Fitjar kommune Arkivkode: 61/12 Saksmappe: 2017/635 Sakshandsamar: Anne-Lise Næs Olsen Dato: 22.01.2018 MØTEBOK PlanID 201404 - Mindre endring av detaljregulering for gnr/bnr 61/12 m.fl. Kvedno/Kjærelva Næring og veg Utval sak Utval Møtedato 9/18 Utval for plan og miljø 01.02.2018 Vedlegg: 1 Plankart A1 2 Føresegner 31.10.2017, tek. just. 3 Planomtale 31.10.2017, tek, just. 4 Oversikt over endringar i plan 5 Varselbrev om reguleringsendring 6 Høyringsuttaler 7 Sjekklister 8 Føresegner 9 Planomtale Bakgrunn: I 2014 vart det godkjent ein reguleringsplan for Kvedno/Kjærelva, «Detaljregulering for gnr/bnr 61/12 m.fl. Kvedno/Kjærelva Næring og veg». PlanID er 1222_201404. Det vart gjort ei mindre reguleringsendring i 2016. Det er 7.12.2017 motteke forslag om å gjere mindre endringar av denne planen. Kommunen har vurdert at det ikkje er naudsynt med konsekvensutgreiing og planprogram etter pbl. 4-1. Hovuddelen av dokumenta er utarbeidd i 2014 med suppleringar og justeringar i denne endringssøknaden. Omsøkte endringar for planid 1222_201404 er synt i revidert plankart, reviderte føresegner og revidert planomtale. Desse dokumenta vil erstatte/oppheve eksisterande plandokument for planområdet. Denne reguleringsendinga erstattar/opphevar ein veldig liten del av to tilgrensande planar. Endringane som vert gjennomført i 2017 er små, og skjer i regi av utbygging av settefiskanlegget og behovet dei har for å sikra ein god og solid arbeidsplass. Endringane får ingen negative konsekvensar for dei ulike deltema i kap. 6 og 7 eller ROS-analysen, enn dei resultata ein kom fram til i 2014. Forslagsstillar er Sjøtroll Havbruk AS, og konsulent er Multiconsult ASA. Oppstartsmøte for denne endringa vart halde 19.9.2017. Melding om oppstart vart varsla i varselbrev 31.10.2017. Frist for å kome med merknad var 28.11.2017, men fristen vart utvida til 5.12.2017. Høyringa har vore avgrensa slik at endringa ikkje er annonsert i avis. Innkomne merknadar og innspel er oppsummert og kommentert i planomtalen.
Planstatus: Utsnitt frå kommuneplanen Planområdet er i kommuneplanen vist som område for næring, LNFføremål og sjøareala til område for kombinert føremål i sjø og vassdrag (Natur- og Friluftsområde). Deler av planområdet ligg innanfor omsynssone funksjonell strandsone, og det er avsett framtidig gangog sykkelveg frå Fv75 til Kjærelva. Eksisterande reguleringsplan for Kvedno/Kjærelva. Området er i dag regulert i detaljregulering for Kvedno/Kjærelva. Planen vart vedteken 11.11.2014. Området er regulert til næringsbygningar, bustader, kombinert byggje- og anleggformål, småbåtanlegg i sjø, samt tilhøyrande infrastruktur.
Tilgrensande areal: Mindre endring av detaljregulering for Campingplass, Spona og for Kråko Ny plan overlappar mindre deler av detaljregulering for Fitjar sjø og camping, Spona med planid 200504, og av detaljregulering for Kråko med planid 200304. Overlappinga omfattar vegareal ved krysset ved campingen, og er gjort for å få ei naturleg tilpassing mellom vegen og desse to planane. Omtale av planområdet: Planområdet ligg sørvest for kommunesenteret Fitjar, og er lokalisert ved Kjærelva, Vestbøstad. Planområdet er ca. 66 daa stort og omfattar eigedommane gnr./bnr. 61/1, 3, 5, 12, 21, 136, 153, 235, 257, 258, 267, 279. Om planendringa: Ny planavgrensing fylgjer i stor grad eksisterande reguleringsplan, men plangrense vert justert i sjø på 2 stadar. BBS1 vert utvida med om lag 234 m 2, BAS2 blir utvida med om lag 30 m 2. Samla utvida planareal vert såleis om lag 265 m 2. Reguleringsendringa no vil for BN1 medføra at føremålsgrensa mot sjø vert justert. I gjeldande plan syner føremålsgrensa topp planering for området, noko den framleis vil gjera. I samband med utfylling i området vart eksisterande plastring prosjektert utforma med fyllingsskråning 1:1 frå kote -2 til topp på kote +3, medan dagens situasjon er at det frå kote +1,5 blitt nytta større stein som har gjeve brattare helling på plastringa opp til toppen på kote +3. Dette medfører at fyllingsfronten frå kote +1,5 får meir mur enn plastring. Føremålsgrensa er difor justert for å samsvara med faktisk situasjon. I føresegnene er det teke inn at det kan tillatast solcelleanlegg innanfor føremåla. Næringsområdet mellom småbåtanleggsområda BBS1 og BBS2 vert òg utvida for å få ei heilskapleg estetisk utforming av sjøfyllinga for heile anlegget. Ein har i dag etablert eit felles uttrykk med lik plastringsutforming for all fylling mot sjøen fram til flytebrygga i BBS1. Området i BN1_C mellom BBS1 og BBS2 er samansett av gamal fylling, vegetasjon og mur, og har eit generelt uryddig preg som ikkje står i stil med resten av fyllingskanten rundt anlegget. Totalt vert justering/utviding av BN1 på om lag 738 m 2. Byggegrense innanfor BN1 vert ikkje endra som følgje av endringane og går slik dei var i godkjent plan. Eksisterande ferskvassinntak for settefiskanlegget er regulert i føremålet BAS2. I føremålet ligg det hovudsakeleg pumper og kummar med dekke og/eller overbygg, samt andre tilhøyrande konstruksjonar. Grunna feil i grunnkart frå 2014 vart dette området regulert som mykje mindre enn det som var faktisk tilhøve på tidspunktet. Området er no utvida frå 2014-planen for å fange om faktisk situasjon, samt å ivareta framtidige tiltak.
Reviderte plandokument 31.12.2017 for Kvedno/Kjærelva erstattar eksisterande plandokument i detaljregulering for Kvedno/Kjærelva. Revidert plan vil også erstatte/oppheve dei delar av Campingplass Spona og Kråko, som er omfatta av revidert plan. Det er laga revidert plankart, reviderte føresegner og planomtale for reguleringsendringa. Reguleringsendringa i 2017 medfører at alle bokstavkodar for arealformåla vert etter dagens standard. I samband med reguleringsendring i 2017 vart nytt kartgrunnlag med FKB-datasett nytta som bakgrunnskart i planen. Endringar i revidert plan er grundig utgreidd i planomtalen. Her er hovudessensar referert for dei ulike endringane: Småbåtanlegg i sjø og vassdrag med tilhøyrande strandsone (BBS) Detaljplanen regulerer no 3 område til småbåtanlegg i sjø og vassdrag med tilhøyrande strandsone (BBS1, BBS2 og BBS3). Før var det berre 2. Småbåtanlegget BBS1 er nytta til næringsretta formål, blant anna som tilkomst for brønnbåtar til settefiskanlegget. Småbåtanlegg BBS2 er nytta til aktivitet tilknytt BKB. Eksisterande flytebrygger er regulert til føremålet. Reguleringsendring i 2017 medfører at BBS1 og BBS2 vert utvida. I tillegg vert vestleg del av BBS2 overført til nytt formålsområde; BBS3. BBS1 vert utvida for å etablera større flytebrygge som skal serve større brønnbåtar enn det settefiskanlegget kan motta i dag. Denne utviding vert sett i samanheng med den nylege utvidinga av Hellandsstraumen som no gjer det mogleg å få større brønnbåtar til anlegget. Ny flytebrygge i BBS1 vert 4 x 65 m. BBS1 vert utvida med om lag 234 m 2, som også medfører utvida plangrense i sjø. Utsnitt frå gjeldande plan Utsnitt frå ny plan BBS2 vert utvida for å kunne etablera ei framtidig flytebrygge på 3 x 10 m tilknytt BKB. Arealet i BBS2 vert auka med om lag 91 m 2. Nytt formål BBS3 vert etablert for å skilje flytebryggeanlegg for settefiskanlegget frå flytebryggeanlegg for annan næring/naust tilknytt BKB. For BBS3 er det planlagt å etablera «sikker» tilkomst frå sjø slik at personar som kjem via båt vert rettleia mot hovudinngangen og slusesystemet tilknytt settefiskanlegget. BBS3 har fått om lag 233 m 2 frå opphaveleg BBS2, og om lag 597 m 2 frå opphaveleg VFE2.
Veg og køyreveg med tilhøyrande anna veggrunn Gjennom plandendringa her vil ein opna for at det innan vegføremåla SKV2, SKV3 og o_sv1 kan etablerast støttemur/murar. Orsaka er at dagens tilkomst til næringsområde BN1 vil måtte hevast når næringsområdet er ferdig planert. Tilkomst via SKV3 til småbåtanlegga og kombinert føremål vert ikkje endra. Endringar er små, og går fram av reviderte føresegner 4. Utsnitt frå ny plan Ferdsel (VFE) Som følgje av reguleringsendring i 2017 vert om lag 1 daa av opphavleg VFE2 avstått til næringsføremål BN1 og småbåtanlegg BBS1-3. Det vert opna for fortøying/forankring tilknytt BBS1-3 kan etablerast innanfor VFE-føremåla. Utsnitt frå ny plan
Andre særskilt angjevne bygningar og anlegg (BAS2) Her er plangrensa utvida litt mot sør for å innlemme eksisterande pumpe og kai, samt for å sikre areal til framtidig inntakspumpe. Utsnitt frå ny plan Vurdering av detaljreguleringa: Denne planendringa vert vurdert til å ikkje påverke gjennomføring av planen i særleg grad. Her er mindre endringar av plangrensa, men desse endringane går etter administrasjonen sitt syn, ikkje merkbart utover hovudrammene i planen. Endring av plangrensa kjem som fylgje av trong for å rette planen i høve til dei faktiske tilhøva og allereie etablerte tiltak. Administrasjonen vurderer vidare at endringa ikkje har ny verknader med omsyn til risiko og sårbarheit, og heller ikkje råkar omsynet til viktige natur- og friluftsområde. Endringa er ikkje omfatta av plan- og bygningslova 4-1 (planprogram) eller 4-2 andre ledd (planbeskriving og konsekvensutgreiing). Administrasjonen vurderer at endringa kan delegerast til utval for Plan og utvikling som ei mindre endring, i samsvar med pbl 12-14. Under er viktige tema vurdert. Kulturminne Endringane i reguleringsplanen som vert føreslått her, ligg i hovudsak innanfor gjeldane planområde og vil ikkje medføre konsekvensar for kjende kulturminner eller kulturmiljø i området. Økonomiske konsekvensar Reguleringsendringa medfører i ikkje økonomiske konsekvensar for kommunen. Naturmangfald Endringane i reguleringsplanen vil ikkje få utvida verknad for naturmangfaldsverdiane i området. Utviding av plangrense i sjø BBS1 og BAS2 Endringar av plangrensa som vert føreslått ligg i stor grad i sjø, og endringa vil ikkje få vidare konsekvens for landområda i planen. Eksisterande flytebrygge i BBS1 er regulert til føremålet, og det er her snakk om ei forlenging av denne brygga for å sikre god tilkomst for brønnbåtar til anlegget. Område BAS2 er utvida litt mot sør for å innlemme eksisterande pumpe og kai, samt for å sikre areal til framtidig inntakspumpe. Eksisterande ferskvassinntak består
hovudsakeleg av pumper og kummar med dekke og/eller overbygg, samt andre tilhøyrande konstruksjonar. Grunna feil i grunnkart frå 2014 vart dette området regulert som mykje mindre enn det som var faktisk tilhøve på tidspunktet. Området er no utvida frå 2014-planen for å fange om faktisk situasjon, og for å sikre areal til framtidige tiltak. Endringane i reguleringsplanen som vert føreslått no er ikkje av vesentleg karakter, og vil etter administrasjonen si vurdering, ikkje få vidare innverknad på det heilskaplege landskapsinntrykket for området. Endringane vil heller ikkje få vidare innverknad på allmenta sin tilgang til tilgjengeleg strandsone. Ei utviding av flytebrygga innan BBS1 vil ikkje skapa barriereverknader for bruken av Kjærelva eller sjøområdet generelt. Utvidinga av føremålet vert vurdert til å ikkje vere til hinder for fri ferdsle og tilkomst til indre del av Hellandsfjorden. Endringane vil medføra at verksemdbasert samferdsel til og frå settefiskanlegget via sjø vert betre då ein opnar for at større brønnbåtar kan komme direkte til anlegget. Samfunnstryggleik og beredskap: Her er ingen endringar. Universell utforming Viser til planomtalen. Reguleringsendringa medfører ikkje endringar. Born og unge sine interesser Viser til planomtalen. Reguleringsendringa medfører ikkje endringar. Folkehelse Viser til planomtalen. Reguleringsendringa medfører ikkje endringar. Justering av føresegner: Mindre endringar er lagt inn med raud skrift av konsulenten. Revidert plan vil erstatte/oppheve små delar av detaljregulering for Campingplass Spona og av detaljregulering for Kråko, som er omfatta av revidert plan. Dette lyt førast inn i føresegnene til planen. Administrasjonen legg difor fram eit teknisk justert forslag til føresegner. Kommunen nyttar elles standard framside på føresegner generelt, og denne er lagt inn i dokumentet. Justering av planomtale: Mindre endringar er lagt inn med raud skrift av konsulenten. Administrasjonen har teke ut noko informasjon om konsulenten som ikkje er relevant for detaljreguleringa. Dette gjeld pkt. 2.1 som er korta noko ned. Dette er ikkje informasjon om innhaldet i sjølve detaljplanen og vert å sjå på som ei teknisk justering. Administrasjonen legg difor fram eit teknisk justert forslag til planomtale. Konklusjon: Endringane i reguleringsplanen som vert føreslått er ikkje av vesentleg karakter, og vil ikkje få vidare innverknad på det heilskaplege landskapsinntrykket for området. Rådmannen er samla sett, positiv til forslaget av 31.10.2017, og rår til at Utval for plan og miljø vedtek å godkjenne endringsforslaget, men med administrativ teknisk justering av føresegner og planomtale. Framlegg til vedtak: Med heimel i 12-14 i Plan- og bygningslova, vedtek Utval for plan og miljø mindre endring av detaljregulering for gnr/bnr 61/12 m.fl. Kvedno/Kjærelva Næring og veg», med planid: 1222_201404. Revidert plankart er datert 31.10.2017. Føresegner og planomtale er også datert 31.10.2017, men er teknisk justerte i samsvar med saksutgreiinga og vedlegg.
Denne reguleringsendringa erstattar/opphevar små delar av fylgjande planar: Detaljregulering for Fitjar sjø og camping, Spona med planid 1222_200504 Detaljregulering for Kråko med planid 1222_200304 Behandling i Utval for plan og miljø - 01.02.2018: Vedtak: (Samrøystes) Som framlegg. Atle Tornes Rådmann Saksframlegget er godkjent elektronisk og har derfor inga underskrift.