Utval Møtedato Utval Saksnr Plan- og miljøutvalet /99

Transkript

1 Vinje kommune Økonomi, plan og utvikling Arkiv saknr: 2012/1378 Løpenr.: 14939/2012 Arkivkode: 50/2 Utval Møtedato Utval Saksnr Plan- og miljøutvalet /99 Sakshandsamar: Lotte Næss Massetak på Kolås - avslutning Vedlegg: 1 Plankart gjeldande plan 2 Driftsplan 3 Vedlegg til driftsplan 4 Framlegg til endra plankart 5 Framlegg til ny avslutningsplan 6 Reguleringsplan for Rue 50/2 (massetak på Kolås) - endring og avslutning 7 Brev frå Olav Rue 8 Brev frå bygdefolk i Kostveit/Tjønnegrend 9 Brev frå Nina Øye og Geir Jåsund Dokument i saka: Reguleringsplan for del av Rue 50/2 vedteken , med driftsplan Plm-sak 12/ Framlegg til endra reguleringsplan, med avslutningsplan Vinje kommune, brev om høring Innkomne merknader Olav Rue Bygdefolket i Kostveit /Tjønnegrend Nina Øye og Geir Jåsund, for Erik Øye, Karianne Øye og Nina Øye Bakgrunn: Massetaket på Kolås blei regulert i reguleringsplan for del av Rue 50/2, vedteken i 2001,

2 med driftsplan, sjå vedlegg 1-3. I 2007 var Bergvesenet på synfaring, i lag med administrasjonen i Vinje kommune og representantar for Vinje Entreprenørservice. Ein vart samde om at det kunne takast ut fjell utanfor reguleringsgrensa, men ikkje mot elva. Det har i år vore fleire synfaringar og møte med plan- og miljøutvalet. I sak 12/70, , gjorde plan- og miljøutvalet dette vedtaket : 1. Massetaket på Kolås skal avsluttast i samsvar med plan vedteke Skråningen skal ikkje ha meir enn 45o stigning. 3. Tiltak utanom planområde i samband med avslutninga må søkjast om. 4. Arbeidet må vera ferdig Det var ny synfaring med plan- og miljøutvalet og representantar for Vinje Entreprenørservice Det vart då semje om at Vinje Entreprenørservice skulle få utarbeidd eit framlegg til endra reguleringsplan med føresegner og avslutningsplan som var realistisk, og som dei kunne leva med. Planendringa kunne vedtakast som ei mindre endring i medhald av plan- og bygningslova 12-14, 2.ledd, etter ei høyring til naboane. Det er no utarbeidd eit slikt framlegg, sjå vedlegg 4 og 5. Som ein ser i avslutningsplanen skal ein føre lausmassar ut over kanten og ned i steinbrotet, slik at det blir ein skråning. Planområdet er utvida, slik at det omfattar areal der ein har teke ut stein utanfor den vedtekne plangrensa, men også areal utanfor brotkanten der ein tenkjer seg å ta ut lausmassar. Framlegget vart sendt på høyring til naboane i brev , med frist for merknader , sjå vedlegg 6. Det har kome inn tre merknader : Olav Rue (eigar av 50/2) Hele området bør tilplantast med skog i samråd med skogbruksledar og næringskontoret, slik den opphavlege driftsplanen seier. Ut over dette meinar han framlegget er rimeleg, det skulle bli dyrt å kjøre masse frå anna hald. (sjå vedlegg 7) Fem naboar/bygdefolk i Kostveit /Tjønnegrend Reguleringsplanen frå 2001 må gjelde. Mellom anna må alle lause blokkar fjernast, skråningar ha maks 45 grader, sålen må vere urørd, terrenget må planerast og det må plantast til med skog, sjå vedlegg 8. Nina Øye og Geir Jåsund, for Erik Øye, Karianne Øye og Nina Øye (eigarar av naboeigedom 44/1 og 44/2).Tolker planene som en måte å omgå den opprinnelige tillatelsen i den hensikt å få maksimal profitt for eier, uten respekt for verken avtalen naboer eller ande brukere av dette og omkringliggende områder. Foreliggende forslag til avslutning vil gi permanente sår og varige følger for miljøet i området og bør derfor ikke aksepteres. (vedlegg 9).

3 Vurdering: Rådmannens kommentar til saksgangen : Rådmannen blei beden om å vera med i plan- og miljøutvalets møte for å svare på kritikk mot den administrative handsaminga av saka. Kritikken gjaldt det at det blei godkjend ein avslutningsplan som ikkje var i tråd med den utvalet hadde vedteke. Rådmannen lovet å drøfta saka med plan- og økonomiavdelinga og gje ei tilbakemelding til utvalet. Reguleringsplanen for massetaket blei vedtatt i 2001 og arbeidet skulle avsluttast i I 2007 var det ei synfaring i massetaket der kommunen og Bergmesteren var med og kor ein blei samde om at det kunne takast ut fjell utanfor reguleringsgrensa i retning mot husa på Rui. Skjæringstoppen mot vegen til Rui kunne sprengast lengre inn dersom det ikkje er for tjukt lag med avdekkingsmasse og det skulle ikkje takast ut meir stein i brotet mot elva. Etter reguleringsplanen er det Bergmesteren som skal godkjenne driftsplanen for massetaket og konklusjonen på denne synfaringa kan oppfattast som ei utviding i ein retning, men ikkje som ei total utviding. Arbeidet blei ikkje ferdig i 2011 og kommunen blei kontakta av drivar våren 2012 med sikte på ei forlenging av arbeidet og ein endeleg avslutningsplan. Plan- og miljøutvalet var på synfaring 29. mai og bad i møtet dagen etter rådmannen kome tilbake med ei sak. Det er notert at utvalet bad Tveito Maskin AS ikkje ta ut meir masse før saka var handsama på nytt og at firmaet kjem med ein avslutningsplan som er i tråd med driftsplanen, alternativt med bergvesenets forslag. Tveito Maskin protesterte på dette dagen etter og viste til at avslutninga var planlagd saman med planavdelinga i kommunen og Bergmesteren. Administrasjonen sendte dagen etter ein ny epost til Tveito Maskin kor administrasjonen meinte at planane for avslutning var i tråd med det ein tidlegare er blitt samde om. Leiar i planutvalet reagerte på denne eposten og meinte den var i strid med vedtaket i utvalet. Rådmannen vil ikkje gå ytterlegare inn i detaljer i saksgongen, men vil understreke at det ikkje har vore administrasjonens meining å overstyre eit politisk utval i denne saka sjølv om det lett kan oppfattast slik. Men rådmannen ser at referatet frå synfaringa i 2007 skulle vore lagt fram for plan- og miljøutvalet. Då kunne utvalet gjeve føringar for korleis ein ynskte avslutninga av massetaket. Det er store utbyggingar som går føre seg i Vinje kommune og administrasjonen legg vekt på å ha eit ryddig tilhøve til utbyggarane. Det er ikkje alltid lett å fylgje opp alle utbyggingane like godt og det har vore døme på at det har skjedd gleppar. Dette er ikkje nokon orsaking, men ei forklaring. I denne saka heng administrasjonens handlemåte saman med at utbyggar hadde innretta seg etter dei planane som blei lagt året før. Rådmannen vil ikkje gå inn på kva for økonomiske konsekvensar dei ulike vedtaka kunne fått for utbyggar det blir uansett berre spekulasjonar. Men det er viktig at kommunen har ein strukturert haldning til utbyggarane. Rådmannen vil skjerpe inn at avvik frå vedtekne planar må meldast inn for plan- og miljøutvalet når dei blir oppdaga og vil seie seg lei for at politikarane har oppfatta det slik at administrasjonen her aktivt har overstyrt plan- og miljøutvalet. Rådmannen viser elles til saksframstillinga her og vonar at saka nå kan få ein ryddig avslutning.

4 Vurdering av planframlegget : Ein bør søke å finne ei løysing som er realistisk og gjennomførbar, samstundes som den inneber ein rimeleg balanse mellom omsynet til driftsselskapet og omsynet til omgjevnadene tryggleik og miljø/utsjånad. Det er ikkje sikkert det er så veldig stor skilnad mellom framlegget som er sendt ut og framlegget frå Olav Rue og bygdefolket. Det er mogleg å fylle opp meir enn framlegget seier, men dersom ein må kjøre inn ny masse utanfrå vil det koste. Rådmannen rår til å godta framlegget til endring av reguleringsplan og avslutningsplan som er utarbeidd av Vinje Entreprenørservice og lagt ut på høyring. Rådmannens framlegg til vedtak: Reguleringsplan for del av Rue 50/2 vert endra i medhald av pbl 12-14, 2.ledd, slik det er gjort framlegg om og lagt ut på høyring. Rådmannen, Hans Kristian Lehmann, rådmann /s/ Handsaming i Plan- og miljøutvalet : Framlegg frå plan- og miljøutvalet: Plan- og miljøutvalet avviser rådmannens framlegg til vedtak. Plan- og miljøutvalet vedtek å endre reguleringsplan for del av Rue 50/2 i medhald av plan og bygningslova 12 14, 2.ledd. Massetaket skal avsluttast i tråd med desse punkta: 1. Alt av lause blokkar må fjernast, takast ned. 2. Masse lagt opp på vestsida mot Kostveitvegen tilbakeføras til skråning på 45 grader. 3. Masse til utfylling på nordsida takast av attståande morenerygg til skråning på 45 grader. 4. På austsida ligg det store haugar med lausmasse. Dette førast tilbake til den stupbratte skjeringa som er utført uløyves, med skråning tilnærma 45 grader. 5. Steinmasser som ligg søraust i feltet må fyllast tilbake innerst i steinbrotet. 6. Sålen inst i masssetaket skal fylgje høgdekote 668, og må ha svakt fall ut mot grøft/veg. 7. Terrenget må planerast og det må plantast til med skog som grunneigar krev. 8. Maks skjeringshøgde frå topp til skråning er 3m. Ein legg til grunn at entreprenør fylgjer gjeldande lovar og forskrifter med omsyn til sikring av kant etc. Skråning på 45 grader. 9. Arbeidet må vera avslutta innan Framlegget frå plan- og miljøutvalet blei samrøystes vedteke. Plan- og miljøutvalet avviser rådmannens framlegg til vedtak. Plan- og miljøutvalet vedtek å endre reguleringsplan for del av Rue 50/2 i medhald av plan og bygningslova 12 14, 2.ledd. Massetaket skal avsluttast i tråd med desse punkta: 1. Alt av lause blokkar må fjernast, takast ned. 2. Masse lagt opp på vestsida mot Kostveitvegen tilbakeføras til skråning på 45 grader. 3. Masse til utfylling på nordsida takast av attståande morenerygg til skråning på 45 grader. 4. På austsida ligg det store haugar med lausmasse. Dette førast tilbake til den stupbratte

5 skjeringa som er utført uløyves, med skråning tilnærma 45 grader. 5. Steinmasser som ligg søraust i feltet må fyllast tilbake innerst i steinbrotet. 6. Sålen inst i masssetaket skal fylgje høgdekote 668, og må ha svakt fall ut mot grøft/veg. 7. Terrenget må planerast og det må plantast til med skog som grunneigar krev. 8. Maks skjeringshøgde frå topp til skråning er 3m. Ein legg til grunn at entreprenør fylgjer gjeldande lovar og forskrifter med omsyn til sikring av kant etc. Skråning på 45 grader. 9. Arbeidet må vera avslutta innan