HANDLINGSPLAN FOR INTERNASJONALISERING HØGSKULEN I VOLDA

Transkript

1 HANDLINGSPLAN FOR INTERNASJONALISERING HØGSKULEN I VOLDA Vedtatt i Styret for Høgskulen i Volda sak 47/2006

2 INNLEIING Internasjonalisering er eit sentralt element i norsk utdanningspolitikk. Deltaking i internasjonal kunnskapsutveksling gjennom forskings- og utdanningssamarbeid og deltaking i studentutvekslingsprogram, er alle sentrale element for å sikre og utvikle kvaliteten i FoUarbeidet vårt og dei utdanningsprogramma som vi tilbyr ved Høgskulen i Volda (HVO). Handlingsplan for internasjonalisering byggjer på HVO sin strategiplan og på budsjettdokument for I strategiplanen vert det slått fast at internasjonalisering skal vere ein integrert del i all verksemd ved Høgskulen i Volda. Det vert vidare slått fast at: det internasjonale arbeidet skal styrkjast i utdanningane, mellom anna gjennom utveksling av lærekrefter, studentutveksling, ved internasjonalt orientert forskingsverksemd og ved å tilby undervisning og pensum på engelsk i utvalde studieemne. Utdanningane og studiemiljøet skal leggjast til rette for studentar som - i norsk samanhenghar minoritetsspråkleg bakgrunn, og fagmiljø og studieemne skal ha fokus på fleirkulturelle utfordringar. HOVUDMÅL 1: HVO SKAL AUKE MOBILITETEN BLANT STUDENTAR OG TILSETTE Tiltak for auka studentmobilitet: Utreisande studentar: HVO skal leggje til rette for at minimum 200 HVO-studentar årleg har eit studieopphald i utlandet på tre månadar eller meir. Alle gradsstudie skal klargjere kvar i studieløpet studentane kan ha utveksling. HVO skal sikre at dei studietilboda ein tilrår har høg nok kvalitet og er tilpassa dei studieløpa ved HVO som dei skal innpassast i. HVO skal arbeide for at rapportering om utveksling til Databasen for høgare utdanning (DBH) også får fram praksis- og prosjektopphald frå seks veker og meir. Innkomande studentar: HVO skal arbeide for å auke talet på innreisande studentar til same nivå som utreisande. Vi skal m.a. auke talet på innreisande Erasmus/Erasmus Link studentar frå 40 til 50 årleg i perioden. HVO skal utarbeide ein strategi for å handtere auken i talet på søkjarar av sjølvfinansierte studentar frå utlandet. HVO skal i hovudsak prioritere søkjarar frå samarbeidande institusjonar. HVO må vidareutvikle mottaket av internasjonale studentar, her under hyblar, fadderordning og sosiale tiltak. Tiltak for auka mobilitet blant tilsette: HVO skal leggje til rette for mobilitet gjennom bruk av Erasmus og Erasmus Link stipend og stimuleringsmidlar ute på avdelingane, i tillegg til stimuleringsmidlar på sentralnivået. Avdelingane skal legge til rette for mottak av gjesteforskarar og alle institutt/seksjonar skal ta imot og sende ut minst ein utvekslingslærar i året.

3 HOVUDMÅL 2: INTERNASJONALISERING SKAL VERE SYNLEG I STUDIETILBOD OG FOU-ARBEID Tiltak studietilbod: Internasjonalisering skal vere ein integrert del av alle studieplanar, og malen for fagog studieplanar skal endrast i tråd med dette. Avdelingsstyra skal kvalitetssikre fagplanane etter denne malen. Pensum ved HVO sine studietilbod skal reflektere internasjonal forsking innan dei aktuelle fagområda. HVO skal samarbeide internasjonalt om profesjonsretta og kunstnarisk forskings- og utviklingsarbeid; gjerne i samarbeid med norske høgskular. Tiltak FoU: Tiltaka samsvarar med strategiplan for FoU , men går vidare enn denne. Tiltaka er i hovudsak knytte til forskarutveksling, forskingsprogram, rekruttering/kompetanseheving og publisering/formidling. HVO skal oppmuntre til forskarutveksling; og avdelingar og institutt skal leggje til rette for å ta imot utanlandske gjesteforskarar, i samarbeid med internasjonalt kontor. HVO skal oppretthalde og vidareutvikle internasjonale nettverk for fagtilsette, og knyte til oss internasjonale forskarnettverk gjennom SHP og andre større profesjonsprosjekt. HVO skal styrke stipendordningar for forskingsopphald i utlandet, og øyremerke interne midlar til dette føremålet. HVO skal gi administrativ støtte i samband med søknad om forskingsmidlar frå internasjonale program. HVO skal delta i minst eitt internasjonalt forskingsprogram; gjerne eit EU-program. HVO skal arbeide for å rekruttere vitskapleg personale med internasjonal fagbakgrunn og forskarerfaring; m.a. gjennom å utlyse stillingar i EUs forskarmobilitetsportal. Dette gjeld også stipendiat- og post.doc stillingar. HVO skal stimulere til publisering i internasjonale publiseringskanalar og til framlegging av papers på internasjonale forskarkonferansar. HVO skal halde fram med språkvask og hjelp til omsetjing av artiklar. HOVUDMÅL 3: HVO SKAL AUKE SAMARBEIDET MED STUDIESTADAR I UTLANDET OM KURS OG STUDIEPROGRAM I komande periode vil HVO konsolidere og vidareutvikle dei avtalane vi alt har. Nokre område vil vi gå i djupna med. Vi vil også byggje vidare breiddenettverk for å imøtekome etterspurnaden frå tilsette og studentar. Det skal rettast ein særskilt innsats mot land i sør, i første rekke Kenya, Malawi, Namibia og India. I tillegg skal vi styrke samarbeidet med dei nye medlemslanda til EU. SIU skal vere ein sentral samarbeidspart i dette arbeidet. HVO skal leggje vekt på å etablere avtaler med institusjonar i utlandet som kan tilby masterprogram som kan nyttast som påbygging til bachelorprogramma ved HVO, der vi ikkje har tilsvarande masterprogram.

4 HVO skal arbeide for å utvikle felles masterprogram med utanlandske institusjonar (joint degrees). Slikt samarbeid skal ha førsteprioritet ved tildeling av strategiske satsingsmidlar til internasjonalisering. HVO bør ha minst eit felles program/grad innan HVO skal stimulere til felles faglege prosjekt mellom studentar frå HVO og studentar ved utanlandske universitet, t.d. gjennom intensivprosjekt som Erasmus Link, Pestalozzi-programmet og andre relevante program, og ikkje minst gjennom faglege konferansar/seminar og samarbeid om bachelor- og masterprogram. HOVUDMÅL 4: HVO SKAL AUKE TALET PÅ STUDIETILBOD PÅ ENGELSK Alle gradsstudia ved HVO bør ha eit semestertilbod på engelsk tilsvarande 15 studiepoeng innan HVO skal auke talet på studietilbod på engelsk frå 90 studiepoeng totalt i dag til det doble. I tillegg skal talet på fagmiljø som tilbyr rettleiing på engelsk aukast. HVO skal leggje til rette for kompetanseheving i engelsk, og også støtte kompetanseheving i andre språk. HVO skal leggje vekt på engelskspråkleg kompetanse ved nytilsettingar. HOVUDMÅL 5: HVO SKAL HA STUDIEMILJØ SOM INTEGRERER INTERNASJONALE STUDENTAR Undervisningstilbod på engelsk bør ha utanlandske og norske studentar som målgruppe. Avdelingane skal utvikle god praksis når det gjeld fadderordningar for utanlandske studentar. Det internasjonale treffpunktet Pangaia blir ei permanent ordning. Internasjonal klubb bør teikne medlemskap i ESN (Erasmus Student Network). HVO vil halde fram med å stimulere studentorganisasjonane til å engasjere seg integrasjonsprosessen av internasjonale studentar. HOVUDMÅL 6: HVO SKAL ARBEIDE AKTIVT MED KVALITETSSIKRING HVO skal arbeide for å gjere sakshandsaminga for godkjenning og innpassing av utdanning frå utlandet så kort og smidig som råd, og utnytte NAG databasen og NOKUT si oversikt. HVO skal søkje om DS label 1 innan HVO skal starte arbeidet med å gjere studiehandboka tilgjengeleg på engelsk på veven, som lekk i førebuing til å søke om ECTS-sertifisering 2 innan Diploma Supplement er vitnemål på engelsk til alle bachelor- og masterstudentar

5 HOVUDMÅL 7: RESSURSAR KNYTT TIL INTERNASJONALISERING SKAL AUKAST Styrking av internasjonalt kontor og budsjettramma for internasjonalisering skal vurderast. Ordninga med koordinatorar ute på avdelingane skal evaluerast innan utgangen av ECTS (European Credit Transfer System) ble innført i 1989 gjennom ERASMUS-programmet, og dannar i dag basis for samarbeidet mellom utdanningsinstitusjonar frå ulike land i Europa. Ei ECTS-sertifisering vil gjere det enkelt for HVO-studentar å ta delar av studiane sine i utlandet, og halde fram studiar ute etter først å ha gått på HVO.