Interkommunalt samarbeid Kommunegeolog - forslag til samarbeidsplan Kommunar som var på informasjonsmøte eller har sagt seg interessert til å vere med: Kvam (HST-106/11), Fusa (KOM-036/11), Ullensvang, Masfjorden, Modalen, Ulvik, Jondal, Kvinnherad, Eidfjord og Samnanger
INTERKOMMUNAL KOMMUNEGEOLOG Side 2 av 13 Vår ref.: 12/50-11/N-860//TORDOL Arkiv: N-860 Dato: 27.04.2012 Innhaldsliste 1. Bakgrunn... 3 2. Visjon... 4 3. Mål... 4 4. Strategi... 4 5. Tiltak... 4 6. Gevinst... 5 7. Organisering... 7 8. Økonomi...8 9. Oppsummering og ringverknader... 13 Versjon 4 oppdatert 27. april 2012 Bilete på framsida: Foto av steinsprang på Klyvevegen, Fykse, Kvam, 27. okt. 2008. Foto: Tore Dolvik Foto av ein ustabil blokk som vart tatt ned i Klyvevegen, Kvam, 1-3. nov. 2010. Foto: Tore Dolvik, 3. nov. 2010 Foto av vinterflaum på Kvamskogen 22. mars 2011. Foto: Tore Dolvik Foto av flaumskred i Håvik, Fusa (24. juli 2011; foto 31. aug. 2011). Foto: Tore Dolvik Foto av eit flytande hyttetak i Fresvik, Ullensvang (26. des. 2011; foto 5. jan. 2012). Foto. Tore Dolvik Foto av sikringsvollen i Aga, Ullensvang (foto 6. jan. 2012). Foto: Tore Dolvik Foto av eit flaumskred i Skjelvik, Odda (26. des. 2011; foto 5. jan. 2012). Foto: Tore Dolvik
INTERKOMMUNAL KOMMUNEGEOLOG Side 3 av 13 Vår ref.: 12/50-11/N-860//TORDOL Arkiv: N-860 Dato: 27.04.2012 NAMN: INTERKOMMUNAL KOMMUNEGEOLOG I HORDALAND Ansvarleg: Kvam herad ved Bjørn Vik, Grovagjelet 16, 5600 Norheimsund, bjvi@kvam.kommune.no, 56 55 31 Prosjektleiarr: Tore Dolvik, Kvam herad, Grovagjelet 16, 5600 Norheimsund, tordol@kvam.kommune.no; 56 55 30 76 Start: 1.7.2012 1. BAKGRUNN Naturskadar som følgje av skred er eit dagsaktuelt tema. Kommunane har ansvar for at det ikkje vert planlagt eller bygd i flaum- og skredfarlege område. Mangel på kunnskap kan føre til at det vert bygd i flaum- og skredfarlege område. NIVI Rapport 2009:4 1, laga på oppdrag av KS, nemner at mange små kommunar kan mangle kompetanse og nødvendig kapasitet for å løyse lovpålagte tenester og at interkommunalt samarbeid kan framstå som ein viktig strategi. Kvam herad har tatt initiativ til fleire skredprosjekt. Til saman har 12 ulike kommunar vore med i eit skredprosjekt. Eit forprosjekt i Kvam i 2008 vart vidareført med eit 1-årig skredprosjekt i 2009 (9 deltakande kommunar + Hordaland fylkeskommune) og eit 2-årig interkommunalt skredsamarbeid (9 samarbeidande kommunar og økonomisk støtte frå Hordaland fylkeskommune, Fylkesmannen i Hordaland og Kommunal- og regionaldepartementet). I 2009 var desse kommunane med: Kvam, Fusa, Ullensvang, Ulvik, Granvin, Eidfjord Jondal, Osterøy og Vaksdal. I 2010 2011 var desse med: Kvam, Fusa, Ullensvang, Ulvik, Granvin, Jondal, Tysnes, Masfjorden og Modalen. Kvam herad har vedtatt i heradstyre at dei vil prøve å vidareføre skredsamarbeidet i ein fast ordning med ein fast tilsett kommunegeolog (1/1 stilling). Eit vilkår er at fleire kommunar vert med å delfinansiere kommunegeologen. Skred og flaum vert nok hovudoppgåvene i samarbeidet, men andre oppgåve der geologi kjem i bilde er ikkje utelukka (t.d. klima med meir). Det er viktig å auke kompetansen om flaum- og skredfare i kommunane. Skredfareseminara i 2009, som skredfareprosjektet arrangerte, og i 2010 og 2011, som skredsamarbeidet arrangerte har vore suksess. Det siste skredseminaret (www.kvam.no/skredseminar).gjekk over to dagar og hadde forelesarar frå blant anna NVE, Bergen kommune, NGI og Statens vegvesen. Seminaret hadde 65 påmeldte frå 16 kommunar og 24 føretak (konsulentar, arkitektar, skredsikringsfirma, byggfirma med meir). Kvam herad hadde infomøte om samarbeidet den 9. mars 2012. 8 kommunar, fylkesmannen og fylkeskommunen var representert. NVE kunne ikkje kome pga sjukdom. Dei kommunane som deltok på møte var: Kvam, Fusa, Ullensvang, Masfjorden, Ulvik, Jondal, Eidfjord og Samnanger. Kvinnherad og Modalen kunne heller ikkje kome på møtet, men dei er interessert i eit samarbeid. 1 NIVI Rapport 2009:4 Regionrådene et verktøy for å møte kommunenes utfordringer? (http://www.nivianalyse.no/rapporter.html)
Visjonen er eit tryggare lokalsamfunn. INTERKOMMUNAL KOMMUNEGEOLOG Side 4 av 13 2. VISJON Målet er å: 3. MÅL styre arealbruken i kommunane gjennom regulering og byggesakshandsaming slik at ein unngår at nye bygg og anlegg hamner i flaum- og skredutsette område. gje kommunane rett kompetanse for å vere ein god støttespelar i saker som gjeld kartlegging og avklaring av farenivå i flaum- og skredutsette område. 4. STRATEGI Strategien er å etablere eit langsiktig samarbeid mellom små kommunar for saman å få nok ressursar til å tilsette ein kommunegeolog i ein 100 % stilling innan 1. juli 2012. Kommunegeologen skal drive nettverks- og kompetansebygging, kartlegging, rådgiving og vere ein synleg kontaktperson for kommunane blant anna med temaet skred- og flaumfare. Tiltak kommunegeologen skal gjere: 5. TILTAK Nettverk o Drive og bygge vidare nettverket som er etablert gjennom fleire prosjekt dei siste 3,5 år. - interkommunale nettverket (fellesmøte med meir) - kontaktperson til og frå NVE, fylkeskommunen, fylkesmannen, Bergen kommune og fleire o Delta på og arrangere fagdagar, kurs, seminar, synfaringar, etc. o Drive nettverksside/internettside (www.kvam.no/kommunegeolog) o Mogleg kontaktperson ved uromeldingar eller ved spørsmål om skredfare Kompetanse o Ved hjelp av nettverket, møter, kurs, fagdagar, internett, e-postar, telefon auka kompetansen om skred, flaum og stabilitet mellom og internt i kommunane - lovverk og retningslinjer - ansvar - klima - farevurdering - kven gjør kva og når (uromelding, skredhending, arealplan, byggesak, etc.) o Vere oppdatert på lover og retningslinjer, etc. - (Plan- og byggingslova, TEK10, NVE retningslinjer 02/11, Sivilbeskyttelseslova, Naturskadelova, Vannressurslova, med meir.) o Internettsider og informasjons-epostar o Mediehandtering
Kartlegging og registrering INTERKOMMUNAL KOMMUNEGEOLOG Side 5 av 13 o Utarbeiding av temakart/gis-analysar (omsynssone, hellingskart, risikokart mm) o Vere med i ROS-analyse/-kartleggingsarbeidet i kommunane ved behov t.d rullering av kommuneplan, planstrategi med meir o Vurdere skredfarenivå og foreslå løysingar i byggesak/planarbeid i aktsemdområde og andre moglege skredfarlege område o Systematisere skred- og flaumdata for kommunen o Og anna (jf. avtale) Rådgiving o Rådgiving inn i arbeidet med kommuneplan, reguleringsplanar, byggesaker og fagleg støtte for oppsynsmenn i kommunane - Rådgiving knytt til lovpålagte oppgåver nedfelt i plan- og bygningslova, naturskadelova, veglova, skoglova, vannressursloven, m.m. - Rådgiving knytt til drift og vedlikehald av kommunale eigedomar, veg og VA anlegg, friområde m.m. - Rådgiving ved uromeldingar og flaum- og skredhendingar (kontaktperson, synfaring, skrive notat, arkiv med meir) - Rådgiving ved søknader til NVE om støtte til flaum- og skredsikring o Bestillarrolle - bestille nødvendig geotekniske rapportar/ faresonekart/ risikokart, vurdere konsekvensar, anbod, etc. o Beredskapsreglar - t.d. vurdere skredfare frå vêrvarsel - evakuering, stenging av veg (obs: under hendinga så er det redningsetatane som jobbar/ har ansvar. Kommunegeologen er berre ein støttefunksjon for kommunane). Gevinstane med kommunegeolog vil vere: Tryggare lokalsamfunn 6. GEVINST Bygge opp eit godt omdømme til kommunen Kunnskap om førebyggjande tiltak mot naturskadar er viktig for liv og helse, og god økonomi for samfunnet og den enkelte Fristille areal til byggjeformål i aktsemdområde (revurdering av aktsemdkartet) o luke ut klare ikkje-skredfarlege areal som ligg i aktsemdkartet o vurdere når ein kan byggje i mogleg skredfarleg område o kan hjelpe utbyggjar med informasjon om korleis han skal gå fram ved utbygging i område som kan vere skredfarleg Interkommunalt samarbeid o Får tilgang til eit nettverk o Gjer tyngde når ein tar opp spørsmål o Kan få betre økonomiske avtalar Nettverk
INTERKOMMUNAL KOMMUNEGEOLOG Side 6 av 13 o Kommunane vert meir effektiv (veit kven ein skal spørje; handle når det gjelder som mest) o Kommunane får eit større fagleg fellesskap (ein er ikkje aleine) o Kommunane får betre tilgang på informasjon og hjelp Fagleg kontaktperson o Mellom samarbeidande kommunar o Mellom samarbeidande kommunar og NVE, fylkesmannen og fylkeskommunen o NVE er veldig positiv til interkommunal kommunegeolog, då ein fagleg kontaktperson forenklar NVE sitt arbeid (førstesortering farleg/ikkje farleg; faglege spørsmål; spisse søknader til NVE; distribusjon av informasjon til kommunane). NVE kan dermed sette inn ressursar der dei trengs mest. Meir kompetanse i kommunane o Kommunane får tak i erfaring frå andre samarbeidande kommunar via kommunegeologen eller på fellesmøta o Sakshandsamarane vert tryggare i arbeidsoppgåvene o Kommunegeologen kan utføre enkle geotekniske vurderingar som redusere utgiftene til konsulent o Godkjende tiltak stettar sikkerheitskrava for flaum og skred i pb-lova o Færre naturskadar på nye bygg og anlegg o Raskare avklaringar av ROS tema i sakshandsaming i plan-, delings- og byggesaker Systematisk flaum og skredkartlegging gir betre økonomistyring og prioritering i kommunane
INTERKOMMUNAL KOMMUNEGEOLOG Side 7 av 13 7. ORGANISERING Forslaget frå Kvam herad er at det vert etablert ein 100 % stilling som rådgjevar (kommunegeolog) og Kvam herad vert arbeidsgivar og dermed vertskommune. Rådmann, Kvam herad Samarbeidskommunar *Fusa *Modalen *Ullensvang *Ulvik *Jondal *Masfjorden *andre Einingsleiar. Bjørn Vik avtalar Kommunegeolog info info kontaktperson kontaktperson NVE Fylkesmannen Fylkeskommunen Staten Med meir 7.1 Samarbeidsmodell Det er to hovudformer for vertskommunesamarbeid, - ein med rein administrativt samarbeid ( 28b) og ein modell med felles folkevalt nemnd ( 28c). Kvam herad vil anbefale administrativt vertskommunesamarbeid ( 28 b i kommuneloven 2 ). Ifølgje rettleiaren Vertskommunemodellen frå KRD 3 så er modellen med administrativt vertskommunesamarbeid særleg eigna for samarbeidsområde som er meir regelstyrde og som krev særskild kompetanse for å bruke eit fagleg skjønn. Ein interkommunal kommunegeolog er mest ein rådgjevar og jobbar ikkje så mykje med saker som har prinsipiell betyding og treng ikkje ein felles organisatorisk overbygging. Delegering av myndigheit kan skje via administrasjonssjef og delegerte oppgåve kan løysast av administrasjonen i vertskommunen. I følgje kommuneloven gjeld avtalen mellom kommunestyre i vertskommunen og samarbeidande kommune. Avtalen er bilateral og vertskommunen må lage samarbeidsavtaler med kvar kommune og kan dermed òg ha ulike oppgåver delegert frå kvar enkelt samarbeidskommune. Fellesskapet mellom kommunane vert organisert som eit nettverkssamarbeid med regelmessige møter om felles faglege diskusjonar etc. Rollefordeling må avklarast gjennom avtaleforhandlingar med samarbeidande kommunar. Hovudoppgåvene til kommunegeologen er skissert i strategi (kap. 4) og tiltak (kap. 5). Fordeling av den enkelte arbeidsoppgåver skjer lokalt i kvar kommune, og arbeidsmengda må stå i forhold til eigen finansieringsdel. 2 Kommunelova - http://www.lovdata.no/all/hl-19920925-107.html 3 Vertskommunemodellen i kommuneloven 28 a flg.. Kommunal- og regionaldepartementet 26.05.2011 http://www.regjeringen.no/nb/dep/krd/dok/veiledninger_brosjyrer/2011/vertskommunemodellen-i-kommuneloven--28-.html?id=644574
8.1. Budsjett INTERKOMMUNAL KOMMUNEGEOLOG Side 8 av 13 8. ØKONOMI Budsjettet er basert på erfaring med gjennomførte skredprosjekt. Løn inkludert sosiale utgifter er klart den største utgiftsposten i budsjettet. Budsjettet har sine usikkerheitsmoment som lønsauke, leasing av bil og reiseutgifter. Vertskommunen sine administrasjonsutgifter er ikkje tatt med i denne omgang. I tabellen under er budsjettet for 2013 og 2014 likt med 2012 (2012-kroner). Det er stor sannsyn for at budsjettet må aukast pga lønsauke (årleg lønsvekst er i gjennomsnitt 4 %) og generell prisstigning. Budsjettet vert indeksregulert og revidert for kvart år og sendt ut på høyring i samarbeidande kommunar jf. avtale. Første halvår av 2012 vert brukt på å få samarbeidet i gang. Kvam herad foreslår at ein likevel ser heile 2012 under eitt. Tilskot For 2012 har me fått 300 000,- i tilskot til samarbeidet frå fylkesmannen. Det er håp om at me dei neste åra òg får tilskot, men det kan me ikkje rekna med i samarbeidsavtalen. Budsjett (1000) (2012-kr)* Finansiering (1000) (2012-kr) Art: 2012* 2013 2014 2012 2013 2014 Løn (inkl. sos. utg.) 650 650 650 Kommunar: 500 600 700 Reise/møte 25 25 25 Tilskot**: 300 200 100 Kurs/seminar 20 20 20 Feltarbeid/ -utstyr 10 10 10 BIL (leasing) 50 50 50 IT (utstyr og program) 45 45 45 SUM 800 800 800 800 800 800 *Sidan samarbeidet ikkje vart starta opp 1. jan. 2012 må ein diskutere korleis ein skal finansiere forprosjektet/revidere budsjettet frå når samarbeidet startar opp. **Tilskot skjer på etterskotsvis år for år og samarbeidet kan ikkje rekne med at me får tilskot. Løn (inkludert sosiale utgiftar) Løn inkludert feriepengar, pensjonskostnader og arbeidsgjevaravgift. Reise/møte Er antatt i snitt ein reise til ein samarbeidande kommune i løpet av ei veke i kommunal eigd / leaset bil. Inkludert her vil vere aktuelle fellesmøte. Kurs/seminar Kompetansehevande kurs og seminar, anten som arrangør, invitert foredragshaldar eller berre deltakar. Feltarbeid/ -utstyr Innkjøp av aktuelle feltutstyr eller kostnad med feltarbeid Bil (leasing) Leasing av bil. Det kan bli mange turar til samarbeidande kommunar og ein kommunal eigd / leaset bil er ein fordel. IT (utstyr og program) Lisensar til GIS-program og andre aktuelle program. Innkjøp av diverse IT-utstyr som vert nødvendig.
INTERKOMMUNAL KOMMUNEGEOLOG Side 9 av 13 8.2. Finansiering Det er ønska at finansieringa av samarbeidet vert basert på at samarbeidande kommunane bidrar etter behov og etter ei naturleg fordelingsnøkkel om det vert nødvendig. Samarbeidande kommunar bør på første fellesmøte bli einige om kva for fordelingsnøkkel me skal bruke i samarbeidet (jf. avtale). Det fins mange måtar å løyse kostnadsfordelinga på. Under vert det diskutert forskjellige moglegheiter og kva Kvam herad foreslår. Det viktigaste er at det bør innarbeidast ein viss fleksibilitet ut i frå at arbeidsmengda kommunegeologen skal bruke på deltakande kommunar kan variere frå år til år og kan vere annleis ved års slutt enn det som var planlagt. For at Kvam herad skal ta på seg vertskommuneansvaret treng Kvam herad ein garanti for at budsjettet er fullfinansiert for fleire år og at risikoen vert fordelt på alle kommunane som er med. Til det treng Kvam herad langsiktige samarbeidsavtalar med små og mellomstore kommunar i Hordaland. Kvam herad foreslår at samarbeidskommunene bind seg for 3 år jf. avtale. Kvam herad sitt forslag er at 50 % av budsjettet vert krevd inn på første faktura ut frå ønska bruk av kommunegeologen. På sluttfaktura vert kostnaden beregna ut frå rekneskap og tidsforbruk av kommunegeologen. Tilskot og andre inntekter vert tatt med i beregninga på sluttfaktura. Kostnadsfordeling Det har vore vanskeleg å vise gode døme på bruk av fordelingsnøkkelen (tabellane som er brukt har blitt misforstått). Kvam herad har derfor sett opp eit forslag der forbruk av kommunegeologen er i føresetet og fordelinga mellom samarbeidande kommunar går ut frå forbruk av kommunegeologen. Timesatsen er i utgangspunktet berekna ut i frå budsjett og timeforbruk (netto årsverk (ekskl. ferie) = ca 1750 timar). Tilskot og andre inntekter vil redusere budsjettdelen og dermed timeprisen (budsjett tilskot / netto årsverk). Administrasjon og fellesutgiftar vil ta tid frå oppdrag noko som vil gjøre timeprisen høgare ([budsjett tilskot] / [netto årsverk adm.]. På denne måten treng me ikkje ein fordelingsnøkkel. Ulempa er at ein ikkje veit heilt kva timeprisen er før ved årets slutt, og om kommunegeologen vert lite brukt så vert det dyrare for dei som brukar geologen. Det kan derfor vere lurt å bruke fordelingsnøkkel på å fordele kostnaden til administrasjon og fellesutgiftar. Det vert derfor tatt med eit kapittel (kap. 8.3) om fordelingsnøklar sjølv om me i utgangspunktet kan prøve å fordele kostnaden utan å bruke ein fordelingsnøkkel. Planlegging (tidsbudsjett) Samarbeidande kommunar planlegg kor mykje dei trur dei kjem til å bruke kommunegeologen slik at me kan sette opp eit tids- og kostnadsbudsjett. I avtalen har me foreslått at samarbeidande kommunar kjem med ein arbeidsplan i desember og i juni som kommunegeologen brukar for å sette opp halvtårsplanar. Halvtårsplanen vert sendt ut på høyring til samarbeidande kommunar før fellesmøte. Planlagt arbeidsmengde for 2012 i samarbeidande kommunar bør vere avklart før 1. juli 2012. Fakturering etter behov Kommunegeologen skal skrive timeliste for oppdrag for ein spesifikk samarbeidskommune. Dei faktiske kostnadene (timeliste, reiseutgiftar med meir) vert fakturert samarbeidande kommunar på sluttfakturaen.
INTERKOMMUNAL KOMMUNEGEOLOG Side 10 av 13 Timeprisen kan anten vere lik for alle samarbeidande kommunar ((budsjett-tilskot)/netto årsverk) eller kan vere fordelt etter fordelingsnøkkel (t.d. billigare for små kommunar og dyrare for store kommunar). Kvam herad sitt forslag går for ein lik timepris for samarbeidande kommunar. Fellesutgiftar og utgiftar som ikkje kan settast på ein spesifikk samarbeidande kommune (administrasjon, fellesmøte, seminar med meir) kan anten tas med i timeprisen (meir administrasjon = høgare timepris) eller fordelast etter ein fordelingsnøkkel. Faktura Kvam herad foreslår at samarbeidande kommunar får faktura to gonger i året. Ein gong i juli og ein gong i desember. Juli: Forskot o Forskot (fordelingsnøkkel/etter avtale) Des: Berekna forbruk o Forbruk (fordelingsnøkkel, timeliste og reiseutgifter) o reduksjon pga tilskot, sal av tenester med meir o oppjustert løn med meir Tilskot For 2012 har me fått tilskot på 300 000,- frå fylkesmannen. Tilskota er årvisse og me veit ikkje om me får tilskot før moglegvis seint på året. Tilskotet vert ikkje rekna med for å få fullfinansiert samarbeidet, men vert fordelt i etterkant for å redusere utgiftene til samarbeidande kommunar. Dette for å fordele risikoen til alle kommunane i samarbeidet og ikkje berre til vertskommunen. Sal av tenester Dersom kommunegeologen har ledig kapasitet kan tenester tilbydast andre kommunar mot betaling etter avtale. Timesatsen er i sett til 570,- kr/time (jf. avtale). Desse inntektene vert fordelt (etter fordelingsnøkkelen) og tatt med i berekninga før sluttfaktura vert sendt ut til samarbeidande kommunar. 8.3. Fordelingsnøkkel Som nemnd over håper me at me kan fordele kostnadene ut frå forbruk og unngå ein fordelingsnøkkel. Men det kan vere fordelar med å bruke ein fordelingsnøkkel, til dømes på kostnader som ikkje kan plasserast på ein spesifikk kommune. Det kan vere administrasjon, fellesmøte og arrangerte seminar, kurs eller liknande utgifter. Til dømes kan me bruke: Delt likt på alle kommunar Ut frå økonomisk ramme/planlagt bruk av kommunegeologen Utvida Hardangerrådsnøkkel (befolkning og økonomi) Tal på bygg/areal i aktsemdområde for skred (analyse) Planlagde oppgåve til kommunegeologen Tal på bygg (FKB) Folketal (SSB) Tal på byggesakar og planar (KOSTRA) Økonomi (SSB) Etc.
INTERKOMMUNAL KOMMUNEGEOLOG Side 11 av 13 I skredsamarbeidet 2010-2011 vart det brukt ein utvida hardangerrådsnøkkel til å fordele kostnadene. Hardangerrådsnøkkelen Hardangerrådsnøkkelen er ein kostnadsnøkkel som Hardangerrådet brukar for å fordele kostnader. Den bygger på folketal og økonomi ut frå ein formel eg ikkje har innsikt i (men kan sikkert ordne det om det er ønskeleg). Den utvida hardangerrådsnøkkelen har me brukt i tidlegare prosjekt og me har då putta kommunane utanfor Hardanger i bås med liknande kommunar i Hardanger. Det er ikkje brukt nokon berekning eller formel for å sette kommunane opp mot kvarandre, men det er sett grovt på folketal og økonomi. 8.4. Kvam herad sitt forslag 50 % av budsjettet vert fordelt på faktura 1. juli (fordelt etter økonomisk ramme). Samarbeidskommunane vert fakturert etter faktiske oppdrag (arbeidstid, reiseutgiftar, materiell) Administrasjon/fellesutgiftar og arbeidstid som ikkje kan settast på ein spesifikk kommune vert fordelt mellom samarbeidande kommunar. Kvam herad sitt forslag er å auke timesatsen ved at arbeidstida vert redusert. Tilskot og eventuelle sal av tenester vert tatt med i etterkant og vert brukt til å redusere timepris (timepris = budsjett-tilskot / netto arbeidstid) 8.5 Status/døme på kostnadsfordeling Alle kommunane i Hordaland har fått invitasjon til å vere med i samarbeidet. På infomøte den 9. mars 2012 var 8 kommunar representert, i tillegg var det to kommunar som ikkje kunne kome, mens som er positive (sjekk www.kvam.no/kommunegeolog). I tabellen under er alle desse kommunane sett opp med dei tala med veit til no. Ramme er kva herad- og kommunestyre har vedtatt som øvre ramme, eller kva me har fått munnleg frå vår kontaktpersonen i kommunen (budsjett). Sidan ramma er ein økonomisk øvre grense, så bør den vere meir enn budsjettet. Det er enno usikkert kva kommunar som kjem til å vere med i eit samarbeid og kva den øvre økonomiske ramma vert for dei forskjellige kommunane. Ein fullstendig oversikt over kostnaden er derfor ikkje mogleg før kommunane har fått diskutert samarbeidet (helst politisk vedtak) og fått skrevet under på samarbeidsavtalen. Håpet er at dette vert gjort i løpet av mai/juni 2012. Kvam herad må òg avgjøre om dei vil tilsette ein kommunegeolog og vere vertskommune. For 2012 har samarbeidet fått 300 000,- i tilskot frå Fylkesmannen (skjønnsmidlar). Slik det kan sjå ut så er budsjettet for 2012 fullfinansiert. I tabellen på neste side så er netto sum den rette kolonnen å sjå til. For 2013 og 2014 er tilskot enno usikkert og brutto sum vert den rette å bruke. Dette er sjølvsagt avhengig av at kommunane som er nemnd i tabellen vert med i samarbeidet. Færre kommunar eller endra økonomisk ramme kan sjølvsagt forandre summane i tabellen.
INTERKOMMUNAL KOMMUNEGEOLOG Side 12 av 13 Kvam og Fusa sine politiske vedtak er ei øvre ramme og ikkje etter planlagde arbeidsoppgåver så desse kommunane sin del kan godt reduserast om andre kommunar har ein del arbeidsoppgåver til kommunegeologen. Det er derfor ingen fare om ramma er godt over foreslått budsjettet. Me har allereie ein kortsiktig avtale med Modalen kommune (fram til 1 juli tidspunkt for samarbeidsstart). Oppgåva er å sjå på skredfare i kommuneplanen. I tillegg har det òg gjort nokon små rådgjevingsjobbar for enkelte potensielle samarbeidskommunar. Masfjorden har òg ein del oppgåver klare. I tabellen er det i tidsbudsjettet brukt netto arbeidstid minus administrasjon (sett til 20 %), det vil seie 1400 timar som skal fordelast. Fordelinga er ut i frå pengebeløpet som står under ramme eller døme. Det er ikkje brukt nokon form for fordelingsnøkkel i denne tabellen. Det kan nemnast at skredfarevurdering er ressurskrevjande. 50 000,- tilsvarer ein til to skredvurderingsrapportar på ein bustad-/hyttetomt. Eit faresonekart (skredvurdering i reguleringsplan som kan brukast direkte i byggesak) må ein rekne med kostar minst 200 000,-. Skredsikring rundt eksisterande bygg kan på grunn av vanskeleg tilkomst og tryggleik til eksisterande bygg koste minst 5 gonger meir enn skredsikring før bygget er sett opp. Det er derfor ein fordel å avklare skredfaren så tidleg som mogleg for å spare pengar.
INTERKOMMUNAL KOMMUNEGEOLOG Side 13 av 13 9. OPPSUMMERING OG RINGVERKNADER 9.1 Oppsummering Kvam herad har tatt initiativ til ein vidareføring av skredsamarbeidet (2010-2011) som ein permanent ordning med ein fast tilsett kommunegeolog (1/1 stilling). Kvam heradstyre har vedtatt ein øvre økonomisk ramme for at Kvam skal starte opp med samarbeidet. Kravet er at fleire kommunar er med på å delfinansiere stillinga. Målet med samarbeidet er å auka kompetansen på skredfare slik at ingen bustadar vert godkjent i skredfarlege område, at kommunane kan vere gode støttespelarar i sakar kor ein må avklare farenivået til flaum- og skred og at beredskapen i kommunen vert betre. Mange kommunar er positive til eit vidare samarbeid og om me får finansieringa på plass så kan me få det til. For 2012 er har samarbeidet fått 300 000,- i tilskot frå fylkesmannen. I tillegg har me fullfinansiert budsjettet sjølv utan tilskot, men langsiktig er me ikkje heilt i mål. Me må få på plass langvarige avtalar med samarbeidande kommunar, helst politiske vedtak. Det interkommunale samarbeidet vil prøve å hente og formidle kunnskap oppover i systemet, til kommuneadministrasjonen og utover til tiltakshavarar, politikarar, media og innbyggarar i kommunane. På sikt skal dette føre til at samfunnet vert tryggare. I dei tidlegare skredprosjekta er det bygd ut eit fungerande nettverk som me ønskjer å bruke og byggje vidare på. Ein viktig arbeidsoppgåve for kommunegeologen er derfor å drive nettverket og arrangere fellesmøte. Skredfarevurdering er ressurskrevjande og 50 000,- tilsvarar ein til to skredvurderingsrapportar. Førebygging er likevel mykje billigare enn å rydde opp i etterkant. Til dømes kan skredsikring rundt eksisterande tiltak bli fem gonger dyrare enn om det vart gjort før tiltak vert sett opp (på grunn av vanskeleg tilkomst og fare for skade på eksisterande bygg). 9.2 Ringverknader Det interkommunale samarbeidet kan få ringverknader i kommunar som ikkje vert med i samarbeidet, men som får auke kompetanse om skredfare på grunn av seminar/kurs som samarbeidet arrangerar, informasjon på nettsider og andre medium og ved kontakt med kommunar som er med i prosjektet.