Vinje kommune Økonomi, plan og utvikling Arkiv saknr: 2016/285 Løpenr.: 24085/2017 Arkivkode: 151/10/151/37 Utval Møtedato Utval Saksnr Plan- og miljøutvalet 13.12.2017 17/202 Sakshandsamar: Lotte Næss Framlegg til detaljregulering for Vierli H35, 151/10-1.gongs handsaming Vedlegg: 1 Plankart 2 Føresegner 3 Planomtale Rauland skisenter 2.11.17 om tomter i bratt terreng 5 NVE 20.09.17 merknad 6 Sweco 23.10/4.11.17 notat om overvatn 7 Sweco 23.10/4.11.17 skisse om overvatn 8 NVE 09.11.17 merknad 9 Rauland skisenter 24.11. 17 om overvatn 10 Rauland skisenter 24.11. 17 skisse overvatn Dokument i saka: Kommunedelplan for Rukkemo Torvetjønn 2001 Reguleringsplan for Svinhaug 2001 Reguleringsplan for Vierli, del av Heimvegli 2008 Reguleringsplan for Terrengparken Vierli 2011 Referat frå oppstartsmøte, 15.0216 Varsel om oppstart av planarbeid, 03.04.16 Innspel til planarbeidet: - Statens vegvesen, 14.04.16 - Fylkesmannen i Telemark, 29.04.16 - Telemark Fylkeskommune, 02.05.16 - Bjørn Bilberg 11.04.16 - Mette og Kjell Evju, 11.04.16 - Bjørn Bøhle, 01.05.16
- Anne Cathrine Tveit Geheb, 01.05.16 - Erik Gudbrandsen, 29.04.16 - Erik Brinchmann, 02.05.16 - Bjørn Haugland, - Anne Berit Namork, Randi og Turid Nicolaisen, 22.05.16 - Berit, Nils-Ragnar, Reidunn og Gunnar Myhra, 12.05.16 - Ann-Christin og Helge Mietle, 14.05.16 - Hilde Tveit Håbesland, Anne C. Tveit Geheb, Kjersti Tveit Nergaard, Kristin Nicolaisen, Ingrid Nistad Edborg, Øyvind Nistad, Turid Nicolaisen og Herman Brun, 26.04.16 - Bjørn Ivar Aarseth, 13.05.16 - Morten Goller, 30.05.16 Brev frå Telemark Fylkeskommune, 01.09.16 Referat frå møte, 31.01.17 Tilleggsvarsel om oppstart av planarbeid, 13.03.17 Innspel til planarbeidet etter tilleggsvarsel: - Fylkesmannen i Telemark 07. og 18. 09.17, - Telemark Fylkeskommune 19.09.17, - Statens vegvesen 18.09.17 - NVE 20.09.17 + 08.11.17 - Austare Vierli Grendelag v/anita Horntvedt og Kjetil Namork, 18.04.17 - Rauland hyttevelforening, 21.04.17 - Stine og Børre Rødal, 17.04.17 - Mette og Kjell Evju, - Erik Brinchmann, 18.04.17 - Tonje og Espen Knutzen, 17.04.17 - Laila Larsen og Lars Seeberg, 18.04.17 - Torgeir Strupe, 16.04.17 - Nina og Ketil Sollien - Torgeir Ljosland - Anita og Tom Horntvedt - Kjetil Namork og Kent Nordvang, 17.04.17 - Monica og Rune Aune, 16.04.17 - Helge Ivar Aasen og Sigmund Tvitekkja, 21.04.17 - Ola og Camilla Christensen Østvold, 18.04.17 - Vibeke H. Halvorsen - Jørgen Lous Bøhle for Bjørn Bøhle og Vibeke Lous Bøhle, Henrik Lous Bøhle, Kristian Lous Bøhle, 30.05.17 - Lene og Erik Olsson, 17.04.17 - Jon Anders Takvam 13.04.17 - Ole Helgedagsrud 19.08.17
Bakgrunn: Eigar av Vierli 151/10 Kristin Larsen, ynskjer å fortette eksisterande hytteområde sør for Rjukanvegen. Det er òg teke med eit lite område nord for vegen, resten av reguleringsplan for Svinhaug. Planområdet rører hovudsakelig teigane H35, A5 og ein liten del av H36 i KDP for Rukkemo/Torvetjønn, på sørsida av Rjukanvegen. Det er foreslått ca. 87 tomter. Om lag 68 av desse er innanfor område som er sett av til alpinanlegg i KDP for Rukkemo/Torvetjønn, mot Heimvegliheisen og i retning Oksatjønn. Resterande nye tomter ligg i eksisterande hyttefelt. Fleire hytteeigarar har ynskje om støre tomteareal på eksisterande tomter. Sjå vedlegg 1 3. Planframlegget vist i lag med eksisterande plan. Det vart halde oppstartsmøte 15.02.16 og varsla oppstart av planarbeid 03.04.16. Det var eit møte 31.01.17, samt tilleggsvarsel om oppstart 13.03.17 pga utvida planområde. Det kom inn 16 innspel under fyrste innspelsfase og 25 etter tilleggsvarsel vart sendt ut. Alle innspel er referert og kommentert i planomtala. Vurdering: I kommunedelplan for Rukkemo/Torvetjønn er det eksisterande hyttefeltet sett av til byggjeområde. I området der det er ynskje om å utvide byggjeområdet mot Heimvegliheisen og i retning Oksatjønn er området sett av til skitrekk/alpinområde i KDP. Planlagt utbygging er soleis i strid med overordna plan. Det nye utbyggingsområdet ligg høgt, ca. 1000-1050 moh. og ber preg av lite vegetasjon og myr.
Målet med planarbeidet var fyrst å fortette det eksisterande hyttefeltet med nye tomter for fritidsbustader. Etter ei ny vurdering av området ynskjer utbyggjar å sjå på ei støre utnytting av området som dei meiner vil tene området betre. Kommunedelplanen I oppstartsmøtet blei det peikt på at utbygging i sør kunne bli vanskeleg å forsvare. Dette pga tilhøvet til kommunedelplanen og fordi ein gikk inn i eit område med sparsam vegetasjon og myr. Seinare, etter synfaring om møte 31.01.17, er dette signala frå planadministrasjonen : «Planadministrasjonen har diskutert utkastet og utfordringane knytt til bygging i område som er sett av til ski/alpint. Det er konkludert med at ein, under tvil, stiller seg positiv til den planlagde utvidinga av feltet, men vil presisere at det er viktig å taka vare på grøne trasear og tilkomstløyper til viktige turområder». Seinare, etter oppstart av arbeidet med rullering av kommunedelplanen, har ein blitt meir bevisst på det prinsipielt uheldige med å bygge ut i strid med overordna plan. Kommunedelplanen skal gi forutsigbarhet, sjølv om utbygginga i seg sjølv kanskje kan forsvarast. Likevel, i dette høvet vil ein vere lojal mot tidlegare signaler, og rår til å sende framlegget ut på høyring med utbyggingsområdet sør for Parkvegen. Planframlegget vist i lag med kommunedelplanen.
Heimvegliheisen med nedfart Det vert planlagd ei rekke med tomter i det som i dag er nedfart langs Heimvegliheisen. Prinsipielt sett bør ein vere varsam med å bygge i bakken. Grunneigar har gjort greie for at denne delen av bakken i dag er lite nyttbar grunna terrenget, og at nedfarten nyttast mest som transportløype. Ein vil difor, under tvil, tilrå utbygginga her. Tetthet/terreng/grønstruktur : Det er lagt opp til fortetting av eksisterande felt og ei relativt tett utbygging med små tomter i eit nytt område opp mot toppen av feltet. Det ubygde området sør i planområdet ligg fint til inne i ein kvæv i terrenget og vil bli lite synleg frå andre stadar. Terrenget her er slakt og delvis myrlendt, ein vurdera difor at dette området er godt eigna for fleire hytter. Tiltakshavar har fått mange innspel om turvegar, løyper og grønstruktur og mange av desse er teke omsyn til. Planen verkar difor godt tilpassa området. Grønstruktur og korridorar
Samband mellom Terrengparken og Heimveglibakken etter utbygging. I møtereferat frå møte 31.01.17 er det trekt fram at ein har utfordringar med enkelte område med bratt terreng. Det står mellom ana at: Ein har enkelte utfordringar knytt til terreng som ein må ta omsyn til under planlegging. Særleg knytt til bygging i bratt terreng, både plassering av hytter/tomter og veg. Her må ein ha føresegner som sikrar god estetikk, tilkomst osb. Sakshandsamar meiner dette ikkje er teke omsyn til i enkelte områder av planen og er likevel svært skeptisk til dei 5 tomtene mot Rjukanvegen 6-4, 6-5, 6-6, 6-7, og 6-9. Dei er små (0,5-0,8 daa) og området er svært bratt. Her vil ein få store utfordringar med parkering, fylling, terreng og tilkomst. No er grad av utnytting redusert til 110 m2 BYA inkludert parkering. Sjå vedlegg 4. Utbygginga vil likevel ikkje la seg gjennomføre utan store terrenginngrep, og tomten er sers eksponerte mot fylkesvegen. Ein rår difor til at desse tomtene vert tekne ut av planen. Tomtene 6-8 og 6-1 ligg i noko slakare terreng, og er ikkje like eksponerte mot vegen. Vassdrag/myr/flaum: I møte med kommunen 31.01.2017 vart det presisert at det er fleire bekkar innanfor planområdet. Sjølv om ikkje desse bekkane ser ut til å ha stor vassføring normalt, kan desse flaume opp ved mykje nedbør. Ein er i klimaprofilen for Telemark åtvara mot at det kjem til å verte hyppigare og meir nedbør framover. Difor verkar det naturleg å ha med dette i planarbeidet. Det er og notert i referatet frå møtet at utfordringar knytt til bekkane må løysast i planen og leggjast inn som eit rekkjefylgjekrav. Utbygginga på toppen vil innebere at ein tek i bruk myr. Myr magasinerer vatn. Utbygging av myr kan difor føre til større usikkerhet ved
store nedbørsmengder. NVE har merknad om dette, sjå vedlegg 5. Forslagstiller har fått utarbeidd notat og illustrasjonar som viser korleis dei vil løyse dette, med avskjerande grøfter som leder vatn frå myrområdet og ut til sida av utbygginga. Dette vil redusere mengda overvatn i hyttefeltet nedanfor, og vil redusere vassføringa i bekkedraga nedover. Sjå vedlegg 6, og 7. NVE blei beden om å kommentere materialet, sjå vedlegg 8. Vassdraga er vist i illustrasjon, sjå vedlegg 9 og 10. Ein ser at vatnet går mykje i røyr, men at det òg er strekningar med opne bekkeløp. Planadministrasjonen legg til grunn at Sweco sine vurderingar vedk. tiltak mot flaum er tilfredstillande. For å oppretthalde nokre opne delar av bekkedraga vil ein rå til å ta ut tomtene 0-10, 0-14, 0-16. 0-17, 0-19 (6 stk), som ligg over bekkeløp. Tomta 0-13 ligg ned mot bekken som samlar fleire bekkeløp i området. Ein rår til å ta ut også den. For å gjere vassdraga meir synlege, bør dei teiknast inn i plankartet der dei er opne. Føresegner: Etter ein gjennomgang av føresegnene har administrasjonen nokre kommentarar: Det er lagt inn ein rekkjefylgjeføresegne nr 2a som seier: Det skal tegnast utbyggingsavtale med Vinje kommune før tomter kan frådelast. Kommunen ynskje å ha klar ei utbyggingsavtale før den tid, samstundes med endeleg vedtak av planen. Ein rår til at dette punktet vert teke ut av planen. Vidare ser ein at det er teke inn eit punkt om deling og samanslåing av tomter. Punkt 4.2 d: I område BFF 1-5 er det høve til å slå saman fleire tomter til ei eining, eller å dele ei tomt i fleire einingar. Nokre andre reguleringsplanar i Rauland, mellom anna Holtardalen, har liknande føresegner. Føremålet med punktet er å ha ein fleksibel plan, som kan tilpassast marknaden til ein kvar tid. Planadministrasjonen vil rå i frå dette punktet, både av prinsipielle grunnar og ut i frå erfaring med utbygginga der det er slike føresegner. Ein reguleringsplan er til for å planleggje bruken av eit område, og skal gje eit bilete av korleis det kjem til å sjå ut når det er ferdig utbygd. Ved å ha fleksible føringar som gjer at ei tomt kan verte til 4 eller motsett, vil det heilskaplege bilete stadig vere i endring. Planen vil då ikkje gje den forutsigbarheten den er ment å skulle gje. Erfaringane frå andre stader er at det ofte blir problem med nok grunn til veg, grøfter, byggegrunn, parkering og anna nødvendig infrastruktur. Tilkomst frå veg kan vere ei utfordring. Med «utsett oppmålingsforretning» mister ein kontrollen på tomtegrenser og alt det fører med seg. Dersom føresegnene vert ståande, rår ein til å ta ut planlagde tomtegrenser. Med det vil ein signalisere at tomtestrukturen ikkje ligg fast. Det bør inn meir i føresegner om gjerde og flaggstenger pkt. 4.2 f), td : Det skal ikkje setjast opp gjerde eller flaggstenger i planområdet. Mellom eventuelle verandapillarar kan det gjerdast mot beitedyr. Gjerde til sikring av utsette stadar eller langs hovudvegar kan vurderast av Vinje kommune. Som nemnd i avsnittet om vassdrag, bør det vere rekkjefylgjekrav om at tiltak som skal sikre området mot flaum må vere gjennomført før det vert gitt byggjeløyve i dei ulike delane av utbygginga.
Oppsummering av framlegg til endringar : Plankart : Tomtene 6-4, 6-5, 6-6, 6-7, og 6-9 går ut. Tomtene 0-10, 0-13, 0-14, 0-16. 0-17, 0-19 går ut. Vassdraga teiknast inn i plankartet der dei er opne. Føresegner 2.a) om utbyggingsavtale går ut. 4.2 d) om høve til å slå saman tomter, eller å dele tomter, går ut. 4.2 f) endrast : «Det skal ikkje setjast opp gjerde eller flaggstenger i planområdet. Mellom eventuelle verandapillarar kan det gjerdast mot beitedyr. Gjerde til sikring av utsette stadar eller langs hovudvegar kan vurderast av Vinje kommune.» Rekkjefylgjekrav om at tiltak som skal sikre området mot flaum må vere gjennomført før det vert gitt byggjeløyve i dei ulike delane av utbygginga. Rådmannens framlegg til vedtak: Framlegg til detaljregulering for Vierli H35 vert sendt ut på høyring og lagt ut til offentleg ettersyn i medhald av pbl 12 10, med desse endringane : a. Tomtene 6-4, 6-5, 6-6, 6-7, og 6-9 går ut. b. Tomtene 0-10, 0-13, 0-14, 0-16. 0-17, 0-19 går ut. c. Føresegnenes 4.2 d) om høve til å slå saman tomter, eller å dele tomter, går ut. d. Andre endringar som er nemnde i rådmannens vurdering Rådmannen, 05.12.17 Jan Myrekrok, rådmann /s/ Handsaming i Plan- og miljøutvalet 13.12.2017: Framlegg frå H v. Arne Skogheim: Nytt punkt a) Tomtene 6-4, 6-5, 6-6, 6-7, og 6-9 må utførast med alternativ fundamentering for å unngå store terrenginngrep. Framlegget frå Skogheim blei samrøystes vedteke Rådmannens framlegg til pkt. b) til d) blei samrøystes vedteke
Framlegg til detaljregulering for Vierli H35 vert sendt ut på høyring og lagt ut til offentleg ettersyn i medhald av pbl 12 10, med desse endringane : e. Tomtene 6-4, 6-5, 6-6, 6-7, og 6-9 må utførast med alternativ fundamentering for å unngå store terrenginngrep. f. Tomtene 0-10, 0-13, 0-14, 0-16. 0-17, 0-19 går ut. g. Føresegnenes 4.2 d) om høve til å slå saman tomter, eller å dele tomter, går ut. h. Andre endringar som er nemnde i rådmannens vurdering