Arkiv: 20110009 Arkivsaksnr: 2011/1865-21 Saksbehandlar: Håvard Stensønes Saksframlegg Utval Utvalssak Møtedato Hovedutval for teknikk, miljø og næring 62/12 30.08.2012 Kommunestyret 73/12 13.09.2012 Vedlegg 1 Uttale frå Fylkesmannen i Møre og Romsdal - Reguleringsplan Stangvik prestegard hyttefelt - 117/1 2 Uttale frå Ellinor Moen og Kjetil Strand - Reguleringsplan for Stangvik prestegård del II 3 Hytteveg Stangvik 4 merknad til reguleringsplan for Stangvik prestegård del II 5 Uttale frå Jim Husby, Hans Petter Ishoel og Kirsti Solem - reguleringsplan Stangvik prestegard hyttefelt II 6 Merknad til reguleringsplan Stangvik Prestegard hyttefelt II 7 Surnadal kommune - detaljregulering - reguleringsplan Stangvik Prestegard hyttefelt del II - fråsegn ved offentleg ettersyn 8 Uttale frå eldrerådet 9 Uttale frå Statens vegvesen - Reguleringsplan for Stangvik prestegard del II 10 Særutskrift - Stangvik prestegard - 117/1 - uvidelse av hytteområde, 1. gongs behandling. 11 Plankart 12 Planbestemmelser 13 Planbeskrivelse Saksopplysningar Frå grunneigar Ivar Melkild har kommunen fått oversendt forslag til utvidelse av reguleringsplan for Stangvik prestegard. Plana omfattar ei utviding av eksisterande hyttefelt med 25 nye hyttetomter. Hovudutval for teknikk, miljø og næring behandla planforslaget første gong 26.04.2012, der det vart gjort vedtak om å legge plana ut til offentleg ettersyn. Det har kommet inn 6 uttalar til saka: Uttalar til planforslaget STATENS VEGVESEN, DATERT 29.05.2012. 1
MØRE OG ROMSDAL FYLKESKOMMUNE, DATERT 20.06.2012 Viser til at det er utført ei arkeologisk registrering i samband med plana. Fylkeskommunen har ingen merknader til plana. FYLKESMANNEN I MØRE OG ROMSDAL, DATERT 21.06.2012. ISHOEL, HUSBY OG SOLEM, DATERT 20.06.2012. Har hytte nedanfor dei nye hyttetomtene. Viser til at området var vist som friområde i gjeldande plan. Meiner tomt T48 ligg for nær eksisterande tomt 117/80, og at det vil bli innsyn til hytta frå dei nye hyttetomtene. Foreslår å flytte de næraste tomtene 15 meter østover, slik at ein opprettheld ein korridor mellom eksisterande hytter og dei nye tomtene. Eit eksisterande vilttråkk vil også med dette bli bevart. Foreslår vidare at det ikkje er tillatt med hogst innanfor korridorem, slik at det ikkje blir innsyn ned til eksisterande hytter. Hogging av skog vil medføre at nye hytter vil bli synlege mot horisonten. ELLINOR MOEN OG KJETIL STRAND, DATERT 19.06.2012. Ønsker ikkje trafikken til hyttefeltet forbi tunet på Lerbrua. Viser til at det blir dreve med islandshest på garden, rideundervisning, kurs, temming og trening av hest. I reguleringsplana frå 2003 med 15 tomter vart trafikken planlagt gjennom gardstunet i Lerbrua. Utvidinga av hyttefeltet med 25 nye hyttetomter vil medføre meir enn dobling av trafikken forbi tunet. Eksisterande hyttefelt fører til mykje trafikk på kveldstid og helg både av hytteeigarar og besøkande til hytteområdet. Lerbruvegen er skulevegen for barna. Bebuarar på Lerbrua meiner det er best at prestegarden tar belastninga med trafikken gjennom sin eigen eiendom i og med at utvidinga av hyttefeltet vil bli ein del av inntektsgrunnlaget på prestegarden. Bebuararne på Lerbrua opplever ein forringelse av eiendommen og ein reduksjon av mulighetene til å bruke Lerbrua til dei aktivitetane dei ønsker skal være inntektsgrunnlaget på garden. Det vil i tillegg hindre mulig opptrapping av drifta i framtida. Foreslår to forslag til løsning: 1. Legge all trafikk til hyttefeltet gjennom prestegarden. 2. Føre trafikken gjennom Tromyrhaugen boligfelt.
ELDRERÅDET, DATERT 14.06.2012 Vurdering Det er ikkje kommet innsigelsar frå regionale myndigheter til plana. Kommunen kan da egengodkjenne plana. Det har kommet inn merknader frå naboar i området. Lerbrua Ved full utbygging vil det bli 40 hytter i området. Hyttene vil nødvendigvis føre til auka biltrafikk på Lerbruvegen, mest i samband med helg, men og ellers i veka. Dette kan ha negative konsekvensar for bebuarar langs vegen i form av støy og støv. Auka trafikk kan og ha følger for trafikksikkerheta i området, spesielt med tanke på barn og andre mjuke trafikantar. Det er ikkje beskreve avbøtande tiltak i forhold til forventa trafikkauke. Frå bebuarar på Lerbrua er det foreslått to alternative løysingar med endra adkomst til hytteområdet. Adkomst gjennom Tromyrhaugen boligfelt blir vurdert til ikkje å være aktuelt, sjølv om det er den kortaste vegen opp til området. Vegen var i opprinneleg forslag til adkomst til hyttefeltet, men vart ikkje godkjent av kommunen i 2003, med bakgrunn i vurderingar omkring trafikksikkerhet og uttale frå Statens vegvesen. Adkomst gjennom Tromyrhaugen er regulert til dei 10 tomtene lengst vest i området, medan dei 15 lengst aust skal ha adkomst frå Lerbruvegen. Tidlegare eigar av Lerbrua hadde den gong ikkje merknad til at vegen vart lagt forbi garden. Etter at plana vart godkjent i 2003 er det kommet inn nye eigarar på Lerbrua. Det andre forslaget er å legge adkomstvegen gjennom tunet på prestegarden. Etter rådmannens vurdering er heller ikkje dette ei ønska løysing. På Lerbrua går vegen utanfor tunet, medan vegen ved prestegarden går gjennom tunet. Å anlegge ein adkomstveg gjennom gardstunet er ikkje optimalt sjølv om prosjektet kjem frå eigar av prestegarden. I og med at det no er snakk om ei vesentleg utvidelse av hytteområdet vil trafikkbelastninga bli større på Lerbruvegen, og det er forståeleg at naboar kan ha merknad til dette i og med at vegen går såpass tett inntil garden. Dette er døme på ei klassisk konflikt mellom boligbebyggelse og
hyttefelt. Det må vurderast å gjere avbøtande tiltak på Lerbrua for å redusere dei negative konsekvensane som følge av auka trafikk. Det anbefales at det frå grunneigars side blir sett på problematikken, slik at ein kan søke å finne forslag til eventuelle avbøtande tiltak. Husby, Ishoel og Solem Tomt T48 er plassert ca 30 meter i luftline frå tomta 117/80. Det er ca 15 høgdemeter frå tomta opp til T48. Eventuell bebyggelse på tomt T48 kan ikkje bli plassert fram på kanten, for å unngå silhuettvirkning. Eit uteområde framfor T48 vil strekkje seg fram mot kanten av platået. Rådmannen vurderer likevel avstanden og høgdeforskjellen på eksisterande tomt og nye tomter til å være slik at det ikkje gir vesentleg ulempe for eigar av 117/80 eller 117/88. Vegen fram til dei nye tomtene er lagt på ein måte som vil gi forholdsvis små terrenginngrep. Tomtene er plassert slik at det er mogleg å ta vare på det småkuperte landskapet utan for store terrenginngrep. Ved å flytte hyttene 15 meter austover vil også vegen bli flytta, dersom ein skal oppretthalde same antall hytter. Flytting av vegen vil føre til større terrenginngrep i området ved at vegen må skjere seg gjennom fleire bergryggar i området. Kart som viser eksisterande hytter til venstre, og forslag til nye hytter til høgre. Rådmannen er i dette tilfelle inhabil i saka på grunn av nært slektskap til søkjar (søsken/svoger). I samråd med juridisk avdeling ved fylkesmannen sitt kontor kan likevel rådmannen stå for saksutgreiinga og komme med tilråding. Rådmannen har personleg ikkje arbeidd med saka som er utgreidd av planleggar/kommunalsjef. Ordføraren er orientert om desse tilhøva. Rådmannen vil tilrå at plana blir godkjent slik den ligg føre.
Rådmannen si tilråding I medhald av pbl 12-12 blir reguleringsplan for Stangvik prestegard 117/1 godkjent. Behandling i Hovedutval for teknikk, miljø og næring - 30.08.2012 Behandling: Tillegg frå Hovedutval for teknikk, miljø og næring: 1. Størrelsen på hyttetomt T 46 og T 48 vert redusert p.g.a hjortetrekk. 2. Tilkomstvegen til hyttefeltet blir lagt på eksisterande veg gjennom utbygger sitt gardstun. Pkt. 1 i tilrådinga frå Hovedutval for teknikk, miljø og næring samrøystes vedteke. Pkt. 2 i tilrådinga frå Hovedutval for teknikk, miljø og næring samrøystes vedteke. Rådmannen si tilråding med tillegg frå Hovedutval for teknikk, miljø og næring vart samrøystes vedteke. Hovedutval for teknikk, miljø og næring si tilråding. 1. Størrelsen på hyttetomt T 46 og T 48 vert redusert p.g.a hjortetrekk. 2. Tilkomstvegen til hyttefeltet blir lagt på eksisterande veg gjennom utbygger sitt gardstun. I medhald av pbl 12-12 blir reguleringsplan for Stangvik prestegard 117/1 godkjent. Behandling i Kommunestyret - 13.09.2012 Habilitet: Jonny Melkild ba om å få vurdert habiliteten sin. (bror som er part i saken) Jonny Melkild vart samrøystes erklært inhabil. Forslag: Oddvar Væge sette fram følgjande utsettingsforslag: Saka blir sendt tilbake til HTMN med bestilling: Løyse utfordringar med vegen ved Prestegarden. Utsettingsforslaget frå Oddvar Væge vart samrøystes vedteke. Kommunestyret sitt vedtak: Saka blir utsett og sendt tilbake til HTMN med bestilling: Løyse utfordringar med vegen ved Prestegarden.