Fellestenester Politisk sekretariat «MOTTAKERNAVN» «ADRESSE» Rosendalsvegen 10 5470 ROSENDAL Tel: 53483100 Fax: 53483130 Org. nr: 964 967 636 Bankgiro: 3460.07.00083 post@kvinnherad.kommune.no www. kvinnherad.kommune.no facebook.com/kvinnherad «POSTNR» «POSTSTED» Saksbehandlar Tormod Fossheim Tlf. direkte innval 53483266 Vår ref. 2014/2334-11 Dykkar ref. «REFDATO» Dato 15.12.2014 Særutskrift - 153/9 - dispensasjon og deling av grunneigedom - Sunde - Jon Olav Sunde Kvinnherad forvaltningskomite hadde saka føre i møte 10.12.2014 med vedtak nr 2014/166. Vi legg ved utskrift av møteboka og syner til vedtaket. Då saka gjeld dispensasjon etter plan- og bygningslova (pbl) kap 19, vert kopi av vedtaket også send til berørte regionale og statlege styresmakter for eventuell klagevurdering. Dette brevet er sendt elektronisk utan underskrift og vert ekspedert med e-post som inneheld lenkje til kommunen sin arkiv webmodul. Her kan de finna alle dokument som er vedlegg til saka. Dersom du vurderer å klaga på vedtaket, viser vi generelt til reglane i forvaltningslova og spesielt til plan og bygningslova 1-9. Vi viser også til pbl 21-9 om at eit dispensasjonsløyve fell bort etter 3 år dersom eit tiltak ikkje er igangsett. Tiltak omfattar også oppretting og endring av eigedom (frådeling). Eventuelle spørsmål kan rettast til saksbehandlar. Med helsing Bente Høyland Møtesekretær
Side 2 Brevet er godkjent elektronisk og har derfor inga underskrift. Kopi til: Tormod Fossheim Mottakarar: Fylkesmannen i Hordaland Postboks 7310 5020 Bergen Ernst Olsen Jon Olav Sunde Brattavegen 10 5450 SUNDE I SUNNHORDLAND Hordaland fylkeskommune Postboks 7900 5020 Bergen
Side 3 Saksframlegg Saksmappe Saksbehandlar 2014/2334-9 Tormod Fossheim Saksgang Saksnr Utval Møtedato 2014/166 Forvaltningskomiteen 10.12.2014 Behandling dispensasjon 2. gong - 153/9 - frådeling til bustadhus - Sunde - Jon Olav Sunde Innstilling frå rådmannen: Kvinnherad forvaltningskomité gjev ikkje dispensasjon frå arealføremålet LNF i arealdelen til gjeldande kommuneplanen eller frå pbl 1-8 om forbod mot tiltak langs sjø og vassdrag. Planlagt deling frå 153/9 kan difor ikkje omsøkjast og handsamast etter pbl kap 20 og tilhøyrande bestemmelsar. Avslaget er heimla i pbl 19-2 då det i lova er forbod mot å dela frå tomter i LNFområde. Ulempene med ein dispensasjon er av samfunnsmessig karakter og klart større enn fordelane som er av privat karakter. Behandling i Forvaltningskomiteen den 10.12.2014 Det var synfaring i saka. Geir Inge Sjo(Frp), Thorleif J Hellesøy (Frp), Aslak Mikkelsen (Frp), Otto Benjaminson (Krf), Aud Presthus (H) og Are Blokhus (V) sette fram nytt forslag til vedtak: Kvinnherad forvaltningskomité gjev dispensasjon frå arealføremålet LNF i arealdelen til gjeldande kommuneplanen og frå pbl 1-8 om forbod mot tiltak langs sjø og vassdrag slik at det kan delast ei tomt til bustadhus frå 153/9 samt byggjast hus på tomta som omsøkt. Tomta vil ikkje koma i konflikt med strandsoneverdiar. Tomta ligg etter forvaltningskomiteen sitt syn tett inntil og som ei forlenging av eit eksisterande og utbygd bustadområde i sør og eit planlagte bustadområde B13 i aust. Tilkomst, vatn og avløp kan enkelt tilknytast eksisterande system i sør. Tomta kjem ikkje i vesentleg i konflikt med naturverdiar. Tvert imot vil tilkomstvegen, som også skal nyttast som traktorveg av grunneigar, letta tilgongen til LNF-området. Plassering av tomta, i utkanten av LNF-område og med all infrastruktur knytt direkte til det eksisterande bustadområde, gjer at tomta heller ikkje vil vanskeleggjara ei eventuell framtidig utbygging av resten av området. Tilkomst til dette området vil eventuelt koma frå nord eller gjennom bustadområde B13 i aust. Dei private regulerte tomtene i nabolaget, har søkjar allereie lova vekk til slektningar. Det er heller ingen konkrete planar for utbygging av B13 eller andre område i nærleiken.
Side 4 Tomta ligg etter forvaltningskomiteen sitt syn godt tilrettes for dispensasjon, ingen vesentlege moment talar imot og det er av stor samfunnsmessig betydning at kommunen kan tilby einebustadtomter til dei som vil flytta til kommunen. I dei fleste område som i dag vert regulerte til bustadformål er fleirmannsbustader dominerande. Vedtaket er heimla i i pbl 19-2 og det er iflg grunngjevinga ovanfor ei overvekt av grunnar som talar for dispensasjon. Røysting: Nytt framsett forslag vart samrøystes vedteken. Vedtak frå Forvaltningskomiteen den 10.12.2014 Kvinnherad forvaltningskomite gjev dispensasjon frå arealføremålet LNF i arealdelen til gjeldande kommuneplanen og frå pbl 1-8 om forbod mot tiltak langs sjø og vassdrag slik at det kan delast ei tomt til bustadhus frå 153/9 samt byggjast hus på tomta som omsøkt. Tomta vil ikkje koma i konflikt med strandsoneverdiar. Tomta ligg etter forvaltningskomiteen sitt syn tett inntil og som ei forlenging av eit eksisterande og utbygd bustadområde i sør og eit planlagte bustadområde B13 i aust. Tilkomst, vatn og avløp kan enkelt tilknytast eksisterande system i sør. Tomta kjem ikkje i vesentleg i konflikt med naturverdiar. Tvert imot vil tilkomstvegen, som også skal nyttast som traktorveg av grunneigar, letta tilgongen til LNF-området. Plassering av tomta, i utkanten av LNF-område og med all infrastruktur knytt direkte til det eksisterande bustadområde, gjer at tomta heller ikkje vil vanskeleggjara ei eventuell framtidig utbygging av resten av området. Tilkomst til dette området vil eventuelt koma frå nord eller gjennom bustadområde B13 i aust. Dei private regulerte tomtene i nabolaget, har søkjar allereie lova vekk til slektningar. Det er heller ingen konkrete planar for utbygging av B13 eller andre område i nærleiken. Tomta ligg etter forvaltningskomiteen sitt syn godt tilrettes for dispensasjon, ingen vesentlege moment talar imot og det er av stor samfunnsmessig betydning at kommunen kan tilby einebustadtomter til dei som vil flytta til kommunen. I dei fleste område som i dag vert regulerte til bustadformål er fleirmannsbustader dominerande. Vedtaket er heimla i i pbl 19-2 og det er iflg grunngjevinga ovanfor ei overvekt av grunnar som talar for dispensasjon. Søkjar: Jan Olav Sunde, Brattavegen 10, 5450 Sunde Søknad dagsett: 03.09.2014 Historikk Saka vart behandla 1. gong i forvaltningskomiteen 12.11.2014. Saka vart utsett for synfaring. Rådmannen fremjar no saka på nytt med same innstilling. Om søknaden og eigedommen: Det vert søkt om dispensasjon for frådeling av ei bustadtomt av 153/9. Hovedbruket er på totalt 139,3da. 126,4da er skog og 80% av høg bonitet.
Side 5 Resten er fulldyrka jord (4,9%) open fastmark (3,8%) og bebygd areal (4,2da). Det er ikkje aktiv drift på bruket, og den omsøkte tomta vil generelt ikkje medføra driftsulemper. Den omsøkte tomta er på 2,46 da og markslaget er klassifisert som skog av særs høg bonitet. Søkjar opplyser at tiltenkt kjøpar av tomta er fast tilsett i sidan 01.02.2014 og har 1 års permisjon frå Stavanger kommune. Kjøpar er frå Sunde og ønskjer å busetja seg i bygda. Kjøpar har i 7 mnd lett etter høveleg hus eller tomt, men det er etter søkjar sitt syn mangel på regulerte bustadfelt i kommunen. Søkjar meiner vidare at det ligg godt tilrettes for tilknyting til kommunalt vass- og kloakkanlegg samt tilknyting til privat veg for tilkomst. Topografien tilseier at for ei vidare framtidig utbygging må tilførselsvegen koma frå aust. Ein dispensasjon frå kommunedelplan for frådeling av tomt vil difor etter søkjar sitt syn ikkje vera til hinder for framtidig utbygging og vil følgjeleg heller ikkje vera til nokon ulempe for samfunnsinteressene. Søkjar meiner også at etablering av ei ny tomt vil vera ein fordel på den måten at kjøpar kan flytta tilbake til Kvinnherad og heimbygda. er i stagnasjon og treng tilflyttarar med høgare utdanning. Kommunen vil også bli tilført inntekter. Arealstatus og strandsone Arealet er i gjeldande kommunedelplan for Husnesområdet, godkjent 2003, avsett til LNF. Tomta grensar i sør til eit område med arealstatus eksisterande bustadområde. Deler av tomta ligg innanfor 100 m beltet frå sjøen. Funksjonell strandsone er ikkje fastsett i planen, men rådmannen vurderer det omsøkte området til å liggja utanfor funksjonell strandsone. Nabovarsel Naboane er varsla. Det er komen merknad dagsett 16.10.2014 frå eigar av 153/170, representert ved Anne Margit Bratten. Ho meiner at den omsøkte dispensasjonen vil koma i konflikt med natur og friluftsinteresse. Det omsøkte huset vil medføra vesentlege terrenginngrep som vil eksponera seg mot fjorden. Haugen er ein del av eit samanhengande LNF-område som strekkjer seg opp mot Kaldestadåsen og er eit viktig område med stiar og skogsvegar. Søkjar imøtegår merknadane punkt for punkt i kommentar av 29.10.2014 og oppsummerer med at tomta som ligg på eit høgdedrag er lite tilgjengeleg og har ingen historiske allmenne interesser. Dei historiske ferdselsvegane som går igjennom dalen til mellom anna gamleskulen på Sunde, ligg utanfor det området det vert søkt dispensasjon for
Side 6 Uttale frå regionale og statlege styresmakter Fylkesmannen i Hordaland Merknad: Fylkesmannen rår ifrå at det vert gjeve dispensasjon. Sjå vedlegg. Hordaland fylkeskommune Det er ikkje komen merknad., vegstyresmakta Det er ikkje komen merknad. Naturmangfaldlova Det er pr 28.11.2014 ikkje registrert spesielle naturtypar eller biotopar i området. Kulturminne Det er pr 28.11.2014 ikkje registrerte fornminne i området. Støy Den omsøkte tomta er ikkje støyutsett. Klimatilpassing Tomta er ikkje utsett for ras, flaum eller flo. Veg, vatn og avløp Søkjar har opplyst at tomta skal tilkoplast privat veg og kommunalt vatn- og avløpssystem. Aktuelle lovheimlar Den planlagte frådelinga krev dispensasjon etter pbl 19-2 frå formålet LNF og pbl 1-8 om forbod mot tiltak langs sjø og vassdrag. Dersom det skal gjevast dispensasjon må omsyna bak reglane det vert dispensert frå, eller omsyna i føremåla til lova, ikkje verta vesentleg sette til side. I tillegg må fordelane ved å gi dispensasjon vere klart større enn ulempene etter ei samla vurdering. Vurdering Sjølv om det omsøkte LNF-området er klassifisert som skog av særs høg bonitet, vil ikkje rådmannen tilleggja landbruksinteressene vesentleg betydning. Området har natur og friluftsinteresser utan at desse er spesielle. Rådmannen meiner imidlertid prinsipielt at dersom dette området skal takast i bruk som utbyggingsområde, så må det vera vurdert heilskapleg gjennom ein overordna kommuneplan. Deretter må det utarbeidast reguleringsplan der elementa infrastuktur, grøntstruktur, tomtestruktur og bygningsstuktur vert vurdert samla.
Side 7 Dersom eit område vert bygd ut fragmentert med dispensasjonar, kan ein koma i skade for å øydeleggja for ei optimal utnytting av område med omsyn på dei viktige samfunnsmessige elementa ovanfor. Ca 100 m sør for den omsøkte tomta har søkjar regulert eit område til bustadbygging med totalt 10 frittliggjande einebustadtomter. Etter våre registreringar er det framleis ledige tomter her. Rett aust for den omsøkte tomta ligg eit større byggjeområde B-13 som er utlagt til bustadformål. Her må det utarbeidast reguleringsplan før det kan byggjast. Kommunen har pr dato ikkje registrert nokon interesse, og det kan ta relativt lang tid før det er byggjeklare tomter. Likeins er det større ubebygde areal innafor område som er vist som eksisterande bustadområde i kommunedelplanen. Enkelte utfyllingstomter kan her utbyggjast direkte, men for større område lyt det utarbeidast reguleringsplan. Konklusjon og grunngjeving Rådmanne ser at dette isolert sett er ei svært attraktiv og spesiell tomt som ligg greitt tilrettes i høve til infrastruktur og der eit byggeprosjekt kan realiserast relativt raskt. Det kan imidlertid verta ei utfordring å få til ein tilkomstveg med tilfredstillande stigning. Tomta omfattar ikkje dyrka- eller dyrkbar jord, og kjem heller ikkje i strid med strandsoneverdiane. Kommunen bør imidlertid ikkje i sentrale strøk tillata bygging i LNF-område utan gjennom ei overordna planvurdering. Spesielt ikkje nå det i nærleiken er regulerte einebustadtomter og område som kan gjerast byggjeklare gjennom ein reguleringsplan. Etter ei samla vurdering finn rådmannen difor at dei samfunnsmessige ulemper med ein dispensasjon som er større enn fordelane. Fordelane med omsøkt dispensasjon er i hovudsak av privat karakter. Det kan dermed ikkje gjevast løyve til dispensasjon etter lova. Vedlegg 1. Søknad 2. Merknad frå nabo 3. Kommentar til merknad frå søkjar 4. Uttale frå Fylkesmannen i hordaland Til vedlegg 2 var det frå nabo vedlagt eit brev om turvegar til utmark. Av praktiske grunnar er dette ikkje vedlagt, men føl lekkja under: http://ephorte/ephorteweb/shared/aspx/default/details.aspx?f=viewdb&dl_jpid_jp=295786&db_dokid=355130 Alternativt kan det på førespurnad verta tilsendt frå saksbehandlar.