Møteinnkalling og sakskart

Transkript

1 Besøksadresse Skinnarbu 3661 Rjukan Postadresse Postboks Skien Kontakt Sentralbord Direkte Verneområdestyret for Brattefjell- Vindeggen landskapsvernområde Sakshandsamar Peter C. A. Köller Vår ref. 2018/ Dato Møteinnkalling og sakskart Det vert med dette kalla inn til møte i verneområdestyret. Tid: Stad: Tysdag kl. 9:30 (merk tidspunktet). Tuddal Høyfjellshotel Gje beskjed snarast på eller fmtepko@fylkesmannen.no om du ikkje kan møte. Sakliste: Sak 13/18 Godkjenning av innkalling og dagsorden. Sak 14/18 Underskriving av protokoll Sak 15/18 Saksframlegg: Søknad om gravearbeid i samband med bygging av avløpsanlegg på Kråkeroe 137/4 i Seljord kommune Trygve Aasan. Sak 16/18 Saksframlegg: Søknad om merking av tursti ved Heimvegli i Vinje kommune Heimvegli grendelag v/jostein Engum. Sak 17/18 Sak 18/18 Sak 19/18 Sak 20/18 Saksframlegg: Søknad om løyve til bruk av snøskuter til privat hytte på 92/8/2 på Fossan i Seljord kommune Torgeir Rui. Saksframlegg: Søknad om flytting av løypetrasé i området ved Lauvhaug i Hjartdal kommune Hjartdal IL v/atle Våle. Saksframlegg: Søknad om tilbygg/ombygging av hytte på 13/13 Fyribøen i Hjartdal kommune Agnar Andersen. Saksframlegg: Søknad om løyve til bruk av helikopter til frakt av byggematerialar til 28/2 Lauvhaug i Hjartdal kommune Hans-Jürgen Schorre. Sak 21/18 Saksframlegg: Søknad om løyve til å køyre minigraver og ATV til Vierslåtten 11/2,3 i Hjartdal kommune Helge Hovdejord.

2 Sak 22/18 Saksframlegg: Søknad om helikopterflyging og tilføring av torvjord på 130/9 Sandvatn i Tinn kommune Larsen bygg og maskin v/tom Arne Larsen. Sak 23/18 Sak 24/18 Saksframlegg endring av gitt løyve: Søknad om oppføring av tilbygg/ombygging av hytte og gravearbeid på 92/8 Svain i Seljord kommune Torulf Traaserud. Neste møte. 2

3 Sak 15/18 Søknad om gravearbeid i samband med bygging av avløpsanlegg på Kråkeroe 137/4 i Seljord kommune Trygve Aasan. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Trygve Aasan driv Kråkeroe stølen saman med familien sin. Stølen er ein av to stølar som framleis er i drift innanfor landskapsvernområdet, og den einaste med kyr og mjølkeproduksjon. Over fleire år har familien investera tungt i stølen, mellom anna for å auke tilrettelegging for besøkande. Det gjeld mellom anna bygg for overnatting og servering. I samband med det, har dei behov for å byggje avløpsanlegg. Seljord kommune er forvaltningsmyndigheit for spørsmål til sjølve avløpsanlegget og utslepp/forureining, men verneområdestyret må ta stilling til om naudsynt gravearbeid for tiltaket krevjar dispensasjon, og om det i så fall påverkar verneføremåla. Seljord kommune har sendt over eit brev der dei ber verneområdestyret ta stilling til saka. Det dreier seg om å grave ein grøft på om lag 24 meter og å grave ned ein slamavskiljar på 4 m 3. Vedlegg Brev dagsett (2017/ ). Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Saksdokument i sak 2013/ Saksdokument i sak 2014/ Saksdokument i sak 2017/2016 Det formelle grunnlaget - verneforskrifta og naturmangfoldloven Verneføremålet i Brattefjell-Vindeggen landskapsvernområde er å - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. kap. IV, punkt.1.1. Reglane er ikkje til hinder for drift og vedlikehald av eksisterande anlegg, jf. punkt Etter kap. IV, punkt 3.2 kan forvaltingsstyresmakta, Når verksemda eller tiltaket kan skje utan at det strir mot føremålet med vernet, gje løyve til mindre tilbygg eller ombygging av eksisterande bygningar i området. og etter 3.1 gje løyve til «tiltak i samband med jord- og skogbruk, så som oppføring av bygningar og liknande. 3

4 Verneområdestyret må særleg vurdere konsekvensane av ein dispensasjon i høve til verneføremålet og verneverdiane. Dette går og fram av 7 i naturmangfaldlova, som seier at prinsippa i 8-12 i lova skal leggjast til grunn som retningsliner ved utøving av offentleg myndigheit. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10. Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessig beste resultatet. Vurdering Kråkeroe ligger i brukssona. Relevant forvaltingsmål for brukssona er at: Brukssona skal forvaltast med tanke på å ta vare på områda sin art og karakter utan inngrep som vesentleg kan endre landskapets utforming. Områda skal kunne nyttast til landbruksdrift for å sikre næringsgrunnlaget til grunneigarane. Oppretthalding av drift i utmarka er m.a. viktig for å taka vare på kulturlandskap og plantesamfunn, og dermed det biologiske mangfaldet. I dei områda som i delar av året er minst sårbare for forstyrring av m.a. villrein, kan ein legge til rette for naturopplevingsprodukt og jord- og skogbruk som bidrar til å sikre næringsgrunnlaget for dei lokale fjellbygdene gjennom aktiv verdiskaping med fjellet som ressurs. Ein må vera trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket, jf. NML 8 og 9. Kunnskapsgrunnlaget er basert på Naturbasen, forvaltningsplan, Norsk rødliste for naturtyper, Botaniske registreringar i Brattefjell-Vindeggen, samt registreringar av stølsanlegg og skjøtselsplan for stølsområde. I tillegg kjem all kunnskap om villreinen. Stølen ligger i ytterkant av villreinens leveområde og det er berre unntaksvis det observerast villrein her. I samband med handsaming av tidlegare søknadar, har ikkje villreinnemnda hatt spesielle merknader. I tillegg til villrein er det i Naturbasen registrert at det er gjort funn av Handmarinøkkel. Denne er raudlista og blei funnet i samband med skjøtselskartlegginga for Kråkeroe utført i Kråkeroe er prega av stølsdrift gjennom mange år, og har i dag et flott kulturlandskap. Det er ikkje registrert raudlista naturtypar på staden, men det er registrera nokre kulturminne. I hovudsak dreier det seg om kullgroper. Blant dei kjende på staden ligger ingen inne på sjølve stulen. Dei ligg i omkringliggande område, og vil ikkje kome i konflikt med tiltaket det søkast om her. 4

5 Stølsdrifta på Kråkeroe er tradisjonell, men etter kvart har det kome til ein rekke aktivitetar som tilleggsnæring til den tradisjonelle stølsdrifta. Ein tenkjer på matservering, kursverksemd og sal av overnatting. Slik aktivitet stiller krav til fasilitetane, noko verneområdeforvaltaren har forståing for. Det søkast altså om å etablere eit avløpsanlegg på staden. Det er Seljord kommune som tar stilling til utsleppssøknaden, men verneområdestyret skal vurdere om tilhøyrande gravearbeid er greitt sett i ljos av verneformåla. Det skal leggast eit røyr frå serveringsbygget til ein slamavskiljar på 4 m 3, deretter skal det gravast ein infiltrasjonsgrøft på ca. 24 meter. All graving vil gå føre seg mellom husa på staden, der terrenget allereie er godt påverka av aktivitet. Det skal gravast ned til frostfri djupde, men terrenget skal attendeførast så godt det lar seg gjere til opphaveleg tilstand. Verneforskrifta seier at grøfting ikkje er lov. Kva som ligg i grøfting er litt uklårt. Det er verneforskrifta punkt 1.1 som seier at grøfting er forbode. Det betyr at ein eventuell dispensasjon må gjevast etter NML 48. I denne saka vurderer forvaltaren tiltaket til å vere eit tiltak i samband med landbruk og anna utmarksnæring, og det er difor eit alternativ å gje dispensasjon etter verneforskrifta punkt 3.1. Tiltaket i seg sjølv vil berre vere synleg i samband med arbeidet. Dessutan vil tiltaket skje på ein stad som allereie er opparbeida. Slik sett vil ein ikkje få landskapsmessig påverknad. Kva gjeld samla belastning, meiner forvaltaren at tiltaket i seg sjølv ikkje vil medføre auke den auka blei det tatt høgde for i samband med byggeløyva gjeven tidlegare. Framlegg til vedtak: Verneområdestyret gjev Trygve Aasan løyve til å grave grøft og grave ned slamavskiljar som beskriven i brev frå Seljord kommune dagsett Løyvet er gjeve med heimel i kap. IV, pkt. 3.1 i verneforskrifta for Brattefjell-Vindeggen landskapsvernområde. Det vert sett følgjande vilkår: - Grøftinga skal skje utan varige synlege terrenginngrep. - Løyvet gjeld tre år frå vedtaksdato. Løyvet gjeld berre i høve til verneforskrifta. Handsaming etter anna lovverk vil skje i Seljord kommune. Det kan klages på avgjerda. Klagefristen er tre veker etter at vedtaket er motteke. Klaga rettast til Miljødirektoratet, men sendast til Verneområdestyret for Brattefjell-Vindeggen landskapsvernområde. Vedtaket vert send Trygve Aasan. Kopimottakarar: - Seljord kommune - Fylkesmannen i Telemark - Villreinnemnda for Brattefjell-Vindeggen Kopi av vedtaket vil òg bli lasta opp i Miljøvedtaksregisteret. 5

6 Sak 16/18 Søknad om merking av tursti ved Heimvegli i Vinje kommune Heimvegli grendelag v/jostein Engum. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Heimvegli grendelag v/jostein Engum søkjar om løyve til merking av sti i området Heimveglinuten. Stien er ein «rundløype» som startar og sluttar ved hyttefeltet på Heimvegli. Mesteparten av stien ligg utanfor landskapsvernområdet, men 1,9 kilometer ligg innanfor. Grendelaget ønskjer å merke på lause steinar, og grunngjev søknaden med at det er mange hytter i området, og stadig fleire under oppføring. Dei meiner at ein merka stig vil kanalisere ferdslen i området, og at det vil vere ein fordel med tanke på verneformåla. Vedlegg - Søknad dagsett (2017/4444 1). Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Fråsegn frå villreinnemnda. Det formelle grunnlaget - verneforskrifta og naturmangfaldlova Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. Verneområdestyret må særleg vurdere konsekvensane av ein dispensasjon i høve til verneføremålet og verneverdiane. Dette går mellom anna fram av 7 i naturmangfaldlova (NML), som seier at prinsippa i 8-12 skal leggjast til grunn som retningsliner ved utøving av offentleg myndigheit. I NML 8 går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10. Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. 6

7 I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet. Uttale frå villreinnemnda for Brattefjell-Vindeggen, Blefjell og Norefjell-Reinsjøfjell Villreinnemnda har handsama saka og har gjeve følgjande fråsegn: «Villreinnemnda for Brattefjell- Vindeggen, Blefjell og Norefjell kan ut ifra villreinhensyn godta merking av omsøkte sti. Nemnda vil likevel poengtere at det ikkje er ønskelig å utvikle stinettet inn i villreinens leveområde ytterligere». Vurdering Turstien ved Heimvegli ligg i eit område som etter forvaltningsplanen er definera som vernesone. Relevant forvaltingsmål for vernesona er at «Vernesona skal oppretthaldast som eit urørt naturområde rikt på biologisk mangfald», at «Ein skal vere særleg restriktiv i høve til å dispensere for nye tiltak/anlegg og motorferdsle i Vernesona», og at «Vernesona skal bevarast utan ny tilrettelegging for skigåing og fotturisme.» I denne saka er det spørsmål om å merke ein sti som fungerer som ei rundløype med start og slutt i hyttefeltet ved Heimvegli, men også med tilknyting til andre stiar i området. Samla lengde for rundløypa er ikkje kjend, men den delen som gjeng inn i landskapsvernområde er på 1,9 km. I all hovudsak kan ein seie at stien følgjer parallelt med verneområdegrensa på ryggen som utgjer Heimveglinuten. I all hovudsak på snaufjellet og på tørr og fast mark. Stien er openbart mykje bruka og er lett å følgje. Det er tett med vardar langs stien, og mykje tyder på at fleire av disse er bygd nyleg eller nyleg rusta opp. Storleik og høgde varierer, men dei fleste er mellom 0,5 og 0,7 meter høge. Heimvegli Grendalag søkjer om å merke ytterlegare, og slik forvaltaren oppfattar søknad og samtale med søkjarane, dreier det seg om å måle på laus stein etter prinsippa som til dømes DNT bruker. Grendelaget er spesielt opptatt med å leggje til rette for fritidsaktivitetar og har mellom anna bidrege til utviding av skiløypenettet og turstigar, samt bedra høve for båtbruk i Torvetjønn. Dette arbeidet er gjort i samarbeid med grunneigar og andre reiselivsaktørar i området. Den aktuelle stien er ein etablert stig som gjeng mellom Heimvegli og Heimveglinuten og er ein del av løypenettet til Vierli og Oksatjønn. Grendelaget skriv i søknaden at deler av stien gjeng over fjell der den er lite synleg, og at dei ved å merke vil kunne styre den auka trafikken slik at ein unngår unødig slitasje i området. Når det gjeld merking, er det snakk om klosser i trær og stolper i terrenget på utsida av verneområde, mens det er snakk om merking (måling, eiga merknad) på lause gjenstandar (stein, eiga merknad) innanfor landskapsvernområde. Grendelaget syner til at det fort kan bli 1000 hytter/leilegheiter til i området, og at det er særs viktig med tilrettelagte stiar for å kanalisere ferdsle. Laget syner til at grunneigar Helge Ivar Aasen er positiv til tiltaket. Man må vere trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaka. Kunnskapsgrunnlaget for denne saka er basert på Naturbasen, forvaltningsplan, Norsk rødliste for naturtyper, Botaniske registreringar i Brattefjell- 7

8 Vindeggen, samt registreringer av stølsanlegg og skjøtselsplan for stølsområde. I tillegg kjem kunnskap om villreinen. Villreinnemnda er difor kontakta. Området er viktig i villreinsamanheng sjølv om det blir lite bruka. Det er ein del år sida sist det blei felt villrein her, men det er gode beiter og så seint som vinteren 2016/2017 vart det observera dyr. Svinefjellområdet (der Heimveglinuten ligg), er ein del av villreinområdet, men truleg som følgje av omfattande hyttebygging og stor menneskeleg aktivitet, har reinen i aukande grad heldt seg unna. I tillegg har villreinstamma vore relativt liten, noko som gjer at behovet for bruk av randområder reduserast. Området er ikkje klassifisera som korkje kalvings- eller vinterbeiteområde. Ut over villreinen kan ikkje verneområdeforvaltaren sjå at det må takast omsyn til andre faktorar. Det er ikkje registrert raudlista arter eller naturtypar på lokaliteten, og det er heller ikkje kjende kulturminne eller MIS-figurar på strekninga. Forvaltningsplanen seier at det ikkje skal leggjast til rette for nye løyper i vernesona. Grunngjevinga er at ein skal oppretthalde det urørte preget høgfjellsområdet gir. I denne saka dreier deg seg ikkje om ny løype, men å merke eksisterande. Forvaltningsplanen seier mellom anna at forvaltningsmyndigheita skal gjere ei fagleg vurdering av det einskilde innspelet i samband med rydding og/eller merking, og at ein må sjå på tiltaket sin venta effekt på verneføremåla slik som samla belastning. Verneområdeforvaltaren har gått heile traseen, og det er liten tvil om at stien blir mykje bruka. Grendelaget skriv at stien kan vere vanskeleg å følgje enkelte plassar, men det har forvaltaren vanskeleg med å forstå. Er mogleg laget syner til dei plassane der det går av ein sti frå hovudstigen. Nokon har allereie varda stien, og sjølv i dårleg vær bør dei fleste klare å følgje stien slik den er i dag. Vardane er ofte mellom 0,5 og 0,7 meter høge og stadvis står dei berre nokre få titals meter frå kvarandre. Nokre plassar berre meter. Gjennom å bygge vardar oppfattar områdeforvaltaren at stien allereie er merkt, og det kan sjå ut til at dette er gjort relativt nyleg. Det er også hengt opp raude band i lyngen, men disse vil snart bli borte. Med tanke på at forvaltningsplanen seier at det ikkje skal leggjast til rette for nye løyper i vernesona, meiner forvaltaren at stien det dreier seg om i denne saka, kjem i ein mellomposisjon. Den ligg der, er mykje bruka, og er merkt med vardar. Vidare er det slik at den ligg i vernesona i villreinområde. Villreinen brukar Svinefjell lite, men det kan jo skyldast høg menneskeleg aktivitet. Det er mange stiar i Brattefjell-Vindeggen, og dei fleste er ikkje merkt på noko vis. For vernet er det viktig å behalde eit urørt preg, samstundes som det både skal aksepterast og er ønskjeleg med eit aktivt friluftsliv. Alle kan med allemannsretten i ryggen gå både på og utanfor stiane, men i område med mykje folk, vil merkte stiar ofte bli bruka til fordel for kringliggande terreng. Slik sett er det positivt med merking. Likevel er det slik at alt ein gjer i forvaltninga vil ha ein presedensverknad, og ein må difor tenke gjennom kva utfallet av eit eventuelt løyve i denne saka vil få. Sett under eitt meiner forvaltaren at merking av løypa med vardar kan aksepterast, og at fordelane med omsyn til samla belastning og trugslar mot verneformåla, er støre enn ulempene. Likevel meiner forvaltaren at merkinga skal avgrensast til vardar, og at det ikkje skal målast eller hengast opp band. Korleis merkinga av stien er på utsida av landskapsvernområde er ikkje ein sak for verneområdestyret. 8

9 Framlegg til vedtak: Med heimel i verneføresegna kap. IV pkt. 3.4 gjev verneområdestyret Heimvegli Grendelag v/jostein Engum løyve til å merke eksisterande sti ved Heimveglinuten beskriven i søknad dagsett Det vert sett følgjande vilkår: - Det skal berre merkast med vardar med maksimal høgde på 0,8 meter. - Det skal ikkje brukast måling, merkeband eller liknande. Bjørkekvist eller liknande kan brukast i/på varde. - Det skal berre brukast stadeigen stein til vardebygging. Steinane skal takast ut av terrenget slik at ein ikkje får varige merker og «sår». Ein bør søke å byggje så få vardar som mogleg. Løyvet gjeld berre i høve til verneforskrifta. Handsaming etter anna lovverk vil skje i Vinje kommune. Det kan klages på vedtaket til Miljødirektoratet. Klagefristen er tre veker etter at vedtaket er motteke, og eventuelt arbeid kan ikkje startast før klagefristen er ute. Klaga rettast til direktoratet, men sendast til Verneområdestyret for Brattefjell-Vindeggen landskapsvernområde. Vedtaket vert send Heimvegli Grendelag v/jostein Engum. Kopi: - Vinje kommune - Fylkesmannen i Telemark - Villreinnemnda for Brattefjell-Vindeggen, Blefjell og Norefjell-Reinsjøfjell Kopi av vedtaket vert og lasta opp i Miljøvedtaksregisteret. 9

10 Sak 17/18 Søknad om løyve til bruk av snøskuter til privat hytte på 92/8/2 på Fossan i Seljord kommune Torgeir Rui. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Torgeir Rui søkjer om løyve til motorferdsle med snøskuter i samband med transport av bagasje og utstyr, samt materialar i samband med restaurering, til eiga hytte ved Fossan i Seljord. Rui søkjer om løyve for 4 år. Det er Seljord kommune som gjev løyve etter motorferdselloven, og kommunen kan også gje slik løyve innanfor landskapsvernområdet utan at verneområdestyret trenger å sjå på saka når transporten går etter dei vedtekne traseane for motorferdsle i området. Er det derimot naudsynt for transport utanfor traseane (sjå forvaltningsplanen), må verneområdestyret handsame spørsmålet som ein dispensasjonssak. Vedlegg - Søknad med kartskisse, dagsett (2018/920-1) Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Lov om motorferdsle i utmark og på islagde vatn. - Forskrift om forbod mot motorferdsel i spesielt sårbare områder i Brattefjell/Vindeggenområdet, Seljord, Hjartdal, Tinn og Vinje kommunar, Telemark. Det formelle grunnlaget Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneføresegna for Brattefjell-Vindeggen landskapsvernområde er utgangspunktet at Området skal vere verna mot alle inngrep eller tiltak som vesentleg kan endre eller verke inn på landskapet sin art eller karakter., jf. pkt. 1. Pkt. 1.4 seier at Motorferdsel skal gå føre seg etter faste ruter som peikast ut av forvaltningsstyresmakta. All motorferdsle skal gå føre seg slik at det ikkje oppstår varig skjemmande markskader, hjulspor ol. Verneområdestyret må særleg vurdere konsekvensane av ein dispensasjon i høve til verneføremålet og verneverdiane i området. Dette går og fram av 7 i naturmangfaldlova (NML), som seier at prinsippa i 8-12 i lova skal leggjast til grunn som retningsliner ved utøving av offentleg myndigheit. 10

11 I NML 8 (om kunnskapsgrunnlaget) går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10. Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. Etter NML 11 er det tiltakshavar som skal dekkje kostnadene ved å hindre eller avgrense skade som tiltaket eller aktiviteten vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet. Uttale frå villreinnemnda for Brattefjell-Vindeggen, Blefjell og Norefjell-Reinsjøfjell Saka blei sendt villreinnemnda for uttale, men dei har ikkje gjeve fråsegn. Vurdering Torgeir Rui vil køyre frå Nørsteteig til Fossan etter vedtekne trasear jf. forvaltningsplanen, men det siste stykke fram til hytta ( meter) må han køyre utanfor denne traseen. All motorferdsle skal gå føre seg i tråd med lov og føresegner for motorferdsle i utmark og på islagde vatn, med dei avgrensingar som ligg i verneføresegna. I områder som er verna i medhald av naturvernlova/naturmangfaldlova, er det strengare reglar for motorisert ferdsle enn det som følgjer av motorferdslelova/nasjonal føresegn. I verneføresegna for Brattefjell-Vindeggen landskapsvernområde står det i kapittel 4 punkt 1.4 at motorferdsle skal gå føre seg etter faste ruter som peikast ut av forvaltningsstyresmakta, og at all motorferdsle skal gå føre seg slik at det ikkje oppstår varige skjemmande markskadar, hjulspor og liknande. I all hovudsak skal det køyrast etter trasé godkjend i forvaltningsplanen. Berre det siste stykket bort til hytta, vil vere på utsida. Strekningen har vore bruka i mange år, og det er ikkje kjende verneverdiar som blir påverka. I samband med slik transport, vil det alltid vere viktig å sjå på moglege konsekvensar for villreinen. I den samanheng, er det greitt å konkludere med at reinen ikkje blir påverka. Det er ikkje rein i området vinterstid, og staden er korkje registrera som vinterbeite- eller kalvingsområde. 11

12 Framlegg til vedtak: Verneområdestyret gjev Torgeir Rui løyve til å motorferdsle med snøskuter etter trasé teikna inn på kart lagt ved søknad dagsett Løyvet er gjeve med heimel i NML 48. Det vert sett følgjande vilkår: - Løyvet gjeld ut sesongen 2018/2019. Verneområdestyret kan ikkje gje løyve som varer utover styreperioden. - Observerast villrein, skal køyring stanses. Søkjaren skal ha dialog med SNO /verneområdeforvaltaren om det er villrein i området. Vedtaket er berre fatta etter verneføresegna for Brattefjell-Vindeggen landskapsvernområde og tilhøyrande forvaltningsplan. Søkjar er sjølv ansvarleg for å få andre nødvendige løyve, slik som til dømes grunneigarløyve og løyve etter motorferdslelova. Det er klagerett på avgjerda. Klagefristen er tre veker etter at vedtaket er motteke. Klaga rettast til Miljødirektoratet, men sendast til Verneområdestyret for Brattefjell-Vindeggen landskapsvernområde. Vedtaket vert send til Torgeir Rue. Kopimottakarar: - Seljord kommune - Fylkesmannen i Telemark - Villreinnemnda for Brattefjell-Vindeggen, Blefjell og Norefjell-Reinsjøfjell Kopi av vedtaket vil òg bli lasta opp i Miljøvedtaksregisteret. 12

13 Sak 18/18 Søknad om flytting av løypetrasé i området ved Lauvhaug i Hjartdal kommune Hjartdal IL v/atle Våle. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Hjartdal Idrettslag søkjar om å flytte deler av skiløypetraseen som gjeng frå Breivatn til Flottin gjennom Lauvhaugdalen. Grunngjevinga er at dagens trasé gjeng i ein trong bekkedal med ofte vanskelege snøforhold, noko som fleire gonger har ført til skumle situasjonar når løypemaskin og snøskuter har glidd ned i bekken og satt seg fast, samt krevjande forhold for skiløparar. Idrettslaget ønskjer nå å flytte traseen litt opp i lia på vestsida av bekkedalen og dagens trasé. Flytting vil føre med seg noko rydding av skog, samt litt planering. Idrettslaget søkte i 2016 om det same, men den gongen ønska dei å legge ny trasé på austsida av dalen, etter ein sti som går der. Verneområdestyret gav løyve, men det blei klaga i saka. Grunngjeving for klage var at ein ved flytting som søkt ville kome til å delvis øydeleggje den gamle rekstevegen som gjeng her. Verneområdestyret tok klaga til følgje og gjorde om vedtaket. Idrettslaget har i samarbeid med verneområdeforvaltaren sett seg ut ein ny trasé som blir vurdera å ikkje vere i konflikt med verneverdiar i området. Vedlegg - Søknad dagsett (2018/1450 1). Andre relevante dokument, ikkje vedlagde - Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Alle dokument i sak 2016/5492. Det formelle grunnlaget - verneforskrifta og naturmangfaldlova Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. kap. IV, pkt.1.1. Pkt. 2.2 i same kapittel, seier at Reglane i punkt 1 skal ikkje vere til hinder for: drift og vedlikehald av eksisterande bygningar, vegar og anlegg. ( ) når dette ikkje i vesentleg grad vil vere til skade for verneformålet. 13

14 Verneområdestyret må særleg vurdere konsekvensane av ein dispensasjon i høve til verneføremålet og verneverdiane. Dette går mellom anna fram av 7 i naturmangfaldlova (NML), som seier at prinsippa i 8-12 skal leggjast til grunn som retningsliner ved utøving av offentleg myndigheit. I NML 8 går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10. Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet. Uttale frå villreinnemnda for Brattefjell-Vindeggen, Blefjell og Norefjell-Reinsjøfjell Villreinnemnda er spurt om fråsegn, men har ikkje gjeve nokon. Vurdering Lauvhaug og Lauvhaugdalen ligg i eit område som etter forvaltningsplanen er definera som vernesone. Relevant forvaltingsmål for vernesona er at «Vernesona skal oppretthaldast som eit urørt naturområde rikt på biologisk mangfald», at «Ein skal vere særleg restriktiv i høve til å dispensere for nye tiltak/anlegg og motorferdsle i Vernesona», og at «Vernesona skal bevarast utan ny tilrettelegging for skigåing og fotturisme.» Denne saka dreier seg om å rydde ein parallell trasé vest for eksisterande løypetrasé over ein strekning på ca. 400 meter. Det er snakk om noko vegetasjonsrydding samt «mure» opp ei lita hylle i ein skråbakke like ved der ny trasé kjem inn på eksisterande i nord. Til det trenger idrettslaget ei lita gravemaskin. Ryddebredde blir 3 4 meter. Man må vere trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaka. Kunnskapsgrunnlaget for denne saka er basert på Naturbasen, forvaltningsplan, Norsk rødliste for naturtyper, Botaniske registreringar i Brattefjell-Vindeggen, samt registreringer av stølsanlegg og skjøtselsplan for stølsområde. I tillegg kjem kunnskap om villreinen i området. Villreinnemnda er difor kontakta. Området er viktig i villreinsamanheng. Årleg er det mykje dyr i området, men berre om sumaren og tidleg haust. Vinterstid er villreinen i høgfjellet lenger nord. Området er ikkje klassifisera som korkje kalvings- eller vinterbeiteområde. 14

15 Ut over villreinen kan ikkje verneområdeforvaltaren sjå at det må takast omsyn til andre faktorar. Det er ikkje registrert raudlista arter eller naturtypar på lokaliteten, og det er heller ikkje kjende kulturminne eller MIS-figurar på strekninga. Forvaltningsplanen seier at det ikkje skal leggjast til rette for nye skiløyper i vernesona. I denne saka dreier det seg om flytting av eksisterande løypetrasé for å auke grad av tryggleik for både løypemannskap og brukarane av løypa. Staden ligger heilt i ytterkant av landskapsvernområde, og er ei kile mellom Flottin fuglefredningsområde og areal utan vern. Like syd finner ein hyttefelta ved Breivatn, og utgangspunktet for den aktuelle løypa kan seiast å vere nettopp hyttefelta. Løypa koplar seg inn på rundløypa ved Lauhaug nord for Hundemyr og er ein viktig del av rekreasjons- og friluftstilbodet for fastbuande og tilreisande i Hjartdal. SNO og områdeforvaltaren har synfara staden vinteren 2017, og det er ikkje vanskeleg å forstå at ein av sikkerheitsmessige grunnar ønskjer omlegging av løypa. I samband med klaga på førre vedtak, blei området synfara på nytt. Det blei då klårt at det ikkje ville vere heldig å legge løypa der idrettslaget først ønskja, og dispensasjonen til dette blei seinare trekt attende. I samband med at idrettslaget ville sjå på alternative trasear, var området på nytt synfart i august Det blei då klårt at det kunne vere et alternativ å flytte løypa på vestsida av eksisterande trasé i staden. Verneområdeforvaltaren var til stades på siste synfaring også. Idrettslaget søkjer om å bruke ein gravemaskin for å gjennomføre omtalt arbeid. Områdeforvaltaren ser det som uproblematisk å belte ein slik maskin inn til Lauvhaug etter eksisterande sti, og over stølsvollen opp til der ny trasé gjeng inn i skogen. Det er likevel viktig at dette gjerast på ein tid der det er relativt tørt og fast i bakken for å unngå køyrespor. Framlegg til vedtak: Med heimel i verneføresegna kap. IV pkt. 3.4 gjev verneområdestyret Hjartdal Idrettslag løyve til å opparbeide ny trasé for skiløype som beskriven i søknad dagsett Idrettslaget får også løyve til å transportere inn ein gravemaskin for å gjennomføre arbeidet som beskriven i søknaden. Dette løyve er gjeve med heimel i NML 48. Det vert sett følgjande vilkår: - Løyvet gjeld tre år frå vedtaksdato. Om arbeidet ikkje er starta opp då, fell løyvet bort. - Når verksemda er avslutta, skal området vere pussa og skog som kan nyttast til tømmer eller ved frakta ut. - Arbeidet skal skje så skånsamt som mogleg. - Arbeidet skal dokumenterast ved at minst tre gode fotografi, som viser traseen når den er ferdig, sendast verneområdestyret seinast to månader etter ferdigstilling. - Skulle det dukke opp villrein, skal anleggsarbeidet stanse opp. - Den nye traseen erstattar den gamle opp Lauvhaugdalen. Det skal berre vere ein trasé på staden. Løyvet gjeld berre i høve til verneforskrifta. Handsaming etter anna lovverk vil skje i Hjartdal kommune. Det er òg ei føresetnad at grunneigarane på staden har gjeve løyve. Det kan klages på vedtaket til Miljødirektoratet. Klagefristen er tre veker etter at vedtaket er motteke, og eventuelt arbeid kan ikkje startast før klagefristen er ute. Klaga rettast til direktoratet, men sendast til Verneområdestyret for Brattefjell-Vindeggen landskapsvernområde. 15

16 Vedtaket vert send Hjartdal Idrettslag v/atle Våle. Kopi: - Hjartdal kommune - Fylkesmannen i Telemark - Villreinnemnda for Brattefjell-Vindeggen, Blefjell og Norefjell-Reinsjøfjell Kopi av vedtaket vert og lasta opp i Miljøvedtaksregisteret. 16

17 Sak 19/18 Søknad om tilbygg/ombygging av hytte på 13/13 Fyribøen i Hjartdal kommune Agnar Andersen. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Agnar Andersen søkjer om løyve til byggjearbeid på hytte, gnr. 13 bnr. 13 i Hjartdal kommune. Arbeidet dreier seg om rive deler av eksisterande bygning og å byggje eit nytt tilbygg. Hytta ligger akkurat på grensa mellom landskapsvernområdet og Flottin fuglefredningsområde, og er på BYA 47 m 2. Han søkjer no om ei utviding som netto vil gje ei hytte på BYA 64 m 2. Lauvhaug ligg i brukssona. Andersen søkte også i 2015 og 2017 om dispensasjon for utviding av hytta. Den gongen blei det avslag grunngjeven med både utsjånad og at storleik på ny hytte ikkje var i samsvar med forvaltningsplanen. Til tross for det har styret tidlegare signalisera at dei er positive til ei utviding så lenge storleik og utsjånad er innanfor krava i forvaltningsplanen. Vedlegg - Søknad (2018/1965 1). Andre relevante dokument, ikkje vedlagde - Saksdokument sak 2015/ Saksdokument sak 2017/ Verneforskrifta for Brattefjell-Vindeggen landskapsvernområde. - Naturmangfaldlova (NML). - Forvaltingsplan for Brattefjell-Vindeggen landskapsvernområde Det formelle grunnlaget - verneforskrifta og naturmangfaldlova Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er oppføring av bygningar og anlegg i utgangspunktet forbode, jf. kap. IV, pkt.1.1. Pkt. 2.2 i same kapittel, seier at Reglane i punkt 1 skal ikkje vere til hinder for: drift og vedlikehald av eksisterande bygningar, ( ). Etter kap. IV, pkt. 3.2 kan forvaltingsstyresmakta, Når verksemda eller tiltaket kan skje utan at det strir mot føremålet med vernet, gje løyve til mindre tilbygg eller ombygging av eksisterande bygningar i området. Verneområdestyret må særleg vurdere konsekvensane av ein dispensasjon i høve til verneføremålet og verneverdiane i området. Dette går og fram av 7 i naturmangfaldlova (NML), som seier at prinsippa i 8-12 skal leggjast til grunn som retningsliner ved utøving av offentleg myndigheit. 17

18 I NML 8 går det fram at offentlege avgjerder som rører ved naturmangfaldet skal byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. NML 10. Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldloven 11 er det tiltakshavar som skal dekkje kostnadene ved å hindre eller avgrense skade som tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessige beste resultatet. Uttale frå villreinnemnda for Brattefjell-Vindeggen, Blefjell og Norefjell-Reinsjøfjell I samband med tidlegare handsaming av søknad om utviding av hytta på 13/13 har villreinnemnda sagt følgjande: «Villreinnemnda for Brattefjell-Vindeggen, Blefjell og Norefjell har ut i fra villreinhensyn ingen spesielle innvendinger til omsøkte tiltak. Man kan anta at aktivitet og ferdsel i forbindelse med omsøkte tiltak ikke vil være nevneverdig negativt for villreinen i det aktuelle området. Vi ber om at det tas hensyn til villreinen ved transport av materialer og under byggeperioden. Villreinnemnda ber om å få informasjon om den videre behandlingen av søknaden.» Vurdering Hytta ligg i brukssona. Om bygningar seier forvaltningsplanen følgjande som er spesielt for brukssona: - Områda skal forvaltast med tanke på å ta vare på områda sin art og karakter, utan inngrep som vesentleg kan endre landskapets utforming. - Halde oppe drift i utmarka er m.a. viktig for å ta vare på kulturlandskap og plantesamfunn, og dermed det biologiske mangfaldet. - Det kan gjevast dispensasjon til oppgradering så lenge det ikkje går ut over føremålet med vernet. Å gje dispensasjon blir ein vurdering i det einskilde døme. Forvaltningsplanen seier at når tiltaket kan skje utan at det strir mot føremålet med vernet, så kan forvaltningsmyndigheita på nærare vilkår gje løyve til mindre tilbygg eller ombygging av eksisterande bygningar dersom bruken ikkje vert endra. Maksimal storleik på hytte er BYA 65 m 2, mens maksimal storleik på uthus er BYA 15 m 2 altså kan ikkje samla areal på staden overstige BYA 80 m 2. I denne saka søkjast det om eit tilbygg på BYA 23,7 m 2. Ein del av noverande hytta (bod) skal rivast, slik at nytt BYA blir 64 m 2. Samanlikna med tidlegare søknader, søkast det no om ei ombygging som vil halde totalarealet under det forvaltningsplanen seier er maksimum for slike bygg i landskapsvernområde. På tomta er det eit uthus også, men dette er antatt å vere på BYA 8-9 m2, slik at total BYA vil framleis holde seg under 80 m 2. 18

19 Kunnskapsgrunnlaget for denne saka er basert på Naturbasen, forvaltningsplan, Norsk rødliste for naturtyper, Botaniske registreringar i Brattefjell-Vindeggen, samt registreringar av stølsanlegg og skjøtselsplan for stølsområde. I tillegg kjem all kunnskap om villreinen i området. Villreinnemnda er difor kontakta. Hytta ligger i utkanten av villreinens leveområde. Her er normalt verken kalving eller viktig vinterbeite, men området er likevel eit viktig habitat for reinen i Brattefjell-Vindeggen. Sumar og haust har reinen ein klår preferanse for å bruke lågareliggande område og det er godt kjend at reinen periodevis opphelder seg i Lauvhaugområdet. Området er dominert av myr, fjellbjørk og fjellgranskog. Sjølve Lauvhaug og kringliggande område er tydeleg kulturpåverka. Det er både storfe og sau som beiter her. Når det gjeld kulturminne, er det fleire bygningar og andre kulturhistoriske innretningar i området. Disse vil ikkje bli direkte påverka av tiltaket. I utgangspunktet ikkje flora, eller fauna heller. Det ein likevel skal vere merksam på, er at ei utviding av overnattingskapasitet og/eller tilrettelegging for meir bruk, vil kunne medføre auka belastning i området, mellom anna med negative effektar på både dyreliv, planter og kulturminne. Når det gjeld overnattingskapasitet, opplyser søkjaren at det ikkje vil bli endring i tal soverom i hytta, men at det dreier seg om å få meir plass. Det er ikkje registrert raudlista naturtypar på staden. Auka plass og komfort, vil teoretisk sett bety meir bruk og auke i samla belastning. Det er ikkje ønskjeleg. Likevel er det slik at området Fyribøen, Lauvhaug, Hundemyr allereie i dag er ein del bruka. Ikkje minst av folk som ikkje har hytte i området. Hundemyr er tross alt ein av hovudinnfartsstadene til Brattefjell-Vindeggen landskapsvernområde, og om hytta til Andersen blir noko meir bruka, er det mest av teoretisk interesse. Dagens hytta er mindre enn det som er definera som maksimal storleik for bygningar i landskapsvernområdet. Forvaltningsplanen seier det kan gjevast løyve til mindre tilbygg eller ombygging. Estetikk er spesielt framheva når det gjeld bygningar i landskapsvernområde. Det heiter seg at dei skal ha ei tradisjonell byggestil. Då Agnar Andersen søkte i 2015, blei det spesielt påpeika frå forvaltninga at den nye hytta ville bli høg, og med store glasflater. I søknaden frå 2017 blei dette endra. Teikningane då synte ei hytte med meir tradisjonell byggestil, men bygningen vart framleis for stor til at den kunne godkjennast. I denne saka er både bygningens storleik og byggestil innanfor dei krava forvaltninga har satt. Hytta vil få tømmermannskledning, bordtak, småruta glas, og ikkje spesielt høg. Det er ikkje sagt noko om farge, men det er ei føresetnad at det blir ei farge som tradisjonelt går igjen i landskapsvernområdet. Framlegg til vedtak: Verneområdestyret gjev Agnar Andersen løyve til byggjearbeid på hytte på Lauvhaug, gnr. 13 bnr. 13 i Hjartdal slik det er søkt søknaden Løyvet er gjeve med heimel i verneforskrifta kap. IV punkt 3.2. Det vert sett følgjande vilkår: - Løyvet gjeld tre år frå vedtaksdato. Om arbeidet ikkje er starta opp då, fell løyvet bort. - Restane etter riving og byggjearbeid må fraktast ut av området så skånsamt som mogleg og handsamast etter gjeldande reglar for avfall. - Arbeidet skal dokumenterast ved at minst tre gode fotografi, som syner ferdig hytte frå ulike viklar, sendast verneområdestyret seinast to månader etter at bygget står ferdig. 19

20 - Det skal takast omsyn til materialbruk og fargeval i samsvar med forvaltningsplanen. - Transport og byggeaktivitet skal stanses dersom det observerast villrein i området. Løyvet gjeld berre i høve til verneforskrifta. Handsaming etter plan- og bygningslova vil skje i Hjartdal kommune. Det kan klagast på vedtaket til Miljødirektoratet. Klagefristen er tre veker etter at vedtaket er motteke. Klaga rettast til Miljødirektoratet, men sendast til Verneområdestyret for Brattefjell-Vindeggen landskapsvernområde. Vedtaket vert send Agnar Andersen. Kopi: - Hjartdal kommune - Fylkesmannen i Telemark - Villreinnemnda for Brattefjell-Vindeggen, Blefjell og Norefjell-Reinsjøfjell Kopi av vedtaket vil og bli lasta opp i Miljøvedtaksregisteret. 20

21 Sak 20/18 Søknad om løyve til bruk av helikopter til frakt av byggematerialar til 28/2 Lauvhaug i Hjartdal kommune Hans-Jürgen Schorre. Verneområdestyret for Brattefjell-Vindeggen landskapsvernområde er forvaltingsmyndigheit for verneområdet og skal handsame dispensasjonssaker. Kort om saka Hans-Jürgen Schorre søkjer om løyve til bruk av helikopter for transport av materialar inn til hytta på Lauvhaug ved Primhaug i Hjartdal. Planen er å fly inn materialar til hytta som skal restaurerast/ombyggast. Det er gjeve løyve til byggjearbeidet. Det dreier seg om flyging frå stulen ved Våtjønn til Lauvhaug - om lag 2 km i luftline. Transport er planlagt i starten av juli Tal løft er førebels ikkje kjend. Vedlegg - Søknad dagsett (2018/2098-1). - Kart (2018/2098-2). Andre relevante dokument, ikkje vedlagde - Uttale frå villreinnemnda dagsett (2018/2098-4). - Verneforskrifta for Brattefjell-Vindeggen landskapsvernområde - Naturmangfaldlova (NML) - Forvaltingsplan for Brattefjell-Vindeggen landskapsvernområde Forskrift om forbod mot motorferdsel i spesielt sårbare områder i Brattefjell/Vindeggenområdet, Seljord, Hjartdal, Tinn og Vinje Kommunar, Telemark Det formelle grunnlaget verneforskrifta, naturmangfaldlova og forskrift om forbod mot motorferdsel i spesielt sårbare områder i Brattefjell/Vindeggenområdet Verneføremålet i Brattefjell-Vindeggen landskapsvernområde er å: - Taka vare på eit vakkert og eigenarta naturlandskap, med urørt høgfjell og fjellskogområde. - Taka vare på det biologiske mangfaldet i området, med villreinstamme og rikt plante- og dyreliv. - Taka vare på verdifulle kulturlandskap og kulturminne. I verneforskrifta for Brattefjell-Vindeggen landskapsvernområde er lågtflyging under 300 meter forbode, jf. kap. IV, pkt I kap. 1.4 står det vidare at All motorferdsel skal gå føre seg slik at det ikkje oppstår varig skjemmande markskader, hjulspor og liknande. I Forskrift om forbod mot motorferdsel i spesielt sårbare områder i Brattefjell/Vindeggenområdet, Seljord, Hjartdal, Tinn og Vinje kommunar, Telemark, er all motorferdsle innanfor villreinområdet, definera som det kvite på N 50 kart 1:50.000, forbode i tida 15. april til 1. juli. Verneområdestyret må særleg vurdere konsekvensane av ein dispensasjon i høve til verneføremålet og verneverdiane i området. Dette går og fram av 7 i naturmangfaldlova, som seier at prinsippa i 8-12 i lova skal leggjast til grunn som retningsliner ved utøving av offentleg myndigheit. I 8 i lova (om kunnskapsgrunnlaget) går det fram at offentlege avgjerder som rører ved naturmangfaldet skal 21

22 byggje på vitskapeleg kunnskap om bestandssituasjonen for ulike arter, utbreiing og økologisk tilstand av naturtypar, og effekten av påverknader. Kravet til kunnskapsgrunnlaget skal stå i eit rimeleg forhold til sakas karakter og risikoen for å skade naturmangfaldet. Verknadene av eit tiltak skal vurderast ut frå den samla belastinga økosystemet vert utsett for, jf. 10 (om økosystemtilnærming og samla belasting). Dersom det ikkje ligg føre tilstrekkeleg kunnskap om kva for verknader eit tiltak kan ha på naturmiljøet, skal føre-var prinsippet leggjast til grunn, jf. 9, slik at ein ikkje gjer vesentleg skade på naturmangfaldet ved at ein tek ei avgjerd på eit for dårleg kunnskapsgrunnlag. I følgje naturmangfaldlova 11 er det tiltakshavar som skal dekkje kostnadene ved å hindre eller avgrense skade som det aktuelle tiltaket vil gjera på naturmangfaldet, dersom dette ikkje er urimeleg ut frå tiltaket og skaden sin karakter. I tillegg skal det etter naturmangfaldlova 12 takast utgangspunkt i driftsmetodar, teknikkar og lokalisering av tiltaket som ut frå ei samla vurdering av den tidlegare, noverande og framtidige bruken av mangfaldet og økonomiske tilhøve gjev det samfunnsmessig beste resultatet. 48 i NML omhandlar dispensasjon frå vernevedtak. Paragrafens fyrste ledd seier at Forvaltningsmyndigheten kan gjøre unntak fra et vernevedtak dersom det ikkje strider mot vernevedtakets formål og ikkje kan påvirke verneverdiene nevneverdig, eller dersom sikkerhetshensyn eller hensynet til vesentlige samfunnsinteresser gjør det nødvendig. Uttale frå villreinnemnda for Brattefjell-Vindeggen, Blefjell og Norefjell-Reinsjøfjell Villreinnemnda gav følgjande fråsegn i brev dagsett : «Villreinnemnda for Brattefjell - Vindeggen, Blefjell og Norefjell har ut ifra villreinhensyn ingen merknader til omsøkte transport.» Vurdering Flyruta mellom Våtjønn og Lauvhaug ligger innanfor brukssona i landskapsvernområdet. Strekninga (flyruta) ligg i sin heilskap på utsida av det som er definera som vinterbeite- og kalvingsområde for villreinen. I tillegg er flyginga planlagd til juli månad, noko som generelt er positivt med tanke på å vere sårbar. Våtjønn, og mesteparten av flyruta inn til Lauvhaug er også på utsida av det som er definera som «villreinområde» i samband med forskrift om forbod mot motorferdsle i spesielt sårbare område i Brattefjell-Vindeggen. Men sjølve Lauvhaug ligger innanfor, og flyging hit blir difor ramma av forskrifta som seier at all motorferdsle er forbode i tida frå 15. april til 1. juli. Ein må vera trygg på at dei verneverdiane som er synleggjort i verneføremålet ikkje vert skadelidande om det vert gjeve løyve til tiltaket, jf. 8 (kunnskapsgrunnlaget) og 9 (føre-var-prinsippet). I denne saka er det spesielt villreinen ein er oppteken av. Vanleg utover sumaren, er at villreinen trekker sørover ned i skogane, men det treffast jamleg dyr lenger oppe og i området ved Lauvhaug. Det er difor viktig at det tas omsyn til villreinen når ein skal fly, og skulle det observerast dyr, må flyginga stansast. Flyginga kjem ikkje i konflikt med anna biologisk mangfald, landskapet eller kulturminne. Tiltaket vil føre til noko auka belastinga for området i anleggsperioden, men elles ikkje, jf. 10 i NML. I samband med denne konkrete søknaden meiner verneområdeforvaltaren at vurderingar i høve til 11 og 12 er mindre aktuelle. 22