ÅRSMELDING. for Rasdalen grendalag 2013/2014

Transkript

1 ÅRSMELDING for Rasdalen grendalag 2013/2014 Innleiing Årsmøtet for 2012/13 vart avvikla i grendahuset På dette årsmøtet vart det vedteke at det sitjande styret skulle halda fram i eitt år til. Styret har då vore samansett slik : Leiar : Terje Rasdal Styremedlemmer : Ingfrid Rasdal, Arild Skjelbred, Frøydis Eide og Jan Rasdal Varamedlemmer : Frode Tufte (1 år), Paal Rasdal (2 år) Av styret står Terje på val (leiar), Arild og Ingfrid står på val (styremedlemmer) og Paal står på val (varamedlem) Valnemd : Jan Olav Larsen (1 år) og Geir Rasdal (2 år), Geir står på val. Revisor har vore Bergljot Tufte. Møteverksemd Også dette året har det vorte halde to styremøte i grendalaget. Det første møtet hadde me 10.mai og det andre 11.oktober. Årsmeldinga vil vidare setja fokus på nokre av dei sakene som me i styret synest har vore viktige for grendalaget - og som kan ha interesse for alle medlemmene. Den godkjende årsmeldinga og informasjon og bilete elles - vert lagd ut på Rasdalssida, Styret oppfordrar medlemmene til å senda bilete, ev. med tekst, til Arild. Dermed kan sida oftare oppdaterast. Viktig informasjon vert også kunngjort som oppslag her i Rasdalen.

2 Saker det har vore arbeidd med : Dugnaden Det var ikkje så stort oppmøte denne gongen, men dei fem personane som stilte fekk likevel gjort mykje. Det eine arbeidslaget monterte stolar som medlemmene i grendalaget hadde «sponsa», og etter dugnaden stod det 35 stolar klare til bruk. Det andre arbeidet som vart utført, var å skrapa, grunna og måla uthuset. Dette arbeidet gjekk over to dagar, og uthuset fekk plutseleg ein mykje betre utsjånad. I tillegg vart det også montert nytt system for tørkepapir, handsåpe og toalettpapir på badet. På dugnaden vart det også planlagt å ta meir målingsarbeid på grendahuset litt seinare på sommaren. I juli vart det det m.a. skrapa, grunna og målt rundt vindaugene nede, inngangsdørene vart målte og trappa opp til badet vart skrapa, grunna og målt. Dermed fekk både huset og uthuset ei tiltrengt «ansiktsløfting» like før det vart arrangert ein jubiléumsfest 27.juli, og deretter sommarfesten 3.august. Sommarfesten Sommarfesten vart stort sett avvikla etter same mønster som tidlegare, men veret var ikkje heilt på vår side denne gongen. Dermed heldt me for det meste til i salen nede, og det vart ikkje så mange uteaktivitetar som vanleg. Men dei 40 gjestene hadde ein triveleg kveld i saman med eit rikhaldig koldtbord, quiz med varierte spørsmål, allsong og eit åresal som gav 2000 kr meir i inntekt enn det som var forventa. Inntektene på denne festen er viktige for grendalaget, og i fjor fekk me inn 7695 kr på inngangsbillettar og åresal. Tradisjonen med sommarfest er også viktig med tanke på samhald og sosialt engasjement i dalen. Påskebasaren Basaren på påskeaftan er framleis den viktigaste økonomiske mjølkekua for Rasdalen grendalag. Me fekk nok ein gong inn kr på basaren eller heilt nøyaktig kr - og det er imponerande. Det var som vanleg fire trekningar, det vart gitt litt informasjon frå leiaren - og det vart sjølvsagt også delt ut premiar for deltaking i påskerennet. Styret er svært takksam for at folk er så flinke til å stilla opp, kjøpa årer og gje gevinstar til åresalet.

3 Påskerennet, som etter tradisjonen vert arrangert før basaren, må også nemnast. Der har som vanleg Geir Rasdal regien og han gjev eit flott tilbod til dei yngre i dalen. Ein føresetnad for å kunna arrangera dette rennet er at me iallfall har litt snø og det har gått stort sett greitt i mange år no. Økonomien til grendalaget Som det har vorte skrive i dei siste årsmeldingane, har me hatt bra kontroll og styring med økonomien over mange år. Med god hjelp frå medlemmene meiner me å ha kontroll, noko som medfører at det er lettare å driva og å halda oppe aktiviteten i grendalaget. Saldo per var på 21653,78 kr. Etter den tid har det gått ut nokre kroner til faste utgifter, men påskeaftan kjem basaren vår med forhåpentlegvis nytt økonomisk påfyll. Når det gjeld medlemskontingent for 2013, har det kome inn 8800 kr på kontoen vår. Stolar til salen nede På årsmøtet vart det bestemt at kvar husstand/hytteeigar kunne kjøpa seg stol/stolar til grendahuset som eit dugnadsprosjekt. Dette vert gjort i ein del lag og organisasjonar for ikkje å belasta økonomien til laget for mykje. Styret hadde framlegg til ein Ikea-stol ved namn Vilmar, som ville kosta medlemmene 300 kr. Dette prosjektet vart verkeleg ein suksess, folk var positive og kjøpte stolar, så i dag har me heile 50 stolar. Imponerande og takk til alle for svært god respons! Diverse Me har i løpet av 2013 fått inn mange e-postadresser til medlemmene i grendalaget. Det manglar framleis nokre, så då er det berre å senda ein e-post til : terje.rasdal@masfjorden.kommune.no Etter kvart vil me ta sikte på å senda ut informasjon også på e-post. Styret vil også arbeida for å få lagt grendalaget inn på den såkalla «Grasrotandelen.» Me vart registrert i Brønnøysundregisteret i 2003, og me tek derfor sikte på etter kvart å få tilført litt midlar gjennom dette opplegget. Informasjon om dette vil koma etter kvart. Elles såg me at grendahuset leverte mykje vatn til hus og hytter i Rasdalen sist vinter, og spesielt då i påska. Det var ein sjeldan kald vinter med djup tele, så vatn vart etter kvart ei mangelvare. Men grendahuset

4 har ein svært god brønn oppe i Botnen, og han hadde ikkje problem med å levera vatn til alle trengande - både i bøtter og i spann. Badet på grendahuset er også i ganske flittig bruk av medlemmene, sist sommar kom det t.d. inn 800 kr i dusjpengar. Det var også eit framsteg då me i fjor fekk på plass eit nytt system for tørkepapir, handsåpe og toalettpapir. Vurdering av arbeidsåret og vegen vidare I året som har gått har det vore god aktivitet i grendalaget. Me har som vanleg arrangert påskebasar/påskerenn, dugnad og sommarfest. Styret prøver så godt det kan å halda oppe aktivitet i dalen i tillegg til å halda grendahuset i bra stand, og der har me fått gjort ganske mykje sist sommar. Det må også nemnast at grendahuset etter kvart har vore meir i bruk til ulike arrangement og samkomer, noko me synest er positivt. Denne utviklinga heng nok også saman med at me fekk eit meir funksjonelt kjøkken for ein del år sidan. Det kan også nemnast at det er fleire som har uttalt at dei er imponerte over at me har eit grendalag som er i funksjon her oppe i dalen. Dette arbeidet meiner styret at det er viktig å halda fram med, me ser heile tida at det er nye prosjekt å ta fatt på. Me kan nemna innreiing av lærarrommet i 3.etasje og måling av grendahuset som døme på det. Arbeidet med å få nytt kjøkken, «ny» sal nede og få gjort maskinarbeid rundt grendahuset var eit stort løft for grendalaget, og då er det viktig å ha økonomisk kontroll. Dette ville me ikkje ha klart å gjennomføra utan god hjelp og støtte frå alle medlemmene, og avslutningsvis vil me takka for all hjelp som har vorte gjeven opp gjennom åra. Stolprosjektet vårt er eit godt døme på denne støtta, der betalte medlemmene inn kr. Når folk stiller opp slik og bryr seg, har me eit godt grunnlag å arbeida vidare på her oppe i Rasdalen. For styret i Rasdalen grendalag Terje Rasdal leiar

5