Strategisk plan. Høgskolen i Nord-Trøndelag Nærleik til kunnskap

Transkript

1 Høgskolen i Nord-Trøndelag Nærleik til kunnskap Vedteken av styret i HiNT 7. juni 2012

2 2 HiNTs rolle og eigenart (Foto: Simon Aldra) Samfunnsoppdraget til Høgskolen i Nord-Trøndelag er å utdanne kunnskapsrike og reflekterte studentar som kan utgjere ein skilnad, og medverke til kunnskapsutvikling og nyskapingsprosessar i samhandling med arbeidsliv og praksisfelt. HiNT er ein regional høgskole med vekt på profesjonsutdanningar innanfor helse, oppvekst og næring. Spydspissane våre er mastergradsutdanningar innanfor leiingsfag, kroppsøving og psykisk helsearbeid. HiNT har eit nasjonalt ansvar for høgare utdanning innanfor sørsamisk språk og kultur. HiNT har også nasjonale oppgåver innan trafikklære-, natur- og landbruksutdanning. Nærleik til alle studentar er særpreget til HiNT. HiNT er lagt til fleire studiestadar i Nord- Trøndelag. Dette er viktig for å ta vare på samfunnsoppdraget og sikre kompetansebehova til regionen. HiNT skal satse på bruk av digitale verkty for å auke omfanget av fleksible og tilpassa undervisnings- og arbeidsformer. HiNT er ein sentral aktør i samarbeidsprosessar mellom utdanningsinstitusjonar, for å styrke utdanningstilbodet i Nord-Trøndelag. Samarbeid med arbeidsliv og praksisfelt er viktig for å oppfylle samfunnsoppdraget til HiNT. for HiNT er forankra i Kunnskapsdepartementets målstrukturar, og har som føremål å vere ein vegvisar i arbeidet med å utvikle høgskolen i ynskt retning. Planen er utvikla i samarbeid mellom leiinga og tilsette i høgskolen og vedteken av Høgskolestyret. Strategiplanen varer i fire år og blir justert årleg. Arbeidet med å realisere dei strategiske måla til HiNT blir konkretisert gjennom verksemdsplanar, handlingsplanar, budsjettdokument og styrevedtak.

3 3 Visjon og verdiar Visjon: Nærleik til kunnskap Verdier: Nærleik HiNT skal vere prega av nærleik til studenten og samfunnet. Studenten skal ha tilbod om tett og god oppfølging gjennom heile studieløpet. HiNT skal ha ein open og god dialog med samfunnsaktørar i regionen, og gå inn i samarbeidsrelasjonar der det er naturleg. Mot HiNT skal vise evne og vilje til å ta gode og modige avgjerder. Studentar og tilsette skal vere synlege og trygge formidlarar av kunnskap. Raustleik HiNT skal vere open for nye idear, tankar og arbeidsmåtar. Vi skal møte våre studentar, samarbeidspartnarar og tilsette med romslegheit, likeverd og respekt.

4 4 Mål Dei fire hovudmåla i HiNTs Strategiske plan er identiske med dei fire sektormåla til Kunnskapsdepartementet. 1. Utdanning og undervisning Hovudmål: Høgskolen i Nord-Trøndelag skal gje utdanning av høg internasjonal kvalitet i samsvar med behova til samfunnet. Vidareutvikle utdanningskvalitet og læringsutbytte for studenten gjennom kunnskapsdeling, vegleiing og evaluering Styrke relevansen og kvaliteten til bachelorprogramma, og auke talet på mastergradsprogram innanfor oppvekst, helse og næring. Satse på pedagogisk bruk av digitale verkty for å auke fleksibilitet, tilgjenge og nærleik til studentane våre. Auke studiegjennomføring på normert tid. Legge til rette for at studentar er aktive i entreprenørskap og FoU-prosjekt. Medverke til at samfunnsaktørar samhandlar med HiNT om utvikling og gjennomføring av utdanningane.

5 5 2. Forskning og utvikling (FoU) Hovudmål: Høgskolen i Nord-Trøndelag skal i tråd med eigenarten vår utføre forsking, kunstnarisk og fagleg utviklingsarbeid av høg internasjonal kvalitet. Styrke forsking og forskingsbasert undervisning. Gje gode forskingsvilkår til gode forskarar. Konsentrere FoU-innsatsen innanfor forskingsprogramma i HiNT. Utvikle og utnytte samarbeid med etablerte forskingsmiljø. Auke talet på publiseringar i akkrediterte tidsskrift. Utvikle praksisnær FoU i dialog med arbeidsliv og praksisfelt i regionen. Auke omfanget av eksternt finansiert FoU-verksemd.

6 6 (Foto: Ingvild Solberg) 3. Formidling, innovasjon og verdiskaping Hovudmål: Høgskolen i Nord-Trøndelag skal vere ein tydeleg samfunnsaktør og bidra til formidling, internasjonal, nasjonal og regional utvikling, innovasjon og verdiskaping. Utvikle og tilby etter- og vidareutdanning som regionale samfunnsaktørar etterspør. Styrke samarbeidet med viktige samfunnsaktørar. Vidareutvikle HiNTs studiestadar som viktige nord-trønderske arenaer for kunnskapsformidling, dialog og debatt. Greie ut mulegheiter for etablering av etter- og vidareutdanningseining i samarbeid med andre aktørar. Ta initiativ til samarbeidsprosessar i universitets- og høgskolesektoren.

7 7 (Foto: Simon Aldra) 4. Kompetansen og ressursene Hovudmål: Høgskolen i Nord-Trøndelag skal ha ei effektiv forvalting av verksemda, kompetansen og ressursane i samsvar med samfunnsrolla vår. Auke luten av tilsette med fyrstekompetanse og auke talet på professorar/dosentar, særleg innanfor områda der HiNT planlegg nye mastergradsprogram. Bruke digitale verkty og studiestadane for å nå ut til fleire studentar, gjerne i samarbeid med andre aktørar. Styrke rekruttering av fagpersonar gjennom stipendiatstillingar. Styrke erfaringsbasert kompetanse på område der slik kunnskap er viktig for HiNT. Auke den pedagogiske kompetansen, særleg i bruk av digitale verkty. Vidareutvikle ein livsfaseorientert personalpolitikk og fremje eit godt og støttande arbeidsmiljø for å rekruttere og halde på dyktige tilsette. Skape attraktive studiestadar for studentane i lag med Studentsamskipnaden i Nord-Trøndelag.