INNKALLING OG SAKSKART 10.02.14

Verneområdestyret for Brattefjell-Vindeggen landskapsvernområde SAKSHANDSAMAR: PETER C. A. KÖLLER SAKSNR.: 2014/501 DATO: 30.01.2014 INNKALLING OG SAKSKART 10.02.14 Det vert med dette kalla inn til møte i verneområdestyret. Tid: Måndag 10.02.14, kl. 10:00. Stad: Møterom 1. etg, kommunehuset i Seljord Gje beskjed snarast på 953 00 640 om du ikkje kan møte. Då vil vararepresentant bli kalla inn. Sakliste Sak 2014/01 Godkjenning av innkalling og dagsorden. Sak 2014/02 Underskriving av protokoll 11.12.13. Sak 2014/03 Sak 2013/04 Sak 2013/05 Referatsaker. Saksframlegg: Brattefjell-Vindeggen landskapsvernområde Søknad om motorferdsle til fritidseigedom, gn. 15, bnr. 1 i Hjartdal kommune. Saksframlegg: Brattefjell-Vindeggen landskapsvernområde Søknad om tilbygg på hytte ved Vrangetjønn, gnr. 15 bnr. 2 i Hjartdal kommune, klagesak revidert søknad. Postadresse: Postboks 2603 3702 Skien Besøksadresse: Skinnarbu 3661 Rjukan Telefon: +47 35 58 61 10 Direktenummer: +47 953 00 640 E-post: fmtepost@fylkesmannen.no Web: www.fylkesmannen.no/telemark Org.nr: 974 762 684

Møtedato Saksnummer 10.02.14 2014/03 Referatsaker: Besøksforvaltning nasjonalparker pilotprosjekt Bestillingsdialog Skjøtselplan del 2. Satsar for møtegodtgjering Status tiltak Verneområdestyret for Brattefjell-Vindeggen landskapsvernområde Side 2

Møtedato Saksnummer 10.02.14 2014/04 SAKSFRAMLEGG: BRATTEFJELL-VINDEGGEN LANDSKAPSVERNOMRÅDE SØKNAD OM MOTORFERDSLE TIL FRITIDSEIGEDOM, GNR. 15, BNR. 1 I HJARTDAL KOMMUNE Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Halvor Romme søkjer om løyve til motorferdsle til hytte på gnr. 15 bnr. 1 ved Vrangetjønn i Hjartdal kommune. Han hadde fram til 2013 løyve til å kjøre fram til hytta frå Reisjå i Bondal. Det var ein strekning på om lag 20 km. I mars 2013 søkte Romme om å få kjøre frå Skinnarbu i Tinn i staden. Det er ein strekning på berre 7 km. I styremøtet 20.03.13 fikk han løyve til inntil 5 turar. Halvor Romme søkjer nå om å kunne fortsette å bruke traseen frå Skinnarbu. Han søkjer om inntil 7 turar årleg, og for fleire år ad gangen. Vedlegg - Søknad, mottatt 20.01.14(2014/392-1) - Uttale frå villreinnemnda, dagsett 30.01.14(2014/392-4) Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde 2010-2014. - Lov om motorferdsle i utmark og på islagde vatn. - Forskrift om forbod mot motorferdsel i spesielt sårbare områder i Brattefjell/Vindeggenområdet, Seljord, Hjartdal, Tinn og Vinje kommunar, Telemark. Det formelle grunnlaget Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneføresegna for Brattefjell-Vindeggen landskapsvernområde er utgangspunktet at Området skal vere verna mot alle inngrep eller tiltak som vesentleg kan endre eller verke inn på landskapet sin art eller karakter., jmf. pkt 1. Pkt 1.4 seier at Motorferdsel skal gå føre seg etter faste ruter som peikast ut av forvaltningsstyresmakta. All motorferdsle skal gå føre seg slik at det ikkje oppstår varig skjemmande markskader, hjulspor ol. Verneområdestyret må særleg vurdere konsekvensane av ein dispensasjon i høve til verneføremålet og verneverdiane i området. Dette går og fram av 7 i naturmangfaldlova, som seier at prinsippa i 8-12 i lova skal leggjast til grunn som retningsliner ved utøving av offentlig myndigheit. I NML 8(om kunnskapsgrunnlaget) går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimelig forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10 (om økosystemtilnærming og samla belasting). Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. Verneområdestyret for Brattefjell-Vindeggen landskapsvernområde Side 3

Etter NML 11 er det tiltakshavar som skal dekkje kostnadene ved å hindre eller avgrense skade som tiltaket eller aktiviteten vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet. Uttale frå villreinnemnda for Brattefjell-Vindeggen, Blefjell og Norefjell-Reinsjøfjell «Villreinnemnda for Brattefjell-Vindeggen, Blefjell og Norefjell-Reinsjøfjell er positive til søknaden om ny transportløyve fra Skinnarbu til Vrangetjønn. Nemnda ber tiltakshaver om å utvise hensyn til villreinen og rådføre seg med Statens Naturoppsyn på Skinnarbu med hensyn til villrein i aktuell transportperiode. Dersom det oppdages villrein i området på den aktuelle dagen, må transportoppdraget avbrytes. Villreinnemnda ber om å få informasjon om den videre behandlingen av søknaden.» Vurdering Med unntak av at det no søkjast for fleire år, og for 7 i staden for 5 turar, er innhaldet likt med søknaden frå mars 2013. Det er heller inga kjente endringar vere seg natur- og kulturverdiar. Vurderingane etter NML blir difor identisk med det som vart gjennomført i fjor: Det søkast om å bruke ei trasé som ligger både på utsida og innsida av landskapsvernområde. Inne i verneområdet vil det bli køyrt i både brukssona og vernesona. Omkring 2 km i kvar sone. Hytta ved Vrangetjønn ligger i vernesona. Omtrent fram til delet mellom brukssone og vernesone er det oppkøyrt skiløype, og dersom det blir gitt løyve, bør transporten skje etter etablert skiløype så langt som mogleg. Med omsyn til motorferdsle konkret, er det ingen relevant forvaltingsmål for brukssona. I vernesona er relevant mål at Vernesona skal oppretthaldast som eit urørt naturområde rikt på biologisk mangfald og at Ein skal være særleg restriktiv i høve til å dispensere for nye tiltak/anlegg og motorferdsle i vernesona. All motorferdsle skal gå føre seg i tråd med lov og føresegner for motorferdsle i utmark og på islagde vatn, med dei avgrensingar som ligg i verneføresegna. I områder som er verna i medhald av naturvernlova/naturmangfaldlova, er det strengare reglar for motorisert ferdsle enn det som følgjer av motorferdslelova/nasjonal føresegn. I verneføresegna for Brattefjell-Vindeggen landskapsvernområde står det i kapittel 4 punkt 1.4 at motorferdsle skal gå føre seg etter faste ruter som peikast ut av forvaltningsstyresmakta, og at all motorferdsle skal gå føre seg slik at det ikkje oppstår varige skjemmande markskadar, hjulspor og liknande. I tillegg til føringane for motorferdsle som er beskrive i motorferdslelova og verneføresegn/forvaltningsplan, er det for område vedtatt ei føresegn om forbod mot motorferdsle i spesielt sårbare områder i Brattefjell- Vindeggen. Punkt 2 i denne føresegna seier at All motorferdsle innafor eit område i Vindeggen, Mefjell, Langvasstødalen, Månelibråtet og Ørnenuten( ) er forbode i tida frå 15. april til 1. juli. Hytteigarar innafor området kan gjevast dispensasjon for inntil 3 turar til eiga hytte i tida før 15. april. Det er kommunane som er forvaltningsmyndigheit for denne føresegna, men då det ikkje er etablert skuterløype på heile strekninga fram til Vrangetjønn, vil verneområdestyret måtte fatte eit vedtak i saken. Grunngjevinga for søknad om motorferdsle, er transport til eiga hytte. Det er ikkje sagt noko om forholdet mellom varetransport og persontransport, og forvaltar oppfattar det slik at søkjar ønskjer å bruke skuter som transportmidel når han skal på hytta. Man må vere trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket, jf. NML 8 (kunnskapsgrunnlaget) og 9 (føre-var-prinsippet). Staden der hytte ligger er eit område som villreinen brukar mykje om vinteren. Området er også definert som viktig vinterbeiteområde. Man har kjennskap og grei dokumentasjon av verneverdiane i området. Både når det gjelder natur- og kulturverdiar. Kunnskapen er samla i forvaltningsplanen, og er henta i samband med arbeidet med denne. Botaniske verdiar og kulturverdiar blir ikkje påverka av den køyringa det er søkt om. Derimot vil støy og menneskeleg aktivitet vere forstyrrande for villreinen. Registreringar utført av Norsk villreinsenter syner at villreinen oppheld seg i dette området gjennom store deler av vinteren. Det er godt kjent kva slags effekt slik aktivitet reint generelt har på villreinen. «NVS rapport 5/2010 om villrein og forstyrrelser», fortel mellom anna at frykt-, og fluktavstand typisk er på mellom 500 og 700 meter frå til dømes ein snøskuter. Det betyr at reinen vil flykte dersom man kjem nære nok, noko som igjen betyr økt forbrenning og forbruk av næring i ei tid der reinen bør holde seg mest mogleg i ro. Det er difor viktig at vedtak fattast på bakgrunn av dette. Verneområdestyret for Brattefjell-Vindeggen landskapsvernområde Side 4

Føre-var prinsippet i NML 9 får liten betyding i denne saka, då det er godt kjent kva effekt snøskuterkøyring har på området/villreinen, og då ein ikkje kan sjå usikkerheit i moglege andre negative effektar på verneføremåla. Med omsyn til NML 10 om samla belastning, er det truleg at det blir ein reduksjon i samla belastning dersom verneområdestyret gjer løyve til å køyre frå Skinnarbu i staden for at søkjar skal køyre frå Bondal som han gjer i dag. Avstanden frå Bondal til hytta er om lag 20 km. Mykje av dette er i terreng der villreinen sjeldan er, og enda mindre om vinteren. Likevel må man rekne distansen frå Våtjønn til Vrangetjønn, om lag 10 km, som ein strekning der villreinen ofte opphelder seg. Når det gjelder traseen frå Skinnarbu, er det berre dei siste 2-3 kilometerane som må reknas som sårbare. NML 11 om avbøtande tiltak og bæring av kostnadar får liten verknad i samband med denne saka. Det følgjer av NML 12 at det skal tas utgangspunkt i miljømessige forsvarlege teknikkar og driftsmetodar for å unngå eller avgrense skade på miljø. I denne saka må det først og fremst dreie seg om tal turar. Jo færre desto betre. Det er difor avgjerande at søkjar ved varetransport nyttar slede(r) med stor kapasitet, og at ein generelt held fokus på å køyre så få turar som mogleg. Turane skal ha tydeleg preg av å vere varetransport og ikkje persontransport. Vidare er det viktig at søkjar tar omsyn til villreinen dersom den observerast under køyring. Då skal søkjar vente til reinen har trekt seg unna. Framlegg til vedtak: Verneområdestyret gjev Halvor Romme løyve til snøskutertransport frå Skinnarbu til Vrangetjønn som omsøkt. Løyvet er gitt med heimel i NML 48. Det vert sett følgjande vilkår: - Løyvet gjelder fram til 15. april 2015. - Det skal køyrast mest mogleg etter oppkøyrde skiløyper. - Løyvet gjeld for inntil 5 turar fram til 15.04.14 og inntil 7 turar frå 15.11.14 til 15.04.15. - Løyvet gjeld for varetransport. - Observerast villrein i området, skal køyring stanses. Vedtaket er berre fatta etter verneføresegna for Brattefjell-Vindeggen landskapsvernområde og tilhøyrande forvaltningsplan. Søkjar er sjølv ansvarleg for å få andre nødvendige løyve, slik som til dømes grunneigarløyve. Det er klagerett på avgjerda. Klagefristen er tre veker etter at vedtaket er motteke. Klaga rettast til Miljøverndepartementet, men sendast til Verneområdestyret for Brattefjell-Vindeggen landskapsvernområde. Vedtaket vert send til Halvor Romme. Kopimottakarar: - Tinn kommune - Hjartdal kommune - Miljødirektoratet - Fylkesmannen i Telemark - Statens naturoppsyn Skinnarbu - Villreinnemnda for Brattefjell-Vindeggen, Blefjell og Norefjell-Reinsjøfjell Verneområdestyret for Brattefjell-Vindeggen landskapsvernområde Side 5

Møtedato Saksnummer 10.02.14 2014/05 SAKSFRAMLEGG KLAGESAK: BRATTEFJELL-VINDEGGEN LANDSKAPSVERN- OMRÅDE - SØKNAD OM TILBYGG PÅ HYTTE EVA MEYER OG OLE IVAR FRØMYR VED VRANGETJØNN, GNR. 15 BNR. 2 I HJARTDAL KOMMUNE Verneområdestyret for Brattefjell-Vindeggen landskapsvernområde er forvaltingsmynde for verneområdet og skal handsame dispensasjonssaker. Kort om saka Eva Meyer og Ole Ivar Frømyr søkte i september 2013 om løyve til byggjearbeid på hytte, gnr. 15 bnr. 2 i Hjartdal kommune. Arbeidet dreier seg om utviding av eksisterande bygning. Hytta ligger i vernesona i nordenden av Vrangetjønn. Eksisterande bygning er på BYA 40 kvadratmeter, og består av soverom, kjøkken, stue, bod og gang. Det blei søkt om ei utviding på BYA 21 kvadratmeter, noko som vil gje større stue, større bod og et ekstra soverom. Verneområdestyret handsama saka i telefonmøte 11.12.13. Styret kom samrøystes fram til følgjande vedtak: «Verneområdestyret gjev ikkje Eva Meyer og Ole Ivar Frømyr løyve til oppføring av tilbygg på hytte ved Vrangetjønn, gnr. 15 bnr. 2 jf. søknaden dagsett 10.09.2013. Avslaget er gjeve med heimel i kap. IV, pkt. 1.1 i verneforskrifta for Brattefjell-Vindeggen landskapsvernområde. Avgjerda kan påklagast til Miljøverndepartementet. Klagefristen er tre veker etter at vedtaket er motteke, og eventuelt arbeid kan ikkje påbegynnast før klagefristen er ute. Klaga rettast til Miljøverndepartementet, men sendast til Verneområdestyret for Brattefjell-Vindeggen landskapsvernområde.» Eva Meyer og Ole Ivar Frømyr har i brev dagsett 15.01.14 klaga på vedtaket. Klaga har kome innan klagefristens utløp og tas difor til handsaming. Vedlegg - Klage på vedtak dagsett 15.01.2014.(dok. nr. 2013/3707 7) Andre relevante dokument, ikkje vedlagde - Søknad dagsett 10.09.13.(2013/3707 1) - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde 2010-2014. Saksframlegget frå 11.12.13 siterast under: Det formelle grunnlaget - verneforskrifta og naturmangfaldlova Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. kap. IV, pkt.1.1. Pkt. 2.2 i same kapittel, seier at Reglane i punkt 1 skal ikkje vere til hinder for: drift og vedlikehald av eksisterande bygningar, ( ). Etter kap. IV, pkt 3.2 kan forvaltingsstyresmakta, Når verksemda eller tiltaket kan skje utan at det strir mot føremålet med vernet, gje løyve til mindre tilbygg eller ombygging av eksisterande bygningar i området. Verneområdestyret må særleg vurdere konsekvensane av ein dispensasjon i høve til verneføremålet og verneverdiane i området, jf. rundskrivet Forvalting av verneforskrifter frå Direktoratet for naturforvalting. Dette går og fram av 7 i naturmangfaldlova, som seier at prinsippa i 8-12 i lova skal leggjast til grunn som retningsliner ved utøving av offentlig myndigheit. Verneområdestyret for Brattefjell-Vindeggen landskapsvernområde Side 6

I NML 8(om kunnskapsgrunnlaget) går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimelig forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10(om økosystemtilnærming og samla belasting). Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-varprinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som tiltaket eller aktiviteten vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet. Uttale frå villreinnemnda for Brattefjell-Vindeggen, Blefjell og Norefjell-Reinsjøfjell Nemnda handsama saken i arbeidsutvalet 06.11.13. Nemndas sekretær hadde følgjande tilråding: «Villreinnemnda ( ) er negative til søknaden om tilbygg på eksisterende hytte på eiendommen 15/2 på Vrangetjønn i Hjartdal kommune.» Under handsaminga blei det fremma følgjande forslag til uttale som også blei vedteke: «Som hovudregel er nemnda i mot utvidelser som innebærer flere sengeplasser og dermed økt kapasitet, nemnda vil likevel ikke fraråde denne søknaden da samlet areal ikke blir mer enn hva som synes rimelig i dagens situasjon.» Vurdering Tiltaket ligg i vernesona. Relevant forvaltingsmål for vernesona er at Vernesona skal oppretthaldast som eit urørt naturområde rikt på biologisk mangfald. I vernesona skal ein være særleg restriktiv i høve til å dispensere for nye tiltak/anlegg, men det er vidare poengtert at hausting i form av jakt, fangst og fiske skal halde fram som tidligare. Å gje dispensasjon blir ein vurdering i det einskilde døme. Verneføresegna kap. IV pkt. 3 seier at «Når verksemda eller tiltaket kan skje utan at det strir mot føremålet med vernet, kan forvaltningsstyresmakta på nærare vilkår gje løyve til: (3.2) mindre tilbygg eller ombygging av eksisterande bygningar i området.» Forvaltningsplanen er ikkje tydeleg nok når det gjeld krav til fritidshusvære, men seier for bygningar i samband med landbruk, at tilbygg på inntil 10 kvadratmeter til eksisterande bygningar kan tillatast dersom samla areal ikkje overstiger 50 kvadratmeter. Sjølv om desse tala er retta mot landbruksbygg, har både intensjonen og praksisen vært at man ikkje er meir liberal for fritidshusvære enn for landbruksbygg. Det er også ved fleire høve uttrykt at manglande arealomtale for fritidshusvære i forvaltningsplanen er ein direkte feil. I denne saka søkjast det om eit tilbygg på ca. 21 kvadratmeter. Hyttas totalareal(bya) vil etter ombygging bli på 61 kvadratmeter. Kunnskapsgrunnlaget for denne saka(jf. NML 8) er basert på Naturbasen, forvaltningsplan, Norsk rødliste for naturtyper, Botaniske registreringar i Brattefjell-Vindeggen, samt registreringar av stølsanlegg og skjøtselsplan for stølsområde. I tillegg kjem all kunnskap om villreinen i området. Villreinnemnda er også kontakta. Hytta ligger i eit område villreinen bruker jamleg, og er karakterisert som ein del av villreinens viktigaste vinterbeiteområder. Det er vanleg å sjå villrein her kvar vinter. Området er dominert av myr, fjellbjørk og opent lyng- og rabbelandskap. Det er ikkje gjennomført botaniske registreringar ved Vrangetjønn, men i området like nord er det dokumentert en relativt triviell flora, delvis påverka av sauebeite. Det er ikkje kjende kulturminne i område og heller ikkje registrert raudlista naturtypar på staden. Eit tilbygg som søkt vil gje fleire sengeplassar. Ut frå teikningane ser det ut til å kunne bli ei dobling av kapasitet, sjølvsagt avhengig av om det er køyesenger eller enkle senger. Uansett vil hytta få auka kapasitet noko som vil kunne gi auke i områdets samla belastning. Verneområdestyret for Brattefjell-Vindeggen landskapsvernområde Side 7

Dersom utvidinga blir gjennomført, vil hytta bli på 61 kvadratmeter. Det er 11 meir enn det som er definera som maksimal størrelse i Brattefjell-Vindeggen. Å gje løyve til å auke hyttas areal til 61 kvadratmeter, er i strid med forvaltningsplanen, både når det gjelder tilbyggets størrelse og hyttas totalareal, og vil ha ei uheldig presedensverknad. Verneområdeforvaltaren trur ikkje ei utviding vil ha særleg negativ effekt på biomangfald og heller ikkje natur- og kulturverdiar, men auke i kapasitet kan gje auke i samla belastning for økosystemet(jf. NML 10). Særleg endring i oppleving av landskapet blir det ikkje. Likevel vil forvaltaren tilrå at det ikkje blir gjeve løyve til tilbygget. Med sine 61 kvadratmeter bygd areal ville hytta vere en god del større enn det ein ønskjer skal være maksimalt areal i Brattefjell-Vindeggen landskapsvernområde, og en auke i tal sengeplassar vil og kunne auke belastninga i området. Sitat slutt. Vurdering i klagesaka Søkjarane meiner ønska tilbygg ikkje bryter med verneføresegna om mindre tilbygg og ombygging av eksisterande bygning. Dei argumenterer likevel ikkje for kvifor dei meiner tiltaket ikkje er i strid mot føremålet med vernet, noko som er ei føresetnad for å gje dispensasjon etter føresegna kap. 4 pkt. 3. Meyer og Frømyr fortel i klaga at av arealet på 41 kvm er berre 35 kvm boareal. Resten er bod og lager. Hytta har i dag eit lite soverom på 6 kvm utan glas og med dårlig hygienisk kvalitet. Hytta har i dag 4 sengeplassar, og søkjarane skriv at tal sengeplassar ikkje skal aukast. Som eit kompromiss foreslår søkjarane å bygge eit tilbygg på 3x3 meter. Tilbygget vil bli nytte til soverom, og dei vil flytte 2 av sengeplassane ut i tilbygget slik at tal sengeplassar totalt ikkje endrast. Hyttas totalareal vil holdast innanfor dei maksimalt 50 kvm som forvaltningsplanen seier. Som skrevet i tidligare saksframlegg trur ikkje verneområdeforvaltaren at ei utviding vil ha negativ effekt på biomangfald og heller ikkje natur- og kulturverdiar. Det kommer også fram i klaga at det ikkje vil bli auke i kapasitet og difor ingen auke i samla belastning for økosystemet(jf NML 10). Særleg endring i oppleving av landskapet blir det ikkje, og når hytta heller ikkje overstiger maks storleik for bygningar i landskapsvernområde, vil forvaltaren tilrå at klaga tas til følgje og at verneområdestyret fattar følgjande vedtak: Framlegg til vedtak Klaga frå Eva Meyer og Ole Ivar Frømyr tas til følgje under føresetnad at tilbygget blir på 3x3 meter og at hytta ikkje får auka overnattingskapasitet og elles i samsvar med beskriving og teikning i brev dagsett 15.01.14. Løyvet er gitt med heimel i verneføresegna kap. 4 pkt. 3.2 med argumentasjon om at ombygginga ikkje fører til auka kapasitet og difor ikkje strir mot føremålet med vernet. Det vert sett følgjande vilkår: - Løyvet gjeld tre år frå vedtaksdato. Om arbeidet ikkje er starta opp då, fell løyvet bort. - Restane etter riving og byggjearbeid må fraktast ut av området så skånsamt som mogleg og handsamast etter gjeldande regelverk for handtering av ulike slag avfall. - Arbeidet skal dokumenterast ved at minst tre gode fotografi, som viser den nye bygningen frå ulike vinklar samt interiør, sendast verneområdestyret seinast to månader etter at tilbygget står ferdig. - Det skal takast omsyn til materialbruk og fargeval i samsvar med forvaltningsplanen pkt. 7.4. - Byggearbeid kan berre skje i perioden juni - november. Likeeins skal byggeaktivitet stanses dersom det observerast villrein i området. Løyvet gjeld berre i høve til verneforskrifta. Handsaming etter plan- og bygningslova vil skje i Hjartdal kommune. Søknad om transportløyve etter Lov om motorferdsel må likeeins rettast til kommunen, men må også handsamast av verneområdestyret i eiga sak. Verneområdestyret for Brattefjell-Vindeggen landskapsvernområde Side 8

Vedtak. Avgjerda kan påklagast til Miljøverndepartementet. Klagefristen er tre veker etter at vedtaket er motteke, og eventuelt arbeid kan ikkje påbegynnast før klagefristen er ute. Klaga rettast til Miljøverndepartementet, men sendast til Verneområdestyret for Brattefjell-Vindeggen landskapsvernområde. Vedtaket vert send Eva Meyer og Ole Ivar Frømyr. Kopimottakarar: - Hjartdal kommune - Miljødirektoratet - Fylkesmannen i Telemark - Statens naturoppsyn Skinnarbu - Villreinnemnda for Brattefjell-Vindeggen, Blefjell og Norefjell-Reinsjøfjell Verneområdestyret for Brattefjell-Vindeggen landskapsvernområde Side 9