NOTAT nr 1 Gjelder: Volda Prosj.nr. : 2011117-1 Revisjon : Dato : 16.11.2011 Utført av: Kontrollert av: Godkjent av: Torkjell Ljone Torgeir Døssland Torgeir Døssland INNHALD Side 1. BAKGRUNN OG SYNFARING... 1 2. TILHØVE OG STABILITET... 2 3. TILTAK... 2 4. FØLGJER FOR REGULERINGSPLAN... 3 5. FIGURAR OG BILETE... 3 6. REFERANSAR... 10 1. Bakgrunn og synfaring Synfaringa vart gjennomført 04.11.2011 av geolog Torkjell Ljone med formål å kartlegga skredfaren ved Gamlevegen 48, då det er planar om å riva eksisterande bygg, og bygga rekkehus. Figur 1 viser oversiktskart med planområdet avmerkt. For denne type bustadar er det tryggleiksklasse 3 med største nominelle sannsyn for skred på 1:5000 som gjeld (Byggteknisk forskrift, 2010; Statens byggtekniske etat, 2010). Aktsemdkarta til skrednett.no syner at planområdet har potensiell fare for snøskred. Sjølv om aktsemdkarta ikkje viser noko potensiell fare for steinsprang, vart det òg undersøkt for dette, då desse karta dårleg fangar opp isolerte skrentar under 20 meter (skrednett.no). Det nye bygget vil plasserast med omtrentleg same avstand til skråninga, som det eksisterande bygget har (Bilete 1). Bilete 2, Bilete 3 og Bilete 4 viser oversikt over den studerte skråninga. Geovest-Haugland AS - Grandfjæra 24, 6415 Molde Telefon 71 20 59 20 - Telefaks 71 20 59 30 www.geovest.no - post@geovest.no Bank 4202.21.82298 - NO 942 735 456 MVA Rådgivende ingeniører Bygge- og anleggsteknikk Geoteknikk og ingeniørgeologi Samferdselsteknikk og arealplanlegging
Trond Klepp og Magne Aksnes frå Hake AS var med i starten av synfaringa. Trond Klepp har vakse opp i nærleiken og har aldri høyrt om noko skred i dette området. I nokre tilfelle har det trilla ned nokre stein i samband med gravearbeid lenger oppe. 2. Tilhøve og stabilitet Området som er undersøkt er ei skråning som går omtrent frå eksisterande husvegg og opp mot Lønnevegen (nordaust). Hellinga til skråninga varierer, med fleire parti på rundt 40 i tillegg til å ha bergblottingar som er brattare. Skråninga er dekt av eit tynt morenelag og har tett lauvskog av hovudsakleg bjørk og hassel. Det ligg stein og blokker i store delar av skråninga og dei nedste ligg om lag 5 meter frå husveggen. Me kan ikkje sjå vekk i frå at materiale som har nådd lengre har vorte fjerna i samband med husbygging. Dei fleste stein og blokkene er resultat steinsprang som stammar frå kjeldeområde i nærleiken. Mot toppen mot Lønnevegen, vert skråninga slakkare og det vert mindre kjeldeområde for steinsprang. Eventuelle blokker som losnar her vil difor truleg ikkje nå det planlagde byggefeltet. Skredmaterialet i skråninga er dekt av kraftig mosevekst og vegetasjon noko som kan tyda på at dei har lege i ro lenge (Bilete 5). Det er ikkje observert ferske steinsprang og heller ingen ferske brotflater i dei potensielle kjeldeområda. Mesteparten av skredmaterialet stammar truleg frå tidleg etter nedsmeltinga av siste istid for om lag 10 000 år sida, då skredaktiviteten var høg. Bergarten er ein glimmergneis, som er ein skifrig bergart som lett spaltar opp langs foliasjonsplana. Retninga til foliasjonsplanet til bergarten varierer noko, men er fleire stader parallell med retninga til skråninga (Bilete 6). Dette fører til at eventuelle blokker som losnar vil skli ut og nedover skråninga i staden for å rulla/hoppa, og vil dermed raskt mista energi til underlaget (Bilete 7). Andre stadar gjer retninga til foliasjonsplanet at blokker som har losna kviler på kvarandre i staden for å skli ut (Bilete 8). Jord- og snøskred Det er ikkje observert teikn til tidlegare snø- eller jordskred. Nokre av trea i skråninga viser at det er noko jordsig, ved at dei har krumma stamma nedst (Bilete 9). Då det ikkje er tenkt å bygga inn i skråninga, vil dette ikkje ha noko å sei. Ved gjeldande skogtilhøve er jord- og snøskredfaren tolka til å vera innanfor krava i byggteknisk forskrift 7-3, som er største nominelle sannsyn på 1/5000 for fleirmannsbustadar(byggteknisk forskrift, 2010; Statens byggtekniske etat, 2010). Steinsprang Kjeldeområda er relativt låge, noko som avgrensar fritt fall for eventuelle steinsprang. Dette gjer at stein og blokker som losnar vil få lite energi, og vil truleg skli nedover skråninga. Sjølv om det ikkje er observert ferske steinsprang, er det nokre av bergblottingane som har ustabile parti som vil kunne losna og nå det planlagde rekkehuset. Årleg nominelt sannsyn for skred er difor tolka til å vera høgare enn 1:5000. Rekkehuset kan difor ikkje setjast opp utan sikringstiltak. 3. Tiltak Sidan nominelt sannsyn for steinsprang er tolka til å vera høgare enn 1:5000, trengs det sikringstiltak. På grunn av låge kjeldeområde og foliasjonen til bergarten, vil eventuelle blokker som losnar komme skliande nedover skråninga. Skråningsgradienten vert òg mindre nedover mot husveggen noko som promoterer for skliing i staden for rulling/spretting. Beste tiltak til å stoppa eventuelle steinsprang vil vera å grava ned ei fanggrøft i første partiet av skråninga (nærast hus). Dersom det er tynt jordlag kan det i tillegg byggast opp voll på nedsida av grøfta. Dato 16.11.2011 Side 2 av 10
Etter at sikringstiltak er utført må det på ny kontrollerast av geolog for å vurdera om arbeidet oppfyller krava i byggteknisk forskrift. 4. Følgjer for reguleringsplan Den eksisterande skogen er ein føresetnad for skredfarevurderinga som er gjennomført. Den reduserer faren for jord- og snøskred i tillegg til å hjelpa til med å stoppa steinsprang. Flatehogst av skog vil i tillegg kunna føra til nye problemstillingar ved at det kan auka faren for jordskred. På bakgrunn av dette vert det foreslått at planområdet vert utvida til å gjelda lenger opp i skråninga, som vist på Figur 2. Dette området må då definerast som omsynssone og reguleringsføresegnene må innehalda forbod mot flatehogst av skogen. 5. Figurar og bilete Figur 1: Oversiktskart over Gamlevegen 48 med planområdet merkt i gult Dato 16.11.2011 Side 3 av 10
Figur 2: Forslag til utvida planområde. Kart henta frå www.gislink.no Dato 16.11.2011 Side 4 av 10
Bilete 1: Eksisterande bygg, Gamlevegen 48. Bilete 2: Oversikt over nordvestlege del av skråning Dato 16.11.2011 Side 5 av 10
Bilete 3: Oversikt over midtre del av skråning Bilete 4: Oversikt over søraustlege del av skråning Dato 16.11.2011 Side 6 av 10
Bilete 5: Blokker frå tidlegare steinsprang Bilete 6: Kjeldeområde 10 meter frå husvegg. Foliasjonsplanet er omtrent parallelt med skråninga. Blokker sklir ut og mistar raskt energi Dato 16.11.2011 Side 7 av 10
Bilete 7: Blokk som har losna like over og stoppa raskt på grunn av energitap mot underlag Bilete 8: Lause blokker som kviler på kvarandre på grunn av retninga til foliasjonplanet Dato 16.11.2011 Side 8 av 10
Bilete 9: Skogen i skråninga. Nokre av trea viser teikn på jordsig Dato 16.11.2011 Side 9 av 10
6. Referansar Byggteknisk forskrift, 2010. Forskrift om krav til byggverk og produkter til byggverk. Fastsatt ved kgl. Res. 26. mars 2010 nr 489 med hjemmel i lov 27. juni 2008 nr 71. Tilgjengeleg frå: http://www.lovdata.no/ltavd1/filer/sf-20100326-0489.html#7-3 Lest: 14.11.2011 Statens byggtekniske etat, 2010. Veiledning om tekniske krav til byggverk. Tilgjengeleg frå: http://byggeregler.be.no/dxp/content/tekniskekrav/kap-07/3/ Lest 14.11.2011 www.skrednett.no Dato 16.11.2011 Side 10 av 10