Arbeidsplan for Hordaland Senterungdom

Transkript

1 Arbeidsplan for Hordaland Senterungdom Møtestruktur: Fylkesstyremøte ein gong kvar månad. Ein bør setja dato for neste møte når ein er samla slik at flest mogleg har høve til å notera seg datoen tidleg. Lokallaga vert invitert til å delta på fylkesstyremøta og vil då få innkalling samstundes som styret. Møta vil vera på partikontoret i Bergen. Innkalling og sakliste skal sendast ut ei veke på førehand på e-post. Me vil freista å ha politisk skulering på møta, gjerne med eksterne innleiarar. Me ynskjer å få til samarbeid med andre ungdomsorganisasjonar og få til politiske utspel/produsera politikk på kvart møte. Heimesidene/sosiale medium skal oppdaterast på/etter kvart møte. Fylkesleiar, politisk nestleiar eller organisatorisk nestleiar får ansvar for dette. I tillegg skal styret og lokallag ha kontakt på e-post og telefon om aktuelle saker som dukkar opp, t.d. invitasjon til konferansar, debattar og liknande. Me må også ha eit samarbeid med andre ungdomsorganisasjonar og parti, for å skaffe oppdateringar om ulike arrangement og debattar. Då er det viktig at alle gir tilbakemelding. Årsmøte 2014: Fredag 3. oktober - laurdag 4. oktober Stad vert bestemt seinare. Politisk verksemd: Hordaland Senterungdom skal vera ein synleg politisk ungdomsorganisasjon i Hordaland. Me treng politisk skulering og tettare samarbeid med andre organisasjonar for politiske innspel. Me skal ha eit politisk utspel etter kvart møte. Alle styremedlemmar skal ta med seg ei politisk sak til styremøta. I tillegg må me vera meir på i media på aktuelle saker, bruka sosiale medium og nytta dei moglegheitene me har for å fremja politiske saker i kommunestyre og fylkesting og bruka media for fremja saka. Om me får til gode nettverk, vil det òg verta lettare å komma på. 1

2 Hordaland Senterungdom skal vera flinkare til å nytta seg av lokalmedia. Alle utspel skal og gå gjennom aktuelle lokalaviser/nærradio. Fylkesstyret vil gje utfordringar til lokallaga om å komme med politiske utspel. Me vil få eit betre samarbeid med fylka i vår region og prøva å møtast oftare enn til regionale kurs. Organisatorisk verksemd: Sosiale arrangement: - Det skal vera eit sosialt opplegg etter kvart fylkesstyremøte for å sveisa saman eit godt arbeidslag. Ein eller to styremedlemar får ansvar for å laga eit sosialt opplegg etter møta. - Oppfordre lokallaga til å invitere fleire enn berre medlemmane i lokallaga på sosiale arrangement. - Sumaravslutning, eventuelt med valskulering. - Regionalt kurs. Me vonar me får til eit regionalt kurs saman med dei andre fylka på Vestlandet. Sist var det i Bergen, så me vil oppfordra eit av dei andre fylka å vera arrangør. Arbeide med planlegginga av julebord. Invitasjonar til sosiale arrangement skal sendast ut med ein gong dato er bestemt. I tillegg skal det purrast med e-post og sms like før påmeldingsfristen. Alle sosiale arrangement skal òg vera eit facebookarrangement. Lokallag: I dag har Hordaland Senterungdom lokallag i desse kommunane/regionane: - Kvam Senterungdom - Bergen Senterstud - Senterungdomen i Bergen Målet vårt er at desse lokallaga skal vera aktive og ha god rekruttering i arbeidsåret. Når det gjeld Bergen Senterstud, må ein vera flink til å fanga opp kven som kjem til Bergen for å studera. For å få til aktive lokallag treng ein skulering av fylkesstyra og ha aktivitet i lokallaga. Dette skal fylkesstyret bidra med. I tillegg må lokallaga i Hordaland Senterparti vera med å følgja opp ungdomslaga. Alle fylkesstyremedlemar og alle medlemar i lokallagsstyra får i oppgåve å aktivisere gamle medlem. Dette er og viktig å samarbeide med Hordaland Senterparti om. Om ein skal oppretta nye lokallag, må lokallaga ha ungdom som ynskjer å vera med. 2

3 Hordaland Senterungdom ynskjer å få til lokallag på Voss, Indre Hardanger, Strilalandet, Ytre Hardanger og Sunnhordaland og vil jobba aktivt opp mot senterpartilaga i desse kommunane for vidare arbeid. Det er viktig å fokusera på verving for å sikra god rekruttering til lokallaga. Me skal storma dei videregåande skulane som vi gjorde det best på i skulevalkampen med politiske bodskap og ei verveaksjon av dimensjonar, og holde oppstartsmøte for dei som vi verva knapp tid etterpå. Skular vi skal storma : - Voss VGS Januar Voss jbsk.- Januar Voss Gymnas Januar U. Pihl VGS Februar Arna VGS Februar Fusa VGS Mars Norheimsund VGS Mars Osterøy VGS Mai Kvinnherad VGS September Etne VGS September Odda VGS September 2014 Verving: Ved tidspunkt for fylkesårsmøtet 2013 hadde Hordaland Senterungdom 61 betalande medlemar. I registeret har me registert 107 personar. Eit realistisk mål for Hordaland Senterungdom må vera 100 betalande medlemar i løpet av arbeidsåret For å få fleire medlemar må me vera synlege lokalt, ha gode arrangement som mange deltek på. Det vil òg vera viktig at folk tek med seg vener som kan vera interessert i delta på arrangement i Hordaland Senterungdom. Me vil òg vera flinke til å spørja folk når me står på stand om dei viser interesse for oss. Nettsider og sosiale medium: Lesarinnlegg, oppslag, innkallingar, invitasjonar og oppsummeringar av møte skal formidlast på nettsidene våre og sosiale medium som facebook og twitter. Blogginnlegg bør òg liggja på heimesidene til Hordaland Senterungdom. Det må vera eit mål at heimesidene vert oppdatert eit par gonger i månaden. Hordaland Senterungdom vil prøva å få ein eigen sp-mail for Hordaland Senterungdom. 3

4 Twitter: Hordaland Senterungdom skal ha ein eigen twitterkonto. Alle i styret skal ha høve til tvitra som Hordaland Senterungdom, men ein skal vera forsiktig med å delta i diskusjonar gjennom twitterkontoen vår. Twitterkontoen bør oppdaterast ofte for å verta synlege. Facebook: Me har ei like-side på facebook som heiter Hordaland Senterungdom. Denne er god til å leggja ut mediesaker og forslag. Sida bør formidla saker ofte. 100 liker oss i dag, noe som er ein milepæl. Men me bør få fleire til å like sida. Målet for arbeidsåra er 333 likes, som er Buskerud sin score I tillegg har me to grupper for Hordaland Senterungdom, ei for alle medlemane i fylket og ei berre for styret. Styret si gruppe er hemmeleg, den andre berre lukka. Gruppene skal nyttast til diskusjon av politiske saker og planlegging av arrangement. Gruppene bør oppdaterast ofte slikt at det vert eit aktivt forum for politisk og sosial diskusjon. Blogg: Fleire av medlemane i Hordaland Senterungdom har eigen blogg. Desse er gode, men kan godt oppdaterast oftare. Blogginnlegg bør formidlast gjennom sosiale medium og på heimesidene. Valkampen 2013 Hordaland Senterungdoms viktigaste bidrag i valkampen var skuledebattane og skulevalkampen. Hordaland har 46 vidaregåande skular som me har dekt i størst mulig grad, og det blei veldig utfordrande. I arbeidsplanen sto det at «Me bør vera minst 2 på kvar skule, helst 3-4. Mange stader treng me òg hjelp frå lokallag i Hordaland Senterparti. I tillegg bør me stilla opp på debattar der partifolk deltek.» Me opplevde at på mange av skulane i fylket, så blei debattantane ståande aleine på valtorg. I skulevalkampen 2015 bør me å oppnå målet frå skulevalkampen 2013 om å ha minst 3-4 på kvar skule. Valkampen 2015 Valkampen 2015 startar no. No som me sit i opposisjon til verdas mest høgrevridde skrekkabinett, så me mogligheit til å blomstra som aldri før. Me må få opp aktiviteten i lokallaga, og inspirera gamle og nye medlemmar i dei ulike lokallaga til å ta ein større del i valkampen Me må i løpet vinteren/våren finna ut kven som har lyst/kan gå skuledebattar i Desse må skulerast, me vil lage eit eige opplegg og nytta oss av det som produserast sentralt. Dei som skal 4

5 vera med som støttemannskap i 2015 må òg skulerast slik at dei vert trygge og kan svara på spørsmål. Senterungdommen i Bergen har ein plan om å lage en debattant/leserinnleggskulering i April 2014, noko vi vonar dei fleste aktive medlemmar i Hordaland Senterungdom vil vera med på. 5