Innkalling og sakliste til møte

Transkript

1 Besøksadresse Skinnarbu 3661 Rjukan Postadresse Postboks Skien Kontakt Sentralbord Direkte Verneområdestyret for Brattefjell- Vindeggen landskapsvernområde Sakshandsamar Peter C A Köller Vår ref. 2019/ Dato Innkalling og sakliste til møte Det vert med dette kalla inn til møte i verneområdestyret. Tid: Måndag kl. 10:00. Stad: Kommunehuset i Hjartdal, Sauland Gje beskjed snarast på eller fmtepko@fylkesmannen.no om du ikkje kan møte. Sakliste: Sak 25/19 Godkjenning av innkalling og dagsorden. Sak 26/19 Underskriving av protokollen Sak 27/19 Referatsaker. Sak 28/19 Saksframlegg: Søknad om løyve til bruk av ATV på snødekt- og barmark til 21/2 Systebulii i Hjartdal Torgeir Larsen. Sak 29/19 Saksframlegg: Søknad om diverse tiltak på 137/4 Kråkeroe i Seljord kommune Trygve Aasan. Sak 30/19 Sak 31/19 Sak 32/19 Sak 33/19 Sak 34/19 Saksframlegg: Søknad om løyve til å bytte tak på gamalt sel i samband med restaurering på 82/5 Løkjestaul i Seljord kommune Olav Moen. Saksframlegg: Søknad om løyve riving av gamal hytte og uthus, og å bygge nye, på 66/1 Vindsjåen 6 i Hjartdal kommune Leiv og Camilla Krosshus. Saksframlegg: Søknad om tilbygg på hytte på 24/7 Bjønntjønn 12 ved Grunntjønn i Hjartdal kommune Solrunn Winsnes Hunn. Saksframlegg: Søknad om løyve til masseuttak i samband med bygging av ny dam ved Vindsjåen i Hjartdal kommune Skagerak Energi. Saksframlegg: Søknad om mellombels oppstilling av campingvogn ved Myklestulvatnet 110/2, 5 i Gausdalen i Hjartdal kommune Roar M. Fjeld.

2 Sak 35/19 Saksframlegg: Søknad om løyve til rekreasjonskøyring med ATV i verneområdet Ole Halvor Haugmoen. Sak 36/19 Sak 37/19 Eventuelt. Neste møte. Sak 27/19 Referatsaker. Solcelleanlegg - Sneislia. Tekst for tinglysing - Sneislia. 2

3 Sak 28/19 Søknad om løyve til bruk av ATV på snødekt- og barmark til 21/2 Systebulii i Hjartdal Torgeir Larsen. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Torgeir Larsen søkjer om løyve til motorferdsle med ATV i samband med køyring til hytte på eiga eigedom på 21/2 Systebulii i Hjartdal kommune. Eigedomen er på ca daa og Larsen er sjølv grunneigar. Det er søkt om løyve til å bruke ATV med belte om vinteren, og vanleg hjulgåande på barmark. Det er trasé godkjend i forvaltningsplanen heilt fram til hytta han eig. Larsen grunngjev behovet med transport av funksjonshemma og elles transport av ved og utstyr. Det er Hjartdal kommune som gjev løyve etter motorferdselloven, og kommunen kan også gje slik løyve innanfor landskapsvernområdet utan at verneområdestyret trenger å sjå på saka når transporten går etter dei vedtekne traseane for motorferdsle i området (sjå forvaltningsplanen). I denne saka ønskjer likevel Hjartdal ei handsaming av verneområdestyret då det er søkt om motorisera ferdsle på barmark. Vedlegg - Søknad med kartskisse, dagsett (2019/1708-1) Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Lov om motorferdsle i utmark og på islagde vatn. - Forskrift om forbod mot motorferdsel i spesielt sårbare områder i Brattefjell/Vindeggenområdet, Seljord, Hjartdal, Tinn og Vinje kommunar, Telemark. Det formelle grunnlaget Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneføresegna for Brattefjell-Vindeggen landskapsvernområde er utgangspunktet at Området skal vere verna mot alle inngrep eller tiltak som vesentleg kan endre eller verke inn på landskapet sin art eller karakter., jf. punkt. 1. Punkt. 1.4 seier at Motorferdsel skal gå føre seg etter faste ruter som peikast ut av forvaltningsstyresmakta. All motorferdsle skal gå føre seg slik at det ikkje oppstår varig skjemmande markskader, hjulspor ol. 3

4 Verneområdestyret må særleg vurdere konsekvensane av ein dispensasjon i høve til verneføremålet og verneverdiane i området. Dette går og fram av 7 i naturmangfaldlova (NML), som seier at prinsippa i 8-12 i lova skal leggjast til grunn som retningsliner ved utøving av offentleg myndigheit. I NML 8 går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10. Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. Etter NML 11 er det tiltakshavar som skal dekkje kostnadene ved å hindre eller avgrense skade som tiltaket eller aktiviteten vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet. Vurdering Torgeir Larsen vil køyre frå Hundemyr til Systebulii. Traseen følgjer i sin heilskap vedtatt trasé jf. forvaltningsplanen. Det betyr at det i utgangspunktet berre er Hjartdal kommune som skal handsame saka etter motorferdslelova. Det at det vinterstid brukast ATV med belte i staden for tradisjonell snøskuter, kan forvaltaren ikkje sjå skal ha noko betydning. Sjølv om traseane er kalla «Aktuelle trasear for bruk av snøscooter». Det som derimot er viktig å merke seg er at traseane må forståast som løyvde for vinterbruk (snødekt mark). Det betyr at all motorferdsle som går føre seg på barmark vil krevja dispensasjon etter NML 48. All motorferdsle skal gå føre seg i tråd med lov og føresegner for motorferdsle i utmark og på islagde vatn, med dei avgrensingar som ligg i verneføresegna. I områder som er verna i medhald av naturvernlova/naturmangfaldlova, er det strengare reglar for motorisert ferdsle enn det som følgjer av motorferdslelova/nasjonal føresegn. I verneføresegna for Brattefjell-Vindeggen landskapsvernområde står det i kapittel 4 punkt 1.4 at motorferdsle skal gå føre seg etter faste ruter som peikast ut av forvaltningsstyresmakta, og at all motorferdsle skal gå føre seg slik at det ikkje oppstår varige skjemmande markskadar, hjulspor og liknande. I denne saka er det snakk om barmarkskøyring, og det vil difor vere ein overhengande fare for at aktiviteten nettopp vil skape hjulspor og markskadar. Grad av slikt vil avhenge av grunnforhold der det køyrast, type køyretøy, tal turar og last. Forvaltaren er ikkje godt nok kjend med grunnforholda, men har blitt fortalt det gjeng etablera slepe store deler av vegen. Traseen som skal brukast er den same som er godkjend for uttransportering av felt elg og hjort, og då blir det som kjend ofte bruka ATV. I tillegg til eventuelle køyreskader, må ein i samband med slik transport alltid hugse på moglege konsekvensar for villreinen og anna dyre- og fugleliv. Korkje traseen eller hytta på Systebulii ligg i det som er definera som kalvings- eller vinterbeiteområde, men trassen ligg delvis i det som er kalla 4

5 villreinområdet i forskrift av 1996 om motorferdsle i spesielt sårbare område ( ). Denne forskrifta seier mellom anna at motorferdsle er forbode i perioden 15. april 1. juli, og at hytteeigarar kan gjevast dispensasjon for inntil 4 turar til eiga hytte i tida før 15. april (underforstått perioden ). Det skal seiast at berre ein mindre del av traseen, samt sjølve Systebulii ligg i definera villreinområde (ref. forskrift 1996), og at mesteparten av traseen ligg utanfor. Det formildar vurderinga noko, og forvaltaren meiner at det på vilkår kan gjevast løyve til eit avgrensa tal turar også på barmark. Det vil likevel vere avgjerande at transporten ikkje kjem i konflikt med villreinen eller anna dyre- og fugleliv. Det er difor svært viktig at ein er aktsam under transporten når den skjer. Framlegg til vedtak: Verneområdestyret gjev Torgeir Larsen løyve til motorferdsle med ATV etter trasé teikna inn på kart lagt ved søknad dagsett Løyvet er gjeve med heimel i NML 48. Det vert sett følgjande vilkår: - Løyvet gjeld fram til Sidan det skal køyrast innanfor det som er kalla villreinområde i forskrift om motorferdsle i Brattefjell-Vindeggen, kan det ikkje gjevast løyve til køyring mellom 15. april og 1. juli. Verneområdestyret kan heller ikkje gje løyve som varer utover styreperioden. - Det kan køyrast inntil 4 turar på barmark. Det skal skrivast køyrebok, og turen skal skrivast inn før den tar til. Køyreboka skal kunne visast fram ved kontroll. - Det skal berre køyrast i samband med transport av ved og utstyr. Rein persontransport er det ikkje høve til. Det er heller ikkje høve til å transportere felt villrein. - Observerast villrein, skal køyring stanses. Søkjaren skal ha dialog med SNO /verneområdeforvaltaren om det er villrein i området. Vedtaket er berre fatta etter verneføresegna for Brattefjell-Vindeggen landskapsvernområde og tilhøyrande forvaltningsplan. Søkjar er sjølv ansvarleg for å få andre nødvendige løyve, slik som til dømes grunneigarløyve og løyve etter motorferdslelova. Det er klagerett på avgjerda. Klagefristen er tre veker etter at vedtaket er motteke. Klaga rettast til Miljødirektoratet, men sendast til Verneområdestyret for Brattefjell-Vindeggen landskapsvernområde. Vedtaket vert send til Torgeir Larsen. Kopimottakarar: - Hjartdal kommune - Fylkesmannen i Telemark - Villreinnemnda for Brattefjell-Vindeggen, Blefjell og Norefjell-Reinsjøfjell Kopi av vedtaket vil òg bli lasta opp i Miljøvedtaksregisteret. 5

6 Sak 29/19 Søknad om diverse tiltak på 137/4 Kråkeroe i Seljord kommune Trygve Aasan. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka I fleire omgangar har verneområdestyret handsama søknadar om diverse tiltak på staulen Kråkeroe som eigast og drivast av Trygve Aasan. Stølen er no den mest aktive med tanke på tradisjonell stølsdrift i Brattefjell-Vindeggen. Aasan søkjer no om løyve til diverse tiltak på/ved staulen. Det er tidlegare gjeve løyve til å føre straum fram til staulen. I samband med det søkjast det no om løyve til å sette opp ein nettstasjon/transformator. Vidare søkjer Aasan om løyve til å rive eksisterande båthus ved Veisvikvatn og erstatte dette med nytt. Avslutningsvis søkast det om løyve til vegutbetring og vegvedlikehald. Kråkeroe ligger vest for Veisvikvatn vest i verneområdet, eit område som er lite bruka av villreinen. Kråkeroe ligger innafor brukssona i Brattefjell-Vindeggen landskapsvernområde. Vedlegg - Søknad dagsett (2019/5265-1). Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Saksdokument i sak 2013/ Saksdokument i sak 2014/ Saksdokument i sak 2014/ Saksdokument i sak 2016/ Saksdokument i sak 2017/2016. Det formelle grunnlaget - verneforskrifta og naturmangfoldlova Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. kap. IV, punkt.1.1. Reglane er ikkje til hinder for drift og vedlikehald av eksisterande anlegg, jf. punkt Etter kap. IV, punkt. 3.2 kan forvaltingsstyresmakta, Når verksemda eller tiltaket kan skje utan at det strir mot føremålet med vernet, gje løyve til mindre tilbygg eller ombygging av eksisterande bygningar i området. og etter 3.1 gje løyve til «tiltak i samband med jord- og skogbruk, så som oppføring av bygningar og liknande. 6

7 Verneområdestyret må særleg vurdere konsekvensane av ein dispensasjon i høve til verneføremålet og verneverdiane. Dette går og fram av 7 i naturmangfaldlova (NML), som seier at prinsippa i 8-12 i lova skal leggjast til grunn som retningsliner ved utøving av offentleg myndigheit. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for. Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det beste resultatet for samfunnet. Vurdering Kråkeroe ligger i brukssona. Relevant forvaltingsmål for brukssona er at: Områda skal forvaltast med tanke på å ta vare på områdes art og karakter, utan inngrep som vesentleg kan endre landskapets utforming. Det er viktig med landbruksdrift for å sikre næringsgrunnlaget til grunneigarane i området. Halde oppe drift i utmarka er m.a. viktig for å ta vare på kulturlandskap og plantesamfunn, og dermed det biologiske mangfaldet. Det kan gjevast dispensasjon til oppgradering så lenge det ikkje går ut over føremålet med vernet. - Ved å taka omsyn til villreinen, kan ein legge til rette for naturopplevingsprodukt og landbruksdrift som bidrar til å sikre næringsgrunnlaget for dei lokale fjellbygdene gjennom aktiv verdiskaping med fjellet som ressurs. Vidare er det spesielle retningsliner for bruk kva gjelder bygningar. I forvaltningsplanen står det mellom anna at det er tillat med naudsynt vedlikehald av eksisterande bygningar, at det kan gjevast løyve til ombygging og tilbygg, og at det kan gjevast løyve til nybygg som er naudsynt i samband med jord- og skogsdrift. Ein må vera trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket. Kunnskapsgrunnlaget er basert på Naturbasen, forvaltningsplanen for Brattefjell-Vindeggen LVO, Norsk rødliste for naturtyper, Botaniske registreringar i Brattefjell-Vindeggen, samt registreringar av stølsanlegg og skjøtselsplan for stølsområde. I tillegg kjem all kunnskap om villreinen. Stølen ligger i ytterkant av villreinens leveområde og det er berre unntaksvis det observerast villrein her. I samband med handsaming av tidlegare søknad, har heller ikkje villreinnemnda hatt spesielle merknader. I tillegg til villrein er det i Naturbasen registrert at det er gjort funn av Handmarinøkkel. Denne er raudlista og blei funnet i samband med skjøtselskartlegginga for Kråkeroe utført i

8 Kråkeroe har vore i drift i mange år, og har i dag et flott kulturlandskap. Det er ikkje registrert raudlista naturtypar på staden. I tillegg til den tradisjonelle stølsdrifta, har Kråkeroe stadig fleire besøkande som vil hjelpe til, handle produkt, få servering eller berre er nysgjerrige fekk Aasan løyve til å føre straum fram til staulen. Løyvet blei gjeve for 3 år og er slik sett gått ut på dato. Dette er kommunisera mellom søkjar og forvaltaren, og det er «gode» grunnar til at tiltaket førebels ikkje er gjennomført. Sida det ikkje ligg føre endra føresetnader med omsyn til dette tiltaket, og ein heller ikkje kan sjå andre/nye negative konsekvensar for verneføremåla, meiner forvaltaren det er uproblematisk å forlenge løyve til å føre straum fram til Kråkeroe. Det skal gjerast ved at straumkabel leggast i Veisvikvatn fram til Kråkeroe, og at ein der vil grave kabelen ned i grøft mellom vasskanten og eit lite transformatorbygg som det søkast om her. Bygget er prefabrikkera på ca. 2x3 meter som heisast på plass. Transformatoren kan fjernast eller flyttast ved behov. Transformatoren leggast tett opp mot vegen der ein kjem inn på staulstunet, og vil inngå i det opparbeida området som staulen utgjer. Med tanke på verneverdiane, kan ikkje områdeforvaltaren sjå at tiltaket skal kunne påverke dei negativt. Det er mange bygg på staulen, og heile området ber preg av aktiv landbruksverksemd. Slik sett vil heller ikkje det landskapsmessige inntrykket bli særleg forverra. Trygve Aasan søkjer også om løyve til å rive eksisterande båthus nede ved Veisvikvatn, og erstatte dette med eit nybygg. Dagens båthus blei bygd rundt Konstruksjonen vart svak og bygget er no i ferd med å rase saman. Eksisterande båthus er på 6,2x3,1 meter. Nytt båthus blir på 6,5x3,5 meter, ein auke på om lag 3,5 m 2. Nytt båthus skal byggast på same stad. Det blir eit slags stavbygg med bordtak og beisa mørkt som dei andre bygga på staulen. Å erstatte gamalt båthus med nytt båthus oppfattar ikkje forvaltaren som problematisk. Det er sjølvsagt ei føresetnad at bygget ikkje blir bruka til andre føremål enn det det er søkt om. Auka i storleik er av liten betydning og tar ein i betraktning det relativt store takutstikket det er på dagens båthus, så trur forvaltaren at det nye båthuset kanskje blir oppfatta som litt nettare sida det blir redusera takutstikk. Avslutningsvis søkjer Trygve Aasan om løyve til vedlikehald og utbetring av vegen. Eigentleg er det ikkje søkt om vedlikehald, men Aasan gjev ein orientering i søknaden om kva som er ønskjeleg og naudsynt. Det han likevel søkjer om er løyve til å grave ein grøft langs vegen på eit strekk på meter i ein sving. Verneområdeforvaltaren har sett på problemstillinga, og ser det manglar noko dokumentasjon i samband med evt. tidlegare gjevne løyve til bygging av veg. Det er behov for å sjå noko nærmare på kva som er status med tanke på tidlegare handsaming av spørsmål rundt denne vegen, så forvaltaren ønskjer å komme attende med det i ein eiga sak seinare. Framlegg til vedtak: 1) Verneområdestyret gjev Trygve Aasan løyve til å sette ut eit transformatorbygg på 2x3 meter som søkt i søknad dagsett Løyva er gjeve med heimel i kap. IV, punkt. 3.1 i verneforskrifta for Brattefjell-Vindeggen landskapsvernområde. Løyve om framføring av straum gjeld framleis og med det vilkåra som elles blei satt i vedtak frå

9 2) Verneområdestyret gjev Trygve Aasan løyve til å rive gamaølt båthus og sette opp nytt på same stad. Nytt båthus skal ha storleik og utsjånad i tråd med søknad dagsett Løyva er gjeve med heimel i kap. IV, punkt. 3.2 i verneforskrifta for Brattefjell-Vindeggen landskapsvernområde. Det vert sett følgjande vilkår: - Løyvet gjeld tre år frå vedtaksdato. - Ein skal følgje retningslinene for tradisjonell byggestil, jf. forvaltningsplanen, for båthuset. - Arbeidet skal dokumenterast ved at minst tre gode fotografi som syner dei nye bygningane frå forskjellige vinklar, sendast verneområdestyret seinast 3 månader etter at arbeidet er ferdig. - Det er ikkje lov å bygge eldstad i båthuset, eller på anna måte gjere det bebueleg. Løyvet gjeld berre i høve til verneforskrifta. Handsaming etter anna lovverk vil skje i Seljord kommune. Det kan klages på avgjerda til Miljødirektoratet. Klagefristen er tre veker. Klaga rettast til direktoratet, men sendast til Verneområdestyret for Brattefjell-Vindeggen landskapsvernområde. Vedtaket vert send Trygve Aasan. Kopi: - Seljord kommune - Fylkesmannen i Telemark - Villreinnemnda for Brattefjell-Vindeggen Kopi av vedtaket vil òg bli lasta opp i Miljøvedtaksregisteret. 9

10 Sak 30/19 Søknad om løyve til å bytte tak på gamalt sel i samband med restaurering på 82/5 Løkjestaul i Seljord kommune Olav Moen. Verneområdestyret for Brattefjell-Vindeggen landskapsvernområde er forvaltningsmyndigheit for verneområdet og skal handsame dispensasjonssaker. Kort om saka Olav Moen søkjer om løyve til å legge bordtak i staden for sinktak på gamalt høysel på Løkjestaul i Seljord. Selet skal restaurerast, og i samband med det er det ønskje om å skifte takmateriale for å sikre at taket blir tett. Olav Moen gjer arbeidet på vegne av Hallvard og Solveig Bakkemoen. Selet er kulturminnehistorisk interessant. Telemark fylkeskommune som kulturminnemyndigheit er difor kontakta om saka. Vedlegg - Søknad dagsett (2019/4834-1) Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfoldloven(NML). - Forvaltningsplan for Brattefjell-Vindeggen landskapsvernområde Registrering av stølsanlegg i to dalfører i Brattefjell-Vindeggenområdet i telemark Det formelle grunnlaget Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. kap. IV, punkt.1.1. Reglane er ikkje til hinder for drift og vedlikehald av eksisterande anlegg, jf. punkt Etter kap. IV, punkt 3.2 kan forvaltingsstyresmakta, Når verksemda eller tiltaket kan skje utan at det strir mot føremålet med vernet, gje løyve til mindre tilbygg eller ombygging av eksisterande bygningar i området. Verneområdestyret må særleg vurdere konsekvensane av ein dispensasjon i høve til verneføremålet og verneverdiane, jf. rundskrivet Forvalting av verneforskrifter frå Miljødirektoratet. Dette går òg fram av 7 i naturmangfaldlova (NML), som seier at prinsippa i 8-12 i lova skal leggjast til grunn som retningsliner ved utøving av offentleg myndigheit. I 8 i lova går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. 10

11 Kravet til kunnskapsgrunnlaget skal stå i et rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10. Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som det aktuelle tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det beste resultatet for samfunnet. Vurdering Løkjestaul ligger i brukssona. Relevant forvaltingsmål for denne sona er at Områda skal forvaltast med tanke på å ta vare på områda sin art og karakter, utan inngrep som vesentleg kan endre landskapets utforming.» Ein må vera trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket, jf. NML 8 og 9. Man har kjennskap og grei dokumentasjon av verneverdiane i området. Både når det gjelder natur- og kulturverdiar. Kunnskapen er samla i forvaltningsplanen, og er henta i samband med arbeidet med denne. Bland dei viktigaste dokumenta, og mest relevant for denne saka; er Hans Norby sitt arbeid om registrering av stølsanlegg frå I sitt dokument skriv Norby mellom anna om Løkjestaul. Han seier at lokaliteten opplevast som autentisk og ekte. Selet det dreier seg om i denne saka omtalast som meir eller mindre intakt, og han seier vidare at dette er ein god dokumentasjon på tidlegare tiders byggeskikk. Sidan desse registreringane blei gjort har det gått nesten 25 år, og med dårleg tak har det gått hardt ut over stokkane i veggane. Desse er delvis bytta ut no i vinter, og i utgangspunktet var tanken å legge sinkplatene attende på taket. Det visa seg likevel at mange av platene var svært dårlege og utette, og sidan det blei funne spor etter både spontak og bordtak under sinkplatene, har Olav Moen og eigarane kome fram til at dei i staden vil sikre bygget med eit bordtak. Hans Norby skriv også i sitt dokument at selet har blitt «modernisera» med bølgjeblekk noko som understøtter Moen sin oppfatning. Verneforskrifta for Brattefjell-Vindeggen landskapsvernområde krevjar dispensasjon for fasademessige endringar av eksisterande bygg jf. punkt 3.2 om ombygging. Områdeforvaltaren meiner dette tiltaket kjem inn under den kategorien, og oppfattar vidare at ønskja endring er uproblematisk, ja om mogleg til det positive. Likevel er det slik at ein er avhengig av eit samtykke frå kulturminnemyndigheita. Telemark Fylkeskommune har fått saka til handsaming, men har førebels ikkje gjeve fråsegn. Verneområdestyret må difor sette som vilkår at fylkeskommunen er positiv for at det skal gjevast løyve til å erstatte sinktaket med bordtak. 11

12 Framlegg til vedtak: Verneområdestyret gjev Olav Moen løyve til å erstatte det gamle sinktaket på selet på Løkjestaul med bordtak som søkt i søknad dagsett Løyvet er gjeve med heimel i kap. IV, punkt. 3.2 i verneforskrifta for Brattefjell-Vindeggen landskapsvernområde. Det vert sett følgjande vilkår: - Det er ein absolutt føresetnad at Telemark fylkeskommunes kulturminnemyndigheit godkjenner endringa. Arbeidet skal ikkje gjennomførast før svar sjå FK ligg føre. - Arbeidet skal dokumenterast ved at minst tre gode fotografi, som syner selet frå ulike vinklar, sendast verneområdestyret seinast to månader etter at arbeidet er ferdig. - Restar frå riving og bygningsmateriale som ikkje kan nyttast til ved, må fraktast ut av området så skånsamt som mogleg og handsamast etter gjeldande reglar for ulike slag avfall. Løyvet gjeld berre i høve til verneforskrifta. Eventuell handsaming etter anna lovverk skal skje av aktuell forvaltningsmyndigheit, og søkjaren er sjølv ansvarleg for å hente inn eventuelt andre naudsynte løyve. Det kan klages på avgjerda. Klagefristen er tre veker etter at vedtaket er motteke. Klaga rettast til Miljødirektoratet, men sendast til Verneområdestyret for Brattefjell-Vindeggen landskapsvernområde. Vedtaket vert send Olav Moen. Kopi: - Seljord kommune - Fylkesmannen i Telemark - Villreinnemnda Kopi av vedtaket vil òg bli lasta opp i Miljøvedtaksregisteret. 12

13 Sak 31/19 Søknad om løyve riving av gamal hytte og uthus, og å bygge nye, på 66/1 Vindsjåen 6 i Hjartdal kommune Leiv og Camilla Krosshus. Verneområdestyret for Brattefjell-Vindeggen landskapsvernområde er forvaltningsmyndigheit for verneområdet og skal handsame dispensasjonssaker. Kort om saka Leiv og Camilla Krosshus søkjer om løyve til å rive ei hytte frå 1960-talet og tilhøyrande uthus, og erstatte desse med nye bygg. Desse skal byggast på same stad, men blir flytta litt samanlikna med korleis bygga står i dag. Dagens bygningar er i svært dårleg forfatning. Eigarane meiner det beste er å bygge nytt. Dei nye bygningane vil bli større enn dei som står der i dag. Vidare søkjer deg om løyve til bruk av helikopter for å transportere materialar og utstyr til hyttetomta. Vedlegg - Søknad dagsett (2018/4103-1). Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfoldloven(NML). - Forvaltningsplan for Brattefjell-Vindeggen landskapsvernområde Det formelle grunnlaget Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. kap. IV, punkt.1.1. Reglane er ikkje til hinder for drift og vedlikehald av eksisterande anlegg, jf. punkt Etter kap. IV, punkt. 3.2 kan forvaltingsstyresmakta, Når verksemda eller tiltaket kan skje utan at det strir mot føremålet med vernet, gje løyve til mindre tilbygg eller ombygging av eksisterande bygningar i området. Verneområdestyret må særleg vurdere konsekvensane av ein dispensasjon i høve til verneføremålet og verneverdiane. Dette går og fram av 7 i naturmangfaldlova (NML), som seier at prinsippa i 8-12 i lova skal leggjast til grunn som retningsliner ved utøving av offentleg myndigheit. I 8 i lova går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i et rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for. 13

14 Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som det aktuelle tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det beste resultatet for samfunnet. Vurdering Hytta er i vernesona. Relevant forvaltingsmål for denne sona er at: - «Vernesona skal oppretthaldast som eit verdifullt naturområde rikt på biologisk mangfald. - Ein skal vere særleg restriktiv i høve til å dispensere for nye tiltak/anlegg og motorferdsle i vernesona.» Ein må vera trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket. Man har kjennskap og grei dokumentasjon av verneverdiane i området. Både når det gjelder natur- og kulturverdiar. Kunnskapen er samla i forvaltningsplanen, og er henta i samband med arbeidet med denne. Bland dei viktigaste dokumenta er J. E. Eriksens arbeid om Botaniske registreringar i Brattefjell-Vindeggen, samt H. Norby sitt arbeid om Registrering av stølsanlegg. Kunnskap om naturverdiar, er også henta frå Naturbasen. Det er gjennomført botaniske registreringar på nordsida av Vindsjåen. Det er registrera om lag 130 planteartar av triviell karakter. Flora er elles påverka av sauebeite. Naturbasen opplyser ikkje om anna enn at det er leveområde for villrein på staden. Det er ikkje registrert kulturminne. Hytta til Krosshus var eigentleg ei stor brakke som blei satt opp på staden på 1960-talet, som erstatning for stulen som blei neddemd då reguleringa av Vindsjåen blei ein realitet. Bygget er i dag i svært dårleg forfatning, og for at eigarane framleis skal kunne bruke bygget i samband med drifta på eigedomen, er det naudsynt med betydeleg oppgradering. Det er vatnlekkasje, råteskader, hytta er ikkje isolert og stabbesteinane er i ferd med å rase ut. Leiv og Camilla Krosshus driv med sau. Dei har om lag 80 vinterfôra sau, noko som betyr at dei har rundt 250 dyr på beite ved Vindsjåen om sumaren. I samband med tilsyn og sanking er hytta særdeles viktig. Krosshus søkjer om å rive eksisterande hytte og uthus og bygge nye. Disse vil bli noko større enn dagens bygningar og skal plasserast på litt anna måte på tomta (sjå søknad). Uthuset vil bli på BYA 15 m 2, og skal i tillegg til å innehalde do og vedskjul, ha lagerplass for saltstein, kraftfôr o.a. Uthuset skal byggast i reisverk med tømmermannskledning. Det blir saltak på 24 grader, og mønehøgde på om lag 3 meter. Hytta det søkast om blir på BYA 60 m 2 og vil bestå av open stue/kjøkken løysing, 3 soverom, bod og gang. Hytta byggast i laft og vil få tradisjonell utsjånad. Hytta vil få 24 graders tak vinkel og mønehøgde på 3,7 meter. 14

15 Med utgangspunkt i det som finst av bygning på staden i dag, kan ikkje forvaltaren sjå at ei ny hytte på same stad, til same føremål, kan påverke verneføremåla spesielt negativt. Likevel med eitt unnatak: Ei ny hytte som søkt vil bli ei heilårshytte med langt høgare komfort enn det dei har i dag. Det betyr igjen at ein må rekne med auka bruk, og difor auke i samla belastning for verneområdet. Bruksauka vil truleg vere størst om vinteren, og det er ei tid då spesielt villreinen er sårbar. Hytta ligg ikkje innafor det som er definera som vinterbeiteområde, men like på utsida. Det betyr at det absolutt kan finnast dyr i nærleiken og aktsemd er viktig. Hytta ligg per definisjon i vernesona, men er berre nokre få meter frå å ikkje ligge i verneområde i det heile tatt. Vindsjåen ligg i sin heilskap på utsida av landskapsvernområde og frå hytteveggen til høgste regulera vasstand er det kanskje ikkje meir enn 10 meter. For å redusere moglegheitene for auke i bruk, ville ein kunne si at ein ikkje skal få bygge større enn storleiken på dagens hytte og uthus (BYA 35 m2). Dersom dette dreia seg om ein rein fritidsbustad meir sentralt i verneområdet innafor vernesona, så ville nok forvaltarens innstilling også sagt det. I denne saka dreier det seg meir om eit driftsbygg i samband med aktiv landbruksdrift på eigedomen og i eit område som allereie er ganske tungt påverka av menneskeleg aktivitet (vassdragsregulering, vegbygging og andre hytter). Beiteaktivitet er viktig med tanke på verneverdiane og er eit satsingsområde for verneområdestyret. Kanskje vil ei ny hytte føre til meir bruk, men det er også innafor forvaltningsmåla for vernesona kva gjeld aksept om oppgradering. Dersom Krosshus får løyve til bygging ønskjer de å få løyve til å transportere byggematerialar inn til tomta med helikopter. I dette tilfelle vil det i praksis seie å fly frå Våtjønnstulen. Strekninga er på 1,6 km. Snaue halve strekninga ligg utanfor landskapsvernområde. Helikopterflyging kan vere forstyrrande, og det er viktig at slik flyging skjer på eit tidspunkt der dyr og fuglar er minst sårbare. Verneområdestyret har erfaring med tilsvarande flyging til liknande føremål frå Våtjønnstulen. Forvaltaren er ikkje gjord kjent med spesielle problem i samband med slikt tidlegare. Men så har heller ikkje flyging vore tillat før 1. juli. Spesielt med tanke på villreinen er det viktig. Det er også viktig at flyginga skjer innanfor eit konsentrert tidspunkt og at det gjennomførast færrast mogleg løft. Framlegg til vedtak: Verneområdestyret gjev Leiv og Camilla Krosshus løyve til å sette opp ny hytte og uthus på Vindsjåen 6 i tråd med omtale og teikningar i søknaden motteke Løyvet er gjeve med heimel i kap. IV, punkt. 3.2 i verneforskrifta for Brattefjell-Vindeggen landskapsvernområde. I tillegg gjev verneområdestyret Krosshus løyve til å bruke helikopter til transport av materialar i samband med bygginga. Løyvet er gjeve med heimel i NML 48. Det vert sett følgjande vilkår: - Løyvet gjeld tre år frå vedtaksdato. Om arbeidet ikkje er starta opp då, fell løyvet bort. - Arbeidet skal dokumenterast ved at minst tre gode fotografi, som syner dei nye bygningane frå ulike vinklar, sendast verneområdestyret seinast to månader etter at bygningane står ferdig. - Det skal takast omsyn til fargeval i samsvar med forvaltningsplanen sin omtale om tradisjonell Byggestil. - Restar frå riving og bygningsmateriale som ikkje kan nyttast til ved, må fraktast ut av området så skånsamt som mogleg og handsamast etter gjeldande reglar for ulike slag avfall. - Flyging skal skje etter 1. juli 2019 og på ein og same dag. 15

16 - Flyginga skal vere gjennomført innan 1. august Verneområdeforvaltar eller SNO skal varslast om flydag seinast 2 dagar før det skjer. - Er det villrein i området skal flyginga stansast, og aktiviteten skal utsettast til dyra har trekt unna. Løyvet gjeld berre i høve til verneforskrifta. Handsaming etter anna lovverk skal skje av aktuell forvaltningsmyndigheit, og søkjaren er sjølv ansvarleg for å hente inn eventuelt andre naudsynte løyve. Det kan klages på avgjerda. Klagefristen er tre veker etter at vedtaket er motteke. Klaga rettast til Miljødirektoratet, men sendast til Verneområdestyret for Brattefjell-Vindeggen landskapsvernområde. Vedtaket vert send Leiv og Camilla Krosshus. Kopi: - Hjartdal kommune - Fylkesmannen i Telemark - Villreinnemnda Kopi av vedtaket vil òg bli lasta opp i Miljøvedtaksregisteret. 16

17 Sak 32/19 Søknad om tilbygg på hytte på 24/7 Bjønntjønn 12 ved Grunntjønn i Hjartdal kommune Solrunn Winsnes Hunn. Verneområdestyret for Brattefjell-Vindeggen landskapsvernområde er forvaltingsmynde for verneområdet og skal handsame dispensasjonssaker. Kort om saka Solrunn Winsnes Hunn søkjer om løyve til byggjearbeid på hytte, gnr. 24 bnr. 7 i Hjartdal kommune. Arbeidet dreier seg om tilbygg på eksisterande bygning. Hytta ligger i vernesona i vestenden av Grunntjønn sør for Vindsjåen. Eksisterande bygning er på BYA ca. 43 m 2. Hytta er en del av et hyttetun med til saman fire bygningar. Tunet består av 3 hytter og eit båthus. Det søkjast om eit tilbygg på ca. 11 m 2. Dette skal romme gang, bod og do. Vedlegg - Søknad dagsett (2019/3392 1). Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Uttale frå villreinnemnda. Det formelle grunnlaget - verneforskrifta og naturmangfaldlova Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. kap. IV, punkt.1.1. Punkt. 2.2 i same kapittel, seier at Reglane i punkt 1 skal ikkje vere til hinder for: drift og vedlikehald av eksisterande bygningar, ( ). Etter kap. IV, punkt 3.2 kan forvaltingsstyresmakta, Når verksemda eller tiltaket kan skje utan at det strir mot føremålet med vernet, gje løyve til mindre tilbygg eller ombygging av eksisterande bygningar i området. Verneområdestyret må særleg vurdere konsekvensane av ein dispensasjon i høve til verneføremålet og verneverdiane i området, jf. rundskrivet Forvalting av verneforskrifter frå Direktoratet for naturforvalting. Dette går og fram av 7 i naturmangfaldlova, som seier at prinsippa i 8-12 i lova skal leggjast til grunn som retningsliner ved utøving av offentleg myndigheit. I NML 8 går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av 17

18 naturtypar, og effekten av påverknader. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10. Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet. Uttale frå villreinnemnda for Brattefjell-Vindeggen, Blefjell og Norefjell-Reinsjøfjell Nemnda har handsama saka og seier i sin fråsegn: «Villreinnemnda for Hardangerviddaområdet har ut ifra villreinhensyn ingen merknader til omsøkte tiltak. Villreinnemnda ønsker å bli videre orientert i saken.» Vurdering Tiltaket ligg i vernesona. Relevant forvaltingsmål for denne saka er at Vernesona skal oppretthaldast som eit urørt naturområde rikt på biologisk mangfald. og at «Ein skal vere særleg restriktiv i høve til å dispensere for nye tiltak/anlegg ( )» Vernet praktiserast mest strengt i vernesona, og det er sagt at der er ønskjeleg å unngå framtidige inngrep og tilretteleggingstiltak. Det betyr likevel ikkje at det er umogleg å gje dispensasjon, og det blir ein vurdering i det einskilde døme. Verneføresegna kap. IV punkt. 3 seier at «Når verksemda eller tiltaket kan skje utan at det strir mot føremålet med vernet, kan forvaltningsstyresmakta på nærare vilkår gje løyve til: 3.2 mindre tilbygg eller ombygging av eksisterande bygningar i området.» Forvaltningsplanen seier for bygningar at det kan gjevast løyve til mindre tilbygg på eksisterande hytte dersom arealet ikkje overstig BYA 65 m 2. Er det uthus i tillegg skal sum hytte og uthus ikkje overstige BYA 80 m 2. Uthus kan vere på inntil BYA 15 m 2. I denne saka søkjast det om eit tilbygg til hytte på 11 kvadratmeter. Hytta sitt totalareal vil etter ombygging bli på i overkant av BYA 43 m 2. Kunnskapsgrunnlaget er basert på Naturbasen, forvaltningsplan for Brattefjell-Vindeggen LVO, Norsk rødliste for naturtyper, Botaniske registreringar i Brattefjell-Vindeggen, samt registreringar av stølsanlegg og skjøtselsplan for stølsområde. I tillegg kjem all kunnskap om villreinen i området. Villreinnemnda er difor kontakta og gjeve ei uttale. I tillegg er staden synfara av SNO og verneområdeforvaltaren. Hytta ligger i sentrale delar av villreinens leveområde. Det dreier seg likevel ikkje om eit utprega kalvingsområde eller vinterbeiteområde, men meir ein stad reinen opphelder seg sumar og haust. Området er dominert av hei- og rabbevegetasjon, og dominerast av fattige og trivielle 18

19 vegetasjonstypar med små flekkvise rikare innslag. Det er registrert om lag 130 artar, ingen av spesiell interesse. Området er kulturpåverka av sauebeite. Det er ikkje kjende kulturminne i område og heller ikkje registrert raudlista naturtypar på staden. Eit tilbygg som søkt vil ikkje gje fleire sengeplassar, men det er likevel å anta at dette gjerast mellom anna for å betre komforten. Auka komfort vil moglegvis føre til noko auka bruk og auka ferdsle samanlikna med dagens nivå. Hytta er ein del av eit hyttetun der kvar eigar i sameiget har sin hytte. Summen av alle bygningane er meir enn 80 m 2, men ingen av dei einskilde bygningane er meir enn 65 m2. Likevel er det slik at forvaltningsplanen berre seier noko om størrelse på det einskilde bygg, og det er heller ingen særordningar ved sameiger. Hytter eigast av både store og små familiar, og storleikskravet tar ikkje omsyn til det. At det vil bli noko auke i ferdsle og aktivitet i anleggstida er naturleg, men ein bør kunne unngå å skape problem for villrein og anna dyreliv. Forvaltaren vurderer det ut frå lokalisering og omfang at tiltaket ikkje kjem i konflikt/fornya konflikt med anna biologisk mangfald, landskapet eller kulturminne. Utgangspunktet for vernesona, er ei svært restriktiv haldning når det gjeld nybygg. Tiltaket vurderast som mindre ombygging av eksisterande bygning. Samla sett vurderer verneområdeforvaltaren det slik at tiltaket ikkje vil vera til skade for verneføremålet og verneverdiane under føresetnad at ein evt. transport og byggeperiode leggast til tider der villreinen ikkje er like sårbar som under kalvingstid og/eller om den er i området. Framlegg til vedtak Verneområdestyret gjev Solrunn Winsnes Hunn løyve til oppføring av tilbygg i tråd med omtale og teikningar i søknaden dagsett Løyvet er gjeve med heimel i kap. IV, punkt. 3.2 i verneforskrifta for Brattefjell-Vindeggen landskapsvernområde. Det vert sett følgjande vilkår: - Løyvet gjeld tre år frå vedtaksdato. Om arbeidet ikkje er starta opp då, fell løyvet bort. - Restane frå byggjearbeidet må fraktast ut av området så skånsamt som mogleg og handsamast etter gjeldande regelverk for handtering av ulike slag avfall. - Arbeidet skal dokumenterast ved at minst tre gode fotografi som syner tilbygget frå ulike vinklar, sendast verneområdestyret seinast to månader etter at tilbygget står ferdig. - Det skal takast omsyn til materialbruk og fargeval i samsvar med forvaltningsplanen. - Det skal takast omsyn til villreinen og andre verneverdiar. Løyvet gjeld berre i høve til verneforskrifta. Det kan klagast på vedtaket. Klagefristen er tre veker etter at vedtaket er motteke, og eventuelt arbeid kan ikkje startast før klagefristen er ute. Klaga rettast til Miljødirektoratet, men sendast til Verneområdestyret for Brattefjell-Vindeggen landskapsvernområde. Vedtaket vert send til Solrunn Winsnes Hunn. 19

20 Kopi: - Hjartdal kommune - Fylkesmannen i Vestfold og Telemark - Villreinnemnda for Brattefjell-Vindeggen, Blefjell og Norefjell-Reinsjøfjell Kopi av vedtaket vil òg bli lasta opp i Miljøvedtaksregisteret. 20

21 Sak 33/19 Søknad om løyve til masseuttak i samband med bygging av ny dam ved Vindsjåen i Hjartdal kommune Skagerak Energi. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Skagerak Energi ved Magne Wraa søkjar om løyve til å ta ut steinmassar frå snuplassen ved Vindsjådammen, langs vegen austover til vadestad der ny veg går opp til «Vesledam» ved Vindsjåen. Dette gjerast ved at snuplass og veg blir noko utvida. Det er snakk om å ta ut fm 3. Steinmassane skal brukast til å bygge ny «Vesledam». Denne består i dag av betong, men skal rustast opp og erstattast med ein steindam. Mesteparten av inngrepet vil skje utanfor landskapsvernområdet, men det austlegaste området ligg innafor vernegrensa. Arealet her er rekna til ca. 60 m 2. Vedlegg - Søknad dagsett (2019/1720 1). Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Det formelle grunnlaget - verneforskrifta og naturmangfaldlova Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. kap. IV, punkt.1.1. Pkt. 2.2 i same kapittel, seier at Reglane i punkt 1 skal ikkje vere til hinder for: drift og vedlikehald av eksisterande bygningar, vegar og anlegg. ( ) når dette ikkje i vesentleg grad vil vere til skade for verneformålet. Verneområdestyret må særleg vurdere konsekvensane av ein dispensasjon i høve til verneføremålet og verneverdiane. Dette går mellom anna fram av 7 i naturmangfaldlova, som seier at prinsippa i 8-12 skal leggjast til grunn som retningsliner ved utøving av offentleg myndigheit. I NML 8 går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. 21

22 Verknadene av eit tiltak skal vurderast ut frå den samla belastinga økosystemet vert utsett for, jf. 10. Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet. Vurdering Vindsjådammen og mesteparten av arealet der masseuttaket er tenkt, ligg utanfor verneområdet. Den delen av areal for uttak som ligg innanfor vernegrensa, er i eit område som etter forvaltningsplanen er definera som brukssone. Relevant forvaltingsmål for brukssona er at Områda skal forvaltast med tanke på å ta vare på områdas art og karakter utan inngrep som vesentleg kan endre landskapets utforming, men at «Områda skal kunne nyttast til landbruksdrift for å sikre næringsgrunnlaget til grunneigarane, fordi «Oppretthalding av drift i utmarka er m.a. viktig for å taka vare på kulturlandskap og plantesamfunn, og derved det biologiske mangfaldet.» Denne saka dreier seg om å masseuttak for bygging av ny vassdragsreguleringsdam som erstatning for ein regulanten har der i dag. Det er såleis ikkje snakk om tiltak i samband med landbruk eller anna næringsverksemd for grunneigarane. Kraftproduksjon er likevel av stor samfunnsmessig interesse og etablera installasjonar må ein taka omsyn til. Viss ein ser konkret på kva av tiltaket som må gjevast dispensasjon til, så dreier det seg om å ta ut steinmassar på et areal på ca. 60 m 2 langs bilvegen ved vadestadet (avkøyring til vesledam) rett aust for hovuddammen på Vindsjåen. Tiltakshavar har behov for mellom 500 og 900 kbm, men kor mykje av dette som skal takast ut på dei aktuelle 60 m 2, er forvaltaren usikker på. Mesteparten av steinmassane blir uansett tatt ut på utsida av verneområdet då størstedelen av massetaket ligg der. Man må vere trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaka. Kunnskapsgrunnlaget for denne saka er basert på Naturbasen, forvaltningsplan for Brattefjell- Vindeggen LVO, Norsk rødliste for naturtyper, Botaniske registreringar i Brattefjell-Vindeggen, samt registreringer av stølsanlegg og skjøtselsplan for stølsområde. I tillegg kjem kunnskap om villreinen i området. Vidare har det vore samtale med SNO og staden er også synfart. Det er ikkje uvanleg med villrein i kringliggande område, men oppe ved sjølve dammen, og på arealet som er omtala i denne saken, er det sjeldan rein å sjå. Området har i mange år vore prega av utbygging og tilrettelegging for samferdsle, og sumarhalvåret er det ofte folk her. Vinterstid er det derimot langt rolegare, då vegen til Vindsjåen ikkje er vinterbrøytt. Likevel gjeng det skutertrasé opp. Den er bruka i samband med naudsynt snøskutertransport til hytter og staular i området. Staden er ikkje klassifisera som korkje kalvings- eller vinterbeiteområde. Under arbeid med masseuttak, vil ein måtte rekne med ein god del støy samband med boring, sprenging, pigging og knusing. Det er viktig at det skjer over eit så avgrensa tidsrom som mogleg. Vel 22