INNKALLING OG SAKSKART

Transkript

1 Verneområdestyret for Brattefjell-Vindeggen landskapsvernområde SAKSHANDSAMAR: PETER C. A. KÖLLER SAKSNR.: 2014/501 DATO: INNKALLING OG SAKSKART Det vert med dette kalla inn til møte i verneområdestyret. Tid: Måndag , kl. 10:00. Stad: Gvepseborg Café og Restaurant, oppmøte ved nedre stasjon Krossobanen kl. 10. Gje beskjed snarast på om du ikkje kan møte. Då vil vararepresentant bli kalla inn. Sakliste Sak 2014/09 Godkjenning av innkalling og dagsorden. Sak 2014/10 Underskriving av protokoll Sak 2014/11 Sak 2014/12 Sak 2014/13 Referatsaker Saksframlegg: Brattefjell-Vindeggen landskapsvernområde Søknad om godkjenning av justerte teikningar for godkjent nybygg på Kråkeroe gnr. 137, bnr. 4 i Seljord kommune. Saksframlegg: Brattefjell-Vindeggen landskapsvernområde Søknad om gjennomføring, og tiltak i samband med idrettsarrangementet Viking Challenge i Tinn kommune. Sak 2014/14 Saksframlegg: Brattefjell-Vindeggen landskapsvernområde Søknad om bygging av hytter ved Sandvatn gnr. 130, bnr. 9 Sneislia i Tinn kommune Klagesak. Sak 2014/15 Saksframlegg: Brattefjell-Vindeggen landskapsvernområde Søknad om oppføring av sankebu i Gusdalen gnr. 110 bnr. 2 og 5 i Hjartdal kommune. Postadresse: Postboks Skien Besøksadresse: Skinnarbu 3661 Rjukan Telefon: Direktenummer: E-post: fmtepost@fylkesmannen.no Web: Org.nr:

2 Side 2 Møtedato Saksnummer /11 Referatsaker: Miljøvedtaksregisteret Oppnevning nytt styremedlem Trukket søknad klagesak Studietur Status tiltak

3 Side 3 Møtedato Saksnummer /12 SAKSFRAMLEGG: BRATTEFJELL-VINDEGGEN LANDSKAPSVERNOMRÅDE SØKNAD OM GODKJENNING AV JUSTERTE TEGNINGAR FOR NYBYGG PÅ KRÅKEROE 137/4 I SELJORD KOMMUNE TRYGVE AASAN Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka handsama verneområdestyret søknad frå Trygve Aasan om diverse byggjearbeid på stølen Kråkeroe i Seljord kommune. Kråkeroe er ein av to støler som framleis er i drift innafor landskapsvernområdet, og den einaste med kyr og mjølkeproduksjon. Aasan fikk løyve til: 1) Oppføring av nytt bygg på 5x10 meter. Bygget skal brukast som kjøkken- og serveringsbygg for gjester. 2) Oppføring av nytt bygg på 3,9x5,5 meter med delvis kjellar under for lagring av ost. 3) Riving av eksisterande bygg og bygge nytt på same stad. Storleik 8x5 meter for meir lagerplass og utedo. Stølen ligger vest for Veisfitvatnet vest i verneområdet, og er lite bruka av villreinen. Kråkeroe ligger innafor brukssona i Brattefjell-Vindeggen landskapsvernområde. Trygve Aasan søkjer no om å få lov til å gjere serveringsbygget(1 over) litt større. Det søkjast om å forlenge det med 1,5 meter slik at det no dreier seg om eit bygg på BYA 5x11.5 meter. Han grunngjev behovet med at det skal vere plass til dusj/bad og eit lagerrom. Det er fleire personar i arbeid på stulen i høgsesongen, og det er difor naudsynt med dusjmoglegheiter. Vidare er det naudsynt med lagerplass i samband med produksjon og serveringsverksemda. Vedlegg Søknad dagsett (dok.nr. 2014/2070-1) Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde - Naturmangfaldlova (NML) - Forvaltingsplan for Brattefjell-Vindeggen landskapsvernområde Saksdokument i sak 2013/2242 Det formelle grunnlaget - verneforskrifta og naturmangfoldlova Verneføremålet i Brattefjell-Vindeggen landskapsvernområde er å - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. Kap. IV, pkt.1.1. Reglane er ikkje til hinder for drift og vedlikehald av eksisterande anlegg, jf. pkt Etter kap. IV, pkt 3.2 kan forvaltingsstyresmakta, Når verksemda eller tiltaket kan skje utan at det strir mot føremålet med vernet, gje løyve til mindre tilbygg eller ombygging av eksisterande bygningar i området. og etter 3.1 gje løyve til «tiltak i samband med jord- og skogbruk, så som oppføring av bygningar og liknande. Verneområdestyret må særleg vurdere konsekvensane av ein dispensasjon i høve til verneføremålet og verneverdiane. Dette går og fram av 7 i naturmangfaldlova, som seier at prinsippa i 8-12 i lova skal leggjast til grunn som retningsliner ved utøving av offentlig myndigheit.

4 Side 4 Kravet til kunnskapsgrunnlaget skal stå i eit rimelig forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10 (om økosystemtilnærming og samla belasting). Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som det omsøkte tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessig beste resultatet. Vurdering Kråkeroe ligger i brukssona. Relevant forvaltingsmål for brukssona er at «Brukssona skal forvaltas med tanke på å ta vare på områdas art og karakter utan inngrep som vesentleg kan endre landskapets utforming» «Områda skal kunne nyttast til landbruksdrift for å sikre næringsgrunnlaget til grunneigarane.» «Oppretthalding av drift i utmarka er m.a. viktig for å taka vare på kulturlandskap og plantesamfunn, og derved det biologiske mangfaldet.» «I dei områda som i delar av året er minst sårbare for forstyrring av m.a. villrein, kan ein legge til rette for naturopplevingsprodukt og jord- og skogbruk som bidrar til å sikre næringsgrunnlaget for dei lokale fjellbygdene gjennom aktiv verdiskaping med fjellet som ressurs.» Vidare er det spesielle retningsliner for bruk kva gjelder bygningar. I forvaltningsplanen står det mellom anna at det er tillat med naudsynt vedlikehald av eksisterande bygningar, at det kan gjevast løyve til ombygging og tilbygg, og at det kan gjevast løyve til nybygg som er naudsynt i samband med jord- og skogsdrift. I høve til pkt. 3.1 i verneforskrifta kjem tiltaket inn under omgrepet tiltak i samband med jord- og skogbruk, så som oppføring av bygningar og liknande. Det er såleis mogleg å nytte heimelen i 3.1. Ein må vera trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket, jf. 8 (kunnskapsgrunnlaget) og 9 (føre-var-prinsippet). Kunnskapsgrunnlaget er basert på Naturbasen, forvaltningsplan, Norsk rødliste for naturtyper, Botaniske registreringar i Brattefjell-Vindeggen, samt registreringar av stølsanlegg og skjøtselsplan for stølsområde. I tillegg kjem all kunnskap om villreinen. Stølen ligger i ytterkant av villreinens leveområde og det er berre unntaksvis det observerast villrein her. I tillegg til villrein er det i Naturbasen registrert at det er gjort funn av Handmarinøkkel. Denne er raudlista og blei funnet i samband med skjøtselskartlegginga for Kråkeroe utført i Kråkeroe er prega av stølsdrifta gjennom mange år, og har i dag et flott kulturlandskap. Forvaltaren er ikkje kjend med om kulturminner blir påverka i samband med tiltaka. Det er uansett eit spørsmål for kulturminnestyresmakta gjennom den vidare handsaminga i kommunen. Det er ikkje registrert raudlista naturtypar på staden. Det er allereie godkjent ein del byggearbeid på staulen. Det dreier seg no om utviding av det eine bygget med BYA 7,5 kvm. Ein vil no få eit bygg på 57,5 kvm noko som er større enn dei 50 som forvaltningsplanen seier det kan gjevast løyve til. Likevel er det slik at staden allereie i dag påverka av aktivitet og drift. Det er fleire bygningar alle i bruk, og forvaltaren kan ikkje sjå at det vil få effekt på verneføremåla om den eine bygningen er 50 eller 57,5 kvm. Framlegg til vedtak: Verneområdestyret gjev Trygve Aasan løyve til å utvide planlagt serveringsbygg med 7,5 kvm i samsvar med søknad og teikningar dagsett Vilkår for bygget fastsett av verneområdestyret gjeld framleis. Løyvet er gjeve med heimel i kap. IV, pkt. 3.1 i verneforskrifta for Brattefjell-Vindeggen landskapsvernområde. Løyvet gjeld berre i høve til verneforskrifta. Handsaming etter plan- og bygningslova vil skje i Seljord kommune.

5 Side 5 Avgjerda kan påklagast til Miljøverndepartementet. Klagefristen er tre veker etter at vedtaket er motteke, og eventuelt arbeid kan ikkje påbegynnast før klagefristen er ute. Klaga rettast til Klima- og miljødepartementet, men sendast til Verneområdestyret for Brattefjell-Vindeggen landskapsvernområde. Vedtaket vert send Trygve Aasan. Kopimottakarar: - Seljord kommune - Miljødirektoratet - Fylkesmannen i Telemark - Statens naturoppsyn Skinnarbu - Villreinnemnda for Brattefjell-Vindeggen, Blefjell og Norefjell-Reinsjøfjell

6 Side 6 Møtedato Saksnummer /13 SAKSFRAMLEGG: BRATTEFJELL-VINDEGGEN LANDSKAPSVERNOMRÅDE SØKNAD OM LØYVE TIL Å AVVIKLE IDRETTSARRANGEMENTET VIKING CHALLENGE, SAMT MENDRE LØYPEUTBEDRINGER I GAUSDALEN. Verneområdestyret for Brattefjell-Vindeggen landskapsvernområde er forvaltingsmynde for verneområdet og skal handsame dispensasjonssaker. Kort om saka Selskapet Starcom søkjer på vegne av Rjukan IL og Viking Fottøy AS om løyve til å arrangere eit motbakkeløp som dels vil gå gjennom landskapsvernområdet. Det skal vere to forskjellige trasear, der den lengste skal gå frå Rjukan til Gaustatoppen via Gausdalen. Løpet vil bli arrangert laurdag 21. juni Søndag 22. er satt av som alternativ dag dersom vær og føre krev det. I samband med arrangementet søkast det om løyve til å gjennomføre mindre utbetringar av eksisterande stiar. Det dreier seg om å bygge klopper på to forskjellige stader i Gausdalen(sjå kartvedlegg i søknaden). Det er i søknaden også søkt om løyve til snøskutertransport av materialar til kloppene dersom man får løyve til å byggje disse. Det er ikkje lenger føre for snøskuter, så søkjarane har vald å trekkje dette punktet. Vedlegg - Søknad dagsett (dok. nr. 2014/1983 1) Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Det formelle grunnlaget - verneforskrifta og naturmangfaldlova Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. Verneområdestyret må særleg vurdere konsekvensane av ein dispensasjon i høve til verneføremålet og verneverdiane i området. Dette går fram av 7 i naturmangfaldlova, som seier at prinsippa i 8-12 i lova skal leggjast til grunn som retningsliner ved utøving av offentlig myndigheit. I NML 8(om kunnskapsgrunnlaget) går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimelig forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10(om økosystemtilnærming og samla belasting). Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-varprinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som det omsøkte tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet.

7 Side 7 Uttale frå villreinnemnda for Brattefjell-Vindeggen, Blefjell og Norefjell-Reinsjøfjell Villreinnemnda har uttalt seg i saka. Dei meiner at dette arrangementet er greitt i høve til villreinen. Det er i kanten av verneområdet, og traseen er på den stupbratte sida av Gausdalen der ein neppe møter rein. Vurdering Der traseen gjeng gjennom landskapsvernområdet ligg arealet i brukssona. Relevant forvaltingsmål for denne saka er at Områda skal forvaltas med tanke på områdas art og karakter utan inngrep som vesentleg kan endre landskapets utforming. Forvaltningsplanen seier at man i brukssona kan akseptere forsiktige inngrep og tiltak slik som til dømes rydding og merking av stigar. Når det gjeld sjølve arrangementet, seier korkje verneføresegna eller forvaltningsplanen noko om dette. Det einaste som nemnast i samband med større idrettsarrangement, er Gaustaløpet som tidligare gjekk gjennom Gausdalen. Forvaltaren kjenner ikkje til om dette løpet framleis arrangerast. Verneføresegna kap. IV pkt. 1.1 listar opp ein rekke tiltak og aktivitetar som er forbode. Det blir også sagt noko om at «opplistinga ikkje er uttømmande» og at det er «Fylkesmannen som i tvilstilfelle avgjer om eit tiltak vesentleg vil endre eller verke inn på landskapet sin art eller karakter.» I denne saka oppfattar forvaltaren at det ikkje dreier seg om ein aktivitet som vesentleg vil endre eller verke inn på landskapet sin art eller karakter. Løpet skal følgje eksisterande stiar. Der traseen går innafor landskapsvernområdet, er det i dag svært god sti med unnatak av der man ønskjer å bygge klopper. Sjølv om landskapet ikkje fysisk blir påverka nemneverdig av eit slikt arrangement, er det å anta at den menneskelege aktiviteten kan ha påverknad på dyrelivet. Det er svært lite truleg villrein i dette område i slutten av juni, men det har vært/er yngletid for fleire pattedyr og fuglar, og stor menneskeleg aktivitet kan ha negativ effekt for desse. Det som reduserer belastninga, er at løpet går over kort tid. Likevel er det slik at det ikkje er naudsynt å gje dispensasjon for dette løpet i Brattefjell-Vindeggen. Denne type aktivitet er det høve til å gjennomføre utan søknad. Ein vil difor ikkje diskutere dette vidare. Kunnskapsgrunnlaget for saka(jf. NML 8) er basert på Naturbasen, forvaltningsplan, Norsk rødliste for naturtyper, Botaniske registreringar i Brattefjell-Vindeggen, samt registreringar av stølsanlegg og skjøtselsplan for stølsområde. I tillegg kjem all kunnskap om villreinen i området. Villreinnemnda er difor kontakta. Staden der ein ønskjer å gjennomføre løpet og bygge klopper ligger i utkanten av villreinens leveområde. Her er normalt verken kalving eller viktig vinterbeite. Området er dominert av myr, fjellbjørk og fjellgranskog. Skogen er påverka av husdyrbeite. Det gjeng både sau og storfe i området. Vidare ber området preg av å bli mykje nytta til friluftsliv, med tydelege både merka og umerka stiar. Det er nokre kjende kulturminne i område. Det dreier seg om gamle tufter og steingjerder. Då det er meininga at løpet skal følgje eksisterande sti, og klopping skal skje på stader der stien gjeng i dag, ser ikkje forvaltaren at løpet og utbetringane kan påverke kulturminna negativt. Det er ikkje registrert raudlista naturtypar på staden. Stadene der det søkast om å bygge klopper, er der stien gjeng over blaut myr og bekk. Her har folk i stadig aukande grad gått utanom for å sleppe å bli blaute. Det har ført til at arealslitasjen har auka i omfang. Dersom det gjennomførast et løp som Viking Challenge, er det å vente at arealslitasjen blir enda større. Dersom det byggjas klopper vil ein forhindre auka slitasje, og faktisk redusere den som allereie er der i dag. Det er søkt om å byggje ein klopp på meter over myr på ein stad, og ein klopp på om lag 3 meter over ein bekk ein anna stad. Verneføresegna seier i utgangspunktet ikkje noko om oppgradering av eksisterande stigar. Kap. IV pkt. 3.4 seier at forvaltningsstyresmakta kan på nærare vilkår gje løyve til opparbeiding og merking av nye turstiar og løyper. I denne saka dreier det seg om utbetring av eksisterande stiar, men forvaltaren meiner likevel pkt. 3.4 er dekkande og skal brukas i saka. Framlegg til vedtak: Verneområdestyret gjev etter verneforskrifta for Brattefjell-Vindeggen landskapsvernområde kap. IV pkt. 3.4, Starcom løyve til å byggje 2 klopper over myr og bekk i samsvar med søknad dagsett Det settast følgjande vilkår: - Kloppene skal maksimalt vere 1 meter breie. - Det skal nyttast miljøvenleg materiale. - Rester frå bygginga skal fraktas ut av område. - Innan tre veker etter at bygginga er ferdig, skal verneområdestyret få bilete av kloppene. - Det må søkjast særskilt dersom det blir naudsynt med motorisera transport av bygningsmateriale.

8 Side 8 - Det er ein føresetnad at grunneigar(ar) har gjeve løyve til bygginga. Det er ei føresetnad at arrangørane har innhenta alle andre naudsynte løyve for bygging av klopper og gjennomføring av løpet. Det er også ei føresetnad at arrangørane ryddar opp søppel etter at løpet er ferdig. Vedtak. Avgjerda kan påklagast til Miljøverndepartementet. Klagefristen er tre veker etter at vedtaket er motteke, og eventuelt arbeid kan ikkje påbegynnast før klagefristen er ute. Klaga rettast til Klima- og miljødepartementet, men sendast til Verneområdestyret for Brattefjell-Vindeggen. Vedtaket vert send til Starcom. Kopimottakarar: - Tinn kommune - Miljødirektoratet - Fylkesmannen i Telemark - Statens naturoppsyn Skinnarbu - Villreinnemnda for Brattefjell-Vindeggen, Blefjell og Norefjell-Reinsjøfjell

9 Side 9 Møtedato Saksnummer /14 SAKSFRAMLEGG KLAGESAK: BRATTEFJELL-VINDEGGEN LANDSKAPSVERN- OMRÅDE SØKNAD OM BYGGING AV HYTTER VED SANDVATN GNR. 130 BNR. 9 SNEISLIA I TINN KOMMUNE Ein syner til vedtak i verneområdestyret med saksførebuing, klage på vedtaket frå Naturvernforbundet i Telemark dagsett og merknader til klagen frå Tinn kommune motteke Vedtaket i denne saka var todelt: Det eine dreier seg om oppføring av ny hovudhytte på Sandvatn, den andre delen dreier seg om oppføring av ei formidlingshytte i samband med krigshistoria generelt og Vemorkaksjonen spesielt. Det er delen om formidlingshytta Naturvernforbundet har klaga på. Verneområdestyret for Brattefjell-Vindeggen landskapsvernområde er forvaltingsmynde for verneområdet og skal handsame dispensasjonssaker og eventuelle klager på vedtak, jfr. forvaltingslova 33. Klima- og miljødepartementet er klageinstans. Kort om bakgrunn for klagesaka Verneområdestyret gav i sitt vedtak Sneislia AS løyve til å bygge opp ny hytte på branntomta etter den gamle hovudhytta, samt løyve til å oppføre ei formidlingshytte om lag 100 meter nord-aust for hyttetunet. Det dreier seg om rammetillating til hyttene med vilkår om storleik og utsjånad. Før noko kan realiserast må søkjaren sende inn konkret søknad med teikningar. Vedlegg - Klage frå naturvernforbundet i Telemark dagsett (dok. nr 2014/206-16). - Merknader til klagen frå Tinn kommune, motteke (dok. nr. 2014/206-20). Andre relevante dokument, ikkje vedlagde - Saksframlegg dagsett (dok. Nr. 2014/206-8) - Forvaltingslova. Moment i klagen frå Naturvernforbundet Naturvernforbundet syner til at dei meiner bygging av ei formidlingshytte vil føre til auka aktivitet og belastning i området. Dei meiner det er feil å gje dispensasjon etter 48 for å taka vare på viktige kulturminne i området. Naturvernforbundet meiner hyttene på Sandvatn berre har marginal interesse som kulturminne i samband med krigshistoria, og meiner man bør konsentrere seg om å bruke andre hytter som formidlingshytte. Dei viser til dømes til Svensbu på Hardangervidda. Merknadene frå Tinn kommune Tinn kommune er ikkje søkjar i saken, men det er meininga at Tinn kommune skal drifte formidlingshytta dersom det blir ein realitet. Av den grunn, og etter avtale med søkjaren, har Tinn kommune kome med merknader til klagen frå Naturvernforbundet. Med utgangspunkt i at det blei søkt om ei langt større formidlingshytte enn det verneområdestyret gav rammetillating til, meiner Tinn kommune at ein no har ei minimumsløysing. Dei syner både til storleiken og til dei vilkåra som ligg føre i vedtaket med omsyn til bruk. Tinn kommune fatta, som forvaltningsmynde for verneområdet, i 2010 vedtak om å omdisponere eksisterande bygningsmasse på Sandvatn til kulturminneføremål for å sikre tilgang for allmenta. Som kompensasjon for dette fikk eigaren løyve til å byggje ei ny hytte med tilsvarande areal som summen av dei eksisterande. Hovudhytta brann ned Sjølv om hytta ikkje var tatt i bruk til kulturminneføremål, meiner Tinn kommune at vedtaket om omdisponering gjer at det blir feil av verneområdestyret å nytte NML 48 om bygging av den nye formidlingshytta. Dei meiner det rette vil være å gje dispensasjon etter verneføresegna kap. IV pkt Kommunen meiner dei tidligare har gjort gode førebuingar og vurderingar av Sandvatns verdi i kulturminnesamanheng. Det blei mellom anna gjennomført synfaring saman med Vemork-sabotøren Jens-Anton

10 Side 10 Paulsson og representant frå Norsk Hjemmefrontmuseum. Dei syner også til at ein annan av sabotørane skriv om Sandvatn i sin bok. Vidare syner kommunen til at Telemark fylkeskommune har undertreke at formidling av krigshistorie er gjeven statleg prioritet. Tinn kommune syner vidare til at det er vektlagt at Sandvatn ligg i brukssona i Brattefjell-Vindeggen, og at det nettopp var med utgangspunkt i at område er eit utfartsområde at det blei oppretta brukssone. Dei meiner også at dei bruksvillkåra som verneområdestyret har gjeve i sin rammetillating, samt eigne forslag i utkast til bruksavtale, vil forhindre mogleg skadeleg aktivitet i form av auka belastning. Sakshandsamar sine vurderingar Sakshandsamar har ingen føresetnader for å vurdere verdien av staden og hyttene ved Sandvatns verdi i kulturminnesamanheng. Verneområdeforvaltaren og verneområdestyret har som oppgåve å vurdere søknader om aktivitet og tiltak opp mot verneføresegn og forvaltningsplan. Både Naturvernforbundet og Tinn kommune diskuterer bruken av NML 48, men med ulik ståstad. Tinn kommune meiner det er feil å anvende 48 om formidlingshytta, og at man i staden skulle gjeve løyve med dispensasjon i verneføresegna kap. IV pkt. 23. Verneområdeforvaltaren har ikkje gjort det sjølv om det var ei bygning som med lovleg fatta vedtak var omdisponera til kulturminneføremål og formidlingshytte. Grunngjevinga er at det berre var eit vedtak om at den skulle takst i bruk til kulturminneføremål. Den var ennå ikkje tatt i bruk, den blei nytta som vanleg fritidshusvære då den brann ned. I tillegg er det ikkje aktuelt å bygge opp noen formidlingshytte på branntomta, der skal det byggjast opp ei ny hytte som skal ivareta funksjon som fritidsbustad. Formidlingshytta skal vere eit heilt nytt bygg som planleggjast oppført ein heilt anna stad. Det er mogleg å oppføre tapte bygningar på anna tomt, men i dette tilfellet skal det byggjast opp at ny hytte på branntomta i tillegg. Naturvernforbundet kritiserer også bruken av NML 48, men då med utgangspunkt i at dei meiner det er for lettvint å gje dispensasjon etter naturmangfaldlovas generelle dispensasjonsbestemming. Bruken av 48 i denne samanheng er mykje diskutera i saksframlegget som blei handsama , og det er ikkje naudsynt å gjenta det her. Vedtaket som blei fatta var eit fellesframlegg frå styret, og det blei vurdert som rett å gje rammetillating til oppføring av formidlingshytte med heimel i NML 48. Sakshandsamar kan på bakgrunn av det som er gjennomgått her ikkje sjå at klagen frå Naturvernforbundet i Telemark inneheld moment som kan gje grunnlag for å gjera om på vedtaket i verneområdestyret Sjølv om Tinn kommune har skreve at dei er ueinige i styrets bruk av NML 48, har dei ikkje klaga. Sakshandsamars framlegg til vedtak: Verneområdestyret for Brattefjell-Vindeggen landskapsvernområde kan ikkje sjå at klagen frå Naturvernforbundet i Telemark inneheld moment som kan gje grunnlag for å gjera om på vedtaket i verneområdestyret Vedtaket vert ståande og saka sendt over til Klima- og miljødepartementet for endeleg avgjerd. Dette gjeld berre sakas del 2 om formidlingshytta. Kopimottakarar: - Seljord kommune - Fylkesmannen i Telemark - Miljødirektoratet - Statens naturoppsyn Skinnarbu - Villreinnemnda for Brattefjell-Vindeggen, Blefjell og Norefjell-Reinsjøfjell

11 Side 11 Møtedato Saksnummer /15 SAKSFRAMLEGG: BRATTEFJELL-VINDEGGEN LANDSKAPSVERNOMRÅDE OPPFØRING AV SANKEBU I GAUSDALEN - 110/2 OG 110/5 - HJARTDAL KOMMUNE Verneområdestyret for Brattefjell-Vindeggen landskapsvernområde er forvaltingsmynde for verneområdet og skal handsame dispensasjonssaker. Kort om saka Aase og Roar M. Fjeld søkte om løyve til oppføring av sankebu på gnr. 110 bnr. 2 og 5 i Hjartdal kommune. Bruket hadde då sauer på beite i Gausdalen. Verneområdestyret godkjende søknaden i 2012, men vedtaket vart klaga på, og saka har sida lege hos Klima- og miljødepartementet for klagehandsaming. Det begynnar å bli prekært for søkjaren med omsyn til å få eit egna husvære i samband med tilsyn og sanking av sau i område. Gjennom dialog mellom Roar M. Fjeld og Miljødirektoratet har det kome fram eit forslag om å sjå på aktuell bygningsmasse på staden for eventuelt å omdisponere til sankebu. Sesongen 2013 låg sanketeamet mange døgn i ei enkel campingvogn. I 2014 reknar dei med å ha om lag 300 dyr på beite. Roar M. Fjeld søkjer difor om å få erstatte eit eksisterande båthus(18 kvm) med ei hytte på 36 kvm. Båthuset ligg ved Myklestulvatnet om lag 30 meter frå sankekvedet. I tillegg søkjer han om å få sette opp ei lita bu på 0,8 kvm for strømaggregat, ved parkeringsplassen om lag 50 meter frå hytta. Fjeld opplyser at han vil trekkje søknaden om sankebu som no ligg til klagehandsaming i departementet dersom har får dispensasjon til å byggje slik det no er søkt om. Tomta der båthuset no står ligger i strandkanten aust på Myklestulvatnet i Gausdalen, og er i brukssona. Lokaliteten er i enden av ein skogsbilveg. Det går og ei kraftline om lag 150 m aust for båthuset. Vedlegg - Søknad dagsett (2014/438-3) Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Det formelle grunnlaget - verneforskrifta og naturmangfaldlova Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. kap. IV, pkt.1.1. Pkt. 2.2 i same kapittel, seier at Reglane i punkt 1 skal ikkje vere til hinder for: drift og vedlikehald av eksisterande bygningar, ( ). Etter kap. IV, pkt 3.1 kan forvaltingsstyresmakta, Når verksemda eller tiltaket kan skje utan at det strir mot føremålet med vernet, gje løyve til tiltak i samband med jord- og skogbruk, så som oppføring av bygningar o.l. Verneområdestyret må særleg vurdere konsekvensane av ein dispensasjon i høve til verneføremålet og verneverdiane i området, jf. rundskrivet Forvalting av verneforskrifter frå Miljødirektoratet. Dette går og fram av 7 i naturmangfaldlova, som seier at prinsippa i 8-12 i lova skal leggjast til grunn som retningsliner ved utøving av offentlig myndigheit. I naturmangfaldlova 8 i lova (om kunnskapsgrunnlaget) går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimelig forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10 (om

12 Side 12 økosystemtilnærming og samla belasting). Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-varprinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som aktuelt tiltak vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet. Uttale frå villreinnemnda for Brattefjell-Vindeggen, Blefjell og Norefjell-Reinsjøfjell Til saka har villreinnemnda sagt følgjande: «Villreinnemnda for Brattefjell-Vindeggen, Blefjell og Norefjell- Reinsjøfjell har ingen kommentarer til søknaden om riving av eksisterende båthus og oppføring av ny sankebu på eiendommen 110/2, 5 i Hjartdal kommune. Villreinnemnda ber om å få informasjon om den videre behandlingen av søknaden.» Vurdering Staden der hytta skal byggjast ligg i brukssona i forvaltingsplanen (jf. kartvedlegget til planen). Relevant forvaltingsmål for brukssona er at Områda skal forvaltas med tanke på å ta vare på områdas art og karakter utan inngrep som vesentleg kan endre landskapets utforming. Vidare er det sagt at Områda skal kunne nyttast til landbruksdrift for å sikre næringsgrunnlaget til grunneigarane. og at oppretthalding av drift i utmarka er m.a. viktig for å taka vare på kulturlandskap og plantesamfunn, og derved det biologiske mangfaldet. Innanfor sona skal det vere tillate med naudsynt vedlikehald av eksisterande bygningar. Det kan også gjevast løyve til oppføring av nye bygningar som er naudsynt i samband med jord- og skogbruksdrift. Det søkjast om ei sankebu på BYA 36 kvm. Forvaltningsplanen seier det kan gjevast løyve til nye bygningar på inntil 50 m2 i samband med jord- og skogbruksdrift dersom det ikkje strir mot verneformålet. Bua skal nyttast i samband med tilsyn og sanking av sau vedkomande har i området. Garden, og søkjaranes bustad, ligger i Sauland om lag 40 km unna, og ei sankebu på staden vil lette dette arbeidet betydeleg, ikkje minst no som dyretalet har auka til 300. Teikningar syner ei hytte med ein etasje + hems. Utvendig totalhøgde er 5,2 meter. Hytta vil bestå av eit rom, eit lite vindfang og eit lite bad. Det vil vere sengeplassar til 6 personar + hems. Forvaltningsplanen seier at ein ved nybygg må vurdere om det er naudsynt(jfr. pkt s. 29). Det er ikkje veldig langt frå garden til staden for sankebua, og det er bilveg heilt fram. For bygningar i samband med anna utmarksnæring, seier forvaltningsplanen at det som retningsgjevande bør vere minimum 3 km/1 time gangavstand/gangtid for at man skal vurdere å tillate nybygg. Likevel kan man skjønne at ei sankebu vil lette og effektivisere arbeidet med sauehaldet. Søkjaren oppgjer at overnattingsmoglegheiter er avgjerande for å få til effektiv sanking. Dei er avhengig av å vere mange personar og det blir mange og lange dagar. Dei siste åra har det blitt nytta ei stor gamal campingvogn på staden. Ein må vere trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket, jf. NML 8 (kunnskapsgrunnlaget) og 9 (føre-var-prinsippet). Kunnskapsgrunnlaget i denne saka er godt, særleg når det gjeld villreinen sin bruk av området. Bygningen ligg i kanten av det ein har definera som villreinens leveområde i Brattefjell-Vindeggen. Det er eit kjent villreintrekk like sør for tomta. Trekket går aust-vest i Runhellhovet, og må seiast å gå ut av villreinens leveområde. Areala austover er relativt utbygd, og det er mykje aktivitet. Det har medført at reinen truleg ikkje lenger brukar områda. Dersom dyr observerast, må det reknast som streifdyr. Likevel veit ein at reinen kan ta opp gamle trekkruter, og ved ytterligare nedbygging reduserast denne muligheita. Det er ingen kjende kulturminner på staden. Det er heller ikkje registrert flora, fauna eller naturtyper som kan bli påverka av tiltaket. I tillegg er inngrepsgraden allereie betydeleg på staden. Det er skogsbilveg heilt fram og om lag 150 meter aust for tomta gjeng det ei kraftline. Riving av båthuset og bygging av sankebu vil nødvendigvis føre til auka ferdsle og aktivitet i anleggsperioden, men med bilveg heilt fram vil man i det minste sleppe helikopter- og skutertransport. Det at søkjarane har moglegheit til å bli i området i samband med arbeid med sau, gjer og at det truleg vil vere meir aktivitet. På den andre sida vil det å kunne overnatte på staden føre til betydelig mindre bilkøyring.

13 Side 13 Staden er mykje bruka til friluftsliv oa. Mellom anna ligger båthuset på ein stad der det er vanleg å sette ut båtar, kanoar ol. Det er difor viktig at eit nybygg ikkje blir til hinder for slik aktivitet eller for bevegelse langs med vatnet generelt. Det er søkt om å byggje i strandsonen. Kommunen er forvaltningsmyndighet etter Plan- og bygningslova, og det vil difor vere kommunen som evt. gjev dispensasjon for bygging i strandsona. I samband med sankebua, søkjast det om løyve til å sette opp ei lita bu til strømaggregat. Denne skal stå ved parkeringa ved sankekvedet om lag 50 meter frå hytta. Dersom det skal gjevast løyve til slikt, bør det stilles som krav at bua er svært godt støyisolert. Framlegg til vedtak: Verneområdestyret gjev, etter verneforskrifta pkt. 3.1, Roar M Fjeld løyve til å byggje sankebu på inntil 36 kvm bebygd areal i samsvar med søknad og teikningar. I tillegg gjevast det løyve til å byggje ei lita bu til strømaggregat i samsvar med søknaden. Det er ein føresetnad at utforming av bygget og aggregatbua følgjer forvaltningsplanens retningsliner for estetikk og materialbruk i samsvar med forvaltningsplanen pkt Det er vidare ei føresetnad at aggregatbua byggjast med svært god støydemping. Løyvet gjeld tre år frå vedtaksdato. Om arbeidet ikkje er starta opp då, fell løyvet bort. Restar frå riving og bygningsmateriale som ikkje kan nyttast til ved, må fraktas ut av området og handsamast etter gjeldande regelverk for handtering av ulike slag avfall. Arbeidet skal dokumenterast ved at minst 3 gode fotografi, som viser den nye bygningen frå ulike vinklar, sendast verneområdestyret seinast to månader etter at bygget står ferdig. Iverksetjing av tiltaket kan ikkje skje før klagefrist på 3 veker er ute og saka er handsama i kommunen etter Plan- og bygningslova og eventuelt anna lovverk. Løyvet gjeld berre i høve til verneforskrifta. Avgjerda kan påklagast til Klima og miljødepartementet. Klagefristen er tre veker etter at vedtaket er motteke. Klaga rettast til Klima- og miljødepartementet, men sendast til Verneområdestyret for Brattefjell-Vindeggen landskapsvernområde. Vedtaket vert send Roar M. Fjeld. Kopimottakarar: - Hjartdal kommune - Fylkesmannen i Telemark - Miljødirektoratet - Statens naturoppsyn Skinnarbu - Villreinnemnda for Brattefjell-Vindeggen, Blefjell og Norefjell-Reinsjøfjell