Me har sett opp eit tankekart og mål for dei ulike intelligensane, dette heng som vedlegg.

Størrelse: px

Begynne med side:

Download "Me har sett opp eit tankekart og mål for dei ulike intelligensane, dette heng som vedlegg."

Kristoffer Askeland
8 år siden
Visninger:

1 JANUAR 2015! Ja, i går vart friluftsåret 2015 erklært for opna og me er alle ved godt mot og har store forhåpningar om eit aktivt år. Det gjeld å ha store tankar og arbeida medvite for å gjennomføra dei. På Krabben går livet sin gang. Borna våre veks og trivst og me ser godt alt som har skjedd og kor fort dei har utvikla seg. Alle er trygge og glade, både store og små, og me er godt i gong med nytt prosjekt; SKO! I følgje «Vår felles plattform» skal me arbeida slik at me tek utgongspunkt i borna sine interesser når me vel tema for prosjektarbeidet vårt. Det er inga tvil om at dei fleste Krabbane er genuint interesserte i SKO. Vert døra til gongen opna, er det straks ein gjeng som smett ut og går i gong med å ta på seg SKO, anten sine eigne eller andre sine. Dei likar å gå med SKO, rett og slett. Og dei likar det å meistra å få på seg skoa. Dei fleste er faktisk svært tålmodige og gir ikkje opp, dei prøver og prøver og oftast får dei det til. Få kjem gliset! Så me tenkte rett og slett å fylla opp avdelinga med SKO og la SKO danna grunnlaget for alt me gjer framover. Det er utruleg mykje ein kan gjera med SKO viser det seg, og det ligg mykje lærdom her, mykje meir enn ein skulle tru. Me har sett opp eit tankekart og mål for dei ulike intelligensane, dette heng som vedlegg. Elles vil livet på Krabben gå som i haust, vekeplanen er lik og me har fokus på fysisk aktivitet, turar og sosial trening i leikegrupper. Me ser at for denne aldersgruppa er det avgjerande å få høve til å leika i små grupper, slik vert det lettare for dei å handtera ulike situasjonar som oppstår, og me vaksne kan følgja dei tett på. Relasjonar står i fokus for å gje dei eit godt fundament og me legg tilhøva til rette for at kvar og ein skal få utvikla seg til den beste utgåva av seg sjølv. Alle Krabbane skal få høve til å pleia sine venskap og interesser, noko me observerer dagleg og justerer etter kvart. Borna er i stadige endringar, dei oppdagar nye sider ved seg sjølv og andre, og såleis vert nye venskap danna. I den grad ein kan definera desse som venskap sjølvsagt. Venskap oppstår og relasjonar vert bygd, men i ein litt anna grad enn når dei vert større, fordi dei enno er i den egosentriske perioden av livet sitt. Dette vil sei at venskap tyder ofte ikkje meir enn at dersom dei vil ha sin vilje gjennom, har dei enno ikkje nok empati overfor andre til å setja eigne behov til sides. Nokre byrjar å utvikla

2 denne sida, men me arbeider ut i frå modninga deira fordi me veit korleis dei utviklar seg og at dette skal dei gjennom, for å koma vidare. Utover våren vil me gjerne starta med noko lengre turar, kall det gjerne heildagsturar, der me er vekke frå barnehagen nokre timar. Det vert først og fremst dei eldste som deltek på desse turane. Dei har størst behov for å utforska og oppdaga meir av verda utafor barnehagen, og har også størst utbyte av det. I tillegg er det mange av dei som har slutta å kvila, eller kviler berre litt, slik at denne kvilda kan dei få medan dei er på tur. Me vil sjølvsagt koma tilbake til dette når me set i gong, og lurer de på noko om turane så berre spør oss. Me vil freista å leggja til rette for at alle vert nøgde og turane byr på unike naturopplevingar og kroppslege utfordringar for dei aktive borna våre. Då vonar me på ein flott vinter, måtte den by på mykje snø og kjekke opplevingar med den! Helsing Krabbe-damene

3 TØFLAR JOGGESKO STØVLAR NØKKELORD FINSKO VINTERSKO SOMMARSKO

4 KORLEIS STYRKJA BORNA SINE INTELLIGENSAR GJENNOM PROSJEKTET: SKO Personleg intelligens: Få høve til å leika med akkurat det dei er interesserte i og vidareutvikla denne interessa. Språkleg intelligens: Få høve til å prata om ei interesse og verta kjent med nye ord og begrep. Med ein vaksen som eit støttande stillas får barnet høve til å utvikla ordforrådet sitt. Erfaringa barnet får er responsen frå andre menneske; språk aukar kommunikasjonsevna og fordjupar samtalane. Sosial intelligens: Få erfaringar med å vera i interaksjon med dei andre og ha felles fokus, korleis samhandlar me med kvarandre? Kan me dela/byta på? Når borna tek på seg, stimulerer me dei vidare til å følgja opp med klede, så utviklar dei rolleleiken sin. Musikalsk intelligens: Me syng sko-songar og les sko-dikt! Sjølvsagt skal me dramatisera songane og dikta, for å få ei auka forståing. Matematisk intelligens: Telja sko og føter, heile tida! Romleg/visuell intelligens: Få auka kunnskapar som at det finst mange ulike typar sko, nokre synest me er fine og nokre synest me er stygge. Ulike fargar har dei, og ulik form. Kan me freista å setja ord på det me ser? Kroppsleg intelligens: Øva opp både fin- og grovmotorikk ved å ta på/av sko, og ikkje minst gå med, i alle slags storleikar..

5 Få erfaringar med at det kjennest ulikt å gå med ulike typar sko og me set samstundes ord på kjenslene. Naturalistisk intelligens: Borna vil få ei utvida forståing av ulike typar sko til ulikt vær gjennom bruk av nøkkelorda og eigne erfaringar når me er ute. TANKEKART: DRAMA; LAGA LOTTOSPEL, Rolleleik med klede og sko! BERRE FOR DEI ELDSTE SKOEVENTYR i samlingane SKO GÅ MED SKO Flanellograf- eventyr VERA TUSENBEIN; Fritt etter songen om tusenbeinet!

Like dokumenter

Hei alle sjøstjerneforeldre

Hei alle sjøstjerneforeldre Tida flyg og me er godt i gong med oktober månad. Me har fine dagar på avdelinga og mykje fint haustvær har gjort til at me har vore mykje ute. Me har no jobba jamt og trutt