tomtegrupper. Punkt 1 i føresegna endrast til følgjande: Bebygd areal (% BYA) skal ikkje overstige 12 % av tomtearealet, innafor ei øvre grense på 150 m² BYA. Av dette er 30 m² avsett til parkeringsareal. Rådmannen får mynde til å sjå til at revidert plan er i samsvar med dette vedtaket. Planutvalet legg, i medhald av plan- og bygningslova 12-11, reguleringsplanen, revidert i samsvar med dette vedtaket, ut til offentleg ettersyn. 08.10.2009 Planutvalet Behandling: Samrøystes vedteke. PL-065/09 Vedtak: Planen, slik det går fram av plankart dagsett 09.09.2009 og føresegna i saka skal endrast på følgjande: Vegbreidda på vegane i planområdet skal breiddast til minimum 8 m. regulert vegformål på samlevegar og minimum 6 m. vegformål på tilkomstveg til mindre tomtegrupper. Punkt 1 i føresegna endrast til følgjande: Bebygd areal (% BYA) skal ikkje overstige 12 % av tomtearealet, innafor ei øvre grense på 150 m² BYA. Av dette er 30 m² avsett til parkeringsareal. Rådmannen får mynde til å sjå til at revidert plan er i samsvar med dette vedtaket. Planutvalet legg, i medhald av plan- og bygningslova 12-11, reguleringsplanen, revidert i samsvar med dette vedtaket, ut til offentleg ettersyn. Rett møtebok: