Saksframlegg Dato Referanse 20.02.2012 2007/1092-1081/2012 Sakshandsamar Erik Kyrkjebø, tlf 57 67 62 85 Saksgang: Saksnr. Utval Møtedato VS 12/6 Høgskulestyret 01.03.2012 FORDELING AV STIPENDIATSTILLINGAR 2012 Framlegg til vedtak: Det vert tildelt i alt tre stipendiatstillingar ved HiSF i 2012 til følgjande område: Ei stilling i engelsk didaktikk ved ALI Ei stilling i ungdomssosiologi ved ASF Ei stilling som eigendel i søknader til strategisk høgskuleprosjekt (SHP) for 2012-2015 Saksvedlegg: 1. Innspel til stipendiatstillingar ved HiSF 2012 Saksframstilling HSF har i alt 11 øyremerkte stipendiatstillingar over statsbudsjettet. Stillingane er fullfinansierte over tre år. Stipendiatar ved høgskulen vert normalt tilsette for fire år, og har ei arbeidsplikt på 25 pst per år i denne fireårsperioden knytt til det fagmiljøet dei arbeider i. Stipendiatstillingar er eit viktig verkemiddel i den langsiktige oppbygginga av kompetansen og for å styrke forskingsmiljøa ved høgskulen. Høgskulen ønskjer at dei som vert tilsette i stipendiatstillingane fullfører doktorgradsarbeidet på normert tid, og at flest mogleg av stipendiatane vert verande i fagstillingar ved høgskulen. Stipendiatstillingar som tildelast til fagmiljø ved høgskulen er ei balansert vekting mellom ynskje om å stimulere gode fagmiljø og prioriterte forskingsområder gjennom tilgang til forskarstillingar, og kravet om at fagmiljøa i høgskulen må tilfredsstille NOKUT sine akkrediteringskrav om førstestillingar ved bachelor- og masterstudium. Høgskulen er inne i ei god utvikling i doktorgradsgjennomstrøyminga, og fem tilsette disputerte i 2011. Fire av desse har teke doktorgradsutdanninga si ved høgskulen, og desse var tilsette ved helsefag (2), idrett (1) og økonomifag (1). Ei av kandidatane ved helsefag var kvinne, og to av dei som disputerte var tatt opp på doktorgradsutdanninga for mindre enn fem år sidan. Det er med bakgrunn i økonomisk ramme mogleg å fordele 2-3 stipendiatstillingar ved høgskulen for tilsetjing i 2012. Etter ei vurdering i leiargruppa, med bakgrunn i tilråding frå fou-utvalet, er det behov for å eksplisitt synleggjere strategiske prioriteringar der desse krev ein eigendel frå høgskulen i høgskulen
sine strategiske satsingar. I samband med at 3 fagmiljø ved høgskulen vart peika ut til å sende søknad til NFR om strategiske høgskuleprosjekt (SHP) vart det difor gjort framlegg om å legge inn ei stipendiatstilling som eigedel inn i desse prosjekta dersom dei får tilsegn, og å auke ramma for tildelinga av stipendiatstillingar i 2012 til i alt 3 stillingar. Stipendiatstillinga som eigendel i søknader til strategisk høgskuleprosjekt vil ikkje ha oppstart før i 2013, og det er vurdert slik at det ikkje er sannsynleg at fleire av søknadene frå HiSF vil få tilslag på bakgrunn av den svært harde konkurransen om desse midlane i NFR. Prioritering frå avdelingane Alle avdelingane har kome med innspel til fordeling av stipendiatstillingane. Dei prioriterer slik AIN 1. Stipendiatstilling i geologi og geofare ALI 1. Stipendiatstilling i engelsk didaktikk 2. Stipendiatstilling i førskulepedagogikk ASF 1. Stipendiatstilling i ungdomssosiologi 2. Stipendiatstilling i historie 3. Stipendiatstilling innan det økonomisk-administrative fagområdet 4. Stipendiatstilling innan barnevern AHF Stipendiat som bidrar inn i kjerneområdet i den nye planlagde masterutdanninga i helse- og sosialfag som et eit samarbeid mellom AHF, ASF og ALI/idrett AHF 1. Stipendiatstilling i psykisk helsearbeid 2. Stipendiatstilling i samhandling innan helse- og sosialtenester relatert til sjukepleie Grunngjeving for stipendiatstillingane Innspela frå avdelingane er lagt ved saka som vedlegg, men summerast kort her for å underbygge prioriteringane i gjort i saka. AIN: Avdelinga for ingeniør og geofare har for tida ingen stipendiatar innanfor det svært aktive forskingsmiljøet på geologi og geofare, og ser eit stort behov for å styrke miljøet som har stor undervisingsbelastning med ein forskingsressurs for å oppretthalde den høge kvalitative og kvantitative publiseringsgraden i gruppa. Forsking på geologi og geofare, og med spesielt fokus på skred og tidleg varsling av skred, er eit viktig lokal problemstilling for Sogn og Fjordane som har høg global relevans. Det blir i fagmiljøet arbeidd saman med fylkeskommunen og fylkesordførar Åshild Kjelsnes som sit som leiar av nasjonal rassikringsgruppe for å etablere eit nasjonalt forskingssenter for geofare ved høgskulen i Sogn og Fjordane. Ei stipendiatstilling til dette fagmiljøet vil styrke det faglege forskingsfokuset i miljøet, og styrke miljøet i konkurransen om nasjonale forskingsmidlar generelt, og i arbeidet mot etablering av eit nasjonalt forskingssenter for geofare i Sogn og Fjordane spesielt. ALI: Engelsk didaktikk: Frå hausten 2011 er engelsk knytt til Institutt for lærarutdanning, og ALI tek no det fulle ansvaret for fagutviklinga i seksjonen. Miljøet er pr. i dag 4, 25 stillingar. Bjørn Sørheim er dosent, og har pensjonert seg frå 31/12 11. Etter at han har slutta er det ikkje lenger førstekompetanse i seksjonen. Det blir heller ikkje tilsett nye før tidlegast hausten 12. Engelsk er eit av dei fem faga som
GLU utdanninga er bygd opp rundt og utan førstekompetanse risikerer ein at faget må takast ut av GLU utdanninga i framtida. Det same gjeld faget sin plass i master for læring og undervisning, der det no er inne som eit av fem fag. Høgskulen har ikkje kunne inkludere faget i NOKUT søknaden, m.a. pga. manglande førstekompetanse. Situasjonen er kritisk når det gjeld forskingskompetanse i engelskfaget. Ein har tidlegare prøvd å tilsetje undervisningskrefter med doktorgrad utan å lukkast. Stipendiat i engelskdidaktikk er soleklar førsteprioritet frå ALI si side. Det er aktuelle interne kandidatar til stillinga i seksjonen. Førskulepedagogikk: ALI har lite å gå på når det gjeld NOKUT kravet om 20% førstekompetanse mellom dei som underviser på førskulelærarutdanninga. Av 8 9 stillingar knytt til fagområdet i dag, er det ein førstelektor, og ingen med dr. grad. I tillegg er det ein stipendiat i fagområdet (Hilde Hofslundsengen), men ho har mesteparten av undervisninga i norsk i stipendperioden. Dei komande åra, i samband med implementering av ny barnehagelærarutdanning, er det sannsynleg at ein innarbeider førskulelærarutdanninga i master i undervisning og læring. Det vil stille krav om fleire med førstekompetanse. Der er aktuelle interne kandidatar til stipend i førskulepedagogikk. ASF: Det blir her berre teke med innspel til to stipendiatstillingar for avdelinga grunngjeve i talet på tilgjengelege stipend. Grunngjevinga for dei to siste stipendiatstillingane finnast i saksvedlegget. Ungdomssosiologi: Avdelinga ønskjer ei stipendiatstilling i ungdomssosiologi/utdanningssosiologi med tematisk utgangspunkt i samtidsproblematikk frå Sogn og Fjordane. Stipendiaten vil bli knytt til utdanningsmiljøet i sosiologi ved ASF/HiSF, og vert innlemma i den større forskingsgruppa knytt til Fylkessogeprosjektet. Stipendiatstilling i ungdomssosiologi/utdanningssosiologi skal rekruttera kompetanse til bachelorutdanninga i sosiologi og årsstudium i ungdomssosiologi som har relevans for fleire av profesjonsutdanningane ved HSF som utdannar for velferdssamfunnet. Stipendiatstillinga kan og gå inn i høgskulens satsing på utvikling av mastergrad i helse- og sosialfag/vidareutdanningar på masternivå, og vil vere eit aktivum i samarbeidet med UiB om deira masterprogram i barnevern. På grunn av naturleg avgang er dette eit fagmiljø som om få år vil mangle fagpersonar med ungdomssosiologi/utdanningssosiologi som spesialisering. For høgskulens arbeid med å kome i posisjon til eksterne forskingsmidlar, vil ei stipendiatstilling vera eit stort aktivum og ha høg relevans innanfor to av dei store, fleirårige satsingane til Noregs Forskingsråd: Velferd, Arbeid og Migrasjon og Utdanning 2020. Høgskulen har aldri tidlegare knytt stipendiatstillingar til utdanninga. Historie: ASF ønskjer ein stipendiat i historie med vekt på nyare regional historie, helst med tematisk utgangspunkt i Sogn og Fjordane. Stipendiaten vil bli knytt til historieforskingsmiljøet ved ASF og vert innlemma i den større forskingsgruppa knytt til Fylkessogeprosjektet. Ei stipendiatstilling i historie vil vera ein stor styrke for det historiefaglege miljøet i samband med fylkessogeprosjektet. Historiemiljøet ved HiSF har i dei siste par åra hatt eit fruktbart samarbeid med Avdeling for lærarutdanning og idrett om satsing på samfunnsfag i den nye lærarutdanninga, og ei stipendiatstilling kan gagna denne satsinga. Historiemiljøet har i dei siste åra vorte meir vridd over mot regionalhistoriske perspektiv som gjerne i kombinasjon med komparative studiar bør styrkast i tida som kjem for å følgje opp NFRs Oppfølging av Nasjonal fagevaluering av historie: Oppfølgingskomiteen innstilling (November 2008). Ei stipendiatstilling vil styrke fagmiljøet i høve til samarbeid med andre institusjonar og i søknader om eksterne midlar på regionalt/nasjonalt/internasjonalt nivå. Det har vore eit historikarmiljø ved høgskulen sidan 1975 utan at miljøet tidlegare har lyst ut ei stipendiatstilling. AHF: Psykisk helsearbeid: AHF ynskjer ein stipendiat innan psykisk helsearbeid for å møte NOKUT sine krav til utdanningar på bachelornivå og for å styrke eit sårbart fagmiljø innan psykisk helsearbeid. AHF er avhengig av ei lang rekkje midlertidige bistillingar i 10-20% for å stette kravet om førstekompetanse. Eksternt rekruttering til heile stillingar er svært vanskeleg, og høgskulen er sårbare sjølv om alle PhDstipendiatane som er under utdanning held fram ved avdelinga. Psykisk helsearbeid er det mest sårbare området, og AHF har ingen fast tilsette med førstekompetanse på området. Gjennomsnittsalderen på
høgskulelektorane innan feltet er høg og fleire er nær pensjonsalder. Behovet er knytt til både bachelor i sjukepleie der psykisk helsearbeid er ein obligatorisk del av profesjonsfaget, og til vidareutdanning i psykisk helsearbeid, som i dag er på bachelornivå. Samhandling innan helse- og sosialtenester relatert til sjukepleie: AHF har ein søknad om samarbeidsmaster med ASF og ALI til vurdering hjå NOKUT, og innanfor UH-nett Vest er avdelinga og med på å greie ut ein joint degree masterutdanning i eldreomsorg. Dette medfører eit ytterlegare behov for kompetanseheving og utvikling av fag- og forskingsmiljø. Det er lyst ut ei stipendiatstilling innan helse- sosial eller idrettsfag knytt til samarbeidsmasteren. AHF si vurdering er at ein stipendiat er lite for å styrke forskingsmiljøet. Det er viktig å ha fleire stipendiatar knytt til eit forskingsmiljø for å halde oppe aktivitet og publikasjonar. Felles for begge stipendiatstillingane: AHF søkjer om stipendiatstillingar innanfor to områder der ein har lokalt sårbare forskingsmiljø. Samtidig er dette område der høgskulen kan tilby både eit lokalt og eit regionalt forskingsmiljø. Stipendiatane kan få rettleiing internt og frå våre samarbeidspartnarar, og slik få naudsynt støtte frå levande og nære forskingsmiljø. Stipendiatane vil med si forsking samtidig styrke den samla forskinga, fag- og forskingsmiljøet og den lokale rettleiarkompetansen. Vurdering Fou-utvalet har i møte 19.1.2012 diskutert prosessen for tildeling av stipendiatstillingar ved høgskulen. Det er utvalet si tilråding at dei få stipendiatstillingane som høgskulen er tildelte i hovudsak må gå til å styrke dei flinke fagmiljøa ved høgskulen for å løfte dei vidare fram i nasjonal front, og at førstekompetanse for å oppretthalde kompetansekrava i hovudsak må rekrutterast inn. Det vart gjort framlegg om å utarbeide nye retningsliner for å tildele stipendiatstillingane. Ein vil fokusere på å lage ei liste på 10 stipendiatstillingar for høgskulen der leiargruppa prioriterer og rangerer stipendområda for ein fleirårsperiode framover. Då kan ein balansere behovet for kompetanseheving opp mot behovet for å styrke flinke forskingsmiljø i eit meir langsiktig perspektiv, og det blir meir føreseielegheit når dei einskilde fagmiljøa kan få tildelt stipendiatar. Det vart og gjort framlegg om at stipendiatstillingar og bør brukast som eigendel inn i forskingsprosjekt som krev dette, og at dette må leggast inn i dei nye rutinane for tildeling av stipendiatstillingar. Leiarmøtet ved høgskulen drøfta saka på møtet 23.1.2012 med følgjande vurdering: I 2012 kan det fordeles 3 stipendiatstillinger. Det er kommet inn gode og velbegrunnete søknader fra alle fire avdelinger. FoU-utvalget hadde ikke gitt en prioritert innstilling til ledergruppen. Leiargruppa tilrår rektor at innstillinga til styret skal være: Det utdeles to stipend i forhold til innkomne søknader og den tredje stipendiatstillingen blir tildelt det prosjektet som eventuelt når fram med en innvilget søknad i Strategiske høgskoleprosjekt (SHP) 2012. Følgende stipendiatstillinger lyses ut: o Stipendiat i ungdomssosiologi o Stipendiat i engelsk didaktikk Det ble bestemt at ny prosedyre for tildelinger av stipendiatstillinger i HiSF skal utarbeides. Dette for å gi avdelingene en forutsigbarhet og en oversikt i sin planlegging innenfor FoU-området. Rektor vurderer at fagmiljøet innan engelsk didaktikk ved ALI bør få tildelt ei stipendiatstilling for å dekke opp den kritiske situasjonen på førstekompetanse innan fagmiljøet, og med bakgrunn i fagmiljøet sin plass i GLU-utdanninga og masteren i læring og undervisning er dette eit svært viktig fagmiljø for høgskulen. Rektor vurderer vidare at arbeidet med Fylkessoga for Fylkeskommunen er eit strategisk svært viktig arbeid, og ei stipendiatstilling i ungdomssosiologi vil gje eit svært viktig bidrag inn mot dette arbeidet som høgskulen har tatt på seg, og samtidig vil vere eit aktivum for at fagmiljøet kan kople seg tettare opp mot eksterne fagmiljø.
Rektor vurderer det slik at høgskulen har for få tilgjengelege stipendiatstillingar og at det må utarbeidast rutinar der ein set tildeling av stipendiatstillingar inn i eit meir langsiktig perspektiv. Rektor si vurdering med å tilrå at ei av stipendiatstillingane ved høgskulen vert brukt som eigendel inn i søknader om strategisk høgskuleprosjekt er ein del av dette arbeidet. Denne stipendiatstillinga vil dersom ingen av søknadene om strategisk høgskuleprosjekt får tilslag vere tilgjengeleg for ny tildeling for budsjettåret 2013. Rektor sitt forslag til tildeling av stipendiatstillingar ved høgskulen for 2012 vert slik Ei stilling i engelsk didaktikk ved ALI Ei stilling i ungdomssosiologi ved ASF Ei stilling som eigendel i søknader til strategisk høgskuleprosjekt (SHP) for 2012-2015